Më 13 dhjetor Organizatat e Dala nga Lufta e Ushtrisë Çlirimtare të Kosovës do të mbajnë një protestë te ‘Sheshi Skënderbeu’ në Shkup.
“Të dashur shqiptarë, shihemi në Shkup”, shkruhet në faqen zyrtare në Facebook.
Pas këtij njoftimi edhe Kreu i BDI-së Ali Ahmeti, përmes një postimi në rrjetet sociale shprehet se Sheshi “Skënderbe” do të jetë zëri i fuqishëm i qytetarëve që kërkojnë drejtësi për çlirimtarët.
Ndër të tjera ai thekson se drejtësia për luftëtarët e lirisë nuk mund të ndërtohet mbi akuza politike, montime dhe dëshmi të fabrikuara nga Serbia dhe Rusia.
“Pas Prishtinës dhe Tiranës, tani edhe Shkupi do të buçasë për të vërtetën dhe drejtësinë! Sheshi “Skënderbeu” në Shkup do të jetë zëri i fuqishëm i qytetarëve që kërkojnë drejtësi për çlirimtarët tanë.
Lufta e Ushtrisë Çlirimtare të Kosovës ishte dhe mbetet e drejtë, çlirimtare dhe e mbështetur nga bota demokratike. Drejtësia për luftëtarët e lirisë nuk mund të ndërtohet mbi akuza politike, montime dhe dëshmi të fabrikuara nga Serbia dhe Rusia.
Ashtu siç qëndruam përkrah luftëtarëve të UÇK-së në Prishtinë dhe Tiranë, ashtu do të qëndrojmë edhe në Shkup, krenarë, të vendosur dhe të palëkundur në mbrojtje të së vërtetës sonë, të së vërtetës objektive. Më 13 dhjetor, në orën 13:00, të gjithë në Shkup!
Liria nuk gjykohet, liria mbrohet! Lavdi UÇK-së!”, shkruan Ahmeti.
Më 16 nëntor Organizata e Veteranëve të Luftës së UÇK-së, mbajti protestën e radhës në Strasburg, Francë, ku bënë me dije se gjatë këtij tubimi u dorëzuan 285 letra në emër të secilit anëtar të Asamblesë së Këshillit të Evropës.
Më 17 tetor Tirana u kthye në kryeqytetin e shqiptarisë, ku mijëra qytetarë bënë thirrje për drejtësi për ish-krerët e UÇK-së. Protestë e ngjashme u zhvillua edhe në Hagë më 14 shtator në mbështetje të ish-krerëve të UÇK-së të cilët po gjykohen në Dhomat e Specializuara.
Në Gjykatën Speciale në Hagë po zhvillohet procesi kryesor ndaj ish-presidentit Hashim Thaçi, ish-kryeparlamentarëve Kadri Veseli e Jakup Krasniqi dhe ish-deputetit Rexhep Selimi, të akuzuar për krime lufte dhe krime kundër njerëzimit, akuza që të katërt i kanë mohuar.
Tag: shkup
-
Gjyqi ndaj ish-krerëve të UÇK-së, veteranët protestë më 13 dhjetor në Maqedoninë e Veriut
-
Më 13 dhjetor në Shkup, mbahet protestë për ish-krerët e UÇK-së
Kryetari i BDI-së Ali Ahmeti ka paralajmëruar protestën e ardhshme në mbështetje të ish-krerëve të UÇK-së që po mbahen padrejtësisht në Hagë.
Ai ka thënë e protesta e ardhshme, pas Prishtinës, Hagës, Tiranës e Strasburgut, do të mbahet në Shkup.
“Më 13 dhjetor, në orën 13:00, do të organizohet demonstratë në përkrahje të luftëtarëve të lirisë që padrejtësisht mbahen në burgjet e Hagës. Demonstrata do të mbahet në sheshin “Skënderbe” në Shkup”, ka thënë Ahmeti.
Ish-krerët e UÇK-së tash e pesë vjet po mbahen padrejtësisht në paraburgim. -
Tronditet opozita/ Humbja në zgjedhje, dorëhiqet kupola drejtuese
Pothuajse e gjithë udhëheqja e partisë kryesore opozitare “Bashkimi Social Demokrat” (SDSM) në Shkup paraqiti dorëheqjen, pas një kërkese nga kreu i partisë, Venko Filipce.
Konkretisht, zëvendëspresidenti, katër nënkryetarët dhe sekretari i përgjithshëm dhanë dorëheqjen, ashtu si edhe të gjithë anëtarët e Komitetit Ekzekutiv të LSDM-së.Komiteti Qendror i SDSM-së pritet të mblidhet pas rreth dy javësh për të emëruar zëvendësuesit e atyre që dhanë dorëheqjen.
Dorëheqjet masive vijnë pas humbjes së rëndë të LSDM-së në zgjedhjet e fundit komunale në Shkup, e cila ka intensifikuar klimën e introversionit dhe kontestimit politik brenda partisë.
Venko Filipce deklaroi se nuk ka ndërmend të japë dorëheqjen nga udhëheqja dhe se do të ndërmarrë personalisht përpjekjet për rindërtimin dhe ripërtëritjen e partisë.“Bashkimi Social Demokrat” (LSDM) është një nga dy partitë më të mëdha politike në Shkup dhe eksponenti kryesor i traditës socialdemokrate të qendrës së majtë në vend.
Partia u themelua në vitin 1991, si pasardhëse e “Bashkimit të Komunistëve të Maqedonisë”. Pas shpërbërjes së Jugosllavisë, ajo evoluoi në një parti moderne socialdemokrate me orientim evropian.
LSDM-ja ka qeverisur disa herë që nga pavarësia e vendit. Një periudhë e shquar ishte qeveria nën Zoran Zaev (2017-2022), gjatë së cilës u nënshkrua Marrëveshja e Prespës dhe u arrit ndryshimi i emrit kushtetues në “Maqedonia e Veriut”, duke hapur rrugën për anëtarësim në NATO dhe proceset e pranimit në BE.
Pavarësisht reformave, partia është përballur me fërkime të brendshme, erozion të pushtetit dhe pakënaqësi në rritje të votuesve, të cilat kanë çuar në humbje zgjedhore në vitet e fundit. -
Festojnë 28 Nëntorin/ Shqiptarët në Shkup, paradë me kuaj dhe makina (VIDEO)
Edhe pse në Maqedoninë e Veriut nuk është festë zyrtare, shqiptarët atje e kanë festuar 28 Nëntorin dhe kanë gjallëruar Shkupin.
Të shumtë ishin fëmijët që uruan festat dhe dërguan mesazhe për të gjithë shqiptarët në mbarë botën.
Fëmijët shqiptarë në Shkup kanë festuar 28 Nëntorin të veshur me ngjyra kombëtare, duke interpretuar valle dhe këngë patriotike.
Rrugët e qytetit u mbushën me ngjyrat kuqezi, me flamuj kombëtarë dhe me të rinj që shprehnin krenarinë dhe dashurinë për kombin.
Atmosfera festive u përcoll edhe përmes Euronews Albania, ku fëmijët dhe të rinjtë dërguan urimet e tyre për të gjithë shqiptarët kudo në botë me rastin e Ditës së Flamurit.
Ndërkohë, në Shkup, një grup motorristësh të ardhur nga Austria dhuruan një spektakël për qytetarët, ku nuk munguan as paradat me kuaj.
-
Panik te pasagjerët, avioni u përpoq 2 orë të ulej në Shkup, përfundoi në Prishtinë
Një avion Wizz Air që ishte nisur nga Venecia për në Shkup ka përfunduar në Prishtinë. Sipas asaj që shkruan Corriere della Sera, Airbus A321neo i kompanisë hungareze me kosto të ulët u përpoq të ulej në aeroportin e Maqedonisë së Veriut për gati dy orë, por pa sukses. Kështu, pasi i kishte ardhur rrotull aeroportit të Shkupit për 17 herë, ai u drejtua Prishtinës në Kosovë, ku u ul pa probleme të mëtejshme.
Linja ajrore ia atribuon problemin motit të keq, edhe pse avionë të tjerë u ngritën dhe u ulën në të njëjtën kohë, me dukshmëri të klasifikuar si maksimale. Aeroplani me 239 vende kaloi disa herë mbi aeroportin maqedonas në një lartësi shumë të ulët.
Avioni u nis nga Venecia në orën 14:33 dhe iu afrua Shkupit në orën 15:41. Nga ai moment, ai bëri disa rrotullime, pa mundur të ulej. Në orën 17:33, ai filloi të shkonte në veri, me destinacion Prishtinën. Ai u ul atje në orën 17:55, më shumë se tre orë pas nisjes.
“Wizz Air konfirmon se fluturimi W6 4752 nga Venecia në Shkup më 25 nëntor është devijuar në Prishtinë për shkak të kushteve të këqija të motit në Shkup”, – i tha Corriere-s linja ajrore. “Të gjithë pasagjerët do të transportohen në Shkup me transport tokësor. Siguria e pasagjerëve, ekuipazhit dhe avionëve tanë është përparësia jonë kryesore dhe ne falënderojmë ekuipazhin tonë për profesionalizmin e tyre dhe pasagjerët për mirëkuptimin e tyre.”
Megjithatë, linja ajrore nuk sqaroi pse avionët e tjerë u ulën pa incidente. -
PANIK në ajër! Avioni i ‘Wizz Air’ bllokohet në ajër për 2 orë, pasagjerët rrotullohen 17 herë mbi aeroport, devijon në Kosovë
trajektorja
KOSOVË-Pasagjerët e fluturimit Venecia-Shkup janë përbakkur me një incident. Një avion i Wizz Air nga Venezia për në Shkup ka pasur probleme gjatë uljes. Avioni Airbus A321neo ka provuar për rreth dy orë të ulet në aeroportin e Shkupit, por nuk ia ka dalë. Pas 17 rrotullimeve mbi aeroport, avioni ka shkuar drejt Prishtinës në Kosovë, ku ka zbritur pa probleme, raporton Corriere della sera.
Nuk dihet ende pse avioni nuk mundi të ulej në Shkup. Ai ka fluturuar disa herë shumë afër tokës mbi aeroport, që mund të tregojë se piloti kishte nevojë të shikonte nga afër, ndoshta për ndonjë problem me rrotat e uljes.
Avioni u nis nga Venezia në orën 14:33 dhe mbërriti pranë Shkupit në 15:41, por nuk mundi të ulej. Në 17:33 u drejtua drejt Prishtinës, ku zbriti në orën 17:55, më shumë se tre orë pas nisjes.
Kompania ajrore ia ka lënë fajin motit të keq, edhe pse avionë të tjerë po uleshin dhe ngriheshin në të njëjtën kohë, me dukshmëri të klasifikuar si maksimale.
“Wizz Air konfirmon se fluturimi W6 4752 nga Venecia për në Shkup më 25 nëntor është devijuar për në Prishtinë për shkak të kushteve të këqija të motit në Shkup”, iu përgjigj linja ajrore Corriere .
Megjithatë, linja ajrore nuk sqaroi pse avionët e tjerë u ulën pa probleme./ZËRI -
Alarm për bomba në disa shkolla në Maqedoninë e Veriut
Në adresat e email-eve të shkollave në Shkup dhe në Kumanovë kanë mbërritur kërcënime për bomba të vendosura të cilat do të aktivizoheshin mëngjesin e sotëm. Nga Ministria e Punëve të Brendshme njoftuan se janë kryer kontrolle dhe konfirmuan se paralajmërimet ishin false.
“Në SPB Shkup dhe SPB Kumanovë dje rreth orës 18 është denoncuar se në email adresat e 30 shkollave në Shkup dhe 17 në Kumanovë, kanë arritur mesazhe për pajisje eksplozive të vendosura në shkolla. Menjëherë janë ndërmarrë masa dhe aktivitete të nevojshme, janë kryer kontrolle dhe është konfirmuar se bëhet fjalë për denoncime të rreme”, njoftoi Ministria e Brendshme.
Një prej shkollave e cila u kontrollua mëngjesin e sotëm, ishte shkolla fillore “Hasan Prishtina” në Çair. Kërcënimi kishte arritur dje në email adresën e vjetër të shkollës, adresë e cila nuk kontrollohet rregullisht. Drejtoresha e kësaj shkolle, Esma Fazlija, njoftoi se policia ka arritur para se fëmijët të fillojnë mësimin dhe nuk ka pasur nevojë për evakuim.Paralajmërimet për bomba të vendosura nëpër shkolla nuk është diçka e re në Maqedoninë e Veriut. Sipas mediave vendase, kjo gjë është duke u praktikuar prej vitesh, që pas periudhës së pandemisë./vizionplus.tv
-
Kërcënime me bomba në 47 shkolla në Shkup dhe Kumanovë, paralajmërimet rezultojnë të rreme
Në adresat e e-maileve te 47 institucione arsimore në Shkup dhe Kumanove kanë mbërritur kërcënime për bomba që sipas përmbajtjes së mesazhit do të aktivizoheshin mëngjesin e kësaj të mërkure.
Nga Ministria e Punëve të Brendshme në Maqedoninë e Veriut njoftuan se janë kryer kontrolle dhe konfirmuan se paralajmërimet kanë qenë të rreme.
Dje rreth orës 18.00 është denoncuar se në emailet e 30 shkollave në Shkup dhe 17 në Kumanovë, kanë arritur mesazhe për pajisje eksplozive. Nga kontrollet konfirmohet se bëhet fjalë për denoncime të rreme.
Një prej shkollave e cila u kontrollua e para, ishte shkolla “Hasan Prishtina” në Çair.
Drejtoresha e kësaj shkolle njoftoi se policia mbërriti në institucion përpara se fëmijët të fillonin mësimin dhe nuk ka pasur nevojë për evakuim.
Paralajmërimet për bomba të vendosura nëpër shkolla nuk janë diçka e re në Maqedoninë e Veriut.
Autoritetet po punojnë për identifikimin e burimit të kërcënimeve, ndërsa procesi mësimor u ndërpre përkohësisht.
Në Shkup ka një numër të madh shqiptarësh ashtu si në komunën e Kumanovës.
-
Shkëndija fitore e madhe europiane, prezantim dinjitoz i Dritës
Shkëndija e Tetovës ka arritur një fitore historike në ndeshjen e dytë të Conference League përballë skuadrës së Shelbourne në Shkup duke fituar 1-0 me një autogol të shënuar në të 90′.
Sfida e radhës për Shkëndijën do të jetë sërish në Shkup, ku kësaj radhe do të presin skuadrën polake Jagiellonia.
Ndërkohë Drita e Gjilanit e mbylli 1-1 takimin e saj të zhvilluar në “Fadil Vokrri” me AEK Larnaka.Goli i gjilanasëve u shënua nga Arb Manaj në të 12′. Xhani Masouras barazoi për qipriotët në shtesën e pjesës së parë.
Vazhdo leximin
-
Nesër protesta në Tiranë për UÇK-në, Ali Ahmeti: Do të organizohet edhe në Shkup
Rajoni E Enjte, 16 Tetor 2025 20:43
Ali Ahmeti, kryetar i BDI-së në Maqedoni, flet për protestën e nesërme të organizuar në Tiranë, ku do të bëhet thirrje drejtësi për ish-krerët e UÇK-së që po gjykohen nga Gjykata Speciale.
I pyetur se a do të organizohet një protestë e tillë edhe në Shkup, Ahmeti nënvizoi se kjo është çështje kohësh.
”Është duke u biseduar me veteranët e Ushtrisë Çlirimtare Kombëtare, me siguri që janël në kontakt me shoqatat e veteranëve të luftës në Kosovë. Është çështje kohe se kur do të organizohet”, ka thënë ai në në T7.