Lajmidites.com

Tag: përgatitur

  • Lideri çeçen: Jemi të përgatitur për luftën në Europë, presim vetëm urdhrin e Putinit

    Lideri çeçen: Jemi të përgatitur për luftën në Europë, presim vetëm urdhrin e Putinit

    Lideri çeçen, Ramzan Kadyrov, ka shprehur hapur mbështetjen e tij për deklaratat e Presidentit rus, Vladimir Putin, lidhur me gatishmërinë e Rusisë për të hyrë në luftë me Evropën, nëse kjo e fundit do të niste një konflikt.
    Kadyrov theksoi se ushtria çeçene ka nevojë vetëm për një urdhër nga Moska për t’u përfshirë menjëherë në një përballje të tillë.Lexo edhe :Related Posts
    “Nuk do të ketë hezitim, Vladimir Vladimiroviç. Ne presim komandën tuaj. Çdo konflikt i tillë do të përfundonte shpejt dhe me vendosmëri, jo në favor të atyre që zgjodhën të fillonin një luftë me Rusinë”, shkroi Kadirov në kanalin e tij në Telegram.

    Deklaratat e tij vijnë pas fjalimit të Putinit në Forumin e Investimeve në Moskë, ku shefi i Kremlinit deklaroi se Rusia “nuk po përgatitet të shkojë në luftë me Europën”, por se është “plotësisht e gatshme” të reagojë menjëherë nëse vendet europiane nisin një konflikt.
    Pas këtyre deklaratave, Sekretari i Përgjithshëm i NATO-s, Mark Rutte reagoi duke theksuar se aleanca është e përgatitur dhe plotësisht e gatshme të mbrojë çdo vend anëtar. Ai nënvizoi se NATO nuk do të tolerojë asnjë sulm ndaj territorit të saj dhe e bëri të qartë se siguria kolektive mbetet e paprekshme./vizionplus.tv

  • “Rusia: Nuk kemi plane sulmi ndaj NATO-s, por jemi të përgatitur për çdo skenar”

    “Rusia: Nuk kemi plane sulmi ndaj NATO-s, por jemi të përgatitur për çdo skenar”

    Moska nuk ka plane për të sulmuar vendet e NATO-s, por po merr masa për të siguruar sigurinë kombëtare dhe për t’u siguruar që është e përgatitur për çdo zhvillim, tha zëdhënësja e Ministrisë së Jashtme ruse, Maria Zakharova.
    “Do ta përsërisim vazhdimisht se nuk kemi plane për të sulmuar vendet e NATO-s.
    Megjithatë, Rusia tashmë po merr të gjitha masat e nevojshme për të siguruar sigurinë, ndërsa aleanca po ndërton praninë e saj ushtarake pranë kufijve rusë”, theksoi ajo në një konferencë për shtyp.
    “Shkurt, ne jemi të përgatitur për çdo zhvillim, por ne i japim përparësi paqes, miqësisë dhe bashkëpunimit të barabartë”, shtoi Zakharova.
    Sipas diplomates, deklaratat që zyrtarët e shteteve anëtare të NATO-s bëjnë mbi këtë çështje, duket se janë pjesë e “një fushate të orkestruar për të indoktrinuar popullsinë e tyre, për të mbjellë frikë dhe për t’i mësuar njerëzit me idenë se një konflikt me Rusinë është i pashmangshëm, me qëllim që të justifikojnë llogaritjet e tyre të gabuara, gabimet dhe madje edhe krimet, dhe të shpjegojnë proceset katastrofike ekonomike që po zhvillohen aktualisht në vendet e tyre, si dhe për t’i shpëtuar çdo përgjegjësie”, vuri në dukje ajo.
    “Nëse strategët e NATO-s janë aq të çmendur sa të vendosin të sulmojnë Rusinë, ata nuk duhet të kenë dyshim se ne do të përgjigjemi duke përdorur çdo aftësi që kemi, diçka që udhëheqja ruse e ka thënë vazhdimisht”, përfundoi zëdhënësja e Ministrisë së Jashtme./ TASS.

  • Barazimi ndaj Dinamos, Tetova: Ishim përgatitur për mnaksimumin, por ky është futbolli

    Barazimi ndaj Dinamos, Tetova: Ishim përgatitur për mnaksimumin, por ky është futbolli

    Tekniku i Egnatias, Edlir Tetova dha mendimin e tij pas barazimit pa gola ndaj Dinamos.
    “Nuk ishte përgatitur kështu, mendoj se kishim defiçite në fillimin e pjesës së dytë, se në të parën nuk kam çfërë them peërveçse ishim shumë të nxituar, kemi humbur shumë topa të thjeshtë, rastet ishsin prezentë. Ata ndryshuan që në pjesën e  dytë me numrat 6 më poshtë, presingu më pas ishte si avantazh. Ata hapeshin në krah me mesfushorët. Të zbritnim një linjë më poshtë, me ndryshimin që bëmë, i bëmë mundëisnë Fernandos që të kishte vetëm kombinime dhe arritëm të krijonim tranzicionet.

    E rëndësishme që trajneri është të çojë ekipin një kundër një apo para portës, pastaj është zgjedhje emocionale e lojtarit që merr vendimin. Por e rëndësishëm është që në pjesën e parë dhe në fraksionin e pjesës së dytë skuadra shkoj rrjedhshëm, ashtu siç mendoj unë se duhet  të luajë futboll, pastaj mendoj se rezultatet do të vijnë”,

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Berisha: Rama kishte përgatitur një orë fjalim, por e detyruan të mos jetë në protestën e UÇK-së

    Berisha: Rama kishte përgatitur një orë fjalim, por e detyruan të mos jetë në protestën e UÇK-së

    Kryetari i Partisë Demokratike, Sali Berisha në një deklaratë jashtë parlamentit tha për gazetarët se kryeministri Edi Rama kishte përgatitur një fjalim në protestën që do të mbahet në Tiranë të premten për lirimin e luftëtarëve të UÇK-së, por e detyruan që të mos merrte pjesë.
    Pjesë nga deklarata:
    Hordhitë serbe neveritën dhe tmerruan botën me krimet të paimagjinueshme, të papara deri atëherë sipas shumë vëzhguesve që kryen në Lumë dhe kryesisht në fshatin Pobreg, por edhe në 32 komunitete të tjera.
    Ky gjenocid i Lumës ka kaluar i pa shqyrtuar, i pavlerësuar. Është i shkruar në të gjitha traktatet për gjenocidin, por jo në historinë shqiptare. Janë disa studiues që e kanë nxjerrë.
    Pas tij ishte gjenocidi i Tivarit. Shqiptarë të mbledhur pa asnjë lloj faji, veçse për etninë shqiptare, u dërguan dhe u vendosën para mitrolozëve, kaluan territorin shqiptar.
    Por meqenëse këtu ishte pjesëmarrëse edhe udhëheqja politike e Shqipërisë, të paktën për kohën që kaluan mbi territorin. Edhe këtë historia e Shqipërisë e mohon, e injoron.
    Tani, kemi të bëjmë me një zhvillim tjetër, kemi të bëjmë me gjenocid ciklik. Gjenocid për shqiptarët ka pasur dhe më përpara, por termi gjenocid ka lindur me vonesë, edhe kualifikimi.
    Lexova listën e rreshtuar nga parlamenti i Kosovës, i të gjitha masakrave që janë kryer në Kosovë tek civilët. Nuk bëhet fjalë këtu për luftëtarët e vrarë, anëtarët e UÇK-së, se ata janë palë lufte dhe kanë bërë luftën e tyre.
    Por në këtë është në mënyrë persistente, është hera e dytë që Edi Rama urdhëron grupin e tij parlamentar, antishqiptar vetë ai, armik i shqiptarëve të Kosovës, që të mos votojnë. Por dënimi i gjenocidit është një detyrim për çdo njeri. Nuk ka lidhje.
    Ti je i detyruar, e thashë dhe në parlament, edhe shqiptarët po ta kryejnë, që nuk ka ndodhur kurrë, duhet ta denoncosh. Nuk pranohet një krim i tmerrshëm siç është krimi i vrasjes së tjetrit, vetëm e vetëm se i përket një etnie tjetër.
    Nuk e pranojnë sepse lidhjet e tij me Vuçiçin janë tmerrësisht problematike, si për shqiptarët, për rajonin dhe për botën.
    Kjo që bëhet, e them këtu, meqë jemi, vetë ky me intrigat e tij dhe me burimet e tij, është një nga autorët e dramës së udhëheqjes politike të Kosovës.
    Përpiqet tani dhe do të dilte, kishte përgatitur fjalimin 1 orë. E kuptoni tani, do të fliste 1 orë, por nuk del dot.
    Pyetje: Pse?
    Berisha: Jo të gjitha pse-të do ti bëj unë publike.
    Pyetje: Jeni opozitë…
    Berisha: Jam opozitë, por unë çdo ditë bëj pse-të publike, por jo çdo pse.

  • Luftë me Rusinë në 2030/ Zbulohet plani i armatosjes së BE: 5 vite kohë për t’u përgatitur

    Luftë me Rusinë në 2030/ Zbulohet plani i armatosjes së BE: 5 vite kohë për t’u përgatitur

    Bashkimi Evropian ka pesë vite kohë për t’u përgatitur për një luftë të mundshme, sipas një plani ushtarak të përgatitur nga Komisioni Evropian dhe që do të paraqitet nesër në Bruksel.
    Plani, i zbuluar nga Politico, titullohet “Udhërrëfyesi i gatishmërisë së mbrojtjes 2030” dhe parashikon që deri në vitin 2030, Evropa duhet të ketë “një qëndrim mbrojtës mjaftueshëm të fortë, të aftë për të penguar në mënyrë të besueshme kundërshtarët e saj dhe për t’iu përgjigjur çdo veprimi agresiv”.
    Dokumenti që pritet të miratohet nga Kolegji i Komisionerëve të enjten, do të diskutohet nga udhëheqësit e BE javën e ardhshme. Ai përbën strategjinë e parë gjithëpërfshirëse të Unionit për t’u përgatitur për forcimin e kapaciteteve mbrojtëse, në një mjedis të përcaktuar nga pushtimi rus i Ukrainës dhe pasiguria në lidhje me qëndrimin e ardhshëm të Shteteve të Bashkuara nën udhëheqjen e Presidentit Donald Trump.
    Sipas draftit, “një Rusi e militarizuar përbën një kërcënim të vazhdueshëm për sigurinë evropiane në të ardhmen e parashikueshme”. Edhe pse buxhetet e mbrojtjes të shteteve anëtare po rriten me shpejtësi, pjesa më e madhe e shpenzimeve mbetet “në thelb kombëtare, duke çuar në fragmentim, rritje të kostove dhe mungesë ndërveprimi”.
    Komisioni propozon që të paktën 40% e prokurimit të mbrojtjes duhet të bëhet përmes prokurimit të përbashkët deri në fund të vitit 2027 (nga më pak se 20% sot), ndërsa deri në vitin 2028, 55% e prokurimit duhet të vijë nga kompani evropiane ose ukrainase, një përqindje që do të rritet në 60% deri në vitin 2030.
    Nëntë prioritete dhe tre projekte kryesore
    Plani rendit nëntë prioritete kryesore për të mbushur boshllëqet kritike të aftësive: sistemet e mbrojtjes ajrore dhe anti-raketave, lëvizshmëria ushtarake, artileria, inteligjenca artificiale dhe mbrojtja kibernetike, raketat dhe municionet, dronët dhe teknologjitë anti-dronë, sistemet e luftimit në tokë, asetet detare dhe gatishmëria e përgjithshme mbrojtëse.
    Ai gjithashtu prioritizon tre programe kryesore që Komisioni dëshiron t’i shohë të miratuara deri në fund të vitit. E para është ngritja e një strukture roje në krahun Lindor, për mbrojtje gjithëpërfshirëse në kufijtë lindorë të BE-së.
    Krijimin e Mburojës Ajrore Evropiane, për një rrjet shumështresor të mbrojtjes ajrore evropiane si dhe ngritjen e Mburojës Hapësinore, për mbrojtjen e infrastrukturës hapësinore të BE-së.
    Unioni planifikon që të gjitha projektet të fillojnë në gjysmën e parë të vitit 2026, me financim të plotë dhe kontrata të gatshme deri në fund të vitit 2028.
    Dimensioni ekonomik
    Komisioni vlerëson se BE mund të mobilizojë deri në 800 miliardë euro për mbrojtjen, duke përdorur instrumente financiare si programi SAFE prej 150 miliardë eurosh (kredi për pajisje), Programi Evropian i Industrisë së Mbrojtjes prej 1.5 miliardë eurosh, Fondi Evropian i Mbrojtjes dhe buxheti i ardhshëm shtatëvjeçar që do të miratohet në vitin 2027.
    Plani sqaron se shtetet anëtare mbeten sovrane për mbrojtjen e tyre kombëtare, por bën thirrje për bashkëpunim më të ngushtë, pasi investimet individuale çojnë në joefikasitet.
    Gjermania, në qëndrimin e saj, theksoi se qëllimi duhet të jetë “krijimi i kushteve që shtetet të arrijnë objektivat e tyre kombëtare dhe ndërkombëtare të aftësive”, ndërsa Suedia bëri thirrje për tregues për të matur “rezultatet e prekshme” në vend të përdorimit të mjeteve specifike.
    Koordinimi me NATO-n
    Komisioni thekson se plani do të zbatohet në koordinim të plotë me NATO-n, me qëllim shmangien e krijimit të strukturave paralele të mbrojtjes. Dokumenti gjithashtu pranon shqetësimet e vendeve në jug, si Italia dhe Spanja, duke theksuar se “Evropa nuk mund t’i injorojë kërcënimet që vijnë nga rajone të tjera të botës, si Lindja e Mesme dhe Afrika”.
    Objektivi qendror, sipas tekstit, është që BE-ja të fitojë një autonomi më të madhe strategjike në një botë gjithnjë e më të pasigurt. “Shtetet autoritare kërkojnë gjithnjë e më shumë të ndërhyjnë në shoqëritë dhe ekonomitë tona. Aleatët tanë tradicionalë po ndryshojnë prioritetet e tyre drejt rajoneve të tjera të botës. Qëndrimi dhe aftësitë tona mbrojtëse evropiane duhet të jenë gati për fushat e betejës së së nesërmes”, vëren drafti.

  • Norvegjia i frikësohet hakmarrjes së Trump nëse presidentit amerikan nuk i jepet Çmimi Nobel për Paqen

    Norvegjia i frikësohet hakmarrjes së Trump nëse presidentit amerikan nuk i jepet Çmimi Nobel për Paqen

    Vetëm pak orë kanë mbetur deri në shpalljen e Çmimit Nobel për Paqen të këtij viti, sipas gazetës Guardian dhe politikanët norvegjezë po përgatiten për pasojat e mundshme për marrëdhëniet SHBA-Norvegji, nëse çmimi nuk i jepet Presidentit të SHBA-së Donald Trump.

    Nuk është rastësi që Komiteti i Nobelit nxitoi të sqaronte të enjten me një njoftim se kishte marrë tashmë vendimin e tij përfundimtar në një takim që u zhvillua të hënën e kaluar, disa ditë para armëpushimit Izrael-Hamas që u arrit sipas planit të paqes të SHBA-së të Trump.
    Shpallja e Çmimit Nobel për Paqen për vitin 2025 është caktuar për të premten, më 10 tetor.

    NEW: Prime Minister Netanyahu praises President Trump after his administration brokered a historic peace deal to end the war in Gaza and bring hostages home, saying he deserves the Nobel Peace Prize. pic.twitter.com/sXRF7OQXig
    — Fox News (@FoxNews) October 9, 2025

    Duke pasur parasysh kohën dhe përbërjen e komitetit të pavarur prej pesë anëtarësh, shumica e vëzhguesve dhe ekspertëve të Nobelit e konsiderojnë shumë të pamundur që Trump të jetë fituesi i këtij viti. Kjo ka ngritur shqetësime në Oslo se si do të reagojë presidenti i SHBA-së nëse ai injorohet publikisht.
    Kirstie Bergsto, udhëheqëse e Partisë Socialiste të Majtë dhe zëdhënëse e politikës së jashtme, i tha gazetës Guardian se Norvegjia duhet të jetë “e përgatitur për çdo gjë”.
    “Donald Trump po e çon SHBA-në në një drejtim ekstrem, duke sulmuar lirinë e fjalës, duke përdorur forca sekrete sigurie për të arrestuar njerëz në mes të ditës dhe duke shtypur institucionet dhe gjykatat. Kur një president është kaq i paparashikueshëm dhe autoritar, sigurisht që duhet të jemi të përgatitur për çdo gjë”, tha ajo.
    Ajo vuri në dukje se Komiteti i Nobelit është i pavarur dhe se qeveria norvegjeze nuk është e përfshirë në vendimet e tij, por shtoi: “Nuk jam e sigurt nëse Trump e di këtë. Ne duhet të jemi të përgatitur për çdo gjë nga ana e tij.”

    Top Channel

  • Ministrja Spiropali takon VanHorn: Të jemi të përgatitur për të përballuar sfidat, bashkëpunim për sigurinë dhe luftën kundër krimit

    Ministrja Spiropali takon VanHorn: Të jemi të përgatitur për të përballuar sfidat, bashkëpunim për sigurinë dhe luftën kundër krimit

    E ngarkuara me Punë e Shteteve të Bashkuara në Shqipëri, Nancy VanHorn, zhvilloi një takim me Ministren për Europën dhe Punët e Jashtme, Elisa Spiropali.

    Takimi vjen pas takimit të nivelit të lartë të Asamblesë së 80-të të Përgjithshme të OKB-së dhe u fokusua në angazhimin e përbashkët për mbrojtje të qëndrueshme, luftën kundër krimit të organizuar dhe krijimin e kushteve të drejta ekonomike që nxisin zhvillimin.

    Postimi i Ambasades Amerikane
    Aleatët e përkushtuar të NATO-s sigurohen që të jenë të përgatitur për të përballuar sfidat e reja të kohës sonë – përfshirë shpenzimet e qëndrueshme në fushën e mbrojtjes për sigurinë afatgjatë, bashkëpunim të ngushtë për të luftuar organizatat kriminale ndërkombëtare dhe kushte të drejta ekonomike që u mundësojnë bizneseve të lulëzojnë.E Ngarkuara me Punë Nancy VanHorn zhvilloi një bisedë me Ministren për Europën dhe Punët e Jashtme, Elisa Spiropali, në rolin e saj të ri, pas javës së nivelit të lartë të Asamblesë së 80-të të Përgjithshme të OKB-së.

    Top Channel

  • Të frikësuar nga një luftë e mundshme agresive në Europë, Gjermania bën gati planin: Do trajtohen një mijë ushtarë të plagosur në ditë

    Të frikësuar nga një luftë e mundshme agresive në Europë, Gjermania bën gati planin: Do trajtohen një mijë ushtarë të plagosur në ditë

    Forcat e armatosura të Gjermanisë po hartojnë plane për të trajtuar deri në 1,000 ushtarë të plagosur në ditë, duke u përgatitur për ndonjë rast konflikti të madh midis NATO-s dhe Rusisë , mes shqetësimeve në rritje për një përshkallëzim të mundshëm. 

    Plani i emergjencës është pjesë e një përpjekjeje më të gjerë nga ushtritë evropiane për t’u përgatitur për një konfrontim të madh me Moskën, ndërkohë që NATO po paralajmëron se Rusia mund të jetë gati të nisë një sulm deri në vitin 2029 .
    Pavarësisht premtimeve të Kremlin-it se nuk po përgatitet për luftë me Aleancën Atlantike, shkeljet e fundit të hapësirës ajrore të saj (në Poloni dhe Estoni) nga avionët dhe dronët rusë kanë rritur frikën e përshkallëzimit.
    Kryemjeku i forcave të armatosura gjermane, Ralph Hoffman, tha se numri i të plagosurve do të varet nga intensiteti i luftimeve dhe njësitë e përfshira. “Realisht, po flasim për një numër prej rreth 1,000 ushtarësh të plagosur në ditë “, tha ai.
    Gjermania, siç theksoi Hoffman, po i jep shumë vëmendje trajnimin mjekësor për të plagosurit, duke nxjerrë mësime nga lufta në Ukrainë.
    “Natyra e luftës ka ndryshuar në mënyrë dramatike në Ukrainë “, theksoi ai, duke vënë në dukje se lëndimet tani vijnë më pak nga të shtënat me armë zjarri dhe më shumë nga shpërthimet dhe djegiet e shkaktuara nga dronët dhe municionet e humbura.
    Siç u bë e ditur gjatë verës, Gjermania po ashtu po planifikon të zgjerojë numrin e strehimoreve të saj rezistente ndaj bombave , nga frika e një sulmi nga Rusia në 4 vitet e ardhshme.
    Këto plane u njoftuan nga kreu i Zyrës Federale për Mbrojtjen Civile dhe Menaxhimin e Fatkeqësive , Ralf Tischler, i cili deklaroi se ekonomia më e madhe e Evropës duhet të kuptojë realitetin në të cilin jeton dhe se Gjermania duhet të jetë e përgatitur për një luftë të mundshme.
    “Për një kohë të gjatë, në Gjermani mbizotëronte bindja se lufta nuk ishte një skenar për të cilin duhej të përgatiteshim. Kjo ka ndryshuar. Ne jemi të shqetësuar për rrezikun e një lufte të madhe agresive në Evropë“, kishte deklaruar Tischler.

    Top Channel

  • A ra opozita pre e provokimit të Edi Ramës? Luan Baçi përgjigjet në QUO VADIS

    A ra opozita pre e provokimit të Edi Ramës? Luan Baçi përgjigjet në QUO VADIS

    Deputeti i PD, Luan Baçi i ftuar në studion e Quo Vadis të moderatores Pranvera Borakaj në Vizion Plus, komentosi situatën e ndodhur në Kuvend ditën e sotme, ku seanca plenare u ndërpre vetëm pas 25 minutash edhe pse ishte parashikuar të ishte maratonë.
    I pyetur nga moderatorja Pranvera Borakaj se a ra opozita pre e Edi Ramës? Baçi u përjigj se opozita ishte përgatitur për debat, por rrëmuja u krijua nga Edi Rama, i cili kërkonte të shmangte debatin.
    Pjesë nga biseda:

    Borakaj: Si u ndiet personalisht seancën e sotme?
    Baçi: Nuk është se jemi ndier mirë më parë, apo të kishim pritshmëri tjetër. Isha i bindur që Rama do të kërkonte mepatjetër të shmangte debatin.
    Borakaj: Ratë ju në seancën e Ramës?
    Baçi: Çfarëdo që të bënim ne, Rama do të këronte të krijonte situata siç i krijoi. Ishim përgatitur për senacë të gjatë maratonë, është seanca më e rëndësishme në fillimin e një legjislature. Opozita ka detyrimin të jetë në parlamentit dhe me anë të fjalës së të gjithë deputetëve. Opozita ishte e përgatitur për debat dhe për të bërë transparente.
    Borakaj: Kjo do të jetë sjellja dhe në katër vjeçarin e ardhshëm?
    Baçi: Opozita jo këtë herë por edhe në legjislaturat e kaluara, shumë media shumë portale, të gjithë diskutonin dhe thonin që është faji i i opozitës, pasi pak informacion jepet në këtë drejtim. Ndaj dhe ne jemi në media, për të bërë transparencë edhe me publikun. Nuk ka qenë opozta ajo që ka krijuar situata të tilla, ka qenë vetë mazhoranca që shkel rregulloren, Kushtetutën, i mohon fjalën opozitës, atëherë çfarë mudn të bënte.
    Borakaj: Ju sapo thatë që kryetari i opozitës këtë herë kishe kohë sa kryetari i mazhorancës?
    Baçi: Vetë Rama e krjioi situatën.
    Borakaj: Ju ratë pre e provokimit?
    Baçi: Jo nuk ramë pre e provokimit. Çfarë kishte kaq shqetësuese që Rama të ndërpriste seancën. Ai nuk është kryetar parlamenti por është kryeminsitër.

  • Puç kushtetues? Deputeti zbulon kurthin e Ramës me ‘Diellën’ inteligjente: Skenar për…

    Puç kushtetues? Deputeti zbulon kurthin e Ramës me ‘Diellën’ inteligjente: Skenar për…

    Deputeti i Partisë Demokratike, Blendi Himçi tha seanca e sotme plenare ishte një kurth për opozitën i përgatitur nga kryeministri Edi Rama.
    Në një intervistë televizive, Himçi u ndal te debatet dhe tensionet e shumta të kësaj të enjteje në Kuvend, teksa theksoi se shkak për reagimin e opozitës u bë përdorimi i kompjuterit për Diellën.
    “Sot ne u gjendëm para një kurthi të përgatitur nga kryeministri Rama i cili kishte përgatitur një skenar për prishje të kësaj seance.
    Është rasti i parë në gjithë këto vite të pluralizmit politik, kur një qeveri nuk shpalos programin në marrje të mandatit para Parlamentit, apo votëbesimit para Parlamentit dhe në shkelje të hapur me Kushtetutën e Shqipërisë.
    Kjo pastaj solli edhe pjesën e reagimit tonë më pas edhe në grupin parlamentar. Doja të thoja që shkak sigurisht u bë një inteligjencë artificiale që sigurisht kryeministri i ka vendosur emrin Diella dhe sigurisht që ne nuk mund të dëgjojmë diskutimin e një kompjuteri.
    Është fyerje e inteligjencës jo vetëm për deputetët e Kuvendit të Shqipërisë, por sigurisht edhe për qytetarët shqiptarë pasi shkelja e Kushtetutës është e hapur.Jemi pas një autokracie totale të komanduar nga Rama dhe që para kësaj situate padiskutim do të ketë një reagim të fortë nga ana jonë si opozitë.
    Në mbledhjen e grupit parlamentar ne kemi konstatuar 3 pika të cilat duhet patjetër të ndiqen: së pari edhe njëherë ribërja e seancës plenare për marrjen e votëbesimit të qeverisë, i kemi kërkuar me shkresë zyrtare Presidentit të Republikës që qeverisë të mos dekretojë ministrat sepse nuk kanë marrë votëbesimin në Parlament, dhe ajo që është pika e tretë, kemi kërkuar edhe mocionin për shkarkimin e kryetarit të Kuvendit, zotit Niko Peleshi, për arsye të shkeljes haptazi të Kushtetutës së Republikës së Shqipërisë për të cilën disa ditë më parë u betua që do ta ndiqte me përpikmëri, qoftë Rregulloren qoftë edhe Kushtetutën e Republikës së Shqipërisë.
    Situata është skandaloze, jemi në ditët më të zeza të demokracisë pasi Kushtetuta është dhunuar në mënyrën më të keqe të mundshme.
    Jemi para një puçi kushtetues i cili ka filluar që me shkelje të ngritjes së komisioneve dhe ndryshimit të Rregullores ku që në seancën e parë nisi me një shkelje kushtetuese”,-tha Himçi.