Nga Julia Vrapi
Tingujt e muzikës, që kanë shoqëruar filmat shqiptarë këtë mbrëmje dhjetori në Tiranë. Dhjetëra prodhime filmash në muzikë mbajnë emrin e kompozitorit të njohur Haig Zacharian. Një autor i vlerësuar për krijimtarinë e tij ndër vite, që ka shkruar muzikë filmash në Kinostudio, duke vijuar dhe pas viteve ’90. Por e mërkura sjell një mbrëmje të veçantë muzikore, ku albumi “Eko e një kohe të largët” sjell rikthimin e tingujve të muzikës së kompozitorit të njohur Haig Zacharian, që kanë shoqëruar filmat shqiptarë. Këtë mbrëmje në kinema “Drita”, në Arkivin Qëndror Shtetëror të Filmit prezantohet albumi i ri i kompozitorit Haig Zacharian “Eko e një kohe të largët”, një udhëtim pianistik që risjell magjinë e filmave shqiptarë dhe frymën e një epoke të dashur për artdashësit. Këtë mbrëmje për të pranishmit do të performojë Ardita Bufaj në piano, Merita Balliu në piano dhe Xhovana Marku në Oboe.
Kjo mbrëmje dhjetori sjell dhe një nga veprimtaritë e veçanta sa i takon muzikës dhe krijimtarisë së kompozitorit Zacharian, i cili ka krijuar vepra të shumta në gjini të ndryshme të muzikës. Të pranishmit këtë mbrëmje në AQSHF do të kenë mundësinë të shijojnë një natë të mbushur me ndjenja dhe nostalgji, duke dëgjuar kompozime të njohura që kanë përcjellë filma shqiptarë. Muzika e Haig Zacharian ka luajtur një rol të rëndësishëm në krijimin e atmosferës dhe emocionit në shumë filma, që kanë lënë gjurmë të pashlyeshme në historinë e artit kinematografik të vendit dhe ky promovim është një vazhdimësi e një sërë aktivitetesh dhe ngjarjesh të tjera, që janë organizuar për të vlerësuar dhe nderuar punën e tij në muzikën për filma. Më parë, në vitin 2022, pedagogë dhe studentë të Universitetit të Arteve u mblodhën në një mbrëmje dedikuar muzikës së filmave të kompozitorit, që u zhvillua në sallën e Akademisë së Shkencave, duke rikonfirmuar rëndësinë e veprës së tij dhe ndikimin e saj në zhvillimin e kinematografisë dhe artit shqiptar.
Kompozimet në muzikën e filmave
Muzika e filmit të parë në Kinostudio për autorin Haig Zacharian ka qenë në vitin 1976, për të vijuar dhe me të tjerë ndër vite. Artist i mirëfilltë, Zacharian që ka shkruar thuajse në të gjitha gjinitë muzikore, veçanërisht pas viteve ‘70 nuk ka reshtur së kompozuari muzikë për filmat artistikë, fillimisht prodhime të Kinostudios “Shqipëria e re” e më pas për bashkëpunimet shqiptare e të huaja. “Njeriu i mirë”, “Dora e ngrohtë”, “Kohë e largët”, “I paharruari”, “Taulanti kërkon një motër”, “Pranverë e hidhur”, “Të mos heshtësh”, “Tre ditë nga një jetë”, “Familja ime”, “Në emër të lirisë”, “Flutura në kabinën time”, “Kronikë e një nate”, “Maja” janë vetëm disa nga filmat me muzikë nga kompozitori Haig Zacharian. Kompozitori Zacharian ka krijuar vepra të shumta në gjini të ndryshme të muzikës (vepra e tij janë luajtur në të gjitha ngjarjet e rëndësishme të jetës muzikore shqiptare si dhe jashtë:Kosove, Maqedoni, Zvicër, Itali, Austri, Spanjë). Ka kompozuar gjithashtu këngë për fëmijë, korale, muzikë filmash dhe aranzhuar shumë pjesë të muzikës klasike dhe romantike për ansamble të ndryshme. Pas viteve 1990 krijimtaria e tij përveç filmave është kryesisht në gjinitë e muzikës së dhomës, ku duken qartë tendenca të përdorimit dhe eksperimentimit në teknikat bashkëkohore të krijimtarisë muzikore.
Tag: muzikës
-
“Eko e një kohe të largët” sjell rikthimin e tingujve të muzikës së Haig Zacharian, që kanë shoqëruar filmat shqiptarë
-
Kompozitori dhe dirigjenti, Rafet Rudi vlerësohet me dekoratën “Nderi i Akademisë”
Në kuadër të Javës Kombëtare të Kulturës, në Akademinë e Shkencave të Shqipërisë, u promovua libri i kompozitorit e dirigjentit Rafet Rudi, “Libri im i kujtimeve”.
Promovimi u moderua nga muzikologia Rreze Kryeziu Breznica e cila tha se prof. Rudi ka ndërtuar narrativën e një kompozitori, dirigjenti dhe mendimtari në fushën e historisë dhe filozofisë së muzikës.
Ajo theksoi se libri vjen si një vepër për të ndriçuar një periudhë historike, profesionale dhe shpirtërore, që bart në vete kujtesën e një kohe dhe kontributin e një personaliteti të rëndësishëm, siç është profesori Rafet Rudi.
Skënder Gjinushi, kryetari i Akademisë së Shkencave të Shqipërisë e vlerësoi, kompozitorin dhe dirigjentin Rudi si një ndër personalitetet më të shquar të artit dhe muzikës.
Në kuadër të kësaj veprimtarie, Gjinushi i dorëzoi prof. Rafet Rudit dekoratën e mirënjohjes “Nderi i Akademisë”, me motivacionin: “Kompozitor, dirigjent dhe muzikolog i shquar i muzikës mbarëshqiptare, veçanërisht asaj në Kosovë; protagonist i ngjarjeve më të rëndësishme muzikore, artistike e kulturore nga vitet 1970 e deri më sot; promovues aktiv i bashkëpunimeve muzikore mes Kosovës dhe Shqipërisë; pedagog dhe personalitet publik me peshë të veçantë në jetën tonë muzikore; interpretues i krijimtarisë muzikore të kompozitorëve shqiptarë në skena të rëndësishme të botës, përmes formacioneve muzikore vokale e instrumentale; mbështetës dhe inkurajues i brezave të rinj të krijuesve e interpretuesve; vlerësuar me disa çmime kombëtare e ndërkombëtare; themelues i festivalit të rëndësishëm muzikor REMUSICA”.
Më pas, studiuesja e muzikës prof. dr. Zana Shuteriqi e vlerësoi kompozitorin Rafet Rudi si një prej figurave më unikale dhe përfaqësuese të kulturës muzikore shqiptare bashkëkohore. Me këtë rast, ajo e vlerësoi veprën e tij “Libri im i kujtimeve” për dëshmitë kohore dhe pasqyrimin e ndikimeve që kanë formuar autorin, duke i kapërcyer karakteristikat e një autobiografie.
Akademiku Vasil Tole tha se ky është libri i parë i plotë autobiografik i një kompozitori shqiptar, që e barabit me kompozitorë të shquar botërorë.
“Libri im i kujtimeve” paraqet një “kronikë të jetës muzikore” nga vitet ‘70 deri në 1999, parë nga perspektiva e autorit si kompozitor, dirigjent dhe publicist.
Dardan Selimaj, drejtues i Filarmonisë së Kosovës e vlerësoi librin e prof. Rauf Rudit si një dokument të gjallë, të argumentuar të fakteve historike të shekullit të kaluar dhe shekullit tonë, në lëmin e muzikës në Kosovë dhe më tej.
Autori i librit, prof. Rafet Rudi tha se libri ka karakteristika biografike, por më shumë është një kronikë e kohës në mungesë të dokumentacionit për shkak të ngjarjeve që ka kaluar Kosova dhe për shkak të institucioneve të pakta kulturore.
Në këtë libër nëpërmjet kujtimeve jam munduar të lë informacione të vlefshme për periudha të rëndësishme të jetës muzikore, të cilat janë të vështira për t’u gjetur në arkiva zyrtare.
ObserverKult
Lexo edhe:
INTELEKSHTAJNI APO PROFETI I RREMË MODERN
-
Vlora mbyll festimet e 28 nëntorit me koncert, qytetarët mbushin bulevardin e qytetit
Festimet e 113-vjetorit të Pavarësisë u mbyllën mbrëmjen e sotme me një koncert madhështor në bulevardin kryesor të qytetit. Spektakli i dronëve, fishekzjarrëve dhe atmosfera festive në rrugët e Vlorës krijuan një mjedis të jashtëzakonshëm, ku qytetarë të shumtë festuan nën ritmet e muzikës dhe ngjyrat e simboleve kombëtare. Në skenën qendrore performuan disa nga emrat më të njohur të muzikës shqiptare nga Shqipëria dhe Kosova, të cilët sollën një koncert të paharrueshëm për publikun. Sheshi ishte i tejmbushur me vlonjatë dhe shqiptarë të ardhur nga të gjitha trevat për të ndjekur festimet.
-
“Fest 64” mbahet më 17 deri 20 dhjetor/ Marrin pjesë 28 këngëtarë, fituesi shkon në Eurovizion
Festivali i Këngës në Radio Televizionin Shqiptar, Fest 64 do të mbahet në datat 17, 18 , 19 dhe 20 dhjetor.
Teksa numërimi mbrapsht ka nisur gjithçka është gati për të sjellë tek publiku festën e madhe të muzikës së lehtë shqiptare.
Për 4 net me radhë 28 artistët pjesëmarrës do të ngjiten në skenën prestigjioze në Pallatin e Kongreseve ku do të performojnë këngët e tyre përpara publikut e jurisë, si edhe do të garojnë për çmimet e këtij viti.
Prej ditësh kanë nisur tashmë dhe provat, ku artistët pjesëmarrës dhe Orkestra Simfonike e RTSH-së, së bashku me këngëtaret po punojnë për të gjitha detajet, përgatitjet dhe emocionet që pritet t’i dhurojnë publikut përgjatë 4 netëve live të Festivalit.
Provat po zhvillohen në Sallën e Orkestrës Simfonike, artistët po punojnë nga afër me Orkestrën për të ndërtuar interpretimin live të çdo kënge, duke përshtatur detajet muzikore sipas konceptit të tyre artistik.
ObserverKult
Lexo edhe:
ORËT E FUNDIT TË ORNELLA VANONIT/ IKONA E MUZIKËS ITALIANE KËRKOI AKULLORE DHE PASTAJ VDIQ, U GJET E PAJETË NGA…
-
Ndahet nga jeta këngëtarja e famshme italiane Ornella Vanoni
Ornella Vanoni, një nga ikonat më të mëdha të muzikës italiane, ka ndërruar jetë në moshën 91-vjeçare në shtëpinë e saj në Milano, duke lënë pas një trashëgimi artistike që ka shkelur kufijtë e Italisë. Me karrierë të shkëlqyer që zgjati më shumë se shtatë dekada, Vanoni u bë e njohur që në vitet ’60, një periudhë kur skena muzikore italiane po lulëzonte dhe televizionet festivalike ishin porta e saj drejt famës.
Kënge si “Senza fine” dhe “L’appuntamento” i dhanë asaj jo vetëm identitetin e një zëri unik, por edhe dashurinë e publikut që e konsideronte si një gur themeli të muzikës moderne italiane. Me rreth 40 albume në diskografi dhe mbi 55 milionë disqe të shitura, ajo është pa dyshim një ndër artistet më të suksesshme dhe më të dashura nga dëgjuesit.
Por jo vetëm në Itali, Vanoni u bë e njohur globalisht, falë edhe paraqitjes së saj në filmin “Ocean’s Twelve”, ku zëri i saj solli elegancë dhe nostalgji. Ajo la një shenjë të pashlyeshme në kulturën pop dhe klasike, duke u vlerësuar si simbol i artit dhe integritetit artistik.
Sipas dëshirës së saj, ceremonia mortore do të jetë e thjeshtë dhe intime, pa luks të madh, një zgjedhje që flet për modestinë dhe natyrën e saj të sinqertë. Tani, kur ajo nuk është më me ne, fjalët e këngëve të saj vazhdojnë të këndojnë, duke mbajtur gjallë shpirtin e një artiste që ndryshoi botën me tingujt e saj. -
Shuhet Ornella Vanoni, ikona e muzikës italiane
Ikona e muzikës italiane, Ornella Vanoni ka vdekur në moshën 91-vjeçare.
“Me ndarjen nga jeta të Ornella Vanonit, Italia humbet një nga artistet e saj më origjinale dhe të rafinuara. Me zërin e saj unik dhe aftësinë e saj interpretuese të pakrahasueshme, ajo shkroi faqe të rëndësishme në historinë e këngës, teatrit dhe argëtimit italian”, theksoi ministri i Trashëgimisë Kulturore, Alessandro Giuli.
“Nuk mund të them asgjë. Jam pa fjalë dhe nuk isha i përgatitur për të gjitha këto. Nuk duket e mundur. Thjesht nuk mund të them asgjë”, shkruan prezantuesi Fabio Fazio.
“Vdekja e Ornella Vanonit është një pikëllim i madh. Muzika e saj do të mbetet në zemrat tona përgjithmonë”, shkruan prezantuesja Simona Ventura.
E konsideruar si një nga figurat më ikonike në muzikën italiane, ajo ishte aktive që nga viti 1956 duke publikuar mbi 100 albume dhe përmbledhje dhe duke arritur një total prej mbi 55 milionë kopjesh të shitura.
Një grua me stil të shkëlqyer, ajo regjistroi hitet e saj më të mëdha në vitet 1960 dhe 1970 me këngë si “La Musica è Finita”, “Eternita”, “L’Appuntamento” dhe “Una Ragione di Più”.
E lindur më 22 shtator 1934 në Milano, Vanoni e filloi karrierën e saj në teatër përpara se të niste karrierën e saj si këngëtare në skenën e kryeqytetit të Lombardisë, nën drejtimin e Giorgio Strehler, regjisorit të njohur të teatrit, i cili ishte partneri dhe mentori i saj.
Në vitin 1964, ajo fitoi Festivalin e Napolit, një konkurs muzikor që nuk ekziston më, dhe vazhdoi të merrte pjesë edhe në festivalin prestigjioz të muzikës në Sanremo, një institucion italian, ku ajo u rendit e dyta në vitin 1968 me “Casa Bianca”.
Në vitin 1999, ajo u bë këngëtarja e parë në historinë e Sanremos që mori një çmim për karrierën.
Në vitet në vijim, Vanoni vazhdoi të performonte dhe të regjistronte albume.
Albumi i saj i fundit, “Diverse”, i publikuar në vitin 2024, rishikon disa nga hitet më të mëdha të artistes, por me aranzhime të reja. -
Osman Mula: Në asnjë vend të botes nuk shkelet me këmbë artisti antikonformist si në Shqipëri
Nga Julia Vrapi
Zbatimi i së drejtës së autorit ka sjellë herë pas here reagimin e krijuesve të ndryshëm të muzikës, ndërsa kritikat kanë vijuar edhe në drejtim të institucioneve në vend. Ndërkohë që dhe agjencitë, që merrem me të drejtën e autorit janë përballur me kritika nga krijuesit. Kompozitori Osman Mula “Mjeshtër i Madh”, i cili ka reaguar dhe më parë për problemet me të cilat përballen krijuesit, sërish sjell në vëmendje probleme, që sipas tij përballen autorët e muzikës. Osman Mula është nga regjisorët më të njohur në RTSH, drejtues i festivaleve, emisioneve të muzikës, saksofonist i talentuar dhe kompozitor i vlerësuar me çmime ndër vite, por sipas tij e drejta autorit vazhdon të jetë problem për krijuesit e muzikës. “Në asnjë vend të botës nuk shkelet me këmbë artisti anti konformist si në Shqipëri. Nuk mund të thuash në përgjithësi artistët se një pjesë janë më të poshtër dhe hajdut se hajdutët. Këto vjedhin shokët, e kthehen në lëtyra.
Por punë e madhe thonë: A ja arrita qëllimit? Qeveria më dha, bashkia po. Në tre borde, jam e ç’dua më shumë? Kujt i duhet karakteri sot?! Thonë ato”, shprehet kompozitori Osman Mula në një reagim të tij, të ndarë dhe në rrjete sociale. Osman Mula është një nga emrat e njohur të muzikës shqiptare dhe një nga artistët, që herë pas here ka reaguar për problemet e ndryshme në fushën e artit dhe kulturës në vend, duke kërkuar dhe më shumë vlerësim për artistët. Por sa i takon problemeve me të drejtën e autori, ndër të tjera kompozitori Osman Mula shtron dhe pyetjen, se ku shkojnë të ardhurat. “Po ku shkojnë të ardhurat e të drejtës autorit ? Po kur organizoni projekte koncertesh dhe përdorni këngët tona përse nuk paguhemi ?”, shprehet kompozitori Osman Mula.
Materialet në arkiv
Osman Mula “Mjeshtër i Madh” një nga regjisorët më të njohur në RTSH, drejtues i festivaleve, emisioneve të muzikës, kompozitor me çmime ndër vite e sheh shqetësuese mënyrën se si po përdoren sot këngët e tij. Por në reagimin e tij ndër të tjera, ai sjell në vëmendje dhe problemet me materialet në arkiv. “E telendisët dhe i shpartalluat këngët e mia si Alo Alo, E doni dashurinë, Shikomë në sy, Pranverë e vonuar, etj, dhe nuk marrim asgjë. Po mirë, po me materialet e humorit, ku unë kam qenë regjisor i koncertit të Vitit të Ri, si Kunati i shokut Xhemal. Kryp- kryp, sheqer- sheqer, e në pambarim materiale që kam luajt me jetën time dhe të familjes për ti transmetuar, kush i merr nga arshiva ato materiale?
Kush ja mundëson? Këto persona duhet të kalojnë për proces siç kalojnë dhe ato që vjedhin. Mirëpo këta që vjedhin, mbajnë në shtëpi nga një flamur për zgjedhje dhe ndonjë pemë për mbledhje na marrin dhe pensione të veçanta. Na dalin drejtora spektaklesh, të kudo ndodhur, të përkëdhelur”, shprehet kompozitorit Osman Mula në reagimin e tij. Kompozitori Osman Mula edhe më parë në reagimet e tij ka sjellë në vëmendje shqetësimin e krijuesve. Ai thotë se çdo artist e ka të shtrenjtë të drejtën e autorit në krijimtari. “I falenderoj miqtë e mi, kolegët e nderuar që morën iniciativë me Gjergjin në krye për të vendosur një herë e mirë atë që çdo artist në botë e ka më të shtrenjtë, të drejtën e autorit. Kur e fiton lekun me djersë nuk ke nevojë të bëhesh lëpirës!”, shprehet kompozitori Osman Mula. Reagimin e tij për të drejtën e autorit kompozitori Osman Mula e ka ndarë edhe në rrjete sociale, ku dhe të tjerë krijues kanë shprehur probleme me zbatimin e saj. Krijues të ndryshëm të muzikës flasin për respektimin e ligjit, por kjo gjë ka sjellë dhe më parë diskutime. Edhe dëgjesa publike më parë nga Ministria e Kulturës për ndryshimet në ligjin për të drejtën e autorit riktheu debatet për zbatimin e tij. -
“Mozart dhe Beethoven”, një mbrëmje ku bashkohen dy gjeni që ndryshuan përgjithmonë historinë e muzikës
Muzika e kompozitorëve Mozart dhe Beethoven vjen këtë mbrëmje, me një koncert në Teatrin Kombëtar të Operës dhe Baletit. “Mozart dhe Beethoven”, një mbrëmje ku bashkohen dy gjeni që ndryshuan përgjithmonë historinë e muzikës. Në këtë nëntor që vazhdon të na mbushë me emocione, Orkestra Simfonike e Teatrit Kombëtar të Operës dhe Baletit sjell një udhëtim muzikor, që nis me dritën hyjnore të Mozartit dhe përfundon në horizontet e qeta të botës pastorale të Beethoven-it. “Nën dirigjimin e maestro Peter Michael Garst, skena jonë shndërrohet në një hapësirë ku dy epoka, dy stile dhe dy vizione të mëdha muzikore bashkohen për të krijuar një mbrëmje të magjishme që ndihet në çdo notë të saj”, thuhet për këtë koncert instrumental-simfonik nga Teatri Kombëtar i Operës dhe Baletit (TKOB).
Koncerti që do të zhvillohet këtë mbrëmje është në vijim të kalendarit artistik këtë nëntor në këtë teatër, që dhe më parë janë zhvilluar të tjerë koncerte që kanë sjellë krijimtarinë e kompozitorëve të njohur. Ludvig van Beethoven (17 dhjetor 1770 – 26 mars 1827) ishte një kompozitor dhe pianist gjerman. Një nga figurat më të nderuara në historinë e muzikës perëndimore, veprat e tij renditen ndër më të interpretuarat e repertorit të muzikës klasike dhe përfshijnë kalimin nga periudha klasike në epokën romantike. Wolfgang Amadeus Mozart ( 27 janar 1756 -5 dhjetor 1791), ishte një kompozitor i shquar dhe me ndikim gjatë epokës moderne. Disa nga veprat e tij janë opera “La Finta Giardiniera”, “Martesa e Figaros”, “Don Zhuani”, “Flauti magjik”, si dhe sonata të ndryshme për violinë, për piano, kuintete, pastaj simfoni të ndryshme, sonata, si dhe muzikë kishtare. -
Sot shënohen 11 vite pa Dr. Florin, një nga zërat më ikonë të muzikës shqiptare
Sot përkujtohet 11-vjetori i ndarjes nga jeta i Dr. Florit, një nga zërat më unikë dhe artistët më të kompletuar të muzikës shqiptare. Kjo ditë sjell me vete një ndjesi nostalgjie dhe rikthen kujtimet e një humbjeje të madhe, por gjithashtu na kujton trashëgiminë e pasur artistike që ai la pas.
Dr. Flori, bashkë-themelues i grupit legjendar “West Side Family”, ishte një ikonë e muzikës moderne shqiptare dhe ndikimi i tij ndjehet ende në brezat e rinj të artistëve. Përveç karrierës së suksesshme muzikore, ai njihej për energjinë, kreativitetin dhe përkushtimin ndaj muzikës që e bënte të dallueshëm në skenën shqiptare.
Sot, mikun dhe kolegun e tij të pandarë e ka përkujtuar Landi, me një postim prekës në Instagram. Ai ka ndarë një foto të Dr. Florit dhe ka shkruar fjalë që lidhen me kujtimin dhe muzikën e tyre të paharrueshme. Teksti i Landit shprehet: “11 vite pa Dr. Flori. Githçka ende ndodh, jetojmë në Tironë… Jeta shkon dhe kujtimi mbetet! ”. Ai ka cituar edhe vargjet e një prej këngëve ikonike të grupit, duke rikthyer emocionet tek fansat dhe publikun.
Ky moment i përkujtimit është një mënyrë për të nderuar jetën dhe karrierën e Dr. Florit, duke kujtuar energjinë, talentin dhe ndikimin që ai la pas në muzikën shqiptare. Pas 11 viteve, zëri dhe krijimtaria e tij vazhdojnë të jenë një burim inspirimi për artistët dhe fansat e muzikës shqiptare. -
Shuhet Giuseppe Vessiccio! Legjenda e muzikës italiane që drejtoi orkestrën e Sanremos për 30 vjet
Shuhet Giuseppe Vessiccio! Legjenda e muzikës italiane.
Maestro Giuseppe Vessicchio, kompozitori, dirigjenti, orkestruesi dhe producenti muzikor i njohur italian ka ndërruar jetë sot në Romë, një lajm shumë i hidhur ky për muzikën italiane dhe atë botërore.
Lajmi është bërë i ditur nga spitali San Camillo Forlanini, ku ai ishte shtruar në reanimacion për shkak të një pneumonie intersticiale që u përkeqësua me shpejtësi.
Spitali bëri të ditur se Vessicchio kishte pasur “komplikacione të rënda”, ndërsa familja kërkon respektim të privatësisë në mërnyrë që ai të varroset me të gjithë nderimet që i takojnë. Ceremonia mortore do të zhvillohet në rreth të ngushtë familjar.
Kompozitor, dirigjent dhe orkestrues ndër më të dashurit dhe më të njohurit në skenën italiane, i njohur për ndjeshmërinë e tij të veçantë muzikore dhe aftësinë për të bashkuar traditën me risinë, Peppe Vessicchio ishte “shkopi magjik” më i dashur i Festivalit të Sanremos.Ai lindi në Napoli më 17 mars 1956. Gjatë karrierës së tij bashkëpunoi me emra të mëdhenj të muzikës italiane dhe ndërkombëtare, si Gino Paoli, Roberto Vecchioni, Zucchero dhe Ornella Vanoni.
Në Sanremo fitoi katër herë si dirigjent orkestre:në vitin 2000 me Avion Travel (“Sentimento”),në 2003 me Alexia (“Per dire di no”),në 2010 me Valerio Scanu (“Per tutte le volte che”),dhe në 2011 me Roberto Vecchioni (“Chiamami ancora amore”).
Vessicchio ka dirigjuar edhe në Kremlinin e Moskës, në një koncert homazh për John Lennon, ka udhëhequr projektin “Rockin’1000”, grupin më të madh rock në botë, dhe për shumë vite ka qenë drejtor muzikor dhe mësues në talent-shoë-n “Amici” të Maria De Filippi.
Nga mars 2026, ai pritej të niste një turne teatror me këngëtarin Ron, me shfaqjen “Ecco che incontro l’anima”, që do të ishte bashkëpunimi i tyre i parë në skenë.