Lajmidites.com

Tag: shumicë

  • Kuvendi sot në seancë plenare, nga Avokati i Popullit te buxheti 2026, ja 21 çështjet që do të shqyrtohen

    Kuvendi sot në seancë plenare, nga Avokati i Popullit te buxheti 2026, ja 21 çështjet që do të shqyrtohen

    Kuvendi zhvillon sot seancën plenare të radhës ku parashikohen dy interpelanca, projektligjet për buxhetin 2026 dhe paketën fiskale, si edhe zgjedhja e Avokatit të Popullit.
    Fillimisht pritet të zhvillohet interpelanca me ministrin e Turizmit, Kulturës dhe Sportit, Blendi Gonxhja, kërkuar nga deputetja e Partisë Demokratike, Ina Zhupa lidhur me projektin për restaurimin dhe rikualifikimin urban të zonës TID në Durrës
    Më pas rendi i ditës parashikon një tjetër interpelancë, këtë radhë të kërkuar nga deputeti i Partisë Mundësia, Agron Shehaj me Kryeministrin Edi Rama, në lidhje me prishjen e ndërtimeve pa vendime të formës së prerë dhe pa respektuar procedurat ligjore.

    Më pas Kuvendi pritet të shqyrtojë disa projektligje të rëndësishme të lidhura me paketën fiskale dhe buxhetin e vitit 2026.
    RENDI I DITËSNë mbështetje të urdhrit nr. 39, datë 9.12.2025 të Kryetarit të Kuvendit, z. Niko Peleshi, rendi i ditës është si më poshtë vijon:
    1. Miratimi i procesverbaleve të seancave plenare të datave 2.12.2025 dhe 4.12.2025. (Neni 44, pika 2, të Rregullores së Kuvendit)
    2. Njoftime. (Neni 44, pika 3, të Rregullores së Kuvendit)
    3. Interpelancë me ministrin e Turizmit, Kulturës dhe Sportit, z. Blendi Gonxhja, kërkuar nga deputetja Ina Zhupa.
    4. Interpelancë me Kryeministrin e Republikës së Shqipërisë, z. Edi Rama, kërkuar nga deputeti Agron Shehaj.(Neni 80 i Kushtetutës, neni 96 i Rregullores së Kuvendit)
    5. Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar. (Në mbështetje tëneneve 78, 83, pika 1, dhe 155 të Kushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    6. Projektligji “Për disa ndryshime në ligjin nr. 92/2014, “Për tatimin mbi vlerën e shtuar në Republikën e Shqipërisë”. (Në mbështetje të neneve 78, 83, pika 1, dhe 155 tëKushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    7. Projektligji “Për disa ndryshime dhe shtesa në ligjin nr. 29, datë 30.3.2023, “Për tatimin mbi të ardhurat”. (Në mbështetje të neneve 78, 83, pika 1, dhe 155 të Kushtetutës dhe neneve 55, 75-77, 84 të Rregullores së Kuvendit, shumicë e thjeshtë votash përmiratim)
    8. Projektligji “Për disa shtesa në ligjin nr. 9632, datë 30.10.2006, “Për sistemin e taksave vendore”, të ndryshuar. (Në mbështetje të neneve 78, 83, pika 1, dhe 155 tëKushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    9. Projektligji “Për disa ndryshime në ligjin nr. 87/2019, “Për faturën dhe sistemin e monitorimit të qarkullimit”, të ndryshuar. (Në mbështetje të neneve 78, 83, pika 1, dhe155 të Kushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    10.Projektligji “Për marrëveshjen e paqes fiskale”. (Në mbështetje të neneve 78, 83, pika 1, dhe 155 të Kushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    11.Projektligji “Për rivlerësimin e pasurisë së paluajtshme”. (Në mbështetje të neneve 78, 83, pika 1, dhe 155 të Kushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    12.Projektligji “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë”. (Në mbështetje të neneve 78, 83, pika 1, dhe 155 të Kushtetutës dhe neneve 55, 75-77, 84 të Rregullores së Kuvendit, shumicë e thjeshtë votash për miratim)
    13.Projektligji “Për buxhetin e vitit 2026”. (Në mbështetje të neneve 78, 83, pika 1, dhe 155 dhe 158, të Kushtetutës, të nenit 30, të ligjit nr. 9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar dhe neneve 55, 75-77 dhe 84 tëRregullores së Kuvendit, shumicë e thjeshtë votash për miratim)
    14.Projektligji “Për koncesionet dhe partneritetin publik privat”. (Në mbështetje të neneve 78 dhe 83, pika 1, të Kushtetutës dhe neneve 55, 68 dhe 73-77 të Rregullores, shumicë e thjeshtë votash për miratim)
    15.Projektligji “Për gjuetinë”. (Në mbështetje të neneve 81, pika 1, dhe 100, të Kushtetutës,dhe neneve 55, 68 dhe 73-77 të Rregullores, shumicë e thjeshtë votash për miratim)
    16. Projektligji “Për disa shtesa dhe ndryshime në ligjin nr.155/2020, “Për ndryshimet klimatike””. (Në mbështetje të neneve 78 dhe 83, pika 1, të Kushtetutës dhe neneve 55, 68 dhe 73-77 të Rregullores, shumicë e thjeshtë votash për miratim)
    17. Projektligji “Për disa ndryshime dhe shtesa në ligjin nr. 80/2021, “Për regjistrimin e organizatave jofitimprurëse”, të ndryshuar. (Në mbështetje të neneve 78, 81, pika 1, dhe 83, pika 1, të Kushtetutës dhe neneve 55, 68 dhe 73-77 të Rregullores, shumicë e thjeshtë votash për miratim)
    18. Projektvendimi “Për zgjedhjen e Avokatit të Popullit”. (Në mbështetje të nenit 61, të Kushtetutës, të neneve 3, 4, 5 dhe 9, të ligjit nr. 8454, datë 4.2.1999, “Për Avokatin e Popullit”, të ndryshuar, si dhe të nenit 111, të Rregullores së Kuvendit, shumicë e cilësuar prej 3/5 e të gjithë anëtarëve të Kuvendit për miratim)19. Projektvendimi “Për një ndryshim në vendimin nr. 104/2025 “Për ngritjen e Nënkomisionit për Auditimin e Sektorit Publik në përbërje të Komisionit tëPërhershëm Parlamentar për Ekonominë, Punësimin dhe Financat”. (Në mbështetje të neni 78, pika 1, të Kushtetutës dhe të neneve 19, pika 2, 21, pika 1, dhe 55, të Rregullores së Kuvendit, shumicë e thjeshtë votash për miratim)
    20. Mocion me debat për gjetjet, konkluzionet dhe rekomandimet e raportit final të OSBE-ODIHR-it, për zgjedhjet parlamentare të 11 maj 2025. (Në mbështetje të nenit99 të Rregullores së Kuvendit)
    Zhvillimi i debatit (Në bazë të nenit 48, pika 3, koha prej 150 minuta e debatit do të jetë e shpërndarë në mënyrë përpjestimore ndërmjet grupeve parlamentare.)Minutazhi është si vijon: Grupi parlamentar i Partisë Socialiste: 89 minuta Grupi parlamentar i Partisë Demokratike: 38 minuta Grupi parlamentar “Aleanca për Ndryshim”: 8 minuta Grupi parlamentar “Partia e Lirisë”: 8 minuta Deputetët jashtë grupeve parlamentare: 8 minuta
    21. Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.

  • FOTO/ Kryesoi me shumicë dërrmuese votash, shoqërohet me të qeshura dhe përqafime fitorja e Ervin Cecës në Berat

    FOTO/ Kryesoi me shumicë dërrmuese votash, shoqërohet me të qeshura dhe përqafime fitorja e Ervin Cecës në Berat

    Me të qeshura dhe përqafime është shoqëruar takimi mes Ervin Cecës dhe Ervin Denos pas shpalljes së fitores në Berat.

    Ish-kryebashkiaku, Ervin Deno, ka takuar dhe përqafuar fituesin, Ervin Ceca, kandidati socialist që fitoi me shumicë dërrmuese.
    Berati ka përfunduar procesin e numërimit të votave, pas zgjedhjeve të mbajtura një ditë më parë.
    Kandidati i Partisë Socialiste, Ervin Ceca, është shpallur fitues me mbi 83% të votave, duke lënë pas rivalin e tij, kandidatin e pavarur, Pavlo Shkarpa.

    Top Channel

  • AKEP vendos uljen e tarifave me shumicë të telefonisë fikse

  • Sot seancë plenar në Kuvend/ Nga zgjedhja e anëtarëve të Komisionit Rregullator të KQZ, te raportimi i disa institucioneve, rendi i ditës

    Sot seancë plenar në Kuvend/ Nga zgjedhja e anëtarëve të Komisionit Rregullator të KQZ, te raportimi i disa institucioneve, rendi i ditës

    Mbahet seancë plenare në Kuvend, ku në rendin e ditës parashikohet zgjedhja e anëtarëve të Komisionit Rregullator të Komisionit Qendor të Zgjedhjeve.

    Sot pritet gjithashtu të raportojnë disa institucione, si KLSH, Komisioni i Prokurimeve Publike dhe ai i administratës Publike, ndërsa pritet diskutimi i projektligjit për barazinë gjinore.

    RENDI I DITËS:

    Në mbështetje të urdhrit nr. 31, datë 4.11.2025 të Kryetarit të Kuvendit, z. Niko Peleshi,
    rendi i ditës është si më poshtë vijon:

    1. Miratimi i procesverbaleve të seancave plenare të datës 27.10.2025 dhe 30.10.2025. (Neni 44, pika 2, të Rregullores së Kuvendit)

    2. Njoftime. (Neni 44, pika 3, të Rregullores së Kuvendit)

    3. Projektvendimi “Për zgjedhjen e kryetarit të Komisionit Rregullator të Komisionit Qendror të Zgjedhjeve”. (Në mbështetje të neneve 13, 15 dhe 17 të ligjit nr. 10 019, datë 29.12.2008 “Kodi Zgjedhor i Republikës së Shqipërisë”, i ndryshuar, bazuar në kandidaturat e përzgjedhura nga Komisioni i Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit
    Qendror të Zgjedhjeve, shumicë e cilësuar votash për miratim)
    Koha e votimit të projektvendimit

    4. Projektvendimi “Për zgjedhjen e anëtarit të Komisionit Rregullator të Komisionit Qendror të Zgjedhjeve”. (Në mbështetje të neneve 13, 15 dhe 17 të ligjit nr. 10 019, datë 29.12.2008 “Kodi Zgjedhor i Republikës së Shqipërisë”, i ndryshuar, bazuar në kandidaturat e përzgjedhura nga Komisioni i Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të
    Zgjedhjeve, shumicë e cilësuar votash për miratim)
    Koha e votimit të projektvendimit

    5. Projektvendimi “Për zgjedhjen e anëtarit të Komisionit Rregullator të Komisionit Qendror të Zgjedhjeve”. (Në mbështetje të neneve 13, 15 dhe 17 të ligjit nr. 10 019, datë 29.12.2008 “Kodi Zgjedhor i Republikës së Shqipërisë”, i ndryshuar, bazuar në kandidaturat e përzgjedhura nga Komisioni i Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të
    Zgjedhjeve, shumicë e cilësuar votash për miratim)
    Koha e votimit të projektvendimit

    6. Projektvendimi “Për zgjedhjen e anëtarit të Komisionit Rregullator të Komisionit Qendror të Zgjedhjeve”. (Në mbështetje të neneve 13, 15 dhe 17 të ligjit nr. 10 019, datë 29.12.2008 “Kodi Zgjedhor i Republikës së Shqipërisë”, i ndryshuar, bazuar në kandidaturat e përzgjedhura nga Komisioni i Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të
    Zgjedhjeve, shumicë e cilësuar votash për miratim)
    Koha e votimit të projektvendimit

    7. Projektvendimi “Për zgjedhjen e anëtarit të Komisionit Rregullator të Komisionit Qendror të Zgjedhjeve”. (Në mbështetje të neneve 13, 15 dhe 17 të ligjit nr. 10 019, datë 29.12.2008 “Kodi Zgjedhor i Republikës së Shqipërisë”, i ndryshuar, bazuar në kandidaturat e përzgjedhura nga Komisioni i Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të
    Zgjedhjeve, shumicë e cilësuar votash për miratim)
    Koha e votimit të projektvendimit

    8. Raporti i veprimtarisë së Kontrollit të Lartë të Shtetit për vitin 2024. (Në mbështetje të nenit 164, pika 2 të Kushtetutës, nenit 31 të ligjit nr. 154/2014 “Për organizimin dhe funksionimin e Kontrollit të Lartë të Shtetit, nenit 103 të Rregullores, shumicë e thjeshtë votash për miratimin e projektrezolutës)
    Paraqitja e raportit nga Kryetari i Kontrollit të Lartë të Shtetit, z. Arben Shehu (jo më
    shumë se 20 minuta)
    Lexohet projektrezoluta nga Komisioni për Ekonominë, Punësimin dhe Financat dhe nga Komisioni për Nismat Qytetare, Bashkëpunimin dhe Mbikëqyrjen Institucionale
    Pyetje (depozitohen me shkrim tek Shërbimi i Seancës Plenare para fillimit të seancës)
    Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë)
    Koha e votimit të projektrezolutës

    9. Raporti i veprimtarisë së Departamentit të Administratës Publike për vitin 2024. (Në mbështetje të ligjit nr. 152/2013 “Për nëpunësin civil” të ndryshuar, si dhe nenit 103 të Rregullores, shumicë e thjeshtë votash për miratimin e projektrezolutës)
    Paraqitja e raportit nga Ministri i Shtetit për Administratën Publike dhe Antikorrupsionin, znj. Adea Pireni (jo më shumë se 20 minuta)
    Lexohet projektrezoluta nga Komisioni për Çështjet Ligjore dhe Administratën Publike dhe nga Komisioni për Nismat Qytetare, Bashkëpunimin dhe Mbikëqyrjen Institucionale
    Pyetje (depozitohen me shkrim tek Shërbimi i Seancës Plenare para fillimit të seancës)
    Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë)
    Koha e votimit të projektrezolutës

    10. Raporti i veprimtarisë së Komisionit të Prokurimit Publik për vitin 2024. (Në mbështetje të nenit 32 të ligjit nr. 162/2020 “Për prokurimin publik”, nenit 103 të Rregullores, shumicë e thjeshtë votash për miratimin e projektrezolutës)
    Paraqitja e raportit nga Nënkryetari i Komisionit të Prokurimit Publik, z. Fiorent Zguro (jo më shumë se 20 minuta)
    Lexohet projektrezoluta nga Komisioni për Çështjet Ligjore dhe Administratën Publike dhe nga Komisioni për Nismat Qytetare, Bashkëpunimin dhe Mbikëqyrjen Institucionale
    Pyetje (depozitohen me shkrim tek Shërbimi i Seancës Plenare para fillimit të seancës)
    Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë)
    Koha e votimit të projektrezolutës

    11. Raporti i veprimtarisë së Autoritetit për Informimin mbi Dokumentet e Ish – Sigurimit të Shtetit për vitin 2024. (Në mbështetje të nenit 103 të Rregullores së Kuvendit dhe nenit 10, pika 2, të ligjit nr. 45/2015 “Për të drejtën e informimit për
    dokumentet e ish – Sigurimit të Shtetit të Republikës Popullore Socialiste të Shqipërisë”, shumicë e thjeshtë votash për miratimin e projektrezolutës)
    Paraqitja e raportit nga Kryetarja e Autoritetit për Informimin mbi Dokumentet e Ish – Sigurimit të Shtetit, znj. Gentiana Sula (jo më shumë se 20 minuta)
    Lexohet projektrezoluta nga Komisioni për Çështjet Ligjore dhe Administratën Publike dhe nga Komisioni për Nismat Qytetare, Bashkëpunimin dhe Mbikëqyrjen Institucionale
    Pyetje (depozitohen me shkrim tek Shërbimi i Seancës Plenare para fillimit të seancës)
    Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë)
    Koha e votimit të projektrezolutës

    12.Akt normativ nr. 7, datë 1.10.2025 “Për disa ndryshime dhe shtesa në ligjin nr.8402, datë 10.9.1998, “Për kontrollin dhe disiplinimin e punimeve të ndërtimit”, të ndryshuar. (Në mbështetje të nenit 101 të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Çështjet e Brendshme dhe Mbrojtjen
    Dhënie mendimi Komisioni për Çështjet Ligjore dhe Administratën Publike
    Dhënie mendimi Komisioni për Ekonominë, Punësimin dhe Financat
    Dhënie mendimi Komisioni për Burimet Natyrore, Infrastrukturën dhe Zhvillimin e
    Qëndrueshëm
    Diskutime
    (Shprehen grupet parlamentare)
    Koha e votimit

    13. Akt normativ nr. 8, datë 1.10.2025 “Për disa ndryshime dhe shtesa në ligjin nr.107/2014, “Për planifikimin dhe zhvillimin e territorit””. (Në mbështetje të nenit 101 të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Çështjet e Brendshme dhe Mbrojtjen
    Dhënie mendimi Komisioni për Çështjet Ligjore dhe Administratën Publike
    Dhënie mendimi Komisioni për Burimet Natyrore, Infrastrukturën dhe Zhvillimin e
    Qëndrueshëm
    Diskutime (Shprehen grupet parlamentare)
    Koha e votimit

    14.Akt normativ nr. 9, datë 1.10.2025 “Për disa shtesa dhe ndryshime në ligjin nr.9780, datë 16.7.2007, “Për inspektimin dhe mbrojtjen e territorit nga ndërtimet e kundërligjshme””, të ndryshuar. (Në mbështetje të nenit 101 të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Çështjet e Brendshme dhe Mbrojtjen
    Dhënie mendimi Komisioni për Çështjet Ligjore dhe Administratën Publike
    Dhënie mendimi Komisioni për Ekonominë, Punësimin dhe Financat
    Dhënie mendimi Komisioni për Burimet Natyrore, Infrastrukturën dhe Zhvillimin e
    Qëndrueshëm
    Dhënie mendimi Komisioni për Bujqësinë, Ushqimin dhe Zhvillimin Rural
    Diskutime (Shprehen grupet parlamentare)
    Koha e votimit

    15.Akt normativ nr. 10 “Për disa ndryshime dhe shtesa në ligjin nr.115/2024, “Për buxhetin e vitit 2025”, të ndryshuar. (Në mbështetje të nenit 101 të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Ekonominë, Punësimin dhe Financat
    Dhënie mendimi Komisioni për Çështjet Ligjore dhe Administratën Publike
    Diskutime (Shprehen grupet parlamentare)
    Koha e votimit

    16.Projektligji “Për miratimin e buxhetit faktik të vitit 2024”. (Në mbështetje të neneve 78, 83, pika 1, dhe 158, të Kushtetutës, nenit 63, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Ekonominë, Punësimin dhe Financat
    Diskutime (Shprehen grupet parlamentare)
    Koha e votimit

    17.Projektligji “Për barazinë gjinore”. (Në mbështetje të nenit 81, pika 1, të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Shëndetësinë dhe Mirëqenien Sociale
    Dhënie mendimi Komisioni për Çështjet Ligjore dhe Administratën Publike
    Dhënie mendimi Komisioni për Ekonominë, Punësimin dhe Financat
    Dhënie mendimi Komisioni për Europën dhe Punët e Jashtme
    Dhënie mendimi Komisioni për të Drejtat e Njeriut dhe Mjetet e Informimit Publik
    Diskutime (Shprehen grupet parlamentare)
    Koha e votimit

    18.Projekligji “Për një shtesë në ligjin nr. 10129, datë 11.5.2009 “Për gjendjen civile”, i ndryshuar. (Në mbështetje të neneve 78, 81 dhe 83, pika 1 të Kushtetutës dhe neneve 55, 68 dhe 73-77 të Rregullores, shumicë e thjeshtë votash për miratim)
    Pyetje
    Shprehet nismëtari
    Shprehet komisioni përgjegjës për Çështjet Ligjore dhe Administratën Publike
    Dhënie mendimi Komisioni për Shëndetësinë dhe Mirëqenien Sociale
    Diskutime (Shprehen grupet parlamentare)
    Koha e votimit

    19.Projektvendimi “Për miratimin e raportit të Komisionit për Çështjet Ligjore dhe Administratën Publike, për mosngritjen e komisionit hetimor për shkarkimin e Presidentit të Republikës, z. Bajram Begaj”. (Në mbështetje të nenit 78 të Kushtetutës, nenit 112, pika 3, të Rregullores së Kuvendit, shumicë e thjeshtë votash për miratim)
    Shprehet Komisioni përgjegjës për Çështjet Ligjore dhe Administratën Publike
    Diskutime (Shprehen grupet parlamentare)
    Koha e votimit të projektvendimit

    20.Projektvendimi “Për disa ndryshime në vendimin nr. 64/2025 “Për caktimin e anëtarësisë së komisioneve të përhershme të Kuvendit”. (Në mbështetje të nenit 78 të Kushtetutës, si dhe neneve 21 dhe 55 të Rregullores së Kuvendit, shumicë e thjeshtë votash për miratimin e projektvendimit)
    Koha e votimit të projektvendimit

    21.Projektvendimi “Për disa ndryshime në vendimin nr. 65/2025 “Për caktimin e anëtarëve zëvendësues në përbërjen e komisioneve të përhershme të Kuvendit”. (Në mbështetje të nenit 78 të Kushtetutës, si dhe neneve 21/1 dhe 55 të Rregullores së
    Kuvendit, shumicë e thjeshtë votash për miratimin e projektvendimit)
    Koha e votimit të projektvendimit

    22.Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve
    për çështje jashtë rendit të ditës nuk mund të jetë më shumë se 60 minuta.)

  • Përfundon takimi i presidentes Osmani me partitë, lihet e hapur mundësia e zgjedhjeve të reja

    Përfundon takimi i presidentes Osmani me partitë, lihet e hapur mundësia e zgjedhjeve të reja

    Përfundon takimi i presidentes Osmani me partitë.

    Kreu i LVV-së, Albin Kurti, nuk është deklaruar për mediat pas takimit që zyrtarët politikë zhvilluan me presidenten e vendit, Vjosa Osmani.
    Pas takimit, ai u tha gazetarëve se “më duhet të shkoj me shpejtësi”. Kreu i AAK-së, Ramush Haradinaj, deklaroi se në takim Kurti, si fitues i zgjedhjeve të 9 shkurtit, ka kërkuar disa ditë kohë për të parë mundësitë nëse mund të formojë një shumicë.
    Kurti dështoi më 26 tetor të merrte besimin e Kuvendit për ekzekutivin e ri.
    Kryetari i Lidhjes Demokratike të Kosovës, Lumir Abdixhiku, tha pas takimit me presidenten se, në këtë takim “u bë e qartë nga përfaqësuesit e partive parlamentare se nuk ka shumicë parlamentare”.
    “Tani i takon presidentes që deri të mërkurën, më 5 nëntor, të përcaktojë se a ka shumicë apo jo”, tha ai.
    Abdixhiku theksoi se “sa më parë që i shpallim zgjedhjet, i shmangim krizat që mund t’i vihen vendit”.
    “Nuk folëm për data, as për marrëveshje politike. Këtu ishim për t’i dhënë qëndrimet e partive dhe presidentja të vlerësojë a ka numra për një shumicë”.
    Sipas tij, lideri i Lëvizjes Vetëvendosje, Albin Kurti, pati pretendime se ndoshta duhet provuar edhe një herë që ta formojë qeverinë, “por shumica, përfaqësuesit e 52 deputetëve shqiptarë, thanë se nuk ka shumicë”.
    Kreu i AAK-së, Ramush Haradinaj, tha se vendi nuk ka kohë për të humbur dhe duhet që sa më shpejt të mbahen zgjedhjet e reja.
    Pas takimit me presidenten Vjosa Osmani, Haradinaj tha se ajo ka afat që deri më 5 nëntor të vendosë nëse do të mandatojë dikë tjetër për të formuar ekzekutivin e ri apo do të shpallë zgjedhjet e reja.
    Haradinaj tha se presidentja ka mundur që edhe sot të shpallë datën e zgjedhjeve të reja, por kreu i Lëvizjes Vetëvendosje, Albin Kurti, kërkoi disa ditë kohë për të tentuar që të bëjë sërish shumicën.
    “Do të ishte në interes të Kosovës që data e zgjedhjeve të caktohet ma shpejt, brenda 30 ditësh”, tha ai, duke shtuar se data më e afërt është 7 dhjetori.
    “Qëndrimi i AAK-së që ne nuk duam të humbin kohë, në afatin e parë kushtetues të veprohet dhe të mbahen zgjedhjet”, theksoi Haradinaj.
    Ai tha se nëse zgjedhjet nuk mbahen më 7 dhjetor, atëherë data e dytë më e shpejt është 14 dhjetori, duke argumentuar se vendit i duhet një qeveri e re sa më shpejt në mënyrë që të mund të miratojë buxhetin për vitin e ardhshëm.
    Kryetari i Partisë Demokratike të Kosovës, Memli Krasniqi, ka thënë para mediave se në takim është bërë e qartë se askush nuk mund ta sigurojë shumicën për të formuar qeverinë.
    Sipas tij, zgjedhjet e reja tashmë janë të imponuara.
    “Një situatë të tillë ka muaj që e kemi paralajmëruar. Në këtë moment, rruga përpara është vetëm shpallja e zgjedhjeve të reja”.
    Ai ka thënë se pavarësisht pse ka bërë përpjekje që ta sigurojë shumicën me partitë që në legjislaturën e kaluar ishte në opozitë, diçka e tillë nuk është arritur.

  • Kosova drejt zgjedhjeve: Kryesia e Kuvendit dështoi të sigurojë shumicë për qeverinë

    Kosova drejt zgjedhjeve: Kryesia e Kuvendit dështoi të sigurojë shumicë për qeverinë

    Kryesia e Kuvendit të Kosovës u mblodh për herën e parë pas konstituimit të dytë. Mbledhja kishte për synimin formimin e trupave parlamentare, buxhetin e shtetit dhe buxhetin për tre komuna. Por, sipas kryetarit të kuvendit, nuk pati rezultat pozitiv.
    “Nuk është e zakontë me u mbledhë kryesia por unë mendoj që ose së paku kam pritë se sikur të kishte vullnet politik ka qenë bindja ime e thellë që s’ka pasë shkelje ligjore e Kushtetuese për me i themelu komisionet”, tha kryetari i Kuvendit të Kosovës, Dimal Basha.
    Partitë politike refuzuan vazhdimin e punës së Kuvendit, për shkak se nuk e lejon rregullorja e punës, pasi fillimisht kërkohet votimi i qeverisë. Për këtë çështje, Presidentja e Kosovës, Vjosa Osmani, ka ftuar në konsultim të premten partitë politike. Nga PDK-ja kanë konfirmuar pjesëmarrjen e po ashtu shtojnë se nuk ka shumicë të re parlamentare për formim të qeverisë.
    Nënkryetarja e Kuvendit të Kosovës, Vlora Çitaku tha: “Kosova nuk ka kohë për të humbur, nuk e kemi as edhe një ditë për të humbur. Është e qartë që nuk ka shumicë të re parlamentare, nuk kemi nevojë për taktizime”.
    Ndërkohë, Lëvizja Vetëvendosje u rezervua në komentimin e formimit të qeverisë, porse shtuan se vendi është drejt zgjedhjeve.
    “Gjithçka në kohën e vet, nesër do të japim qëndrimin e Lëvizjes Vetëvendosje. Ajo se çka dihet është që presidentja mund të shpallë zgjedhjet por edhe mund të ia japë mandatarin dikujt nga partitë politike”, u shpreh nënkryetarja tjetër e Kuvendit, Albulena Haxhiu.
    Të dielën e 26 tetorit, Albin Kurti i Lëvizjes Vetëvendosje dështoi të zgjidhej kryeministër në mungesë numrash. Deri më pesë nëntor ka kohë Presidentja e Kosovës të caktojë mandatarin e dytë për formimin e qeverisë.

  • Nuk ka shumicë të re parlamentare, Çitaku: Kosova të shkojë në zgjedhje të reja

    Nuk ka shumicë të re parlamentare, Çitaku: Kosova të shkojë në zgjedhje të reja

    Nënkryetarja e Kuvendit të Kosovës nga radhët e PDK-së, Vlora Çitaku, ka deklaruar se në Kosovë nuk ka shumicë të re parlamentare, andaj vendi duhet të shkojë në zgjedhje të reja. 
    Ajo pas mbledhjes së Kryesisë së Kuvendit sot, tha se seanca e vetme që mund të thirret në Kuvend është ajo për formimin e qeverisë së re, andaj çdo thirrje e seancës për diçka tjetër është shkelje e Kushtetutës dhe ligjeve, raporton KosovaPress. 
    “Qartësova se pika e vetme e rendit të ditës që mund të trajtojmë si kryesi është thirrja e seancës për votimin e qeverisë se re. Çdo gjë tjetër është shkelje e ligjit dhe Kushtetutës”, tha Çitaku. 
    Ajo tha se në takimin e nesërm te presidentja Osmani, liderët politikë duhet të dëshmojnë a ka shumicë të re parlamentare. Por sipas saj, në Kosovë po shihet se nuk ka shumicë parlamentare, andaj vendi duhet të shkojë në zgjedhje të reja. 
    “Liderët në takimin e nesërm do të qartësojnë se a ka shumicë të re apo jo. S’ka shumicë të re parlamentare dhe s’kemi nevojë për taktizime”, tha Çitaku. 
    Presidentja Vjosa Osmani, pas dështimit të formimit të qeverisë nga mandatari Albin Kurti, ka ftuar për ditën e premte liderët e partive politike. E para e vendit duhet t’i jep shansin një kandidati tjetër për formimin e qeverisë dhe nëse kjo dështon sërish, atëherë sipas afateve kushtetuese duhet të shpallen zgjedhjet e reja brenda 40 ditëve. 
     

  • Kurti dështon të marrë votat për formimin e Qeverisë, Krasniqi: Të shkojmë direkt në zgjedhje të parakohshme

    Kurti dështon të marrë votat për formimin e Qeverisë, Krasniqi: Të shkojmë direkt në zgjedhje të parakohshme

    Memli Krasniqi

    KOSOVË- Pas dështimit të formimit të qeverisë “Kurti 3″ në seancën e sotme, kryetari i Partisë Demokratike të Kosovës (PDK), Memli Krasniqi, deklaroi se nuk do të tentojnë për shumicë të re. Krasniqi tha se Kurti nuk ka shumicë, por as partitë e tjera. Kështu sipas tij, Kosova duhet të shkojë në zgjedhje të parakohshme. 
    “Sot u them përsëri dhe kam deklaruar nëse na fton presidentja nesër do na thotë a keni shumicë, jo do i them dhe s’do tentojmë të bëjmë shumicë të re. Kurti s’ka shumicë, por edhe ne partitë e tjera nuk jemi shumicë që duhet të shkojmë në zgjedhje të parakohshme sa më parë. Pas zgjedhjeve të ardhme unë pres që do jetë rezultat tjetër, sidomos pas suksesit në zgjedhjet lokale, qytetarët e kanë të qartë.”, tha Krasniqi.
    Hykmete Bajrami, nga Lidhja Demokratike e Kosovës,, nga Lidhja Demokratike e Kosovës, deklaroi pas seancës së Kuvendit se, zhvillimet e sotme tregojnë qartë se vendi po shkon drejt zgjedhjeve të jashtëzakonshme.
    “Për shkak të paaftësisë së partisë së parë që ka dalë në zgjedhje për të bërë koalicione, ne po shkojmë në zgjedhje të jashtëzakonshme”, ka deklaruar Bajrami.
     

  • Kosova drejt zgjedhjeve të reja, PDK: S’do tentojmë për të bërë shumicë, nuk është e mundur

    Kosova drejt zgjedhjeve të reja, PDK: S’do tentojmë për të bërë shumicë, nuk është e mundur

    Kosova duket se po shkon drejt zgjedhjeve të reja, pasi pas dështimit të kryeministrit në detyrë, Albin Kurti, për të siguruar 61 vota për formimin e qeverisë së re, edhe Partia Demokratike e Kosovës (PDK) ka bërë të ditur se nuk do të tentojë krijimin e një shumice parlamentare.
    Kryetari i PDK-së, Memli Krasniqi, deklaroi se në rast se presidentja Vjosa Osmani e fton për konsultime, do të konfirmojë se partia nuk ka numrat e nevojshëm për të formuar qeverinë.
    “Nëse na fton presidentja nesër, pyetja e saj do të jetë ‘a keni shumicë’, unë do t’i përgjigjem menjëherë që jo dhe nuk do të tentojmë për ta bërë një shumicë të re sepse një gjë e tillë nuk është e mundshme”, tha Krasniqi.
    Me dy partitë kryesore jashtë mundësisë për të krijuar qeveri, skenari më i mundshëm është shpallja e zgjedhjeve të reja.

  • Zgjedhjet në Kosovë/ Bie mbështetja për Listën Serbe, por ndikimi i Vuçiç mbetet i fortë

    Zgjedhjet në Kosovë/ Bie mbështetja për Listën Serbe, por ndikimi i Vuçiç mbetet i fortë

    Kjo është një fitore e popullit serb, e bashkimit dhe solidaritetit serb” – kështu e përshkroi Lista Serbe fitoren e saj në rundin e parë të zgjedhjeve lokale në nëntë nga dhjetë komunat me shumicë serbe në Kosovë.
    Sipas rezultateve preliminare të Komisionit Qendror të Zgjedhjeve, Kllokoti është e vetmja komunë me shumicë serbe ku do të zhvillohet rundi i dytë i votimeve.
    E njëjta situatë kishte ndodhur edhe në zgjedhjet lokale të vitit 2021, kur Lista Serbe e fitoi rundin e dytë.
    Megjithatë, krahasuar me zgjedhjet lokale të vitit 2021, në shumicën e komunave me shumicë serbe vërehet rënie e mbështetjes për këtë parti.
    Ky trend është veçanërisht i dukshëm në Mitrovicën e Veriut, ku Lista Serbe mori 60% të votave në zgjedhjet e së dielës. Katër vjet më parë, kjo parti, e mbështetur nga Beogradi, kishte marrë rreth 91% të votave, informon Radio Evropa e Lirë.
    Një ndryshim këtë herë ishte se serbët në këtë komunë mund të votonin edhe për gjashtë kandidatë të tjerë serbë.
    Mitrovica e Veriut dhe tri komunat e tjera me shumicë serbe në veri – Zveçani, Zubin Potoku dhe Leposaviqi – u udhëhoqën nga kryetarë shqiptarë që nga maji i vitit 2023, pasi Lista Serbe i braktisi institucionet e Kosovës, në shenjë kundërshtimi ndaj vendimit të Qeverisë së vendit për t’i zëvendësuar targat serbe të makinave.
    Rezultatet e Listës Serbe më 2021 dhe 2025
    Në Kosovë janë dhjetë komuna me shumicë serbe: Graçanica, Shtërpca, Novobërda, Parteshi, Ranillugu dhe Kllokoti në jug, dhe Mitrovica e Veriut, Zveçani, Leposaviqi dhe Zubin Potoku në veri.
    Lista Serbe ka fituar bindshëm në të gjitha proceset zgjedhore ku ka marrë pjesë që nga themelimi i saj në vitin 2013.
    Kështu ndodhi edhe në zgjedhjet e 12 tetorit, 2025, por në shumicën e komunave u shënua një rënie e mbështetjes për të, krahasuar me vitin 2021.
    -Leposaviq: Rreth 70% më 2025; 97% më 2021
    -Zubin Potok: Rreth 70% më 2025; 83% më 2021
    -Zveçan: 86% më 2025; 98% më 2021
    -Graçanicë: 62% më 2025; 77% më 2021
    -Ranillug: 71% më 2025; 100% më 2021
    -Novobërdë: 63% më 2025; 62% 2021
    -Shtërpcë: 59% më 2025; 59% më 2021
    -Partesh: 89% më 2025; 75% më 2021
    -Kllokot: Zgjedhjet shkojnë në rund të dytë.
    Në Graçanicë, për herë të parë mori pjesë edhe një kandidat nga komuniteti shqiptar, i mbështetur nga të gjitha partitë shqiptare – gjë që ndikoi pjesërisht në rezultatin e Listës Serbe.
    Politikologu nga Beogradi, Ognjen Gogiç, thotë për Radion Evropa e Lirë se në zgjedhjet lokale të së dielës, serbët në Kosovë kishin alternativa ndaj Listës Serbe në të gjitha komunat – ndryshe nga proceset e mëparshme zgjedhore.
    Kjo, sipas tij, ndikoi disi në rënien e mbështetjes për të.
    Si alternativë ndaj Listës Serbe në komunat me shumicë serbe në këto zgjedhje ishin: Partia për Liri, Drejtësi dhe Mbijetesë e Nenad Rashiçit, Demokracia Serbe e Aleksandar Arsenijeviçit, Lëvizja Kombëtare Serbe e Millija Bishevacit, Aleanca e Kosovës e Goran Marinkoviçit, si dhe disa iniciativa qytetare.
    “Kanë dalë kandidatë të rinj… Nëse nuk do të kishte rënie të mbështetjes për Listën Serbe, nuk do të kishte vota për partitë tjera. Vetë fakti që kanë dalë grupe të reja, tregon se ka mendime të reja, disponim të ri, nevojë për një alternativë”, thotë Gogiç.
    Ai shton se mbështetja për Listën Serbe në Kosovë nuk mund të interpretohet kurrë si mbështetje për korrektësinë e politikave të saj, por më tepër si nevojë që serbët të ruajnë pushtetin në komunat ku përbëjnë shumicën, por edhe marrëdhëniet e tyre me Beogradin.
    Sipas të dhënave preliminare nga Komisioni Qendror i Zgjedhjeve, Lista Serbe fitoi shumicën e këshilltarëve në kuvendet komunale, por vende këshilltarësh siguruan edhe partitë e tjera.
    Në një bisedë telefonike të dielën me zyrtarë të kësaj partie, e cila u formua me mbështetjen e tij, Vuçiç tha: “Ia dolëm, ata nuk mund të heqin emrin dhe mbiemrin serb”.
    Më pas, në një konferencë për media, Lista Serbe e falënderoi Vuçiçin për mbështetjen e dhënë.
    Janjiç vlerëson se mesazhi i Vuçiçit ishte, në fakt, se ai ka fituar në zgjedhjet lokale në komunat me shumicë serbe në Kosovë, dhe se ky është një sinjal për komunitetin ndërkombëtar se mund të llogarisë tek ai.
    “A është e vërtetë kjo? Përkohësisht po. Në këtë pikë, Vuçiq duhet të merret me normalizimin e marrëdhënieve [me Kosovën], për të zgjeruar sundimin e tij në Serbi. Ai ka nevojë për këtë kartë. Është jashtëzakonisht e rëndësishme”, thotë ai.
    Gogiç vë në dukje se Vuçiç shpalli i pari rezultatet e Listës Serbe edhe për zgjedhjet parlamentare të 9 shkurtit, duke shtuar se ky veprim është i drejtuar kryesisht për publikun e brendshëm në Serbi.
    “Ai duhet të tregojë se po fiton diku. Kemi protestat e studentëve, sanksionet ndaj NIS-it [Industrisë së Naftës së Serbisë]… dhe e ka të nevojshme të tregojë se politika e tij po jep rezultate”, thotë Gogiç.
    Duke folur për Televizionin serb Pink, ai tha se rëndësia e fitores së Listës Serbe është më e madhe, sepse përfaqëson “kthimin e serbëve në komunat e tyre në veri të Kosovës”.
    Përndryshe, Beogradi zyrtar e mbështeti vendimin e Listës Serbe për t’u larguar nga institucionet e Kosovës në nëntor të vitit 2022, por presidenti serb, Aleksandar Vuçiç, e kërkoi kthimin e tyre në shtator të vitit 2024.