Një incident i rëndë ndodhi në kompleksin tregtar Storo Storsenter në Oslo, ku një 19-vjeçar u arrestua pasi qëlloi me armë zjarri brenda ambienteve të qendrës.
Fatmirësisht, autoritetet konfirmuan se nga ngjarja nuk pati persona të lënduar.
Sipas policisë norvegjeze, operacioni nisi pas një telefonate ku një burrë njoftonte se ndodhej në qendër i armatosur. Ndërsa patrullat po i afroheshin vendngjarjes, shërbimet emergjente morën disa raportime për një të shtënë.
Forcat policore ndërhynë me shpejtësi, identifikuan dhe vunë në pranga 19-vjeçarin. Gjatë kontrollit u sekuestrua arma e përdorur — një pushkë gjuetie — me të cilën ai kishte qëlluar në tavanin e hapësirës së përbashkët në katin e dytë.
Qendra tregtare u evakuua për arsye sigurie dhe më pas u rihap pasi u konsiderua e sigurt.
Tag: tregtare
-
Tronditëse, 19-vjeçari qëllon me armë brenda një qendre tregtare në…/ Policia zbulon detajet e para të ngjarjes
-
Të shtëna me armë në Oslo, policia arreston të dyshuarin
Një incident me të shtëna u regjistrua të hënën në qendrën tregtare më të madhe të Oslos, Stor Storsenter, kur një burrë hyri brenda me një pistoletë, njoftoi transmetuesi lokal NRK.
Policia reagoi menjëherë dhe shërbimet e emergjencës mbërritën në vendngjarje. Qendra tregtare u evakua menjëherë për të siguruar qytetarët.“Rezulton se është hapur zjarr me armë. Autor i krimit është arrestuar dhe ndodhet në paraburgim,” tha Tor Grottum nga policia e Oslos.
Deri më tani nuk ka raportime për persona të lënduar, ndërsa hetimet vazhdojnë për të përcaktuar motivin e ngjarjes.
“Nuk dyshojmë për autorë të shumtë, por po kryejmë kontrolle të gjera. Për momentin, flasim vetëm për një të dyshuar,” shtoi Grottum.
Policia ka kërkuar bashkëpunim nga qytetarët për çdo informacion që mund të ndihmojë në hetimin e incidentit. Ndërkohë, qendra tregtare mbetet e mbyllur deri në përfundimin e kontrolleve dhe verifikimeve të sigurisë. -
Macron paralajmëron Kinën: Tarifa nëse nuk ndryshon qasjen tregtare
Presidenti i Francës, Emmanuel Macron e ka përmendur mundësinë e kundërmasave kundër Kinës, nëse ajo nuk e ndryshon qasjen në politikat tregtare.
Ai i ka bërë këto deklarata në një intervistë për të përditshmen franceze, Les Echos, pas një vizite treditore në Kinë.
“Po përpiqem t’ia sqaroj Kinës se suficiti i tyre tregtar nuk është i qëndrueshëm, dhe se ai vend është në procesin e vrasjes së konsumatorëve të vet, veçanërisht duke mos importuar më shumë nga ne”, ka thënë Macron.
“U kam thënë që nëse nuk përgjigjen, ne evropianët do të detyrohemi që në muajt e ardhshëm të marrim masa të fuqishme dhe ta ulim shkallën e bashkëpunimit, duke ndjekur shembullin e Shteteve të Bashkuara, duke vendosur tarifa në produktet kineze”.
Kina është partneri tregtar më i rëndësishëm i Francës në Azi, megjithatë ekonomia ruse është në deficit të madh tregtar me Kinën, sepse importet tejkalojnë dukshëm eksportet.
Më 2024, deficiti tregtar ka arritur në mbi 46 miliardë euro. Për Bashkimin Evropian në tërësi, deficiti tregtar shkon në mbi 300 miliardë.
Kërkesa e vogël kineze është problematike për kompanitë gjermane, franceze dhe të vendeve tjera të bllokut evropian, derisa Kina vazhdon të shesë sasi të mëdha mallrash në BE, edhe për shkak të përplasjeve tregtare me Shtetet e Bashkuara.
Presidenti francez ka thënë se përplasja tregtare SHBA-Kinë e ka lënë Evropën në mes, duke ia rrezikuar industrinë e vet.
“Ne jemi bërë treg i përshtatjes dhe ky është skenari më i keq”, ka thënë ai.
Macron i ka bërë thirrje Kinës të konsumojë më shumë nga jashtë dhe ta hapë tregun e brendshëm.
“Kompanitë kineze duhet të vijnë në Evropë, ashtu siç kanë bërë grupi i energjisë EDF dhe prodhuesi i aeroplanëve Airbus 25 vjet më parë me prezencë në Kinë, për të ndërtuar tregje të shitjes në kontinent. Ne jemi të vetëdijshëm që ata janë shumë të mirë në fusha të caktuara, mirëpo nuk mund të importojmë përjetësisht”, ka thënë presidenti francez.
Sipas Les Echos, ai ka qenë duke iu referuar sektorit të baterive, makinave elektrike dhe procesimit të litiumit.
“Investimet kineze në Evropë nuk duhet të jenë grabitqare”, i ka thënë ai gazetës, duke theksuar se Pekini nuk duhet ta ketë synim krijimin e varësive.
Në të njëjtën kohë, sipas Macronit, Evropa duhet ta rrisë konkurrueshmërinë, të investojë në inovacion dhe të thellojë tregun e përbashkët./RELTop Channel
-
Tragjedi në det/ Përmbytet varka plot me emigrantë, raportohet për 18 të vdekur
Të paktën 18 emigrantë që përpiqeshin të kalonin Detin Mesdhe, humbën jetën pasi varka e tyre u fundos në jug të ishullit të Kretës.
Varka u gjet nga një anije tregtare turke që po kalonte, thanë autoritetet.
Dy të mbijetuar u shpëtuan dhe një operacion shpëtimi për të gjetur njerëz të tjerë po vazhdon.
Greqia është një pikë hyrëse kryesore në Bashkimin Evropian për njerëzit që ikin nga konflikti dhe varfëria në Lindjen e Mesme, Afrikë dhe Azi dhe aksidentet fatale janë një dukuri e zakonshme.
Udhëtimi i shkurtër por i rrezikshëm nga bregu i Turqisë në ishujt grekë të afërt me gomone ose varka të vogla, shpesh në kushte të këqija, dikur ishte rruga kryesore derisa patrullimet e shtuara dhe kthimet e dyshuara ulën rastet.
Autoritetet ende nuk kanë përcaktuar se nga vinte varka. Një anije dhe një aeroplan nga agjencia evropiane kufitare Frontex, një helikopter i Rojës Bregdetare Greke dhe tre anije tregtare po marrin pjesë në operacionin e kërkimit. -
Shkencëtarët: Shpërthimi vullkanik në vitin 1345 mund të ketë shkaktuar Murtajën e Zezë
Një shpërthim vullkanik i ndodhur rreth vitit 1345 mund të ketë qenë shkaku fillestar i zinxhirit të ngjarjeve që solli Murtajën e Zezë në Evropë, pandeminë më vdekjeprurëse në historinë e kontinentit. Në këtë përfundim kanë dalë studiues nga Universiteti i Kembrixhit dhe Instituti Leibniz për Historinë dhe Kulturën e Evropës Lindore (GWZO), të cilët kanë analizuar të dhënat e ruajtura në unazat e pemëve dhe në bërthamat e akullit.
Sipas kërkuesve, shpërthimi vullkanik shkaktoi një “tronditje klimatike” duke ulur ndjeshëm temperaturat për vite me radhë, pasojë e lirimit në atmosferë të sasive të mëdha të hirit dhe gazrave që bllokuan rrezet e diellit. Rënia e temperaturave solli dështimin e të korrave në Mesdhe, duke e detyruar qytetet-shtet italiane të importonin drithë nga rajoni i Detit të Zi.
Pikërisht përmes kësaj lëvizjeje të detyruar tregtare, në Evropë dyshohet se mbërritën pleshta bartës të bakteries Yersinia pestis, e cila shkaktoi pandeminë që në vitet 1348–49 vrau deri në gjysmën e popullsisë së kontinentit. Studiuesit e përshkruajnë këtë situatë si një “stuhi të përsosur” ku u ndërthurën ndryshimet klimatike, kriza ushqimore dhe lëvizjet tregtare afatgjata.
“Ndërthurja e faktorëve që çuan në Murtajën e Zezë duket e rrallë, por rreziku i shfaqjes së sëmundjeve në kushtet e ndryshimeve klimatike dhe shndërrimit të tyre në pandemia ka të ngjarë të rritet në një botë të globalizuar”, deklaron Dr. Ulf Büntgen nga Universiteti i Kembrixhit. Ai thekson se kjo është një paralajmërim i rëndësishëm, sidomos pas përvojave të fundit me Covid-19.
Historiani i klimës mesjetare, Dr. Martin Bauch nga GWZO, thekson se qytetet italiane kishin zhvilluar prej më shumë se një shekulli rrjete të gjera tregtare mes Mesdheut dhe Detit të Zi, për të garantuar sigurinë ushqimore. “Por, në fund, këto rrjete çuan pa dashje drejt një katastrofe shumë më të madhe”, tha ai.
Sipas studiuesve, këto zbulime hedhin dritë mbi mënyrën se si faktorët natyrorë dhe ekonomikë mund të ndërthuren për të krijuar kushte të favorshme për përhapjen e pandemive, një paralajmërim i vlefshëm edhe për realitetin e sotëm global.
-
Erdogan: Sulmet ndaj anijeve tregtare në Detin e Zi, të papranueshme
Presidenti turk, Recep Tayyip Erdogan, i quajti të papranueshme sulmet ndaj anijeve tregtare në Detin e Zi.
Erdogan bëri një paralajmërim për të gjitha palët e përfshira pasi një dron thuhet se goditi një anije cisternë në brigjet veriore të Turqisë.
“Lufta midis Rusisë dhe Ukrainës ka filluar qartë të kërcënojë sigurinë e lundrimit në Detin e Zi”, tha Erdogan.“Këto sulme nuk janë në asnjë mënyrë të justifikuara. Ne po lëshojmë paralajmërimet e nevojshme për të gjitha palët e përfshira në lidhje me incidente të tilla”, shtoi ai.
-
Kush është 42-vjeçari shqiptar që bëri ‘kërdinë’ në Evropë/Hapi kasafortën me stetoskop, grabiti 1.2 mln euro bizhuteri
Policia e Spanjës arrestoi një shqiptar të dyshuar për vjedhjen e një argjendarie në një qendër tregtare në Madrid. Ai mori bizhuteri me vlerë 1.2 milionë euro. Mediat spanjolle shkruajnë se bëhet fjalë për një grabitës të famshëm, inteligjent, por edhe të frikshëm Shamir Hoxha, shqiptar, 42-vjeç. I arrestuar nga Policia Kombëtare e Spanjës më 22 tetor 2025.
Në momentin e arrestimit mbante në qafë një nga bizhuteritë e vjedhura dhe rreth 3.000 euro në para të thata. Vjedhja ndodhi më 28 prill 2025, gjatë një ndërprerjeje masive të energjisë që preku një pjesë të madhe të Spanjës, duke lënë pa energji dyqanet dhe sistemet e sigurisë.
Ky kaos e lehtësoi zbatimin e planit, pasi qendra tregtare Plaza Norte 2, në San Sebastián de los Reyes (Madrid), ishte bosh dhe masat elektronike të mbrojtjes nuk funksiononin. Hoxha e planifikoi grabitjen me saktësi, duke shfrytëzuar ndërprerjen e energjisë për të çaktivizuar alarmet, bravat elektronike dhe sistemet kundër vjedhjes të vitrinave.
Grabitja zgjati vetëm 4 minuta, sipas pamjeve të kamerave të sigurisë. Ja përshkrimi hap pas hapi se si e kreu:
U ngjit në çatinë e jashtme të qendrës tregtare dhe bëri prerje në çati pikërisht sipër argjendarisë José Luis, duke krijuar një vrimë për hyrje. Depërtimi i brendshëm: Pasi hyri në pjesën e brendshme, hoqi pllakat e gipsit për të arritur në një korridor teknik që lidh dyqanet. Prej andej, bëri vrima të tjera në mure për të arritur direkt në ambientin e pasmë të argjendarisë.Zbriti nga tavani deri në dysheme. Hapi xhamat e vitrinave me një kaçavidë të thjeshtë, pasi bravat elektronike nuk funksiononin për shkak të mungesës së energjisë. Zbrazi të gjitha vitrinat, duke marrë 2.200 bizhuteri, përfshirë një koleksion ekskluziv ari të bardhë me diamante. Plaçkën, me vlerë mbi 1 milion euro, e futi në një çantë shpine.
Doli në këmbë nga qendra tregtare (kishte parkuar makinën e tij të dorës së dytë, të blerë muaj më parë, larg kamerave). Të nesërmen iku në Rumani, ku braktisi automjetin. Policia e gjurmoi falë kësaj makine dhe hyrje-daljeve të shumta në Spanjë gjatë muajve vijues.
Si u kap?
Policia Kombëtare e Spanjës nisi një hetim të thelluar pas grabitjes, duke analizuar pamjet nga kamerat e sigurisë së Plaza Norte 2, të cilat regjistruan gjithë ngjarjen në 4 minuta. Edhe pse ndërprerja e energjisë çaktivizoi shumë sisteme, kamerat rezervë kapën lëvizje të dyshimta.Agjentët gjurmuan një makinë të dorës së dytë (e parkuar larg për të shmangur zbulimin), të cilën Hoxha e kishte blerë disa muaj para grabitjes.
Kjo makinë ishte kyçe: ai e braktisi në Rumani një ditë pas grabitjes, por targa dhe lëvizjet e saj të regjistruara e lidhën direkt me krimin. Në bashkëpunim ndërkombëtar me autoritetet rumune dhe shqiptare, policia monitoroi lëvizjet e tij ndërkufitare për 6 muaj.Më 22 tetor 2025, Hoxha u lokalizua dhe arrestua në Madrid nga agjentë civilë. Në atë moment mbante në qafë një nga bizhuteritë e vjedhura (një copë ari të bardhë me diamante) dhe rreth 3.000 euro të pajustifikuara.
Menjëherë më pas, gjykatësi urdhëroi paraburgimin e tij në burgun Soto del Real, ku ndodhet në pritje të gjykimit. Deri më tani, vetëm ajo bizhuteri është gjetur; pjesa tjetër e plaçkës, me vlerë mbi 1 milion euro, vazhdon të jetë e zhdukur, edhe pse policia beson se një pjesë është shitur në tregun e zi të Evropës Lindore.
Kush është Shamiri: profili i një grabitësi të zgjuarShamir Hoxha është i njohur prej vitesh për forcat policore të Europës. Me origjinë nga Tirana, Shqipëri, ai ka kaluar vite duke lëvizur mes Spanjës, Italisë dhe Francës, gjithmonë i përfshirë në krime ekonomike të rënda.Dosja e tij përfshin grabitje bankash, trafik bizhuterish dhe mashtrime të sofistikuara ndaj kompanive teknologjike. Në moshën 39-vjeçare, pamja e tij nuk bie shumë në sy, por fama si individ tepër inteligjent dhe metodik e paraprin.
Disa anekdota rreth karrierës së tij kriminale janë përhapur në media dhe rrjete sociale:Në vitin 2021, thuhet se arriti të hapte një kasafortë në Milano duke përdorur vetëm një stetoskop dhe një elektrik dore. Në Paris, në vitin 2023, la një shënim në murin e një argjendarie të grabitur: “Marr vetëm atë që siguracioni e kthen mbrapsht”. Flet pesë gjuhë dhe zakonisht e ndryshon identitetin çdo gjashtë muaj. Të njohurit e tij thonë se kurrë nuk përdor armë; ai preferon lëvizjet e heshtura përpara dhunës.
Si u krye grabitja:
Hetimi tregoi se Shamiri kishte studiuar për javë të tëra infrastrukturën e Plaza Norte. Ndërprerja e energjisë, e shkaktuar nga një defekt në rrjetin kryesor elektrik, la gjithë zonën tregtare pa kamera dhe sensorë.
Grabitësi përdori një gjenerator të vogël portativ për ndriçim dhe pajisje të specializuara për të hapur derën e kasafortës pa shkaktuar dëmtime të dukshme. Agjentët e Njësisë së Krimeve të Veçanta arritën të gjurmonin lëvizjet e tij falë pamjeve të kamerave të jashtme dhe gjurmëve të gishtërinjve të gjetura në një kuti veglash.
Arrestimi u krye në periferi të Madridit, ku Shamiri po përgatiste arratisjen me një makinë me targa të falsifikuara. Deri tani, policia ka rikuperuar rreth 800.000 euro në para dhe bizhuteri; megjithatë, një pjesë e bizhuterive vazhdon të mungojë.
Shefi i komisariatit ka pranuar publikisht se “planifikimi dhe ekzekutimi i grabitjes tregojnë një nivel të pazakontë profesionalizmi brenda krimit të organizuar”. -
FMN akuzon Bankën e Shqipërisë: Po rrezikon stabilitetin financiar për të nxitur kreditë e infrastrukturës
Misioni i Fondit Monetar Ndërkombëtar (FMN) ka kritikuar vendimin e Bankës së Shqipërisë për lehtësimin e kredive që do të jepen për financimin e projekteve strategjike në infrastrukturë.
Në deklaratën përmbyllëse të misionit të FMN në Shqipëri, thuhet se lehtësimet e fundit në nivelet e rrezikut në kuadër të mjaftueshmërisë së kapitalit dhe ekspozimeve të mëdha të bankave për kreditë që mbështesin infrastrukturën strategjike të transportit nuk janë plotësisht në përputhje me standardet ndërkombëtare dhe duhet të rishqyrtohen, pasi rregullimet prudenciale duhet të bazohen në rrezik dhe të mos përdoren për të nxitur huadhënien në sektorë specifikë.
Në muajin korrik të këtij viti, Këshilli Mbikëqyrës i Bankës së Shqipërisë miratoi disa ndryshime rregullatore, që lehtësojnë dhënien e kredive nga bankat tregtare për projektet strategjike në infrastrukturë. Ndryshimet ishin propozuar nga Shoqata Shqiptare të Bankave dhe kanë gjetur dakordësinë e Bankës Qendrore.
Sipas rregullores, projekte në infrastruktura strategjike të transportit do të konsiderohen financimet e projekteve në formën e ndërtimit të një infrastrukture të re ose të një infrastrukture ekzistuese, në fushat e transportit rrugor dhe të infrastrukturës portuale dhe aeroportuale dhe ku shoqëria tregtare ka një kontratë ose marrëveshje me institucionin shtetëror përkatës.
Bankat do të ponderojnë ekspozimet ndaj shoqërive tregtare që financojnë projekte në infrastruktura strategjike transporti, me peshën e rrezikut 50% (më parë këto kredi ponderoheshin me peshë rreziku 100%), nëse plotësohen kushtet e parashikuara në rregullore.
Një veprim i tillë e bën më pak të kushtueshme dhënien e kredive të këtij lloji në terma të kapitalizimit dhe zgjeron hapësirat e bankave për të financuar projekte të këtij lloji.
Në përgjithësi, kreditë për projektet e infrastrukturës rrugore prekin shifra të mëdha, ndaj kanë edhe një ndikim të rëndësishëm mbi raportin e mjaftueshmërisë së kapitalit, që mat raportin mes aktiveve me rrezik kundrejt kapitalit rregullator.
Në rregulloren “Për raportin e mjaftueshmërisë së kapitalit, është shtuar një nen i ri, që përcakton se bankat identifikojnë në mënyrë të veçuar nga klasa e ekspozimeve ndaj shoqërive tregtare, ekspozimet ndaj shoqërive tregtare që financojnë projekte në infrastruktura strategjike transporti të cilat plotësojnë disa kushte specifike. Rregullorja e ndryshuar vendos si kusht që përfitues fundor i projektit të financuar të jetë qeveria shqiptare.
Kredia duhet të ketë një afat maturimi deri në 10 vjet dhe kontrata e kredisë për ekspozimin në fjalë duhet t’i sigurojë bankës një nivel të lartë kontrolli mbi aktivet e projektit dhe të ardhurat që gjenerohen prej tij.
Gjithashtu, burimi i shlyerjes së kredisë duhet të përbëhet minimalisht në masën dy të tretat nga të ardhurat që gjenerohen nga projekti i financuar. Kriter tjetër është aftësia e vlerësuar e huamarrësit për të përmbushur detyrimet e tij financiare, edhe në kushte të theksuara stresi që lidhen me rrezikun e projektit të financuar.
Parashikimet rregullores së re do të zbatohen për të gjitha ekspozimet ndaj shoqërive tregtare që financojnë projekte në infrastruktura strategjike transporti, që do të krijohen deri më 31 dhjetor 2026 dhe do të jenë të zbatueshme deri në afatin e miratuar të financimit, që në çdo rast nuk duhet të jetë më i gjatë 10 vjet.
Për të njëjtin qëllim, Banka e Shqipërisë ka miratuar disa ndryshime edhe në rregulloren “Për administrimin e rrezikut nga ekspozimet e mëdha të bankave”.
Në këtë rregullore, është shtuar një dispozitë që parashikon se bankat, në llogaritjen e ekspozimeve maksimale të lejueshme përjashtojnë, mes të tjerash, edhe ekspozimet, me jo më shumë se 50% të vlerës së tyre, ndaj shoqërive tregtare që financojnë projekte në infrastruktura strategjike transporti./ Monitor
-
FMN kritikon masat e BSH që lehtësojnë kreditimin e PPP-ve në infrastrukturë
Misioni i Fondit Monetar Ndërkombëtar (FMN) ka kritikuar vendimin e Bankës së Shqipërisë për lehtësimin e kredive që do të jepen për financimin e projekteve strategjike në infrastrukturë.
Në deklaratën përmbyllëse të misionit të FMN në Shqipëri, thuhet se lehtësimet e fundit në nivelet e rrezikut në kuadër të mjaftueshmërisë së kapitalit dhe ekspozimeve të mëdha të bankave për kreditë që mbështesin infrastrukturën strategjike të transportit nuk janë plotësisht në përputhje me standardet ndërkombëtare dhe duhet të rishqyrtohen, pasi rregullimet prudenciale duhet të bazohen në rrezik dhe të mos përdoren për të nxitur huadhënien në sektorë specifikë.
Në muajin korrik të këtij viti, Këshilli Mbikëqyrës i Bankës së Shqipërisë miratoi disa ndryshime rregullatore, që lehtësojnë dhënien e kredive nga bankat tregtare për projektet strategjike në infrastrukturë. Ndryshimet ishin propozuar nga Shoqata Shqiptare të Bankave dhe kanë gjetur dakordësinë e Bankës Qendrore.
Sipas rregullores, projekte në infrastruktura strategjike të transportit do të konsiderohen financimet e projekteve në formën e ndërtimit të një infrastrukture të re ose të një infrastrukture ekzistuese, në fushat e transportit rrugor dhe të infrastrukturës portuale dhe aeroportuale dhe ku shoqëria tregtare ka një kontratë ose marrëveshje me institucionin shtetëror përkatës.
Bankat do të ponderojnë ekspozimet ndaj shoqërive tregtare që financojnë projekte në infrastruktura strategjike transporti, me peshën e rrezikut 50% (më parë këto kredi ponderoheshin me peshë rreziku 100%), nëse plotësohen kushtet e parashikuara në rregullore.
Një veprim i tillë e bën më pak të kushtueshme dhënien e kredive të këtij lloji në terma të kapitalizimit dhe zgjeron hapësirat e bankave për të financuar projekte të këtij lloji.
Në përgjithësi, kreditë për projektet e infrastrukturës rrugore prekin shifra të mëdha, ndaj kanë edhe një ndikim të rëndësishëm mbi raportin e mjaftueshmërisë së kapitalit, që mat raportin mes aktiveve me rrezik kundrejt kapitalit rregullator.
Në rregulloren “Për raportin e mjaftueshmërisë së kapitalit, është shtuar një nen i ri, që përcakton se bankat identifikojnë në mënyrë të veçuar nga klasa e ekspozimeve ndaj shoqërive tregtare, ekspozimet ndaj shoqërive tregtare që financojnë projekte në infrastruktura strategjike transporti të cilat plotësojnë disa kushte specifike. Rregullorja e ndryshuar vendos si kusht që përfitues fundor i projektit të financuar të jetë qeveria shqiptare.
Kredia duhet të ketë një afat maturimi deri në 10 vjet dhe kontrata e kredisë për ekspozimin në fjalë duhet t’i sigurojë bankës një nivel të lartë kontrolli mbi aktivet e projektit dhe të ardhurat që gjenerohen prej tij.
Gjithashtu, burimi i shlyerjes së kredisë duhet të përbëhet minimalisht në masën dy të tretat nga të ardhurat që gjenerohen nga projekti i financuar. Kriter tjetër është aftësia e vlerësuar e huamarrësit për të përmbushur detyrimet e tij financiare, edhe në kushte të theksuara stresi që lidhen me rrezikun e projektit të financuar.
Parashikimet rregullores së re do të zbatohen për të gjitha ekspozimet ndaj shoqërive tregtare që financojnë projekte në infrastruktura strategjike transporti, që do të krijohen deri më 31 dhjetor 2026 dhe do të jenë të zbatueshme deri në afatin e miratuar të financimit, që në çdo rast nuk duhet të jetë më i gjatë 10 vjet.
Për të njëjtin qëllim, Banka e Shqipërisë ka miratuar disa ndryshime edhe në rregulloren “Për administrimin e rrezikut nga ekspozimet e mëdha të bankave”.
Në këtë rregullore, është shtuar një dispozitë që parashikon se bankat, në llogaritjen e ekspozimeve maksimale të lejueshme përjashtojnë, mes të tjerash, edhe ekspozimet, me jo më shumë se 50% të vlerës së tyre, ndaj shoqërive tregtare që financojnë projekte në infrastruktura strategjike transporti./ Monitor
-
Të shtëna me armë pranë qendrës tregtare në Fier, dyshohet për konflikt mes dy personash
Një ngjarje e rëndë ka tronditur qytetin e Fierit pas disa të shtëna me armë zjarri pranë qendrës tregtare ETC, dyshohet se shkaktare ka qenë një konflikt mes dy personave. Forcat e policisë kanë mbërritur menjëherë në vendngjarje dhe kanë blinduar zonën për të kontrolluar situatën.
Policia ka shpërndarë një njoftim zyrtar në lidhje me ngjarjen e ndodhur pak më parë në Fier, ku të shtëna me armë zjarri u regjistruan pranë një qendre tregtare.
Blutë bëjnë me dije se janë identifikuar personat e përfshirë në konflikt, bëhet fjalë për shtetasit Romeo Çako dhe Mariglen Sinaj.
Fier/Informacion paraprak
Rreth orës 21:30, në një lokal në lagjen “8 Shkurti”, dyshohet se pas një konflikti midis shtetasit R. Ç., 33 vjeç, dhe shtetasit M. S., shtetasi R. Ç. ka qëlluar me armë zjarri në dyshemenë e lokalit. Shërbimet e Policisë vijojnë kontrollin në zonë për kapjen dhe shoqërimin e dy personave të përfshirë në konflikt.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes