Në një rast të pazakontë, që ka shkaktuar reagime të shumta në rrjetet sociale, një punëdhënës në Spanjë ka pushuar nga puna një punonjëse vetëm sepse ajo mbërrinte çdo ditë 40 minuta para nisjes zyrtare të turnit.
Punonjësja 22-vjeçare kishte filluar të paraqitej në vendin e punës në orën 06:45, ndërsa turni i saj niste në 07:30.
Megjithëse shumë kompani do ta cilësonin këtë sjellje si shenjë disipline, punëdhënësi kishte një qëndrim krejt tjetër.
Që në vitin 2023, punonjësja ishte paralajmëruar disa herë, me gojë dhe me shkrim, që të mos mbërrinte më herët se ora 07:00 dhe të mos kryente asnjë detyrë pune para orës 07:30.
Udhëzimet ishin të qarta: nuk i lejohej të hynte në sistem, të fillonte punën apo të shpenzonte kohë në ambiente pune para orarit zyrtar.
Megjithatë, ajo vazhdoi rutinën e saj të zakonshme.
Gjatë procesit gjyqësor në Gjykatën Sociale të Alicante-s, u bë me dije se punonjësja kishte grumbulluar 19 mbërritje të tjera të parakohshme, pavarësisht paralajmërimeve të njëpasnjëshme.
Në disa raste, ajo madje ishte përpjekur të hynte në aplikacionin e kompanisë edhe para se të mbërrinte fizikisht në punë.
Për më tepër, punëdhënësi e akuzoi për shitjen pa autorizim të një baterie të përdorur të një automjeti të kompanisë – një veprim që gjykata e cilësoi si element shtesë të mungesës së besnikërisë profesionale.
Gjykata vendosi në favor të kompanisë.
Sipas saj, thelbi i problemit nuk ishte “përpikmëria e tepërt”, por refuzimi i qëllimshëm për të ndjekur rregullat e brendshme të punës, të cilat u konsideruan të shkelura sipas ligjit spanjoll të punës.
Punonjësja ka ende mundësi të apelojë çështjen në Gjykatën Supreme të Valencias.
Historia u bë virale, me shumë përdorues që shprehën habi dhe mosbesim ndaj një vendimi të tillë.
Ndërsa disa komentues mbrojnë kompaninë dhe rëndësinë e respektimit të protokolleve, të tjerë e shohin pushimin si të tepruar dhe absurd.
Rasti vazhdon të ngjallë debate mbi fleksibilitetin, etikën dhe kulturën e punës në Spanjë.
Tag: spanjë
-
U pushua nga puna sepse shkonte shumë herët në punë, rasti që ka ndezur debat në Spanjë
-
Spanjë/ 22-vjeçarja pushohet nga puna se shkonte çdo ditë 40 minuta përpara orarit
Një 22-vjeçare në Spanjë është pushuar nga puna për shkak se paraqitej çdo ditë rreth 40 minuta para nisjes zyrtare të turnit, pavarësisht paralajmërimeve të vazhdueshme nga kompania që kjo praktikë të ndalej.
Sipas dokumenteve gjyqësore, kontrata e saj përcaktonte fillimin e punës në orën 07:30, ndërsa punonjësja mbërrinte vazhdimisht midis 06:45–07:00, shkruan The Sun.
Ajo ishte paralajmëruar disa herë, si me gojë ashtu edhe me shkrim, të respektonte orarin, por e vijoi sjelljen për 19 ditë të tjera radhazi.
Punëdhënësi argumentoi se ardhjet e saj të parakohshme nuk konsideroheshin punë reale, pasi në atë orar nuk kishte detyra operative dhe ajo madje regjistrohej në aplikacionin e kompanisë para se të ishte fizikisht në zyrë. Kompania e cilësoi këtë si shkelje të besnikërisë dhe mosbindje ndaj rregullave të brendshme.
22-vjeçarja e kundërshtoi pushimin dhe çështja shkoi në Gjykatën Sociale të Alicante-s, e cila vendosi në favor të punëdhënësit. Sipas gjykatës, problemi nuk ishte “tepër-përpikmëria”, por refuzimi i vazhdueshëm për t’iu bindur rregullave, çka përbën shkelje të rëndë sipas Nenit 54 të Statutit të Punëtorëve në Spanjë.
Vendimi ka ngjallur diskutime, pasi rasti është i rrallë: zakonisht punonjësit penalizohen për vonesë, jo për ardhje para kohe, por gjykata konkludoi se rregullat e kompanisë janë detyrim ligjor që punonjësi duhet t’i zbatojë. -
Spanjë/ 22-vjeçarja pushohet nga puna se shkonte çdo ditë 40 minuta përpara orarit
Një 22-vjeçare në Spanjë është pushuar nga puna për shkak se paraqitej çdo ditë rreth 40 minuta para nisjes zyrtare të turnit, pavarësisht paralajmërimeve të vazhdueshme nga kompania që kjo praktikë të ndalej.
Sipas dokumenteve gjyqësore, kontrata e saj përcaktonte fillimin e punës në orën 07:30, ndërsa punonjësja mbërrinte vazhdimisht midis 06:45–07:00, shkruan The Sun.
Ajo ishte paralajmëruar disa herë, si me gojë ashtu edhe me shkrim, të respektonte orarin, por e vijoi sjelljen për 19 ditë të tjera radhazi.
Punëdhënësi argumentoi se ardhjet e saj të parakohshme nuk konsideroheshin punë reale, pasi në atë orar nuk kishte detyra operative dhe ajo madje regjistrohej në aplikacionin e kompanisë para se të ishte fizikisht në zyrë. Kompania e cilësoi këtë si shkelje të besnikërisë dhe mosbindje ndaj rregullave të brendshme.
22-vjeçarja e kundërshtoi pushimin dhe çështja shkoi në Gjykatën Sociale të Alicante-s, e cila vendosi në favor të punëdhënësit. Sipas gjykatës, problemi nuk ishte “tepër-përpikmëria”, por refuzimi i vazhdueshëm për t’iu bindur rregullave, çka përbën shkelje të rëndë sipas Nenit 54 të Statutit të Punëtorëve në Spanjë.
Vendimi ka ngjallur diskutime, pasi rasti është i rrallë: zakonisht punonjësit penalizohen për vonesë, jo për ardhje para kohe, por gjykata konkludoi se rregullat e kompanisë janë detyrim ligjor që punonjësi duhet t’i zbatojë. -
E çuditshme në Spanjë! Kompania pushon nga puna punonjësen pse shkonte herët në punë
Në një shkarkim mjaft të papritur, një punëdhënës në Spanjë pushoi nga puna një punonjëse, sepse kishte mbërritur në punë 40 minuta para se të fillonte zyrtarisht turni i saj!
Ndërsa shumë punëdhënës do ta vlerësonin një zakon të tillë, ky kishte një mendim tjetër. Që në vitin 2023, kompania i kishte kërkuar vazhdimisht punonjëses 22-vjeçare të mos mbërrinte më në zyrë midis orës 6:45 dhe 07:00 të mëngjesit, plot 40 minuta para se të fillonte zyrtarisht turni i saj në orën 07:30.
Punonjësja kishte urdhra të qartë. Asaj nuk i lejohej të “shkruante një letër” ose të fillonte punën para orës 07:30. Megjithatë, ajo vazhdoi të shfaqej në zyrë në agim, pa pasur asgjë për të bërë.Përfundimisht, punëdhënësi i saj humbi durimin dhe e pushoi nga puna për ‘sjellje të rëndë e të pahijshme’. Firma argumentoi se zakoni i saj i vazhdueshëm për të ardhur shumë herët nuk po e ndihmonte kompaninë. Sjellja e saj thjesht tregonte se ajo po i shpërfillte sistematikisht udhëzimet.
Punonjësja apeloi në Gjykatën Sociale të Alicante-s, duke pretenduar se pushimi nga puna ishte i padrejtë. Megjithatë, gjyqtarëve iu tha se, pavarësisht paralajmërimeve me gojë dhe me shkrim, ajo vazhdoi rutinën e saj, duke grumbulluar 19 mbërritje të tjera të parregullta të hershme. Në disa raste, ajo madje u përpoq të hynte në aplikacionin e kompanisë para se të mbërrinte në zyrë.
Punëdhënësi e akuzoi gjithashtu se kishte shitur një bateri të përdorur makine të kompanisë pa leje. Gjykata konsideroi se kjo gjithashtu i shtonte imazhit të mungesës së besnikërisë ndaj kompanisë.
Në vendimin e saj, gjykata vendosi në favor të kompanisë. Ajo tha se problemi nuk ishte “konsistenca e tepërt” e saj, por refuzimi kokëfortë për t’u përmbajtur rregullave të operimit, gjë që konsiderohet shkelje sipas nenit përkatës të kodit të punës të Spanjës. Punonjësi mund të apelojë në Gjykatën Supreme të Valencias.
Megjithatë, çështja ka shkaktuar trazira në mediat sociale, me shumë përdorues që e kanë të vështirë të besojnë se dikush mund të pushohet nga puna për shkak se ka ardhur në punë shumë herët. -
Mbi 2 ton kokainë/ Mediat spanjolle: Në krye të grupit qëndronte një shqiptar, u vu në pranga
zbulimi i kokaines
SPANJË- Një grup që menaxhonte trafikun e kokainës nga Amerika Latine drejt Europës është goditur nga Policia në Spanjë, ndërkohë që në krye të saj qëndronte një shtetas shqiptar. Sipas mediave vendase, sasia e madhe e drogës, rreth 2 tonë, ishte futur në Spanjë përmes porteve të Vigos dhe Valencias
SHKRIMI I PLOTË NË DIARIO DE PONTEVEDRA
Organizatat kriminale që merren me trafikun ndërkombëtar të kokainës eksplorojnë të gjitha rrugët e mundshme për operacionet e tyre. Në Galici, më të zakonshmet janë anijet e peshkimit, anijet tregtare ose rimorkiatorët që e dorëzojnë drogën te skafet e shpejtë. Megjithatë, kohët e fundit është rritur numri i sekuestrimeve në kontejnerë detarë që vijnë nga Amerika e Jugut.
Ndër të gjitha, më i rëndësishmi ishte ai që transportonte 7.500 kilogramë të fshehura në mes të tonit të ngrirë, të cilat mbërritën në fund të vitit 2024, hynë nga porti i Vigos dhe u sekuestruan në një magazinë në Cambre.
Pikërisht baseni portual i qytetit të ullirit ishte skena e shumë ngarkesave, disa prej tyre të kapura dhe të tjera të suksesshme për narkotrafikantët. Ndër të parat u veçua një prej 500 kilogramësh, i menaxhuar nga një kompani me qendër në Valencia dhe i kontrolluar nga një shtetas shqiptar.
Javën e kaluar, ballkanasi, levantini dhe dy persona të tjerë u arrestuan në flagrancë pasi koordinuan një dërgesë të re lëndësh narkotike, në këtë rast përmes portit të kryeqytetit të Turias. Kështu iu vu fre rrjetit kriminal që përdorte të dy basenet portuale për të futur kokainën në Europë, drogë e cila, sipas të gjitha gjasave, përfundonte në duart e organizatës që përfaqësonte shtetasi shqiptar që tashmë ndodhet në burg.
Operacioni në portin kryesor të Veri-Perëndimit të Gadishullit nuk ishte aspak i thjeshtë. Pjesëtarë të Ekipit të Krimit të Organizuar dhe Antidrogës (EDOA) të Komandës së ‘Guardia Civil’ të Pontevedra-s kryen sekuestrimin së bashku me Policinë Kombëtare dhe Shërbimin e Mbikëqyrjes Doganore. Ata kishin dyshime se kontejneri transportonte drogë, por nuk mund të shihej me sy të lirë. Nuk ndodhej brenda tij, pranë ngarkesës —i ashtuquajturi “gancho ciego”— dhe as në hapësirat e sistemeve të ftohjes, të ashtuquajturat “ojos”, një modus operandi gjithnjë e më i zakonshëm kohët e fundit.
Për të gjetur drogën, agjentëve iu desh, fjalë për fjalë, të ngrinin strukturën metalike të dyshemesë së kontejnerit. Pikërisht në atë pikë, të vendosura në mënyrë perfekte dhe të fshehura mjeshtërisht, u gjetën paketat, me një peshë totale prej gjysmë ton.
Më shumë se 2.000 kilogramë kokainë në portin e Valencias
Tashmë në këtë muaj nëntor të vitit 2025, në kuadër të hetimit, dhe duke vazhduar kontrollin mbi importet e frutave me origjinë nga Amerika e Jugut, autoritetet kryen kontrollin e disa kontejnerëve në portin e Valencias. Të gjithë ishin të lidhur me të njëjtën organizatë që dërgoi ngarkesën drejt Vigos, gjë që ngriti të gjitha alarmet.
Kështu, në njërin prej tyre u gjetën 2.005 kilogramë kokainë, të ndarë në 2.000 paketa, brenda kutive të frutave që vinin nga Ekuadori. Poshtë bananeve. Një metodë klasike. U provua kështu se narkotrafikantët kishin aftësinë të maskonin kokainën me metoda të ndryshme, të gjitha me qëllim shmangien e autoriteteve. Kësaj here nuk ia dolën. -
I dënuar me 30 vite burg nga GJKKO! Shqiptari arrestohet në Spanjë, kush është trafikanti i arratisur
FOTO ILUSTRUESE
SPANJË-Policia spanjolle në Vigo ka arrestuar një të arratisur të kërkuar nga Shqipëria për trafik droge dhe pjesëmarrje në një organizatë kriminale. Shqiptari identiteti i të cilit nuk bëhet ende i ditur, u largua nga vendi për t’iu shmangur autoriteteve gjyqësore, ku GJKKO e ka dënuar me 30 vite burg dhe e ka shpallur në kërkim.
Mediat spanjolle raportojnë se shqiptari kërkohej nga Interpoli për ekstradim, pasi dyshohet se kishte bashkëpunuar me dy trafikantë të njohur droge. Fillimisht, shqiptari u ndalua për falsifikim dokumentesh, pasi u identifikua si shtetas kroat. Pas verifikimeve, u zbulua se ai ishte në kërkim nga INTERPOL-i. Hetimet zbuluan se që nga viti 2020, i arrestuari kishte kontaktuar me trafikantë droge për dërgesa të substancave narkotike drejt Italisë dhe kishte përdorur mjete për të fshehur drogën dhe për të vazhduar aktivitetin kriminal, përfshirë pajisje për bllokim sinjali.
Gjatë operacionit, në banesën e tij u sekuestruan 100 gramë heroinë dhe pajisje të ndryshme, ndërsa hetimet për të identifikuar rrjetin e bashkëpunëtorëve vazhdojnë./ZËRI -
I shpallur në kërkim nga Shqipëria, arrestohet në Spanjë shqiptari me ID kroate, pritet ekstradimi
Oficerët e Policisë Kombëtare arrestuan në Spanjë një shtetas shqiptar të kërkuar nga autoritetet e Shqipërisë për trafik droge dhe pjesëmarrje në një organizatë kriminale. I ndaluari ishte arratisur nga vendi i tij për t’iu shmangur përballjes me drejtësinë, ku përballet me një dënim që mund të arrijë deri në 30 vite burg.
Sipas njoftimit të Policisë Kombëtare, arrestimi u krye të premten nga Grupi i Operacioneve për Parandalimin e Krimit. Fillimisht, burri u identifikua si shtetas kroat, por pas verifikimeve rezultoi se ai kishte përdorur dokumente të falsifikuara. Kontrolli i mëtejshëm konfirmoi se ndaj tij ishte lëshuar një urdhër-arresti ndërkombëtar nga Interpoli që nga maji i kaluar, me kërkesë të Gjykatës së Posaçme kundër Korrupsionit dhe Krimit të Organizuar në Shqipëri.
Hetimet lidhur me aktivitetin e tij kriminal datojnë që nga shtatori i vitit 2020, kur ai zhvilloi komunikime me dy trafikantë droge në lidhje me një ngarkesë që synohej të shpërndahej në Itali. Detyra e tyre ishte analiza e një mostre të lëndës narkotike përpara transportit.Më vonë, i arrestuari njoftoi bashkëpunëtorët se autoritetet shqiptare kishin kontrolluar banesën e tij, duke sekuestruar 100 gram heroinë dhe pajisje për bllokimin e sinjalit. Pas këtij aksioni ai u vendos në arrest shtëpiak, por vazhdoi përpjekjet për të fshehur lëndët narkotike dhe për të vijuar aktivitetin e tij të paligjshëm.
Aktualisht, ai ndodhet në paraburgim në Spanjë, në pritje të procedurave të ekstradimit. Sipas autoriteteve shqiptare, ai akuzohet për trafik narkotikësh në bashkëpunim me një organizatë të strukturuar kriminale, vepra për të cilat rrezikon dënimin maksimal prej 30 vjetësh burg./vizionplus.tv -
Juventus piketon mesfushorin e së ardhmes, në Spanjë e konsiderojnë “Pedri i ri”
Juventus ka një objektiv të qartë në merkato, qoftë në atë të janarit apo atë të verës së ardhshme: Të përforcojë mesfushën e saj. Për njëfarë kohe, së pari me Motta, pastaj me Tudor dhe tani me Spalletti, nevoja për një organizator loje cilësor të aftë për të diktuar ritmin ka qenë e dukshme dhe klubi po përpiqet të veprojë shpejt.
Ndërsa tifozët ëndërrojnë dhe shpresojnë për një lojtar me emër të madh, klubi po punon për të siguruar një lojtar të talentuar me një të ardhme premtuese. Dhe duket se emri i përzgjedhur është ai i spanjollit Rodrigo Mendoza. 21-vjeçari luan aktualisht me Elche dhe me kombëtaren U-21 të Spanjës.
Kontrata e Mendoza me klubin spanjoll skadon në vitin 2028, por përmban një klauzolë lirimi relativisht të përballueshme: 20 milionë euro. Një shumë e pranueshme duke marrë parasysh moshën e lojtarit dhe një karrierë ndërkombëtare të saponisur, një investim i mirë për një talent që konsiderohet “Pedri i ri” në Spanjë.
Nuk është rastësi që gjigantët evropianë si Real Madrid dhe Manchester City kanë bërë tashmë lëvizje për Mendoza. Verën e kaluar, Cesc Fabregas gjithashtu e donte atë në Como, por Elche, i sapongjitur në La Liga, arriti ta mbante. Karakteristikat e Rodrigo Mendoza janë ato të një mesfushori modern: tempo, vizion dhe teknikë e shkëlqyer.
Ai është padyshim një përshtatje e përsosur për Luciano Spalletti, në një mesfushë me pesë lojtarë. Një opsion që nuk duhet nënvlerësuar ndërsa afrohet qershori, përveç ndonjë zhvillimi dramatik. Megjithatë, Mendoza nuk është emri i vetëm në listën e bordit të Juventus: ata pëlqejnë Bernabé (Parma) dhe Bouaddi (Lille). -
Çmontohet rrjeti ndërkombëtar i trafikimit të fëmijëve në Spanjë, arrestohen 11 persona, ja ku i çonin të miturit
Policia spanjolle njoftoi sot se ka shkatërruar një rrjet ndërkombëtar trafikimi fëmijësh, i cili dyshohet se transportonte të mitur nga Ishujt Kanarie në Francë.
11 persona u arrestuan gjatë operacionit të koordinuar të kryer në Madrid, Lanzarote dhe Gran Canaria.
“Katër nga të dyshuarit u lanë në paraburgim në pritje të gjyqit për akuza që lidhen me krimin e organizuar, falsifikimin e dokumenteve dhe pornografinë e fëmijëve”, sipas një deklarate të policisë.
Hetimi filloi pasi 14 të mitur u zhdukën nga strukturat shtetërore në Ishujt Kanarie midis dimrit të vitit 2024 dhe pranverës së vitit 2025.
Policia tha se anëtarët e rrjetit përdorën rrugë dhe kontakte në Marok, Bregun e Fildishtë dhe Spanjë për të transportuar fëmijët dhe për të marrë dokumente të falsifikuara për ta në përgatitje për transferimin e tyre në Francë.
Dokumentet personale, pajisjet elektronike dhe paratë u sekuestruan në dy shtëpi të kontrolluara në ishullin e Lanzarote.
Hetimi po vazhdon për të identifikuar viktima të tjera ose lidhje të reja me rrjetin, thekson policia spanjolle.Top Channel