Lajmidites.com

Tag: shtunën

  • ‘BYRON’ në tërheqje/ Reshjet e shiut zgjasin deri të shtunën pasdite, probleme në disa zona të vendit

    ‘BYRON’ në tërheqje/ Reshjet e shiut zgjasin deri të shtunën pasdite, probleme në disa zona të vendit

    Reshjet e dendura të shiut që kanë përfshirë pjesët lindore dhe jugore të Greqisë pritet të vazhdojnë deri të shtunën pasdite, sipas përditësimit më të fundit nga Shërbimi Kombëtar Meteorologjik. Megjithatë, stuhia “BYRON” po tregon shenja qetësimi, ndërsa paralajmërimi i kuq është ulur në nivelin portokalli dhe Buletini i Emergjencës është konvertuar në një buletin përkeqësimi të motit.

    Sipas të dhënave të fundit, priten shira dhe stuhi të forta lokale në:

    Maqedoninë Qendrore (Pieria, Imathia, Halkidiki) – deri në mëngjes

    Maqedoninë Lindore – deri në mëngjes

    Thesali – deri në mëngjes

    Kretë, Egjeun Lindor dhe Dodekanez – deri në mesditë

    Reshjet e shiut do të shoqërohen me breshër dhe erëra të fuqishme herë pas here.

    Moti i keq shkaktoi probleme të mëdha në Atikë, Lakoni dhe Mesiní. Në Atikë, situata në trafik është përmirësuar, por dy akse rrugore mbeten të mbyllura:

    Nea Peramos, Rruga Perama drejt portit (pranë Ag. Triada)

    Zona të tilla si Mandra, Nea Peramos dhe Megara u përballën me përmbytje të konsiderueshme.

    Sot pritet të zhvillohet një takim në bashkinë e Megarës me pjesëmarrjen e zv.ministrit të Krizave Klimatike, Kostas Katsafados, për koordinimin e regjistrimit të dëmeve dhe nisjen e proceseve të kompensimit.

     

     

  • Abissnet Superiore, java e 13-të luhet më 28 & 29 nëntor

    Abissnet Superiore, java e 13-të luhet më 28 & 29 nëntor

    Java e 13-të e kampionatit “Abissnet Superiore” do të luhet të premten dhe të shtunën. Më 28 nëntor në ora 18:00 do të zhvillohen dy nga ndeshjet e kësaj jave. AF Elbasani pret Partizanin në shtëpi, ndërsa në Shkodër do të luhet sfida Vllaznia – Teuta.
    Sakaq, të shtunën do të luhen tre përballjet e tjera të javës së 13-të. Dinamo City do të luajë në transfertën e Ballshit kundër Bylisit në ora 13:30. Në po të njëjtën orë, Tirana pret Egnatian në “Selman Stërmasi”.
    Sfida përmbyllëse e javës do të luhet në Vlorë mes Flamurtarit dhe Vorës. Ndeshja është programuar të luhet në ora 16:30.
    Abissnet Superiore, java 13
    AF Elbasani – Partizani             28.11.2025 18:00
    Vllaznia – Teuta                             28.11.2025 18:00
    Bylis – Dinamo City                     29.11.2025 13:30
    Tirana – Egnatia                             29.11.2025  13:30
    Flamurtari – FK Vora                   29.11.2025 16:30

  • Gjermani/ Dëmtohet Diaz, e konfirmon Bajerni i Mynihut

    Gjermani/ Dëmtohet Diaz, e konfirmon Bajerni i Mynihut

    Bajerni i Mynihut mbetet favoriti kryesor për titull në Gjermani. Ndërkohë, para ndeshjes ndaj Freiburgut të shtunën në Bundesligë, trajneri i Bajernit të Mynihut, Vincent Kompany, e ka konfirmuar suspendimin e Luis Diazit. Diaz do të mungojë vetëm një ndeshje pas kartonit të kuq që e mori në fitoren 2:1 të bavarezëve ndaj Paris San Zhermen në Champions. Diaz kishte bërë ndërhyrje të ashpër në Achraf Hakimin, duke e lënë marokenin të lënduar rëndë.
    Kolumbiani nuk do të jetë i pranishëm për ndeshjen ndaj Arsenalit në Ligën e Kampionëve. Në ndeshjen ku mbeti i lënduar futbollisti më i mirë afrikan për këtë vit, Hakimi, kolumbiani Diaz i realizoi dy gola. Megjithatë, Diaz do të luajë në duelin ndaj Freiburgut në elitën gjermane të shtunën. 28-vjeçari është në formë të lartë në këtë edicion, me 11 gola e 5 asistime në 17 ndeshje në të gjitha garat.

  • “Shqipëria goditet të shtunën nga i ftohti polar’, sinoptikania paralajmëron: Më 27 nëntor vjen një tjetër fenomen ku..

    “Shqipëria goditet të shtunën nga i ftohti polar’, sinoptikania paralajmëron: Më 27 nëntor vjen një tjetër fenomen ku..

    Sinoptikania bëri parashikimin e motit për fundjavën dhe ditët në vijim. Sipas saj, të shtunën në mbrëmje pritet depërtimi i një mase të ftohtë polare në Shqipëri, e cila ka prekur aktualisht Europën Qendrore.
    Kjo do të sjellë dëborë në zonat malore, sidomos në veri-lindje, ndërsa në qarkun e Korçës reshjet do të jenë më të pakta. Temperaturat do të bien ndjeshëm, ndërsa reshjet do të vazhdojnë të jenë prezente deri të hënën, me shi në ultësirën perëndimore dhe dëborë në zonat malore.
    “Të shtunën në mbrëmje presim depërtimin e një mase të ftohtë polare, e cila është futur në Europën Qendrore. Do të kemi dëborë në zonat malore veri-lindje do të ketë më shumë dhe më pak qarku i Korçës, do të bien temperaturat. Parashikohet që reshjet të mbeten prezente të dielën dhe të hënën e javës që vjen. Shi në Ultësirën Perëndimore dhe dëborë në zonën malore. Moti është i paqëndrueshëm”, tha Porja në një intervistë televizive.
    Porja paralajmëroi se episodi i ftohtë do të vazhdojë deri të martën, me temperatura që në zonat malore mund të bien deri disa gradë nën zero.
    Të mërkurën e javës tjetër pritet një rritje e temperaturave dhe rikthim i reshjeve, me një fenomen të shkurtër më 27 të muajit, që mund të sjellë reshje të dendura, veçanërisht në veri dhe pjesërisht në qendër.
    “Do të kemi episodin e ftohtë i cili do të jetë 0, deri në disa gradë nën zero në zonat malore, të shtunën, të dielën, të hënën dhe deri ditën e martë. Të mërkurën e javës tjetër rriten temperatura, rikthehen reshjet, ka sinjale që data 27 të ketë një tjetër fenomen, i cili fatmirësisht do të qëndrojë shumë pak, por do të sjellë dhe do të prodhojë reshje të dendura. Më shumë është veriu, por kësaj here është pjesërisht edhe qendra.”
    Në disa zona ekziston rreziku për përmbytje, për shkak të lagështisë së lartë të tokës pas periudhës së reshjeve. Deri më 28 nëntor, moti pritet të mbetet i paqëndrueshëm.
    “Në zona të caktuara do të ketë rrezik për përmbytje, sidomos pas kësaj periudhe ku toka është e tejngopur me lagështirë, edhe sikur një episod i vogël me reshje të bjerë është fatal për zonat që janë përmbytur. Deri nga data 28 moti është i paqëndrueshëm.”

  • “Louvre”, arrestohet një grua për vjedhjen spektakolare të 88 milionë euro bizhuteri

    “Louvre”, arrestohet një grua për vjedhjen spektakolare të 88 milionë euro bizhuteri

    muzeu i luvrit

    PARIS- Një grua 38-vjeçare u akuzua të shtunën për “bashkëpunim” dhe më pas u burgos, ndërsa një burrë tjetër u lirua pa akuza në hetimin e vjedhjes së Muzeut të Luvrit në Paris, e cila tërhoqi vëmendjen botërore. 
    38-vjeçarja, e cila nuk është identifikuar me emër, e arrestuar të mërkurën në rajonin e Parisit së bashku me katër të dyshuar të tjerë, është akuzuar për bashkëpunim në grabitje të organizuar dhe komplot për të kryer një krim, dhe është vendosur në paraburgim. Zyra e prokurorit të Parisit kërkoi paraburgimin e saj.
    Megjithatë, një tjetër i dyshuar u lirua të premten pasi u mbajt në paraburgim, pa u ngritur akuza kundër tij, thanë të shtunën avokatet e tij, Sofia Bougrine dhe Noémie Gorin.
    Të shtunën në mëngjes, zyra e prokurorit të Parisit njoftoi se disa të dyshuar në hetimin për këtë grabitje spektakolare, vlera e së cilës vlerësohet në 88 milionë euro, do të merren në pyetje nga magjistratët gjatë ditës. 
    Midis të arrestuarve të mërkurën ishte një anëtar i dyshuar i komandos që kreu grabitjen më 19 tetor në më pak se tetë minuta, deklaroi të enjten prokurorja e Parisit Laure Beccuau. “Gjurmët e ADN-së” e lidhin atë me vjedhjen, tregoi ajo.Personat e tjerë të arrestuar “mund të na japin informacion se si u zhvilluan këto ngjarje”, deklaroi prokurori.
    Katër persona të veshur me jelekë me dukshmëri të lartë për t’u ngjarë punëtorëve të ndërtimit, thyen një dritare dhe më pas përdorën prerës me disk për të hapur dy vitrina në galerinë e zbukuruar përpara se të zbrisnin me ashensorin dhe të iknin në pjesën e pasme të motoçikletave të drejtuara nga dy anëtarët e tjerë të bandës. 
    E gjithë grabitja zgjati më pak se shtatë minuta, me dy hajdutët që hynë në galeri që qëndruan brenda 3 minuta e 58 sekonda. Ata kanë vjedhur nëntë objekte nga koleksioni i bizhuterive të Napoleonit dhe Perandoreshës, përfshirë një gjerdan, një karficë dhe një kurorë. Burime brenda muzeut konfirmojnë se diamanti legjendar “Régent”, më i madhi i koleksionit me peshë mbi 140 karatë, nuk është prekur nga grabitja./ZËRI

  • Një vit nga tragjedia e Novi Sad-it, protestë masive në qytetin e dytë më të madh të Serbisë

    Një vit nga tragjedia e Novi Sad-it, protestë masive në qytetin e dytë më të madh të Serbisë

    Dhjetëra mijëra njerëz janë mbledhur këtë të shtunën në qytetin e dytë më të madh të Serbisë, Novi Sad për të përkujtuar viktimat e shkaktuara nga shembja e strehës së stacionit hekurudhor një vit më parë.
    Tubimi përkujtimor nis në orën kur ndodhi tragjedia, me 16 minuta heshtje për 16 viktimat.
    Protestat e udhëhequra nga studentët kanë përfshirë kombin ballkanik që nga tragjedia, e cila sipas tyre ishte simbol i korrupsionit. Protestuesit fillimisht kërkuan një hetim transparent për ngjarjen tragjike, por thirrjet e tyre shpejt u përshkallëzuan në kërkesa për zgjedhje të parakohshme.
    Studentët, të cilët bënë thirrje për mbledhjen më të madhe përkujtimore të shtunën, por edhe mbështetës të tyre, kanë vërshuar në Novi Sad që nga e premtja.
    Protestat e vazhdueshme kanë çuar në dorëheqjen e kryeministrit Vuçeviç, rrëzimin e qeverisë së tij dhe formimin e një qeverie të re, por presidenti nacionalist Aleksandar Vuçiç vazhdon të qëndrojë në detyrë.
    Vuçiç i ka etiketuar protestuesit si organizatorë të një grushti shteti të financuar nga jashtë. Në një fjalim televiziv të premten, Vuçiç bëri një gjest të rrallë, duke kërkuar falje që ka bërë deklarata për të cilat, tha se tani i vjen keq.
    “Kjo vlen si për studentët ashtu edhe për protestuesit, si dhe për të tjerët me të cilët nuk isha dakord. Kërkoj ndjesë për këtë”- u shpreh presidenti serb ndërsa bëri thirrje për dialog.
    Sakaq qeveria serbe e ka shpallur të shtunën ditë zie kombëtare, ndërsa kreu i Kishës Ortodokse Serbe ka organizuar një meshë për viktimat në kishën e Beogradit.
    Mbështetësit e Vuçiçit, të cilët që nga marsi kanë ngritur çadra jashtë parlamentit, njoftuan se do të nderojnë viktimat para kishës.
    “Në këtë përvjetor të trishtuar, u bëjmë thirrje të gjithëve të veprojnë me përmbajtje, të ulin tensionet dhe të shmangin dhunën”- tha delegacioni i Bashkimit Evropian në Serbi. Protestat kanë mbetur kryesisht paqësore, por në mesin e gushtit ato degjeneruan në dhunë.
    Në shtator, 13 persona, përfshirë ish-ministrin e ndërtimit Goran Vesiç, u akuzuan penalisht për ngjarjen në Novi Sad.
    Ndërkohë një hetim i veçantë antikorrupsion vazhdon së bashku me një hetim të mbështetur nga BE-ja për keqpërdorimin e mundshëm të fondeve të Brukselit në atë projekt.

  • Kategoria e Parë, java e 8-të luhet të premten dhe të shtunën

    Kategoria e Parë, java e 8-të luhet të premten dhe të shtunën

    Java e 8-të e Kategorisë së Parë do të luhet të premten dhe të shtunën.
    Dy ndeshjet e para të kësaj jave janë Iliria – Korabi dhe Lushnja – Apolonia. Të dy takimet do të zhvillohen në orën 14:00.
    Dita e premte do të mbyllet me një superduel, Skënderbeu – Besa, që është programuar të luhet në orën 17:00 në stadiumin “Skënderbeu” në Korçë.
    Tre ndeshjet e tjera të javës së 8-të do të zhvillohen të shtunën në orën 14:00.
    Pogradeci do të presë në shtëpi Kastriotin. Në “Kukës Arena” do të luhet dueli Kukësi – AF Luftëtari, ndërsa në Laç, vendasit do të përballen me Burrelin.
    Java 8   
    Iliria – Korabi 24.10.2025 14:00
    Lushnja – Apolonia 24.10.2025 14:00
    Skënderbeu – Besa 24.10.2025 17:00
    Pogradeci – Kastrioti  25.10.2025 14:00
    Kukësi – AF Luftëtari  25.10.2025 14:00
    Laçi – Burreli 25.10.2025 14:00
     

  • Napoli vs Inter/ Ndeshja që mund të vendosë kampionin! Nuk do ta besoni rezultatin…

    Napoli vs Inter/ Ndeshja që mund të vendosë kampionin! Nuk do ta besoni rezultatin…

    Të shtunën, Interi dhe Napoli përballen në një sfidë që premton spektakël. Një ndeshje e vërtetë për titullin, që vjen në momente shumë të ndryshme për të dyja skuadrat. Nga njëra anë, Napoli vjen pas humbjes së rëndë në Champions League ndaj PSV-së, një 6-2 që ka lënë gjurmë, por edhe dëshirën për t’u rikthyer menjëherë. Nga ana tjetër, Interi i Chivut po kalon një periudhë fantastike, me shtatë fitore radhazi mes kampionatit dhe Champions-it, por do të duhet të tregojë se ka hequr qafe dobësinë në ndeshjet e drejtpërdrejta që e penalizuan sezonin e kaluar.
    Vitin e kaluar, përballjet me Napolin përfunduan me dy barazime që i kushtuan shtrenjtë zikaltërve në garën për titull. Një penallti e humbur nga Calhanoglu dhe një gol i pësuar në minutat e fundit i hoqën Interit pikë vendimtare, në një kampionat që u mbyll vetëm me një pikë diferencë.
    Tani, me Chivun në stol, Interi duket më i balancuar, me mbrojtje solide dhe sulm më efikas, por testi i vërtetë do të jetë pikërisht ndaj Napolit. Kampionët në fuqi, pavarësisht luhatjeve, mbeten një skuadër që di të reagojë pas çdo goditjeje.
    Të shtunën, përballja në “Maradona” do të vlejë jo vetëm për tri pikët, por edhe për moralin dhe psikologjinë e skuadrave. Interi ka më shumë për të humbur, por edhe mundësinë për të treguar se sezoni i kaluar është tashmë pjesë e së shkuarës. Spektakël, tension dhe shumë emocione priten në këtë super sfidë të javës.”

  • Java e 8-të e Abissnet Superiore luhet të premten & të shtunën, spikat klasikja e futbollit shqiptar Vllaznia – Tirana

    Java e 8-të e Abissnet Superiore luhet të premten & të shtunën, spikat klasikja e futbollit shqiptar Vllaznia – Tirana

    Java e 8-të e “Abissnet Superiore” do të luhet të premten dhe të shtunën.
    Vora – Dinamo City do të jetë ndeshja hapëse e kësaj jave, që do të luhet të premten në ora 14:00.
    Dy takimet e tjera të së premtes do të luhen në ora 17:00, ku spikat klasikja e futbollit shqiptar, Vllaznia – Tirana, që do të luhet në “Loro Boriçi”. Në të njëjtën orë do të luhet edhe ndeshja AF Elbasani – Bylis.
    Të shtunën do të luhen dy përballjet e tjera të javës së 8-të. Partizani pret Egnatian në shtëpi, ndërsa Flamurtarin e pret transferta kundër Teutës në Durrës. Të dyja sfidat do të luhen në orën 17:00.
     
    ABISSNET SUPERIORE – JAVA 8
    E premte, më 24 tetorVora – Dinamo City                        14:00Vllaznia – Tirana                             17:00AF Elbasani – Bylis                         17:00
    E shtunë, më 25 tetorPartizani – Egnatia                         17:00Teuta – Flamurtari                         17:00

  • Axhenda e Superiores, luhet klasikja e futbollit shqiptar

    Axhenda e Superiores, luhet klasikja e futbollit shqiptar

    Java e 8 e Superiores do të shohë skuadrat të kthehen në fushën e lojës që në ditën e premte, me sfidat që ndahen 3 në këtë ditë dhe 2 në të shtunën.
    Gjithçka fillon me duelin mes Vorës dhe Dinamos, në pasditen e të premtes, për të vazhduar më pas në darkë me duelet Elbasani-Bylis dhe Vllaznia-Tirana. Kjo e fundit ka qenë gjithmonë një ndeshje e ethshme dhe jo rastësisht cilësohet si klasikja e futbollit shqiptar .

    Ndërkohë, të shtunën luhen dy ndeshjet e tjera, me Partizanin që pret Egnatian si dhe me Teutën që pret Flamurtarin e vendit të fundit.
    JAVA 8
    24.10.2025Vora-Dinamo ora 14:00Elbasani-Bylis ora 17:00Vllaznia-Tirana ora 17:00
    25.10.2025Partizani-Egnatia ora 17:00Teuta-Flamurtari ora 17:00
    © BalkanWeb