Tashmë është zyrtare! Big Brother Albania rikthehet më 20 dhjetor me edicionin e tij të pestë (BBVA 5). Lajmin e bëri të ditur vetë Top Channel, duke ndarë datën e shumëpritur me publikun nëpërmjet një postimi në rrjetet sociale. Në videon njoftuese, kanali përdor frazën intriguese: “E ardhmja është shkruar…”, që lë të kuptohet se ky sezon do të sjellë shumë surpriza dhe momente të paparashikueshme.
Ky edicion i BBVA premton të sjellë një eksperiencë të re, duke i mbajtur banorët dhe publikun në tension që nga momenti i hyrjes në shtëpi. Ledion Liço do të jetë sërish moderatori i këtij sezoni, duke siguruar se atmosfera do të jetë po aq emocionuese dhe e mbushur me drama, siç ka ndodhur në sezonet e kaluar.
Rikthimi i spektaklit është pritur me padurim, pasi do të përfshijë shumë konflikte, miqësi, dhe histori dashurie, tipike për këtë show që ka mbërthyer miliona shikues shqiptarë. Si gjithmonë, shtëpia e BBVAlbania do të jetë një vend ku çdo moment është i papritur, dhe fansat tashmë janë të sigurt që do të jenë të fiksuar para ekranit për muaj me radhë.
BBVAlbania mbetet një nga programet më të ndjekura dhe më të komentuar në Shqipëri, dhe ky sezon pritet të jetë më emocionuesi deri tani.
Tag: sezon
-
Tashmë zyrtare! Ja kur nis “BBVA”
-
“Plas” te Liverpool, Inter ka në dorë Slot, projektohet rikthimi i Gerrard
7 fitore, 2 barazime dhe 6 humbje në 15 ndeshje, vendi i 9-të në Premier League, këto janë shifrat e Liverpool këtë sezon, shifra që flasin qartë për një dështim të madh, të paktën deri më tani. Askush nuk e imagjinonte që të kuqtë të përjetonin një sezon të tillë, për më tepër pasi zhvilluan një merkato sheikësh, klubi që investoi më shumë në vere.
Në kushte të tilla i pari nën akuzë është trajneri Arne Slot, i cili sot më shumë se kurrë ndjen që stoli i tij po lëkundet ndjeshëm. Mbi teknikun holandez rendon shumë edhe çështja “Salah”, me sulmuesin egjiptian i cili shpërtheu pas ndeshjes kundër Leeds United ku zbuloi se mes tij dhe trajnerit nuk ka asnjë kontakt:“Nuk kam asnjë raport me të. Jam shumë i zhgënjyer. Kam bërë shumë gjëra për këtë klub, por tani e shoh veten në pankinë dhe nuk e di arsyen përse. Më duket vetja sikur klubi më ka hedhur poshtë një autobusi, mendon se është shumë e qartë, dikush nuk më dëshiron në skuadër”, u shpreh Salah.
Në Angli, mediat shkruajnë se Slot është shumë pranë shkarkimit, madje fati i tij mund të vendoset pas ndeshjes kundër Inter në Champions League. Gjithnjë sipas mediave angleze, pasuesi i tij pritet të jetë një legjendë si Steven Gerrard. Ish kapiteni i famshëm i kuq mund të jetë një opsion tranzit deri në fund të sezonit, për t’i dhënë kohë drejtuesve për të gjetur një trajner të ri. Dëshira e madhe e tyre është Julian Nagelsmann, trajneri aktual i përfaqësues së Gjermanisë. Ky i fundit pritet të jetë i lirë pas përfundimit të Botërorit “FIFA2026”. -
Sezon i dobët për ullirin/ Ankohen fermerët: U dëmtuam nga zjarret, përmbytjet dhe ndryshimet klimatike
Në Bajkaj të Delvinës, sezoni i mbledhjes së ullinjve po zhvillohet mes vështirësive të mëdha. Edhe pse kjo periudhë zakonisht shoqërohet me aktivitet të shtuar në parcela, këtë vit prodhimi ka qenë i pakët dhe shumë fermerë e quajnë sezonin “më të dobëtin e viteve të fundit”.
Sipas banorëve, një pjesë e konsiderueshme e frutit ka rënë para kohe në tokë dhe është kalbëzuar, duke sjellë humbje të mëdha ekonomike. Shkak janë bërë kushtet atmosferike ekstreme: gjatë verës zona u godit nga zjarret, të cilat dëmtuan mijëra rrënjë ullinjsh, ndërsa gjatë dimrit shirat e dendur përmbytën disa prej parcelave të mbjella.
Fermerët thonë se këtë sezon janë detyruar të punojnë vetë, pasi gjetja e punëtorëve është thuajse e pamundur dhe kostot për ta paguar kanë shkuar përtej mundësive të tyre.
“Dëmet janë të mëdha. Prodhimi është shumë i ulët dhe çmimet e punës nuk i përballojmë dot. Punojmë vetë, për të mos e lënë krejt pas dore ullirin”, shprehen fermerët.
Ndërsa situata mbetet e vështirë, banorët kërkojnë më shumë mbështetje dhe vëmendje për sektorin e ullishtarisë, një prej burimeve kryesore të ekonomisë së zonës. -
Bayern fitore me “manita” dhe nis arratinë, Leverkusen bëhet për “Aspirina” (video)
Bayern Munich nuk di të ndalet këtë sezon në Bundesligë. Bavarezët kanë marrë fitoren e 12-të për këtë sezon, ku kanë vetëm një barazim në 13 javë dhe sot fituan 0-5 në transfertë ndaj Stuttgart.
Bayern gjeti golin që në minutën e 10-të, ku pas një topi të gjatë të Jonas Urbig dhe kombinimit me Michael Olise, Konrad Laimer shënon me finte. Në minutën e 66-të, Harry Kane dyfishon shifrat për bavarezët pas një goli të bukur nga distanca.
Në minutën e 78-të, Josip Stanisic shënoi golin e tretë për bavarezët, me një goditje të lehtë me të djathtën brenda zonës, pas asistit të Luis Diaz. Në 10 minutat e fundit, vendasit mbetën me 10 lojtarë pasi i sapofutur në fushë, Lorenz Assignon, u ndëshkua me karton të kuq për ndalje të topit me dorë, duke i mohuar një rast të pastër shënimi Olise. Arbitri jep penallti, Harry Kane shënoi golin e dytë personal dhe të katërtin për Bayern, këtë herë nga pika e bardhë e penalltisë.
Në minutën e 88-të, Harry Kane kompleton tregolëshin e tij, këtë herë pas asistit të Olise. Pas kësaj fitoreje, Bayern Munich nis shkëputjen, ku distanca me ndjekësin më atë afërt Leipzig, është 11 pikë. Leverkusen vazhdon me luhatjet këtë sezon, sot “Aspirinat” janë mundur 2-0 nga Augsburg.
https://www.goalstube.online/2025/12/stuttgart-bayern.html -
Maresca: Chelsea pretendent për titull nëse jemi në të njëjtën pozicion deri në shkurt
Pavarësisht humbjes në mesjavë ndaj Leeds, duke bërë që Chelsea të përfundojë 9 pikë pas Arsenal, trajneri i “blues”, Enzo Maresca, thotë se ekipi i tij ka ende mundësi të luftojë për titullin kampion në Premier League.
Trajneri italian beson se nëse Chelsea është në të njëjtën pozicion që është tani në shkurt ose mars, atëherë ata mund ta konsiderojnë veten pretendentë. “Nëse në shkurt ose mars jemi aty ku jemi tani, do të jemi pretendentë për titull”, tha Maresca.
“Por, në rast se nuk jemi, është ndryshe. Dhjetori dhe janari janë muajt që përcaktojnë se cilat ekipe do të jenë pretendente për titull. Në këtë moment, jemi më të mirë se sezonin e kaluar dhe sezonin tjetër, do të jemi më të mirë se këtë sezon”, shtoi Maresca.
Kur u pyet pse beson se një përpjekje për titull është e mundur këtë sezon në krahasim me të kaluarën, italiani u përgjigj: “Për shkak se kalojmë kohë së bashku, do të jemi gjithnjë e më të mirë. Kjo është arsyeja pse mendoj ndryshe këtë sezon, edhe nëse duhet të presësh deri në shkurt ose mars dhe pastaj mund të përcaktosh objektivin.” -
Publikohet data dhe traileri i sezonit të 5-të të “Emily in Paris”
Netflix ka publikuar trailerin zyrtar për sezonin e pestë të serialit të famshëm “Emily in Paris”, duke konfirmuar se aventurat e reja të Emily Cooper do të zhvillohen këtë herë në Romë. Lily Collins rikthehet në rolin e saj ikonik, por këtë sezon sfidat, intrigat dhe romanca do të marrin një kthesë krejt të re nën diellin italian.
Në këtë sezon, Emily merr përsipër menaxhimin e zyrës së re të Agence Grateau në Romë, duke u përballur me sfida të reja profesionale në një treg krejtësisht të ndryshëm nga ai francez. Energjia dhe ambicia e saj testohen sërish, teksa ajo përpiqet të ruajë ritmin, kreativitetin dhe influencën që e karakterizojnë.
Sipas sinopsisit zyrtar, një ide profesionale e gabuar e vendos në vështirësi Emily-n, duke shkaktuar kriza të njëpasnjëshme që ndikojnë jo vetëm karrierën e saj, por edhe marrëdhëniet personale.
Në përpjekje për të gjetur qetësi dhe stabilitet, Emily i drejtohet gjithnjë e më shumë filozofisë franceze të jetesës – joie de vivre – edhe pse realiteti italian i sjell situata të reja plot humor, kaos dhe ndjenja të papritura.
Megjithatë, një sekret i fshehur del në sipërfaqe dhe rrezikon të shkatërrojë një nga marrëdhëniet më të rëndësishme të saj, duke krijuar tension dhe mister rreth rrugëtimit të Emily-t këtë sezon.
Përfshirja e aktorëve italianë dhe ndërkombëtarë premton një dimension të ri kulturor dhe emocional në dinamikat e serialit.
Sezoni i ri i “Emily in Paris” do të ketë premierën globale më 18 dhjetor në Netflix, duke u kthyer në një nga prodhimet më të pritura të fundvitit.
Fansat tashmë mund të shikojnë trailerin zyrtar, i cili lë të kuptohet se romanca, moda dhe drama do të jenë më të forta se kurrë.The post Publikohet data dhe traileri i sezonit të 5-të të “Emily in Paris” appeared first on iconstyle.al.
-
Norris: Ka qenë sezon i jashtëzakonshëm, dua të bëj edhe hapin e fundit drejt titullit
3 Dhjetor 2025
13:10
Telesport
Një përpjekje e fundit për të larguar fantazmat dhe frikën e dështimit. Në Abu Dhabi, piloti britanik Lando Norris ka një mundësi të shkëlqyer për të siguruar më në fund një titull, që vetëm disa javë më parë dukej i sigurt.
Por disa gabime bënë që diferenca me rivalët të ngushtohej në 12 pikë me ndjekësit e tij. Pilotit të McLaren i duhet vetëm një vend i tretë për t’u bërë matematikisht kampion bote në një pistë ku fitoi një vit më parë.
Anglezi do të duhet të qëndrojë larg telasheve. Ai mund të renditet qetësisht i treti edhe nëse dy rivalët e tij kryesorë për titull, Max Verstappen e Oscar Piastri, renditen para tij. Pra, një mision i realizueshëm dhe ai mund të fitojë titullin për pilotë.
“Jam i emocionuar,” tha Norris, që më tej shtoi: “Një vit më parë në Yas Marina, fituam kampionatin botëror për konstruktorë dhe këtë vit jemi tashmë kampionë me një tjetër kampionat të rëndësishëm për të fituar”.
“Ka qenë një sezon i jashtëzakonshëm. Kemi një makinë të jashtëzakonshme. Jam krenar për të gjithë në ekip. Do të japim gjithçka në garën e fundit për të arritur një tjetër sukses për McLaren dhe për veten time”, deklaroi Lando Norris. -
“Vetëm Cristiano Ronaldo mund të krahasohet me Rafa Leao-n për nga talenti”, vjen deklarata e bujshme nga njeriu që e njeh më mirë se kushdo
1 Dhjetor 2025
16:34
Telesport
Milan fitoi 1-0 ndaj Lazio-s fundjavën e kaluar falë golit të Rafael Leao. Portugezi është kthyer në një lojtar vendimtar tashmë te kuqezinjtë dhe me siguri do të jetë një pikë e fortë në garën për titullin kampion këtë sezon.
Ndërkohë, ish-trajneri i tij te moshat e Sporting Lisbonës, Tiago Fernandes, e ka ngritur “në qiell” portugezin e Milanit, madje duke e krahasuar atë me legjendën Cristiano Ronaldo.
“E kam stërvitur Leao-n që nga mosha 12-vjeçare praktikisht në çdo grupmoshë në ekipin e të rinjve të Sporting. Në Lisbonë, vetëm Cristiano Ronaldo kishte të njëjtin talent në atë moshë. Ai është padyshim lojtari më i mirë që kam pasur ndonjëherë.
Leao mund të luajë kudo dhe për klubet më të mira në botë. Është emocionuese ta shohësh të shkëlqejë në “San Siro”. Orët e shumta të punës së palodhur në fushë shpërblehen. Ne të dy ishim shumë të rëndësishëm për njëri-tjetrin dhe jam vërtet i lumtur që ai është një yll për një klub të madh si Milani.
Skuadra e Allegrit është perfekte për të nxjerrë në pah cilësitë e tij. Jam i bindur se ai do të shënojë shumë gola këtë sezon dhe do të jetë i lumtur”, tha Fernandes në një intervistë të fundit për TMW. -
Po presin ftesën, dy kuqezinjtë “përshëndesin” Sylvinho-n me golat e radhës (video)
29 Nëntor 2025
21:07
Telesport
Stiven Shpendi ka shënuar golin e gjashtë me fanellën e Empolit këtë sezon, duke qenë vetëm një gol larg golashënuesit më të mirë në Serie B. Sulmuesi kuqezi shënoi golin e dytë në fitoren e Empolit 5-0 ndaj Barit. Me këtë fitore, Empoli renditet në vendin e 7-të. SHIKOGOLIN
Ndërkohë vëllai tjetër, Cristian Shpendi luajti si titullar për Cesena-n, në fitoren 1-0 ndaj Modena. Ai ka shënuar 5 gola këtë sezon, një më pak se vëllai i tij.
Anis Mehmeti shënoi golin e vetëm në fitoren 0-1 në transfertë ndaj Portsmouth. 24-vjeçari shënoi një gol të bukur me kokë, pas krosimit po aq të bukur që mori nga shoku i skuadrës. Ky është goli i gjashtë për Mehmetin këtë sezon në Championship, pa harruar këtu edhe kontributin me 6 asiste. Bristol City renditet në vendin e gjashtë dhe është pretendon të sigurojë biletën për në Premier League në fund të sezonit. SHIKOGOLIN
Si vëllezërit Shpendi ashtu edhe Ansi Mehmeti, presin ftesën e Sylvinho-s për ndeshjet e radhës të Shqipërisë. -
Po presin ftesën, dy sulmuesit “përshëndesin” Sylvinho-n me golat e radhës (video)
29 Nëntor 2025
21:07
Telesport
Stiven Shpendi ka shënuar golin e gjashtë me fanellën e Empolit këtë sezon, duke qenë vetëm një gol larg golashënuesit më të mirë në Serie B. Sulmuesi kuqezi shënoi golin e dytë në fitoren e Empolit 5-0 ndaj Barit. Me këtë fitore, Empoli renditet në vendin e 7-të. SHIKOGOLIN
Ndërkohë vëllai tjetër, Cristian Shpendi luajti si titullar për Cesena-n, në fitoren 1-0 ndaj Modena. Ai ka shënuar 5 gola këtë sezon, një më pak se vëllai i tij.
Anis Mehmeti shënoi golin e vetëm në fitoren 0-1 në transfertë ndaj Portsmouth. 24-vjeçari shënoi një gol të bukur me kokë, pas krosimit po aq të bukur që mori nga shoku i skuadrës. Ky është goli i gjashtë për Mehmetin këtë sezon në Championship, pa harruar këtu edhe kontributin me 6 asiste. Bristol City renditet në vendin e gjashtë dhe është pretendon të sigurojë biletën për në Premier League në fund të sezonit. SHIKOGOLIN
Si vëllezërit Shpendi ashtu edhe Ansi Mehmeti, presin ftesën e Sylvinho-s për ndeshjet e radhës të Shqipërisë.