Kryeministri i vendit, Edi Rama ka deklaruar se puna për çlirimin e hapësirave publike vazhdon. Gjatë podcast-it të tij “Flasim”, Rama u shpreh se në Tiranë ka ecur më tej puna dhe sasia e hapësirave të çliruara ka kapërcyer mbi 100 mijë metra katrorë.
Ai tha se qyteti i Vlorës mbetet problematikë, ku puna për lirimin e tyre po vazhdon. Kreu i vendit, deklaroi puna ka ecur me çlirimin e një segmenti kyç, jo vetëm për Vlorën, por edhe për industrinë kombëtare të turizmit, që është rruga Transballkanike. Për të cilën tha se qytetarëve iu janë rikthyer sërish ambientet e tyre të përbashkëta.“Duke e rikthyer sërish vëmendjen tek hapësirat publike, edhe gjatë kësaj jave, puna për çlirimin e tyre vazhdon. Shtesat vend e pa vend, uzurpimet e pajustifikueshme dhe të patolerueshme vazhdojmë t’i përballim, pa u ndalur për asnjë moment.
Ndërkohë që, në Tiranë ka ecur më tej puna dhe sasia e hapësirave të çliruara ka kapërcyer mbi 100 mijë metra katrorë, edhe në Vlorë, ku problematika është jo e lehtë, puna ka ecur me çlirimin e një segmenti kyç, jo vetëm për Vlorën, por edhe për industrinë tonë kombëtare të turizmit, që është rruga Transballkanike, një zonë e rëndësishme, ku qytetarëve iu janë rikthyer sërish ambientet e tyre të përbashkëta, natyrisht kanë nevojë të rikualifikohen, por njëkohësisht edhe të gjithë atyre që masivisht kalojnë nga ajo rrugë, do t’ju çelen sytë, kur i thonë fjalës.” tha Rama.
Tag: rikthyer
-
Lirimi i hapësirave publike, Rama: Puna për çlirimin e tyre vazhdon, problematike mbetet Vlora
-
Shqiptarët e deportuar po paguajnë deri në 20 mijë paund për t’u rikthyer ilegalisht në Britani
Të dhëna nga gjykatat britanike tregojnë se shumë shtetas shqiptarë të deportuar po arrijnë të rikthehen ilegalisht në Mbretërinë e Bashkuar duke paguar deri në 20 mijë paund për trafikantët, përpara se të kapen sërish duke kryer vepra të tjera penale. Sipas “The Telegraph”, fenomeni po përshkallëzohet pavarësisht ndëshkimeve të ashpra që parashikon ligji britanik, përfshirë deri në pesë vjet burg për shkeljen e urdhrave të deportimit.
Në dallim nga shtetet e tjera, Shqipëria është vendi i vetëm ku Britania kryen fluturime të rregullta deportimi, shpesh çdo javë, për personat që kanë kryer krime apo kanë përfunduar dënimet në burgjet britanike. Megjithatë, rikthimet ilegale po ndodhin në mënyrë të vazhdueshme, përcjell A2 CNN.
Një sërë rastesh të fundit e ilustrojnë qartë këtë fenomen. Dorian Puka, 29 vjeç, i dënuar dhe i deportuar dy herë për vjedhje, është rikthyer sërish në Britani ku për një vit ka provokuar autoritetet me video luksoze në rrjetet sociale, ndërkohë që procesi i tij i azilit është ende i hapur.
Një tjetër rast është ai i Dilaver Domit, 31 vjeç, i deportuar dy herë për prodhim kanabisi, por i rikthyer përsëri këtë vit përpara se të arrestohej në Penrith dhe të dënohej me 20 muaj burg. Në Bradford, dy shtetas të tjerë shqiptarë, Fatos Demucaj dhe Daniel Kabali, të deportuar më parë, u kapën duke menaxhuar një plantacion kanabisi me vlerë rreth 1 milion paund.
Rikthimet ilegale janë realizuar përmes metodave të ndryshme: furgonëve të mallrave, jahteve, fluturimeve indirekte, madje edhe gomoneve të përdorura zakonisht nga emigrantët që kalojnë Kanalin e La Manshit. Në shumë raste, trafikantët u kërkojnë kriminelëve pagesa që shkojnë deri në 20 mijë paund, ose ua mundësojnë udhëtimin falas në këmbim të kryerjes së detyrave kriminale në Britani, shkruan “The Telegraph”.
Sipas gazetës britanike faktet tregojnë se edhe pas vendimeve të shumta të deportimit, disa individë kthehen për të kryer të njëjtat krime, kryesisht prodhim e shpërndarje droge, përpara se të kapen përsëri nga policia.
-
Hansi Flick: Ndaj Chelsea e vështirë por ne jemi Barcelona dhe besojmë te fitorja
Trajneri i Barcelonës, Hansi Flick, foli me median për të analizuar ndeshjen e sotme në Champions League kundër Chelsea. Trajneri i klubit “blaugrana” është i vetëdijshëm për rëndësinë e ndeshjes për t’u kualifikuar në tetë ekipet e para të grupit dhe për të shmangur fare play off-in.
“Mendoj se Chelsea është një nga ekipet më të mira në botë. Ata kanë shumë lojtarë të rinj dhe një trajner fantastik si Maresca. Është e mrekullueshme të shikosh ndeshjet e tyre dhe gjithçka që po arrijnë”, tha Flick.
“Do të jetë një sfidë e madhe për ne. Nuk do të jetë e lehtë, por jemi të sigurt, besojmë në aftësitë tona dhe do të luftojmë“, shtoi trajneri gjerman, që më tej foli edhe për performancën e Lewandowski, duke u rikthyer nga lëndimi dhe duke shënuar shpesh.
“Mendoj se ai është përmirësuar që nga pushimi i tetorit. Ai filloi menjëherë dhe ishte në formë të shkëlqyer, siç e tregoi në fushë. Tani për tani, ai duhet të shënojë dhe kjo është shumë e rëndësishme për ne. Të kesh një lojtar si ai e forcon ekipin“, tha Flick.
Sa i përket rikuperimit të Raphinha, tyrajneri shtoi: “Hap pas hapi. Gjëja e rëndësishme është që ai është rikthyer dhe ende nuk e di sa minuta do të luajë. Ai është lënduar dy herë dhe duhet të vazhdojmë me kujdes. Jam i lumtur që është rikthyer. E pamë ndryshimin të shtunën: ai krijoi shumë hapësirë dhe jam i kënaqur që e kemi përsëri me ne.”
Për menaxhimin e lëndimeve, Flick nuk u përmbajt: “Nuk lexoj shumë, por lexoj. Nuk jam i zemëruar me mjekët, kemi një staf fantastik dhe me përvojë. Në rastin e Raphinha ndoshta kemi bërë disa gabime, por kjo ndodh ndonjëherë. Është normale, jemi njerëz. Ne besojmë në të gjithë stafin tonë. Shumë zhurmë, por pak substancë.” -
Ish-mbrojtësi Milanit: Më shumë flitej për mua se për Ronaldon, periudhë e errët…
Pas aventurave në Angli dhe Itali, Emerson Royal ka zgjedhur të rikthehet në vendlindjen e tij, Brazil, ku luan si titullar te Flamengo, me një gol dhe një asist deri tani.
Futbollisti thekson se kthimi nuk ishte një “ikje”, por një zgjedhje e vetëdijshme për të rikthyer stabilitetin dhe lumturinë në karrierën e tij.
Ai kujton periudhën e vështirë në Milano: “Kur mbërrita në Itali, për mua flitej më shumë se për Cristiano Ronaldon… por në mënyrë negative. Duhej të bëja dyfishin për t’u pranuar, dhe megjithatë nuk ndodhte. Nuk ka qenë e lehtë, por unë e njoh vlerën time.” Emerson tregon se kjo presion ndikoi jo vetëm tek ai, por edhe tek familja dhe miqtë e tij.
Kthimi në Brazil i dha mundësinë të rikthehej në një ambient ku ndihet i vlerësuar: “Jam kthyer për të ndjerë respektin e njerëzve të vendit tim dhe për t’u rikthyer i lumtur.” Ai ka rikthyer edhe kontaktet me shokët e kombëtares Alex Sandro, Danilo dhe Jorginho, duke vlerësuar përvojën dhe profesionalizmin e tyre.
Përsa i përket Italisë, Emerson thotë se nuk ndjen nostalgji: “Milan është një klub i madh, por nuk do të më mungojë Italia. Më mungon Spanja dhe Anglia, aty kam qenë shumë i lumtur.” Ai rikujton gjithashtu presionin mediatik dhe kritikat e tifozëve, duke përfshirë situatën kur më shumë u fol për të sesa për Ronaldon, edhe pa luajtur minuta të gjata.
Një nga motivet kryesore të rikthimit në Brazil ishte dëshira për të rifituar formën dhe për t’u rikthyer në Kombëtare: “Zgjodha Flamengo për të pasur mundësinë të rikthehem me Seleção. Dua të përfaqësoj vendin tim.”
Futbollisti përfundon me një reflektim personal: “Do ta bëja gjithçka sërish. Kam kaluar shumë vështirësi në fëmijëri dhe kjo më ka bërë të rritem dhe të çmoj çdo moment të suksesit dhe të sfidave.” -
Ka rikthyer Milanin në rrugën e duhur/ Tare: Dua titullin kampion
Puna e Igli Tares po jep frytet e para te Milani, pasi drejtori sportiv ka rikthyer entuziazmin.
Lëvizja më e rëndësishme ishte emërimi i Massimiliano Allegrit, me të cilin skuadra po lufton për zonën e Champions League dhe objektiva më të lartë.
Në lidhje me këtë, Tare deklaroi se e mendon edhe titullin kampion.
“Do të isha gënjeshtar po të thosha se nuk dua të fitoj titullin. Projekti aktual ka sjellë ndryshime të thella në organikë. Jemi në rrugën e duhur dhe dua të fitoj një trofe të rëndësishëm me këtë klub”.
Drejtori sportiv theksoi se mungesa e impenjimeve europiane po u jep mundësi të punojnë me më shumë detaje gjatë javës.
Për eksperiencën te Lazio, ai u shpreh: “Ishim si familje dhe këtë qasje dua ta rikthej te Milani”. Tare vlerësoi marrëdhënien me Allegrin, duke thënë se trajneri “i transmeton energji grupit”. Sa i përket merkatos, ai theksoi se nuk pritet një sesion i madh, por klubi do të jetë i vëmendshëm ndaj çdo mundësie. -
Gjermania “rigjen” yllin e sulmit, Nagelsmann: Rëndësi ka që ai…
16 Nëntor 2025
9:40
Telesport
Julian Nagelsmann ka reaguar me fjalët më të mira për performancën e Leroy Sané në ndeshjen me Luksemburgun, i rikthyer pas shumë kohësh në kombëtaren gjermane.
“Ai pati dy veprime shumë të mira që çuan në dy golat që shënuam. Në golin e parë ai bëri një punë të shkëlqyer me kontrollin e topit dhe më pas dha asistin. Ai pati një ndeshje të mirë dhe kjo është ajo që ka rëndësi”.
Leroy Sané u shpreh i lumtur për aktivizimin. “Jam i lumtur që jam rikthyer në kombëtare. Është shumë argëtuese të jem në fushë me këta djem. Jam i lumtur që dhashë një asist dhe i shpërbleva besimin trajnerit”.
“E njohim mirë njëri-tjetrin, kemi një marrëdhënie të mirë dhe një shkëmbim të mirë përvojash. Të jem në Kupën e Botës është qëllimi im i madh. Do të shohim çfarë do të ndodhë.” -
Rikthime dhe surpriza, Anglia publikon listën e lojtarëve për duelet me Shqipërinë dhe Serbinë
Trajneri i Anglisë, Thomas Tuchel, ka shpallur listën e lojtarëve për ndeshjet kualifikuese të Kupës së Botës kundër Serbisë dhe Shqipërisë ndeshjen e fundit, duke ftuar për herë të parë Alex Scott dhe rikthyer në skuadër Jude Bellingham.
Anglia e ka siguruar tashmë kualifikimin për Botërorin e ardhshëm që do të mbahet në SHBA, Kanada dhe Meksikë, pas një ecurie perfekte me gjashtë fitore në po aq ndeshje. Kjo i ka dhënë Tuchel-it mundësinë të eksperimentojë me përbërjen.
22-vjeçari Alex Scott, mesfushor i Bournemouth-it, po kalon një sezon të shkëlqyer në Premier League, ku ka qenë titullar pothuajse në çdo ndeshje dhe ka shënuar golin e parë në fitoren ndaj Brighton-it. Scott ka qenë pjesë e kombëtares angleze U21 që fitoi Kampionatin Evropian këtë verë dhe ka përfaqësuar vendin e tij edhe në nivelet U20, U19 dhe U18.
Ndërkohë, Jude Bellingham është rikthyer në kombëtare pas operacionit në shpatull që e mbajti jashtë fushave gjatë verës. Mesfushori i Real Madrid ka gjetur formën më të mirë, duke shënuar në dy ndeshjet e fundit të La Ligës, përfshirë golin vendimtar në “El Clasico”.
Rikthimi i Bellingham dhe debutimi i Scott kanë sjellë ndryshime në listë, me Jack Grealish, Myles Lewis-Skelly, Ollie Watkins dhe James Trafford që nuk janë përfshirë këtë herë. Në skuadër janë rikthyer gjithashtu Phil Foden, Adam Wharton dhe Nick Pope.
Megjithatë formën e shkëlqyer të tij, Danny Welbeck nuk është përfshirë në listë, edhe pse ka shënuar 6 gola në 10 ndeshje me Brighton këtë sezon. Kështu, Harry Kane mbetet e vetmja alternativë natyrale si numër 9 në skuadër.
Këto ndeshje do të jenë edhe grumbullimi i fundit i Anglisë para fazës përgatitore të Botërorit që zhvillohet vitin e ardhshëm. -
Guardiola: Premier League është rikthyer si dikur, kushdo mund të mposhtë këdo
7 Nëntor 2025
10:49
Telesport
Trajneri i Manchester City, Pep Guardiola, beson se këtë vit konkurrenca në Premier League është më e madhe se sezonet e fundit. Spanjolli mendon se do të jetë një garë e fortë për titullin deri në fund.
Sipas tij, rezultatet e javëve të fundit të të gjitha skuadrave e bëjnë konkurruese këtë turne. “Kur isha në Mynih ose Barcelonë, kishte një thashethem se Premier League ishte më e vështira sepse kushdo mund të mposhtë këdo”, tha Guardiola.
“Gjithmonë e kishte këtë ndjesi. Ndoshta Liverpool dhe ne në të kaluarën e ndryshuam atë dinamikë në aspektin e çdo sezoni që pikët vinin mbi 90, afër 100 pikëve. Këtë vit Premier League është rikthyer në atë që ka qenë gjithmonë, ku ekipet mund të mposhtin këdo”, tha Guardiola.
Në fund, trajneri io “qytetarëve” komentoi: “Është më mire kështu. Në një moment, mund të ndodhë që të mos ketë një ekip dominues. Për spektatorët dhe Premier League, është vërtet mirë”. -
De Bruyne kryen me sukses operacionin në Belgjikë, pritet të mungojë 3-4 muaj
29 Tetor 2025
13:27
Alfred Lleshi
Kevin De Bruyne, i dëmtuar në ndeshjen kundër Interit, iu nënshtrua sot operacionit në Antwerp për të kuruar një lezion të rëndë në bicepsin femoral të kofshës së djathtë. Sipas fizioterapistit të tij të besuar, Lieven Maesschalck, ndërhyrja “shkoi mirë, madje shkëlqyeshëm”. Megjithatë, mesfushori belg do të qëndrojë jashtë fushave për rreth 3-4 muaj, me synimin për t’u rikthyer në fund të janarit 2026.
Kjo është goditje e madhe për Napolin dhe trajnerin Conte, që humb një nga lojtarët me më shumë cilësi dhe alternativë të rëndësishme taktike. Sipas mediave italiane, Conte mund të rikthehet te moduli 4-3-3 për të kompensuar mungesën e tij.
De Bruyne do të nisë që nesër fazën e parë të rikuperimit në Belgjikë, nën kujdesin e stafit mjekësor të Napolit, me synimin për t’u rikthyer në formë për pjesën e fundit të sezonit dhe Botërorin 2026.
-
Alarm ushqimor në Tiranë: Çokollata me krimba rikthen shqetësimin për sigurinë e ushqimit
Një tjetër rast alarmant i sigurisë ushqimore në Shqipëri. Çokollatat me krimba në Tiranë ka rikthyer vëmendjen te mungesa e kontrolleve sanitare.
Rasti i raportuar së fundmi në rrugën “Kristaq Çapo” në Tiranë, ku qytetarët kanë gjetur krimba të gjallë brenda paketimit të çokollatave, ka shkaktuar shqetësim të madh publik.
Denoncimi i bërë nga një qytetare, e cila theksoi se nuk iu dha as faturë për blerjen, ka nxitur reagime të ashpra në rrjetet sociale dhe ka rikthyer debatin për sigurinë ushqimore në vend.
“Të gjitha me krimba, market Zenaj, rruga Kristaq Çapo. Nuk më dha faturë,” shkruan qytetarja që ka bërë denoncimin për JOQ.
Ky incident vjen pas një serie rastesh të ngjashme, ku janë raportuar makarona të kontaminuara me krimba, duke ngritur dyshime serioze mbi funksionimin e mekanizmave të kontrollit cilësor dhe higjieno-sanitar në tregjet shqiptare.
Konsumatorët ndihen të pambrojtur, ndërkohë që institucionet përgjegjëse shpeshherë reagojnë me vonesë ose nuk ndërmarrin masa të dukshme.