Presidentja e Kosovës, Vjosa Osmani, është takuar me raportuesin për Kosovën në Parlamentin Evropian, Riho Terras, nga i cili kërkoi mbështetje për heqjen sa më të shpejtë të masave të vendosura nga Bashkimi Evropian ndaj Kosovës. Takimi u bë i ditur përmes një komunikate për media nga Zyra e Presidencës.
“Në këtë kontekst, Presidentja Osmani kërkoi mbështetjen e z. Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, teksa Kosova ka përmbushur çdo kërkesë të paraqitur nga partnerët evropianë”, tha Osmani. Sipas saj, pavarësisht bashkëpunimit konstruktiv, “vazhdimi i masave të BE-së ndaj Kosovës mbetet i pashpjegueshëm, i padrejtë dhe i paarsyeshëm”. Ajo vlerësoi se heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave. Në njoftim thuhet se Osmani shtroi nevojën që kërkesa e Kosovës për anëtarësim në BE të procedohet sa më parë dhe që anëtarësimi të bëhet në bazë të meritave.
Po ashtu, u diskutuan edhe zhvillimet e fundit politike në vend. “Me këtë rast, Presidentja Osmani theksoi se zgjedhjet lokale u zhvilluan në mënyrë plotësisht të lirë, të qetë dhe demokratike, dhe se transferimi i pushtetit u bë në mënyrë paqësore”. Gjatë takimit, presidentja prezantoi një sërë të dhënash nga institucionet ndërkombëtare, që pozicionojnë Kosovën në majat e performancës në shumë fusha kyçe. Ajo gjithashtu nënvizoi se Kosova ka bërë hapa të rëndësishëm në forcimin e shtetit ligjor, promovimin e të drejtave të njeriut dhe avancimin e gruas në politika dhe ekonomi.
Tag: presidentja
-
Osmani këmbëngul për heqjen e masave nga Brukseli, përsërit kërkesën në takimin me raportuesin për Kosovën në PE
-
Presidentja Osmani kritikon vendimet e BE-së ndaj Kosovës: Të pashpjegueshme dhe të padrejta
Presidentja e Kosovës, Vjosa Osmani, tha se vazhdimi i masave ndëshkuese që Bashkimi Evropian ka vendosur ndaj vendit mbetet “i pashpjegueshëm, i padrejtë dhe i paarsyeshëm”.
Gjatë një takimi me raportuesin për Kosovën në Parlamentin Evropian, Riho Terras, Osmani kërkoi mbështetjen e tij për heqjen e këtyre masave që blloku evropian i ka vendosur më 2023.
“Presidentja Osmani kërkoi mbështetjen e zotit Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, teksa Kosova ka përmbushur çdo kërkesë të paraqitur nga partnerët evropianë. Sipas presidentes Osmani, heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave”, u tha në njoftimin e Presidencës së Kosovës.
BE-ja i vendosi disa masa ndëshkuese Kosovës më 2023 për shkak të rritjes së tensioneve në veriun e vendit, të banuar me shumicë serbe.
Në maj të këtij viti, shefja e diplomacisë së BE-së, Kaja Kallas, gjatë një vizite në Kosovë tha se blloku ka nisur heqjen graduale të këtyre masave.
Ajo nuk tregoi se cilat masa janë hequr apo mund të hiqen, por Radio Evropa e Lirë atëbotë mësoi nga burimet në Bruksel se masat që janë hequr kanë të bëjnë me Marrëveshjen e Stabilizim Asocimit (MSA), paktit të parë kontraktual mes Kosovës dhe BE-së, dhe Kornizën e Investimeve për Ballkanin Perëndimor.
Gjatë takimit me raportuesin për Kosovën në PE, presidentja Osmani po ashtu ka theksuar se është e nevojshme që kërkesa e vendit për anëtarësim në BE “të procedohet sa më parë dhe që anëtarësimi të bëhet në bazë të meritave”.
Nga shtetet e Ballkanit Perëndimor, vetëm Kosova është prapa në rrugën evropiane, pasi është vendi i vetëm që nuk ka as statusin e vendit kandidat.Kosova ka dorëzuar aplikimin për anëtarësim në BE në dhjetor të vitit 2022.
Megjithatë, ky aplikim ende nuk ka kaluar as në fazën e parë formale, atë të shqyrtimit nga Këshilli i BE-së dhe më pas dërgimit për opinion në Komisionin Evropian. -
Presidentja Osmani në BE: Koha për të hequr masat ndaj Kosovës
Kosova E Martë, 9 Dhjetor 2025 12:23
Presidentja e Republikës së Kosovës, Vjosa Osmani, priti sot në takim raportuesin për Kosovën në Parlamentin Evropian, Riho Terras.
Gjatë takimit u diskutua për zhvillimet e fundit politike në vend. Presidentja Osmani theksoi se zgjedhjet lokale u zhvilluan në mënyrë plotësisht të lirë, të qetë dhe demokratike, ndërsa transferimi i pushtetit u krye paqësisht.Ajo nënvizoi se, pavarësisht bashkëpunimit konstruktiv me institucionet evropiane, vazhdimi i masave të BE-së ndaj Kosovës mbetet i pashpjegueshëm, i padrejtë dhe i paarsyeshëm.
Në këtë kontekst, Presidentja Osmani kërkoi mbështetjen e Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, ndërkohë që Kosova ka përmbushur të gjitha kërkesat e partnerëve evropianë.
Sipas saj, heqja e masave do të përbënte një sinjal të fuqishëm për qytetarët dhe një mesazh inkurajues për vazhdimin e reformave.
Më tej, Presidentja Osmani theksoi nevojën për procedimin sa më të shpejtë të kërkesës së Kosovës për anëtarësim në BE dhe për një proces që të bazohet plotësisht në merita.
Gjatë takimit, ajo prezantoi një sërë të dhënash nga institucione ndërkombëtare, të cilat e rendisin Kosovën në krye të performancës në shumë fusha kyçe. -
“Asetet e ngrira ruse? Çështje komplekse”, Von der Leyen: Sa më shumë të zgjasë lufta aq më shumë do t’i kushtojë Rusisë
Presidentja e Komisionit Evropian, Ursula von der Leyen, tha se mbështetja e Kievit dhe rritja e gatishmërisë së mbrojtjes evropiane janë përparësi kryesore për të ashtuquajturin “Koalicion i të Gatshmëve”, një grup shtetesh që kërkojnë të ushtrojnë më shumë presion mbi Rusinë për t’i dhënë fund luftës në Ukrainë.
Von der Leyen tha se kishte informuar presidentin ukrainas Volodymyr Zelensky dhe udhëheqës të tjerë të “Koalicionit të të Gatshmëve” mbi përparësitë e planit evropian. Ajo tha se propozimi për të përdorur asetet e ngrira ruse përmes një kredie dëmshpërblimi për Ukrainën ishte “komplekse”, por do të rriste koston e luftës për Moskën.
“Sa më gjatë që Putini të vazhdojë luftën e tij, duke derdhur gjak, duke marrë jetë dhe duke shkatërruar infrastrukturën ukrainase, aq më e lartë do të jetë kostoja për Rusinë”, tha presidentja e Komisionit.
Ajo shtoi se lidhjet brenda Evropës ishin “më të forta se kurrë” dhe se shtetet anëtare do të vazhdonin të “qëndronin së bashku, duke mbështetur Ukrainën dhe duke mbrojtur Evropën”.Top Channel
-
Vjosa Osmani takim me ambasadorin francez, kërkon heqjen e masave të BE-së ndaj Kosovës
Presidentja e Kosovës, Vjosa Osmani, priti sot ambasadorin e Francës, Olivier Guerot, me të cilin bisedoi për zhvillimet e fundit në vend dhe përgatitjet për zgjedhjet e parakohshme të 28 dhjetorit.
Osmani theksoi rëndësinë e mbarëvajtjes së procesit zgjedhor, duke theksuar se “Kosova tashmë është shembull në respektimin e standardeve më të larta demokratike”. Ajo foli edhe për marrjen e detyrës nga kryetarët e rinj të komunave, përfshirë ato në veri, proces që u realizua sot.
Osmani kërkoi urgjentisht heqjen e masave të BE-së, duke i cilësuar ato si të padrejta dhe pa asnjë arsye, të cilat po dëmtojnë interesat e qytetarëve.
“Presidentja Osmani priti në takim ambasadorin e Francës në Kosovë, z. Olivier Guérot. Presidentja e Republikës së Kosovës, Vjosa Osmani, priti sot në takim Ambasadorin e Republikës Franceze në Kosovë, z. Olivier Guérot.
Në takimi u diskutua për zhvillimet e fundit në vend, si dhe për procesin e përgatitjes së zgjedhjeve të parakohshme nacionale që do të mbahen më 28 dhjetor. Presidentja theksoi rëndësinë e mbarëvajtjes së procesit zgjedhor dhe respektimit të standardeve më të larta demokratike, për çka Kosova tashmë është shembull. Në takim u diskutua edhe për marrjen e detyrës së kryetarëve të zgjedhur të komunave të Kosovës, përfshirë komunave në veri të vendit, proces ky që u realizua sot.Presidentja theksoi urgjencën e heqjes së masave të BE-së të cilat padrejtësisht e pa asnjë arsye janë ende në fuqi dhe po dëmtojnë interesat e të gjithë qytetarëve, pa dallim.
Tutje, Presidentja Osmani ritheksoi përkushtimin e Republikës së Kosovës për forcimin e partneritetit ndërshtetëror mes Kosovës dhe Francës. Në takim u diskutua edhe për çështje të tjera të interesit të ndërsjellë.”, thuhet në njoftimin e Presidencës. -
“”Një komb, dy flamuj”, Presidentja Osmani uron shqiptarët: Gëzuar Pavarësinë
Presidentja e Kosovës, Vjosa Osmani, ka uruar të gjithë shqiptarët për ditën e Pavarësisë.
“Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare.Nga Kruja e Skënderbeut, te Vlora e Ismail Qemalit dhe Prekazi i Jasharajve, historia jonë është shkruar me gjak, guxim dhe besim. Sot, Kosova e Shqipëria ecin krah për krah: dy shtete, një komb, dy flamuj, një zemër.
Gëzuar Ditën e Flamurit! Gëzuar Pavarësinë e Shqipërisë! Lavdi Komandantit Adem Jashari dhe të gjithë heronjve, dëshmorëve e martirëve të kombit tonë!”, shkruan Osmani.
-
Presidentja Osmani në Shkodër për Pavarësinë: Shqipëria dhe Kosova, dy shtete që synojnë integrimin në BE
Presidentja e Kosovës, Vjosa Osmani i është bashkuar festimeve në Shkodër për Pavarësinë dhe çlirimin e Shqipërisë. Osmani është pritur në këtë takim nga kryebashkiaku Benet Beci, me të cilin ka zhvilluar një takim në ambientet e Bashkisë së Shkodrës. Në një prononcim për mediat, tha se Shkodra është një qytet që ka dhënë shumë për Shqipërinë dhe natyrshëm që lidhjet me Kosovën kanë qenë shumë të afërta.
”Shkodra vërtet e ka ndihmuar Kosovën në momente më të rënda. Në vitin 1998-1999, të gjithë qytetarët e Gjakovës dhe pjesët e tjera që kanë qenë më afër kanë qëndruar këtu, ku qytetarët e Shkodrës kishin zemrat dhe shtëpitë e tyre të hapura. Shkodra ka qenë pas nesh edhe në rindërtimin tonë pas luftës si dy shtete që synojnë integrimin në BE. Është emocion i veçantë për ne që në prag të festave të flamurit të gjendemi në Shkodër.Për ne është festë e katërfisht, ku përveç festës së flamurit është dita e Pavarësisë së Shqipërisë nesër, për ne është e rëndësishme sepse është ditëlindja e Komandantit legjendar Adem Jashari dhe është dhe përvjetori i daljes publike të UÇK-së. Sot festojmë gjithashtu ditën e forcës së ushtrisë sonë.
Si Kosova dhe Shqipëria qëndrojnë sot të forta dhe në rrugë të drejtë për integrimin në BE për shkak të mbështetjes së aleatëve. Nesër do të jem në Vlorë dhe në Tiranë për të vazhduar festën e përbashkët”,-tha Osmani.
-
Festat e Nëntorit/ Presidentja Osmani në Shkodër, pritet nga Benet Beci
Presidentja e Kosovës, Vjosa Osmani ka nisur vizitën e saj zyrtare në Shkodër, ku është pritur nga kreu i Bashkisë së Shkodrës, Benet Beci.
Osmani ndodhet në Shkodër në kuadër të festave të Nëntorit. Takimi u zhvillua në ambientet e Bashkisë së Shkodrës.
Gjithashtu, Presidentja Osmani do të vizitojë Muzeun “Marubi”, si dhe Muzeun e Kujtesës, ku do të zhvillojë një takim të mbyllur me përfaqësuesit e komuniteteve fetare.Më tej do të zhvillojë edhe një takim edhe me gratë shkodrane.
-
‘Zgjedhjet e parakohshme janë normale’/ Osmani: Pas 28 dhjetorit do të kemi qeverinë e re
Presidentja e Kosovës Vjosa Osmani ka zhvilluar një konferencë për mediat pas takimit me kryetarin e Bashkisë së Shkodrës Benet Beci.
Osmani deklaroi se zgjedhjet e parakohshme janë normale për çdo demokraci dhe tha se ka besim se edhe ky proces do të shkojë mirë. Presidentja deklaroi se pas zgjedhjeve do të ketë konstituim të Kuvendit dhe do të zgjidhet qeveria e re.
“Zgjedhjet e parakohshme janë normale në çdo demokraci, edhe ky proces do të shkojë mirë.
Kam besim se do të kemi konstituim pas zgjedhjeve dhe qeverinë e re sepse tani kemi edhe aktgjykimet e Gjykatës Kushtetuese.
Kjo nuk pengon festimet e Pavarësisë.
Çdo nismë që bashkon Kosovën me Shqipërinë dhe në këtë rast Shkodrën me Gjakovën është e mirëpritur”, deklaroi Osmani.
Presidentja Osmani ndodhet për vizitë në Shkodër ku do të marrë pjesë në festimet që po mbahen në këtë qytet në kuadër të festave të nëntorit. -
Presidentja Vjosa Osmani nga Shkodra: Shqipëria dhe Kosova, dy shtete që synojnë integrimin në BE
Presidentja e Kosovës, Vjosa Osmani, ishte këtë të enjte në qytetin e Shkodrës, në kuadër të festave të nëntorit, ku u prit nga kryebashkiaku, Benet Beci.
Në një prononcim për mediat, Osmani u shpreh se Shkodra është një qytet që ka dhënë shumë për Shqipërinë dhe natyrshëm që lidhjet me Kosovën kanë qenë shumë të afërta.
“Shkodra vërtet e ka ndihmuar Kosovën në momente më të rënda. Në vitin 1998-1999, të gjithë qytetarët e Gjakovës dhe pjesët e tjera që kanë qenë më afër kanë qëndruar këtu, ku qytetarët e Shkodrës kishin zemrat dhe shtëpitë e tyre të hapura. Shkodra ka qenë pas nesh edhe në rindërtimin tonë pas luftës si dy shtete që synojnë integrimin në BE. Është emocion i veçantë për ne që në prag të festave të flamurit të gjendemi në Shkodër.
Për ne është festë e katërfisht, ku përveç festës së flamurit është dita e Pavarësisë së Shqipërisë nesër, për ne është e rëndësishme sepse është ditëlindja e Komandantit legjendar Adem Jashari dhe është dhe përvjetori i daljes publike të UÇK-së. Sot festojmë gjithashtu ditën e forcës së ushtrisë sonë.
Si Kosova dhe Shqipëria qëndrojnë sot të forta dhe në rrugë të drejtë për integrimin në BE për shkak të mbështetjes së aleatëve. Nesër do të jem në Vlorë dhe në Tiranë për të vazhduar festën e përbashkët”, është shprehur Osmani.