Shtetet e Bashkuara duket se janë të gatshme të njohin kontrollin rus të Krimesë dhe territoreve të tjera të pushtuara ukrainase në mënyrë që të sigurojnë një marrëveshje për t’i dhënë fund luftës.
Sipas Telegraph , Donald Trump do të nisë të dërguarin special Steve Witkoff dhe dhëndrin e tij, Jared Kushner, për t’ia paraqitur ofertën Vladimir Putinit në Moskë.
Propozimi për të njohur sovranitetin e Rusisë pritet të ecë përpara pavarësisht shqetësimeve nga aleatët evropianë të Ukrainës. Sipas një burimi të njohur me negociatat, “po bëhet gjithnjë e më e qartë se amerikanët nuk janë të interesuar për qëndrimin e evropianëve”.
“Ata thonë se evropianët mund të bëjnë çfarë të duan”, thotë burimi i Telegraph.
Sakaq, Presidenti rus tha të enjten se njohja ligjore e Krimesë dhe rajoneve të Donetskut dhe Luhanskut nga SHBA-ja si territor rus do të ishte një nga çështjet kryesore në negociatat mbi planin e paqes të presidentit të SHBA-së.
Të premten, Kremlini njoftoi se kishte marrë një strategji të rishikuar për t’i dhënë fund luftës, të hartuar pas bisedimeve emergjente midis zyrtarëve ukrainas dhe amerikanë në Gjenevë javën e kaluar. Plani origjinal i paqes me 28 pika, të cilin Witkof e kishte hartuar pas diskutimeve me zyrtarët rusë, përfshinte njohjen “de facto” të Krimesë dhe dy rajoneve lindore të Donbasit nga SHBA-ja.
Strategjia gjithashtu propozonte njohjen “de facto” të territoreve të mbajtura nga Rusia pas vijës së kontaktit në rajonet Kherson dhe Zaporizhia të Ukrainës, pas çdo marrëveshjeje armëpushimi.
Tag: telegraph
-
Telegraph: Trump gatit të njohë pushtimin rus të Ukrainës! Europianët të bëjnë ç’të duan
-
Zhdukja e Ilir Kumbaros, The Telegraph: U pa për herë të fundit në Cardiff, për 13 vite bëri jetë të dyfishtë…
ilir kumbaro
TIRANË- Ilir Kumbaro, një emër i njohur për drejtësinë shqiptare, rezulton prej 14 vite i zhdukur në Britaninë e Madhe, ndërsa ndaj tij ka një dënim me 15 vite burg. Ish-drejtori i SHIK, iu zhduk drejtësisë britanike, në vitin 2011, në të njëjtën ditë kur një gjykatë në Londër do të vendoste për ekstradimin e tij në Shqipëri.
Që nga ky moment për ish- zyrtarin e lartë të shërbimit inteligjent shqiptar askush nuk mund të thoshte se ku fshihej. Ka patur të dhëna të pa konfirmuara se Ilir Kumbaro mund të kishte dalë ilegalisht nga Anglia.
Gazeta prestigjioze britanike The Telegraph i ka kushtuar një shkrim këtë të diel Ilir Kumbaros, ku për herë të parë del në skenë një e dhënë e re për vendndodhjen e tij.
“Ai u pa për herë të fundit duke bërë pazar në një supermarket në Cardiff me bashkëshorten e tij në vitin 2016, sipas një burimi shqiptar”, shkruan kjo gazetë.
Shkrimi i The Telegraph:
Scotland Yard po u bën thirrje qytetarëve që të ndihmojnë në gjetjen e një ish-shefi shqiptar të spiunazhit që ndodhet në arrati në Mbretërinë e Bashkuar, i akuzuar për rrëmbimin dhe torturimin e kundërshtarëve politikë.
Ilir Kumbaro po kërkohet nga Policia Metropolitane prej 14 vitesh, pasi ai u arratis nga Londra ndërsa ishte i lirë me kusht, përpara një seance ekstradimi në dhjetor 2011.
Kumbaro, tani në të 70-at, kërkohet në Shqipëri për urdhërimin e rrëmbimit dhe torturës së tre burrave në vitin 1995, të cilët dyshoheshin se po komplotonin kundër presidentit të atëhershëm, Sali Berisha.
Policia Metropolitane ka lëshuar një apel të ri për informacion në lidhje me Kumbaron përmes organizatës bamirëse Crimestoppers.
The Telegraph mësoi se hetuesit po bëjnë kërkime dhe po ndjekin pista të reja për vendndodhjen e Kumbaros.
Ai u pa për herë të fundit duke bërë pazar në një supermarket në Cardiff me bashkëshorten e tij në vitin 2016, sipas një burimi shqiptar.
Rikapja e Kumbaros do t’i sillte një farë qetësimi familjes së Remzi Hoxhës, një biznesmen shqiptar-maqedonas, i cili u rrëmbye në veri të Tiranës më 21 tetor 1995 dhe u torturua në një magazinë, bashkë me Zizo Kristopullin dhe Avdyl Loshajn, me urdhër të Kumbaros – atëherë shef i shërbimit të inteligjencës të Shqipërisë (SHIK).
Hoxha, baba i pesë fëmijëve, nuk është parë më kurrë.
I biri, Ardian Hoxha, i tha The Telegraph: “Jemi shumë të lumtur që më në fund autoritetet britanike janë riangazhuar me çështjen e Ilir Kumbaros, personit që rrëmbeu, torturoi fizikisht dhe vrau babain tim.”
Kumbaro iku në Mbretërinë e Bashkuar në vitin 1996 dhe kërkoi azil me emrin e rremë Shaqa Shatri.
Ai i bindi zyrtarët e emigracionit se ishte një refugjat kosovar që po ikte nga persekutimi i Serbisë.
Ministria e Brendshme i dha Kumbaros leje të pacaktuar qëndrimi dhe i lëshoi një pasaportë britanike.
Për 13 vjet, ai jetoi një jetë të dyfishtë në një banesë komunale në Fulham, në perëndim të Londrës, dhe mbijetoi me mijëra paund nga ndihmat sociale.
Policia Metropolitane nisi kërkimin aktiv për Kumbaron në qershor 2008, pas një kërkese nga autoritetet shqiptare.
Mashtrimi i tij mori fund kur ai tërhoqi vëmendjen e detektivëve duke përdorur, në mënyrë të pashpjegueshme, emrin e tij të vërtetë për të kërkuar përfitime të tjera për depresion dhe çrregullim post-traumatik.
Më 2 shtator, detektivët e njësisë së ekstradimit të Scotland Yard, të udhëhequr nga detektiv sergenti Peter Rance, arrestuan burrin që prezantohej si z. Shatri në banesën e tij në Fulham.
Kur u vu në pranga, Kumbaro thuhet se u ka thënë oficerëve: “Nuk jam Ilir Kumbaro, jam Shaqa Shatri” dhe se të tjerët në banesë ishin kushërira e tij, Naxhie Axemi, dhe një mik mashkull i quajtur Ervin Kumbaro (i biri).
Kumbaro duhej të paraqitej në gjykatën e magjistratëve të Ëestminster më 1 dhjetor 2011, por ai u arratis ndërsa ishte me kusht përpara seancës së ekstradimit dhe mendohet se është fshehur mes miqve në Mbretërinë e Bashkuar jashtë Londrës.
Ardian Hoxha tha: “Ne e kishim humbur besimin te sistemi i drejtësisë së Britanisë së Madhe, por duket se ende ka individë të nderuar që duan të shohin drejtësinë të vihet në vend.
“Nëse autoritetet britanike vërtet duan ta gjejnë Ilir Kumbaron, mund ta bëjnë shumë lehtë, pasi fëmijët dhe familja e tij jetojnë në Londër, dhe ka shumë mënyra për ta gjurmuar, lokalizuar dhe sjellë para drejtësisë.”
Në vitin 2012, ish-gjykata e krimeve të rënda në Tiranë e dënoi Kumbaron në mungesë me 15 vjet burg për rrëmbimin dhe torturimin e Hoxhës.
Misteri rreth zhdukjes së Hoxhës është thelluar pas një sërë vdekjesh të atyre më të lidhur me rastin.
Bashkim Gazidede, ish-kreu i SHIK-ut dhe personi që urdhëroi marrjen në pyetje, vdiq në Turqi në vitin 2008.
Budjon Meçe, një ish-oficer i SHIK-ut që, sipas prokurorisë, torturoi personalisht Hoxhën në Lezhë, vdiq në Tiranë në vitin 2018.
Xhevat Hana, ish-prokurori që hetoi rrëmbimin dhe këmbënguli në ekstradimin e Kumbaros, vdiq papritur në një spital italian në vitin 2012.
John Jones, ish-avokati mbrojtës i Kumbaros, vrau veten në Londër në vitin 2016. -
‘Rivali historik’ Daily Mail gati të blejë “The Telegraph” për 500 milionë paund
FOTO ILUSTRUESE
BRITANI E MADHE- Botuesi i gazetës britanike Daily Mail ka hyrë në bisedime për të blerë Telegraph Media Group, një marrëveshje që do të lidhë dy grupe lajmesh që tradicionalisht kanë mbështetur Partinë Konservatore të krahut të djathtë. Mediat britanike raportojnë se bisedimet kishin për qëllim finalizimin e kushteve të një marrëveshjeje prej 500 milionë paundësh (654 milionë dollarë) për të blerë gazetën Telegraph nga një sipërmarrje e mbështetur nga Abu Dhabi e njohur si Redbird IMI.
Beteja për pronësinë e Telegraph, një pjesë e pandashme në peizazhin mediatik të Britanisë që nga viti 1855, filloi në vitin 2023, kur familja Barclay humbi kontrollin e kompanisë në një mosmarrëveshje me huadhënësit e saj. Në nëntor të atij viti, një sipërmarrje midis RedBird Capital me seli në Nju Jork dhe International Media Investments të Abu Dhabit tha se kishte rënë dakord të blinte Telegraph në këmbim të kredive që do t’i lejonin Barclays të shlyenin borxhet e tyre ndaj Lloyds Banking Group.
Por ajo marrëveshje shkaktoi një debat në Dhomën e Komunave rreth rreziqeve të ndikimit të huaj mbi median e lajmeve të Britanisë – dhe për rrjedhojë, edhe mbi debatin politik kombëtar.
DMGT, që zotëron edhe “Daily Mail”, “Mail on Sunday”, “Metro”, “i Newspaper” dhe revistën “New Scientist”, premton se Telegraph do të mbetet editorialisht i pavarur. Megjithëse brenda redaksisë së Telegraph pritet një farë rezervimi për t’u blerë nga rivali historik, një burim i brendshëm tha se pas dy vitesh pasigurie, stafi thjesht dëshiron përfundimin e kësaj sage./ZËRI -
Daily Mail bën ofertë 500 milionë paund për blerjen e Daily Telegraph
Bota E Shtunë, 22 Nëntor 2025 14:26
Daily Mail and General Trust (DMGT) ka nisur bisedime zyrtare për blerjen e grupit mediatik “Daily Telegraph” me një ofertë prej rreth 500 milionë paundësh, duke i dhënë potencialisht fund një sage dyvjeçare të shitjes së gazetës së njohur britanike. Grupi në pronësi të Lord Rothermere u bë ofertuesi kryesor pas dështimit të marrëveshjes me konsorciumin RedBird Capital Partners vetëm dy javë më parë.
Në një deklaratë, DMGT u zotua se blerja do të siguronte stabilitet për stafin e Telegraph dhe do të garantonte vazhdimësinë e linjës editoriale. DMGT, i cili zotëron tashmë tituj si “Daily Mail”, “Mail on Sunday” dhe “i Newspaper”, ka premtuar se “The Telegraph” do të ruajë pavarësinë e plotë editoriale. Procesi i shitjes nisi në vitin 2023, kur banka Lloyds e sekuestroi gazetën nga familja Barclay për shlyerjen e borxheve. Një tentativë fillestare blerjeje nga RedBird IMI, një fond i mbështetur nga Emiratet e Bashkuara Arabe, u bllokua nga autoritetet britanike për shkak të shqetësimeve mbi ndikimin e mundshëm të një shteti të huaj. Një ofertë e dytë nga RedBird këtë vit dështoi gjithashtu pas kundërshtive brenda redaksisë. Lord Rothermere ka shprehur “admirim të thellë” për gazetën dhe ka konfirmuar se kryeredaktori aktual, Chris Evans, do të qëndrojë në detyrë. Ai premtoi investime të mëdha për ta shndërruar Telegraph në një markë globale, duke ndjekur modelin e suksesit të “Daily Mail”.
Edhe pse blerja nga një rival historik shihet me rezerva, burimet brenda redaksisë tregojnë se stafi dëshiron më shumë stabilitet pas dy vitesh pasigurie. Sa i përket miratimit rregullator, analistët besojnë se pengesat janë më të pakta këtë herë. Ekspertët parashikojnë se ka “shanse të mëdha” që marrëveshja të miratohet nga Autoriteti i Konkurrencës dhe Tregjeve (CMA), megjithëse procesi mund të kërkojë deri në një vit. Vetë DMGT argumenton se ndryshimet në treg, si rënia e shitjeve fizike dhe dominimi dixhital nga Google e Meta, e justifikojnë këtë bashkim. Nëse finalizohet, kjo do të ishte një nga blerjet më të rëndësishme në tregun mediatik britanik të viteve të fundit. -
Daily Mail pranë goditjes së madhe, gati të blejë “The Telegraph” për 500 milionë paund
Daily Mail and General Trust (DMGT) ka hyrë në bisedime për të blerë grupin “Daily Telegraph” për rreth 500 milionë paund, duke shënuar zhvillimin më të fundit në sagën dyvjeçare të shitjes së një prej mediave më të njohura britanike.
DMGT, në pronësi të Lord Rothermere, u bë ofertuesi kryesor pasi marrëveshja e mëparshme me konsorciumin RedBird Capital Partners dështoi vetëm dy javë më parë. Në një deklaratë zyrtare, grupi theksoi se blerja do t’i jepte stabilitet punonjësve të Telegraph dhe do të garantonte vazhdimësinë e gazetarisë së saj.
DMGT, që zotëron edhe “Daily Mail”, “Mail on Sunday”, “Metro”, “i Newspaper” dhe revistën “New Scientist”, premton se Telegraph do të mbetet editorialisht i pavarur.
Si nisi shitja e “The Telegraph”?
Gazeta u nxor në shitje në vitin 2023, pasi Lloyds Bank e sekuestroi për të shlyer borxhet e familjes Barclay. Fillimisht u ble nga RedBird IMI, një fond i mbështetur nga Emiratet e Bashkuara Arabe, por marrëveshja u bllokua për shkak të shqetësimeve mbi ndikimin e mundshëm të një shteti të huaj.
RedBird u rikthye me një ofertë të dytë këtë vit, por u tërhoq pas kundërshtive të forta në redaksi.
Rothermere: Telegraph do ta kthejmë në një markë globale
Lord Rothermere deklaroi se ka “admirim të thellë” për gazetën dhe se do të ruajë kryeredaktorin aktual, Chris Evans. Ai premtoi investime të konsiderueshme në redaksi për ta zhvilluar markën në nivel global, ashtu siç ka bërë me “Daily Mail”.
Megjithëse brenda redaksisë së Telegraph pritet një farë rezervimi për t’u blerë nga rivali historik, një burim i brendshëm tha se pas dy vitesh pasigurie, stafi thjesht dëshiron përfundimin e kësaj sage.
A do ta bllokojnë autoritetet?
Ndryshe nga viti 2023, analistët thonë se pengesat rregullatore janë më të vogla. Ekspertja Claire Enders vlerëson se ka “shanse të forta” që marrëveshja të miratohet nga CMA, edhe pse procesi mund të zgjasë deri në një vit.
DMGT shprehet i bindur se rrethanat aktuale të tregut, rënia e shitjeve fizike, kalimi drejt platformave dixhitale dhe dominimi i tregut nga Google e Meta, e bëjnë marrëveshjen edhe më të justifikueshme.
Nëse miratohet, kjo do të jetë një nga blerjet më të mëdha mediatike në Britani gjatë viteve të fundit.Top Channel
-
The Telegraph: Putini i frikësuar nga një grusht shteti, paranoja po përhapet në Kremlin
Sipas gazetës britanike “The Telegraph”, një ndjenjë cenueshmërie po përhapet brenda Kremlinit dhe frika nga një grusht shteti i brendshëm është bërë një obsesion për Vladimir Putinin.
FSB ka akuzuar anëtarët e Komitetit Rus Kundër Luftës se po komplotojnë një marrje të dhunshme të pushtetit, një veprim që ekspertët e përshkruajnë si pjesë të një vale të re të paranojës së Kremlinit.
Ish-ambasadori i SHBA-së në Ukrainë, John Herbst, tha se “Putini po kërkon armiq për të mbështetur regjimin e tij”.
Analistët vërejnë se autoritetet po punojnë për të diskredituar opozitën dhe për të fajësuar Perëndimin për problemet e brendshme të Rusisë, në një përpjekje për të shpërqendruar publikun nga paqëndrueshmëria në rritje.
Ndërkohë, problemet ekonomike dhe varësia nga Kina po thellohen, Xi Jinping mund t’i japë fund luftës dhe të rrëzojë ekonominë e Rusisë nëse do të zgjidhte ta bënte këtë.
The Telegraph kujton se kryengritja Wagner në vitin 2023 ishte shenja e parë paralajmëruese, duke zbuluar se sa e brishtë është bërë vertikali i pushtetit të Putinit. -
Gjithçka gati për takimin Trump-Putin, The Telegraph: Mineralet e Alaskës në këmbim të paqes në Ukrainë
Vladimir Putin dhe Donald Trump
ALASKA- Ka nisur numërimi mbrapsht për takimin e Donald Trump me Vladimir Putin në Anchorage të Alaskës, i cili do të zhvillohet nesër, të premten, më 15 gusht. Fokusi i takimit, sigurisht, do të jetë lufta në Ukrainë dhe negociatat për t’i dhënë fund asaj. Mes tensioneve në rritje dhe zhvillimeve të shpejta në frontin ukrainas, Donald Trump paralajmëroi se takimi i tij i ardhshëm me Presidentin rus mund të jetë “mundësia e parë dhe e fundit” për deeskalimin e situatës.
“Nëse nuk marr përgjigjet që më duhen, nuk do të ketë takim të dytë”, u tha Trump gazetarëve, duke shtuar se nëse bisedimet shkojnë mirë, mund të pasojë një samit trepalësh, përfshirë Volodymyr Zelenskyy-n.
Takimi do të zhvillohet në Bazën e Përbashkët Elmendorf-Richardson, pranë Anchorage.
Donald Trump tha dje po ashtu se do të kishte “pasoja shumë serioze” nëse Presidenti rus nuk do ta ndalte luftën në Ukrainë pas takimit të tyre. Edhe pse nuk specifikoi se çfarë do të përfshinin këto pasoja, deklarata e tij erdhi në një kohë presioni dhe pritjesh të shtuara nga bashkësia ndërkombëtare. 7 vjet më parë, në vitin 2018, Donald Trump dhe Vladimir Putin u takuan në Finlandë, me ftesë të Presidentit të atëhershëm Sauli Niinisto. Marrëdhëniet midis dy vendeve nuk ishin të mira, për arsye disi të ndryshme nga sot: bëhej fjalë për dyshimin për ndikimin rus në zgjedhjet e vitit 2016, por edhe atë ukrainas.
Trump, kujton gazeta “Guardian” në analizën e saj, doli nga takimi pothuajse i hutuar nga homologu i tij rus. Këshilltarët e dëgjuan të dukej i bindur se Rusia nuk ishte pas përpjekjes për të ndikuar në zgjedhje – dhe e tëra që donin ishte që konferenca për shtyp të mbaronte sa më shpejt të ishte e mundur. Pak para se Trump dhe Putin të takohen të premten në Bazën Ajrore Elmendorf në Alaska, rreziqet duken shumë më të larta.
Edhe pse Shtëpia e Bardhë, si dhe vetë Presidenti, nxituan të zbutnin pritjet nga takimi midis dy udhëheqësve, Trump kishte folur qartë për një “shkëmbim territorial” midis Rusisë dhe Ukrainës, pa qenë i pranishëm udhëheqësi ukrainas. Pra, a është shumë e vështirë për evropianët të shqetësohen se edhe tani, me axhendën “e rëndë” të vitit 2025, Trump do të dalë nga takimi duke mbajtur narrativën e Kremlinit?
Putini, siç shpjegon Guardian, do të përpiqet të formësojë pikëpamjen e Trumpit për atë që mund të përfshijë marrëveshja e paqes, në një mënyrë që (sigurisht) do t’i sjellë përfitim maksimal Kremlinit. Do të jetë një Jaltë e re, si takimi i vitit 1945 ku Shtetet e Bashkuara, Bashkimi Sovjetik dhe Britania vendosën fatin e gjysmës së Evropës pa marrë parasysh pikëpamjet e këtyre vendeve.
Megjithatë, Trump foli gjithashtu për një takim në të cilin ai do ta dijë që në minutat e para nëse do të ketë ndonjë efekt apo jo, kështu që do të veprojë në përputhje me rrethanat. Sidoqoftë, Putini nuk do ta lërë të kalojë mundësia për të provuar të ndikojë te Trumpi në takimin kokë më kokë që do të kenë, vetëm me përkthyesit e tyre.
Por, a do të ketë pasoja të vërteta ajo që vendosin të dy burrat në takimin e tyre privat? Historia tregon se në vitin 2018, ajo për të cilën ranë dakord për të dyja palët nuk u materializua. Këtë herë, megjithatë, “menuja” përfshin Ukrainën dhe pasojat do të jenë më të rënda.
Telegraph: “Presidenti amerikan do të përpiqet ta joshë homologun e tij rus me koncesione minerale”
Në të njëjtën kohë, gazeta Telegraph pohon se Donald Trump do të përpiqet ta tundojë Vladimir Putinin duke i ofruar metale të rralla si nxitje për t’i dhënë fund luftës në Ukrainë. Sipas gazetës, Sekretari i Thesarit i SHBA-së, Scott Bessant, është ndër zyrtarët që po i japin informacion Donald Trump mbi kompromiset ekonomike që SHBA-të mund t’i ofrojnë Rusisë për të përshpejtuar një armëpushim. Propozimet përfshijnë dhënien e aksesit Putinit në mineralet e rralla të gjetura në territorin ukrainas të pushtuar nga Rusia. Dy nga depozitat më të mëdha të litiumit në vend janë në zona të mbajtura nga Rusia, me Vladimir Putinin që pretendon mineralet e çmuara të gjetura në zonat e kontrolluara nga forcat e tij.
“Ekziston një gamë stimujsh, në të cilat mund të përfshihet një marrëveshje e mundshme për minerale/armë të rralla”, i tha Telegraph një burim me njohuri për propozimet.
Në maj, SHBA-të nënshkruan një marrëveshje për mineralet e rralla me Kievin që i lejon atij të shfrytëzojë burimet e pasura natyrore të Ukrainës. Uashingtoni do të duhet të ndërtojë objekte të reja minerare, një proces që mund të përshpejtohet me bashkëpunimin rus. Politika e Presidentit “Amerika e Para” ka çuar në disa marrëveshje minerale që kur ai u kthye në Shtëpinë e Bardhë, kryesisht me Ukrainën dhe Kazakistanin. Stimuj të tjerë përfshijnë heqjen e ndalimeve të eksportit për pjesët dhe pajisjet e nevojshme për të mirëmbajtur avionët rusë, shumë prej të cilëve janë shkatërruar.
Alaska, e cila ndahet nga Rusia vetëm tre milje të Ngushticës së Beringut, vlerësohet të ketë rezerva të konsiderueshme të pashfrytëzuara të naftës dhe gazit, rreth 13% të rezervave botërore të naftës. Zgjerimi i pranisë së Rusisë në ngushticë do të forconte interesat strategjike të Putinit në Arktik, i cili në vitin 2022 përbënte 80% të prodhimit të gazit natyror të Rusisë.
Burime nga qeveria britanike i thanë gazetës Telegraph se stimuj të tillë mund të jenë të pranueshëm për Evropën, për sa kohë që ato nuk duken si një shpërblim për Putinin për pushtimin.
“Ndjesia është se duhet të paraqitet në një mënyrë që është në përputhje me opinionin publik mbi këtë çështje, nuk mund të shihet si një shpërblim për Putinin”, tha një burim./ZËRI -
The Telegraph zbardh prapaskenat: Trump do t’i ofrojë Putinit mineralet e rralla të Alaskës në këmbim të paqes në Ukrainë
Presidenti amerikan Donald Trump, po përgatitet t’i ofrojë Presidentit rus Vladimir Putin qasje në burimet e mineraleve të rralla, në këmbim të paqes në Ukrainë.
Sipas “The Telegraph”, Trump do të mbërrijë në takimin e shumëpritur me Putinin të premten që do të mbahet në Alaskë, me disa propozime që synojnë ta tërheqin Rusinë drejt një marrëveshjeje paqeje duke i dhënë fund luftës në Ukrainë.
Në këto propozime përfshihet edhe aksesi ndaj Moskës në burimet natyrore të Alaskës dhe lehtësimi i disa sanksioneve amerikane ndaj industrisë ajrore ruse.
Një pjesë kyçe e paketës është gjithashtu edhe ofrimi i qasjes për Kremlinin në mineralet e rralla që ndodhen në territoret ukrainase të pushtuara aktualisht nga Rusia.
Në një konferencë për shtyp të mbajtur të mërkurën, Trump paralajmëroi se Putin do të përballet me “pasoja të rënda” nëse nuk bie dakord për t’i dhënë fund konfliktit në Ukrainë gjatë takimit të tyre në Alaskë.
Ai gjithashtu zbuloi synimin për një takim të dytë të menjëhershëm, kësaj here me pjesëmarrjen e presidentit ukrainas, Volodymyr Zelensky. -
“Hap shumë pozitiv”, The Telegraph: Farage ka biseduar me Edi Ramën, Tirana do të marr të burgosur shqiptarë në Britani
Nigel Farage ka thënë se kryeministri Edi Rama ka pranuar të rikthejë në Shqipëri të gjithë shtetasit shqiptarë që ndodhen në burgjet e Mbretërisë së Bashkuar.
Lideri i partisë së djathtë Reform UK u shpreh në një konferencë se ka zhvilluar bisedime me Edi Ramën për një marrëveshje që parashikon dëbimin e të dënuarve shqiptarë nga Britania.
“Jam në bisedë me Edi Ramën nga Shqipëria, dhe mendoj se ai ka pranuar që do të marrë përsëri të gjithë të burgosurit shqiptarë në këtë vend, gjë që është mjaft pozitive”, tha ai, raporton The Telegraph.
Këto komente vijnë pas debatit disa-ditor mes Farage dhe Ramës në rrjetet sociale mbi raportin e shqiptarëve të burgosur në Britani, lidhur me numrin total të tyre në territorin britanik.
Në konferencën e sotme për shtyp, Farage tha se e gjithë platforma e tij politike do të kushtonte 17.4 miliardë paund, të cilat do të siguroheshin duke anuluar projektin hekurudhor HS2 dhe duke hequr politikën e neutralitetit klimatik. Politikani britanik gjithashtu sugjeroi se do të prezantonte një sistem “tre goditjesh” për përsëritësit e krimeve të rënda.
“Nëse dikush dënohet për më shumë se tre vepra të rënda penale, atëherë, sinqerisht, ne mendojmë se ai duhet të përballet me burgim të përjetshëm”, tha ai të hënën.
Për të krijuar më shumë hapësira në burgje, ai propozoi gjithashtu ndërtimin e “burgjeve Nightingale”, një lloj burgu të përkohshëm, të frymëzuar nga spitalet e përkohshme të ngritura gjatë pandemisë së Covid-it.Top Channel
