Lajmidites.com

Tag: tepër

  • Mund të ju duken këshilla të çuditshme, por janë tepër të nevojshme

    Shumë metoda për të përmirësuar shëndetin tuaj janë mjaft të thjeshta: të humbni peshë, hani më shumë për të rritur energjinë tuaj, bëni më shumë gjumë, për të parandaluar dehidratim, pini më shumë ujë.

    5 këshillat e mëposhtme vërtetë funksionojnë edhe pse janë pak të çuditshme për të qenë të besueshme pa i provuar:

    1- Për dhëmbë më të shëndetshëm, mos i lani menjëherë pas ngrënies

    Mos i pastroni dhëmbët menjëherë pas ngrënies dhe pijes, veçanërisht nëse ushqimi ka qenë acidik.

    2-Kur jeni të lodhur, shmangni pijet energjike

    Pijet energjike përmbajnë pesë herë më tepër kafeinë sesa kafeja, si dhe vijnë me efekte anësore të pakëndshme si: nervozizmi, rrahja e shpejtë e zemrës, irritim etj.

    3-Kur jeni të fryrë, pini më tepër ujë

    Kur ndiheni të fryrë, pirja e ujit do ju duket se vetëm do e përkeqësojë gjendjen, por shpesh edhe mund të ndihmojë. Nëse jeni në dietë të lartë me fibra atëherë trupit tuaj i duhet më tepër ujë që të funksionojë në mënyrë më efikase.

    4-Shkruani shënimet me dorë

    Të shkruani shënimet me tastierë ju bën të shkruani më shpejtë dhe më shumë, mirëpo nëse e bëni këtë gjë me dorë do t’i mbani mend me siguri ato që keni shkruar.

  • Dashuri është ta lësh këtë botë më të mirë nga sa e gjete, poezi nga Diti Balliu

    Dashuri është ta lësh këtë botë më të mirë nga sa e gjete, poezi nga Diti Balliu

    Poezi nga Diti Balliu

    Dashuri është t’i falësh një buzëqeshje një të panjohuri,po shumë më tepër t’i buzëqeshësh vetes çdo ditë,Dashuri është të jesh i përpiktë,po shumë më tepër të falësh atë që të bëri keq,ama herën tjetër t’i kesh sytë 14- të,Dashuri është të thuash të lutem, faleminderit,t’i lirosh vendin një të moshuari,por shumë më tepër kur vendos të punosh me veten,Dashuri është kur di të radhitësh butësinë ankesat e tua,por akoma më shumë është zotësi kur merrni përgjegjësitë e vendimeve tuaja deri në fund,Dashuri është të hapësh krahët e të pushtoshpor shumë më tepër kur e bën atë me shpirt,Dashuri është kur e ve veten në lëvizje,Dashuri është kur bën diçka për dikë,por më shumë akoma kur s’ta ka kërkuar,Dashuri është t’i japësh të gjitha,edhe kur shpëton jetën e një milingone,Dashuri është kur jep jetën për ëndrrat e tua edhe kur gjithë të tjerët të kanë shitur,por edhe më tepër kur nderon veten,Dashuri është kur mirëkupton në vend që të gjykosh,kur kujdesesh për gjithë ç’njeh,por më shumë akoma kur nuk i njeh,Dashuri është kur e fal veten,kur i mbyll sytë e mëson të ëndërrosh sërish,por më shumë akoma kur gjuhëne ngjyen thellë në tru para se të flasësh,Dashuri është të shkruash,ta pranosh tjetrin me diversitetin e tij,Dashuri është të hollosh verën tënde me ujëkur ajo është e domosdoshme,Dashuri është ta lësh këtë botë më të mirë nga sa e gjete,O mik Dashuri është të lesh ndezur ate dritëzën që ngelet pas,e veshur me mirësi në vendin e shpirtit,kur ti të kesh ikur.

    ObserverKult

    Lexo edhe:

    DY POEZI NGA ARIF MOLLIQI: DIKUSH KA FRIKË NGA DASHURIA…

    Nga Arif Molliqi

    NË MOTELIN BREG RRUGE

    në moshën që ka sotai përpiqet të gjej ilaçin të mos turpërohejmbase e ka njohur një prostitutëqë s’kishte dy-tri ditëmund me qenë edhe një javëe kishin sjellë në motelin breg rrugenë botën e kësaj aventuree kishin thirr politikanin plakt’i rikthej ëndrrat, dashurinë e lënë pengmbase nuk kishte mundësitë hyj në një ëndërr tjetër

    Poezinë e plotë mund ta lexoni KËTU:

    ObserverKult

  • “Kemi një udhëheqës sharlatan në politikë”/ Qeverisja, reagon Nesho: Shqipëria është zhytur në korrupsion, narko-shtet

    “Kemi një udhëheqës sharlatan në politikë”/ Qeverisja, reagon Nesho: Shqipëria është zhytur në korrupsion, narko-shtet

    I ftuar në një studio televizive, ish-ambasadori Agim Nesho nuk kurseu kritikat, akuzat dhe argumentat ndaj qeverisjes së vendit.
    “Kemi një udhëheqës që me përkëdheli mund ta quajmë një sharlatan në politikë, i cili përpiqet vetëm të krijojë atë vizionin për partnerët e huaj, kurse vendin e tij e ka kthyer në një vend që nuk plotëson as kriteret e vendeve afrikane”, tha Nesho. Ai theksoi se entuziazmi i Kos për Ramën, të cilin ajo e quajti “vizionar”, injoron faktin se Shqipëria është zhytur në korrupsion dhe krim të organizuar, një realitet i dokumentuar nga raporte si ai i OSBE/ODIHR.
    Nesho argumentoi se lëvdatat e zyrtarëve si Kos vijnë si rezultat i aftësisë së Ramës për t’i joshur ata “me atë fantazinë e tij dhe diçka më tepër, me metoda ekstra”. Sipas tij, reagimi i duhur i opozitës ndaj kësaj situate është një sinjal pozitiv që tregon se ajo po e tejkalon kompleksin ndaj ndërkombëtarëve dhe po guxon të përballet me të vërtetën.
    Agim Nesho:
    Është interesi i Europës për të futur edhe vendet e Ballkanit në Bashkimin Europian, por ky është një proces i gjatë. Më tepër është një fokus për të thënë që kjo është pjesa e Europës dhe fuqitë e huaja nuk mund të ndërhyjnë për të krijuar një vrimë të zezë në ndërhyrjen në zemër të Europës. Por në këtë kuptim, kjo është një zbatuese e thjeshtë.
    Gjë që tregon, ashtu siç e tha kolegu, që jo vetëm ka një entuziazëm, po nuk ka një profesionalizëm për të parë realisht se çfarë ndodh në Shqipëri. Shqipëria është një vend, një narko-shtet. Kemi një udhëheqës që me përkëdheli mund ta quajmë një sharlatan në politikë, i cili përpiqet vetëm të krijojë atë vizionin për partnerët e huaj, kurse vendin e tij e ka kthyer në një vend i cili nuk plotëson jo kriteret europiane, por është shumë më pak edhe se vendet afrikane. Së dyti, dua të them që nga pasioni arriti në gabime. Autogoli është një gjetje perfekte që bëri kolegu, por unë dua të them që krijoi një moment tepër të vështirë.
    Krijoi një moment tepër të vështirë sepse doli, si e thatë edhe juve, kundër institucioneve të Brukselit. Kemi deklaratën e përfaqësuesit të Parlamentit Europian, i cili mori pjesë në zgjedhjet e Shqipërisë dhe tha që krimi i organizuar nuk bëri të mundur rotacionin politik në Shqipëri. Kemi të gjithë dokumentet e tjera për të cilat një komisionere që vjen nga entuziazmi dhe përkëdhelitë e Edi Ramës, i cili duhet të themi që kompromisin e vetëm, për t’ua shpjeguar dhe shqiptarëve, që bën edhe me këta zyrtarë burokratikë që në një mënyrë ose në një tjetër i josh me atë fantazinë e tij dhe diçka më tepër…
    Në këtë kuptim mendoj që ajo theu një një popull të tërë, i cili kërkon të futet në Bashkimin Europian duke respektuar vlerat dhe principet europiane. Do të ketë atë që është kryesorja në funksionimin e një shteti demokratik: votën e lirë, i cili të përcaktojë dhe legjitimojë gjithë institucionet e tij.

  • ‘Tepër sekrete’, Lala: SPAK ka kërkuar dokumente që mbahen në arkivin e Kuvendit

    ‘Tepër sekrete’, Lala: SPAK ka kërkuar dokumente që mbahen në arkivin e Kuvendit

    Gazetarja Klodiana Lala ka deklaruar se SPAK ka kërkuar dokumente që mbahen në arkivin e Kuvendit dhe janë sekrete për çështjen e 21 Janarit.
    E ftuar në një studio televizive, gazetarja Klodiana Lala tha se kanë të bëjnë me vëzhgime apo përgjime, që lidhen me zhvillimet para, gjatë dhe pas protestës së 21 janarit.
    Ajo ka bërë me dije se shkresa është tepër sekrete pasi preket siguria kombëtare.
    Sipas gazetares, hetuesit kanë vlerësuar se janë shumë të rëndësishme për procesin, për të kuptuar si u organizua protesta, a kishin orientime për akte dhune, dhe çfarë ndodhi brenda Kryeministrisë që u qëllua në drejtim të protestuesve.
    “SPAK ka kërkuar dokumente që mbahen në arkivin e Kuvendit dhe janë sekret. Ka të bëjë me vëzhgime apo përgjime, që lidhen me zhvillimet para, gjatë dhe pas protestës së 21 janarit. Shkresa është “tepër sekret”. Kuvendi do ta kthejë po kështu, me logon “tepër sekret”, pasi preket siguria kombëtare. Hetuesit kanë vlerësuar se janë shumë të rëndësishme për procesin, për të kuptuar si u organizua protesta, a kishin orientime për akte dhune, dhe çfarë ndodhi brenda Kryeministrisë që u qëllua në drejtim të protestuesve.
    Për shkak të hetimit penal, prevalon hetimi dhe sipas përcaktimit të GJEDNJ, është thënë vrasje shtetërore, pra prek nivele të larta, ndoshta nuk e detyron dot SPAK Kuvendin, por e ka kërkuar, duhet parë se si do të vijojë.
    Mund të ndodhë që Kuvendi nuk i deklasifikon, i takon Kuvendit nëse ia vë në dispozicion prokurorisë”, tha ndër të tjera Lala.

  • “Çdo metër të zënë padrejtësisht do ua kthejmë qytetarëve”, Rama: Ky është mandati i vulës së pakthyeshmërisë

    “Çdo metër të zënë padrejtësisht do ua kthejmë qytetarëve”, Rama: Ky është mandati i vulës së pakthyeshmërisë

    Kryeministri Edi Rama gjatë një takimi me banorët e njësisë 2 në Tiranë, ku u diskutua për buxhetin e kryeqytetit, theksoi se lirimi i hapësirave publike dhe kthimi i tyre në shërbim të qytetarëve nuk ka më kthim pas.
    Ai theksoi se çdo metër katror ku është ndërtuar pa leje do të merret mbrapsht, duke shtuar se ose do të shemben siç ka ndodhur, ose do të shndërrohen në zyra dhe institucione në shërbim të qytetarëve.
    Më tej kreu i qeverisë theksoi se në këtë mandat do të nisë vula e pakthyeshmërisë së çdo procesi që ka nisur, duke filluar nga ulja e Shqipërisë si e barabartë mes të barabartëve në tryezën e BE.

    “Ka filluar një operacion në Farkë dhe do të vazhdojë metër për metër. Çdo metër tepër, aq më tepër metrat tepër të bëra nga një lloj, nuk e di çfarë ta quaj, babëzie, për të shitur më shumë dhe shumë shtrenjtë në kurriz të komunitetit dhe në kurriz të qytetit, nuk kanë për t’iu gëzuar ata që i kanë bërë. Ose do të shemben sipas rastit duke i hedhur në erë ato vilat, ose do të merren mbrapsh dhe aty do të bëhen. Jemi duke diskutuar për një vilë të madhe për ta bërë çerdhe ose kopësht. Është gjëja më normale që kudo ku ka mundësi do të marrim mbrapsh metrat katrorë për t’i shndërruar në zyra publike. Unë jam shumë besimplotë me këtë fuqi që na kanë dhënë njerëzit, do të jetë mandati që do t’i vërë vulën shumë gjërave dhe pakthyeshmërinë e këtyre proceseve të nisura, duke nisur nga kryefjala që është ulja e Shqipërisë në BE”, deklaroi Rama.
     

  • Dhunë, shantazh nga ish-i dashuri/ ‘Është njeriu më i poshtër që unë njoh’- Historia e 30-vjeçares nga Shkodra

    Dhunë, shantazh nga ish-i dashuri/ ‘Është njeriu më i poshtër që unë njoh’- Historia e 30-vjeçares nga Shkodra

    Kjo është Alda, një 30-vjeçare e divorcuar nga qyteti i Shkodrës dhe nënë e një vajze të vogël, që pas mbylljes së një martese të dështuar është njohur me Enin dhe ka vendosur të krijojë një lidhje të re. Partneri, një 35-vjeçar, edhe ai nga Shkodra dhe baba i një vajze, njëlloj si ajo, në fillim shfaqej ngrohtë dhe shumë i kujdesshëm, duke dhënë imazhin e të dashurit model.

    Një raport në distancë, që për shumë çifte është një provë e vërtetë e nëse lidhja është ajo e duhura apo jo, duket se për 30-vjeçaren ishte vetëm nisja e një makthi.

    Alda pranon çdo gjë për hir të dashurisë, duke u kthyer në një kukull të kontrolluar në distancë nga dikush që jeton 2,500 km larg. Por pasi shenjat treguan se partneri po kapërcente çdo limit, ajo vendos të rebelohet.

    Këto biseda bëheshin përditshme, dhe vajza, ndoshta edhe nga insistimi i vazhdueshëm i Enit, vendos ta takojë. Por për shkak të mungesës së një vize për në Angli, destinacioni është një tjetër shtet. Pas këtij takimi dhe qëndrimi disa ditor në Spanjë, që sipas vajzës ishte tepër i forcuar, 35-vjeçari vendos të kthehet bashkë me partneren. Ndoshta me idenë se njëherë do ta ndahej nga ajo, do ta humbte përfundimisht. Këtu, makthi i përjetuar nëpërmjet telefonit kthehet në një realitet të prekshëm.

    Pas një debati të fortë në makinë, Eni nis të dhunojë vajzën. Në realitet, sa menduria e sapokishte nisur, sepse pasi e kishte goditur dhe e kishte lënë në gjendje të fikti, ai vendos ta mbajë të izoluar, nga frika se Alda do të fliste me dikë.

    Duke parë që gjendja fizike e vajzës nuk ishte aspak e mirë, për më tepër që shenjat e dhunës ishin të dukshme në fytyrë, ai bën një veprim që ngre dyshime se kjo sjellje me partneren është diçka e njohur për të.

    (“Shkojmë më bleu një krem pudër, tha, dua kremin më të mirë, me syze.”)

    Pas kësaj ngjarjeje që la shenja jo vetëm fizike, por edhe shpirtërore, Alda kërkon të nisë një kapitull të ri në jetën e saj, larg problemeve që i kishte shkaktuar ky person, por jo për shumë kohë. Pasi Eni arrin të gjejë forma e mënyra për të takuar vajzën, në fakt dhe kësi 30-vjeçarja vendos të merret përpara arsyes, duke i urdhëruar një lidhje që nga ana e saj të mbante vetëm ngarkesat emocionale dhe psikologjike të forta.

    Por gjatë kësaj periudhe afrimi ndodh edhe një ngjarje e papritur, që e bind përfundimisht vajzën se ky person ka probleme serioze, të cilat demonstrohen në mënyrë të frikshme. Në kushtet kur ndihej vërtetë e tmerruar nga këto shpërthime, Alda vendos të largohet për pak ditë nga banesa, por kur kthehet përballet me një tjetër surprizë: Eni kishte vjedhur sendet personale.

    Edhe pse me urdhër mbrojtjeje, vajza nuk ndihej e sigurtë, ndaj vendos të largohet drejt Italisë. Kjo është pjesa e parë e kësaj historie, e nisur me kontroll në distancë dhe e vazhduar me dhunë, presione, shantazhe e kërcënime për vajzën dhe familjarët e saj.

    Në vijim, ky 35-vjeçar që duket se nuk njeh limit ndaj ish-partneres, nis një seri shantazhesh, kësaj radhe në rrjetet sociale.

    (“Ky më datën 17 shtator, me pasaportën time të vjedhur, ka blerë numrin në Shkodër.”)

    Se si ka arritur që me pasaportën e dikujt tjetër të blejë një numër telefoni, regjistruar në emrin e saj, do ta shpjegojmë më vonë, sepse në këtë histori është i implikuar edhe një person tjetër.

    Por mes gjithë kësaj stuhie, ai bën një veprim që ndodh rëndomtë në shoqërinë tonë pas krizës së marrëdhënieve: vendos të hapë rrjetet sociale me fotot intime të vajzës, duke patur vetëm qëllim denigrimin e saj.

    Por ligësia e ish-partnerit nuk mbyllet këtu. Sepse me qëllimin për ta terrorizuar Alda dhe familjen e saj, ai shpik diçka tjetër: bëhet polic për një ditë. Me gjithë këto detaje që vajza ka ofruar, situata është vërtetë jashtë kontrollit, por edhe e vështirë për t’u menaxhuar.

    Për më tepër, ky 35-vjeçar është tepër i kujdesshëm, që arrin të fshijë çdo gjurmë, duke mohuar me forcë këtë lidhje dhe denigrimin e ish-partneres. Por nën një moment të vetëm ai bën një gabim fatal: tek një video chat me ish-partneren, i tregon asaj foton intime që sapo ka publikuar.

    Më në fund, krahas dëshmive të detajuara të vajzës dhe fakteve për përdorimin e numrave të telefonit që i ka blerë dhe regjistruar në emër të saj, kemi identifikuar autorin e shpërndarjes së videos denigrues në rrjetin social.

    Prandaj ka ardhur momenti që bashkë me 30-vjeçaren të bashkojmë forcat me policinë për t’i dhënë fund njëherë e mirë këtij makthi.

    Por edhe në këtë pikë gjërat nuk janë aq të thjeshta, sepse befas Eni bëhet thuajse i pakapshëm. Lëviz mes Shkodrës dhe Tiranës pa na lënë kohë ta gjurmojmë, edhe pse jemi në bashkëpunim të ngushtë me policitë e dy qyteteve.

    Ndërkohë, përpjekjet tona për t’u përballur me këtë shantazhues ende nuk po marrin drejtimin e duhur. Ai jo vetëm nuk ka dalë në takim, ashtu siç shpresonim, por madje ka mbyllur çdo kontakt me vajzën, duke e bërë edhe më të vështirë gjetjen e tij.

    Por pak ditë më vonë, në bashkëpunim me policinë e Shkodrës, po përpiqemi të mësojmë se ku dorëkohet ky dokument: Prokuroria e Lezhës bën të ditur se Eni Halili është thirrur për marrjen në pyetje. Ndaj vendosim ta presim jashtë për të komunikuar me të.

    Ndërsa ne sapo kemi nisur të flasim me 35-vjeçarin, ish-partneri nuk përmbahet dhe tepër e acaruar ndërhyn në bisedë.

    Gjatë gjithë bisedës, ai mohon kategorikisht lidhjen me situatën dramatike që i ka shkaktuar ish-partneres, dhe e bën këtë me një ftohtësi të habitshme.

    Në kushtet kur Eni nuk jep asnjë përgjigje të sinqertë për problemet që i ka shkaktuar vajzës, mendojmë se gjëja më e mirë është të ndalojmë veprimet e tij, për t’i lënë në dorë organet ligjzbatuese.

    Por nuk kemi mbaruar këtu. Në Shkodër na pret një tjetër personazh, që me dashje ose jo, i ka shkaktuar netë pa gjumë 30-vjeçares.

    Bëhet fjalë për punonjësen e një kompanie të telefonisë celulare, e cila, e shtyrë nga Eni, i ka dhënë këtij të fundit kartën e telefonit të regjistruar në emër të Aldës. Kuptohet, pa dijeninë e saj.

    Edhe pse e zënë ngushtë, vajza nuk pranon të ketë qenë bashkëpunëtore me 35-vjeçarin.

    E vërtetë ose jo kjo do ta sqarojnë autoritetet, të cilat kanë nisur hetimin edhe për këtë 20-vjeçare, e cila akuzohet për veprën penale falsifikim vulash, stampash dhe formularësh.

    Ndërkohë, ndaj 35-vjeçarit Eni Halili rëndojnë akuzat: dhunë në familje, veprim në kundërshtim me vendimin e gjykatës, falsifikim dhe mashtrim.

  • Sezoni më i dobët në historinë e bardhebluve, “shpëtimi” i Tiranës është… Partizani

    Sezoni më i dobët në historinë e bardhebluve, “shpëtimi” i Tiranës është… Partizani

    Tirana pësoi humbjen e radhës dje në kampionat, ndërsa përballë kishte Bylisin. Trajneri Ardian Nuhiu debutoi në mënyrën më të keqe, pikërisht në stadiumin “Selman Stërmasi”. Rezultati 0 me 2 në favor të klubit ballshiot, bën që bardheblutë të mbeten në vendin e parafundit me 6 pikë.
    Asnjëherë më parë në historinë e saj, Tirana nuk ka grumbulluar vetëm 6 pikë në përfundim të dhjetë javëve kampionat. Një shifër e cila shoqërohet me golavarazhin negativ -9, pasi janë pikërisht bardheblutë që kanë pësuar më tepër gola.

    Të gjitha këto statistika negative, “harrohen” ndaj Partizanit. Tirana i kishte si shpëtim rivalët e përjetshëm në fazën e parë, pasi jo vetëm që u shënoi tre gola, por edhe nuk pësoi. Kështu njësoj si në edicionin e kaluar ku të kuqtë nuk fituan asnjë  derbi, sërish pikët ndaj Partizanit janë jetike për mbijetesën. Ndaj “demave” është regjistruar fitorja e vetme e këtyre 10 javëve kampionat, që tashmë vlen shumë te llogaritë për mbijetesën.
    Tirana ka provuar fazën “play-out” për herë të parë në vitin 1974 si vend i parafundit, ndërsa një rregullore e re e FSHF-së u pa si shpëtim për të mos rënë nga kategoria. Pozicionim po kaq i keq në renditje sa tani, është regjistruar në edicionin 2013/14 ku pas dhjetë javësh kishte gjithsesi më tepër pikë.
    Viti 2017 ndërkohë konsiderohet më i errëti në historinë e klubit, pasi bardheblutë provuan për herë të parë Kategorinë e Parë. Edhe në sezonin 2018/19, Tirana luajti vetëm për të mos rënë nga kategoria. Asokohe grumbulloheshin 9 pikë pas dhjetë javësh. Edicioni i kaluar ishte po ashtu mjaft i vështirë, megjithatë në “play-out” mjaftoi një gol ndaj Pogradecit për të shpëtuar nga rënia.
    Në të gjitha rastet e përmendura, Tirana grumbullonte më tepër se 6 pikë. Poshtë bardhebluve ndodhet aktualisht Flamurtari, me 1 pikë më pak. Në anën tjetër Partizani me 2 pikë më tepër mban vendin e “play-out”.
    Krahasimi pas 10 javësh me sezonet më të vështira:
    Sezoni 2013/14: 10 pikë, vend i parafundit
    Sezoni 2016/17, i rënies nga kategoria: 17 pikë, vend i katërt
    Sezoni 2018/19: 9 pikë, vend i shtatë
    Sezoni 2024/25: 11 pikë, vend i shtatë
    Sezoni 2025/26: 6 pikë, vend i parafundit

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Mjeku Nderim Horeshka rrëfen historinë prekëse të nënës që refuzoi abortin dhe solli në jetë katër engjëj

    Mjeku Nderim Horeshka rrëfen historinë prekëse të nënës që refuzoi abortin dhe solli në jetë katër engjëj

    Disa ditë më parë një lajm i bukur erdhi nga spitali Universitar Obstetrik–Gjinekologjik “Koço Gliozheni”, Tiranë ku një nënë solli në jetë katërnajkë.
    Në lidhje me këtë ka reaguar edhe gjinëkologu Nderim Horeshka, i cili ishte mjeku që ndoqi nga afër rastin e katërnjakëve.
    Përmes një postimi në Facebook, Horeshka shkruan se ishte një shtatëzani me rrezik të lartë dhe bën me dije se katërnjakët kanë lindur parakohe në datë 8 gusht.
    Më tej mjeku shkruan se nëna Rozeta ka mori riskun përsipër dhe nuk pranoi që dy prej bebeve të iu ndërprehej jeta në barkun e saj.
    Ndërsa më tej shkruan se ky rast ishte sukses i gjithë spitalit Universitar Obstetrik – Gjinekologjik “Koço Gliozheni”.
    Postimi i plotë:
    Sot ishte nje dite pune e lodhshme per mua me nje operacion te veshtire. Por sot qe edhe nje dite teper e vecante.
    Nje cift i mrekullueshem Roza dhe Aldo me bene nje surprize ,qe me hoqen lodhjen e operacionit.
    Ato jane prinder te katernjakeve te lindur ne Spitalin tone me 8 Gusht.Qe lindje parakohe.
    Qe nje shtatzani me rrezik te larte.Qe kur u diagnostikua ne fillim te shtatzanise ,qe ishte katernjake patem nje bashkebisedim teper te gjate duke u sqaruar,rreziqet dhe komplikacionet e mundeshme di per Nenen ashtu edhe per bebet.
    U kishin propozuar dhe feto reduction (nderprerje ne barkun e nenes te zhvillimit te dy nga bebeve).Roza  e kishte refuzuar kete nderhyrje dhe vedosi vazhdimin e shtatzanise ,duke marre rrezikun teper te larte per vete  dhe bebet.Doktor ti si me thua ?
    I thashe ,qe une jam ne parim kundra Abortit.Por vendimarrja eshte e juaja.Me thote Dr.Nderimi kemi vendosur ti mbajme te kater bebet,zoti mi dhuroj   e shpresoj te me ndihmoje t’i lind e t’i rris.
    Dua qe shtatzanine t’a ndjek me ju.
    Qe nje sfide dhe per mua ,sepse eshte shtatzani me rrisk.
    Roza u hospitalizua qe 21-22 javeshe ne SUOGJ ”Koco Gliozheni “ dhe deri me sot.
    Sot Roza dhe Aldo dolen duar plot fhe teper te lumtur me 4-foshnjat e tyre ,3 djem dhe nje vajze.Ato nuk dolen nga spitali me priten 2.5 ore sa mbarova operacionin,per te me pershendetur dhe falenderuar me shume mirenjohje per punen e bere.
    U mrekullova nga fjalet e ndjera dhe teper prekese jovetem per mua ,por per gjithe stafin e spitalit tone.
    Vertet eshte nje histori suksesi profesional ,ku kontribuan te gjithe mjeket e spitalit ,ekipet e rojeve qe e kane ndjekur me vemendje cdo nate.
    Stafi  i pathologjise barres,ne vecanti DrJonida Dautllari qe ishte mjeke e dhomes e qe konsultoheshim cdo dite per gjendjen ,ecurine , mjekimin etj.
    Nje merite e vecante ekipi qe asistoi lindjen me operacion,Dr.Anika Dokle,DrFlori Llabani,Dr Kela.
    Por ,nje merite dhe vleresim teper te vecante merr stafi i Neonatologjise,mjeket dhe infermieret qe jane perkujdesur maksimalisht qe nga lindja e deri  sot.
    Profesioni yne teper i veshtire ,plot stres,ankth,edhe here here pasiguri ,qe lidhen me ate qe mjekesia nuk shkence ekzakte dhe vleresimet e parashikimet jo gjithmone jane te sakte.Por ,ky profesion teper i bukur,te fal emocione kaq pozitive qe vetem ne kemi fatin t’i perjetojme,gezim e lumturi te papershkruar me fjale ,lindja e jetes!Behemi pjese e gezimit ,lumturise te atyre qe behen prinder.
    I ndajme bashke keto momente gezimi teper te vecanta .
    Faleminderit qytetareve te Tiranes dhe gjithe Shqiperise ,qe na besojne jetet e femijeve dhe grave ,nenave e motrave te tyre.
    Po  ndaj me ju foto,me lejen paraprake te ciftit Roza dhe Aldo.
    Ekografi te fillimit shtatzanise,ecurise dhe fotot e sotme ,qe do te jene te paharruara per mua!
    Ju uroj :Jete te gjate ,shendet e fat te kater femijeve te Rozes dhe Aldos.

  • Çka thoshte Frojdi për Dostojevskin dhe veprën e tij?

    Çka thoshte Frojdi për Dostojevskin dhe veprën e tij?

    Nga letërkëmbimi Zigmund Frojd-Stefan Cvajg (përktheu Rexhep Hida)

    I nderuar Zotëri,

    Tani që më në fund ndihem pak më i lirë, gjej rastin t’ju përcjell falenderimet e mia më të thella për librin tuaj të mrekullueshëm *1, që gjeta në tryezën time të punës që kam përlarë me një frymë që prej dy javësh; këtë libër e kam lexuar me një kënaqësi të veçantë, përndryshe, nuk do të kisha ndier nevojën t’ju shkruaja për këtë gjë. Intuita e përsosur e shkrirë me një mjeshtëri e me forcë të rrallë shprehëse, të japin një kënaqësi të jashtëzakonshme.

    Më shumë më ka bërë përshtypje përshkallëzimi në rrijte i akumulimit e i përqëndrimit, falë të cilit fraza juaj të bëhet gjithnjë e më e afërt dhe objekti që përshkruani të duket më intim. Kjo i ngjan dendësimit të simboleve të ëndrave, që zbulon gjithnjë e më gjatë atë që është e mbuluar.

    Nëse më lejohet ta vlerësoj punën tuaj me një peshore tepër të rreptë, do të thosha se figurat e Balzaque-ut e të Dickens-it i keni arritur plotësisht. Por për këtë nuk duhet të mburreni dhe aq, se ata janë tipa të thjeshtë, katrorë. Ndërsa, përkundrazi, me Rusin *2 puna nuk është e ngatërruar dhe me të nuk kalohet edhe aq lehtë. Kështu, te ai vërehen mangësi dhe enigmat nuk janë zgjidhur plotësisht. Më lejoni t’ju ofroj disa materiale lidhur me të, natyrisht, ashtu siç nuk mund t’i kem përfytyruar unë si amator.

    Besoj që psikopatologjia që ka sunduar te Dostojevski , mund të ndihmojë për të ndriçuar mjaft aspekte te ai *3.

    Mendoj se keni bërë mirë që nuk i keni kushtuar edhe aq vëmendje epilepsisë së Dostojevskit. Ka shumë pak të ngjarë që ai të ketë qenë epileptik. Epilepsia është afekt organik i trurit, i jashtëm në lidhje me strukturën psikike dhe i lidhur në përgjithësi me atë moment kur aftësitë psikike të njeriut bien e thjeshtëzohen.

    Njihet një rast me këtë sëmundje te një njeri i kulturuar, të cilin sëmundja nga gjeni, në kushte normale, e shndërroi në një qënie që nuk njihet në gjendje afektive (Helmholz).

    Të gjithë njerëzit e tjerë të mëdhenj, për të cilët thuhet se kanë qenë epileptikë, nuk kanë qenë gjë tjetër veçse histerikë (as fantazisti Lobroso nuk dinte ende ta bënte dallimin).

    Ky dallim nuk është aspak  një pedantizëm mjekësor, por një element tepër themelor. Histeria i ka rrënjët te vetë përbërja psikike; ajo është shprehje e së njëjtës forcë arkaike të origjinës qe shfaqet edhe te veprimtaria e artistit gjenial. Por, ajo është gjithashtu, simptomë e një konflikti tepër të fuqishëm e të pazgjidhur që zien si zjarr vullkanik midis këtyre premisave të origjinës e që, për pasojë, e ndajnë jetën shpirtërore në dy kampe. Unë mendoj se te Dostojevski gjithçka duhet ta ketë bazën te histeria!

    Në biografinë e Dostojevskit kam ndeshur një pasazh ku krijohet një raport interesant midis vuajtjeve të brendshme të djaloshit dhe ndëshkimit që i ati i jep atij në rrethana tepër të vështira-fjala “tragjike” që më vjen së pari në mendje (për mirë apo për keq? ) më duket e zbehtë.

    Për arsye “fshehtësie” nuk thuhet qartë asgjë rreth asaj që ka ndodhur. Është pikërisht kjo skenë fëminore-s’është nevoja që për këtë të bind autorin e Përjetimeve të para-që më pas i ka dhënë forcën romantike për t’u përsëritur në trajtën e një krize; e gjithë jeta e Dostojevskit më pas do të sundohet nga një qëndrim i dyfsihtë ndaj të atit (autoritetit): nënshtrim i verbër i mazokistit dhe rebelim i egër i të revoltuarit. Mazokizmi te ai përfshin ndjenjën e fajësisë që kërkon “të ndëshkohet”.

    Ajo që ju e quani “dualizëm”, ne e quajmë “ ambivalencë”;  kjo ambivalencë e ndjenjave është, gjithashtu , e trashëguar nga jeta psikike e njerëzve primitiv, por që është ruajtur mjaft mirë e që është bërë gati pjesë e vetëdijes së popullit rus që, midis të tjerash, ashtu siç e kam paraqitur edhe herë tjetër, s’ka shumë kohë që po përpiqet të hyjë në jetën e qytetëruar. Ky konflikt përshkruhet më së miri te historia e hollësishme e sëmundjes së një pacienti që s’mund të ishte tjetër veçse fund e krye rus. Ky predispozicion i fuqishëm ambivalencës mund të ketë ndikuar, bashkë me traumatizmin fëminor, që të lindë dhuna e jashtëzakonshme gjatë sëmundjes histerike. Edhe rusët joneurotikë janë të tërë ambivalentë, ashtu si personazhet e Dostojevskit gati në të gjitha romanet. Pothuajse të gjitha veçoritë e artit të tij, të cilat ju, mjerisht, nuk keni arritur t’i kapni si duhet , lidhen me predispozicionin e tyre psikik që është anormal për ne, por normal për një rus; ose më saktë , ato lidhen me strukturën e tyre seksuale, gjë që duhet zbërthyer me imtësi.

    Pikë së pari, le të marrim momentet që lidhen me anën e dhimbshme e pikëlluese. Ato nuk mund të kuptohen pa pskoanalizën, domethënë çdo personazh në vetvete zbërthehet me anë të personazheve  të tjera dhe frazave të veta.

    Për këtë mjafton të sjellim një shembull: fakti që Vëllëzërit Karamazov trajtojnë pikërisht problemin më personat të Dostojevskit, atvrasjen, dhe marrin për bazë parimin psikoanalitik të ekuivalencës së aktit e të synimit të pavetëdijshëm. Njëkohësisht , veçantia e përfytyrimit të tij mbi dashurinë psikike, që herë është një shtysë instiktive, herë një pasion isublimuar, pamundësia e heronjve të tij për të vendosur nëse dashurojnë apo urrejnë, çfarë duan, çfarë nuk duan etj, të gjitha këto tregojnë se në çfarë terreni tepër të ndërlikuar është zhvilluar psikologjia e tij.

    Nuk kam frikë që ju do të mendoni se kjo analizë e asaj që quhet patologji, synon ta zvogëlojë apo ta thjeshtëzojë madhështinë e gjenisë poetike të Dostojevskit, Po e mbyll këtë letër që, për çudi, më doli ca e gjatë, sepse, ndonëse s;kisha ndër mend të zgjerohesha, një sinjal i çuditshëm më ftonte tinëzisht dhe jo fakti që e njihja si duhet gjithë lëndën, duke ju përsëritur falënderimet e mia dhe duke ju përshëndetur përzemërsisht.

    Frojd

    ———————————-

    Është fjala për librin Tre mjeshtra (Drei Meister)-Balzaque, Dickens, Dostojevski botuar në Leipzig , më 1920.

    Është fjala për Dostojevskin.

    Më 1928 Freud-i do të botonte vetë një studim me titull Dostojevski dhe atvrasja

    (Shkëputur nga libri “Mbi letërsinë dhe artet” të autorit Zigmund Frojd)

    E përgatiti: A.S.- ObserverKult

    ===========

    Lexo edhe:

    KUJTIM M. SHALA: TRAGJEDIA E JERONIM DE RADËS

  • Proust: Të gjitha ndarjet janë të dhimbshme, madje edhe ato që i dëshironim…

    Proust: Të gjitha ndarjet janë të dhimbshme, madje edhe ato që i dëshironim…

    ObserverKult ua sjell disa thënie të Marcel Proust:Të gjithë duan të kenë ndërgjegje, por pak janë të gatshëm t’ia paguajnë çmimin.Jemi të gjithë plot me dobësi e gabime; t’ia falim njëri-tjetrit marrëzitë tona; ky është ligji i parë i natyrës.Për xhelozinë nuk ka gjë më të tmerrshme se e qeshura.Trishtimi nuk është veçse një mur midis dy kopshteve.

    Njerëzit gjthnjë kanë nevojë për dikë më të vogël se vetja.

    Bën më tepër zhurmë një pemë që rrëzohet sesa një pyll që rritet.Një njeri me humor do të gjendej në siklet të madh pa shoqërinë e budallenjve.Kur dikush lavdëron dikë, pakkush e beson, ndërsa kur kritikon dikë, çdokush e beson.Të gjitha ndarjet janë të dhimbshme, madje edhe ato që i dëshironim.

    E qeshura e mirë është si drita e diellit brenda në shtëpi.

    ObserverKult

    ——————————-

    Lexo edhe:

    Dashuria është si sëmundja infektuese, sa më tepër njeriu frikësohet aq më tepër e pëson…