Lajmidites.com

Tag: shqipërinë

  • “Model edhe për vendet e tjera të BE-së”/ Meloni vlerëson marrëveshjen me Shqipërinë për emigrantët

    “Model edhe për vendet e tjera të BE-së”/ Meloni vlerëson marrëveshjen me Shqipërinë për emigrantët

    Kryeministrja italiane Giorgia Meloni theksoi se Italia ka punuar për zgjidhje inovative në menaxhimin e migracionit, duke veçuar si model bashkëpunimin me Shqipërinë për përpunimin e kërkesave për azil dhe procedurat e riatdhesimit jashtë Bashkimit Europian, por nën juridiksion europian.

    Sipas Melonit, ky protokoll ka hapur rrugën për marrëveshje të ngjashme në nivel të BE-së. Këtë e dëshmon edhe marrëveshja e arritur së fundmi nga ministrat e Brendshëm të vendeve anëtare për futjen e konceptit të “vendeve të treta të sigurta”
    “Italia ka punuar gjithashtu për të propozuar zgjidhje inovative, të cilat tani shihen me interes të shtuar dhe gradualisht po bëhen praktikë e zakonshme. I referohem para së gjithash Protokollit të bashkëpunimit që nënshkruam me Shqipërinë. Dëshiroj të përshëndes dhe të falënderoj Ministren e Punëve të Brendshme Koçiu, e cila është në Bruksel sot, me qëllim që të përpunojmë kërkesat për azil dhe procedurat e riatdhesimit jashtë BE-së, por nën juridiksionin evropian.“- u shpreh Meloni.
    Ndërkohë, ministrja Albana Koçiu në Konferencën Globale të Aleancës Kundër Kontrabandës së Migrantëve bashkëkryesoi seksionin mbi alternativat ndaj migracionit të paligjshëm.
    Në këtë konferencë u dërguan mesazhe nga Presidentja e Komisionit Europian, Ursula von der Leyen, si dhe Komisioneri Europian për Punët e Brendshme dhe Migracionin, Magnus Brunner, duke theksuar rëndësinë e bashkëpunimit ndërkombëtar në luftën kundër trafikimit të migrantëve.

    Top Channel

  • 100-vjetori i Urdhrit të Skënderbeut/ Rama: Ishte si një masë graniti në Shqipërinë e Re. Nderi, parimi që vë një popull..

    100-vjetori i Urdhrit të Skënderbeut/ Rama: Ishte si një masë graniti në Shqipërinë e Re. Nderi, parimi që vë një popull..

    Kryeministri Edi Rama mori pjesë në aktivitetin për 100-vjetorin e Urdhrit të Skënderbeut.
    Ai theksoi se kjo mbrëmje solemne nderon vlerat tona kombëtare e vlerëson njerëzit që frymëzojnë të tashmen dhe të ardhmen europiane.

    “Në çdo kthesë të historisë kur shqiptarët janë mbledhur apo janë gjendur bashkë për të vendosur një gur të ri në rrugën e gjatë të përpjekjes kombëtare, po për të ngritur një shtyllë të re të shtetësisë tonë të brishtë, ata i kanë kthyer sytë me vetëdije apo pa vetëdije, nga figura që qëndron në zemër të qenies tonë si subjekt kombëtar dhe shtetëror, Gjergj Kastriot Skënderbeu. Ai zgjodhi luftën e drejt në një epokë të fundosur në padrejtësi, prijësi që mbrojti atdheun. Pagëzori i identitetit tonë kombëtar dhe përkatësisë tonë europiane, që ashtu siç shkruan Ismail Kadare, një emër Gjergj e kishte si Dielli, tjetri si Hënë, Skënderbe.
    Të vetëdijshëm, siç thoshte Montesquieu, nderi është parimi që vë një popull në lëvizje dhe kur nderohet merita, kombi e njeh më mirë vetveten.
    Duke themeluar urdhrin e Skënderbeut, me këtë tekst, për kujtim të shpalljes së Republikës së Shqipërisë, themelohet Urdhri dhe Medalja e Skënderbeut, si i vetmi urdhër zyrtar.
    Lejomëni t’ju sjell në vëmendje fjalët e Napoleon Bonaparte, kur themeloi Urdhrin e Legjionit të Nderit, ishte një republikan i lindur dhe tha që ka një qeveri e shtete, por çfarë janë institucionet, një masë e vogël rëre që i duhet hedhur një masë graniti. Urdhri i Skënderbeut ishte një masë graniti e hedhur në Shqipërinë e Re”, tha ndër të tjera Rama.

  • Berisha: Paketa kundër shpopullimit është hapi i parë drejt një kthese që synon të shpëtojë Shqipërinë

    Berisha: Paketa kundër shpopullimit është hapi i parë drejt një kthese që synon të shpëtojë Shqipërinë

    Kreu i Partisë Demokratike, Sali Berisha, deklaroi në një konferencë për media se paketa kundër shpopullimit përbën hapin e parë drejt një kthese që synon të shpëtojë Shqipërinë.

    Ai e cilësoi situatën aktuale si katastrofën më të madhe demografike në historinë e kombit shqiptar. Berisha theksoi se shqiptarët nuk e meritojnë zhdukjen dhe kanë të drejtë të jetojnë në trojet e tyre historike. Sipas tij, kjo çështje do të mbrohet dhe do të ngrihet si prioritet në parlament.

    FJALA E BERISHËS:

    Natyrisht kjo paketë është vetëm hapi i parë i domosdoshëm për të shënuar një kthesë, e cila synon të shpëtojë Shqipërinë nga shkretimi i plotë i banorëve të saj.

    Fshirja, shuarja. 

    Historia e kombeve është histori e lindjes, lulëzimit, por edhe zhdukjes së tyre.

    Shqiptarët nuk e meritojnë të zhduken.

    Shqiptarët duhet të meritojnë në trojet e tyre që nga kohërat ilire gjer sot.

    Kjo që ndodh është katastrofa më e madhe demografike në historinë e kombit.

    Kurrë shqiptarët nuk kanë përjetuar një shpopullim të tillë nga asnjë pushtim, nga asnjë sëmundje, nga asnjë epidemi.

    Kjo ishte çështja që desha të sjell tek ju dhe që ne do e mbrojmë në parlament.

  • “Shtyllë stabiliteti dhe partner i besueshëm i Evropës”, Rama: Shqipëria nuk shihet më si një cep i largët në hartë

    “Shtyllë stabiliteti dhe partner i besueshëm i Evropës”, Rama: Shqipëria nuk shihet më si një cep i largët në hartë

    Kryeministri Edi Rama ka marrë pjesë në takimin me sipërmarrës dhe ekspertë ndërkombëtarë, organizuar nën kujdesin e Delphi Forum, për të diskutuar mbi hapësirat për zhvillim që ofron Shqipëria.
    Në fjalën e tij në Tirana Economic Forum, kryeministri theksoi se Shqipëria po hyn në një fazë të re zhvillimi, ku reformat, modernizimi i shtetit dhe rritja ekonomike po e shndërrojnë vendin në një pikë referimi për investitorët dhe partnerët ndërkombëtarë. Ai u ndal tek ndryshimi i perceptimit për Shqipërinë, roli i saj si faktor stabiliteti në rajon dhe progresi i shënuar në negociatat me Bashkimin Evropian, duke e paraqitur vendin si një ekonomi në ngjitje dhe destinacion të besueshëm për kapitalin e huaj.

    Rama: Realiteti ka ndryshuar, Shqipëria nuk shihet më si një cep i largët në hartë, por si një vend ku gjërat ndodhin, ku reformat nuk janë premtime por praktika dhe ku transformimet nuk janë slogane por fakte të përditshme. Në një Evropë që po rimendon arkitekturën e saj të sigurisë dhe ekonomisë, vendi ynë qëndron si një shtyllë stabiliteti, një partner i besueshëm dhe një ekonomi në rritje. Ne kemi hapur të gjithë kapituj e negociatave me BE-në në një kohë rekord, kemi dyfishuar buxhetin tonë. Po rinovojmë infrastrukturën nga portet deri te hekurudhuat dhe po shtyjmë transformimin digjital.
    Po luftojmë korrupsionin, po modernizojmë shtetin. Pagat po rriten dhe industira ushtarake po rilind, asgjë nuk ndodh si aksident dhe kjo po ndodh hap pas hapi si rezultat i punës. Investimet e huaja direkte në vitin 2024 arritën 1.58 mld euro, niveli më i lartë i regjistruar ndonjëherë. Kapitali shkon atu ku ka stabilitet. Shqipëria sot është një vend, destinacion me stabilitet, qartësi dhe drejtim. Porti i ri i Durrësit do të bëhet porti më i rëndësishëm në Mesdhe, një portë e re që lidh Shqipërinë dhe Evropën dhe Evropën me Ballkanin. Shqipëria ka një rritje që nuk vjen prej sloganeve por prej reformave. Më pak mundësi për ryshfete dhe më shumë transparencë për bizneset, ky është shteti që ne po ndërtojmë. Evropa 2030 nuk është shpresë për ne, por destinacion dhe busulla jonë është e qartë, drejt Bashkimit Evropian. Anëtarësimi i Shqipërinë në 2030 është i mundshëm dhe nuk jemi këtu për të pritur për Evropën por ta ndërtojmë Evropën këtu.

  • Vajza e Trump poston tre librat që po lexon për Shqipërinë, njëri prej tyre i Kadaresë

    Vajza e Trump poston tre librat që po lexon për Shqipërinë, njëri prej tyre i Kadaresë

    Vajza e Donald Trump, Ivanka Trump ka postuar në rrjete sociale tre libra që po lexon për Shqipërinë dhe shqiptarët. Ivanka është gruaja e Jared Kushner, investitorit të projektit në ishullin e Sazanit.
    Bëhet fjalë për tre librat “Albania: From Anarchy to Balkan Identity” të Miranda Vickers dhe James Pettifer, “The Albanians: A Modern History” të Miranda Vickers, si dhe “Gjenerali i ushtrisë së vdekur” të Ismail Kadaresë.

    Poshtë fotos, Ivanka ka shkruar thjesht: “Kërkim!”, duke lënë të kuptohet se është duke u njohur më shumë me historinë dhe kulturën shqiptare.

    Projekti i Kushner për ishullin e Sazanit e ka bërë edhe me të njohur Shqipërinë, sepse përveç idesë së projektit ai është dhenderri i Presidentit Trump, njeriut me të fuqishëm të Botës. Ai tashmë mbetet reklamuesi më i mirë për Shqipërinë.

  • Berisha mesazh të fortë pas 4 foltoreve: Të përgatitemi për protestë të fuqishme…

    Berisha mesazh të fortë pas 4 foltoreve: Të përgatitemi për protestë të fuqishme…

    Kreu i PD, Sali Berisha, ka lajmëruar nisjen e protestave kombëtare, që ai i cilësoi se do të jenë të fuqishme dhe kanë për synim dorëheqjen e Ramës.
    Nga foltorja e katërt para kryeministrisë, këtë 8 dhjetor, në 35-vjetorin e lëvizjes studentore të 1990, lideri i opozitës tha se gjatë qeverisjes së Ramës, janë larguar pjesa më e madhe e të rinjve nga vendi.
    “Edi Rama ka mbushur jo kupën, por çdo gjë. Meriton çdo ndëshkim me këto që i ka bërë kombit.
    Është koha jonë, është koha e guximtarëve, është koha me ideale, është koha e njerëzve që e duan Shqipërinë.
     
     
    Ndaj dhe u ftoj të përgatitemi të nisim protestat e fuqishme, protestat me të cilat ne do iu rikthejmë shqiptarëve të ardhmen, Shqipërinë, nderin dhe dinjitetin që meritojnë”, tha Berisha.

  • “Mezi po pret që të luajë për Shqipërinë”, menaxheri tregon sa e ndien Anis Mehmeti pjesën e Kombëtares: Shënon golin e fitores me Ukrainën

    “Mezi po pret që të luajë për Shqipërinë”, menaxheri tregon sa e ndien Anis Mehmeti pjesën e Kombëtares: Shënon golin e fitores me Ukrainën

    Anis Mehmeti nuk e ka marrë ende mundësinë e tij në Kombëtare. I ftuar në emisionin Mega Sport që transmetohet në A2 CNN ishte dhe menaxheri i njohur shqiptar, Mario Cenolli. Ky i fundit ka një lidhje të ngushtë me familjen e Mehmetit dhe e di më mirë situatën e futbollistit.
    Sipas Cenollit, Mehmeti e ndien shumë pjesën e Kombëtares dhe mezi po pret që të vijë te Shqipëria. “Di të them se Mehmeti është një djalë i mrekullueshëm dhe ka një familje të mrekullueshme. Nga bisedat më të mund t’iu them se mezi po pret që të luajë për Shqipërinë. Nuk e di, nuk ka arsye se përse Silvinjo nuk e thërret, Mehmeti është gati të luajë në krahë të majtë dhe të djathtë, luan edhe pas sulmuesit. Për mua ne fitojmë 0-1 me Poloninë dhe fitojmë 0-1 në finale me Ukrainën, golin e shënon Mehmeti”, tha Cenolli. /Sport Ekspres/

  • Këlliçi thirrje të rinjve: Ju mund ta shpëtoni Shqipërinë dhe nëse jo sot, kur?

    Këlliçi thirrje të rinjve: Ju mund ta shpëtoni Shqipërinë dhe nëse jo sot, kur?

    Deputeti i Partisë Demokratike, Belind Këlliçi, në një reagim, me rastin e 8 Dhjetorit, ngriti alarmin për situatën e rënduar të të rinjve në vend, duke e cilësuar këtë ditë “Ditën e Rinisë, pa rini”.
    Këlliçi u shpreh optimist se Shqipëria mund të ketë një të ardhme më të mirë, duke e cilësuar vendin si të aftë për t’u rinovuar dhe ndryshuar, nëse të rinjtë angazhohen realisht në proceset e reformimit. Ai i mbylli urimin e tij të 8 Dhjetorit me thirrjen ndaj të rinjve për të marrë përgjegjësi dhe për të luftuar për ta kthyer Shqipërinë në një vend europian:  “Nëse jo sot, kur? Nëse jo unë, kush?”
    Reagimi
    Dita e Rinisë, pa rini!
    8 Dhjetori e gjen shoqërinë shqiptare në një situatë tejet problematike sa i takon rinisë.
    Shifrat e dëshirës për të emigruar janë në nivele alarmante, ku 79% e studentëve deklarojnë se kanë dëshirë të largohen, nga një anketë e Qendrës për Studime
    Ekonomike dhe Sociale.
    Klasa e mesme, shtresa më produktive e shoqërisë dhe ajo që nxit zhvillimin demografik dhe ekonomik të një vendi, deklaron se ka dëshirë të emigrojë në masën 40%.
    Këto shifra tregojnë për një tendencë masive të ikjes e cila sigurisht që sjell pasojat e saj sociale, ekonomike dhe politike.
    Nxënësit në arsimin parauniversitar janë pakësuar, me fenomenin gjithnjë në rritje të shkollave të mbyllura, sidomos në fshat.
    Arsimi universitar nuk është në cilësinë e duhur dhe studentët, të cilët do duhej të ishin të parët të interesuar për ta reformuar, ndihen indiferentë dhe presin rastin të emigrojnë.
    Arsimin nuk e shohin të lidhur me tregun e punës dhe diplomën të pavlerë për një jetë të suksesshme.
    Xhanëm, cila alternativë ju jepet?
    Vetë Kryeministri ju premton “pasaportën europiane” si zgjidhje për çdo hall, nëpërmjet largimit.
    Kjo situatë ka krijuar problemet e veta të pashmangshme edhe në tregun e punës, në produktivitet, në frenimin e rritjes.
    Bizneset në sektorë si ndërtimi, industria apo turizmi po hasen me mungesë të fuqisë punëtore dhe po përpiqen ta marrin atë nga vende të huaja si India, Bangladeshi apo shtete afrikane.
    Profesionistët, zanatçinjtë mungojnë në qendrat urbane aty ku ka më shumë nevojë.
    Rinia shqiptare është e keqinformuar, e keqorientuar, e dëbuar.
    Shumë prej të rinjve kanë përfunduar jo vetëm përdorues të drogës por edhe ushtarë apo punëtorë krahu të krimit të organizuar, i cili me bekimin qeveritar e shfaq veten si e vetmja shkallë sociale dhe mënyrë e shpejtë për të dalë nga varfëria.
    A ka një dritë në fund të tunelit?
    Sigurisht që po.
    Shqipëria nuk është një vend gjeografikisht i varfër, historikisht i pashpresë apo institucionalisht i destinuar për dështim.
    Shqipëria i ngërthen në vetvete energjitë për t’u rinovuar, për t’u rritur, për të ndryshuar.
    Kjo sigurisht që do të kërkojë reforma strukturore por asnjë prej këtyre reformave nuk mund të jetësohet pa një angazhim real, të drejtpërdrejtë dhe me vullnet të lirë të të rinjve.
    Shqipëria mund ta shpëtojë veten.
    Të rinjtë mund ta shpëtojnë veten.
    Me energjinë, talentin, përkushtimin, idealizmin e moshës.
    Thjesht duhet t’i bëjnë vetes pyetjet:
    Nëse jo sot, kur?
    Nëse jo unë, kush?
    Gëzuar 8 dhjetorin, ju të rinj që keni vendosur të vijoni betejën në vendin tuaj e ta bëni Shqipërinë një vend europian!

  • Ivanka Trump, lexime mbi Shqipërinë

    Ivanka Trump, lexime mbi Shqipërinë

    E bija e presidentit amerikan Ivanka Trump siduket po joshet të mësojë më shumë për Shqipërinë.
    Pas disa vizitave te ne me të shoqin Jared Kushner, tashmë që duan dhe të inestojnë në Sazan, ajo ka nisur të lexojë libra që ia zgjerojnë njohjen mbi Shqipërinë.
    Në një fotografi të publikuar në Instasotyr, Ivanka ka postuar tre libra: “Albania: From Anarchy to Balkan Identity” nga Miranda Vickers dhe James Pettifer, “The Albanians: A modern history” po nga Miranda Vickers dhe “Gjenerali i ushtrisë së vdekur” nga Ismail Kadare.
    Bashkëngjitur me këtë postim, vajza e presidentit amerikan shkruan: “Kërkim!”.
     
     

  • Vlora e mbushur me turistë edhe në dimër: Na pëlqen shumë arkitektura dhe historia e këtij vendi

    Vlora e mbushur me turistë edhe në dimër: Na pëlqen shumë arkitektura dhe historia e këtij vendi

    Vlora nuk të ofron vetëm detin, nuk të ofron vetëm plazh. Me dhjetëra turistë të huaj, zbarkojnë edhe përgjatë dimrit në qytetin bregdetar. Ata vijnë për të shijuar qetësinë që të ofron qyteti, klimën e favorshme. Turistët e huaj, të cilët vijnë kryesisht nga vendet e Europës Perëndimore siç është edhe Belgjika, thonë se vijnë për të mësuar më tepër për historinë e vendit tonë. Për këtë arsye ata i përqendrojnë vizitat e tyre kryesisht tek sitet arkeologjike dhe historike për të takuar nga afër një pjesë të historisë sonë kombëtare. Për ta Shqipëria është një vend aq sa i bukur por edhe i panjohur.

    “Unë vij nga Belgjika. Jam për herën e parë në Vlorë dhe në Shqipëri gjithashtu. Zgjodhëm Shqipërinë sepse për shumicën prej nesh është një shtet i panjohur dhe për pak vite do të jetë pjesë e Europës, kështu që ne donim ta vizitonim këtë vend dhe të mësonim prej tij.

    Zgjodhëm këtë periudhë për pushime për shkak se nuk është shumë nxehtë dhe nuk ka shumë njerëz, shumë pushues turistë dhe temperaturat janë të favorshme. Ne na pëlqen që të vizitojmë çdo gjë këtu, detin, dyqanet etj. Na pëlqen shumë arkitektura, dhe historia e këtij vendi. Ne jemi si grup, vizitojmë vende të ndryshme dhe kemi një djalë i cili na tregon çdo gjë se çfarë ka ndodhur, që i përket historisë së Shqipërisë”, thotë një turist belg.

    “Ne vijmë nga Belgjika. Jemi të gjithë prej andej.Kemi ardhur këtu si një grup i vetëm. Për herën e parë jemi në Vlorë. Na pëlqen shumë qyteti. Ju keni detin dhe qytetin e bukur dhe është ok për ne. Qyteti është totalisht i ri për ne, ne po vizitojmë çdo gjë në qytet, është bukur.

    Ne po vizitojmë çdo vend që tregon historinë gjithashtu edhe në kala, në male dhe në natyrë, për të parë gjithçka. Ne zgjodhëm Shqipërinë këtë herë, pasi ne nuk dimë asgjë për këtë vend, dhe duam të mësojmë diçka të re për botën, të shikojmë gjithçka. Unë do ta rekomandoj Shqipërinë”, shprehet një turiste belge.

    Në Vlorë madje nuk mungojnë as turistët nga vendet e largëta, sic është edhe Kina.Turistët nga Kina udhëtojnë në grupe, duke marrë me vete edhe një guidë turistike e cila është udhërrëfyesi i tyre. Sipas guidës që i shoqëron, turistëve nga Kina në qytet i pëlqen shumë edhe arkitektura teksa kureshtja për këtë vend, për kulturën dhe historinë i ka shtyrë që të vizitojnë vendin tonë.Vlora i ka lënë vërtetë mbresa ku pohojnë se do të kthehen sërish

    “Unë vij nga Kina. Për mua nuk është hera e parë që e vizitojë Shqipërinë, është hera ime e tretë, por hera e parë që vij në Vlorë. Vij këtu për herën e tretë sepse jam ajo që drejtoj grupet me turistë.

    Mendoj se ka mjaftë interes nga shtetasit kinez të vijnë në Shqipëri. Për shkak se dy kombet tona kanë një histori miqësie, dhe kjo i shtynë shumë qytetarët e Kinës të vijnë këtu, ta vizitojnë dhe zbulojnë Shqipërinë.

    Kemi vizituar disa vende, na pëlqen historia dhe arkitektura këtu. Dje vizituam dhe syrin e kaltër në Sarandë, ishte shumë i bukur, i ngjan liqeneve në Kinë.

    Kemi vizituar gjithashtu malet por edhe detin. Kemi zgjedhur dimrin për tur në Shqipëri, sepse më parë kishim punë. Shqipëria është një vend i bukur, e duam. Sigurisht që do të kthehem këtu sërish”, shprehet një turiste kineze.

    Në vendet që tregojnë historinë e Vlorës dhe Shqipërisë, mund të takosh sot turistë nga vende të ndryshme.

    Mbizotërues sigurisht që janë ata që vijnë nga Europa Lindore dhe Perëndimore, por nuk mungojnë as vendet e largëta si Kina, Japonia, Australia dhe SHBA.