Gjykata e Posaçme shtyu për më 22 dhjetor, ora 11:00, shqyrtimin e dosjes “Partizani”. Seanca dështoi për shkak të mosplotësimit të trupit gjykues, për shkak se gjyqtarja Rudina Palloj mungonte për arsye shëndetësore.
Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe 6 persona të tjerë.
Dosja “Partizani” ndodhet në fazën e parashtrimeve paraprake të palëve.
Tag: shtyhet
-
Afera ‘Partizani’/ Shtyhet sërish seanca gjyqësore, këtë herë mungon…
-
Shtyhet seanca për Ilir Metën, ja kur do të mbahet e rradhës…
GJKKO ka shtyrë për në datën 22 dhjetor çështjen për Presidentin e Partisë së Lirisë, Ilir Meta.
Po ashtu mësohet se gjykata ka urdhëruar SPAK-un që t’i dërgojë Metës fashikujt e dosjes brenda kësaj jave.
Meta kërkoi këto të fundit gjatë seancës së sotme. -
Shtyhet seanca paraprake për Veliajn, Klotilda Bushka kërkon pushimin e çështjes
Shtyhet për në 12 dhjetor seanca paraprake në GJKKO për dosjen “Veliaj”. Ditën e sotme përfundoi mbrojtjen ish-deputetja socialiste Klotilda Bushka, e cila përmes avokatit të saj, kërkoi pushimin e çështjes me argumentin se nuk ka vepër penale.
Nga të gjithë të pandehurit në dosje, ka mbetur pa bërë mbrojtjen kryebashkiaki i Tiranës, Erion Veliaj, bashkëshortja e tij, Ajola Xoxa, biznesmeni Gentian Sula, Shkëlqim Fusha si dhe shoqëritë.
GJKKO do të vendosë nëse çështja e Veliajt do të kalojë për gjykim apo jo. -
Shtyhet në GJKKO seanca paraprake për dosjen “Veliaj”
Shtyhet sërish seanca paraprake për dosjen “Veliaj”. Seanca e radhës do të mbahet më 12 dhjetor. Nga të pandehurit, ka mbetur pa bërë mbrojtjen vetëm kryebashkiaki i Tiranës, Erion Veliaj, bashkëshortja e tij, Ajola Xoxa, biznesmeni Gentian Sula, Shkëlqim Fusha si dhe shoqëritë.
Më herët, mbrojtja e ish-deputetes Klotilda Bushka kërkoi pushimin e çështjes ndaj saj me argumentin se nuk ka vepër penale, ose në të kundërt shpalljen e moskompetencës nga GJKKO.
Seanca e pak ditëve më parë, ku i pranishëm ishte edhe vetë Veliaj, u shty për shkak të kërkesës së tij për t’u njohur me aktet e dosjes. Ai kërkoi gjithashtu që të të mos vendosej në kafazin në sallën e gjyqit, duke e konsideruar si një shkelje të të drejtave të njeriut dhe kushtetuese.
Veliaj ndodhet në paraburgim që prej muajit shkurt dhe akuzohet për një sërë veprash penale si pastrim parash, mosdeklarim pasurie, korrupsion pasiv në 9 episode, shpërdorim detyre si dhe futje të sendeve të ndaluara në qeli. Bashkëshortja e tij Ajola Xoxa, akuzohet për mosdeklarim pasurie, fshehje të të ardhurave si dhe pastrim parash. E përshirë në këtë dosje është edhe ish-deputetja socialiste Klotilda Bushka, e cila akuzohet për veprime që pengojnë zbulimin e së vërtetës.
Më datë 3 nëntor, Gjykata Kushtetuese i dha të drejtë Erion Veliajt duke e lënë në detyrë si kryebashkiak i Tiranës. Kushtetuesja rrëzoi vendimin e qeverisë për shkarkimin dhe shfuqizoi dekretin e Presidentit Bajram Begaj për shpalljen e zgjedhjeve të parakohshme në Tiranë. Më 27 nëntor, ai iu drejtua sërish Kushtetueses duke kërkuar shfuqizimin e vendimeve të GJKKO, Apelit të Posaçëm si edhe Gjykatës së Lartë për masën ‘arrest me burg’. -
Shtyhet për në 5 dhjetor seanca paraprake ndaj Erion Veliajt
Shtyhet për më 5 dhjetor gjykimi paraprak ndaj Erion Veliajt dhe të tjerëve.
Shtyrja e seancës u bë në pranim të kërkesës së Veliajt për t’u konsultuar me avokatët e tij për vijimin e gjykimit.
Gjatë seancës së sotme Veliaj i ka kërkuar gjykatës t’i krijohet mundësia për të studiuar aktet e dosjes përmes pajisjeve teknologjike.
Në të kundërt, sipas tij, të lejohet të shkojë në gjykatë çdo ditë për të studiuar aktet. Kërkesa iu refuzua nga gjykata.
Më tej, Veliaj ka kërkuar që në sallën e gjyqit të mos qëndrojë në kafazin e xhamit, pasi, sipas tij, ky është trajtim degradues. -
Shtyhet seanca paraprake ndaj ish-presidentit Ilir Meta
Seanca paraprake që pritej të zhvillohej sot ndaj ish-presidentit Ilir Meta, është shtyrë për në datën 5 dhjetor. Vendimi për shtyrje u mor në zyrat e Gjykata e Posaçme për Krime të Rënda (GJKKO), pas paraqitjes së palëve në sallë.
Sot mëngjes, Meta u lirua përkohësisht nga qelia për të marrë pjesë në seancë e cila megjithatë nuk u zhvillua siç ishte parashikuar. Në hyrje të gjykatës, mbrojtësi i tij, Kujtim Cakrani, u ndal përballë gazetarëve dhe deklaroi se:“Sot nis përballja me regjimin e Ramës. Meta është në sallën e gjyqit, e keni të pranishëm. Për çështjen e 21 janarit, procesi është në një fazë tjetër.”
Ndërkohë që mungesa e kushteve për zhvillimin e seancës sot nuk u bë publike, data e re 5 dhjetori është shpallur si moment i ri për përballjen gjyqësore që pret të vendosë mbi fatin e ish-presidentit.
Në ditët në vijim do të përcaktohet edhe koha e rinisjes së procedurave për rastin që prek ngjarjet e 21 janarit.
-
Shtyhet seanca në Gjykatën e Posaçme për dosjen “5D”, zbulohet arsyeja
Gjykata e Posaçme ka shtyrë seancën për çështjen “5D” për shkak të mungesës së avokatëve.
Gazetarja Anila Hoxha raporton se seanca e radhës u shty për në datën 10 dhjetor, ora 9:30.
Top Channel
-
Berisha kërkesë SPAK: Të shtyhet marrja në pyetje për 21 janarin
Kryedemokrati Sali Berisha është thirrur këtë të premte, datë 21 nëntor, për t’u pyetur si person që ka dijeni për “21 janarin”.
Me anë të mbrojtësit të tij ligjor Genci Gjokutaj, Berisha ka kërkuar të shtyhet marrja në pyetje në një datë tjetër, me argumentin se do të ndodhet jashtë territorit.
Gjokutaj ka dorëzuar kërkesën në emër të Berishës në Prokurorinë e Posaçme.
Prokuroria e Posaçme doli më një njoftim zyrtar lidhur me thirrjen për herë të tretë të kreut të PD Sali Berisha për çështjen e 21 janarit. SPAK bëri me dije se Berisha, gjatë paraqitjes së sotme për masën e sigurisë ka firmosur edhe fletëthirrjen për 21 janarin.
“Sot më datë 17.11.2025, gjatë zbatimit të masës “detyrim paraqitje” në Prokurorinë e Posaçme, z. Sali Berisha është njohur dhe ka nënshkruar urdhër-thirrjen lidhur me procedimin penal nr.138 të vitit 2024 (çështja e 21 Janarit), përmes të cilës, i kërkohet të paraqitet në Prokurorinë e Posaçme, në datën dhe orën e caktuar.”– thuhej në njoftimin e SPAK.
