Postimi i Ambasadës amerikane në Tiranë:
Përballja me krimin ndërkombëtar kërkon një angazhim të përbashkët. Sot, Zëvendësdrejtori për Çështjet e Europës Perëndimore Qendrore Lyn Debevoise vizitoi SPAK-un për të shprehur vlerësimin e Shteteve të Bashkuara për punën e Kryeprokurorit të Posaçëm Altin Dumani me agjencitë amerikane të zbatimit të ligjit për t’u përballur me rrjetet e paligjshme që kërcënojnë sigurinë e Shteteve të Bashkuara dhe për të luftuar korrupsionin që pengon kompanitë dhe investitorët amerikanë. Përpjekjet e z. Dumani vendosën standardin për bashkëpunim të fortë mes Shteteve të Bashkuara dhe Shqipërisë kundër organizatave kriminale ndërkombëtare, i cili shpresojmë se do të vazhdojë me pasardhësin e tij.
gijotina.com/
Tag: ndërkombëtar
-
Zv. drejtor i SHBA për Evropën viziton SPAK: Bashkëpunimi ndërkombëtar kundër krimit
-
Begaj nga Prishtina: Roli i Shqipërisë në BE ndihmon Kosovën në njohje dhe afirmim ndërkombëtar
Gjatë vizitës në Kosovë, në kuadër të 50-vjetorit të krijimit të Akademisë së Shkencave të Kosovës, Presidenti i Republikës, Bajram Begaj, u prit në një takim të veçantë nga Presidentja e Republikës së Kosovës, Vjosa Osmani.
Presidentët Begaj dhe Osmani rikonfirmuan angazhimin për bashkëpunimin e pandalshëm Shqipëri-Kosovë duke theksuar se bashkë mund të nxisin më shumë projekte zhvillimore.
Presidenti Begaj nënvizoi momentumin historik të Shqipërisë në rrugën drejt Bashkimit Evropian, duke theksuar se rritja e rolit dhe faktorizimi i saj në arenën ndërkombëtare ndihmon drejtpërdrejt edhe Kosovën në procesin e njohjeve dhe afirmimin e saj ndërkombëtar.
Presidenti Begaj zhvilloi gjithashtu takime me Kryetarin e Prishtinës, z. Përparim Rama, dhe Kryetarin e Rahovecit, z. Smajl Latifi, të cilëve u uroi suksese në mandatin e ri pas zgjedhjeve lokale.
Gjatë vizitës në Komunën e Rahovecit, Presidenti Begaj u njoh nga afër me zhvillimin e agroturizmit në këtë zonë dhe punën e banorëve në vreshtari dhe produkte bujqësore, të cilat kanë sjellë mirëqenie dhe imazh ndërkombëtar për komunën përmes eksporteve të produkteve vendase.
Presidenti vlerësoi atdhedashurinë, qëndresën gjatë luftës dhe punën e palodhur të banorëve të Rahovecit.
Në shenjë vlerësimi dhe mirënjohjeje, Kryetari i Rahovecit, z. Smajl Latifi, e nderoi Presidentin Begaj me dekoratën “Medalja e Lirisë”. -
Begaj nga Prishtina: Roli i Shqipërisë në BE ndihmon Kosovën në njohje dhe afirmim ndërkombëtar
Gjatë vizitës në Kosovë, në kuadër të 50-vjetorit të krijimit të Akademisë së Shkencave të Kosovës, Presidenti i Republikës, Bajram Begaj, u prit në një takim të veçantë nga Presidentja e Republikës së Kosovës, Vjosa Osmani.
Presidentët Begaj dhe Osmani rikonfirmuan angazhimin për bashkëpunimin e pandalshëm Shqipëri-Kosovë duke theksuar se bashkë mund të nxisin më shumë projekte zhvillimore.
Presidenti Begaj nënvizoi momentumin historik të Shqipërisë në rrugën drejt Bashkimit Evropian, duke theksuar se rritja e rolit dhe faktorizimi i saj në arenën ndërkombëtare ndihmon drejtpërdrejt edhe Kosovën në procesin e njohjeve dhe afirmimin e saj ndërkombëtar.
Presidenti Begaj zhvilloi gjithashtu takime me Kryetarin e Prishtinës, z. Përparim Rama, dhe Kryetarin e Rahovecit, z. Smajl Latifi, të cilëve u uroi suksese në mandatin e ri pas zgjedhjeve lokale.
Gjatë vizitës në Komunën e Rahovecit, Presidenti Begaj u njoh nga afër me zhvillimin e agroturizmit në këtë zonë dhe punën e banorëve në vreshtari dhe produkte bujqësore, të cilat kanë sjellë mirëqenie dhe imazh ndërkombëtar për komunën përmes eksporteve të produkteve vendase.
Presidenti vlerësoi atdhedashurinë, qëndresën gjatë luftës dhe punën e palodhur të banorëve të Rahovecit.
Në shenjë vlerësimi dhe mirënjohjeje, Kryetari i Rahovecit, z. Smajl Latifi, e nderoi Presidentin Begaj me dekoratën “Medalja e Lirisë”. -
Tony Blair përjashtohet nga bordi i mbikëqyrjes së Gazës në planin e Trumpit për armëpushim
Ish-kryeministri britanik, Tony Blair, është përjashtuar nga bordi i mbikëqyrjes së Gaza-s në kuadër të planit për armëpushim të propozuar nga Presidenti amerikan, Donald Trump, raportojnë mediat britanike, përfshirë Financial Times. Ky bord ende nuk është krijuar formalisht,, por ishte menduar të luante një rol kyç në mbikëqyrjen dhe zbatimin e armëpushimit në zonën e Gazës.
Sipas raportimeve, përjashtimi i Blair u bë pas kundërshtimeve të forta nga disa vende arabe dhe myslimane, të cilat shprehën shqetësime lidhur me përfshirjen e tij.
Disa diplomatë ndërkombëtarë kanë theksuar se përvoja e tij në proceset e mëparshme ndërkombëtare mund të shihej si e njëanshme nga disa palë, duke rrezikuar legjitimitetin e bordit.
Plani i Trump-it synon të vendosë një armëpushim të qëndrueshëm midis Izraelit dhe Hamas-it, me mbikëqyrje ndërkombëtare dhe përfshirjen e autoriteteve lokale, për të garantuar zbatimin e marrëveshjes. Megjithatë, formimi i bordit dhe zgjedhja e anëtarëve të tij janë bërë çështje komplekse, pasi vendet arabe dhe aleatët myslimanë kërkojnë që figura, të cilët mund të perceptohen si të një pale, të mos jenë pjesë e planit.Ky zhvillim vjen në një moment kur tensionet në Gaza dhe Izrael vazhdojnë të jenë të larta dhe komuniteti ndërkombëtar po kërkon mënyra për të krijuar një armëpushim të qëndrueshëm. Ndërkohë që administrata amerikane përpiqet të shtyjë përpara planin e saj, përjashtimi i Blair tregon vështirësitë që ekzistojnë në koordinimin ndërkombëtar dhe balancimin e interesave të ndryshme në rajon.
Ekspertët politikë vlerësojnë se ky bord do të ketë një rol vendimtar në sigurimin e një zgjidhjeje paqësore dhe përzgjedhja e anëtarëve të tij do të jetë thelbësore për pranimin ndërkombëtar të procesit. Ndërsa negociatat vazhdojnë, komuniteti ndërkombëtar mbetet i vëmendshëm ndaj çdo hapi që mund të ndikojë në stabilitetin e rajonit. -
Hapet Festivali i 7-të Ndërkombëtar i Filmit në Ishullin Hainan
Në Sanya u hap Festivali i 7-të Ndërkombëtar i Filmit i Ishullit Hainan, i organizuar së bashku nga Grupi Mediatik i Kinës dhe Qeveria Popullore e Provincës Hainan.
Guvernatori i Hainanit, Liu Xiaoming, mbajti një fjalim dhe njoftoi hapjen e festivalit të filmit. Liu deklaroi se Porti i Tregtisë së Lirë i Hainanit është gati të nisë zyrtarisht operacionin e tij të zhdoganimit në të gjithë ishullin dhe se Hainani po bëhet një kufi i ri për hapjen e Kinës, një vatër e re për bashkëpunim rajonal të dobishëm reciprokisht dhe një motor i ri për promovimin e globalizimit ekonomik. Në këtë moment të rëndësishëm – 130-vjetori i lindjes së kinemasë botërore dhe 120-vjetori i lindjes së kinemasë kineze – dhe ndërsa Porti i Tregtisë së Lirë i Hainanit është gati të nisë operacionin e tij të zhdoganimit në të gjithë ishullin, Hainani po përdor filmin si një medium për të festuar dhe përkujtuar këtë moment të rëndësishëm.
Në fjalën e saj, Xing Bo, Zëvendëskryetarja e Grupit Mediatik të Kinës, deklaroi se Festivali i 7-të Ndërkombëtar i Filmit në Ishullin Hainan jo vetëm që ndërtoi një platformë për shkëmbimin ndërkombëtar të filmave dhe mësimin e ndërsjellë midis qytetërimeve, por gjithashtu shfaqi një Hainan të gjallë dhe një Kinë inovative dhe të hapur ndaj botës. Grupi Mediatik i Kinës është i gatshëm ta shfrytëzojë këtë festival filmi si një mundësi për ta shfrytëzuar më tej avantazhet e platformës së tij të komunikimit ndërkombëtar, duke përfshirë 85 gjuhët e tij dhe 192 stacionet e huaja, për të thelluar bashkëpunimin me regjisorët në mbarë botën dhe për të eksploruar së bashku mundësi të reja për integrimin e thellë të artit të filmit dhe televizionit me kulturën, turizmin dhe teknologjinë.
Festivali i 7-të Ndërkombëtar i Filmit në Ishullin Hainan, me temë “Një mori jete detare, kinema pa kufij”, mori një rekord prej 4564 aplikimesh nga 119 vende dhe rajone. Juria për “Çmimin e Artë të Kokosit” të këtij viti përbëhet nga 13 profesionistë të njohur të filmit nga vendi dhe jashtë vendit, me regjisorin italian Marco Muller që shërben si president i jurisë. -
I kërkuar për tentativë vrasjeje, 46-vjeçari ekstradohet nga Spanja
Një shtetas shqiptar, 46-vjeçar, i shpallur në kërkim ndërkombëtar, është ekstraduar nga Spanja në Shqipëri, pas koordinimit mes Interpol Tiranës dhe homologëve të Interpol Madridit.
Bëhet fjalë për E. G., banues në Tiranë, i cili në maj të vitit 2023, së bashku me tre persona të tjerë, dyshohet se tentuan të kryenin një vrasje në qytetin e Beratit. Ngjarja kriminale u parandalua nga Policia e Beratit gjatë operacionit “Objektivi”.
Gjykata e Shkallës së Parë të Juridiksionit të Përgjithshëm Berat ka caktuar ndaj tij masën e sigurisë “Arrest në burg” për veprat penale “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim.
Ekstradimi i tij u realizua në kuadër të operacionit ndërkombëtar “The Wanted”. -
Në kërkim ndërkombëtar nga Finlanda për trafik drogë, pranga 40-vjeçarit në hyrje të territorit shqiptar
Një 40-vjeçar, i shpallur në kërkim ndërkombëtar është arrestuar këtë të hënë në hyrje të territorit shqiptar.
Shtetasi me iniciale SH.H., banues në Kosovë, ishte shpallur në kërkim nga Finlanda.
Nga verifikimet e kryera dhe nga informacioni i shkëmbyer me Interpol Tiranën, rezultoi se ky shtetas ishte shpallur në kërkim ndërkombëtar, pasi Prokuroria e Distriktit Jugor Helsinki ka caktuar ndaj tij masën e sigurisë “Arrest në burg”, për veprën penale “Trafikimi i lëndëve narkotike”.
Interpol Tirana vijon procedurat për ekstradimin e 40-vjeçarit në Finlandë.Top Channel
-
Gjoba 110 milionë euro për Beketin/ Rama humbet edhe në Apelin e Parisit
Gjykata e Apelit në Paris ka refuzuar kërkesën e Shqipërisë për të anuluar një vendim të arbitrazhit ndërkombëtar ICSID që e detyron shtetin të paguajë 110 milionë euro si kompensim për investitorin italian, Françesko Beketi.
Shqipëria kërkonte anulimin e vendimit të ICSID, duke pretenduar shkelje të rënda procedurale dhe tejkalim të mandatit nga ana e trupit gjykues.
Megjithatë, gjykata franceze konstatoi se nuk kishte shkelje të tilla që të justifikonin anulimin e vendimit dhe se procedurat ishin respektuar sipas rregullave ndërkombëtare të arbitrazhit.
Ky vendim i fundit e bën të ekzekutueshëm vendimin e ICSID dhe përbën një humbje të rëndësishme për Shqipërinë në fushën e arbitrazhit ndërkombëtar.
Rasti nxit shqetësime serioze mbi sigurinë juridike, menaxhimin e kontratave shtet-investitor dhe mbrojtjen e interesave publike në marrëveshjet me kompanitë e huaja.
Ai gjithashtu shton barrën mbi financat publike dhe mund të ketë pasoja afatgjata për imazhin dhe besueshmërinë e Shqipërisë si destinacion investimesh.
Apeli i Parisit i anulon shumë rrallë gjobat që janë vendosur më herët në arbitrazhin ndërkombëtar. Kjo tregon se standardi i vendimeve është shumë i lartë.
-
Rusia po dërgon fëmijët ukrainas në kampet e Koresë së Veriut
Ukraina ka akuzuar Rusinë për transferimin e fëmijëve ukrainas të rrëmbyer në “kampe të ri-arsimimit”, një praktikë që është dënuar gjerësisht nga komuniteti ndërkombëtar.
Kjo u bë e ditur gjatë një seance në Senatin e Shteteve të Bashkuara të Amerikës, ku avokatja dhe ekspertja për të drejtën ndërkombëtare, Kateryna Rashevska, paraqiti informacion të detajuar mbi këto veprime.
Rashevska theksoi se qëllimi i këtyre kampeve është i dyfishtë: përveç “ri-arsimimit” dhe trajnimit të ideologjisë pro-ruse, fëmijët largohen nga familjet e tyre dhe nga ndikimi i komunitetit të tyre të lindjes, duke krijuar një situatë të thellë pasigurie dhe traumatike.
Sipas Rashevskas, skema ka evoluar me kalimin e kohës. Më parë, fëmijët mbaheshin brenda territorit të Rusisë dhe Bjellorusisë, ku kthimi i tyre, edhe pse i komplikuar, ishte më i mundur.
Megjithatë, tani ka indikacione se të miturit po dërgohen në Korenë e Veriut, një vend me politikat më të rrepta të kontrollit shtetëror dhe të izolimit nga komuniteti ndërkombëtar. Ky zhvillim e bën rikthimin dhe kthimin e fëmijëve ukrainas jashtëzakonisht të vështirë, duke ngritur shqetësime serioze për sigurinë, mirëqenien dhe të drejtat e tyre themelore.
Komuniteti ndërkombëtar është shprehur i shqetësuar për këto praktika dhe ka bërë thirrje për hetime të pavarura dhe masa për të siguruar kthimin e fëmijëve në familjet e tyre, duke dënuar çdo akt që shkel të drejtat e fëmijëve dhe ligjet ndërkombëtare. -
Balluku e pandehur nga SPAK dhe e pezulluar nga detyra, paralajmëron Berisha: Po përgatis dokumente dhe fakte
Kryetari i Partisë Demokratike Sali Berisha tha se sot do të publikojë fakte dhe dokumente, për atë që ai e quajti skandal ndërkombëtar që lidhet me Belinda Ballukun dhe Edi Ramën.
Lideri i opozites u shpreh se “kryeministri Rama dje ka bërë një mashtrim të madh me qytetarët”.
“Por cilviu viu viu, kush ja bën ja bën vetiu. Por i ranë kokës. Unë kisha dërguar në 2012 nenin për heqjen e çdo mbrojtje të deputetit, por këta e forcuan. Tani po përballen me atë që bënë”, tha Berisha.
Berisha: Në të gjitha hetimet e mia, në të gjitha gjykimet për mua gjykata ka dhënë vendimet politike kundër meje siç ka marrë urdhër. Por cilviu viu viu, kush ja bën ja bën vetiu. Por i ranë kokës. Unë kisha dërguar në 2012 nenin për heqjen e çdo mbrojtje të deputetit, por këta e forcuan. Tani po përballen me atë që bënë
Kemi të bëjmë me skandal të madh ndërkombëtar, që unë do ta denoncoj, po përgatis dhe do paraqes dokumente dhe fakte në orën 12:30 për aktin e paprecedent, të pashembullt të Edi Ramës dhe Belinda Ballukut.
Dje ka kryer skandal të madh ndërkombëtar. Rama dje bëri mashtrim shqiptarëve dhe Evropës, për të cilën unë do ta dënoj sot me forcën më të madhe.
I pyetur si ishte takimi dhe biseda me ministren “Diella”, Berisha u përgjigj: “Diella” e shpartalloi Ramën. Ja nxori Ramës të gjitha mashtrimet”.