Lajmidites.com

Tag: statusin

  • Kush është i arrestuari që fsheh misterin e Ervis Martinaj? Gazetarja: Kërkoi të bëhej ‘pentito’, SPAK nuk i dha statusin

    Kush është i arrestuari që fsheh misterin e Ervis Martinaj? Gazetarja: Kërkoi të bëhej ‘pentito’, SPAK nuk i dha statusin

    Ervis Martinaj

    TIRANË- Teksa kanë kaluar më shumë se tre vite, fati i Ervis Martinajt ende nuk dihet. Gazetarja Klodiana Lala ka deklaruar në emisionin “Të Paekspozuarit” se një personazh i botës së krimit, ka dashur të marrë statusin e të penduarit të drejtësisë me pretendimin se di për fatin e Ervis Martinajt, ish-mbretit të lojërave të fatit. Por autoritetet nuk e kanë pranuar kërkesën, dhe rrjedhimisht dëshmia e tij nuk është marrë në konsideratë.
    Ajo theksoi se Prokuroria e Lezhës, që ka në dorë dosjen nën drejtimin e Arben Nikës, nuk ka bërë përparime konkrete gjatë tre viteve të fundit. Hetimet janë kufizuar në marrjen e pamjeve filmike dhe pyetjen e personave që kishin dijeni për rastin, përfshirë edhe vajzën dhe policin që e shoqëronin Martinajn ditën e fundit para zhdukjes.
    “Prokuroria e Lezhës, dosjen e ka drejtuesi Arben Nika. E vetmja gjë që është bërë në këto tre vite, përveç marrjes së kamerave dhe pyetja e personave që kanë patur dijeni, ka hetim të çelur zyrtar, dosja është në prokurori, është pyetur vajza që e shoqëronte, është dënuar edhe polici që e shoqëronte, por dosja është në gjendje të fjetur. As nuk është pezulluar dhe as nuk është kthyer. Prokuroria mund ta riaktivizojë me hetime të thelluara, nëse ka informacione. Fakti që Martinaj në këto tre vite nuk ka asnjë sinjal, më bën të dyshoj që mund të jetë rrëmbyer dhe vrarë. Rasti i tij nuk është i thjeshtë, për shkak të personalitetit që kishte, përplasjeve të forta në botën e krimit dhe përplasje me mazhorancën përpara se të zhdukej. Ishte njeri i lojrave të fatit e me rradhë. Nuk ka të dhënë tjetër. Në informacionet që kam disponuar, ka patur tentativë të një personi, që mund të konsiderohet si njeri i rëndësishëm i krimit, që ka patur tratativë për të marrë statusin e të penduarit, nuk i është dhënë. Nuk di të them pse nuk i është dhënë statusi”, deklaroi Lala.
    Ervis Martinaj rezulton i zhdukur që prej 9 gushtit të vitit 2022. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles. Po ashtu ai ka qenë i përfshirë edhe në dosjen Metamorfoza, arrestimet e të cilës u kryen pas zhdukjes së tij. Mustafa Martinaj, babai i Ervis Martinajt, ka kërkuar zyrtarisht nga Gjykata e Lezhës shpalljen si të zhdukur të të birit. Sipas ligjit, një person mund të shpallet i zhdukur me vendim gjykate nëse mungon nga vendbanimi i tij dhe nuk ka pasur asnjë lajm për të për më shumë se dy vite./ZËRI

  • Dumani ndërhyn LIVE në emision: Deklarata për statusin e prokurorëve është institucionale, jo personale

    Dumani ndërhyn LIVE në emision: Deklarata për statusin e prokurorëve është institucionale, jo personale

    Struktura e Posaçme Anti-Korrupsion (SPAK) ka reaguar drejtpërdrejt gjatë transmetimit të emisionit “Trialog” në RTSH 1, për të sqaruar diskutimin e zhvilluar një natë më parë në studio. Debati i mëparshëm kishte qenë i fokusuar te tema “Pse po largohet Altin Dumani nga SPAK?” dhe çështja e statusit të prokurorëve të posaçëm.
    Përmes një mesazhi dërguar moderatores Alba Alishani, zyra e shtypit e SPAK theksoi natyrën e vërtetë të qëndrimeve të Kreut të Strukturës, Altin Dumani.
    “Deklarata e z. Dumani për statusin e prokurorëve të posaçëm është më e madhe se vetë ai. D.m.th. është institucionale dhe jo personale. Duhet nënvizuar kjo,” thuhet në mesazhin zyrtar të SPAK.

  • “Nuk jep kontribut, por merr pagë” – përplasje në KLP për statusin e Prokurorit Çardaku

    “Nuk jep kontribut, por merr pagë” – përplasje në KLP për statusin e Prokurorit Çardaku

    Këshilli i Lartë i Prokurorisë, KLP vendosi mes diskutimesh të premten me 9 vota pro dhe dy kundër që të miratojë kërkesën e prokurorit Lazër Çardaku për ta mbajtur statusin e magjistratit edhe tre vjet nga mbushja e moshës së pensionit, pavarësisht se është shkarkuar nga KPK që prej nëntorit të vitit 2024.
    Relatori i çështjes, Sokol Stojani parashtroi se prokurori Çardaku, i cili ka mbushur moshën e pensionit 67 vjeç, ka kërkuar të qëndrojë në detyrë deri në moshën 70 vjeç.
    Sipas nenit 64 të ligjit për “Statusin e gjyqtarëve dhe dhe prokurorëve në Republikën e Shqipërisë”, magjistrati del në pension pleqërie në moshën 67 vjeç, por me kërkesën e tij, mund të qëndrojë në detyrë deri në moshën 70 vjeç.
    Stojani solli në vëmendje të Këshillit se prokurori Çardaku është shkarkuar nga detyra prej KPK-së dhe po pret shqyrtimin e ankimit të tij në Kolegjin e Posaçëm të Apelimit. Po ashtu, relatori vërejti se Çardaku është i pezulluar nga detyra dhe se nuk jep asnjë kontribut në sistemin e drejtësisë. Stojani tha se projekt-vendimi ka ardhur me shumicë votash nga komisioni, pasi ai ka votuar kundër.  Ai shtoi se dy anëtaret e tjera të komisionit, Ledina Riza dhe Mirela Bogdani janë shprehur pro kërkesës së Çardakut, që t’i jepet mundësia për të ruajtur statusin.
    “Po përdoret shteti si lopë. Një njeri që nuk jep kontribut, nuk mund të paguhet. Ne nuk mund të paguajmë njerëz kur nuk bëjnë asnjë punë.  Dhe duhet bërë një projekson për njerëzit që dalin në pension,” tha Stojani.
    Stojani u mbështet vetëm nga anëtari Erind Mërkuri në Këshill, ndërkohë që nëntë anëtarët e tjerë e konsideruan ligjore kërkesën e Çardakut.
    Në vijim, Stojani solli në vëmendje se Këshilli e kishte kryer më parë një gjë të tillë në rastin e prokurorit Pelivan Malaj, duke i zgjatur moshën e pensionimit nga 67 deri në 70 vjeç, ndërsa ishte i pezulluar prej shkarkimit nga detyra në shkallën e parë të vetingut. Sipas Stojanit, pak ditë para se të gjykohej në KPA, prokurori Malaj kishte kërkuar të dlite në pension, pa ju nënshtruar gjykimit përfundimtar të vetingut të tij.
    Anëtari Erion Fjezulla konstatoi se magjistratët janë të pezulluar për shkak të shkarkimit nga detyra prej KPK, por Stojani ripërsëriti se nuk duhet përdorur shteti si lopë.
    Këshilli në vijim zhvilloi votimin prej nga kërkesa e prokurorit Çardaku për zgjatjen me tre vjet të statusit të magjistratit u mbështet nga 9 anëtarë të këshillit që votuan pro, ndërsa mbetën në pakicë anëtarët Sokol Stojani dhe Erind Mërkuri.
    Prokurori i Tiranës, Lazër Çardaku u shkarkua nga detyra vitin e kaluar për probleme në kriterin e pasurisë, që në vlerësimin tërësor u konsideruan se e vendosnin në kushtet e cënimit të besimit të publikut tek drejtësia. Ai ka ushtruar ankim në Kolegj, ndërsa nuk ka ankim nga ana e Komisionerit Publik. Kolegji shqyrton me përparësi vendimet e Komisionit për të cilat Operacioni Ndërkombëtar i Monitorimit ka paraqitur rekomandim dhe që janë ankimuar prej Komisionerëve Publikë. Mandati KPA përfundon në qershor të vitit 2026, kohë gjatë së cilës pritet të jetë përmbyllur edhe shyqrtimi i ankimit të Çardakut.
    Me vendimarrjen e KLP-së, Çardaku do të vazhdojë të përfitojë 70% të pagës edhe pse nuk do ta ushtrojë detyrën realisht./ Edmond Hoxhaj, BIRN

  • Minatorët në protestë përpara parlamentit: Ne vuajmë për bukën e gojës, deputetët marrin 4 mijë Euro

    Minatorët në protestë përpara parlamentit: Ne vuajmë për bukën e gojës, deputetët marrin 4 mijë Euro

    Ish-minatorë, minatorë aktualë dhe banorë të Kurdarisë dolën sot në protestë para Kuvendit, duke kërkuar statusin e minatorit, një premtim që, sipas tyre, mbetet i paplotësuar nga qeveria.
    Protestuesit mbanin pankarta dhe përdorën megafonët për të bërë të ditura kërkesat e tyre, duke theksuar padrejtësitë që ndodhin mes punës së tyre të rrezikshme dhe pagave të deputetëve.
    “Është e turpshme që një minator vuan për një copë bukë nën tokë, ndërsa një deputet merr 4 000 €,” shprehu një prej protestuesve.
    Mes pjesëmarrësve ishte edhe Redi Muçi nga Lëvizja Bashkë, i cili mbështeti kërkesat për të përmirësuar statusin dhe kushtet e punës për minatorët.

  • Rama e akuzoi për ‘fshatin turistik’ në Theth, ILD rrëzon kërkesën për hetim ndaj prokurores Elsa Gjeli

    Rama e akuzoi për ‘fshatin turistik’ në Theth, ILD rrëzon kërkesën për hetim ndaj prokurores Elsa Gjeli

    Në vazhdën e shembjeve në Theth, kryeministri Edi Rama kishte sulmuar ashpër prokuroren e Shkodrës, Elsa Gjeli, duke e akuzuar për “hedhjen në kosh” të çështjes së “fshatit turistik”, të cilin e cilësoi si “krim të shumëfishtë”.

    Pas kërkesës së Ramës për të nisur hetime disiplinore ndaj prokurores, Inspektoriati i Lartë i Drejtësisë (ILD) i është përgjigjur me një shkresë zyrtare, ku sqaron se nuk ka arsye për të hapur procedim.

    “Pas shqyrtimit fillestar të ankesës tuaj… ka konkluduar se nuk konstatohen paraprakisht elementë juridikë apo faktikë të cilët i krijojnë Inspektorit të Lartë të Drejtësisë një dyshim të arsyeshëm për fillimin e hetimit disiplinor ndaj magjistrates znj. Elsa Gjeli… Për këtë arsye, është vendosur arkivimi pas verifikimit të ankesës suaj”, thuhet në letrën e ILD-së.

    Institucioni sqaron se vendimi është marrë në përputhje me ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, ndërsa i kujton kryeministrit se ai ka të drejtë ta ankimojë vendimin në Këshillin e Lartë të Prokurorisë brenda një jave.

    Me këtë vendim, ILD rrëzon kërkesën e Ramës, duke i dhënë të drejtë prokurores Gjeli pas akuzave të forta të kryeministrit për çështjen e ndjeshme të Thethit.

    ILD: 

    “Ju vëmë në dijeni se, Inspektori Lartë i Drejtësisë (ILD) pas shqyrtimit fillestar të ankesës tuaj, të regjistruar me nr. 2138 prot., datë 10.07.2025, ndaj veprimtarisë së magjistrates znj. Elsa Gjeli, prokurore e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, si dhe referuar vendimit nr. 2138/3 prot., datë 15.07.2025 të Inspektorit të Lartë të Drejtësisë “Për verifikimin pas shqyrtimit fillestar të ankesës dhe informacionit të marrë, ka konkluduar se, nuk konstatohen paraprakisht elementë juridikë apo faktikë të cilët i krijojnë Inspektorit të Lartë të Drejtësisë një dyshim të arsyeshëm për fillimin e hetimit disiplinor ndaj magjistrates znj. Elsa Gjeli me detyrë prokurore në Prokurorisë pranë Gjykatës së Shkallës së Parë të Juridiksionit të Përgjithshëm Shkodër. Për këtë arsye, është vendosur arkivimi pas verifikimit të ankesës tuaj, bazuar në nenin 122, pika 4 të ligjit ar. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar.

    Në mbështetje të nenit 119, pika 4 dhe nenit 122, pika 5 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar, bashkëlidhur këtij njoftimi, ju lutemi, të gjeni një kopje të vendimit të arkivimit të ankesës

    Në përputhje me nenin 122, pika 5 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar, ju keni të drejtë të ankimoni këtë vendim në Këshillin e Lartë të Prokurorisë, brenda 1 (një) jave nga datá e marrjes së vendimit të arsyetuar”, thuhet në letrën e ILD-së.

     

     

     

     

  • Vendimi i Trump për statusin ligjor të emigrantëve, gjykata refuzon kërkesën e aktivistëve

    Vendimi i Trump për statusin ligjor të emigrantëve, gjykata refuzon kërkesën e aktivistëve

    Një gjykatë federale e apelit në SHBA ka refuzuar të premten sfidën e aktivistëve për të drejtat e emigrantëve ndaj vendimit të administratës së Donald Trump për të revokuar statusin ligjor të përkohshëm të qindra mijëra emigrantëve nga Kuba, Haiti, Nikaragua dhe Venezuela që jetojnë në Shtetet e Bashkuara.
    Gjykata e Apelit e Rrethit të Parë, me bazë në Boston, rrëzoi një vendim të gjykatëses së rrethit federal Indira Talwani, e cila kishte vendosur se sekretarja e Sigurisë Kombëtare, Kristi Noem, nuk kishte kompetencë për të ndalur programin e lejeve të përkohshme për rreth 430 mijë emigrantë, të miratuar më parë nën ish-presidentin demokrat Joe Biden. Vendimi i Talwani ishte pezulluar nga Gjykata Supreme në maj, duke lejuar që përfundimi i lejeve të hyjë në fuqi ndërkohë që procesi ligjor vazhdonte.
    Gjykatësi Gustavo Gelpí, në emër të një paneli prej tre gjykatësish të emëruar nga presidentë demokratë, theksoi se veprimi i Noem i detyronte emigrantët të zgjidhnin papritur mes kthimit në rreziqet në vendet e tyre ose qëndrimit në SHBA me rrezikun e arrestimit dhe deportimit. Megjithatë, Gelpí tha se avokatët që përfaqësonin grupin e emigrantëve nuk kishin arritur të provonin se Noem nuk kishte autoritet nën Ligjin për Emigracionin dhe Shtetësinë për të ndërprerë kategorikisht programin e tyre.
    Programi i administratës Biden, nisur në 2022, u lejonte venezuelianëve që hynin në SHBA me aeroplan të kërkonin leje të përkohshme dyvjeçare nëse kalonin kontrollet e sigurisë dhe kishin një sponsor financiar në SHBA. Më 2023, programi u zgjerua për shtetasit nga Kubanët, Haiti dhe Nikaragua. Nga tetori 2022 deri në janar 2025, rreth 532 mijë persona morën statusin përmes këtyre programeve, ndërsa në mars 2025, sekretarja Noem vendosi ta ndërpriste programin, duke prekur rreth 430 mijë emigrantë.
    Avokatja e aktivistëve, Esther Sung, e quajti vendimin e së premtes “shkatërrues”, por shtoi se ende ekziston mundësia për të fituar gjatë vazhdimit të procesit ligjor drejt vendimit përfundimtar.

  • “Strategjikët e rinj”, KIS “ok” për hotele, energji dhe rafineri, 196 mln euro dhe 205 mln USD

    “Strategjikët e rinj”, KIS “ok” për hotele, energji dhe rafineri, 196 mln euro dhe 205 mln USD

    Komiteti i Investimeve Strategjike ka miratuar të paktën katër statuse të reja ku dy prej tyre janë procedurë e veçantë me më shumë lehtësi për investitorët si efekt i vlerës më të lartë të investimit dhe dy të tjerë janë të asistuar.Projektet në fjalë janë në sektorë të hotelerisë, energjisë por edhe industrisë duke parashikuar një vlerë totale investimi prej 196 milionë euro dhe 205 milionë dollar. Por cilët janë në fakt projektet që kanë marrë statusin në fundmi.Hotel në Ksamil“Enea/ Hotel Ksamil”, me subjekt “AICA Imobilare” sh.p.k. mori statusin “Investim/Investitor Strategjik Procedurë e Asistuar”. Projekti i investimit strategjik parashikon realizimin e investimit mbi 45 mln euro dhe parashikon të punësojë 180 punonjës.TEDA Përrenjas, rafineri nikeli dhe tulla“TEDA Përrenjas” me subjekt “CVMR Albania” sh.p.k ka përfituar statusin “Investim/Investitor Strategjik Procedurë e Veҫantë”. Investitori parashikon një investim 205 milionë USD .“Projekti parashikon ndërtimin e një rafinerie për përpunimin e Nikelit në Shqipëri, duke siguruar një kapacitet të prodhimit të hekur-nikelit të papërpunuar deri në 10,000 ton të shfrytëzueshëm në vit. Pjesë e rafinerisë do jenë linjat e përpunimit paraprak dhe ndarjes mekanike me magnet.Synohet njëkohësisht edhe ndërtimi i një fabrikë tullash të plota me kapacitet 300 milion tulla në vit, e cila do të përdorë si lëndë të parë mbetjet nga përpunimi 2 fillestar i hekur nikelit bruto.  Projekti ndahet në dy faza, përkatësisht atë të ndërtimit të infrastrukturës ndërtimore e më pas implementimin e moduleve dhe lidhjen me infrastrukturën ekzistuese” thuhet në vendim.Resort në Pashaliman“Pashaliman Laguna Eko Resort” që do të zbatohet nga “Meta Resorts Albania” sh.p.k ka marrë statusin e “Investim/Investitor Strategjik Procedurë e Asistuar”. Vlara e investimit llogaritet në 21 mln euro dhe synon te punesojë 78 persona. Projekti i investimit synohet të zhvillohet në një sipërfaqe totale prej rreth 25 Ha, në ZK 1569, në zonën e Pashaliman dhe Orikum, Bashkia Vlorë.“Shtrirja e gjurmës së projektit ilustrohet në Aneks 1 të këtij vendimi. · Projekti i investimit propozohet si një projekt i integruar zhvillimi në të cilin parashikohet restaurimi/rijetësimi i strukturave historike të objekteve ekzistuese në zonën e Parkut Arkeologjik të Qytetit Antik të Orikut ashtu si edhe zhvillimin në zonën e Lagunës, nëpërmjet ankorimit në tokë të strukturave lundruese (vila druri) së bashku me strukturat e kalimit. Gjithashtu në funksion të realizimit të këtij projekti synohet vënia në dispozicion e bregut të detit në Kepin e Shën Gjergjit” thuhet në vendim.Park Eolik dhe Fotovoltaik në VeriNjë tjetër projekt që ka marrë statusin nga Komitet ii Investimeve Strategjike është “Parku i Integruar Eolik dhe Fotovoltaik Kiraҫ” nga “Kirac Green Energy” sh.p.k. që ëhstë pjesë e Kirac Group në Turqi. Statusi është “Investim/Investitor Strategjik Procedurë e Veҫantë”. Projekti ka një vlerë investimi rreth 130 mln euro dhe synon të punësojë 124 persona.“Vlera e investimit të projektit të investimit “Parku i Integruar Eolik dhe Fotovoltaik Kiraҫ” i plotëson kriteret e parashikuara nga legjislacioni për investimet strategjike dhe parashikohet të jetë 129,999,988 Euro (njëqind e njëzet e nëntë milion e nëntëqind e nëntëdhjetë e nëntë mijë e nëntëqind e tetëdhjetë e tetë milion) Euro. Projekti i investimit parashikon një sistem hibrid gjenerimi të energjisë dhe përkatësisht ndërtimin e një parku të integruar eolik dhe fotovoltaik i cili do të ketë në total një kapacitet të instaluar prej 125 MË. Ky projekt strategjik, ndër më të 2 mëdhenjtë në Shqipëri, pritet të kontribuojë ndjeshëm në sigurinë energjetike të vendit.Projekti hibrid zë në total një sipërfaqe prej 269.373 ha. Sipërfaqja në të cilën shtrihet projekti projekti prek Bashkinë Lezhë dhe Bashkinë Vau i Dejës, nga të cilat: a. Sipërfaqja e parcelave në pronësi të Bashkisë Lezhë është 99.2 ha; b. Sipërfaqja e parcelave në pronësi të Bashkisë Vau i Dejës është 152.7 ha; c. Sipërfaqja e parcelave në pronësi shtet është 2.5 ha; d. Sipërfaqja e parcelave pa informacion kadastral është 14.9 ha”, thuhet në vendim/ N.MahoKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Strategjikët, AIDA: Sektorët dhe vlera e investimit për të përfituar statusin

    Strategjikët, AIDA: Sektorët dhe vlera e investimit për të përfituar statusin

    Gjashtë janë sektorët, ku potencialisht mund të zhvillohen projekte që përfitojnë nga statusi i investitorit strategjik nëse përmbushin disa kushte ku më kryesori vlera e investimit dhe punësimi që gjenerohet prej tyre.Agjencia Shqiptare e Zhvillimit të Investimeve (AIDA) publikoi këto ditë një përmbledhje të përvitshme informative sa i takon kësaj kategorie investimesh dhe duke shpjeguar edhe procedurat standard të aplikimit, hallkat institucionale të përfshira, kohën e shqyrtimit dhe miratimin.Të renditura sektorët me interes janë : energjia dhe minierat;  transporti, infrastrukture dhe komunikimet elektronike;  turizmi;  bujqësia dhe peshkimi; zonat e teknologjisë dhe zhvillimit ekonomik; zona me përparësi turizmin. Për secilën prej tyre AIDA saktëson kufirin minimal për statusin investim apo investitor strategjik procedurë e asistuar dhe për procedurën e veçantë.SEKTORI “ENERGJETIK DHE MINERARInvestimi të jetë: i barabartë ose më i madh se 30 milionë euro, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “TRANSPORT, INFRASTRUKTURË E KOMUNIKIMEVE ELEKTRONIKEInvestimi të jetë: i barabartë ose më i madh se 30 milionë euro, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “TURIZËMInvestimi të jetë: i barabartë ose më i madh se 5 milionë  euro, dhe që krijon, minimalisht, 80 vende të reja pune, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “BUJQËSI DHE PESHKIM”Investimi të jetë: i barabartë ose më i madh se 3 milionë euro, dhe që krijon, minimalisht, 50 vende të reja pune, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “ZONË E TEKNOLOGJISË DHE ZHVILLIMIT EKONOMIK”Investimi të jetë: i barabartë ose më i madh se 5 milionë euro, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “ZONA ME PËRPARËSI ZHVILLIMI”Investimi të jetë: i barabartë ose më i madh se 1 milion euro, dhe që krijon, minimalisht, 150 vende të reja pune, për statusin “Investim/investitor strategjik, procedurë e asistuar”; i barabartë ose më i madh se 10 milionë euro, dhe që krijon, minimalisht, 600 vende të reja pune, për statusin “Investim/investitor strategjik, procedurë e veçantë”.Për sektorë të tjerë AIDA specifikon në broshurë se mund të përfshihen investime me vlerë të barabartë ose më të madhe se 50 milionë Euro përfitojnë Statusin “Investim/investitor strategjik, procedurë e asistuar”, pasi të kenë marrë miratimin paraprak të ministrisë së linjës. Po kështu investime me vlerë të barabartë ose më të madhe se 100 milionë euro përfitojnë Statusin “Investim/investitor strategjik, procedurë e veçantë”.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Princi William harron ‘statusin’ gjatë festës së Anglisë në Euro Women’s

    Princi William harron ‘statusin’ gjatë festës së Anglisë në Euro Women’s

    Fitorja në Euro Women’s e ekipit të futbollit të femrave të Anglisë në Bazel në finale me Spanjën bëri që zemra e Princit William të rrihte shpejt saqë për një moment harroi statusin e tij mbretëror.

    Ai zbriti nga tribuna teksa i përgëzoi e përqafoi lojtaret dhe trajnerën e “Tre Luaneve” ndërsa festoi edhe me vajzën e tij Charlotte që e shoqëronte në fushë.

    Princi, ishte në protokollin e UEFA-s gjatë dhënjës së medaljeve të ndryshme. Vëmendje e shtuar ndaj tij me Princin William i cili në disa raste festoi si tifoz i zjarrtë i Anglisë.

    Vazhdo leximin

  • “Veliaj po abuzon me statusin e kryebashkiakut”, Lami: Në Europë largohen kur janë nën hetim, PS s’duhet të…

    “Veliaj po abuzon me statusin e kryebashkiakut”, Lami: Në Europë largohen kur janë nën hetim, PS s’duhet të…

    Erion Veliaj ndodhet që prej muajit shkurt në paraburgim ndërkohë që interesi i qytetarëve dhe klasës politike lidhet me drejtimin e bashkisë më të madhe në vend.
    Analisti Roland Lami tha se në Tiranë ka disa komponentë që mund të shpien në zgjedhje të parakohshme. Lami në analizën e tij tha se shumë vende të BE në të cilën drejtues të institucioneve janë gjendur në gjykim juridik, janë distancuar nga posti politik, gjë që sipas Lamit duhet të ishte bërë edhe nga Veliaj.
    “Janë disa komponentë që Tirana të ketë zgjedhje të parakohshme. Në politikë nuk gjykohet ftohtësisht. Politikisht a mundet  një kryetar bashkie të mund të mbajë bashkinë kryesore ku ndërkohë precedentët e mëparshëm, kur dikush atakoihet politikisht dhe akuza ndaj tij është e rëndë. Moralsiht ndjen detyrimin për tu distancuar nga posti politik dhe i drejtohet gjykimit juridik. Këtë e bëjën shumë vende në BE. Elementi i dytë, Veliaj është përfaqësues i subjektit politik dhe PS nuk ka pse i lejon kosto vetes që një person të abuzoj me statusin e kryetarit të bashkisë. Mund të interpretohet si suport politik.”