Jack Osbourne zbuloi një rrëfim të papritur nga Brad Pitt në “Unë jam një personazh i famshëm… Më nxirrni nga këtu”, duke kujtuar kohën kur seriali The Osbournes, i cili fliste për familjen e tij, kishte shumë ndikim.
Jack Osbourne, djali i legjendarit Ozzy Osbourne, tregoi se, në një ceremoni ndarjeje çmimesh Emmy, ai ishte në dhomën e gjelbër të eventit kur Brad Pitt hyri brenda. Aktori iu afrua me një buzëqeshje dhe i tha: “E adhuroj shfaqjen tuaj”, me Jack Osbourne që pranoi se mbeti pa fjalë. Siç tha aktori, ai i rrëfeu atij se ai dhe Jennifer Aniston (gruaja e tij e atëhershme) do t’u kërkonin bashkëpunëtorëve të tyre t’u gjenin episode para se të transmetoheshin. “Unë dhe Jennifer marrim kopje dhe e shikojmë çdo natë në shtrat”, i tha ai.
Xheku e përshkroi momentin si një nga më të pabesueshëm të jetës së tij, duke u theksuar shokëve të ekipit se ishte vërtet surreale ta dëgjonte atë.
Megjithatë, kjo nuk është hera e parë që ai ndan informacione rreth këtij takimi. Në një intervistë të mëparshme me The Guardian, ai tha se të dëgjonte se Brad Pitt dhe Jennifer Aniston ishin fansa të familjes së tij “dukej e pabesueshme”.
Ju kujtojmë se dy aktorët ishin një nga çiftet më të dashura të Hollivudit nga fundi i viteve ’90 deri në mesin e viteve ’00, përpara se të njoftonin ndarjen e tyre.
Çifti Osbournes, me Ozzy-n, Sharon-in, Kelly-n dhe Jack-un, mbetet edhe sot e kësaj dite një nga serialet që përcaktoi epokën e reality show-t dhe vazhdon të bëjë histori përmes zbulimeve të tilla të papritura.
Tag: shtrat
-
Seriali që Brad Pitt dhe Jennifer Aniston shikonin çdo natë në shtrat
-
Memaliaj, 26-vjeçarja e paralizuar dergjet në shtrat, mjekët ‘vizitë’ me Whatsapp, s’i japin KEMP të plotë!
Enduela Mema, 26 vjeçe, që në foshnjëri ka kaluar temperaturë të lartë, çka i ka shkaktuar paralizë cerebrale. Në moshën 10-vjeçare ka dalë në KEMP dhe është trajtuar me pagesë të pjesshme invaliditeti, ndërsa pas moshës 20-vjeçare ka humbur çdo aftësi për të lëvizur dhe dergjet në shtrat.
Për të kujdeset nëna, e cila nuk i mban lotët teksa rrëfen vuajtjet e mundimet e përditshme. Ndërsa kryefamiljari punon shofer për të siguruar të ardhura për familjen, të cilat janë të pamjaftueshme për shkak të shpenzimeve të shumta.
“Vajza pas lindjes kaloi temperaturë të lartë, nuk eci si fëmijët e tjerë. Nuk pati shërim, 10 vjeç në Kemp që atë ditë e sot vajza siç është. 6 vjet nuk ecën fare. Deshëm ta nxjerrim në Kemp të plotë para një viti dhe na thanë jo”, tregon Anife Mema, nëna e Enduelës.
Fati i keq ka shënjuar jo vetëm Enduelën, por edhe prindërit e saj, të cilët nuk kërkojnë lëmoshë, por vetëm atë që i takon së bijës.
“Unë nuk kërkoj lëmoshë, kërkoj të drejtën e vajzës. Marrim 200 mijë lekë të vjetra, burri vetëm punon. Unë nuk punoj se i shërbej vajzës. 120 mijë korent, 80 mijë bebelina, ilaçe, ushqime, detergjentë”, thotë Anife Mema.
Enduela merr aktualisht pagesë të pjesshme invaliditeti, në shumën e 20 mijë lekëve në muaj. Familja Mema nga qyteti i Memaliajt, ka aplikuar për KEMP të plotë dhe pagesë kujdestarie, por Komisioni Mjekësor në Tiranë e ka refuzuar kërkesën. Vendimi është marrë nga mjekët përmes një vlerësimi në distancë, pa parë nga afër gjendjen shëndetësore të vajzës që nuk mund të lëvizë nga krevati.
“E panë në WhatsApp, në kamera, nuk erdhën ta shihnin vetë. E panë mjekët dhe thanë jo nuk I takon. Vajza është siç duket, në shtrat” thotë nëna.
Familja kërkon që Komisioni Mjekësor i Paaftësisë (KEMP) ta rishikojë vendimin dhe të japë trajtim financiar të plotë, siç parashikohet për rastet e paralizës se plote qe kërkon kujdestari te vazhdueshme.
“Ne kërkojmë rivlerësim të gjendjes së vajzës nga Komisioni Mjekësor”, thotë i ati, Enea Mema.
Kryefamiljari e mbyll këtë apel për ndihme, duke shprehur pengun e tij më të madh
“Kush do të kujdeset kur ne të dy të mos jemi më….?!” pyet i pikëlluar babai i vajzës. -
Matthew McConaughey tregon se pse një shtrat më i vogël mund të jetë sekret për një martesë të suksesshme
Matthew McConaughey beson se madhësia ka rëndësi, të paktën kur bëhet fjalë për shtratin. Aktori i njohur nga filmi Interstellar tregoi se zvogëlimi i madhësisë së shtratit ka ndihmuar marrëdhënien e tij me bashkëshorten Camila Alves, sekreti i të cilës e ndan edhe në librin e tij të ri Poems & Prayers.
“Ne kemi fëmijë dhe shkojmë në shtëpinë e një miku, ku ai ka një shtrat të madh dopio king-size dhe të gjithë fëmijët flenë aty. Gruaja është nga njëra anë me tavolinën e saj dhe burri nga ana tjetër, dhe është fantastike kur ke të tre fëmijët,” rrëfeu Matthew për Fox News. “Por papritmas, fëmijët rriten dhe dalin nga shtrati. Një mëngjes zgjohem dhe shikoj Camila-n, dhe ajo është si në një fushë futbolli larg meje. Pastaj shkon nata dhe dëshiron të afrohesh, por duhet të mbulohesh, të lëvizësh 3-4 metra nga njëra anë dhe ajo po aq nga ana tjetër.”
Me fëmijët tashmë të rritur, 55-vjeçari kuptoi se afërsia ka vlerën e saj. “Më duket se ky shtrat king-size nuk është i mirë për martesën. E hodhëm dhe morëm një shtrat queen size ku shtrihemi krah për krah. Ju them, është e shkëlqyer për martesën.”
Ndërkohë, lidhja e Matthew dhe Camila-s forcohet çdo ditë, ndërsa aktori ka gjetur mënyra për ta bërë punën e tij një çështje familjare. Së fundmi, ai luajti në filmin e tij të fundit The Lost Bus së bashku me të bijën më të madhe dhe nënën e tij, Kay McConaughey, 93 vjeç. -
Beckham fotografohet në një shtrat spitali; fajin e ka dëmtimi i 22 viteve më parë
28 Qershor 2025
9:02
Alfred Lleshi
Pak ditë para sfidës që do të përballë Inter Miami-n e tij me PSG-në, David Beckham i është nënshtruar një ndërhyrjeje kirurgjikale. 50-vjeçari, zbulon “The Sun”, ka vendosur të operohet për një frakturë në kyçin e dorës, që daton 22 vite më parë, të pësuar gjatë një ndeshjeje miqësore mes Anglisë dhe Afrikës së Jugut.
Operacioni u bë i domosdoshëm për shkak të dhimbjeve të forta të ndjera së fundmi, pasi një vidë e vendosur atëherë si përforcim ishte zhvendosur dhe ngulur tashmë në parakrah. Ndërhyrja kirurgjikale ka përfunduar me sukses.
Fotografinë e Beckham-it në një shtrat spitali me dorën e fashuar e ka realizuar bashkëshortja e tij, Victoria, e cila e ka postuar gjithçka në rrjetet sociale. Krahas fotos, edhe një mesazh i ndjerë: “Shërohu shpejt, babi!” Më pas edhe një foto tjetër, ku shfaqet një varëse me të njëjtin mesazh. -
“Mos ke qenë në shtrat me bandat dhe nuk i ke parë? Turp të kesh!”/ Sherr mes Bushatit dhe Zogajt për zgjedhjet
Në emisionin “Të Paekspozuarit” në MCN TV, ka patur një debat të fortë mes analistëve Andi Bushati dhe Preç Zogaj, lidhur me standardin e zgjedhjeve.
Bushati tha se zgjedhjet nuk plotësojnë asnjë standard dhe se ato janë diktuar nga krimi i organizuar.Debati:
Andi Bushati: Palaçot e SPAK kanë qenë duke i përgjuar Troplinët. Opozita thoshte që ata po vjedhin vota dhe asgjë… Suel Çela blinte vota dhe galloftët e SPAK nuk panë gjë. Këtu idiotët e dobishëm të regjimit thonë zgjedhje kishte por ka pak faj Saliu. Këtu është bërë masakër. Po të doni, merrni vende pune dhe ndani lek, por të thuash që pati zgjedhje, këtë legenllëk nuk e pranoj dot më.
Nëse ti Preç ke qenë në shtrat me bandat, mund të mos i kesh parë, por bandat këtu janë sheshit. E lexove ti dosjen e Troplinëve? Njerëz që sjellin paratë e krimit në Shqipëri, marrin leje nga Rama, akuzohen nga opozita që po vjedh zgjedhjet. Të njëjtët…. Edhe Çyrbja vajti në burg, por pasi vajti si njeriu i bandave në listën e PS. Nëse dy banditë në Elbasan caktojnë atë gocën, që të vendosë lejet e ndërtimit….
Preç Zogaj: Atë të bandave mbaje për vete, nuk kam ndejtur kurrë në jetën time.
Andi Bushati: Aq më keq që i mbron sot.
Preç Zogaj: Kanë ushtruar…
Andi Bushati: Kanë ushtruar një mut. Intelektualisht duhet të të vijë ty turp, kur sheh…
Preç Zogaj: Nuk jam ekstremist.
Andi Bushati: Kur sheh raste të tëra ku njerëzve ju jepen lek dhe u merret vota, dhe nuk ndërhyn SPAK dhe policia, atëherë ky quhet mashtrim intelektualisht.
Preç Zogaj: Unë kam denoncuar me emra, por të dëgjoj fiction si puna jote. Nuk ke fakte.
Andi Bushati: Po flas me fakte.
Preç Zogaj: Ti ofendon një milionë e 600 mijë njerëz. -
“Ke qenë në shtrat me bandat ti? Turp të kesh!”/ Plas sherri mes Bushatit dhe Zogajt për zgjedhjet
Në emisionin “Të Paekspozuarit” në MCN TV, ka patur një debat të fortë mes analistëve Andi Bushati dhe Preç Zogaj, lidhur me standardin e zgjedhjeve.
Bushati tha se zgjedhjet nuk plotësojnë asnjë standard dhe se ato janë diktuar nga krimi i organizuar.
Debati:
Andi Bushati: Palaçot e SPAK kanë qenë duke i përgjuar Troplinë. Opozita thoshte që ata po vjedhin vota dhe asgjë… Suel Çela blinte vota dhe galloftët e SPAK nuk panë gjë. Këtu idiotët e dobishëm të rgjimit thonë zgjedhje kishte por ka pak faj Saliu. Këtu është bërë masakër. Po të doni, merrni vende pune dhe ndani lek, por të thuash që pati zgjedhje, këtë legenllëk nuk e pranoj dot më.Nëse ti Preç ke qenë në shtrat me bandat, mund të mos i kesh parë, por bandat këtu janë sheshit. E lexove ti dosjen e Troplinëve? Njerëz që sjellin paratë e krimit në Shqipëri, marrin leje nga Rama, akuzohen nga opozita që po vjedh zgjedhjet. Të njëjtët…. Edhe Çyrbja vajti në burg, por pasi vajti si njeriu bandave në listën e PS. Nëse dy banditë në Elbasan caktojnë atë gocën, që të vendosë lejet e ndërtimit….
Preç Zogaj: Atë të bandave mbaje për vete, nuk kam ndejtur kurrë në jetën time.
Andi Bushati: Aq më keq që i mbron sot.
Preç Zogaj: Kanë ushtruar…
Andi Bushati: Kanë ushtruar një mut. Intelektualisht duhet të të vijë ty turp, kur sheh…
Preç Zogaj: Nuk jam ekstremist.
Andi Bushati: Kur sheh raste të tëra ku njerëzve ju jepen lek dhe u merret vota, dhe nuk ndërhyn SPAK dhe policia, atëherë ky quhet mashtrim intelektualisht.
Preç Zogaj: Unë kam denoncuar me emra, por të dëgjoj fiction si puna jote. Nuk ke fakte.
Andi Bushati: Po flas me fakte.
Preç Zogaj: Ti ofendon një milionë e 600 mijë njerëz. -
Prej katër vitesh dergjet në shtrat, 34-vjeçari apel për ndihmë
Prej 4 vitesh Klodist Xhulaj, nga fshati Peshtan në Fier, qëndron i paralizuar në shtrat pa asnjë mundësi shërimi. Teksa vilte ullinj humbi kontrollin dhe ra nga lartësia duke pësuar dëmtime të rënda në shtyllën kurrizore. Për shkak të aksidentit, jeta e 34 – vjeçarit mori një kthesë tjetër mes vuajtjeve dhe sakrificave.
“Jetesa është është shumë e vështirë, marr 200 mijë lekë kemp. Jam detyruar të marr një shtëpi me qira në Fier që të jem afër spitalit. Paguaj 150 mijë lekë për qiranë”, shprehet Klodist Xhulaj.
Për të qenë pranë spitalit prej 2 vitesh familja Xhulaj është detyruar të marrë një banesë me qira në qytetin e Fierit. Aplikuan për banesë sociale në bashkinë e Fierit por nuk plotësojnë kriterin e paraqitjes në dokumentacion të certifikatës së pronësisë së banesës në Peshtan, pasi është në fazë legalizimi. 34-vjecari kërkon nga Agjencia Shtetërore e Kadastrës të përshpejtojë procesin e legalizimit.
“Kam bërë një aplikim për certifikatë pronësie për pronësisë së banesës në Peshtan. I bëj thirrje që Agjencia Shtetërore e Kadastrës të përshpejtojë procesin sa më shpejt”, shton ai.
Barra për të mbajtur familjen ka rënë mbi shpatullat e Brikenës, bashkëshortes së Klodistit e cila u përball me fatkeqësinë e papritur vetëm pas një viti martesë kur sapo kishte sjellë në jetë djalin e tyre të vetëm.
“Këtu ambulanca nuk vinte. I kërkoj bashkisë një banesë sociale. Paguaj 150 mijë lekë qira”, thotë bashkëshortja.
Apeli për një banesë sociale vjen edhe nga nëna e 34- vjecarit, Zoja Xhulaj e cila thotë se shpërngulja nga Peshtani në Fier është jetike për djalin e saj të paralizuar.
“Kërkojmë një banesë në Fier. Aq lek sa marrim nuk na dalin për ilaçe apo bebelina”, thotë nëna e 34 vjeçarit
Edhe pse jeta në shtrat, është tepër e vështirë për Klodistin, sërish i gëzohet faktit që është gjallë dhe mund të shohë djalin e vogël teksa rritet para syve të tij./ Report Tv -
Kjo është arsyeja pse nuk duhet të flini me flokët e lagur
Shumë herë për mungesë kohe apo lodhje zgjedhim të shtrihemi në shtrat me flokë të lagur.
Edhe pse kjo nuk përbën një rrezik të madh, ekzistojnë tre arsye specifike pse është më mirë të mos flini kurrë me flokë të lagur:
Dhimbje kokeTemperatura e trupit tuaj rritet gjatë gjumit REM (gjumi i thellë). Trupi nxehet dhe lagështia në kokën tuaj, e cila është e mbështjellë me një peshqir, mund të shkaktojë një dhimbje koke të fortë.
Bakteret
Jastëkët janë sipërfaqe ideale për rritjen e baktereve sepse thithin lagështinë, qelizat e vdekura dhe vajrat natyralë nga lëkura dhe flokët. Flokët e lagur hidratojnë jastëkun tuaj, duke krijuar një mikro-ambient ideal për rritjen e baktereve dhe, rrjedhimisht, infeksionet e mundshme.
Flokët e brishtë bëhen të prirur për t’u dëmtuar
Flokët gjithsesi thyhen lehtë. Problemi përkeqësohet edhe më shumë kur është i lagësht. Nëse shtriheni në shtrat me flokë të lagur, atëherë padyshim që po i bëni dëm si pamjes ashtu edhe shëndetit tuaj.
