Këshilli i Lartë i Prokurorisë pritet të zgjedhë në mbledhjen e nesërme (11 dhjetor), kreun e ri të Prokurorisë së Posaçme.
Drejtuesit aktual, Altin Dumani, i mbaron mandati trevjeçar më 16 dhjetor. Në garë janë Klodian Braho, Doloreza Musabelliu, Adnan Xholi dhe Elvin Gokaj.
Në garë janë 4 kandidatë të kualifikuar në fazat paraprake dhe që do i nënshtrohen garës në KLP, ku në fund do votohet për fituesin, i cili del edhe me një votë më shumë, pra nuk ka votim të cilësuar.
Në kuadër të mbledhjes së nesërme, KLP ka lëshuar një njoftim zyrtar, ku bën me dije se diskutimi dhe votimi do jenë pa praninë e medias. Shkak është salla e vogël dhe numri i madh i konfirmuar i pjesëmarrjes së përfaqësuesve të trupit diplomatik të akredituar në Tiranë.
Zgjedhja e kreut të ri të SPAK shoqërohet me interes të lartë të Ambasadave dhe KLP ka kërkuar mirëkuptimin e mediave që nuk do lejohen, përveç sinjalit të RTSH-së.
“Duke qenë se ditën e nesërme është konfirmuar një numër i madh i përfaqësuesve nga ambasadat, lutemi për mirëkuptimin tuaj për prezencën mediatike në sallë. Siç edhe e dini, salla është relativisht e vogël për t’ju akomoduar të gjjthëve, ndaj ju lutem të ndiqni seancën direkt nga sinjali RTSH-së”, thuhet në njoftimin zyrtar të KLP-së.
Një ditë më parë, (9 dhjetor), KLP zgjodhi (votimi në foton kryesore) edhe drejtorin e ri të Byrosë Kombëtare të Hetimit, (BKH- e cilësuar edhe si FBI-ja shqiptare), Joni Keta, i cili pason në detyrë Aida Hajnajn.
Tag: sallë
-
Gara për drejtimin e SPAK kulmon të enjten: Diplomacia në sallë, gazetarët jashtë dyerve
-
8 dhjetori 1990/ “Studentët e përjashtuan”- Analisti: Berisha s’ka lidhje me atë lëvizje, e solli Ramiz Alia nga Italia për ta sfumuar!
I ftuar në emisionin ‘Frontline Interview’ në Report Tv, Meçe tha se personat që flasin sot në emër të lëvizjes studentore nuk janë protagonistët e vërtetë të asaj ngjarjeje.
Ai shtoi se Sali Berisha nuk ka pasur rol në organizimin e lëvizjes studentore. Sipas tij, Berisha ka qenë një figurë e dërguar nga Ramiz Alia për të zbutur protestat e studentëve.
‘Është ngjarja më e rëndësishme. Ata që folën për 8 dhjetorin nuk ishin protagonistë të 8 dhjetorit por të post 8 dhjetorit. 8 dhjetori sfumohet si ngjarje dhe mbivendosen mbi të disa ngjarje të tjera që i përkasin një tjetër faze. Ata persona që ishin pjesë e 8 dhjetorit duhet që të identifikohen. Ata janë sot në Shqipëri, kanë jetën e tyre. 8 dhjetori nuk ka të bëjë me këta të tjerët që kanë ardhur nga pas.
Nuk ka punë Berisha me 8 dhjetorin ai është i dërguar nga Ramiz Alia. Berisha u soll nga Italia me emergjencë dhe është misionar i Ramiz Alisë për të sfumuar lëvizjen studentore. Po studentët nuk e dëgjuan dhe u përjashtua nga studentët. Në datën 9 dhjetor të atij viti Berisha s’ka qenë në Shqipëri, ai është sjell në Shqipëri atë ditë për të ulur tensionet tek studentët’, tha ai.
Meçe tregoi se si u organizua grupi i studentëve që do të zhvillonin takimin me Ramiz Alinë. Sipas tij, në atë kohë çdo fakultet kishte zgjedhur nga tre deri në katër përfaqësues, të cilët u mblodhën në një sallë të madhe. Sipas tij, në atë mbledhje para derës së sallës u shfaqën Sali Berisha dhe Gramoz Pashko, të cilët kërkonin të ishin pjesë e saj.
‘Në 11 dhjetor u bë organizmi i studentëve që do të bënin takime me Ramiz Alinë. Ata nxorën nga secili fakultet 3 ose 4 përfaqësues të tyre dhe janë mbledhur në godinën 14 në katin e parë ku ishte një sallë e madhe me xhama. Unë isha petagog jo studentë. U futëm brenda në sallë dhe dyert u mbyllën. Tek porta e kësaj salle që ishte e madhe paraqitet Berisha dhe Gramoz Pashko dhe po i binin xhamit se donin që të futeshin brenda në atë sallë. Ata kërkon që të futen në takim’, tha ai.
Teksa u ndal tek themelimi i PD, Meçe tha se Berisha ishte propozues i emrit të partisë por jo themeluesi i saj.
‘Midis 11 dhe 12 dhjetor jemi mbledhur diku 11 veta në takim dhe atje ka qenë prezent Azem Hajdari, Arben Imami, Preç Zogaj, Sali Berisha, Gramos Pashko, Arben Meçe, Aleksander Meksi si edhe student në mos gabojë dhe u diskutua se duhet që të themelojmë me doemos partinë. Ka pasu një propozim nga Azem Hajdari dhe ka qenë Berisha që tha emrin do ja vendosim Parti Demokratike. Dhe ramë dakord që të quhej ashtu dhe të nesërmen do të bëhej shpallja e partisë Demokratike dhe të gjithë do të mblidheshin tek shtëpia e Gramoz Pashkos për programin. Dhe u bë prezantimi i programit. PD-në se ka themeluar Berisha, ai ishte i barabartë me të tjerë në komisionin nismëtar për krijimin e partisë’, tha ai. -
Përplasje në Kuvend/ “Ti po bën show për reels-in e radhës”, Shehaj ironizon Bidon: Je deputet i ri, por…
ardit bido-agron shehaj
TIRANË- Deputeti i Partisë Mundësia, Agron Shehaj, ka debatuar ashpër me deptutetët e mazhorancës, teksa marrë vazhdimisht vërejtje për sjelljen e tij nënkryetarja Klodiana Spahiu.
Një debat me ngritje tonesh ndodhi mes Shehajt dhe deputetit socialist Ardit Bido. Ky i fundit e akuzoi Shehajn se po përdor foltoren e Kuvendit për të bërë “show” për reels-in e radhës në rrjetet sociale. Sipas tij, deputeti Shehaj po e përsërit për të disatën herë këtë gjë që e kthen Kuvendin nga një sallë debati në një sallë fyerjesh.
Nga foltorja, Shehaj ironizoi deputetit socialist, Ardit Bido, duke i kujtuar këtij të fundit se është një deputet i ri. Teksa replikoi me Bidon, Shehaj insistoi në kërkesat e tij se përse nuk përfshihet në rend dite çështja e ministres Balluku apo dhe Veliaj.
Pjesë nga diskutimi:
Ardit Bido: Hera e disatë që në këtë sallë përsëritet, merret fjala për një çështje, tirret dhe diskutohet për të tjera në tentativë për të kapur reels e radhës, shoën dhe përdorur foltore si të ishte një hapësirë e konferencave për shtyp. Unë besoj se ju takon ju në të gjitha kompetencat që jep rregullorja që ta ndaloni këtë fenomen. Është fyese për deputetët që presin të marrin fjalën për një çështje të caktuar edhe akoma më shumë të atyre që çështjen jashtë rendit të ditë spresin të mbyllen të gjitha pikat për të folur. Ky fenomen i shëmtuar që e kthen këtë sallë nga një sallë e debatit dhe ideve në një sallë fyerjesh vetëm që të dalë dhe të shfaqemi në rrjete sociale për të treguar sa të mirë jemi, si treguam disa fotografi nuk kanë vend në këtë sallë të nderuar. Dëgjuam parafolësin që e bëri sërish për herë të disatë këtë gjë, duke folur si “virgjëri politike” a thua se nuk vjen nga një forcë politike që mbaj mend kur isha gazetar, mbante në punë duke paguar jo me pezullimin që është proces i përcaktuar në ligj për nëpunësit civil një nëndrejtor të një institucioni dhe e paguante ndërkohë që rrinte në shtëpi e s’bëntëe asnjë punë, jo të pezulluar. Ky moral nuk mundet të bëhet zoti Shehaj duke u bazuar në një pengmarrje të sallës së kuvendit për shfaqje.
Agron Shehaj: Ju jeni deputet i ri, të gjithë këtu para se të bëheshim deputetë ishim qytetarë të thjeshtë, dhe kur shihnim korrupsion skandalizoheshim. Ti the se PD kur ka qenë ka bërë të njëjta gjëra edhe më keq. Po ore po, dhe kjo është arsyeja pse unë kam hyrë në politikë, jam krenar pse kam hyrë në PD, kam bërë rrugëtim për të ndryshuar PD sepse besoja se i përkisja asaj partie dhe bëra atë betejën time në PD dhe një ditë të bukur dola se vendosa të ndjek rrugë tjetër. Nuk mi vesh dot ti mua fajet e PD, nuk e kam thënë kurrr që është parti perfektë. Ajo që është e rëndë është se del nga goja jote, ti thua ti mbyllim gojën, mos të flasim për çështje që janë në rendin e ditës. Si do flasim ne, ka ndonjë rend dite ku të themi diskutojmë për Ballukun që të diskutojmë për ballukun, do përfitojmë nga hapësirat që na jepen, si të del nga goja të thuash mbyllja gojën opozitës të mos flasim për Ballukun. Si të del nga goja ty njëherë? Si mund ta thuash këtë ti?
Meqë je deputet i ri, shyqyr që ka deputetë të rinj, por silluni si të rinj. Ça thashë unë që nuk është e vërtetë. Pse shqetësoheni ju se Balluku është e pandehur? Pse shqetësoheni se Veliaj ka thuajse 1 vit në burg dhe qeveris nga burgu. E nisa fjalimin duke thënë se kemi dy standarte. Për ty është normale që një ministre vjedh 50 mln euro. -
Salianji takim me strukturat në Durrës: Ndryshimi nis nga kjo sallë, PD duhet të përgatitet për të mundur Ramën!
Ka nisur “Foltorja” e ish-deputetit Ervin Salianji në Durrës. Krahas qindra të pranishmëve, takimit i janë bashkuar edhe Ilir Alimehmeti dhe Aulon Kalaja.
“Rizgjim i PD, sepse ju jeni heronjtë e PD, keni sakrifikuar dhe keni dhënë kontribut duke u përballur me autokraci dhe në këmbim s’keni kërkuar asgjë veç vëmendjes, e dëgjesës, e ndarjes së shqetësimeve që secili i ka për fuqizimin e PD. Demokratët janë duke thirrur, Shqipëria është duke thirru, thirrjet e tyre s’duhen relativizuar dhe nuk duhen injoruar. Këto thirrje janë dhimbje që rëndojnë dhe duhet të rëndojnë në peshën e përgjegjësi të çdo politikani, e kam ndjerë këtë thirrje dhe përgjegjësiajonë duhet të jetë e qartë, PD duhet të përgatitet të udhëheqë ndryshimin që gjithë po presin ky ndryshim nis edhe nga kjo sallë si takim i parë që i zhvillojmë me demokratët, nga kjo energji që është e pashtershme në PD por që nuk i jepet mundësia”, tha Salianji.
Kjo mbledhje e Salianjit është “dënuar” nga Sali Berisha, i cili më herët ka thënë që takime të tilla i shërbejnë interesave personale dhe jo Partisë Demokratike.
Po ashtu, disa orë para takimit, demokratëve të Durrësit u është kërkuar përmes një mesazhi në telefon që të mos marrin pjesë në takimin e Salianjit. -
Provokimi i senatores australiane, hyn me burka në sallë, ndërpritet seanca
Senati australian u ndërpre për më shumë se një orë e gjysmë pasi senatorja e One Nation, Pauline Hanson, hyri në sallë e veshur me burka, si pjesë e fushatës së saj për ndalimin e mbulesave të fytyrës. Ajo refuzoi të largohej, duke detyruar kryetaren Sue Lines të pezullojë punimet dhe më pas u sanksionua me ndalim hyrjeje për pjesën e mbetur të ditës.
Hanson më vonë akuzoi kolegët se po pengonin prezantimin e projektligjit të saj, ndërsa seanca u rifillua vetëm pas largimit të saj. Ky është pezullimi i parë i madh i Senatit që nga viti i kaluar.
Veprimi i Hansonit u kritikua nga senatorja e pavarur Fatima Payman, e cila e cilësoi provokim të papranueshëm dhe mungesë respekti për institucionin. Ndërkohë, i dërguari kundër islamofobisë, Aftab Malik, paralajmëroi se retorika e Hansonit shton rrezikun e dhunës ndaj grave myslimane.Ky është rasti i dytë që Hanson hyn në parlament me burka, pasi një veprim të ngjashëm e kishte bërë edhe në vitin 2017.
/vizionplus.tvBreaking: The Senate has been suspended after One Nation Senator Pauline Hanson entered the chamber wearing a burqa and refused to remove it despite objections from multiple senators and the President of the Senate.
Pauline Hanson remained defiant, refusing to comply with the… pic.twitter.com/sQvOsCCVaE
— Rukshan Fernando (@therealrukshan) November 24, 2025 -
“Diella do pjellë 83 dobiçë që do zëvendësojnë deputetët”, Korreshi shpërthen në Kuvend: Kush ka lekun do të…
Deputeti i Partisë Demokratike, Saimir Korreshi, ironizoi sot nga foltorja e Kuvendit deputetët socialistë në sallë, duke i pyetur në mënyrë retorike se si ndiheshin tani që “Diella ka pjellë 43 dobiçë” që do zëvendësonin ligjvënësit e mazhorancës.
Teksa mbajti fjalën e tij për reformën në drejtësi dhe dështimin e saj pas dhjetë vitesh, ai kujtoi se shumë nga ish-klientët e tij dikur ende nuk kanë mbaruar çështjet gjyqësore dhe presin në radhë, duke përmendur një prej tyre që e quajti “Nënë Zylfia” dhe e krahasoi me shembuj të tjerë ku zyrtarë apo ish-zyrtarë për gjyqet e tyre fitojnë miliona dhe kalojnë shkallët dy e nga dy, duke anashkaluar radhën dhe përdorur standarde të ndryshme.
Ai ironizoi edhe KLGJ dhe KLP, ku tha se arritja e reformës në drejtësi ishte shkurtimi me vetëm 16 ditë i proceseve gjyqësore që zgjasin nga 16 vite.
“Kemi këtu nënë Zylfien, s’kemi nevojë për atë raportin e Justice. Ça ka bërë nënë Zylfia? Ka bërë vetëgjyqësi, se ka vënë gardh, ka ndarë portën, ka një gjyq penal, që nga 2019 dhe është thirrur më 2025! E kuptoni, është çështje penale! Por bie fjala gjithë kjo reformë a ka një përmirësim të dukshëm? Dhe më thanë se ka përmirësim me 16 ditë! E kuptoni ju se si kemi vajtur. Kemi kaq vite reformë në drejtësi dhe e keni ulur me 16 ditë për në 16 vite që ishte. Njerëzit kanë masa sigurimi dhe kanë harruar ku kanë dosjen. Kur shikon këto raporte nga KLP apo Justice të duket sikur askush nuk shkon në terren të shohë se çfarë ndodh, ku njerëzit presin në radhë për drejtësi. Ja kam këtu çështje që nga viti 2008 dhe jemi në 2025 tani, e kuptoni ku ndodhemi apo jo, unë e kam mandatin e dytë këtu dhe kjo çështje nuk është zgjidhur. Që kur isha avokat”, tha Korreshi.
Ligjvënësi ironizoi edhe ministrin e Drejtësisë, Ulsi Manja, duke thënë se “bëri reformën territoriale gjyqësore që të zvogëlonte hartën se ishte e madhe”.
“Kjo është drejtësia, reforma territoriale, se tha Ulsiu hajt ta ngushtojmë pak hartën se është e madhe, ta bëjmë më të vogël. Por korrupsioni është shtuar, se e sollët në Tiranë por e rritët, se sa më lartë të jetë, se është Tiranë, aq më shumë e do kapulën me lekë. Dhe presin kur të jepet drejtësia e zbardhet vendimi, pas tre vjetësh, ja kjo është drejtësia juaj. Ca e ca i zgjidhin çështjet me miliona euro, nga katër shkallë për tre vite, nga i fundi te i pari, kurse nënë Zylfia atje ka shtatë vjet. Kurse ajo tjetra për tre vjet tak 3 mln dollarë në xhep për tre vjet”, tha deputeti demokrat.
Nuk mungoi edhe shpotia për Policinë e Shtetit, që kap si provë materiale në Korçë një lepur apo për Diellën që pjell 83 deputetë të rinj që do zëvendësojnë ata në sallë.
“Pastaj na dalin lajme Policia me “u kap lepuri”, e lexova në lajme, ishte lepuri si provë. Ose na del KLP-ja procedime kundër 3 prokurorëve, ça drejtësie është kjo? Ore, në fund kam një pyetje për ju, kolegë këtu në sallë. Si do ndiheni tani ju deputetë këtu që Diella do pjellë 83 dobiçë, se do ju zëvendësojë ju, si do ndiheni ju këtu në sallë, jo për gjë?”, përfundoi ligjvënësi. -
Niko Peleshi nuk shkarkohet! Kërkesa e opozitës rrëzohet nga 79 deputetë
niko peleshi
TIRANË- Me 79 vota kundër, është rrëzuar kërkesa e Partisë Demokratike për shkarkimin e kreut të Kuvendit Niko Peleshi.
Në fjalën e tij përpara votimit, Peleshi u shpreh se ai nuk ka shkelur Kushtetutën dhe rregulloren e Kuvendit, ndërsa kërkoi nga deputetët që të ishin më të kujdesshëm me qëndrimin dhe retorikën e përdorur në sallë.
Niko Peleshi: Vetëm në dy seancat e fundit maxhoranca ka folur 291 minuta, kundër 480 minuta të opozitës. Shkaku që na ka sjellë në këtë procedurë është fryma përçarëse, nga e cila nuk heqin dot dorë. Problemi nuk jam, unë mungesa e vullnetit për t’u angazhuar në një sjellje të re politike.
Në këtë mocion për shkarkimin e kryetarit të kuvendit na ka sjellë rezistenca për të mos lejuar askënd në pozicionin që unë kam nderin të mbaj, të guxojë të ndryshojë këtë sallë nga arenë dhune verbale në arenë të mendimeve alternative dhe politike. Apo të shkurajojë personalizimin e diskursit politik si pjesë e kulturës nga e cila duhet të ndahemi.
Le ta veshim këtë sallë me përgjegjësi të vërteta dhe shpesh të pathëna. Kjo kulturë që shpesh kultivohet këtu vret, vret shpresat e të rinjve, optimizmin.
Kjo kulturë e urrejtjes këtu ka pjesën e vetë edhe në dhunën në shoqëri. Duhet të përballemi me këtë të vërtetë të pakëndshme. Çdo fjalë e shqiptuar në këtë Kuvend vijon përtej këtyre mureve.
Do bëj gjithçka që kam në dorë që ky parlament ti ngjasojë parlamentit eurpian. Ne jetën time poltike nuk kam denigruar, sulmuar, fyer askënd. Nuk kam shkelur mbi personalitetin e askujt dhe nuk kam përdorur emra të familjarëve. -
Vijojnë debatet dhe diskutimet në Kuvend, Altin Dumani largohet para kohe
Kreu i SPAK Altin Dumani ka raportuar sot në Kuvend mbi punën e organit që drejton për vitin që lamë pas.
Prej orës 10.00 të mëngjesit ai u paraqit në sallë, por për shkak të debateve dhe diskutimeve, raportimi nisi vetëm pasdite.
Pasi mbaroi fjalën Dumani, morën fjalën deputetët të cilët replikuan mbi përgjigjet që dha kreu i SPAK mbi pyetjet që ata kishin bërë me shkrim.
Mirëpo Dumani nuk qëndroi për t’i dëgjuar të gjithë. Kreu i seancës Niko Peleshi lajmëroi se Dumani më herët kishte njoftuar se në orën 19.00 duhej të largohej dhe për këtë arsye ai i njoftoi kreut të SPAK se ishte i lirë, por duhet të qëndronin përfaqësuesit e SPAK për të dëgjuar qëndrimet e deputetëve.
Në sallë qëndruan prokurori Adnan Xholi dhe këshilltari i Dumanit, Fabian Zhilla. Opozita kërkoi që ai të qëndrojë në sallë, por Dumani u largua. -
(VIDEO) Berisha flet në sallë/ Dumani dhe Çela në seancën plenare, dëgjojnë debatin nga llozhat e Kuvendit
Teksa pritet që të raportojë sot në Kuvend, kreu i SPAK, Altin Dumani ndodhet në sallë, ndërsa ndjek me vëmendje debatin parlamentar.
Po ashtu në sallë, siç shihet nga pamjet ndodhet dhe kreu i Prokurorisë së Përgjithshme Olsjan Çela, ndërsa në sfond dëgjohet Berisha teksa flet në foltore.
Këta dy zyrtarë do të raportojnë sot në Kuvend, ndërsa deputetët kanë depozituar disa pyetje.