Rudi Vata ishte i ftuar në emisionin “Mega Sport” që transmetohet në “A2 Cnn” atje ku ka folur sa i përket fitores së Shqipërisë kundër Serbisë. “Fitore e madhe e Shqipërisë kundër Serbisë, u komentua kudo, u fol kudo dhe bashkoi të gjithë shqiptarët. Nga Amerika, në Kanada, kudo në botë ku ka shqiptarë u festua. Madje mua më kanë kontaktuar shumë skocezë që ishin të habitur për këtë festë të madhe dhe përjetimin e shqiptarëve për këtë moment historik. është energji e fort që erdhi në momentin e duhur. Silvinjo ka gabuar shumë më parë, por në dy ndeshjet e fundit i ka përgatitur saktë. Stojkovic nga ana tjetër gaboi duke hedhur në fushë dy debutues, nuk mund të hedhësh debutues në fushë në një ndeshje kaq të rëndësishme.
E kishte kuptuar që Stojkovic që aty do të ketë pikat e dobëta. Nuk mundesh të debutosh kështu, në një ndeshje të tillë. Kjo bëri që Manaj dhe Uzuni, sidomos Uzuni të krijonin shumë probleme. I shfrytëzuan faullat e tij, nga ai djali i ri që ishte i hutuar, i papërqendruar dhe kështu përfituam. Prandaj duhet t’i japim meritat Silvinjos, fryma e grupit ishte si kurrë më parë dhe Uzuni kishte shumë energji, i dha shumë energji ekipit”, tha Vata. /Sport Ekspres/?
Tag: stojkoviç
-
“Silvinjo e dinte se ku do të gabonte Stojkovic”! Rudi Vata tregon si fitoi Shqipëria: Më shkruajtën skocezët, u habitën me ne…
-
“Shikojani duart ku i ka”! Plas debati në Serbi, Stojkovic e ndieu golin e Manajt: Lojtarët nuk lëvizën
Debati i madh po vazhdon në Serbi pas humbjes në shifrat 0-1 nga Shqipëria. Me këtë humbje, Serbia duket totalisht jashtë loje për kualifikimin në Botëror pasi duhet me patjetër një fitore kundër Anglisë për të shpresuar te mrekullia.
Por ky mision është i pamundur me një Angli që jo vetëm nuk ka lëshuar pikë në grup, por ka edhe golavarazhin e frikshëm, 18-0. Pra 18 gola të shënuara dhe 0 i pësuar, duke e bërë të pamundur ëndrrën e Serbisë.
Ndërkohë në një media të Serbisë është folur për gjuhën e trupit të Stojkovic në momentin e golit. Pas një debati dhe përplasje mendimesh, u ngrit hipoteza se trajneri i Serbisë e ndieu golin e Manajt, por lojtarët nuk iu bindën në atë rast.
Rasti i golit ishte një skemë e punuar nga Shqipëria teksa Kristjan Asllani do të kërkonte shtyllën e dytë me Gjimshitin që shkoi në atë cep për të fituar duelin dhe kapiteni ia doli më së miri. Ndërkohë në momentin që Gjimshiti do të fitonte duelin, dy lojtarët e tjerë, Ajeti dhe Manaj, u tërhoqën duke pasur një panoramë shumë të mirë të goditjes në portë. Pavarësisht se Ajeti doli huq, Manaj nuk mund të dilte duke tundur rrjetën.
Ndërkohë në mediat serbe kanë theksuar faktin se në momentin kur Asllani nisi krosimin drejt portës, Stojkovic e kuptoi më së miri idenë duke ngritur duart lart në alarm dhe duke i kërkuar lojtarëve të tij që të markonin shtyllën e dytë dhe të mos i linin lojtarët tanë bosh.?Por futbollistët e Serbisë dukeshin shumë të fjetur dhe nuk reaguan dot në kohë nga këshilla e Stojkovic pasi qëndruan statik dhe kërkuan pushimin e pjesës së parë më shpejtë sesa duhet. Një tjetër sinjal mjaft i qartë se me gjendjen politike dhe konfliktet e shumta me trajnerin Stojkovic, Serbia ndodhet në një moment aspak të mirë dhe Shqipëria me në krye Silvinjon diti që ta shfrytëzonte në përsosmëri duke pritur momentin ideal për të goditur, sic edhe ndodhi. /Sport Ekspres/ -
Një trajner i ri po bëhet gati të zyrtarizohet te Serbia, do të zërë vendin e Stojkovic
Një trajner i ri po bëhet gati te Serbia! Stojkovic dha dorëheqjen pas humbjes me Shqipërinë, ndërsa ndihmësi i tij mori ekipin për të fituar me Andorrën në shifrat 1-3 në transfertë.
Një zëvendësim i përkohshëm dhe që nuk bindi Federatën Serbe të Futbollit pasi Serbia vuajti shumë në atë fitore. Sipas mediave serbe një trajner i ri po bëhet gati të zyrtarizohet te Serbia. Trajneri i Crevena Zvezdës, Vladan Milojevic do të bëjë debutimin e tij në transfertën kundër Anglisë. /Elio Hajdari-Sport Ekspres/ -
Tronditet Serbia, mësohet paga marramendëse që fitoi trajneri i cili dha dorëheqjen në mes të ndeshjes me Shqipërinë
Dragan Stojkoviç pësoi turpërimin më të madh të karrierës së tij sportive të shtunën në darkë, kur tifozët e detyruan të jepte dorëheqjen si trajner i Serbisë gjatë ndeshjes ndaj Shqipërisë. Koret kundër tij bënë që “Piksi” të çohej në këmbë, të ngrinte duart lart e përshëndetej me turmën, duke lënë zëvendësin që të drejtonte ekipin në minutat e fundit.
Ai konfirmoi dorëheqjen pak minuta pas sfidës dhe braktisi ekipin e Serbisë para se ky i fundit të udhëtonte drejt Andorrës për ndeshjen e radhës. Një veprim që është mirëpritur nga tifozët serbë, por që nuk ka kaluar pa kritika. Dhe një nga njerëzit që e ka kritikuar gjithmonë, ish-futbollisti Rade Bogdanoviç, ka lëshuar “bombën” e radhës duke zbuluar një shumë marramendëse që Stojkoviç ka fituar në vitet e tij në drejtimin e Serbisë.“Mbërritja e tij solli një ringjallje që zgjati pak. Askush i gjallë në këtë tokë nuk do të lejonte atë të merrte një rrogë prej 11 milionë eurosh nga Federata për 4 vite e gjysmë pa arritur rezultate. Ai ishte shumë me fat që disa njerëz mendonin se mund ta bënte një gjë të tillë, tani kemi përpara një kapitull të ri. Ne kemi një trajner i cili nuk pranonte kritika, por që duhet të kuptojë se rroga e të cilit ishte sa e 70 kirurgëve më të mirë. Kjo është arsyeja pse ai duhet të jetë i hapur edhe ndaj kritikave”, tha Bogdanoviç, i cili e ka sulmuar gjithmonë publikisht Stojkoviç.
Në mediat serbe shpjegohet se Stojkoviç kishte një rrogë fikse prej 1,4 milionë eurosh në vit, por me bonuse të rëndësishme që mendohet se kanë çuar në shifrën marramendëse të 11 milionë eurove të fituara nga ai në këto vite në drejtim.
© BalkanWeb -
Serbia në kaos total, “koka” e Stojkovic nuk mjafton
Ishin të përçarë përpara derbit me Shqipërinë, por tani Serbia doli e shkatërruar nga disfata e pësuar në Leskovac. Dorëheqja e trajnerit Stojkovic është vetëm maja e ajsbergut, situata nuk duket premtuese as në një të ardhme të afërt, pasi tani asgjë nuk është më në dorën e tyre, madje mediat në vend e shohin të mbyllur këtë fazë kualifikuese, tani flasin për dështim dhe tradhti.
Menjëherë pas humbjes kundër Shqipërisë, Federata Serbe, në përpjekje për të zbutuar ambientin, doli me një njoftim zyrtar duke pranuar dorëheqjen e Stojkovic, për t’i besuar provizorisht stolin trajnerit të ekipit U-21, Zoran Mirković.Në situatën ku ndodhet aktualisht Serbia, e përçarë në çdo aspekt, në Andorra udhëtojnë pa një trajner të parë dhe me 5 mungesa të sigurta. Kaosi është i madh edhe në përzgjedhjen e trajnerit të ri, ku së fundmi në skenë ka dalë edhe emri i Vladan Milojevic, trajneri aktual i Crverna Zvezdën.
()
© BalkanWeb -
Pas disfatës me kuqezinjtë, dorëhiqet trajneri i Serbisë, zbulohet pasuesi surprizë
Përfaqësuesja e Serbisë është tronditur pas humbjes me Shqipërinë. Kjo u vu re nga dorëheqja që Dragan Stojkoviç paraqiti në konferencë për shtyp, fill pas ndeshjes me kuqezinjtë.
Në Serbi u raportua fillimisht se Veljko Paunoviç do të jetë pasuesi i Stojkoviç. Tashmë duket se kanë ndryshuar mendje, pasi emri i ri shfaqet Vladan Milojeviç.
Ky i fundit drejton Crvena Zvezdën ng aviti 2023. Gjithçka do të zyrtarizohet këtë të premte, siç federata serbe ka njoftuar.
55-vjeçari si futbollist luante vetëm në Greqi dhe Serbi. Në anën tjetër karrierën si trajner e ka pasuruar me eksperiencat në Arabi dhe Qipro. -
Te Serbia flasin për tradhti, lojtari hedh “shigjeta” për trajnerin
Te Serbia ka kaos total, pas humbjes ndaj Shqipërisë, disfatë kjo që zvogëlon shanset për një kualifikim në botëror.
Të shumtë janë ata që sulmojnë trajnerin Stojkovic, i cili tashmë ka dhënë dorëheqjen nga pankina.Futbollisti i Crvena Zvezdës dhe lojtari i përfaqësueses serbe, Nemanja Radonjiç, ka sulmuar Stojkovic, nëpërmjet një postim në rrjetet sociale.
Në publikimin e bërë, shihet Radonjiç me fanellën e kombëtares, sakaq dëgjohet kënga e Indira Radiç, “Heroji”.
“Ti nuk ishe kurrë hero, të fal për këtë, sepse tradhtarët e duan vetëm veten”- dëgjohet në këngë. Mesazhi thuhet se është posaçërisht për teknikun Stojkovic.
Whatsapp Image 2025 10 12 At 08.51.52 1 295×450
© BalkanWeb -
Plas te Serbia, futbollisti i njohur akuzon trajnerin: Ti je tradhtar…
12 Tetor 2025
18:47
Telesport
Humbja ndaj Shqipërisë ka shkaktuar një furtunë të vërtetë te serbët. Anësori i Crvena Zvezdës, Nemanja Radonjiç, i cili nuk ishte thirrur për ndeshjen ndaj Shqipërisë, përmes një postimi në rrjetet sociale, e ka cilësuar “tradhtar”, Dragan Stojkoviç, trajnerin e sapo dorëhequr nga Serbia.
Radonjiç ka postuar një këngë, në vargjet e të cilës thuhet konkretisht “Ti nuk ishe kurrë hero, të fal për këtë, sepse tradhtarët e duan vetëm veten”.
Mediet serbe raportojnë se këto vargje dhe ky postim shkon direkt për ish-trajnerin Stojkoviç. Në fakt, Radonjiç nuk është i vetmi që ka dalë kundër ish-trajnerit dhe e quan atë “tradhtar”, pasi një pjesë e mirë në Serbi mendojnë po njësoj dhe e konsiderojnë Stojkoviç-in si fajtorin kryesor për humbjen ndaj Shqipërisë. -
Shqipëria shkakton ‘tërmet’ te Serbia, pas trajnerit Stojkovic humbasin edhe pesë futbollistë
Serbia sheh t’i zbehen shanset për kualifikimin në play-off e Botërorit 2026, pas humbjes 0-1 me Shqipërinë. Te serbët situata është mjaft negative, teksa dha dorëheqje edhe trajneri Dragan Stojkovic, i cili nuk do të udhëtojë me ekipin për sfidën ndaj Andorrës.
Për sfidën e radhës kualifikuese të botërorit ndaj modestëve të Andorrës nuk do jenë në dispozicion 5 lojtarë. Bëhet fjalë për Nikola Milenkovic, Luka Jovic, Predrag Rajkovic, Andrija Zivkovic dhe Dragan Rosic; të dëmtuar ose jo në formë.
Në atë sfidë Serbinë do ta udhëheqë Zoran Bata Mirkovic, i cili në vend të lojtarëve të lartpërmendur thirri Luka Lijeskic nga Radnički 1923, Vuk Draškić nga Crvena zvezda dhe Mihajlo Cvetkovic nga Anderlecht. -
Zyrtare: Stojkoviç jep dorëheqjen pas humbjes me Shqipërinë, Mirkoviç merr drejtimin e Serbisë
Pas humbjes mbrëmë ndaj Shqipërisë në Leskovac, trajneri i Serbisë, Dragan Stojković “Pixi”, ka dhënë dorëheqjen nga drejtimi i ekipit kombëtar. Zoran Mirković do të marrë drejtimin e përkohshëm të këmbestrës serbe.
Lajmi u konfirmua fillimisht nga vetë Stojkoviç në konferencën për shtyp, ku ai deklaroi se nuk do të udhëtojë me ekipin për sfidën ndaj Andorrës.
Federata e Futbollit të Serbisë (FSS) njoftoi zyrtarisht sot se Zoran Mirković, aktualisht trajner i ekipit U-21 të Serbisë, do të udhëheqë ekipin A në ndeshjen e radhës kualifikuese për Kupën e Botës.
“Zoran Mirković iu bashkua kombëtares në Nish të dielën në mëngjes së bashku me stafin teknik,” njoftoi FSS.
Ai do të shoqërohet nga ndihmësit Strahinja Pandurović, Lazar Tomić, Aleksandar Kirovski, Dejan Odavič dhe Bogdan Milićević.