Lajmidites.com

Tag: pëllumbi

  • Ismail Syla: Dy zanafillat

    Ismail Syla: Dy zanafillat

    (Ontologjia e krijimit dhe ajo e kujtesës)

    Ese nga Ismail Syla

    “Dhe Perëndia tha: ‘U bëftë dritë!’ dhe drita u bë” (Zanafilla 1:3).“Dhe Perëndia kujtoi Noen…” (Zanafilla 8:1).

    Zanafilla e parë

    Fjalia e parë e Biblës është ajo e narratorit: “Në fillim Perëndia krijoi qiellin dhe tokën…” (Zanafilla 1:1). Që në krye të herës shfaqen dy përmasa të botës, ajo e larta, hyjnorja dhe bota tokësore, njerëzorja. Pastaj pason fjalia e dytë : “Toka ishte pa trajtë, e zbrazët dhe errësira mbulonte sipërfaqen e humnerës; dhe Fryma e Perëndisë fluturonte mbi sipërfaqen e ujërave, (Zanafilla 1:2), e cila bën shpjegime plotësuese për formën e tokës, që në fazën fillestare të krijimit ishte sterile, fare e populluar. E, gjëja më metafizike, forma më e pastër e idesë absolute në shfaqjen e radhës është Fryma e Perëndisë, që fluturon mbi sipërfaqen e ujërave. Deri këtu përvijohen katër përmasa të njohura të botës: qielli, toka, fryma e perëndisë dhe ujërat.

    Por fjalia më tronditëse është e treta: “Pastaj Perëndia tha: ‘U bëftë drita!’. Dhe drita u bë.” (Zanafilla, 1:3). Në këtë fjali për herë të parë Zoti shqipton tinguj fjale  me zë, përmes ligjëratës së drejtpërdrejtë. Është kjo një fjali e mënyrës urdhërore: “Bëhu dritë!” Dhe ajo bëhet.

    Më tej, zëri, fjala, logosi krijon botën materiale, e cila pothuajse kompletohet për gjashtë ditë. Ky është momenti kur Fjala bëhet botë, në të cilën zbrazëtia e tokës, sipërfaqja e ujërave dhe greminat ndriçohen. Kështu. krijimi nuk është më vetëm akt hyjnor, por lindje e ndërgjegjes së universit për ekzistencën e vet.

    Në Zanafillën e Parë, bota lind edhe nga fjala, jo vetëm nga materia, por nga tingulli që çan kaosin dhe bëhet materie . “Dhe Zoti tha…” e gjithësia e padukshme çanësohet (përkufizohet) në një rregull të parë. Kjo është Zanafilla e Logos-it: e fjalës si urdhër, si arkitekturë e padukshme e botës. Drita nuk prodhohet, por urdhërohet. Dhe kur drita shfaqet, ajo nuk është thjesht ndriçim; është vetë fillimi i mendimit, mundësia e vërejtjes së dallimit, kapërcimi i natës metafizike.

    Kështu, në kuptimin simbolik dhe metaforik njëkohësisht, drita bëhet përmasa e pestë biblike. Përmasa universale më thelbësore e botës – ndriçim krijues.

    Përmbytja

    Derisa në fillim të Zanafillës fjala është energji që sjell rend nga kaosi, më pas vjen njeriu, qenia që e njeh dhe përdorë fjalën, por edhe e thyen. Krijesa që merr frymë hyjnore ecën mbi tokë lëndore. Një ditë ndodh dëbimi i Adamit dhe Evës nga Edeni. Lindin brezat e parë, fillon  zhvillimi i njerëzimit dhe rritja e së keqes.  Bota e ndërtuar nga fjala rrezikohet nga prishja morale e njeriut. Ndodh  krisja: njeriu bëhet shkak i përmbytjes. Dhe Zoti merr vendim për përmbytje. I veçuari për mirë nga Ai, Noa, ndërton (v)arkën, strehon kafshët dhe bimët në të dhe fillon përmbytja (Zanafilla, 7).

    Koha e përmbytjes, 150 ditët e varkës, është koha e pezullimit. Koha që nuk prodhon histori. Koha kur botës i merret zëri. Por, Zanafilla e Parë nuk përfundon në katastrofë totale, në zhbërje, asgjësim. Gjen strehë në varkën e Noas, që ishte njeri i drejtë.

    Zanafilla e Dytë

    Pas heshtjes së gjatë dhe kaosit ujor, sipas narratorit biblik shfaqet kujtesa e Zotit. “ Edhe Perëndia kujtoi Noenë, e gjithë shtëzëtë, e gjithë bagëtitë që ishinë bashkë me atë nd’arkë (Krijimi 8:1, sipas përkthimit të K. Kristoforidhit). Kështu, nga ky çast fillon Zanafilla e Dytë, thënë kushtimisht –Zanafilla e Noas. Pra, midis pohimit hyjnor “tha” dhe ndërmendjes “kujtoi” ndodh drama e historisë njerëzore. Nuk ka shprehje më të bukur dhe më të qëlluar në gjuhën shqipe se sa shprehja Zanafillë, për gjenezën, krijimin (sipas K. Kristoforidhit). Zënie fill, pikë e nisjes, fill që ftillohet diçka, që niset, rritet dhe zhvillohet.    

    Me kujtesën e tij, kuptohet që Zoti nuk e harroi njeriun, por e harroi versionin e e devijuar, të cilin e ndëshkoi me zhdukje. Në këtë dritë, përmbytja është edhe një rit i vdekjes dhe rilindjes. Është zhytja në ujërat e kaosit për t’u pastruar nga papastërtia e ekzistencës së rreme. Si në traditën e mistereve antike, njeriu duhet të “vdesë” për të rilindur.

    Pra, Zanafilla e Dytë nuk është një fillim i ri nga asgjëja, por një rifillim pas dështimit të njeriut. Përmbytja nuk është thjesht një katastrofë natyrore, por një akt ontologjik, një pastrim kozmik, një ristart  metafizik. Kur njeriu e tejkalon masën e së keqes, vetë krijimi bëhet peng i mëkatit të tij. Varka e Noas lundron si një kujtesë që nuk fundoset. Ajo është njeriu që mban brenda të ardhmen, ndërsa jashtë mbytej e shkuara. Pra, Zoti nuk harron, por kujton – dhe në këtë kujtesë hyjnore, gjykon dhe zgjedh.

    Bota e Zanafillës së Dytë duke qenë e mbështetur mbi kujtesën fiton lirinë, jo lirinë absolute, por atë liri që ka kaluar përmes dënimit dhe që e kupton peshën e mëkatit. Pra, të jesh i kujtuar nga Zoti do të thotë të ekzistosh sërish. I formatuar ashtu je i denjë për vazhdimësi.

    Nëse në Zanafillën e Parë, fjala lind materien; në të Dytën, kujtesa lind ndërgjegjen. Në të parën, Zoti krijon me fjalë (akt i rendit) në të dytën, rikrijon me kujtesë (akt i mëshirës). Kështu, njeriu, i dalë fillimisht balta dhe fryma, tashmë del, zbret nga uji i përmbytjes. Uji,  substanca e dyfishtë e botës, është gjëja më konstante që ndryshon funksion.  Pra,  uji i parë është ontologjik, i dyti etik.

    Arka – simbol i kujtesës

    Arka e Noas nuk është thjesht një anije – ajo është një kapsulë kujtese. Një arkiv. Një enë e shenjtë që ruan esencën e krijimit, gjënë e paprekur nga mëkati. Në një univers që shkatërrohet, varka është i vetmi vend ku rendi ruhet. Është tempulli lëvizës që përmban ADN-në e botës së re. Arka, si e tillë, është anti-kaosi, kujtesë e trupëzuar e rendit të parë, besëlidhja që noton mbi ujërat e shkatërrimit.

    Nga këndvështrimi metaforik, Arka është edhe mendja e njeriut të pastër – ajo që mbetet e ndriçuar kur gjithçka rreth saj errësohet. Në këtë kontekst, Noa është prototipi i njeriut të drejtë, të ndershëm, që ruan urtinë, që kupton shenjat dhe lëviz sipas vullnetit të padukshëm. Ai nuk udhëheq Arken – ai udhëhiqet prej saj. Noa nuk e shpëton botën. E shpëton kujtesën e botës. Pra, në Zanafillën e Parë Zoti krijon specie, në të dytën, Noa i ruan ato.

    Korbi, pëllumbi dhe dega e ullirit

    Në krijimin e parë, jeta fillon nga fjala. Në krijimin e dytë, jeta fillon nga shenja. Edhe korbi, edhe pëllumbi edhe dega e ullirit janë shenja paralajmëruese. Shpendin e parë që Noa e lëshon në kërkim të tokës është korbi, shpendi që ushqehet me të vdekur. Kjo është prova e parë: a ka ende mbeturina të botës së mëkatit. A është toka ende e pushtuar nga vdekja. Korbi nuk kthehet, sepse ai gjen vend në errësirën e botës së shkatërruar. Korbi është hija e njeriut, instinkti i trashëgimisë së vjetër. Korbi është simbol i ujit të errët, ndërsa pëllumbi simbol i tokës së gjetur. Dega e ullirit është nyja lidhëse mes tokës dhe frymës. Korbi dhe pëllumbi janë dy shpirtra të botës së vjetër: Korbi, kërkon mbetjet e së shkuarës, pëllumbi kërkon të ardhmen.

    Shpendi i dytë që e lëshon në fluturim Noa është pëllumbi. Herën e parë kur dërgohet, ai nuk gjen askund të pushojë. Dhe kthehet. Ky kthim është shenja se njeriu nuk është ende gati për tokën e re. Pëllumbi është fryma, shpirti i qetë, kërkimi i së mirës. Vetë kthimi i tij është një mësim: ndërgjegjja nuk lind menjëherë, por kërkon vend ku të pushojë. Kur dërgohet për herë të dytë, ai gjen vend, pra bota ka kaluar nga kaosi në një urdhër të ri. Pëllumbi është fryma që kërkon vend për të pushuar. Është ndërgjegjja që kërkon tokë morale. Kur kthehet me degën e ullirit, nuk sjell vetëm gjetjen e tokës, por shenjën e parë të paqes midis kujtesës dhe krijimit.

    Ulliri biblik nuk është vetëm simbol i paqes. Është pemë e dritës, pemë e vajit, e shenjtërimit. Dega që pëllumbi sjell nuk është vetëm shenjë se toka ka dalë mbi ujë. Ajo është shenjë se Zanafilla e Dytë ka ardhur, se ndërgjegjja është ringjallur, dhe “mëkati” mund të mbijetojë, por tashmë është i përballueshëm, i njohur, dhe i falur.

    Dalja në tokë – rindërtimi i simbolit

    Kur përmbytja mbaron dhe toka rishfaqet, starton Zanafilla e Dyzë. Por kjo nuk është thjesht kthimi në pikën zero,  është një rikonstruksion i ndërgjegjshëm i jetës. Në shenjë të kësaj fryme Noa ndërton altarin, veprim ky që e lidh realitetin e ri me burimin e tij hyjnor. Është shenja se krijimi nuk do të jetë më spontan, por do të kërkojë përkushtim, lidhje dhe përulësi.

    Pra, në këtë akt të dytë, nuk jemi më në fillimin e kohës, por në palcën e kujtimit. Toka e re nuk është një tjetër planet,, por hapësira ku njeriu kupton. Dhe kur pëllumbi kthehet me degën e ullirit, nuk sjell thjesht shenjën e tokës, por e sjell shenjtërimin e faljes.

    Harku i ylberit

    Në Zanafillën 9:12–17, harku në re është hedhja e nënshkrimit nga dora e Zotit për besëlidhjen në ardhje. Derisa në krijimin e parë, nuk ka nevojë për shenjë, sepse krijimi flet vetë, rifillimi ka nevojë për kujtesë. Ylberi është marrëdhënia e parë e vizualizuar midis njeriut dhe Zotit, jo fjalë, por ravijëzim i hartës së fatit. Është përforcim i idesë që botën nuk e mban vetëm substanca fizike por edhe kontrata moral ,- Besëlidhja.

    Në vend të mbylljes

    Dy Zanafillat nuk janë histori të ndara, por dy pole të një spirale që tërheqin njëra tjetrën. Nëse përmbytja ishte harresa e moralit të origjinës, kujtesa është rikrijimi i saj mbi themele më të thella. Në Zanafillën e Parë njeriu del nga balta. Në të dytën, njeriu del nga uji i shkatërrimit. Krijimi i parë është i pafajësisë. Krijimi i dytë është i ndërgjegjes. Njeriu i parë frymon. Njeriu i dytë kujton. Bota e parë fillimisht është e pastër. Bota e dytë është e falur. Përfundimisht Ndërgjegjja është  Zanafilla e Dytë e njeriut.

    Prishtinë, 11 nëntor 2025

    ObserverKult

    Lexo edhe:

    ISMAIL SYLA: GJUHA E RËNIES

  • La në burg Veliajn, Engert Pëllumbi zgjidhet kryetar i Shoqatës Kombëtare të Gjyqtarëve

    La në burg Veliajn, Engert Pëllumbi zgjidhet kryetar i Shoqatës Kombëtare të Gjyqtarëve

    erion veliaj-Engert Pëllumbi

    TIRANË- Gjyqtari i Gjykatës së Posaçme Engert Pëllumbi është zgjedhur kryetar i Shoqatës së Gjyqtarëve. Në mbledhjen e zhvilluar ditën e premte, 31 tetor, u zgjodhën edhe 14 anëtarët e rinj të shoqatës. Engert Pëllumbi është gjyqtari që la në masa arrest në burg Erjon Veliaj në apelin e GJKKO.

    Njoftimi:
    Shoqata Kombëtare e Gjyqtarëve të Republikës së Shqipërisë, e mbledhur ditën e premte, më datë 31.10.2025, mori disa vendime të rëndësishme ne vijim të funksionimit të saj. Asambleja e Përgjithshme e Anëtarëve të Shoqatës, pas konsultimeve, me votë unanime mori vendimet e mëposhtme:
    1.     Z. Engert Pëllumbi u zgjodh Kryetar i Shoqatës;
    2.     Z. Ardit Kuka u zgjodh Nënkryetar i Shoqatës;
    3.     Znj. Valjona Haxhiraj u zgjodh Sekretare e Shoqatës;
    4.     Anëtarë të Këshillit Drejtues të Shoqatës (duke përfshirë Kryetarin dhe Nënkryetarin e saj) u zgjodhën gjyqtarët Engert Pëllumbi, Ardit Kuka, Ina Hoxhaj, Manjola Xhaxho, Ervin Sulaj, Fatri Islamaj, Erjon Bani, Elsa Ulliri dhe Albert Keraj;
    5.     U vendos pranimi i 14 (katërmbëdhjetë) anëtarëve të rinj në Shoqatë si dhe u bënë disa ndryshime në Statutin e saj.

  • Engert Pëllumbi zgjidhet kryetar i Shoqatës Kombëtare të Gjyqtarëve

    Engert Pëllumbi zgjidhet kryetar i Shoqatës Kombëtare të Gjyqtarëve

    Shoqata kombëtare e gjyqtarëve, ka zgjedhur kryetar gjyqtarin Engert Pëllumbi.
    Pëllumbi është gjyqtari që la në masa arrest në burg Erion Veliaj në apelin e GJKKO.

    NJOFTIM PËR MEDIAT

    Shoqata Kombëtare e Gjyqtarëve të Republikës së Shqipërisë, e mbledhur ditën e premte, më datë 31.10.2025, mori disa vendime të rëndësishme ne vijim të funksionimit të saj.

    Asambleja e Përgjithshme e Anëtarëve të Shoqatës, pas konsultimeve, me votë unanime mori vendimet e mëposhtme:
    1. Z. Engert Pëllumbi u zgjodh Kryetar i Shoqatës;
    2. Z. Ardit Kuka u zgjodh Nënkryetar i Shoqatës;
    3. Znj. Valjona Haxhiraj u zgjodh Sekretare e Shoqatës;
    4. Anëtarë të Këshillit Drejtues të Shoqatës (duke përfshirë Kryetarin dhe Nënkryetarin e saj) u zgjodhën gjyqtarët Engert Pëllumbi, Ardit Kuka, Ina Hoxhaj, Manjola Xhaxho, Ervin Sulaj, Fatri Islamaj, Erjon Bani, Elsa Ulliri dhe Albert Keraj;
    5. U vendos pranimi i 14 (katërmbëdhjetë) anëtarëve të rinj në Shoqatë si dhe u bënë disa ndryshime në Statutin e saj.

  • Engert Pëllumbi zgjidhet kryetar i Shoqatës së Gjyqtarëve

    Engert Pëllumbi zgjidhet kryetar i Shoqatës së Gjyqtarëve

    Gjyqtari Engert Pëllumbi është zgjedhur kryetar i Shoqatës Kombëtare të Gjyqtarëve. Sipas njoftimit të shoqatës, nënkryetar është zgjedhur Ardit Kuka, ndërsa Valjona Haxhiraj është zgjedhur Sekretare e Shoqatës.
    Njoftimi i Plotë:
    Shoqata Kombëtare e Gjyqtarëve të Republikës së Shqipërisë, e mbledhur ditën e premte, (31 tetor), mori disa vendime të rëndësishme ne vijim të funksionimit të saj. Asambleja e Përgjithshme e Anëtarëve të Shoqatës, pas konsultimeve, me votë unanime mori vendimet e mëposhtme:
    1. Engert Pëllumbi u zgjodh Kryetar i Shoqatës;
    2.  Ardit Kuka u zgjodh Nënkryetar i Shoqatës;
    3.  Valjona Haxhiraj u zgjodh Sekretare e Shoqatës;
    4. Anëtarë të Këshillit Drejtues të Shoqatës (duke përfshirë Kryetarin dhe Nënkryetarin e saj) u zgjodhën gjyqtarët Engert Pëllumbi, Ardit Kuka, Ina Hoxhaj, Manjola Xhaxho, Ervin Sulaj, Fatri Islamaj, Erjon Bani, Elsa Ulliri dhe Albert Keraj;
    5. U vendos pranimi i 14 (katërmbëdhjetë) anëtarëve të rinj në Shoqatë si dhe u bënë disa ndryshime në Statutin e saj.
     

  • Pëllumbi pellazg në Kulturën e Vinçës

    Pëllumbi pellazg në Kulturën e Vinçës

    Garat me pëllumba janë një traditë e jona mijëra vjeçare . Që pëllumbat garues të ngjiten lartë në qiell (800-1500m)  duhet pasur edhe kushtet klimatike që e mundësojnë atë fluturim të lartë ; temperatura e ajrit ndërmjet 18 dhe 20 shkallë ,erërat e lehta veri-perëndimore. Pëllumbi garues duhet ta mbërrij lartësinë  mbrenda 30 minutash , dhe atje lartë në qiell t´i tregon  aftësitë e tija të fluturimit dhe lazdrimit  me qëndrim deri në 5 orë. Edhe  për të prekur tokën nga ajo lartësi ,varet prej  guximit dhe krenarisë së pëllumbit , e kjo zbritje plot sharmë zgjatë nga 15 minuta e deri në dy orë.

    Sa është i vjetër pëllumbi në anët tona ,këtë nuk mund ta thotë askush , janë mijëra vjeçarët në pyetje.

    Por ,pse pëllumbi i ynë nga Romakët u quajt Columba illyrica – Pëllumbi ilir? ai sigurisht e kishte ndonjë veti , pamje apo aftësi më shumë se të tjerët .

    ” Shteti Ilirik shtrihej nga Adriatiku në perëndim e në veri e përfshinte  Slloveninë dhe Kroacinë e sotme , në lindje  deri te lumi Danub  në jug Kosova dhe Shqipëria. Ilirët e sollën  me vete rasën e vjetër Babilonase  të pëllumbave. Pëllumbi shihej si shpezë e shenjt se pse disa nga ata fluturonin lartë në qiell dhe priftërinjt e kohës mendonin që pëllumbat janë në kontakt të vazhdueshëm me Zotërat dhe  të tillët janë kumtues dhe sjellin edhe kumte.”(Joca Naumovic , Serbian Highflyers) “

    “ Kur sllavët erdhën këndej pari pas shek.VI-të  e panë dhe e takuan për herë të parë pëllumbin e shenjt ,me puplat e tija plotë shkëlqim  dhe vijëzëllimë (Joca Naumoviç) ”

    Dhe  si zakonisht  serbët të aftë për përvetësim e quajtën Pëllumbi Arkangjel, ku pas shekujve të 13 dhe 14 Pëllumbi ilirik rritej në manastiret ” serbe ”.Gjëja se  sipas historiografëve serb ,edhe kur paskan pas “ ikur “ serbët nga turqit  ( pas 1389) e paskan pas marrë me vete edhe këtë shpezë të bekuar.

    Arkeologu anglez A.J.Evans , e kishte vizituar Pejën në vitin 1884. Ai i kishte vërejtur sistemet e ujitjes në këto anë që i ngjanin atyre të gjetura në Babiloni. Ai shkruan se në Kosovë ju mund të gjeni Delen Ilirike, Buallicat, Gomerët si dhe kuajt e vegjël. Ai i thoshte një miku të tij serb adhurues i pëllumbave nga Beogradi (Djoka Djordjevic): ” Në se e kërkoni paraardhësin e pëllumbave të juaj atëherë Pëllumbat e shenjt që nga koha e Ilirëve mund ti gjeni ende në qytetin e Pejës ( Viti 1884 ,pra)

    Kultura e Vinçës ngërthen në vete të kaluarën tonë pellazge dhe pellazge­-ilire : Në vendin e quajtur Vuqjedol është gjetur një shembull i shkëlqyer i frymëzimit artistik ,  dhe simbol fetar i kulturës dhe  qytetërimit të hershëm pellazg (Europian)- Pëllumbi i Vuqjedolit. Ky pëllumb i lartë 53 cm është i bër nga balta e pjekur. Në qafë i ka të gdhendura tri simbole të dyfishta të një sopateje; modelet  jo të zakonshme i mbulojnë krihet dhe gjoksin kurse kreshtat e larta ia zbukurojnë kokën Shenjat e gdhendur pikërisht në krihë dhe pikat e gjoksit dëshmojnë për një racë vendore të pëllumbit ,4500 vjet më parë . Ngritja dhe kultivimi i pëllumbave ,me këtë gjetje dëshmon kohën shumë më të largët të lashtësisë ,dhe ky është pëllumbi më i vjetër që është zbuluar ndonjë herë në Europë

    Ngritën shumë pyetje me këtë zbulim ,  a ka ndonjë lidhshmëri  me gjetjet e pëllumbave të shpellave, a ka  ndonjë lidhje me pëllumbat sumerian të Babilonisë e që mendohet të jenë stër-stërgjyshi i pëllumbit ilir. Por matjet dhe krahasimet tregojnë se ngjashmëria është shumë e madhe

    Për shumë specialist , ky zbulim i pëllumbit të famshëm të Vuqjedolit në fakt tregon se është një thëllëzë ( simboli Hephaestus) simbol  cili lidhet   me kohën në metalurgjinë e kohës , e që është  një epokë e lavdishme e kuturës së Vinçës.

    Ilirëve iu  kisha  mbetur shumë ”borxh” sikur edhe në këtë rast nuk e kisha përmendur birrën Ilire ”Sabaja ” . Por ç´ka lidhje birra me pëllumbin? Shumë ,bile.

    Columba illyrica  dhe Birra Sabaja  , dy detale të vogla që kanë lënë gjurmë në të kaluarën tonë  antike të harruar . Po  sistemi i ujitjes ne rrethin e Pejës i ngjashëm me atë të Babilonisë ?

    E kemi ditur që Ilirët ishin të njohur edhe për birrën e tyre Sabaja ?

    Hocataeusi , një historian grek  i cili shkrunte që në shek. e 5-të prK, kishte cekur se Pajonët , banorët e vjetër t Maqedonisë së Aleksandrit të Madh e pinin një pije të bërë nga elbi , kurse një tjetër historian Hellanleus (466 prK) flet pë disa njerëz që e pinin një birrë të bërë nga rrënjët. Aristoteli shkruante se birra me emrin piuon kishin dhimbje kreje dhe fytyrat e tyre rrinin të varura .(The Montreal Daily Herald 1892).

    Pra  Ilirët e lashtë e  prodhonin dhe pinin   birrën nga  elbi.. Por me ardhjen e romakëve  birra konsiderohet si një pije e klasit të ultë , pije barbarësh (Ilirët ,barbar?)

    Birra e lashtë ishte një lëng elbi me origjinë nga Iliria, dhe që sabaja dhe sabaium ishte fjalë ilire e kohës (H. Krahe , Die schprache der Illyrer , Wiesbaden 1955 ),kurse sabaiarius mund të quheshin fermentuesit e birrës së elbit.

    Romakët ishin të mësuar me verën ilire me mjaltë dhe kur e pushtuan Ilirinë , birrën Sabaia e quajtën pije barbare.

    Pra gëzuar me një gotë birrë Sabaia , duke  i pritur pëllumbat ilirik të zbresin nga qielli !

    Plotësim në atë që e lexuat :  

    http://www.jadranko.se/england/history.htm http://srpskivisokoletac.8m.com/newpage6.htm

    20.11.13 Gjakovë

  • Biblioteka e Kuvendit pasurohet me fondin intelektual të Prof. Dr. Servet Pëllumbit

    Biblioteka e Kuvendit pasurohet me fondin intelektual të Prof. Dr. Servet Pëllumbit

    Në ambientet e Bibliotekës së Kuvendit të Shqipërisë u zhvillua sot një ceremoni e veçantë për dorëzimin e një fondi librash të dhuruar nga ish-Kryetari i Kuvendit, Prof. Dr. Servet Pëllumbi, një nga figurat më përfaqësuese të jetës parlamentare, akademike dhe intelektuale shqiptare të pas viteve ’90.
    Në përmbushje të vullnetit dhe dëshirës së tij për të kontribuar në trashëgiminë institucionale dhe kulturore, veprat u dorëzuan simbolikisht në emër të tij nga deputeti Arben Pëllumbi, i biri i akademikut dhe politikanit të njohur. Në fjalën e tij, z. Pëllumbi theksoi larminë e titujve të dhuruar, që përfshijnë vepra filozofike, historike, letrare, si dhe kujtime personale dhe dëshmi të vyera nga jeta parlamentare e pas viteve të tranzicionit politik në Shqipëri.

    Ai veçoi si një vepër të veçantë “Fjalorin filozofik”, të cilin e cilësoi si një gur themeli për studiuesit dhe të rinjtë e botës akademike që kërkojnë të thellojnë kuptimin mbi konceptet dhe zhvillimin e mendimit filozofik në shqip.
    Të pranishëm në ceremoni ishin përfaqësues të Kuvendit, drejtues të strukturave parlamentare dhe figura të botës akademike. Akademik Kosta Barjaba, këshilltar i Kryetares së Kuvendit, vlerësoi figurën e Prof. Dr. Pëllumbit si një ndër kontribuuesit më të spikatur në jetën politike dhe mendimin demokratik shqiptar. Sipas tij, vepra e Pëllumbit përfaqëson një lidhje të fuqishme midis praktikës parlamentare dhe reflektimit filozofik mbi shtetin dhe shoqërinë shqiptare.
    Nga ana e saj, znj. Lidra Bushati, Drejtoreshë e Shërbimit të Botimeve dhe Bibliotekës Parlamentare, nënvizoi rëndësinë simbolike dhe kulturore të kësaj dhurate. “Sot nuk pranojmë thjesht disa libra. Sot mirëpresim një pjesë të trashëgimisë intelektuale të një personaliteti që ka ndikuar në mënyrë të qenësishme në jetën politike dhe akademike të vendit,” tha ajo.
    Albert Vataj
    Prof. Dr. Servet Pëllumbi, autor, pedagog, filozof dhe politikan me një karrierë të gjatë, mbetet një zë i rëndësishëm në historinë e mendimit politik shqiptar. Vepra e tij ndërthur përvojën personale me analiza teorike të thella mbi demokracinë, tranzicionin, etikën publike dhe funksionimin e institucioneve. Në thelb, ajo është jo vetëm një pasqyrë e një epoke të vështirë, por edhe një udhërrëfyes për ndërtimin e një shoqërie demokratike, të drejtë dhe funksionale.
    Kjo iniciativë pasuron fondin e Bibliotekës së Kuvendit dhe njëherazi shërben si akt simbolik i ruajtjes dhe përçimit të dijes në institucionin më të lartë përfaqësues të vendit.

  • Arben Pëllumbi: PS synon 77 deputetë në të gjithë vendin, 20 në Tiranë

    Arben Pëllumbi: PS synon 77 deputetë në të gjithë vendin, 20 në Tiranë

    77 mandate në rang vendi dhe 20 deputetë në qarkun e Tiranës. Këto janë objektivat e Partisë Socialiste për zgjedhjet e 11 Majit, të cilat deputeti i mazhorancës, Arben Pëllumbi i shpaloi në studion e “Debat” nga Alba Alishani, në A2 CNN.
    “Ne sot jemi 18 mandate në Tiranë, kur Tirana kishte 36 mandate. Tani Tirana ka shkuar në 37 mandate, dhe ne pretendojmë që mandati shtesë i Tiranës duhet të fitohet nga ne. Ky është objektivi minimal i yni që të shkojmë në 19 mandate. Ai optimisti i joni është që të shkojmë në 20 mandate. Unë do të mbështetësja atë që tha kryeministri që ne synojmë 77 mandate në rang vendi, që më duket objektivi më realist. Sigurisht mund të shkojmë edhe përtej kësaj, por le të qëndrojmë te ky objektivi këtu”, tha Pëllumbi.
    Më tej ai nënvizoi se PS nuk e diskuton fitoren e zgjedhjeve, por kërkon një votë masive nga shqiptarët, në shenjë mbështetjeje për rrugën e vendit drejt integrimit në Bashkimin Europian.
    “Unë besoj që përballja me qytetarin, takimi me at është ajo që ty të bën të kuptosh peshën, e asaj që të është caktuar. Ne nuk besojmë që do të humbim. Ne kur flasim themi që ti japim një mesazh të fortë Europës. Pra populli shqiptar ti japë një mbështetje qeverisë së vetë, në rrugën europiane, Nuk bëhet fjalë për të fituare, kjo nuk diskutohet., Jo vetëm sondazhet por ne jemi përditë në kontakt me njerëzit”, deklaroi Arben Pëllumbi.

  • “LaCivita, i paguar për t’i ardhur në ndihmë Berishës”/ Pëllumbi: S’është hera e parë që PD paguan lobista në SHBA

    “LaCivita, i paguar për t’i ardhur në ndihmë Berishës”/ Pëllumbi: S’është hera e parë që PD paguan lobista në SHBA

    Deputeti i Partisë Socialiste, Arben Pëllumbi thotë se Chris LaCivita është i paguar nga PD, për t’i ardhur në ndihmë Sali Berishës.
    Në emisionin “360 gradë’, Pëllumbi u shpreh se nëse SHBA do dërgonte mesazh, do i hiqte non gratën Berishës, gjë që nuk ka ndodhur.
    “Nuk është hera e parë që partitë politike shqiptare, në mënyrë të veçantë PD, thërret në ndihmë figura që vijnë nga SHBA, apo paguan lobista në SHBA. Kjo nuk është një gjë e re, i kemi pasur rezultatet. Fakti që erdhi, me siguri do jetë paguar. Po flas për fushata të tjera, kur kemi pasur çështje në lidhje me pagesat që ka bërë PD, në funksion të lobimeve në SHBA. Nëse realisht, qeveria e SHBA do t’i japë mesazh popullit shqiptar, e ka në dorë, mos ta lodhi të vinte këtu këtë zotërinë, mund të hiqte non grata dhe mjaftonte për t’u lexuar, ia kursenin edhe lekët shqiptarëve. E dyta, nëse themi sesa i rëndësishëm është zoti Berisha për familjet shqiptare, më mirë të na e lejë ne shqiptarëve ta gjykojmë”, theksoi ai.

  • “Drejtësia e re dhe SPAK vranë frikën”, Pëllumbi: PD me fytyra të njëjta, janë grupuar si në burg dhe nuk përballen me qytetarët

    “Drejtësia e re dhe SPAK vranë frikën”, Pëllumbi: PD me fytyra të njëjta, janë grupuar si në burg dhe nuk përballen me qytetarët

    Kandidati i PS, Arben Pëllumbi, në ‘Studio Live’, ka komentuar zgjedhjet e 11 majit, ndërsa tha se në Shqipëri votojnë shqiptarët dhe jo amerikanët.Ai akuzoi PD-në si parti e shkatërrimit në çdo qeverisje të saj.
    “Këtu nuk voton as presidenti i SHBA, as sekretari dhe as ministri në Amerikë, por votojnë shqiptarët. Këta e prishën gjithçka, me idenë e çekut të bardhë, e zëruan gjithçka, i prishën dhe e lanë në këtë gjendje. Nuk i kemi më industritë, fabrikat, uzinat, bujqësinë, fermat, që u prishën të gjitha nga qeverisja e PD-së. Me PD gjithnjë ka pasur qeverisje problematika e të vështira. Këta lanë borxhe të mëdha kur ikën më 2013, vendi shpëtoi fal asaj marrëveshje që qeveria e PS bëri me FMN-në, se këta lanë dëme pas. Nuk është më drejtësia e dikurshme kur kreu i tatimeve drejtonte nga zyra, edhe pse drejtësia e hetonte dhe gjykonte për krime, nuk e di se çfarë drejtësia ishte kur kryeprokurorja quhej lavire bulevardi. Ai fshiu serverat, nuk la prokurorinë të hetonte. Sa për Sorrosin atë e solli Berisha në Shqipëri. SPAK dhe Drejtësia sot kanë vrarë frikën. Ne do jemi në mbështetje të tyre, kanë të gjithë mbështetjen tonë, për më tej do shihet pas rezultatit të zgjedhjeve, nëse do zgjatet apo jo mandati i prokurorëve. Do diskutohet kur ne të na besohet mandati i ardhshëm, e nuk bëhet fjalë për shkrirje, por rregullime dhe përshtatje me legjislacionin e BE-së”.
    Pëllumbi akuzoi se PD-ja ka ende fytyrat e njëjta, të shkuara, të qeverisjes së parë, aq sa edhe veten e kanë vendosur në lista të sigurta nga frika, kurse të tjerët në listat e hapura për të mbledhur votat e bërë fushatën.
    “Në PD fytyra të njëjta. Nuk gënjehen shqiptarët, shiko listën e PD-së të kuptosh. Ja tek është, këta do vijnë në pushtet? Pse nuk vendosën njerëz si ju (i drejtohet Hoxhës) të rrisnin besimin e qytetarëve, por futën veten e tyre në listat e sigurta, janë mbyllur atje, janë grupuar si në burg dhe nuk përballen me qytetarët në teren për votat. E thashë, këta në qeverisjet e tyre vetëm rrënim kanë sjellë”, u shpreh Pëllumbi.

  • Zgjedhjet/ Pëllumbi: PD bën premtime elektorale se e di që nuk fiton! Hoxha: Do bëjmë përmbysje historike, PS edhe programin na e vodhi

    Zgjedhjet/ Pëllumbi: PD bën premtime elektorale se e di që nuk fiton! Hoxha: Do bëjmë përmbysje historike, PS edhe programin na e vodhi

    Fushata elektorale nis ditën e nesërme zyrtarisht (11 prill), por takimet me strukturat kanë nisur prej javësh, me daljet në publik dhe në terren.
    Por cilat janë projeksionet e dy partive të mëdha, PS dhe PD, sa mandate do marrin në Tiranë dhe rrethe, programet dhe premtimet për qytetarët.
    Të ftuar për debat dhe analizë politike në ‘Studio Live’ sot ishin dy kandidatë për deputetë, Lisandër Hoxha nga PD dhe deputeti aktual i PS, Arben Pëllumbi.
    Moderatori Arbër Hitaj i drejtoi pyetje të pranishmëve në lidhje me programin, teksa ata detajuan dhe atë çfarë po ofrojnë.
    “Parimi i parë të përmbysim skemën e të ardhurave, sepse ka vështirësi, kanë ikur mbi 1 mln shqiptarë nga vendi. Ka një dispropocionalitet të ardhurash dhe raportesh biznesi dhe kjo duhet të ndryshojë. Kemi hartuar program që afrohet tek nevojat direkte dhe urgjente të shoqërisë. Një pjesë e madhe e familjeve jetojnë nën minimumin jetik, ashtu edhe pensionistët. Në 100 ditët e para do realizojmë paketën e dhimbshurisë, ku do vendosen minimumi jetik të paktën 200 euri e pensioni jo më pak se 400 euro. Jemi të vetmit që paguajmë 110 lekë naftën me taksa. Ulja e 24 lekshit që është taksa-Rama, që të jetë sa Kosova dhe Maqedonia. Rama bëri rrugë me 20-30 mln euro kilometri, si psh. Unaza e Madhe, nuk kushton aq, ose ajo me PP, Kashar-Thumanë, mbi 20 mln euro kilometri. Këtu kushtojnë 10-12 herë më shtrenjtë. Pse ndodh kjo, se duan të vjedhin. Këta në 12 vite as indeksimin nuk bënë”, tha Hoxha për Report Tv.
    I pyetur për rezultatin e zgjedhjeve ai tha:
    “Ne duam të fitojmë, nuk hyjmë te parashikimi i fatit. Në Tiranë do bëjmë përmbysje historike me pritshmëritë tona. Ne jemi njisha dhe këta janë mjaft. Këta edhe programin na kanë vjedhur, këta merren me akademi barinjsh, ka braktisje të vendit nga mrekullia që thonë këta”, akuzoi kandidati i PD-së kundërshtarët politikë.
    Deputeti Arben Pëllumbi i kundërshtoi pikat e kritikave nga kandidati i PD, duke thënë se “ata premtojnë të pamundurën sepse e dinë se do humbasin”.
    “Objektivi ynë është fitorja e mandatit të katërt, për të realizuar projektet dhe çuar Shqipërinë në objektivin e anëtarësimit në BE. Sfida kryesore që na pret në mandatin e ardhshëm janë skema e pensioneve, rritja e ekonomisë dhe kthimi i turizmit në elitar. Kemi agjendë për plotësimin e negociatave dhe mbyllur ato brenda 2027 dhe nuk kemi aspak kohë, në mënyrë që ta arrijmë dhe ta bëjmë vendin anëtar të BE-së më 2030. Këto janë dhe shtyllat e fushatës.
    Skema e pensioneve e qeverisë së kaluar ishte e gabuar dhe nëse nuk do ishte ajo në vitin 2013 kur ne morëm pushtetin, nuk do ishim në këtë situatë. Kjo gjendje është pasojë e qeverisjes së kaluar. Nëse do rritet pensioni 100 euro për rreth 700 mijë pensionistë, llogaritet se duhen 70 mln euro në muaj dhe rreth 900 mln euro në vit nga buxheti i shtetit dhe tjetër është të premtosh dhe tjetër të realizosh, të cilat me shtesat e tjera shkojnë deri në 1,3 mld. Këta premtojnë se e dinë që do humbasin”, u shpreh Pëllumbi.
    Por ai shtoi se shumë prej pikave janë edhe në programin e PS, por me hapa ekonomikë realë dhe të llogaritur.
    “Ndryshimet në pensione dhe paga ne i kemi bërë vazhdimisht. Edhe kostot e rrugës janë për shkak të investimeve problematike dhe të gabuara më parë. Nëse do ishte punuar mirë nga qeveria e kaluar, nuk do ishte kjo situatë infrastrukturore. Pensioni minimal është sfidë edhe për ne, ku kemi paraqitur 200 euro në muaj. Nëse do rriten siç thonë në forcën tjetër të PD, do na duheshin 900 mln euro në vit vetëm për pensionet nga buxheti. Çdo gjë duhet të jetë e llogaritur mirë. Kjo e tyre është matematikë që nuk inkuadron, mund të jenë premtime elektorale, e pranojmë, por sepse e dinë që nuk fitojnë”, shpjegoi deputeti socialist ndër të tjera.