Kryetari i PD-së, Sali Berisha në një dalje për mediat bëri një deklaratë të fortë, ndërsa theksoi se dosja Balluku është ndarë. Sipas tij, SPAK ka ndarë çështjen në dy dosje, një për Ballukun dhe tjetrën për Ramën.
“Gjykata Europiane e të drejtave të njeriut, ka theksuar se pezullimi nuk është në shkelje. Edi Rama ka hallin se është në radhë. Pas Lubisë…e keni marrë vesh që është ndarë dosja dysh, dosja e Lubisë dhe e Ramës. Nuk mund të flejë më dosja e Ramës.
Nuk do të jem indiferent. Por do të jenë ata që do të imponojnë nëse kërkon ky që t’i konfiskojë në këtë mënyrë. Dje për herë të dytë, iu përmendi gjykatësve rrogat sikur i ka nga fondet e Surrelit. Akt pacipësie, në një kohë kur ata gjykojnë, ai përpiqet që t’i kërcënojë. Iu bëj thirrje qytetarëve shqiptarë që të jenë të gatshëm për protesta, për t’u ndarë nga këta hajdutë që si ka pasur kurrë shteti shqiptar.”, tha Berisha.
Tag: ndarë
-
“SPAK i ka ndarë dosjet, një për ‘Lubinë’, tjetrën për Ramën”/ Berisha bën deklaratë të fortë: Është në rradhë
-
Berisha: SPAK i ka ndarë dosjet, një për ‘Lubi’ Ballukun, tjetrën për Ramën
Kryedemokrati Sali Berisha, në një dalje për mediat bëri një deklaratë të fortë, ndërsa theksoi se dosja belinda Balluku është ndarë. Sipas tij, SPAK ka ndarë çështjen në dy dosje, një për Ballukun dhe tjetrën për Ramën.
“Gjykata Europiane e të drejtave të njeriut, ka theksuar se pezullimi nuk është në shkelje. Edi Rama ka hallin se është në radhë. Pas Lubisë…e keni marrë vesh që është ndarë dosja dysh, dosja e Lubisë dhe e Ramës. Nuk mund të flejë më dosja e Ramës. Nuk do të jemi indiferent. Por do të jenë ata që do të imponojnë nëse kërkon ky që t’i konfiskojë në këtë mënyrë. Dje për herë të dytë, iu përmendi gjykatësve rrogat sikur i ka nga fondet e Surrelit. Akt pacipësie, në një kohë kur ata gjykojnë, ai përpiqet që t’i kërcënojë.
Iu bëj thirrje qytetarëve shqiptarë që të jenë të gatshëm për protesta, për t’u ndarë nga këta hajdutë që si ka pasur kurrë shteti shqiptar.”, tha Berisha. -
Olsi Bylyku publikon foton me partneren Denada: Sekreti im…
Olsi Bylyku ka ndarë me ndjekësit një moment mjaft të ndjerë nga udhëtimi i tij me tren, ku shihet bashkë me partneren e tij, Denadën, të mbështetur te njëri-tjetri në qetësi të plotë. Fotoja bardh e zi, e thjeshtë por shumë emocionale, ka tërhequr vëmendjen e publikut për shkak të mesazhit që Olsi ka vendosur mbi të.
Në postim, ai shkruan:
“‘My secret’, who has carried my truths for years on this long battle for success, quietly enjoying the peace of a train ride.”
Që në shqip do të thotë:
“‘Sekreti im’, ajo që ka mbajtur të vërtetat e mia për vite me radhë në këtë betejë të gjatë drejt suksesit, duke shijuar në heshtje paqen e një udhëtimi me tren.”
Screenshot
Me këtë dedikim, Olsi tregon publikisht mirënjohjen dhe lidhjen e fortë që ka me Denadën, e cila qëndron pranë tij prej vitesh, si në sfidat profesionale ashtu edhe në arritjet personale.
Lidhja e tyre u zbulua fillimisht nga Iconstyle, më pas çifti e pranoi gradualisht ne rrjetet sociale, duke ndarë foto te perbashkëta. Denada ka zgjedhur te mbaje nje profil me te heshtur online, duke mos qene publike, por eshte Olsi ai i cili here pas here zgjedh te ndaje copeza te tyre me ndjekesit. -
Ndarja nga jeta e Shpat Kasapit, reagon Selvija: E le Roelin jetim, o Shpat…
Selvije Jao, bashkëshortja e këngëtarit të ndjerë Shpat Kasapi, ka reaguar për herë të parë pas humbjes së tij tragjike, duke ndarë një mesazh të thellë dhimbjeje dhe dashurie. Postimi i saj shuan gjithashtu të gjitha aludimet e ditëve të fundit, duke treguar qartë se çifti nuk ishte ndarë kurrë, por përkundrazi, kishte qenë më i bashkuar se kurrë në përballimin e sfidave familjare.
Shpat Kasapi ndërroi jetë në moshën 40-vjeçare si pasojë e një ataku të papritur në zemër, duke lënë pas një boshllëk të madh te familja, miqtë dhe publiku shqiptar. Selvija, me të cilën këngëtari kishte edhe djalin, Roelin, ka shprehur përmes një postimi në rrjetet sociale dhimbjen e pakrahasueshme për humbjen e partnerit të jetës.
“Ndrove jetë në krahët e mi, o jetë…”, shkruan ajo, duke treguar se momentet e fundit të Shpatit kanë ndodhur pranë saj. Selvija rrëfen se pak para tragjedisë, familja po përjetonte një periudhë plot stres, lodhje dhe shpresë, pasi dokumentet për trajtimin e të voglit Roel në Itali më në fund po zgjidheshin.
Ajo tregon për një përditshmëri të lodhshme, plot sfida, të cilën e përballonin bashkë, në qetësinë e privatësisë së tyre:“Sa të lumtur ishim që më në fund Roelit po i bëheshin dokumentat në Itali, që të mund ta çonim sa më shpejt tek logopedët më të mirë. Sa jemi lodhur, sa jemi stresuar… dhe askush nuk e di!”
Në vijim, zemra e saj thyhet kur flet për lidhjen e fortë mes Shpatit dhe djalit të tyre:
“Sa të afërt kemi qenë, sa bashkëpunues në privatësinë tonë, duke shijuar rritjen dhe zhvillimin e Roelit. Nuk prite ta dëgjoje duke të thirrur ‘babi’… nxitove dhe na le këtu vetëm.” -
Beleri: Duhet të dini që unë e kam ndarë jetën përgjysmë, mes Shqipërisë dhe Greqisë
Eurodeputeti Fredi Beleri, në një lidhje me emisionin “Off the Record” nga Andrea Danglli, në A2CNN, theksoi se e ka ndihmuar kreun e PD-së, Sali Berishën, “për të bërë takime në nivelet më të larta të Partive Popullore”.
“Partia Demokratike bën pjesë te grupimi i madh i EPP-së. Në vitin e fundit, zoti Berisha ka ardhur në Bruksel 2-3 herë dhe unë jam munduar me fuqinë time modeste që t’i krijoj mundësitë për të bërë takime në nivelet më të larta të Partive Popullore”, tha Beleri.
Eurodeputeti shtoi se ka bërë pyetje në Komisionin Europian edhe për prishjet e ndërtimeve në Theth.
“Kam ndërhyrë edhe për qëndrimin e zonjës Kos, për kapjen e gjyqësorit nëpërmjet vetting-ut, por të gjitha këto gazetarët në Shqipëri i interpretojnë si lëvizje të miat kundër Shqipërisë. Duhet të dini që unë e kam ndarë jetën përgjysmë, mes Shqipërisë dhe Greqisë”, shtoi Beleri. -
Vlora e veshur kuq e zi (FOTO)
Kryeministri Edi Rama ka ndarë disa pamje nga Vlora, e cila duket se është veshur me ngjyrat e Pavarësisë Kombëtare.
Vlora, qyteti ku u shpall Pavarësia e Shqipërisë më 28 nëntor 1912, do të jetë kryeqendra e festimeve për 113-vjetorin e shtetit shqiptar.Në vijim pamjet nga Vlora e zbukuruar për festën e flamurit shqiptar:
-
Mesazhi prekës nga Jul Deda në përvjetorin e humbjes së babait: Dy vjet pa ty, zemra ime…
Jul Deda ka ndarë një nga postimet më të ndjera në rrjetet sociale, duke kujtuar babain e tij, artistin e mirenjohur Zef Deda në përvjetorin e dytë të ndarjes nga jeta. Aktori publikoi një foto të ngrohtë familjare, ku shfaqet përkrah të atit, ndërsa dedikimi që e shoqëron foton ka prekur shumë ndjekës.
“Dy vjet pa ty zemra ime, heroi im. Gjithmonë do jesh më i miri dhe njerëz si ti janë gjithmonë në paqe me Zotin. Të dua shumë, Babo…” – shkruan ai, duke shprehur mallin e thellë për figurën më të rëndësishme të jetës së tij.
Postimi ka marrë menjëherë reagime të shumta, me njerëz që i shprehin ngushëllime dhe e mbështesin, duke ndarë po ashtu histori personale mbi humbjet e tyre.
Dy vjet pas ndarjes së tij nga jeta, Zef Deda mbetet një nga emrat më të dashur dhe më të ndritur të humorit shqiptar, një artist që nuk solli vetëm të qeshura, por edhe kulturë, finesë dhe një stil unik interpretimi. Me zërin, mimikën dhe spontanitetin që vetëm ai mund t’i bashkonte në një skenë, Zef Deda u bë një simbol i humorit të pastër shkodran, i atij lloj arti që prekte zemrën pa pasur nevojë për fjalë të mëdha. Ai i dha skenës shqiptare një energji të veçantë, të pakthyeshme, duke lënë pas role të paharrueshme që edhe sot rikthejnë buzëqeshjen tek breza të tërë.
Screenshot -
Masa sigurie ndaj Ballukut? Reagon GJKKO: S’kemi informacion për të ndarë me publikun…
Gjykata e Posaçme ka reaguar zyrtarisht pas publikimit të lajmeve në media se zv.Kryeministrja Belinda Balluku është njohur me dy masa sigurie nga GJKKO, pezullim nga detyra dhe pengim i daljes jashtë vendit. Gjykata e Posaçme për Korrupsionin dhe Krimin e Organizuar deklaron se në kushtet që masa e sigurimit kanë karakter sekret, gjykata në këtë moment nuk ka njoftim zyrtar për të ndarë me median dhe publikun.
“Lidhur me lajmin e publikuar në media për caktimin e masave të sigurisë ndaj Zëvendëskryeministres, znj. Belinda Balluku, në kushtet që masa e sigurimit kanë karakter sekret, gjykata në këtë moment nuk ka njoftim zyrtar për të ndarë me median dhe publikun. Në momentin e duhur procedural do të njoftoheni zyrtarisht nga ana e gjykatës”, deklaron GJKKO në reagimin e saj.
Prokuroria e Posaçme kundër Korrupsionit dhe Krimit të Organizuar (SPAK) ka ngritur ndaj zëvendëskryeministres dhe ministres së Infrastrukrës dhe Energjisë Belinda Balluku akuzën për veprën penale “Shkelje e barazisë së pjesëmarrësve në tendera apo ankande publike”, parashikuar nga neni 258 i Kodit Penal, në bashkëpunim (nenet 258/2 dhe 25 i KP) për Tunelin e Llogarasë. -
E ndarë apo jo nga Donald Veshaj/ Ja çfarë thotë Bora Zemani
Moderatorja e njohur Bora Zemani ka reaguar për herë të parë ndaj thashethemeve që qarkulluan së fundmi për një ndarje të supozuar me partnerin e saj, Donald Veshajn. Në një rrëfim per ‘Goca dhe Gra’, Bora zbuloi se lajmet e pavërteta janë përhapur menjëherë sapo ajo ka postuar një foto të Donaldit, çka ka ngjallur reagime të shumta nga ndjekësit.
“Unë e mora vesh që ishte shpërndarë një lajm për ndarjen tonë, kur postova një foto të Donaldit. Mu mbush Instagrami me mesazhe: ‘Shyqyr që nuk jeni ndarë!’ Më thonin shpesh, sa herë postoja foto me Donaldin,” tregoi moderatorja, e habitur nga intensiteti i reagimeve në rrjet.
E intrigurë nga situata, Bora vendosi të hetojë se çfarë po ndodhte dhe u ndesh me lajme të rreme, të cilat jo vetëm që flisnin për një ndarje, por përmendnin edhe arsye të pavërteta si xhelozia apo fshirja e fotove nga Instagrami, diçka që moderatorja e mohoi plotësisht.
“Bëhem kurioze dhe hap të shoh ç’po ndodh, ku ishin këto lajme që jemi ndarë. Fusnin dhe arsye të tjera, xhelozia, që kanë fshirë fotot në IG… por asgjë nuk ishte e vërtetë,” shtoi ajo.
Deklarata e Borës duket se i ka dhënë fund spekulimeve që qarkulluan me shpejtësi në rrjetet sociale javët e fundit. Çifti, i cili mbetet ndër më të komentuarit në showbiz-in shqiptar, vijon të tërheqë vëmendjen e publikut me çdo postim apo dalje të përbashkët. -
Kim Kardashian në lot: çfarë ndodhi para provimit që do i ndryshonte jetën?
Kim Kardashian ka ndarë në Instagram momente të sinqerta dhe emocionale nga përgatitjet e saj për provimin e avokatisë në Kaliforni, një hap vendimtar drejt qëllimit të saj për t’u bërë avokate. Në videon e publikuar të dielën, 16 nëntor, 45-vjeçarja tregoi sesi javët e fundit të studimeve u kthyen në një periudhë të lodhshme, stresuese dhe emocionalisht të rëndë. Ajo konfirmoi se më 7 nëntor nuk e kaloi provimin, por theksoi se nuk ka ndërmend të heqë dorë.
“Kam ndarë shumë nga ky udhëtim me ju,” shkroi ajo. “Ky rezultat ishte zhgënjyes, por jo fundi. Kjo ëndërr ka shumë rëndësi për mua që të tërhiqem.”
Videoja nis me Kardashian duke qarë në krevat, më pas kthehet pas dy javë, duke treguar përgatitjet intensive për një provim që përfshin ese njëorëshe, teste 90-minutëshe dhe 200 pyetje me alternativa. Ajo shihet duke analizuar raste, duke punuar me profesorët e saj dhe duke studiuar me orë të tëra çdo ditë. Nga lodhja, Kardashian filloi madje të shihte ëndrra sikur po humbiste pikë gjatë provimit.
Procesi u bë edhe më i vështirë kur themeluesja e SKIMS pësoi probleme në shpinë, duke krijuar “disa çrregullime në disqe”. Në një moment, ajo shpërthen në lot: “Sa herë mendoj se jam një hap përpara, diçka më ndal. Ndihem sikur truri do të më shpërthejë.”
Megjithatë, përkushtimi i saj nuk u lëkund. Ndërsa katër fëmijët e saj ishin me pushime, Kardashian i kushtoi çdo minutë studimeve për t’u përgatitur sa më mirë. Një ditë para testit, ajo u shfaq e qetë dhe e sigurt: “Ndjehem mirë dhe e përgatitur.”View this post on Instagram
Edhe pse nuk e kaloi këtë herë, Kardashian thotë se do të vazhdojë derisa ta arrijë qëllimin e saj.