Hygerta Sako u shpall më pak e preferuara nga publiku në spektaklin e së hënës në Big Brother VIP, një rezultat që e surprizoi dukshëm ish-Miss-in. Reagimi i saj në momentin e shpalljes tërhoqi vëmendje, ndërsa pas Prime ajo është parë më e mërzitur dhe e menduar.
Në një bisedë me Shkurte Haxhiun, Hygerta shprehu hapur zhgënjimin dhe dilemat e saj për vazhdimin në këtë format.
“Më pak e preferuara? Unë thjesht po marr kohë, po nxjerr gjithë tani, do ta mendoj. Nëse jam më pak e preferuar, çka i duhem këtij formati? Të rri larg fëmijës tim?”, u shpreh ajo, duke treguar se ky rezultat e ka prekur emocionalisht.
Ajo shtoi se ndonjëherë duket sikur publiku vlerëson sjelljet e tepruara në vend të atyre të drejta e të qeta.
“Për t’iu mbushur mendjen këtyre që të jesh karagjoz është më me vlerë se të jesh njeri i drejtë dhe pozitiv. Jo, nuk e dua”, tha Hygerta, duke nënkuptuar se nuk është gati të ndryshojë karakterin e saj për hir të lojës.
Nga fjalët e saj, duket se konkurrentja po kalon një moment reflektimi të thellë dhe nuk përjashton mundësinë e largimit, duke qenë se siç thotë, drejtësia dhe korrektësia e saj nuk po shpërblehen nga publiku. Për momentin, mbetet për t’u parë nëse Hygerta do të vazhdojë lojën apo do të marrë një vendim drastik për rrugëtimin e saj në Big Brother VIP.
Tag: publiku
-
Hygerta Sako e mërzitur pas Prime: Çfarë i duhem këtij formati nëse jam më pak e preferuara?
-
Getoari pas daljes nga BBVK4: Qetësia ime më penalizoi, nuk isha aktiv në debate
Ish-banori i Big Brother VIP Kosova 4, Getoari, ka folur hapur për arsyet që, sipas tij, e çuan drejt eliminimit nga shtëpia më e famshme në vend. Në një intervistë në emisionin “Big Talk”, ai shpjegoi se profili i tij më i qetë dhe mungesa e përfshirjes në debate mund të kenë ndikuar tek vendimi i publikut.
“Nuk kam qenë shumë aktiv brenda shtëpisë së Big Brother VIP Kosova 4,” u shpreh ai, duke pranuar se roli i tij më i tërhequr nuk ka qenë gjithmonë në favor të tij.
Getoari shtoi se temperamentin e ka më të qetë, dhe kjo gjë është reflektuar gjatë qëndrimit në shtëpi, por ndoshta nuk ka qenë ajo që publiku kërkonte këtë edicion.
“Kam qenë në një pjesë më të qetë, besoj se edhe qetësia e ka vendin e vet, por publiku ka vendosur, është zgjedhja e tyre,” tha ai.
Megjithëse ai nuk ka qenë pjesë e përplasjeve apo toneve të larta, ish-banori mendon se pikërisht kjo e ka penalizuar në rrugëtimin e tij.
“Mendoj se më ka penalizuar që nuk kam qenë aktiv në debate dhe kam qenë më i qetë,” përfundoi Getoari, duke lënë të kuptohet se dinamika dhe energjia e debatit janë elementet kryesore që kërkon publiku në formatin e BBVK. -
Sinjalet që japin zvarritjet e procesit “Partizani”
Nga Ylli Pata
Procesi “Partizani” është dosja e parë e plotë e Prokurrisë së Posaçme ku të pandehurit akuzohen për korrupsion dhe ka shkuar në gjykatë.
Por po kalojnë muaj dhe procesi i shumëpritur nuk po fillon. Yçkla proceduriale avokatësh, apo palësh në process kanë bërë që shtyrjet të vendosen në një zinxhir i cili nuk po baron.
E fundit ishte shtyrja e sotme, si pasojë e mos ardhjes së avokatëve të njërit prej të pandehurve. Natyrisht problemet dhe vakumet proceduriale që krijohen në një process të tillë, shumë i pritshëm nga publiku, janë të parashikueshme.
Pasi një process gjyqsor nuk është një seancë mbledhjeje ku flet njëri dhe dikush sa për formë. Është realisht prova e parë reale e Gjykatës Speciale në një process të nivelit të lartë, jo vetëm se ka nën akuzë njeriun më të pushtetshëm të vendit për 30 vjet, pore dhe dosja është një material me peshë të rëndë.
Flitet për shndërrimin e një prone të madhe dhe shumë të vlefshme shtetërore në një pronë private për familjen e Kryeministrit, ku më pas janë ndërtuar kulla të mëdha, e fitimi është shumëfishuar.
Përpos brendësisë së dosjes, bindjeve të palëve dhe publikut atë se është vërtetë e paligjshme kalimi i pronës apo jo, pritshmëria apo prova është diku tjetër.
Të zhvillohet më në fund një process i vërtetë, real i hapur dhe sa më i paanshëm gjyqësor i përmasave dhe standardeve europiane. Ku të gjitha palët të kenë mudnësinë të paraqesin qëndrimin e tyre mbi materialin e dosjes, e jo për xhingla mingla proceduriale.
Ku dëshmitarët e secilës palë të sfilojnë në mënyrë të rrjedhshme e të thonë ata që dijnë, duke i dhënë kështu publikut një panoramë të qartë për atë që ndodh.
Pa nevojën e “përkthyesve” me mikrofonë në dorë, apo ulemave të darkës, ku intepretojnë faktet, njësoj siç bëjnë me librat e shenjtë rrufjanët e çdo ngjyre.
Krijimi i një axhende dhe programimi metodik, ndoshta edhe me asistencë ndërkombëtare e një kalendari modern procesi, do të krijonte mundësinë për një process, i cili nuk varet nga cic-micet apo aksidentet ditore. Por ka një program të qartë, të cilin janë të detyruar ta zbatojnë të gjitha palët.
Nga ana tjetër, kjo provë është edhe për transprencën, mënyrën që do të gjendet që publiku ta ndjekë vetë procesin, pa nevojë interpretative. Natyrisht gazetarët, kronistët do të bëjnë punën e tyre duke raportuar çfarë ndodh, siç edhe analistët apo opinionistët e të gjithë qëndrimeve. Por lënia e publikut që ta shikojë vetë procesin, përbën një kërkesë nga shumica që shikohet edhe në sondazhet e ndryshme.
Shtyrjet, po japin sinjale se kemi të bëjmë me një kalendar, apo metodë pune ku palët, në këtë rast të akuzuarit po diktojnë zvarritjen për të mos pasur një proces të qartë.
Siç po ndodh edhe me Gërdecin, ku asnjëherë publiku nuk ka mundësi të ndjekë seancat, e shumicën e zhvillimeve e merr vesh nga deklaratat e njërit prej të pandehurve që është deputet.
Sinjale që krijojnë perceptimin e një drejtësie me axhendë apo ndikim të faktorëve që kanë konflikte interes inga vetë procesi, në këtë rast të akuzuarit. -
Rozi Kostani: Komedia “Shumë pak vrasës”, sarkazma e ditëve që jetojmë
Nga Julia Vrapi
Komedia “Shumë pak vrasës” me ngjarje që vendosen në një sallon bukurie, premierë në teatrin “Skampa”. Komedia me regji të Rozi Kostanit solli në skenë situata enigmatike dhe surprizuese për publikun. Shfaqja teatrore e bazuar mbi motivet e autorit Paul Portner është dhe një ndër premierat e reja këtë sezon artistik në teatrot tonë, ku kjo komedi në skenën e Elbasanit shënoi një sukses. Ngjarjet në komedi vendosen në një sallon bukurie, ku ndodh një vrasje, ndërkohë që dëshmitarët përpiqen ta hedhin fajin tek njëri-tjetri, ndërsa një dedektiv kërkon ndihmën e publikut për të zgjidhur çështjen. Për regjisoren nga Rozi Kostani komedia me pritjen që i bëri publiku i kaloi pritshmëritë e saj. Rozi Kostani është një nga zërat e veçantë të regjisë teatrore shqiptare, e njohur për qasjen e saj të thellë, të ndjeshme dhe moderne ndaj materialit dramatik. Edhe më parë me pjesët teatrore që ka vënë në skenë ka përcjellë dhe mesazhe të publiku dhe për këtë komedi, që shënoi premierën në teatrin “Skampa” të qytetit të Elbasanit, regjisorja Kostani thotë se është sarkastike ndaj fenomeneve që ne po kalojmë.
“Premiera e komedisë “Shumë pak vrasës” në teatrin “Skampa” u prit jashtëzakonisht mirë, madje i ka kaluar pritshmëritë e mia. Ajo pse unë e kam zgjedhur këtë vepër pikërisht për kohën që ne jemi. Një titull i goditur për kohën, sepse komedia vë gishtin në plagë. Është sarkastike ndaj fenomeneve që ne po kalojmë, ndaj fenomeneve të shoqërisë që po kalon tani”, thotë regjisorja Rozi Kostani ndër të tjera për këtë shfaqje që solli në skenë këtë nëntor. Deri tani në skenën e teatrit “Skampa” janë dhënë tre shfaqje, ndërsa do të vijojë sërish për publikun dhe në datat 29 dhe 30 nëntor, si dhe 1 dhjetor.
E veçanta e veprës teatrore
Komedia “Shumë pak vrasës” vjen në skenë si produksion i teatrit “Skampa” të Elbasanit dhe është në vijim të aktivitetit artistik në këtë teatër. Komedia pasuron dhe kalendarin artistik të këtij teatri këtë sezon vjeshte. Shfaqja teatrore e bazuar mbi motivet e autorit Paul Portner është me përkthim nga Maklena Nika. Një vepër teatrore që është në një stilistikë të veçantë, ndryshe nga dramaturgjia klasike. Rozi Kostani një regjisore që i jep skenës zë, gjuhë dhe emocion tregon se është përpjekur për ta sjellë këtë vepër me problematikat që ka shoqëria jonë. “Jemi përpjekur për ta sjellë te publiku me problematikat tona. Komedia “Shumë pak vrasës”, sarkazma e ditëve që jetojmë, sepse ajo çfarë vepra ka në thelb të saj është që publiku duhet ta gjejë vrasësin dhe publiku vetë voton kush është vrasësi. Unë këtë e kam bërë që ne jemi të gjithë vrasës dhe të gjithë të vrarë. Ne vrasim me sjellje, vrasim me një fjalë, vrasim me ato shkopinjtë që i fusim tjetrit nën rrota. Vrasja merr dimension më të madh.E veçanta e veprës është që ka interaktivitet me publikun. Pra publiku voton edhe flet me spektatorin, me dedektivin për të gjetur vrasësin, pra e gjen publiku. Asnjëherë në Shqipëri nuk është vënë kështu një vepër”, thotë regjisorja Rozi Kostani. Në rolet e komedisë interpretojnë aktorët e njohur të teatrit Helidon Fino, Ola Harizaj, Marin Orhanasi, Vin Bejleri, Erli Fortuzi, Elona Mamo, Marsias Lila, Rudi Koçibelli. Nën regjinë e Rozi Kostani, aktorët sollën me mjeshtëri në skenën e “Skampas” komedinë misterioze “Shumë pak vrasës”, duke rrëmbyer duartrokitjet e publikut. Rozi Kostani ka sjellë në skenë vepra të ndryshme teatrore drama dhe komedi, por në vijim të aktivitetit të saj artistik premiera e re me regji prej saj u shfaq në teatrin “Skampa”.
Në shfaqjen teatrore
Një pianiste e moshuar, Izabela, jeton e vetmuar në katin e dytë të një ndërtese të vjetër. Ajo i ka dhënë me qera katin e parë Tonit, një burrë ambicioz që ka hapur aty një sallon bukurie ku punon me asistenten e tij, Sofi. Toni ka një synim të fshehtë: të fitojë trashëgiminë e Izabelës, të cilën e sheh si pengesë për pasurinë që ëndërron. Por gjërat ndryshojnë kur Izabela, në vend që të mbyllet në vetmi, afrohet me Sofinë. Ajo e sheh tek vajza një ndjenjë të ngrohtë dhe e zgjedh si shoqe të re, duke organizuar madje një festë me të. Kjo gjallëri e papritur, dashuria për pianon dhe dëshira për të bërë sërish një turne muzikor, e ringjallin shpirtin e Izabelës, por zgjojnë zilinë dhe nervozizmin e Tonit. Ndërkohë, Sofi njihet me një biznesmen të dyshimtë, Leon, që shet antikuare. Ai përpiqet të përfitojë përmes saj, duke e shtyrë të bindë Izabelën t’i shesë pianon dhe orenditë e vjetra të vlefshme.Të tre, Toni, Sofi dhe Leo fillojnë të mendojnë për vrasjen e Izabelës dhe hartojnë një plan. Sipas planit, Sofi duhet t’i thotë Izabelës se Leo ka qëllim ta sulmojë, që ajo të lajmërojë policinë. Kur Izabela njofton forcat e rendit, mbërrin detektivi Robert, i shoqëruar nga dy policë të maskuar si klientë të sallonit: Andrea dhe Niku. Roberti heton fshehurazi, ndërsa Andrea vjedh një paruke që më vonë detektivi e përdor si maskim. Në sallon mbërrin edhe Zonja Hubert, një kliente e pasur dhe e zhurmshme që po përgatitet të udhëtojë për në Bali. Ajo kërkon të krehë flokët, ndërsa nga kati i sipërm dëgjohet muzika e Izabelës që luan në piano. Kur Zonja Hubert pyet se kush po luan kaq bukur, Toni dhe Sofi i përgjigjen me bezdi: “Plaka e katit të dytë- Izabela”. Zonja Hubert kujton me admirim kohën kur ajo ishte pianiste e famshme, ndërsa Toni fillon të humbasë durimin dhe kontrollin.Gjatë kësaj kohe, Leo ngjitet fshehurazi lart në apartamentin e Izabelës, me pretekstin se po shkon në banjë. Ndërkohë, muzika nga sipër acaron Tonin, që godet në qafë detektivin Robert, i cili është ende nën mbulesën e klientit të thjeshtë. Gjaku dhe reagimet e tepruara të personazheve kthejnë skenën në një përzierje trilleri dhe satire. Nga tualeti dëgjohet zhurma e ujit që derdhet. Leo kthehet, Sofi trembet. Çdo veprim bëhet i dyshimtë, çdo fjalë fsheh një frikë. Në mes të tensionit, Sofi del nga salloni duke mbajtur një qese plehrash, brenda së cilës ka fshehur një palë gërshërë. Pak më vonë, ajo kthehet e tronditur dhe e mbuluar me gjak, duke ulëritur: “Ndihmë! Ka vdekur! Lart… lart! Izabela është vrarë!”.
Policia ndërhyn. Detektivi Robert zbulon identitetin e tij të vërtetë dhe fillon hetimin. Ai shpall se vrasësi është një nga personazhet në sallon, dhe se asnjëri nuk duhet të largohet. Në versionet e ndryshme të shfaqjes, publiku luan rolin e dëshmitarit: në natën e parë, fajtor del Leo, në të dytën, Sofi, në të tretën, Toni. Por në çdo rast, faji mbetet i përbashkët. Çdo personazh ka vrarë me mënyrën e vet me veprim, me qëllim, ose me heshtje. Në fund, kur të gjithë mendojnë se gjithçka ka përfunduar, Izabela del në skenë nëpërmjet një videomesazhi. Ajo i drejtohet publikut me një monolog përfundimtar me video mesazh, që shërben si pasqyrë e ndërgjegjes njerëzore, duke thënë: të gjithë jemi vrasës dhe të gjithë të vrarë… -
Video/ Edi dhe Dolce shkëmbejnë puthjen e parë në BBVK
Edi dhe Dolce, dy prej banorëve që kanë krijuar më shumë zhurmë dhe kuriozitet tek publiku në “Big Brother VIP Kosova 4”, kanë shpërthyer më në fund në një puthje, duke vulosur afrimitetin e tyre që nisi që në ditët e para të qëndrimit në shtëpi.
Momenti i shumëpritur erdhi pas një jave të mbushur me lëvizje flirtuese, afrime të vazhdueshme, prekje delikate dhe batuta plot nënkuptime. Dinamika e tyre elektrizuese ka qenë e dukshme jo vetëm për banorët e tjerë, por edhe për publikun që i ndjek me vëmendje në rrjete sociale.
Puthja e parë ka ndezur menjëherë debatet: a është kjo një ndjenjë e sinqertë që po lind mes tyre, apo vetëm një strategji loje për të fituar vëmendje? Duke parë ritmin e shpejtë me të cilin po afrohen, fansat tashmë po pyesin veten nëse ky raport do t’i rezistojë presionit brenda shtëpisë ku çdo emocion është i shtuar apo nëse romanca mund të kthehet në një pengesë serioze për rrugëtimin e tyre drejt çmimit të madh.
A do të jetë kjo puthje fillimi i një historie të vërtetë dashurie, apo thjesht një kapitull i shkurtër në lojën më të famshme të Kosovës? Publiku mbetet me sytë nga Edi dhe Dolce. -
“E martuar me një të panjohur”/ Komedia italiane është vënë në skenën e teatrit “Zihni Sako” në qytetin e Gjirokastrës
Në skenën artistike të qytetit të Gjirokastrës trupa e teatrit “Zihni Sako” shfaqi për spektatorët komedinë italiane “E martuar me një të panjohur”.
Me regji të Aleksandër Kondit kjo pjesë prezanton situata komike dhe keqkuptime të cilat përcillen plot të qeshura nga spektatorët.
“Ishte një publik shumë i ngrohtë, më fali shumë të qeshura kështu që uroj dhe shpresoj që teatri i Gjirokastrës të bëjë bashkëpunime të tjera,të thërrasë aktorë dhe regjisorë sepse i bëjnë mirë trupës, i japin eksperiencë por edhe teatrit, qytetit”, tha aktorja Delinda Disha.
“Ne jemi të mbushur plot me emocionet që na ka dhuruar publiku dhe jemi të bindur që e kanë shijuar,kanë qeshur pa fund”, u shpreh aktorja Lejda Çeli.
“Pashë një sallë plot, mendoj se shfaqja shkoi shumë mirë,aktorët ishin në nivelin e duhur,publiku e përtypi në mënyrë të mrekullueshme shfaqjen, u bë pjesë e shfaqjes dhe të gjitha të qeshurat dhe duartrokitjet janë një kënaqësi për ne aktorët të motivojnë kur ti je në skenë dhe kupton që shfaqja ndiqet nga publiku”, tha regjisori Aleksandër Kondi.
Përgjatë sezonit artistik të vjeshtës në skenën e teatrit të Gjirokastrës kanë interpretuar trupa të ndryshme të cilat janë vlerësuar me duartrokitje nga spektatorët.Top Channel
-
“Libri i Xhunglës” në teatër/ Aventura e Moglit në skenën e teatrit të Kukullave në Tiranë
Fëmijët, të shoqëruar me prindërit udhëtuan në botën e xhunglës, që transformoi skenën e Teatrit të Kukullave.
Kukulla anatomike në përmasat e kafshëve të gjalla, të sjella me mjeshtëri nga aktorët argëtuan të vegjlit.
Një përrallë që për 50 minuta fëmijët jo vetëm e shijuan, por u bashkuan me personazhin e Moglit në aventurën e tij të rrezikshme për të mbijetuar në xhungël.
“Libri i Xhunglës” siç nuk e kishim më parë, erdhi në skenë nën konceptin e regjisores Ina Morinaj dhe talentit e aktotëve të teatrit, që u bënë një me kukullat.
“Reagimet ishin të shumta, kishte shumë elementë të veçantë dhe e prisnim që publiku do të reagonte”, u shpreh Ilia Kaçi.
“Mund të themi me plot gojën që kemi Moglin në të gjithë historinë e kësaj vepre. Ishte kryevepër, u prit shumë mirë”, tha Erdit Asllanaj.
“Mendoj se ia dolëm, qëllimi ishte ta fusnim publikun sa më shumë brenda kësaj xhungle dhe besoj se sikurse u kënaqëm ne, edhe publiku u kënaq shumë”, tha Aleksandër Grami.
“Jam shumë i lumtur që publiku e priti shfaqjen me kaq ngrohtësi. Publiku u argëtua, falënderoj shumë kolegët që më kanë dhuruar shumë ngrohtësi”, u shpreh Juxhin Plovishti.
Aventura e Moglit në xhungël vijon fundjavën e ardhshme në Teatrin e Kukullave.Top Channel
-
“Përtej Horizontit” në Korçë, shfaqja mirëpritet nga publiku në teatrin “Andon Zako Çajupi”
Në skenën e Teatrit “Andon Zako Çajupi” u shfaq mbrëmjen e së shtunës premiera e dramës “Përtej Horizontit” të Eugene O’Neill, e sjellë në shqip nga regjisori Silvio Goskova. Vepra ngjalli emocione të forta tek publiku, duke reflektuar mbi ëndrrat, dashurinë, fatin dhe kufijtë e zgjedhjeve njerëzore.
Për regjisorin e shfaqjes kjo dramë është një udhëtim i brendshëm që prek çdokënd, sepse flet për atë që humbasim teksa ndjekim ëndrrat tona. Është një thirrje për të parë përtej vetes, përtej horizontit të zakonshëm.
Emocionet pas shfaqjes i kanë ndarë edhe disa nga aktorët, të cilët kanë vlerësuar bashkëpunimin me regjisorin dhe pritjen e publikut korçar.“Përtej Horizontit” do të vijojë të shfaqet edhe përgjatë kësaj të diele, duke ftuar publikun të përjetojë një vepër të rrallë mbi natyrën njerëzore dhe fatin që s’mund të shmanget./vizionplus.tv
-
VIDEO/ ”Hakmarrje e ftohtë”, Elsa Lila flet për gjyq: I dhashë famën, Albina më vodhi fitoren në Festival
Showbiz E Enjte, 30 Tetor 2025 14:39
Një dramë e Festivalit të Këngës në vitin 2022 është rindezur. E ftuar tek Arbana Osmani në ”Mirëmbrëma yje”, Elsa Lila komentoi gjerë e gjatë pjesmarrjen e saj në Festivalin e 61-të në RTSH. Ajo foli hapur edhe mbi lidhjen e saj me Albina Kelmendin, duke mos i përmendur emrin, por duke e nënkuptuar atë e cila ishte pjesë e skuadrës së saj në “The Voice of Albania” në 2014. Elsa deklaroi se ishte ajo që e kishte bërë Albinën të famshme. Albina konkuroi në Festivalin e Këngës, Elsa pretendoi se votat ishin vjedhur nga kjo e fundit. Ajo zgjodhi të mos e çonte çështjen në gjyq. Elsa paralajmëroi gjithashtu se “hakmarrja është një pjatë që serviret e ftohtë”, duke lënë të kuptohet serioziteti i saj ndaj situatave të tilla.
Arbana Osmani: Pse nuk more pjesë në Festival?Elsa Lila: 2 vite rrjesht janë abastanca (mjaftueshëm) për të kuptuar që TVSH-ja nuk është ambienti im. Ju mendoni që m’u dha haku që meritoja?
Arbana Osmani: Vendimin e mori publiku
Elsa Lila: Mendoj që jo, ç’publik?
Arbana Osmani: Pse, nuk mendon që e mori publiku Elsa?
Elsa Lila: Sepse kemi prova të shumta empirike dhe fizike, flas me gjuhë penaliste, prova empirike që nuk ka qenë ashtu. Provat janë që votat janë blerë nga publiku. Pa fund. Atë çështje do e kisha çuar shumë larg por nuk e çova.
Arbana: Pse nuk e çon?
Elsa Lila: Sepse ju e dini që unë mundësitë i kam të shumta, duke qenë se kam në familje avokatë. E kisha fare kollaj me provat që kisha, që ta bëja atë çështje të rëndësishme. Jam mësuar që mos të merrem me polemika, por të merrem me punën time, me talentin tim dhe t’i ofroj publikut atë për të cilën unë kam lindur dhe për të mos i dhënë rëndësi akoma më shumë atij skandali që dikush tjetër bëri. Unë jam Elsa, di të bëj atë që bëj, jam e ndershme dhe historiku e tregoi që unë nuk i vodha votat, por dikush tjetër e bëri. Unë nuk e bëra skandalin, për të mos ta bërë për herë të dytë akoma më të famshëm atë njeri që e bëra në vitin 2014 me duart e mia, me diturinë time dhe me artin tim, i njëjti person. Të kenë pak kujdes nga gjykatat sepse funksionojnë këtu në Shqipëri kur duan. Hakmarrja është një pjatë që serviret e ftohë. -
Rovena Stefa për BBVK: Në finale kanë shkuar njerëz që publiku nuk i ka dashur
Këngëtarja e njohur Rovena Stefa, një nga emrat më të komentuar të edicionit të tretë të Big Brother VIP Kosova, ka folur së fundmi për eksperiencën e saj në shtëpinë më të famshme gjatë një interviste në emisionin “The Elite Way”, me moderatoren Elita Rudin.
Në bisedë, Stefa është ndalur tek rrugëtimi i saj në spektakël dhe mënyra si, sipas saj, është zhvilluar gara drejt finales. E pyetur nga moderatorja pse nuk arriti deri në fund, këngëtarja u përgjigj hapur:
“Aty duhet me e pyet produksionin për këtë gjë. Aty kuptohet qartë që kanë shkuar në finale edhe njerëz që nuk i ka dashur publiku, madje kanë qenë të urryer nga publiku dhe nuk i kanë çuar vota”, u shpreh ajo.
Rovena shtoi se, sipas mendimit të saj, votat e publikut nuk kanë qenë transparente dhe se konkurrentët nuk kanë pasur mundësi të shohin rezultatet reale.
“Tani unë duhet të bëj një gjyq ku janë votat e mia, nuk e kemi atë kontroll. Tani të flasim drejtpërdrejt, kontrolli mbi votat nuk është, as publiku nuk i ka parë”, tha ajo me sinqeritet.
Deklaratat e saj kanë ngjallur diskutime të reja rreth mënyrës si funksionon sistemi i votimit në reality show, duke rikthyer në vëmendje pyetjen për transparencën e garës në formatet televizive të këtij lloji.