Enti Rregullator i Energjisë ka nisur procedurat për ndryshimin e rregullores që përcakton standardet e cilësisë së furnizimit dhe sigurisë në rrjetin e transmetimit të energjisë elektrike. Vendimi vjen pas kërkesës së Kuvendit dhe monitorimit të performancës së Operatorit të Sistemit të Transmetimit gjatë viteve të fundit.
Në draft-propozimin e ri, disa prej treguesve kryesorë pësojnë ndryshime të ndjeshme. Koha mesatare e ndërprerjes parashikohet të ulet nga 35 minuta në 25.96 minuta, energjia e pafurnizuar nga 467 MWh në 365.99 MWh, ndërsa treguesi SAIDI, që mat kohëzgjatjen mesatare të ndërprerjeve për konsumator, pritet të ulet nga 100 minuta në 39.48 minuta. Ndërkohë që sipas propozimit, çdo tre vjet ERE do të kryejë një rishikim të plotë të standardeve, në varësi të performancës së rrjetit dhe kërkesave ligjore.
Rregullorja e re parashikon gjithashtu harmonizimin e niveleve të tensionit me Kodin e Transmetimit të miratuar në vitin 2022, duke i përafruar ato me standardet europiane.
ERE bën të ditur se monitorimet e kryera gjatë vitit 2024 dhe nëntëmujorit të parë të vitit 2025 tregojnë një ulje të vazhdueshme të ndërprerjeve të furnizimit. Gjatë tremujorit të dytë të këtij viti, treguesi SAIDI ra në 6.78 minuta, nga 18.19 minuta në të njëjtën periudhë të një viti më parë.
Tag: transmetimit
-
‘Të ulet koha pa energji elektrike’, ERE nis rishikimin e standardeve të cilësisë në rrjetin e transmetimit
-
Balluku inspekton nënstacionin ‘Tirana 2’: Rritje e sigurisë së furnizimit dhe plane për linjën nënujore me Italinë
Zëvendëskryeministrja dhe ministrja e Infrastrukturës dhe Energjisë, Belinda Balluku, ka inspektuar investimet e kryera në nënstacionin elektrik ‘Tirana 2’, duke theksuar rëndësinë e tyre për sigurinë e furnizimit me energji elektrike.
Gjatë vizitës, Balluku deklaroi se Shqipëria është në një nivel të kënaqshëm sa i përket humbjeve në sistemin energjetik. Ajo vuri në dukje se Operatorët e Transmetimit përbëjnë pjesën më të rëndësishme të sistemit, pasi janë ata që sigurojnë lidhjen me vendet fqinje.
“Pra, jemi në një nivel të kënaqshëm përsa i përket humbjeve. Ndërkohë, unë e them gjithmonë që padyshim pjesa e Operatorit të Transmetimit është pjesa më e rëndësishme që ka sistemi energjetik i një vendi, sepse është ajo që na lidh me fqinjët.Volumet e transmetimit të energjisë elektrike janë rritur ndjeshëm në të gjithë rajonin. Këtë e shohim sidomos gjatë verës. Gjithë transmetimi që shohim nga Greqia drejt Shqipërisë janë gjithmonë të ngarkuara. Kjo është arsyeja pse Shqipëria është ulur në tryezën e negociatave me qeverinë italiane dhe të tjera, për të diskutuar për ndërtimin e linjës nënujore që do të lidhë Shqipërinë me brigjet italiane.“, tha Balluku. -
Fotovoltaikët, hyjnë në prodhim dy impiante të rinj me kapacitet 150 MW
Dy impiante fotovoltaikë të rinj, me kapacitet të instaluar prej 100 MW dhe 50 MW, kanë hyrë së fundmi në prodhim, duke rritur numrin e subjekteve që kanë kaluar në një fazë të re zhvillimi dhe që pritet të rrisin peshën e energjisë diellore në totalin e prodhimit.Enti Rregullator i Energjisë (ERE) miratoi pak ditë më parë disa vendime që lidhen me impiante fotovoltaikë me kapacitete të ndryshme — nga ata deri në 2 MW, deri te impiantet më të mëdha. Veçanërisht bien në sy vendimet për “Sunny Side Energy” dhe “SPV Blue”.Konkretisht, për të dy subjektet, vendimet e ERE-së theksojnë se tashmë ka nisur prodhimi nga këto impiante, madje në një periudhë më të shpejtë nga sa ishte parashikuar.“Referuar raportit periodik lidhur me prodhimin e energjisë elektrike në rrjetin e transmetimit, të dërguar nga OST sh.a. për muajin gusht 2025, rezulton se sasia e energjisë elektrike bruto e prodhuar nga impianti fotovoltaik ‘Sunny Side Solar Park’ për muajin gusht është 745.2 MWh. Kjo tregon se shoqëria ka hyrë në prodhim përpara depozitimit të marrëveshjes përkatëse, në funksion të përmbushjes së detyrimit të përcaktuar në pikën 2 të vendimit nr. 13/2025”, thuhet në vendimin e ERE-së, i cili shfuqizon disa pika të një vendimi të mëparshëm, pasi kushtet tashmë janë plotësuar.Impianti me kapacitet 100 MW ka paraqitur, sipas kërkesës, marrëveshjen me sistemin e transmetimit.Ndërkohë, edhe subjekti i dytë ka prodhuar energji gjatë gushtit. Me shkresën e datës 15.08.2025, protokolluar në ERE me nr. 2335 prot., datë 19.08.2025, shoqëria ka depozituar në ERE njoftimin mbi nënshkrimin me OST sh.a. të marrëveshjes së operimit në rrjetin e transmetimit me nr. 4333 prot., datë 13.08.2025, si dhe të marrëveshjes me palën përgjegjëse për balancim me nr. 4288 prot., datë 13.08.2025. Po ashtu, është depozituar njoftimi për fillimin e procesit të energjizimit më 12.08.2025, në bashkëpunim me ekipin e OST-së, duke vijuar më pas me provën 72-orëshe dhe futjen graduale në skemën e prodhimit të energjisë.“Nga ana tjetër, në vijim të raportimeve periodike në zbatim të licencës së operimit të sistemit të transmetimit, OST sh.a. në raportimin e muajit gusht 2025 ka bërë me dije se shoqëria ‘SPV BLUE 2’ sh.p.k. ka prodhuar sasinë prej 5,332.4 MWh gjatë këtij muaji, fakt i cili konfirmon deklarimet e bëra nga shoqëria ‘SPV BLUE 2’ sh.p.k.”, vlerëson Enti.Impiantet në fjalë janë dy më të fundit që i shtohen subjekteve që kanë nisur prodhimin më herët, ku më i madhi mbetet ai i Karavastasë me një kapacitet prej 140 MW. Gjithashtu, në Ersekë janë në funksion dy impiante të tjera, secili me kapacitet 20 MW, si dhe disa të tjerë me kapacitet deri në 2 MW.Pavarësisht rritjes së numrit të impianteve, energjia fotovoltaike vijon të mbajë një peshë ende modeste në prodhimin neto vendas. Në periudhën janar–qershor, vetëm 7.8% e prodhimit neto vinte nga fotovoltaikët./ N.MahoRritja e biznesit të diellit, energjia nga fotovoltaikët arrin në 7.8% të prodhimit neto Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Drejtoresha e RTSH-së takim me Dukën, rritja e standarteve të transmetimit në fokus
Drejtoresha e Përgjithëshme e RTSH-së Eni Vasili dhe Kryetari i Këshillit të RTSH-së Fatjon Hoxhalli u takuan sot me presidentin e FSHF-së Armand Duka.
Në takim është folur mes të tjerave dhe për rritjen e cilësisë së standarteve të transmetimit nga rrjeti i RTSH-së i cili ka të drejtën e emetimit të futbollit shqiptar për tre vite. Kreu i FSHF-së ka shkruar në Facebook:
Duka:
“Sot mirëprita në një takim Kryetarin e Këshillit të RTSH, z.Fatjon Hoxhalli dhe Drejtoreshën e RTSH, znj. Eni Vasili.
Fokusi i diskutimit ishte rritja e standardeve të transmetimit të kampionatit, në mënyrë që emocionet e futbollit shqiptar të shijohen me cilësinë më të lartë në çdo shtëpi.”/Sportiim.al/
Vazhdo leximin
-
Shtëpia e Bardhë fshin nga video duartrokitjet e Trumpit për Putinin
Siç u pa edhe gjatw transmetimit direkt, Donald Trump duartrokiti Vladimir Putinin disa herë kur dy liderët u takuan mbi një tapet të kuq në bazën ajrore të SHBA-së, ku tani po zhvillojnë takim privat me këshilltarët e tyre kryesorë për politikën e jashtme.
Zyra e Shtypit e Kremlinit shpërndau shpejt një fotografi të presidentit amerikan duke duartrokitur “kundërshtarin e tij rus”.
Fakti që presidenti i SHBA-së duartrokiti presidentin rus dhe kriminel të dënuar lufte, bëri që historiani i Luftës së Ftohtë me origjinë ruse, Sergey Radchenko, të postonte një emoji të habitur në X. “Unë argumentova në librin tim se rusët dëshirojnë më shumë se gjithçka të njihen nga SHBA-ja,” shtoi ai. “Ja ku e kemi. Këtu është.”
Tre raundet e duartrokitjeve të Trumpit u kapën në një transmetim të drejtpërdrejtë në kanalin e Shtëpisë së Bardhë në YouTube. Por, disa minuta më vonë, kur Shtëpia e Bardhë postoi videon e përshëndetjes në rrjetet sociale, klipi u redaktua që të fillonte një çast pas përfundimit të raundit të tretë të duartrokitjeve të Trumpit për Putinin.
Videoja e postuar në llogaritë zyrtare të Shtëpisë së Bardhë në Instagram dhe X tregon se krahu i majtë i Trumpit ende lëvizte pranë trupit teksa fillonte klipi. Një shikim i transmetimit origjinal tregon se krahu i tij sapo kishte rënë pranë trupit në atë pikë, pasi ishte ngritur përpara presidentit për të duartrokitur liderin rus, i dënuar nga Gjykata Ndërkombëtare Penale për rrëmbimin e fëmijëve ukrainas.Top Channel
-
Ndërprerja e transmetimit të News 24, gazetarët në protestë para godinës
Pas tre ditë ndërprerje të transmetimit së kanalit televiziv News 24, gazetarët kanë dalë në protestë para godinës së kësaj media.
Protesta e mbajtur në orën 12:00, është thirrur nga Asocioni i Gazetarëve, të cilët kërkojnë që të mos pengohet puna e punonjësve së kësaj media.
“Demokracia vdes në errësirë”, ishte slogani i kësaj proteste solidarizuese i asocionit së gazetarëve me punonjësit e “Focus Media News”. Asocioni e ka cilësuar aktin e ndërprerjes së veprimit të këtij grupi mediatik si shkelje flagrante e parimeve themelore të demokracisë e të lirisë së shprehjes.
Të pranishmit, mbajtën dhe disa fjalime. Drejtoresha e televizionit, Anila Jole, u shpreh se çështja konfliktuale për pronën nuk duhet të sjellë mbylljen e një mediaje.
“Të shtunen në mengjes, pa paralajmërim, u ndërpre sinjali ynë dhe u bllokua hyrja e gazetarëve në vendin e tyre të punës. Na u tha se ishte një çështje kontrate qiraje, por të gjithë e dimë se marrëdhëniet kontraktuale nuk mund dhe nuk duhet të shërbejnë si pretekst për të mbyllur një zë të lirë informimi. Konfliktet civile zgjidhen në gjykata, jo duke fikur ekranin e një televizioni që i shërben publikut”, tha ajo.
Kujtojmë se më 9 gusht 2025, godina e “Focus Media News” u rrethua në mëngjes nga forcat policore, duke kërkuar lirimin e saj, si dhe u ndërpre sinjali i televizionit. Në këtë godinë ndodhen edhe redaksitë e Balkan Web, Panorama dhe Gazeta Shqiptare.
Ky aksion policor vjen për shkak se kontrata e grupit mediatik për godinën, ka përfunduar që prej vitit 2022, e që atëhere çështja ka kaluar nëpër shkallët e gjyqësorit.
Avokatura e Shtetit, përmes një reagimi zyrtar, u shpreh se ka një vendim gjykate lidhur me rastin, në të cilën thuhet se grupi mediatik duhet të lirojë ambientin menjëherë./tvklan -
IKMT kërkon të prishë lidhjet e transmetimit të News24, ‘Safe Journalists Albania’: Të shmanget çdo hap që rrezikon infrastrukturën mediatike
Që nga mëngjesi i së shtunës, televizioni News24 vazhdon të jetë jashtë transmetimit për shkak të ndërprerjes së energjisë dhe bllokimit të redaksisë.
Në një njoftim zyrtar, organizata Safe Journalists Albania ka paralajmëruar për rrezikun që po paraqet Inspektorati Kombëtar i Mbrojtjes së Territorit (IKMT) me mundësinë e shembjes së urës që mban kabllot dhe lidhjet e serverëve të News24.
Safe Journalists Albania bën thirrje për përmbajtje të menjëhershme dhe respektim të plotë të procesit të rregullt ligjor, duke theksuar se çdo veprim që mund të shkaktojë dëme të pariparueshme në infrastrukturën mediatike duhet të shmanget.
“Çdo masë duhet të jetë e ligjshme, transparente, e domosdoshme dhe proporcionale, duke përdorur ndërhyrjet më pak agresive dhe në koordinim me Autoritetin e Mediave Audiovizive (AMA) për rikthimin e shërbimit,” thuhet në njoftimin e tyre.
Reagimi i plote:
Që nga mëngjesi i së shtunës, News24 është jashtë transmetimit. Po marrim raportime se Inspektorati Kombëtar i Mbrojtjes së Territorit (IKMT) mund të shembë urën që mban kabllot e transmetimit dhe lidhjet e serverëve të News24.
Bëjmë thirrje për përmbajtje të menjëhershme dhe respektim të plotë të procesit të rregullt: të shmanget çdo hap që rrezikon dëme të pariparueshme në infrastrukturën mediatike.
Çdo zbatim duhet të jetë i ligjshëm, transparent, i domosdoshëm dhe proporcional, të përdorë masat më pak ndërhyrëse dhe të koordinohet me AMA-n për të mundësuar rikthimin e shërbimit.
Gazetarët dhe punonjësit e medias duhet të kenë akses të sigurt në vendin e punës, që operacionet të rikthehen dhe e drejta e publikut për t’u informuar të mbrohet.
-
Policia bllokon ambientet e News 24 dhe Panorama, rrethohet vendi me policë dhe nxirren gazetarët jashtë
Prët e para të mëngjesit janë bllokuar ambientet e News 24 dhe Panoramës.
Sipas njoftimit të medias News 24, policia ka rrethuar godinën e News24 dhe ka ndërprerë me forcë e pa asnjë paralajmërim sinjalin e transmetimit, në një akt të paprecedent ndaj medias së lirë.
Punonjësit janë ndaluar të hyjnë në vendet e tyre të punës, ndërsa publikut i është mohuar qasja në një nga kanalet më të mëdha dhe më të besueshme të informacionit në vend. Ky veprim përbën një sulm të drejtpërdrejtë ndaj të drejtës kushtetuese për informim dhe ndaj lirisë së shtypit, që është themel i çdo demokracie.
Në një deklaratë për shtyp nga mediat e manjati Irfan Hysenbelliu thuhet se: “Ngjarja e sotme krijon një precedent të rrezikshëm për mbylljen e zërave kritikë dhe vendosjen e kontrollit mbi informacionin publik. Bëjmë thirrje urgjente që partitë politike, shoqëria civile, organizatat e medias dhe ambasadat e huaja në Tiranë të reagojnë pa vonesë për të ndalur këtë akt të dhunshëm dhe për të garantuar rikthimin e transmetimit dhe respektimin e fjalës së lirë. Çdo minutë heshtjeje e imponuar ndaj medias është një plagë e hapur për demokracinë”. -
Defekt në linjën e transmetimit, UKT: Reduktim të furnizimit me ujë në disa zona të Tiranës
Ujësjellës Kanalizime Tiranë njofton se për shkak të një defekti në linjën e transmetimit që furnizon Depon e Liqenit të Farkës, qytetarët në disa zona të Tiranës do të përballen me reduktim të furnizimit me ujë.
Zonat e prekura janë: Sauk – Rruga “Ramazan Begu”, Sauk – Rruga Elbasanit, Mjull-Bathore (Palush), Farkë e Vogël (Lagjia Daxhit), Farkë e Vogël (Fshati i Ri), Farkë e Vogël – Rruga Tuneleve dhe Farkë e Vogël (Lagjia Saukbalve).
“Skuadrat e Ujësjellës Kanalizime Tiranë ndodhen aktualisht në terren dhe po punojnë intensivisht për të zgjidhur sa më shpejt defektin dhe për të rikthyer furnizimin me ujë në normalitet”, thuhet në njoftim.
-
Zjarri përfshin godinat në Elbasan, ndërhyrja e shpejtë shmang dëmet
Një vatër zjarri u shfaq dhe u bë mjaft aktive në mesditë pranë godinave të Operatorit të Sistemit të Transmetimit në Elbasan.
Zona ku u përhap zjarri ndodhet në afërsi të linjave me tension të lartë 110 kV, 150 kV, 220 kV dhe 400 kV si dhe nënstacioneve përkatëse që përfshijnë pajisje dhe sisteme të rëndësishme për transmetimin e energjisë elektrike në vend.
Rrethanat e shpërthimit të vatrës së zjarrit nuk janë ende të qarta, por sipas informacioneve paraprake, dyshohet se një qark i shkurtër në rrjet mund të ketë qenë shkaktari i mundshëm.
Fatmirësisht, falë ndërhyrjes së forcave zjarrfikëse me mjete të posaçme, flakët u izoluan dhe u shuan në kohë duke shmangur kështu çdo dëm në nënstacione apo në linjat e transmetimit dhe në njerëz.
Autoritetet janë duke hetuar më tej për të zbuluar shkaqet e sakta të incidentit dhe për të vlerësuar masat parandaluese të nevojshme në të ardhmen.