Andi Bushati, ka folur për marrjen e Belinda Ballukut të pandehur nga SPAK.
Bushati tha se prokurori Dritan Prençi, është takuar me zv.ndihmës sekretarin e shtetit, pak ditë para marrjes së Ballukut si të pandehur, takim të cilin e quajti skandaloz dhe një presion ndaj drejtësisë. Bushati tha se edhe pse Balluku meriton të hetohet, kjo nuk duhet të ndodhë me urdhër të diplomatëve të huaj, ndërkohë që tha se mënyra si veprohet në Shqipëri, tregon se jemi “republikë bananesh”.
“Legjenda është që ky prokurori Prençi është trimëruar nga takimi me atë amerikanin në SPAK, pra jepi gaz me Ballukun… Ne nuk do të vizatojmë amerikanët që njohim nga filmat apo në ëndrrat tona për amerikanët e mirë. Ai thotë kjo është dosja, këto janë faktet dhe provat pse nuk e ke marrë? Unë këtë e quaj shumë keq.
Bën keq edhe kur vepron në interesin tim. Mendoj se Balluku duhet hetuar dhe marrë e pandehur, por nëse për të marrë Ballukun të pandehur, ose Veliajn, duhet të vijë një kaubojs përtej oqeani dhe këto institucione dhe refoma në drejtësi ka nevojë për kamxhik amerikan pas bythëve për të lëvizur, jemi në republikë bananesh… Ata që të bëjnë këtë, mund të bëjën çdo gjë më pas. zv. sekretari i shtetit ishte aty tre ditë para se të merrej Balluku e pandehur? Pse duhej kjo, që të takojë një prokuror, i cili tre ditë më pas, shpall të pandehur numrin dy të qeverisë? Nëse do të pranojmë këtë standard… Që e ka takuar… C’punë ka një diplomat të takoj një prokuror?”, tha Bushati.
Tag: prençi
-
“Jepi gaz me Ballukun…”/ Bushati tregon takimin e diplomatit amerikan me prokurorin Prençi
-
“S’bëhet PD me Berishën”, Prençi: Flamur Noka s’di kur u ngrit flamuri
Shemsi Prençi, eksperti i kriminalistikës tha në studion e Quo Vadis në Vizion Plus se Partia Demokratike me në krye Sali Berishën dhe krah të djathtë Flamur Nokën, nuk është një prespektivë e duhur e opozitës për të ardhmen.
Ai sulmoi Nokën, pas gafën që bëri për festat e Nëntorit.
Prençi: PD dhe çdo iniciativë e re brenda Partisë ka nevojë për prezencën e zotit Oketa sepse nuk është etiketuar për asgjë negative. Ne rast se ne mendojmë për ta parë prespektivën e opozitës shqiptare të Sali Berishës, me gjithë respektin, por kur në krah mban një njeri që s’di kush e ka ngritur flamurin në Vlorë, Skënderbeu apo Ismail Qemali, më mire mos e mbaj më.Çfarë tha Flamur Noka?
“PD në këtë ditë të shenjtë për kombin, uron gëzuar këtë ditë të madhe çdo shqiptari. Është 28 nëntori dita kur Skëndërbeu ngriti flamurin në Vlorë…kur Skëndërbeu ngriti flamurin në Krujë. Është dita kur Ismail Qemali ngriti flamurin në Vlorë dhe është dita kur u çlirua Shqipëria”.
/vizionplus.tv -
“Pezullimi, kompetencë e GJKKO dhe e asnjë pushteti tjetër”/ Çështja ‘Balluku’, Prençi: Belinda nën hetim prej 9 muajsh
Kolegji i Gjykatës Kushtetuese, i përbërë nga tre anëtarë nuk arriti dot sot të merrte një vendim për t’i kaluar Mbledhjes së Gjyqtarëve ankimin e kryeministrit Edi Rama për rastin e pezullimit të Belinda Ballukut nga funksionet, në bazë të një vendimi të Gjykatës së Posaçme kundër Korrupsionit dhe krimit të organizuar.
Sipas ligjit për organizimin e Gjykatës Kushtetuese, Kolegji nuk shprehet për kalimin ose jo të një çështjeje në seancë plenare, por për moskalimin ose jo të saj. Dhe në këtë rast “vendimi për moskalimin e çështjes për shqyrtim në seancë plenare nga kolegji merret njëzëri”.
Duke qenë se trupa e tre anëtarëve që përbënin kolegjin, Sandër Beci, Marsida Xhaferllari dhe Sonila Bejtja, nuk ka patur unanimitet për moskalimin, atëherë çështja i ka kaluar mbledhjes së gjyqtarëve për t’u shprehur. Edhe Mbledhja e gjyqtarëve, po ashtu si kolegji, do të duhet të vendosë për moskalimin “me shumicë votash”
Shemsi Prençi, ekspert kriminalistike, i ftuar në një studio televizive tha se zëvendëskryeministrja Belinda Balluku ishte prej 9 muajsh nën hetim dhe më 31 tetor u mor zyrtarisht e pandehur nga SPAK. Me urdhër të SPAK, GJKKO vendosi dy masa sigurie ndaj Ballukut, pezullim nga detyra dhe ndalim i daljes jashtë shtetit. Prençi theksoi se vendosja e masës së sigurisë “pezullim nga detyra” është kompetencë e Gjykatës dhe e asnjë pushteti tjetër.
Prençi: Rasti i Ballukut është rast për tu studiuar nga juristët në Shqipëri sepse Balluku ka mbi 9 muaj që është marrë nën hetim. Në 31 tetor është marrë e pandehur. SPAK dhe GJKKO kanë respektuar edhe të qenit nënë dhe grua dhe nuk kanë kaluar në masa të rënda. I lanë kohë për ta vlerësuar dorëheqjen, për ta lejuar SPAK dhe GJKKO që te procedonte konform kodit të procedurës penale.
Kryeministri i Shqipërisë mori pozicionin e avokatit. Gjykata në gjykimin tim ka vepruar drejt bazuar në kërkesat dhe argumentet e paraqitur nga SPAK. Mos harrojmë diçka. Unë jam i bindur se nëse do të argumentohet me gjakftohtësi, fakti që nuk ekziston një konflikt juridik mes GJKKO dhe kryeministrisë (sepse nuk ekziston ky konflikt), Gjykata ka vendosur masën e pezullimit kompetencë që nuk e ka kryeministri…pezullimi si masë sigurie është kompetencë vetëm e gjykatës, nuk njeh pushtet tjetër. -
Shemsi Prençi: Protesta është rruga e vetme për të rrëzuar regjimin e Rames
Ish-drejtuesi i policisë, Shemsi Prençi, i ftuar në emisionin “Ora e Betit” në Ora News, deklaroi se protesta është e vetmja mënyrë për të rrëzuar qeverinë dhe regjimin Rama, ndërsa u shpreh kritik ndaj situatës aktuale brenda opozitës.
Prençi tha se, sipas tij, opozita duhet të ketë një platformë të qartë dhe frymëzuese, pasi pa një strukturë të fortë politike, protestat nuk mund të marrin drejtimin e duhur.
Duke bërë një krahasim me ngjarjet e para 14 viteve, ai rikujtoi demonstratat e ashpra që organizoi opozita e asaj kohe pas publikimit të një videoje të cilën e cilësoi “të sajuar”, ku drejtësia shqiptare në të gjitha nivelet shpalli protagonistin të pafajshëm.
Opozita e asaj kohe ngriti në këmbë Shqipërinë në formën më të egër të një demonstrate. Sot opozita është në udhëkryq. Fatkeqësisht nuk frymëzon. Duhet gjetur rruga për të frymëzuar.” – u shpreh Prençi.
Ai theksoi se nuk ka duruar kurrë servilizmin dhe se asgjë nuk mund të ndërtohet mbi të, duke nënvizuar sërish nevojën për një opozitë që ka qëndrim, vizion dhe vendimmarrje të qartë.
Prençi përfundoi duke theksuar se rruga e protestës mbetet i vetmi opsion real për ndryshim, por se kjo kërkon një opozitë të organizuar dhe me drejtim të qartë politik. -
“Protesta, rruga e vetme për të rrëzuar qeverinë”/ Revoltohet Prençi: Opozita është në udhëkryq, fatkeqësisht nuk…
Ish-drejtuesi i policisë, Shemsi Prençi i ftuar në një emision televiziv u shpreh se protesta është rruga e vetme për të rrëzuar qeverinë.
Prençi:
Protesta është rruga e vetme për të rrëzuar regjimin Rama dhe të PS. Problemi qëndron që duhet të ketë një opozitë që të frymëzojë.
Duhet të ketë një opozitë që të ketë një platformë të qartë sepse 14 vite më parë kjo mazhorancë për një video të sajuar, po themi të sajuar në atë kohë drejtësia shqiptare në atë kohë në të gjitha nivelet e nxorri 5-0 të pafajshëm protagonistin e videos.
Opozita e asaj kohe, qeveria e sotme ngriti në këmbë Shqipërinë në formën më të egër të një demonstrate. Unë e kam urryer dhe nuk e kam duruar kurrë servilizmin sepse nuk pres asgjë nga servilizmi.
Sot opozita është në udhëkryq. Fatkeqësisht nuk frymëzon. Duhet gjetur rruga për të frymëzuar. -
“Ironia e fatit”, 7 vite më parë Pamela Qirko vlerësonte prokurorin, sot del para tij si motra e të pandehurës Balluku
Avokati Marash Logu ka komentuar marrjen e Belinda Ballukut, zv.kryeministres si person nën hetim nga SPAK.
Sipas Logut 7 vite më parë, Prokurori i çështjes së Ballukut, Dritan Prençi u paraqit përpara Pamela Qirkos, motrës së zv.kryeministres, e cila mbante potin e anëtares së Komisionit të Pavarur të Kualifikimit, për t’u konfirmuar në detyrë.
Ndërkohë që sot, 7 vite më pas, Pamela Qirko, paraqitet para prokurorit, Dritan Prençi, si motra dhe avokatja e Belinda Ballukut.
“Ironia e fatit! 7 vite më parë, prokurori Dritan Prençi u paraqit përpara Pamela Qirkos, anëtare e Komisionit të Pavarur të Kualifikimit, për t’u konfirmuar në detyrë.
7 vite më pas, Pamela Qirko paraqitet përpara prokurorit Dritan Prençi si motra dhe avokatja e të pandehurës Belinda Balluku”, shkruan Marash Logu.
-
“Prokurori është kërcënuar për shkak të Belinda Ballukut”? Altin Dumani i përgjigjet Balliut
Kreu i SPAK Altin Dumani raportoi sot në Kuvend, teksa u pyet edhe nga deputetët.
Demokrati Klevis Balliu e pyeti lidhur me hetimet ndaj Belinda Ballukut dhe për disa nga çështjet që mund të jenë afera korruptive, si tuneli i Llogarasë apo termocentralet në Vlorë.
Dumani tha se nuk ka asgjë për të thënë nëse Balluku është apo jo në hetim. Sakaq, pretendimit të Balliut se prokurori që po heton Ballukun, Dritan Prençi është në kërcënim, Dumani thekson se Prençi nuk i ka shprehur ndonjë shqetësim.
Altin Dumani: Nuk kam për të dhënë asnjë koment. Prokurori Prençi dhe të gjithë kanë mbështetjen tim si drejtues. Jam në komunikim të përhershëm dhe deri këtë çast nuk më pa paraqitur ndonjë shqetësim.
Ka solidaritetin në çdo çështje që ka në ndjekje. Jo vetën Prençi por të gjithë prokurorët. Jam munduar të krijoj një ambient ku prokurorët janë të lirë të ushtrojnë ndjekje penale. Patjetër të gjithë i kam mbështetur dhe do i mbështes deri ditët e fundit që do jem në krye të SPAK. -
Belinda Balluku nuk shfaqet në SPAK, prokuroria ripërsërit fletë-thirjen
Në kushtet kur zv/kryeministria e vendit Belinda Balluku, nuk ka pranuar të shkojë sot në ambjentet e SPAK, për tu njohur me akuzën zyrtare,mësohet se prokuroria i ka ripërsëritur fletë-thirjen.
Lëvizja është bërë nga prokurori i çështjes, Dritan Prençi, i cili pavarësisht komunikimit me avokatin mbrojtës të Belinda Ballukut, për mosprezencën e saj këtë të hënë, Prençi ka zgjedhur komunikimin me rrugë ligjore, duke rinjoftuar Belinda Ballukun të paraqitet në SPAK.
Sic raporton gazetari Elton Qyno, Fletë-Thirja tashmë është përsëritur duke u dërguar në adresën e Ministrisë së Infrastrukturës dhe Energjisë.
Në fletë-thirjen e dytë prokurori Prençi, i kujton Belinda Ballukut, të paraqitet në njërën nga ditët e kësaj jave me avokat.
Ndërkohë i kujtohet fakti se nëse Belinda Balluku, nuk paraqitet vullnetarisht, ndaj saj do meren masa për shoqërimin forcërisht në prokurorinë e posaçme SPAK.
Tashmë Belinda Balluku është vënë zyrtarisht nën hetim dhe pritet që në ditët në vijim asaj ti komunikohet akuza e Shkeljes së pabarazisë në tenderat publikë. -
“Janë vr*rë 250 policë”, Shemsi Prençi: Presidenti të mblidhte Këshillin e Sigurisë
Deputeti i PD-së, Shemsi Prençi thotë se gjatë viteve të demokracisë janë vrarë më shumë se 250 efektivë policie të keqpërdorur nga politika, teksa një ditë më parë u vra dhe një gjyqtar. Ai shtoi se nëse BE do ta pranojë Shqipërinë me gjithë këto problematika, ai asnjëherë nuk do ta pranojë një gjë të tillë.
“Janë mbi 250 policë nga keqpërdorimi nga politika dhe dje kemi pasur gjyqtarin e parë të vrarë, në seancë gjyqësore. Teksa Shqipëri ka marrë rrugën për në BE. Nëse Evropa do të pranojë me këto problematika unë nuk dua të hyj sepse ne nuk e meritojmë. Sot është për të vënë duart në kokë.
Duhet të ishte mbledhur këshilli i sigurisë kombëtar. Presidenti është në gjumë. E ardhmja e shqiptarëve e krijuar nga ligjet dhe administrata e korruptuar që edhe Rama e pranon që është e korruptuar. Shoqëria duhet kuruar dhe duhet një strategji tjetër për pronat”, tha Prençi. -
“Astrit Kalaja e parandjeu ngjarjen ditën e krimit”, Prençi zbulon detajet e forta: Iu tha kolegëve se ka…
Ish-drejtuesi i policisë, Shemsi Prençi u shpreh se gjykatësi i ndjerë Astrit Kalaja kishte folur me kolegët e tij në kafe ditën e ngjarjes, duke iu thënë se se kishte një gjyq problematik për çështje prone.
Prençi tha se në një farë mënyrë, gjyqtari e kishte parandjerë se mund të kishte pasoja. Ai tha gjithashtu se nëse gjyqi do të mbahej në Shkodër, policia ishte në dijeni të rrezikshmërisë dhe sipas tij, do të merrte masa.
“I ndjeri Kalaja në kafe iu ka thënë kolegëve se kam një gjyq problematik për çështje prone. E kanë thënë kolegët. Dhe nuk i ka thënë dot dikujt tjetër. Dhe e ka ndjerë. Fati e donte që ai ishte nga Shkodra dhe palët nga Shkodra. Po të ishte në Shkodër gjyqi, policia e dinte rrezikshmërinë. Dhe harta e re e ndarjes së gjyqësorit çoi deri në shuarje e gjyqësorit dhe republikës”, tha Prençi