Katër civilë u vranë dhe katër të tjerë u plagosën në Afganistan të premten në një shkëmbim zjarri në një zonë kufitare me Pakistanin, tha për AFP guvernatori i provincës Spin Boldak të Afganistanit, Abdul Karim Jahand.Autoritetet talebane në Afganistan dhe qeveria pakistaneze akuzuan njëra-tjetrën të premten për hapjen e zjarrit në një zonë kufitare.
Tag: premten
-
Katër të vrarë në shkëmbim zjarri në kufirin Afganistan-Pakistan
-
Pas strukturave, Berisha mbledh të premten në takim edhe aleatët
Pas strukturave, Sali Berisha do të mbledhë të premten aleatët e tij në një hotel në Tiranë. Takimi pritet që të mbahet në orën 13:00.
Një ditë më parë, kreu i PD-së zhvilloi një takim me bazën demokrate në njësinë nr 9 në Tiranë.
Cikli i takimeve të kryedemokratit vijnë në një kohë kur brenda partisë janë shtuar zërat kritikë ndërsa ish-deputeti Ervin Salianji do të nisë sot nga Durrësi bashkëbisedimin me demokratët. -
Ukraina godet me dronë nënujorë tankerat ruse të ‘flotës në hije’ në Detin e Zi, anijet po dërgonin ‘fshehur’ naftë te klientët
Dronët nënujorë ukrainasë kanë goditur dy anije cisterna që i përkasin të ashtuquajturës flotë në hije të Rusisë në Detin e Zi, sipas një zyrtari në shërbimet e sigurisë së Ukrainës (SBU).
Ukraina mori përsipër sulmet pas shpërthimeve që goditën dy anijet të premten dhe të shtunën.
Një burim i tha CNN se dronët detarë Sea Baby ishin përdorur në një operacion të përbashkët nga SBU dhe marina. Të dy tankerët pësuan dëmtime të rënda dhe u nxorën praktikisht jashtë shërbimit raporton CNN.
Rusia përdor qindra anije cisterna, për të transportuar naftën e saj te klientët në kundërshtim me sanksionet. Anija tanker Virat me flamur të Gambisë u sulmua përsëri të shtunën, pasi pësoi dëme për herë të parë të premten, sipas Ministrisë së Transportit të Turqisë.
Anija ndodhet rreth 50 kilometra larg bregdetit turk. Të dhënat e gjurmimit të anijes treguan se ajo po ngadalësohej dhe po kthehej drejt bregdetit vonë të premten.
Destinacioni i Virat ishte i paqartë. Të dhënat e transportit treguan se ajo priste porosi në Detin e Zi. Ajo u sanksionua nga Shtetet e Bashkuara në janar kur lundroi me një emër tjetër, dhe nga Mbretëria e Bashkuar dhe Bashkimi Evropian më vonë këtë vit.
Të premten pati një shpërthim edhe në një anije tjetër që transporton naftë bruto ruse në një pjesë të afërt të Detit të Zi. Të 25 anëtarët e ekuipazhit në bordin e asaj anijeje cisternë, Kairos me flamur të Gambisë, u evakuuan. Asnjëra anije nuk ishte në ujërat turke kur u godit.
Top Channel
-
SHBA-ja ndalon vendimet për azil pas të shtënave në Uashington
Shtetet e Bashkuara po ngrijnë të gjitha vendimet për azil, thanë zyrtarët të premten, teksa presidenti Donald Trump, po ashpërson qëndrimin e tij kundër migrantëve pasi një shtetas afgan dyshohet se qëlloi me armë zjarri dy anëtarë të Gardës Kombëtare në Uashington më herët gjatë javës.
Sulmi i së mërkurës ndaj ushtarëve – njëri nga të cilët vdiq nga plagët e marra- ka nxitur një shtypje të re ndaj të huajve në SHBA, me Trumpin që është zotuar se do të pezullojë migrimin nga “vendet e botës së tretë”.
Joseph Edlow, drejtori i Shërbimeve të Shtetësisë dhe Imigracionit të SHBA-së (USCIS), tha se agjencia e tij ka “ndalur të gjitha vendimet për azil derisa të sigurohemi që çdo i huaj të kontrollohet dhe verifikohet në nivelin maksimal të mundshëm”.Ky vendim erdhi pas njoftimit të Trumpit vonë të enjten për planet për të “pezulluar në mënyrë të përhershme migrimin nga të gjitha vendete e botës së tretë për t’i lejuar sistemit amerikan të rikuperohet plotësisht”.
I pyetur se cilat kombësi do të preken, Departamenti i Sigurisë Kombëtare i tregoi agjencisë AFP një listë me 19 vende – përfshirë Afganistanin, Kubën, Haitin, Iranin dhe Mianmarin – që përballen me kufizime të udhëtimit në SHBA që nga qershori.
Ndërkaq, sekretari i Shtetit, Marco Rubio, tha të premten se SHBA-ja kishte ndalur përkohësisht lëshimin e vizave për të gjithë individët që udhëtojnë me pasaporta afgane.
“SHBA-ja nuk ka asnjë prioritet më të lartë sesa mbrojtjen e vendit tonë dhe njerëzve tanë”, theksoi ai.
Rahmanullah Lakanwal, 29 vjeç, i cili dyshohet se hapi zjarr ndaj pjesëtarëve të Gardës Kombëtare vetëm disa blloqe larg Shtëpisë së Bardhë, kishte qenë pjesë e një “force partnere” të mbështetur nga CIA që luftonte talibanët në Afganistan.
Ai hyri në Shtetet e Bashkuara si pjesë e një programi të zhvendosjes pas tërheqjes së ushtrisë amerikane nga Afganistani në vitin 2021.
Jeanine Pirro, prokurorja amerikane për Uashingtonin, tha të premten se Lakanwal do të akuzohet për vrasje lidhur me sulmin.
Sarah Beckstrom, anëtarja 20-vjeçare e Gardës Kombëtare të Virxhinias Perëndimore, e cila ishte dislokuar në kryeqytetin amerikan si pjesë e asaj që Trump e quajti një goditje kundër krimit, vdiq nga plagët e marra.
Ushtari i dytë i plagosur, 24-vjeçari Andrew Wolfe, ishte “duke luftuar për jetën e tij”, tha Pirro në programin Fox & Friends të Fox News.
Prokurorja e Përgjithshme, Pam Bondi, ka premtuar se do të kërkojë dënimin me vdekje ndaj Lakanwalit, duke e përshkruar atë si një “përbindësh”. -
Prishtina pa trasport publik/ Ministri Murati i përgjigjet akuzave të Ramës: Komuna s’bëri pagesat
Hekuran Murati dhe Përparim Rama
PRISHTINË- Ministri i Financave të Kosovës Hekuran Murati, ka reaguar ndaj akuzave të kryetarit të Prishtinës, Përparim Rama, i cili tha se transporti publik urban do të pezullohet për shkak të bllokimit të buxhetit nga qeveria Kurti.
Murati përmes një postimi në rrjetet sociale deklaroi se janë alokuar fondet e dhjetorit për Komunën e Prishtinës që të premten, madje para afatit ligjor, por stafi komunal nuk ka kryer pagesat dhe i ka lënë për të hënën. Ai akuzoi komunën se po e përdor situatën për propagandë politike në kurriz të qytetarëve.
Reagimi i plotë:
Të premten pasdite, Thesari e ka alokuar buxhetin e dhjetorit për Komunën e Prishtinës, para kohe, me idenë që të paguheshin disa fatura për shërbime esenciale, siç ishte energjia elektrike.
Mirëpo në fund të ditës, nga Thesari më njoftuan që përkundër alokimit, stafi i Komunës së Prishtinës kishin përfunduar orarin dhe nuk e kishin kryer asnjë pagesë, me arsyetimin se “i kryejmë të hënën”.
Fillimisht u habita, sepse kjo sjellje e tyre nuk përkonte me urgjencën që kishin paraqitur, kur kishin kërkuar alokim të parakohshëm.
Në vend se të paguanin faturat gjatë orarit të punës, Përparim Rama me nënkryetarët e tij kishin vendosur që të bëjnë propagandë anti-qeveri gjatë fundjavës, duke u ankuar për gjoja bllokadën.
Sepse po të paguanin faturat të premten, s’do të mund të vazhdonin propagandën të shtunën e të dielen
Kjo e sqaron edhe arsyen pse Lumir Abdixhiku me deputetët tjerë të LDK-së nuk e votuan buxhetin për Prishtinën në Kuvend.
Sepse në mungesë të kauzave reale, paskan vendosur që të mos i kursejnë as qytetarët e Prishtinës, me shpresën që mos dikush rastësisht u beson se fajin e paska Qeveria./ZËRI
-
Pezullimi i Ballukut, të premten në mëngjes mblidhet qeveria
Të premten në mëngjes do të mbahet një mbledhje e qeverisë, e cila do të nisë në orën 9:00. Ende nuk është bërë e ditur qëllimi i kësaj mbledhjeje, por që vjen pas vendimit për pezullim të Belinda Balluku si zv.kryeministre dhe ministre të Infrastrukturës dhe Energjisë. Rama dhe Balluku zhvilluan këtë të enjte një takim prej më shumë se 7 orësh në Kryeministri, ku më pas u bashkua edhe ish-ministri i Drejtësisë, Ulsi Manja.
-
U thirr të dëshmojë të Premten për ‘21 Janarin’, Berisha i bën kërkesën e papritur Spak-ut
Sali Berisha nuk do të dëshmojë askund të premten në SPAK për 21 janarin. Mësohet se, me anë të mbrojtësit të tij ligjor, Genc Gjokutaj, Berisha ka kërkuar të shtyhet marrja në pyetje në një datë tjetër, me argumentin se do të ndodhet jashtë territorit.
Paradite Berisha pranoi se ia kishin dorëzuar në dorë fletëthirrjen duke shtuar se është i gatshëm të dëshmojë. Ndërkaq javën e shkuar SPAK deklaroi se ia kishte nisur dy herë fletëthirrjen, së pari në banesë e më tej në PD dhe Kuvend, por vetë Berisha tha se nuk kishte marrë asnjë ftesë zyrtarisht. -
“Nuk jam në Shqipëri të premten”, Berisha informon SPAK-un pasi e thirrën për “21 Janarin”
Përmes avokatit të tij, Genc Gjokutaj, Sali Berisha informon SPAK se nuk do të jetë në Shqipëri të premten.
Për këtë shkak, ka kërkuar që të pyetet në dy ditët në vijim, ose pas së hënës.
Sali Berisha mori edhe urdhër-thirrjen për t’u paraqitur në Prokurorinë e Posaçme lidhur me çështjen e “21 Janarit”.
Berisha është njohur me këtë urdhër-thirrje dhe ka nënshkruar, këtë të hënë, teksa u paraqit në SPAK, në zbatim të masës “detyrim paraqitje”, raportojnë mediat sot.
Gjatë fjalës së tij para gazetarëve, ish-kryeministri, Sali Berisha, nënkuptoi dijeninë e tij për një njoftim të tretë nga SPAK për të dhënë deklarime për 21 janarin. Berisha nuk e deklaroi qartë, por pyetjes nëse ishtë njoftuar për t’u paraqitur të premten ish-kryeministri u shpreh: “Ja si vepron Spak, e marrin njoftimin gazetarët më herët”. -
Berishës i komunikohet në SPAK thirrja për dosjen e ’21 Janarit’, ja kur pritet të paraqitet ish-kryeministri
Prokuroria e Posaçme ka njoftuar për herë të tretë Sali Berishën për thirrjen lidhur me dosjen e 21 janarit. Burime nga SPAK bëjnë me dije se kreu i PD mori dijeni ditën e sotme dhe duhet të paraqitet të premten për t’u marrë në pyetje të premten.
Ditën e premte Berisha refuzoi të paraqitej në SPAK duke pretenduar se nuk kishte marrë asnjë fletë-thirrje për këtë çështje nga Prokuroria e Posaçme.
Ai kundërshtoi deklaratën zyrtare të SPAK i cili po atë ditë doli me një deklaratë zyrtare sipas të cilës kreut të PD dhe ish-kryeministrit Berisha i ishin dërguar 2 fletëthirrje për 21 janarin, duke i cilësuar të gjitha pretendimet si gënjeshtra.
Më heret kreu i PD u paraqit për zbatimin e masës detyrim paraqitje për dosjen ‘Partizani’, nga ku pati edhe një konferencë për gazetaret jashte dyerve te SPAK.
“Në këtë hetim më ftuar dhe unë do të vij do të dëshmoj”, u shpreh Berisha para Prokurorisë së Posaçme.
I pyetur nga gazetarët nëse është e premtja dita kur do të paraqitet në ambientet e SPAK për 21 Janarin, ish-kryeministri la të nënkuptohej që po, por pa zbuluar orën.
“Ja e shikoni ata njoftojnë përpara gazetarët se sa mua”, u shpreh Berisha.
Pjesë nga deklarata:
Berisha: Në këtë hetim më ftuar dhe unë do të vij do të dëshmoj.
Çfarë date ju caktuan
Berisha: Këtë do ta mësoni, kini durim
Mos është të premten z, Berisha?
Berisha: Urdhëroni?
Zakonisht të premten ju kanë thirrur
Berisha: Ja e shikoni ata njoftojnë përpara gazetarët se sa mua
U bë hamendeshim, mos është të premten -
“E çmendur histerike”/ Përplasje e ashpër mes Trump dhe aleates së tij të vjetër Marjorie Taylor Greene
Një përplasje e fortë publike ka shpërthyer mes presidentit amerikan Donald Trump dhe kongresmenes republikane Marjorie Taylor Greene, duke sinjalizuar prishjen e një aleance të gjatë mes presidentit dhe një prej mbrojtëseve më të zëshme të tij .
Të premten, Trump e quajti Greene “të çmendur” në postime në rrjetet sociale dhe tha se ajo duhet të lirojë vendin në zgjedhjet e vitit të ardhshëm. Të shtunën, ai e cilësoi madje si “tradhtare”.
Greene, ditët e fundit, ka vënë në dyshim nëse Trump po vendos ende “Amerikën të parën” dhe ka kritikuar mënyrën se si ai ka menaxhuar dosjet e Jeffrey Epstein. Përplasja vjen në një kohë kur Dhoma e Përfaqësuesve pritet të shqyrtojë nëse dosjet do t’i bëhen publike.
“Gjithçka që shoh nga ajo e çmendura janë vetëm ankesa”, shkroi Trump të premten mbrëma, duke pretenduar se ajo u kthye kundër tij pasi ai i tha të mos kandidonte për guvernatore apo senatore në shtetin e Xhorxhias. “Ajo u ka thënë shumë njerëzve se është e mërzitur që nuk i kthej më telefonatat,” shtoi Trump. “Nuk mund të marr çdo ditë telefonatat e një të çmendure histerike.”
Ai u zotua të mbështesë çdo republikan që garon kundër saj në zgjedhjet e ardhshme të mesmandatit, ku Greene kërkon rizgjedhjen. Sulmet e tij u ashpërsuan të shtunën në postime nga Florida, ku ai shkroi:“Marjorie ‘Tradhtare’ Greene është turp për partinë tonë”
Këto komente vijnë pas disa ditësh kritika nga Greene, e cila ka akuzuar Trumpin se nuk po bën sa duhet për të ulur kostot për votuesit. Ajo ka kundërshtuar edhe vendimet e fundit të tij për konfliktet e huaja dhe politikat e tarifave. Por kritikat më të forta i ka adresuar për mënyrën si po i trajton dosjet e Epstein.
Kthesa është e habitshme për një ligjvënëse që ka qëndruar krah Trumpit gjatë skandaleve të shumta, përfshirë edhe trazirat në Kongres më 2021, kur mbështetësit e Trumpit sulmuan Kapitolin për të bllokuar humbjen e tij elektorale. Trump gjithashtu e ka mbrojtur fort Greene kur ajo u akuzua për teori konspirative antisemitike.
Greene është një nga vetëm katër republikanët e Dhomës që iu bashkua demokratëve në firmosjen e një peticioni për publikimin e dosjeve të Epstein javën e kaluar.
Të premten, Greene shkroi në X se Trump po përpiqej të pengonte republikanët e tjerë të mbështesnin peticionin. Të shtunën, ajo deklaroi se Trump e kishte bërë objektiv kërcënimesh të nxitura “nga njeriu më i fuqishëm në botë”.
“Nuk adhuroj dhe nuk i shërbej Donald Trumpit,” shtoi ajo. “Unë i shërbej Zotit, Jezusi është shpëtimtari im, dhe i shërbej popullit amerikan.”
Trump ka përballur kritika prej vitesh nga të dyja partitë për trajtimin e dokumenteve të Departamentit të Drejtësisë mbi Epsteinin, financierin e ndjerë dhe pedofilin e dënuar. Ai ishte mik i Epstein për vite me radhë, por ka thënë se u prishën në fillim të viteve 2000, dy vite para arrestimit të parë të Epstein. Trump ka mohuar gjithmonë çdo lidhje të gabuar me të.Top Channel