Lajmidites.com

Tag: tregon

  • “Më thanë hajde qaj në emision”, Lloshi tregon ftesën që i erdhi pas vdekjes së Shpat Kasapit

    “Më thanë hajde qaj në emision”, Lloshi tregon ftesën që i erdhi pas vdekjes së Shpat Kasapit

  • A ke marrë oferta nga Rama? Ja si përgjigjet Dash Sula

    A ke marrë oferta nga Rama? Ja si përgjigjet Dash Sula

    Ish-deputeti, Dashnor Sula, theksoi se ka marrë disa oferta nga kryeministri Edi Rama.

    Ai tha se ky veprim i Ramës tregon që është me i përparuar në mentalitet se kreu i PD-së Sali Berisha.

    “Kam marrë disa oferta për të kontribuuar në shtetin shqiptar. Unë kam vendosur që me ofertat që më bën kundërshtari im politik, Edi Rama, tregon që ka mentalitet më të përparuar dhe jo primitiv, ne kemi mbajtur gjallë PD dhe na përzuri nga shtëpia, ndërsa kundërshtari politik të fton për t’u bërë pjesë e institucioneve të shtetit shqiptar.”, tha Sula.

  • Rrëmuja në shtëpi mund të zbulojë më shumë sesa duket: Psikologët shpjegojnë çfarë fshihet pas çorganizimit

    Rrëmuja në shtëpi mund të zbulojë më shumë sesa duket: Psikologët shpjegojnë çfarë fshihet pas çorganizimit

    Nëse kuzhina është e mbushur me enë të palara, banjoja ka papastërti të mbledhura dhe mbeturinat nuk janë hedhur prej ditësh, kjo tregon se pastrimi nuk është përparësi. Psikologët theksojnë se çrregullimi në shtëpi nuk lidhet vetëm me zakonet, por shpesh pasqyron gjendjen emocionale dhe mendore të një personi.

    Sipas Analizës Transaksionale, mjedisi ku jetojmë është një pasqyrim i gjendjes sonë të brendshme. Studimet e Shoqatës Amerikane të Psikologjisë tregojnë se rrëmuja rrit stresin dhe nivelet e kortizolit, duke sinjalizuar vështirësi në menaxhimin e emocioneve dhe motivimit.

    Kur shtëpia duket e rregullt vetëm në sipërfaqe, ndërsa rrëmuja fshihet në dollapë, qilarë apo sirtarë, kjo shpesh lidhet me dëshirën për të ruajtur një imazh të mirë përballë të tjerëve. Studiuesit e lidhin këtë sjellje me perfeksionizmin dhe frikën nga gjykimi.

    Mosriparimi i sendeve të prishura tregon një prirje për të shtyrë detyrimet dhe për të shmangur zgjidhjen e problemeve të përditshme. Sipas psikologëve, ky është një stil pasiv përballimi, ku personi shpreson se gjërat do të rregullohen vetë.

    Një tavolinë e çrregullt mund të jetë shenjë impulsiviteti, por mund të tregojë edhe kreativitet të lartë. Studimet e Universitetit të Minesotës tregojnë se personat që punojnë në një ambient kaotik shpesh arrijnë rezultate më të mira në teste të kreativitetit, për sa kohë që ata janë në gjendje të orientohen në atë çrregullim.

    Shporta e rrobave të palara dhe koshi i plehrave që mbushen vazhdimisht lidhen me zvarritjen kronike. Psikologët shpjegojnë se kjo shpesh ndodh për shkak të ankthit, vetëvlerësimit të ulët ose vështirësive në përqendrim.

    Një hyrje banese pa mobilje, pa dekorime dhe pa sende personale tregon mungesë lidhjeje emocionale me shtëpinë. Ekspertët e Klinikës së Klivlendit thonë se kjo lidhet me vetmi, pasiguri dhe vështirësi për të krijuar ndjenjë përkatësie në hapësirën ku jeton.

    Kuzhina është ndër vendet e para ku vërehet rënia e energjisë dhe motivimit. Sipas Institutit Kombëtar të Shëndetit Mendor, papastërtia dhe moskujdesi i përgjithshëm në kuzhinë janë shenja të hershme të depresionit, sepse personi humbet forcën për të kryer edhe detyra të thjeshta të përditshme.

    E njëjta gjë ndodh edhe me banjon. Kjo dhomë zakonisht mbahet e pastër edhe nga persona më pak të rregullt. Kur lihet pas dore dhe mbledh papastërti, kjo shpesh tregon lodhje mendore, stres afatgjatë ose shenja të sindromës së “burnout”.

    Rrëmuja ekstreme dhe grumbullimi i tepërt i sendeve janë shenja të një çrregullimi të njohur psikologjik, i përfshirë në DSM-5. Personi ka vështirësi serioze të heqë sendet, edhe kur ato nuk kanë vlerë, dhe përjeton ankth të fortë kur tenton t’i largojë.

    Edhe ana e kundërt, rendi i tepruar dhe ndjeshmëria e ekzagjeruar ndaj çdo rrëmuje të vogël, mund të tregojnë çrregullim obsesiv-kompulsiv. Kjo sjellje lidhet me nevojën për kontroll total dhe me menaxhimin e ankthit të brendshëm.

    Studimet e Universitetit të Kalifornisë tregojnë se rrëmuja ndikon drejtpërdrejt në nivelet e stresit. Pastrimi dhe organizimi i hapësirës nuk kanë vetëm efekt estetik, por shërbejnë si një ndërhyrje psikologjike që ul ankthin, rrit produktivitetin dhe forcon ndjenjën e kontrollit mbi jetën.

  • Njihen si kryevepra botërore, po a e dinit se këto 7 vepra kishin mbet’ të papërfunduara nga autorët e tyre

    Njihen si kryevepra botërore, po a e dinit se këto 7 vepra kishin mbet’ të papërfunduara nga autorët e tyre

    Janë kryevepra që njihen në tërë botën. Po a e keni ditur se ato kanë mbetë të papërfunduara. Ja cilat janë ato…

    Adhurimi i magjistarëve nga Leonardo da Vinçi

    I restauruar kohët e fundit dhe i ruajtur në Firencë, kuadroja u nis nga Leonardoja në 1481 për manastirin e San Donatos në Scopeto, dhe mbeti e papërfunduar, por kjo nuk e bën një vepër të vogël.

    Përkundrazi është një pikturë me një interes të madh artistik, sepse tregon sesi punonte Leonardoja, pikturonte direkt mbi tavolinë në vend që të përdorte fletore.

    Simfonia e tetë e Shubertit

    Vepra par exellance e papërfunduar është simfonia e tetë e Franz Schubert (Shuberti) (1797-1828), ka vetëm dy lëvizje të plota dhe të orkestruara nga vetë Shuberti (L’allegro moderato dhe L’andante con moto) ka edhe një bocetë të lëvizjes së Tretë (Scherzo) në formën e një partiture për pianoforte.

    Bukuria e kësaj qëndron pikërisht tek kjo: sipas disa muzikologëve dy lëvizjet e plota të kësaj sinfonie janë perfekte. Dhe mjaftojnë për të shprehur atë që Shuberti donte të transmetonte.

    Pra me pak fjalë janë të plota, Shuberti i kompozoi në moshën 25 vjeçare, pastaj ia dha mikut të tij Anselm Huttenbrenner-it, i cili nuk foli me askënd sepse e ndiente që nuk ishin mbaruar. Shuberti vdiq në 1828 në moshën 31 vjeçare dhe nuk arriti ta përfundonte.

    Requiem i Moxartit K626

    Mesha e Requiem në re minor K626 u kompozua nga Wolfgang Amadeus Mozart (1756-1791), pak para se të vdiste. Kjo pikturë që tregon se po përpiqet ta përfundojë në shtratin e tij të vdekjes është edhe një herë dëshmi sesa e kishte për zemër, por tregon edhe sesi dashuria e tij për muzikën mund ta konsumonte.

    Gjatë kohës që shkruente Requiem kompozitori vuante nga ethet. Dhe përdorte ato pak forca për të shkruar muzikën, çka shpjegon mbetjen e kësaj vepre të papërfunduar.

    Thuhet se Moxarti e kishte kompozuar për veten. Por ka edhe nga ata shkrimtarë të tillë si Stendali që flet për një anonim që e ngarkoi Moxartin e sëmurë dhe në mizerje të kompozonte për 4 javë një meshë rekuiem.

    Portreti i Xhorxh Uashingtonit nga Gilbert Stuart

    Portreti më i famshëm i presidentit të parë të USA-s, ai që shfaqet edhe tek dollari është në të vërtetë një vepër e papërfunduar.

    Gilbert Stuarti bëri më shumë se 100 portrete të Uashngtonit, më i famshmi i të cilëve është ai i Ateneos së Bostonit. Duke treguar anën e majtë të fytyrës që u nis në vitin 1796 me kërkesë të bashkëshortes së Ushingtonit, Martës dhe mbeti e papërfunduar. Stuarti e shqujti bukurinë e saj dhe e përdori si modele për portretet e mëvonshme. Janë realizuar 75 kopje dhe e papërfunduara mbeti një ikonë e artit amerikan.

    Davidi – Apollo i Mikelanhelos

    Davidi apo Apolloja? Kjo skulpturë e Mikelanxhelos në muzeun e Firences ka një emër të dyfishtë sepse jo të gjithë bien dakord për identitetin e njeriut të portretizuar.

    Mund të jetë Davidi biblik ose Apolloja mitologjik. Trupi është i mbuluar me shenja të daltës dhe skuptura tregon një figurë të një të riu që pozon me kurriz.

    U krijua në vitin 1530 për Baccio Valori-in, guvernatorin e Firences dhe ka të ngjarë që të të jetë lënë përgjysëm nga Mikelanxheloja para nisjes së tij për në Romë dhe më pas e braktisi. Ka nga ata që thonë së skuptura në mermer nisi si Davidi. Por Mikelanxheloja u përpoq ta përshtaste me Apollon para se ta braktiste në fatin e saj. Mistere të artit.

    Partizani Johhny nga Beppe Fenoglio

    Ka shumë libra të papërfunduar nga vdekja e parakohshme e autorit dhe kjo është historia e “Partizanit Xhoni”. Kryevepra e Beppe Fenoglio-s, i cili vdiq në moshën 40 vjeçare. Ishte botuesi Einaudi që në 1968 i dha një kuptim veprës.

    Letërsia e papërfunduar është triologjia e “Millennium” e Stieg Larsson-it. Por lista është e gjatë mes të tjerave si “Misteri i Edwin Drood” i Charles Dickens-it, “Amerika” e Franc Kafkës, “Nafta” e Pier Paolo Pasolinit. “Lutjet të realizuara” nga Tuman Capote, “Njeriu i parë” nga Albert Kamy.

    Përpos se janë të papërfunduar këta libra kanë një të përbashkët. Quhen nga kritika kryevepra të vërteta, ku autorët kanë arritur të shprehin të gjithë pjekurinë e tyre.

    Portreti i Ria Munk Numri III

    I realizuar në 1917-1918 është i fundit i një serie portretesh për porosi të familjes Munk nga Gustav Klimt, një nga më modernët përsa i përket portreteve femërore të piktorit vienez.

    Ria u vetëvra pas zënkës me të dashurin në 1911 dhe e ëma e porositi Gustav Klimtin të pikturonte një portret të vajzës së saj në shtratin e vdekjes. Dy përpjekjet e para u refuzuan nga familja dhe e treta mbeti e papërfunduar.

    Edhe pse e papërfunduar kuadroja na jep të dhëna për punën e Klimtit. Portreti tregon Rian në këmbë anash dhe që kthehet nga spektatori me një buzëqeshje.

    Fytyra dhe detajet përreth kanë mbaruar, por fustani dhe dyshemeja janë të realizuara me karbon dhe të paravijëzuara. Sipas kritikëve kjo tregon se Klimti ishte spontan. Dhe impulsiv dhe pikturonte direkt mbi telajo. Një kryevepër për të gjitha efektet, jo më kot u shit në vitin 2010 për 27 milionë dollarë./ Focus.it

    ObserverKult

    ——————————-

    LEXO EDHE:

    VEPRAT E HUMBURA TË FRIDA KAHLOS

  • Goditet me 8 plumba aktori ‘Saimir’ dhe humb një këmbë: Killeri u pagua 80 mijë euro për ‘kokën’ time!

    Goditet me 8 plumba aktori ‘Saimir’ dhe humb një këmbë: Killeri u pagua 80 mijë euro për ‘kokën’ time!

    Një aktor tashmë 39-vjeçar i është drejtuar emisionit “Fiks Fare” duke kërkuar ndihmë, si i pastrehë.
    Mishel Prela, aktori kryesor i filmit “Saimir”, i luajtur në Itali me aktorin e madh Xhevdet Ferri, tregon kalvarin e jetës, nga fama në Europë, burgu, atentati me 8 plumba e deri te jetesa në azilet e Tiranës.
    Misheli i gjymtuar nga atentati, ku njërën këmbë ia kanë amputuar, thotë se aktualisht po qëndron në një azil ditor, me 20 vetë të tjerë në dhomë. “Kam një fatkeqësi që jam i amputuar. Dikur kam qenë artist, kam luajtur me të madhin Xhevdet Ferri, që sot s’është më. Dhe kam ardhur për të bërë një apel se kam shkuar në spitale dhe s’kam gjetur zgjidhje” tha ai për gazetarët e Fiksit.
    Fama në Venezia, Berlin, Kanë …
    Filmi “Saimir” është xhiruar në vitin 2005 dhe 2006 në Romë, Milano, Ostia dhe Firenze. “Pati dhe një sukses në festivale, Venezia, Berlin, Kanë. Pata fatin dikur të njoh Tarantinon, Scarlet Johansson, Robert De Niron, Al Paçinon dhe shumë vipa ndërkombëtarë” pohon ai.
    Filmi ishte dramatik dhe quhet “Saimir”, i cili është edhe emri i i tij në film. “Unë jam në rolin kryesor. Unë u përzgjodha rastësisht në rrugë, isha me një motor dhe ndaloi një person. Më mbrapa pata fatin të mësoja me të madhin Xhevdet Ferri. Unë në atë koha s’isha në shkollë aktrimi, isha 18 për 19 vjeç”, shton më tej Misheli.
    Sipas tij, regjisori italian Françesko kishte ardhur nga Italia dhe kishte bërë provime te Akademia e Arteve me aktorë profesionistë dhe s’kishte gjetur aktor. “Më përzgjodhi mua. Xhirova dhe ishte një eksperiencë fantastike. ‘Saimir’ ishte dramë, tregonte marrëdhënien babë e bir që pati dhe shumë sukses”, thotë 39 vjeçari.
    “Killeri” u pagua 80 mijë euro për “kokën” time!
    Misheli tregon se jeta e tij është vërtetë një film, krahas atij të luajturit. “Pata oferta për të bërë filma të tjerë në role kryesore por që më ndodhën disa probleme që s’i kisha parashikuar. Shkova në një rrugë të gabuar. U ktheva në Shqipëri dhe më ndodhi një problem. U konfliktova rastësisht për të mbrojtur një shok të vjetër. Ai personi erdhi për të më qëlluar mua. Për vetëmbrojte e qëllova dhe unë”, pohon Misheli.
    Për këtë ngjarje, ai ka shkuar në burg dhe është akuzuar për plagosje. “Më dënuan me 10 vite burg. Mora avokat dhe e ula, në qeli kam qëndruar 5 vite në moshën më të re dhe më të mirë”, thotë ai.
    39-vjeçari shton se me personin që ishte konfliktuar ishte sqaruar. “Ky personi që plagosa futi persona të tjerë për të më vrarë. Nuk erdhi vetë, pagoi një killer. Ky që nuk e njihja fare isha në një hotel, sapo dola jashtë më thirri ‘o Mishel’ dhe e mbaj mend që më ka kaluar plumbi i parë në rrëzë të veshit. Më ka gjëmuar për një distancë të gjatë, deri te shkolla ‘Partizani’, duke mos u reshtur fare. Unë pata 8 gjuajtje, 8 plumba në trup. Një e kam akoma në kockë, i cili më shpëtoi se pata një fluturim. Më qëlloi pas shpinë dhe dukë më ndjekur të 8 plumbat”, rrëfen ai.
    Më tej tregon edhe momentin më dramatik me përballjen me vrasësin. “Në fund fare mbaj mend që ka ardhur dhe ma ka vënë pistoletën në ballë. Kam reaguar dhe i kapa pistoletën me dorë. Ia çova sipër se s’do isha më këtë ditë. Ma vuri prapë në kokë, po s’kishte më fishekë dhe iku me vrap. Te dora më kapi plumbi. Ky ishte paguar nga personi në fjalë, 80 mijë euro për eliminimin tim. Atentatori është në burg, ndërsa porositësi nuk e di”, shton Misheli.
    Në spital ka kaluar një tjetër dramë, që zgjati plot 6 muaj. “Hipa në makinë dhe më çuan te Spitali ‘Nënë Tereza’, isha me pantallona të shkurtra, isha tërë gjak, me 8 plumba s’janë pak … Vinin doktorët dhe këta të policisë, mua mu merreshin mend po ikja dhe ata më pyesnin kush të gjuajti. Nuk e di u thashë. Vjen policia dhe më çojnë te Spitali Ushtarak. Aty më marrin me barelë, më fusin në sallë. Ishin 2 infermiere. Më panë kështu (me gjak) dhe thanë ‘lëne mo, mos e prek me dorë …’. Fati, hapet një derë dhe vjen një fytyrë fisnike, ishte me një këmishë të bardhë ky doktori, sot e falënderoj shumë. U thotë kapeni dhe i çon në djall, kapeni dhe reaminojeni. Më pas s’mbaj mend gjë, jam çuar pas një 3-4 ditësh a pas 1 jave s’e mbaj mend. Kam ndëjtur 6 muaj në Spitalin Ushtarak, luftë për jetë dhe arrita të mbijetoj”, tregon Misheli.
    Sipas tij, doktori quhet Skënder Buci. “E falënderoj shumë dhe doktorët e tjerë që u ndodhën në atë spital. Arrita të shpëtoj, plumbat i kam pasur në bark, te veshi, në dorë, 1 e kam akoma. Falë Zotit ia dola. Pata probleme me këmbën, njëra këmbë ma amputuan. S’ma amputuan këtu se këtu ma mbanin dhe bënin ndërhyrje. Shkova në Francë kërkova azil, s’ma dhanë po pata një trajtim mjekësor. U ktheva po fatkeqësitë s’mu ndanë njëra pas tjetrës dhe nuk po bëj derman”, vijon ai.
    Në fund, tregon se pas gjithë këtyre vuajtjeve, është i pastrehë. “Unë sot jetoj në qendrën ‘Strehëza’ që është në Shkozë. Momentalisht kam shumë probleme, jam vetëm. Erdha thashë t’i drejtohem Fiksit, artistëve kombëtare dhe ndërkombëtarë kush të dojë të më ndihmojë. Aty ku jam te ‘Strehëza’ jam me 20 veta të tjerë dhe nuk kam mundësi ta mjekoj këmbën as se si të lëviz. Më thanë se do më jepnin një shtëpi. Unë s’kam mundësi tjetër, marr një kemp 140 mijë lekë të vjetra në muaj, të cilat s’më mjaftojnë as për mjekime”, përfundon Misheli.

  • Miku i ngushtë i Shpat Kasapit tregon momentet e fundit: E përcolla në aeroport, por…

    Miku i ngushtë i Shpat Kasapit tregon momentet e fundit: E përcolla në aeroport, por…

  • Ilir Meta: Fakti që Belinda Balluku nuk dha dorëheqjen dhe as u shkarkua, tregon se pas aferave qëndron Edi Rama

    Ilir Meta: Fakti që Belinda Balluku nuk dha dorëheqjen dhe as u shkarkua, tregon se pas aferave qëndron Edi Rama

    Presidenti i Partisë së Lirisë, Ilir Meta, në një intervistë ekskluzive për “Syri.net”, ka lëshuar akuza të forta ndaj Kryeministrit Edi Rama në lidhje me çështjen e pezullimit të Belinda Ballukut. Meta deklaron se mënyra si është menaxhuar rasti Balluku tregon qartë, sipas tij, se pas çdo afere qëndron vetë Rama. Ai akuzon Kryeministrin për vetëmbrojtje politike dhe përdorim të drejtësisë si instrument pushteti, ndërsa paralajmëron se skandali i Tunelit të Llogarasë dhe aferat e tjera nuk mund të fshihen më pas figurave të ministrave.
    Pyetje: Z. Meta, si e konsideroni kërkesën e Qeverisë drejtuar Gjykatës Kushtetuese kundër vendimit të GJKKO, për pezullimin e Znj. Belinda Balluku nga Zv. Kryeministre dhe Ministre e Infrastrukturës dhe Energjisë?
    Meta: Vetëm si vetëmbrojtje personale për të ardhmen e tij nga Edi Rama. Fakti që zonja Balluku është marrë e pandehur zyrtarisht nga vetë SPAK-u i Ramës për vepra të dyshuara në ministrinë e saj, do kërkonte një zgjidhje politike ose nga Znj. Balluku përmes dorëheqjes deri sa të përfundonte gjykimi, ose përmes lirimit nga detyra të saj nga vetë Kryeministri, krijuesi i SPAK-ut me 69 vota. Fakti që Znj. Balluku nuk ka dhënë dorëheqjen, supozoj se lidhet me bindjen e saj se regjizori i vërtetë i tenderave të paracaktuar, që nga Tuneli i Llogarasë pa ura e plot të tjerë, është vetë Edi Rama. Jo më kot ish-Zv/Kryeministri Ahmetaj u shpreh për aferën e Tunelit të Llogarasë, se ky është rasti kur Rama ha kumbulla e dardha pas shpinës së Znj. Balluku. Dhe nuk duhet të harrojmë se Z. Ahmetaj ka qenë denoncuesi i parë i aferës së Tunelit të Llogarasë edhe si dëshmitar okular i takimit në Turqi, bashkë me Ramën dhe Znj. Balluku me kompaninë që do shpallej fituese.
    Pyetje: A tregon ky rast se SPAK-u i ka dalë nga kontrolli Ramës?
    Meta: Absolutisht jo. Sot Rama ka 83 (+3) mandate vetëm falë keqpërdorimit të SPAK-ut kundër liderëve të opozitës, por edhe mosveprimit ndaj krimit zgjedhor dhe krimit të organizuar, dy shtyllave ku mbështetet ky Narkoregjimi. Për Ramën paprekshmëria e tij personale dhe e këtyre dy shtyllave që garantojnë tjetërsimin e vullnetit të qytetarëve janë vendimtare. Lidhur me emra të veçantë si Saimiri, Erjoni, Arbeni, Belinda, etj. as nuk i bëhet vonë fare, se ai ka natyrën e akrepit që e ka ves dhe kënaqësi të thumbojë pabesisht cilindo që i rri pranë dhe i shërben. Edhe ato çështje të krimit të organizuar që kanë përparuar, janë kryesisht meritë e partnerëve europianë, të cilët i kanë nisur për të mbrojtur interesat e tyre së pari. Kjo është edhe arsyeja përse tani kërkojnë nga Shqipëria pjesën e tyre të parave që janë investuar në Shqipëri nga krimi i organizuar. Fakti që 250 fletë-arreste flenë në sirtarët e SPAK-ut  dhe Narkopolicisë, tregon qartë sundimin e krimit dhe jo të ligjit në këtë vend.
     
     
     

  • Meta: Fakti që Balluku nuk dha dorëheqjen dhe as u shkarkua, tregon se pas aferave qëndron Edi Rama

    Meta: Fakti që Balluku nuk dha dorëheqjen dhe as u shkarkua, tregon se pas aferave qëndron Edi Rama

    Presidenti i Partisë së Lirisë, Ilir Meta, në një intervistë ekskluzive për “Syri.net”, ka lëshuar akuza të forta ndaj Kryeministrit Edi Rama në lidhje me çështjen e pezullimit të Belinda Ballukut.

    Në pjesën e parë të intervistës, Meta deklaron se mënyra si është menaxhuar rasti Balluku tregon qartë, sipas tij, se pas çdo afere qëndron vetë Rama.

    Ai akuzon Kryeministrin për vetëmbrojtje politike dhe përdorim të drejtësisë si instrument pushteti, ndërsa paralajmëron se skandali i Tunelit të Llogarasë dhe aferat e tjera nuk mund të fshihen më pas figurave të ministrave.

    Intervistë ekskluzive e Presidentit të Partisë së Lirisë, Z. Ilir Meta dhënë për portalin “Syri. net”: 

    Pyetje: Z. Meta, si e konsideroni kërkesën e Qeverisë drejtuar Gjykatës Kushtetuese kundër vendimit të GJKKO, për pezullimin e Znj. Belinda Balluku nga Zv. Kryeministre dhe Ministre e Infrastrukturës dhe Energjisë?

    Meta: Vetëm si vetëmbrojtje personale për të ardhmen e tij nga Edi Rama.

    Fakti që zonja Balluku është marrë e pandehur zyrtarisht nga vetë SPAK-u i Ramës për vepra të dyshuara në ministrinë e saj, do kërkonte një zgjidhje politike ose nga Znj. Balluku përmes dorëheqjes deri sa të përfundonte gjykimi, ose përmes lirimit nga detyra të saj nga vetë Kryeministri, krijuesi i SPAK-ut me 69 vota.

    Fakti që Znj. Balluku nuk ka dhënë dorëheqjen, supozoj se lidhet me bindjen e saj se regjizori i vërtetë i tenderave të paracaktuar, që nga Tuneli i Llogarasë pa ura e plot të tjerë, është vetë Edi Rama.

    Jo më kot ish-Zv/Kryeministri Ahmetaj u shpreh për aferën e Tunelit të Llogarasë, se ky është rasti kur Rama ha kumbulla e dardha pas shpinës së Znj. Balluku.

    Dhe nuk duhet të harrojmë se Z. Ahmetaj ka qenë denoncuesi i parë i aferës së Tunelit të Llogarasë edhe si dëshmitar okular i takimit në Turqi, bashkë me Ramën dhe Znj. Balluku me kompaninë që do shpallej fituese.

    Pyetje: A tregon ky rast se SPAK-u i ka dalë nga kontrolli Ramës?

    Meta: Absolutisht jo.

    Sot Rama ka 83 (+3) mandate vetëm falë keqpërdorimit të SPAK-ut kundër liderave të opozitës, por edhe mosveprimit ndaj krimit zgjedhor dhe krimit të organizuar, dy shtyllave ku mbështetet ky Narkoregjimi.

    Për Ramën paprekshmëria e tij personale dhe e këtyre dy shtyllave që garantojnë tjetërsimin e vullnetit të qytetarëve janë vendimtare.

    Lidhur me emra të veçantë si Saimiri, Erjoni, Arbeni, Belinda, etj. as nuk i bëhet vonë fare, se ai ka natyrën e akrepit që e ka ves dhe kënaqësi të thumbojë pabesisht cilindo që i rri pranë dhe i shërben.

    Edhe ato çështje të krimit të organizuar që kanë përparuar, janë kryesisht meritë e partnerëve europianë, të cilët i kanë nisur për të mbrojtur interesat e tyre së pari.

    Kjo është edhe arsyeja përse tani kërkojnë nga Shqipëria pjesën e tyre të parave që janë investuar në Shqipëri nga krimi i organizuar.

    Fakti që 250 fletë-arreste flenë në sirtarët e SPAK-ut  dhe Narkopolicisë, tregon qartë sundimin e krimit dhe jo të ligjit në këtë vend.

  • David Cameron diagnostifikohet me kancer, tregon si e zbuloi sëmundjen

    David Cameron diagnostifikohet me kancer, tregon si e zbuloi sëmundjen

    Bota E Hënë, 24 Nëntor 2025 10:33
    Në një intervistë të fundit, David Cameron tregoi se si një mesazh nga gruaja e tij pas një interviste të Nick Jones, themelues i Soho House, e shtyu të bënte një test PSA në vitin 2022.
    Testi zbuloi shenja shqetësuese dhe më pas biopsia konfirmoi kancerin e prostatës. Cameron tregon se të dëgjonte për diagnozën ishte i vështirë, por vendosi të vepronte shpejt, sidomos pasi vëllai i tij kishte ndërruar jetë nga kanceri në pankreas në të njëjtën moshë.

    Ai zgjodhi një trajtim minimalisht invaziv të quajtur terapi fokale, e cila shkatërron qelizat kancerogjene pa dëmtuar zonat përreth. Sipas tij, trajtimi funksionoi dhe skanimi pasues tregoi rezultate shumë të mira.

    Cameron tani po i bashkohet thirrjes së “Prostate Cancer Research” që depistimi t’u ofrohet burrave me rrezik të lartë, pasi teknologjitë e reja – si MRI dhe testet gjenetike – e bëjnë depistimin më të saktë dhe me më pak rreziqe. Ai pranon se ka debate rreth testimit masiv, por mendon se koha ka ardhur për të rivlerësuar qasjen e NHS.

    Ai thekson se burrat shpesh shmangin bisedat për shëndetin e tyre, por shpreson se rrëfimi i tij do t’i nxisë të tjerët të informohen dhe, nëse duhet, të kontrollohen.

  • David Cameron diagnostifikohet me kancer të prostatës, tregon si e zbuloi sëmundjen

    David Cameron diagnostifikohet me kancer të prostatës, tregon si e zbuloi sëmundjen

    Në një intervistë të fundit, David Cameron tregoi se si një mesazh nga gruaja e tij pas një interviste të Nick Jones, themelues i Soho House, e shtyu të bënte një test PSA në vitin 2022.

    Testi zbuloi shenja shqetësuese dhe më pas biopsia konfirmoi kancerin e prostatës. Cameron tregon se të dëgjonte për diagnozën ishte i vështirë, por vendosi të vepronte shpejt, sidomos pasi vëllai i tij kishte ndërruar jetë nga kanceri në pankreas në të njëjtën moshë.
    Ai zgjodhi një trajtim minimalisht invaziv të quajtur terapi fokale, e cila shkatërron qelizat kancerogjene pa dëmtuar zonat përreth. Sipas tij, trajtimi funksionoi dhe skanimi pasues tregoi rezultate shumë të mira.
    Cameron tani po i bashkohet thirrjes së “Prostate Cancer Research” që depistimi t’u ofrohet burrave me rrezik të lartë, pasi teknologjitë e reja – si MRI dhe testet gjenetike – e bëjnë depistimin më të saktë dhe me më pak rreziqe. Ai pranon se ka debate rreth testimit masiv, por mendon se koha ka ardhur për të rivlerësuar qasjen e NHS.
    Ai thekson se burrat shpesh shmangin bisedat për shëndetin e tyre, por shpreson se rrëfimi i tij do t’i nxisë të tjerët të informohen dhe, nëse duhet, të kontrollohen.

    Top Channel