Drita bie pas 4 ndeshjesh në Conference League, faza e ligës dhe e grumbullimit të pikëve. Skuadra e Kosovës pësoi humbjen e parë në garë, duke u mposhtur 3-0 nga AZ Alkmaar. Drita kishte një fillim të mirë, duke krijuar rastin e parë në minutën e 3-të me një harkim nga Almir Ajzeraj, por portieri i holandezëve reagoi me vështirësi dhe priti topin.
Kontrolli i lojës në minutat e para i përkiste vendasve, por AZ Alkmaar ishte më efikas në shfrytëzimin e mundësive. Në minutën e 17-të, kapiteni Sven Mijnans realizoi për 0-1, duke shfrytëzuar një pasim të saktë nga Isak Jensen dhe duke dërguar topin në këndin e poshtëm të majtë të portës.
Ndonëse Drita kërkoi penallti në minutën e 24-t, pas shqyrtimit të VAR-it, gjyqtari Dalibor Cerny vendosi të mos e japë. Futbollistët vendas u dukën të pakënaqur, por loja vazhdoi.
AZ Alkmaar pati edhe disa raste të tjera për të dyfishuar rezultatin. Në minutën e 38-t, Troy Parrott humbi një shans të qartë përballë portës, duke dërguar topin jashtë. Pak më vonë, një tentativë e Sven Mijnans u priti nga portieri Faton Maloku.
Në pjesën e dytë, AZ Alkmaar tregoi superioritetin e tyre të plotë. Në minutën e 58-të, Isak Jensen shënoi për 0-2, pas një asistimi nga Kees Smit, duke dërguar topin me një gjuajtje të fuqishme në këndin e poshtëm të majtë, pa asnjë mundësi për Malokun.
GOLI I 0-3 (VIDEO)
Më pas, në minutën e 90-të, Ibrahim Sadiq vulosi rezultatin 0-3 me një përfundim të saktë, duke konfirmuar dominimin e plotë të skuadrës holandeze. Drita mbetet 8 pikë teksa ndeshja e fundit: Rayo Vallecano-Drita, Spanjë!
Tag: minutën
-
(VIDEO) Drita bie në Prishtinë dhe djeg shansin top 8, por asnjë dramë mbi playoff
-
Arsenal i pandalshëm në Champions. Juventus nuk fal në shtëpi, “digjet” Zhegrova. Mourinho “leksione” Conte-s (video)
Arsenal ka marrë fitoren e gjashtë rresht këtë sezon në Champions League. Sonte, “Topçinjtë” fituan në transfertë 0-3 ndaj Club Brugge, ku protagonisti kryesor ishte Noni Madueke, me dy gola. Goli i parë erdhi në minutën e 25-të, pasi mori një top pak më tutje se mesi i fushës, dribloi dy nga kundërshtarët dhe me një goditje nga distanca, “shkundi” rrjetën.
Në fillim të pjesës së dytë, Madueke shënoi golin e dytë, këtë herë me kokë, pas krosimit të Martin Zubimendit. Në minutën e 56-të, ishte radha e Gabriel Martinelli për të shënuar me një goditje klasi në kufijtë e zonës së rreptësisë. Gabriel Martinelli është lojtari i parë i Arsenalit që shënon në pesë ndeshje radhazi në Champions League.
Jose Mourinho mposht Antonio Conte-n. Në “Estadio da Luz”, Benfica fitoi 2-0 ndaj Napolit, duke i lënë italianët në një pozitë tejet të vështirë, në vendin e 24-të, që rrezikon shumë të mos shkojë dot as në play-off. Golat për portugezët u shënuan nga Richardo Rios në minutën e 20-të dhe Leandro Barreiro në minutën e 49-të, pas asistit të Rios.
Juventus vuan shumë ndaj Pafos. Bardhezinjtë kanë fituar në “Allianz Stadium” 2-0 ndaj qipriotëve, falë golave në pjesën e dytë. Weston McKennie zhbllokoi shifrat në minutën e 67-të. Në minutën e 73-të, Jonathan David dyfishoi shiftat për bardhezinjtë. Edon Zhegrova e nisi si titullar këtë takim, por luajti vetëm 45 minutat e para dhe në fillim të pjesës së dytë u zëvendësua direkt nga Luciano Spalletti.
SHIKOGOLAT -
“Bye bye” Alonso? Real Madrid e pëson sërish, këtë herë nga Man. City. Dortmund dhe Leverkusen hap fals në shtëpi (video)
Vazhdon të përkeqësohet situata te Real Madrid. Sikur të mos mjaftonte humbja e fundit 0-2 ndaj Celta Vigo-s në La Liga, sot marilenët janë mundur 1-2 nga Manchester City, për javën e gjashtë të Champions League. Në minutën e tretë ka një kontakt në kufijtë e zonës së rreptësisë mes Matheus Nunes dhe Vinicius Junior, braziliani pengohet, arbitri drejton gishtin nga pika e bardhë e penalltisë. Vinicius Junior nis festën.
Ndërhyn VAR, ka faull ndaj Vinicius Junior, por është jashtë zonës së rreptësisë. Goditje dënimi për madrilenët, gjuan Federico Valverde, por topi përplaset në murin e City-t dhe përfundon në goditje këndi. Në mintuën e 28-të, madrilenët kanë kaluar në avantazh me Rodrygo-n, braziliani shënoi pas asistit të marrë nga Jude Bellingham dhe një daljeje të bukur në krahun e djathtë të sulmit. City barazoi shifrat 1-1 në minutën e 35-të, pas një goditjes këndit, Josko Gvardiol godet me kokë, Thibaut Courtois nuk e kontrollon mirë topin dhe Nico O’Reilly që gjendej në kohën dhe vendin e duhur, e shtyn atë në rrjetë. Në minutën e 43-të, Manchester City gjen golin e dytë, Erling Haaland shënon nga penalltia, e fituar nga vetë norvegjezi pas një kontakti në zonë me Antonio Rudiger. Pjesa e patë mbyllet 1-2 për anglezët. Rezultati nuk ndryshoi deri në fudn të ndeshjes. Real Madrid mundet 1-2 dhe Xabi Alonso rrezikon shumë tani shkarkimin.
Newcastle ka barazuar 2-2 në transfertë ndaj Bayer Leverkusen. Gjermanët e mbyllën pjesën e parë në avantazh falë një autogoli të Bruno Guimaraes. Në fillim të pjesës së dytë, Nico Woltemade fiton peanllti, pas faullit të portierit vendas ndaj tij, Anthony Gordon tregohet i saktë nga penalltia. Në minutën e 73-të, i futuri në pjesën e dytë, Lewis Miley, shënon me kokë, pas krosimit të Gordon. Alejandro Grimaldo barazoi shifrat për “Aspirinat” në minutën e 88-të.
Dortmund ka zhgënjyer duke barazuar 2-2 ndaj Bodo/Glimt në “Signal Iduna Park”. Për verdhezinjtë shënoi dy herë Julian Brandt, ndërsa për norvegjezët shënuan Aleesami dhe ylli i tyre kryesor, Jens Petter Hauge. Në “San Mames”, Athletic Bilbao-PSG u mbyll pa gola, e vetmja sfidë që përfundoi me rrjeta të paprekura.
SHIHGOLAT -
45′ e para: City “spektakël” në Bernabeu, Arsenal mjaftohet me “perlën” e Madueke. Mungon goli në Torino dhe “San Mames” (video)
Kanë përfunduar pjesët e para në takimet e mbrëmjes në Champions League. Në “Bernabeu”, pjesa e parë mes Real Madridit dhe Man. City është mbyllur 1-2 për “Qytetarët”. Në minutën e tretë ka një kontakt në kufijtë e zonës së rreptësisë mes Matheus Nunes dhe Vinicius Junior, braziliani pengohet, arbitri drejton gishtin nga pika e bardhë e penalltisë. Vinicius Junior nis festën.
Ndërhyn VAR, ka faull ndaj Vinicius Junior, por është jashtë zonës së rreptësisë. Goditje dënimi për madrilenët, gjuan Federico Valverde, por topi përplaset në murin e City-t dhe përfundon në goditje këndi. Në mintuën e 28-të, madrilenët kanë kaluar në avantazh me Rodrygo-n, braziliani shënoi pas asistit të marrë nga Jude Bellingham dhe një daljeje të bukur në krahun e djathtë të sulmit. City barazoi shifrat 1-1 në minutën e 35-të, pas një goditjes këndit, Josko Gvardiol godet me kokë, Thibaut Courtois nuk e kontrollon mirë topin dhe Nico O’Reilly që gjendej në kohën dhe vendin e duhur, e shtyn atë në rrjetë. Në minutën e 43-të, Manchester City gjen golin e dytë, Erling Haaland shënon nga penalltia, e fituar nga vetë norvegjezi pas një kontakti në zonë me Antonio Rudiger.
Në Brugge, Arsenal është duke udhëhequr 0-1 ndaj Club Brugge, falë golit të bukur të Noni Madueke në minutën e 25-të, i cili pasi mori një top pak më tutje se mesi i fushës, dribloi dy nga kundërshtarët dhe me një goditje nga distanca, “shkundi” rrjetën.
Në “BayArena”, Leverkusen është duke fituar 1-0 ndaj Newcastle, falë autogolit të Bruno Guimaraes, pas një goditje këndi ëpr gjermanët. Në “Signal Iduna Park”, Dortmund është duke barazuar 1-1 ndaj Bodo/Glimt. Julian Brandt shënoi për verdhezinjtë në minutën e 18-të, Aleesami barazoi për norvegjezët në minutën e 42-të.
Benfica është duke fituar 1-0 ndaj Napolit, falë golit të Richard Rios. Mungoi goli në dy sfidat e tjera, Bilbao-PSG dhe Juventus-Pafos.
SHIKOGOLATl -
Ajax e bën “sefte”, “Nëndetësja e Verdhë” përmbytet në shtëpi (video)
Kanë përfunduar dy ndeshjet e para për sot në Champions League. Në “Estadio de la Ceramica”, Villareal u mund 2-3 nga Copenhagen. Danezët gjetën avantazhin që në minutën e 2-të, me Mohamed Elyounoussi, i cili shënoi pas asistit perfekt të Marcos Lopez. Pjesa e parë mbyllet me këtë rezultat, 0-1.
Pjesa e dytë nis vrullshëm, ku shënohen 3 gola në 9 minuta. Në minutën e 46-të, Villarreal barazon shifrat me Comesana. Një minutë më pas, Copenhagen kalon sërish në avantazh me Achouri, i cili shënoi pas asistit të Zague. Në minutën e 55-të, Oluëasey barazoi sërish shifrat për “Nëndetësen e Verdhë”. Goli i fitores së madhe për danezët do të vinte në minutën e 90′ me Andreas Cornelius.
Në Baku, Qarabag edhe pse kaloi dy herë e para në avantazh, në fund humbi 2-4 ndaj Ajax-it, fitorja e parë ëpr holandezët në këtë sezon. Camilo Duran shënoi ëpr vendasit në minutën e 9-të, duke përfituar nga një dalje e gabuar e portierit të holandezëve dhe moskuptimit me mbrojtësin. Kasper Dolberg barazoi shifrat për Ajax-in në minutën e 39-të, me një gol të bukur me goditje nga distanca. Pjesa e parë mbyllet 1-1.
Me fillimin e pjesës së dytë, Matheus Silva kaloi sërish në avantazh Qarabag, me një goditje të bukur brenda zonës, pas një aksioni perfekt. Në minutën e 79-të, Oscar Gloukh barazoi shifrat me një gol të bukur në kufijtë e zonës së rreptësisë. Goli i përmbysjes së madhe për holandezët do të vinte në minuten e 83′ me Anton Gaaei. Oscar Gloukh shënoi golin e dytë personal dhe të katërtin për Ajax në minutën e 90′, duke vulosur përfundimisht fitoren 2-4 për holandezët.
SHIHGOLAT -
Atalanta përmbys Chelsea-n, De Ketelaere bën heroin, Gjimshiti një “digë”
Atalanta e Gjimshitit shkëlqen në Champions, thyen 2-1 me përmbysje Chelsea-n, del me 3 pikë nga Bergamo duke hedhur një hap të sigurt drejt kualifikimin. 13 pikë në 6 javë shifra fantastike që e vendosin Atalantën provizorisht në vendin e 3-të, ndërsa Chelsea zbret në vendin e 11-të.
Ekipi i Maresca-s e nisi ndeshjen në sulm duke gjetur golin e avantazhit në minutën e 25-të, me Joao Pedro që devijoi në rrjetë asistin e James. Gjyqtari i takimit i anuloi fillimisht festën, pasi e konsideroi pozicion jashtë loje, por me ndihmën e sistemit VAR la në fuqi golin e Joao Pedro-s. Në fraksionin e dytë, Atalanta mori kontrollin e lojës dhe në minutën e 55-të, Scamacca me kokë konvertoi në gol krosin perfekt të De Ketelaere. Fantazisti belg u shndërrua në protagonistin kryesor të kësaj mbrëmje pasi në minutën e 83-të me një aksion personal realizoi golin e dytë dhe të fitores duke bërë që stadiumi të shpërthente në festë.Titullar dhe 90-minuta në fushë ishte dhe kapiteni kuqezi Berat Gjimshiti, i vlerësuar nga mediat me notën 7.2.
Nuk e bëri dramë këtë humbje trajneri i Chelsea-t, Enzo Marseca: “Chelsea është po i njëjti ekip, si ky sot ashtu edhe ai kundër Barcelonës. Goli i pësuar ndryshoi totalisht rrjedhën e këtij takimi, por do të përpiqemi të bëjmë më mirë”, u shpreh Maresca. -
Gjimshiti triumfon ndaj Çelsit në arenën e kampionëve, Liverpulit i mjafton një penallti për të mposhtur Interin
Atalanta ka qenë befasia e mbrëmjes së sotme në Ligën e Kampionëve. Gjimshiti me shokë arritën që të mposhtnin Çelsin në Bergamo. Ndeshja përfundoi me rezultatin 2-1 në favor të italianëve. Zhoao Pedro shënoi gol në minutën e 25, por Skamaka në të 55-n dhe De Keteleare në minutën e 83-të përmbysën shifrat për Atalantën.
Ndërkohë, shumë pranë Bergamos, në “Xhuzepe Meaxa”, Interi ka dalë i mposhtur nga fusha e lojës. Tre pikët këtë mbrëmje shkuan për Liverpulin, që fitoi me rezultatin minimal 0-1. Të kuqve i mjaftoi një penallti në minutën e 86 të takimit, e cila u shndërrua në gol nga Zobozlai./Sport Ekspres/ -
Atalanta bën surprizën e madhe, përmbysje spektakolare ndaj Chelsea-s. Lumë golash në Holandë dhe Belgjikë, festojnë Atletico dhe Marseille
9 Dhjetor 2025
22:53
Telesport
Atalanta bën surprizën duke fituar me përmbysje 2-1 ndaj Chelsea. Për “Blutë” shënoi Joao Pedro, goli i parë për të në Champions League. Braziliani shënoi pas asistit të marrë nga kapiteni Reece James. Arbitri fillimisht e anulloi duke dyshuar për pozicion jashtë loje, ndërhyn VAR, goli quhet i rregullt. Pjesa e parë mbyllet 0-1 për londinezët. Atalanta përmbysë shifrat në pjesën e dytë me golat e Gianluca Scamacca 55′ dhe Charles De Ketelaere 83′.
Në Eindhoven, PSV edhe pse gjeti e para avantazhin me Guus Til në minutën e 10-të, Atletico Madrid bëri përmbysjen e madhe dhe fitoi me shifrat 2-3. Golat për “Colchoneros” u shënuan nga Julian Alvarez 37′, David Hancko 52′ dhe Alexander Sorloth 56′. Për holandezët ngushtoi shifrat Ricardi Pepi në minutën e 85-të, rezultati mbeti i pandryshuar deri në fund, 2-3 për Atletico-n.
Totteham bëri detyrën në shtëpi, duke fituar 3-0 ndaj Slavia Prague, falë një autogoli në minutën e 26′ dhe penalltive të ekzekutuar saktë nga Mohammed Kudus 50′ dhe Xavi Simons 78′. Një sfidë shumë e bukur ka qenë ajo e luajtur në Belgjikë, ku kampionët belg, Royale Union SG u mposht 2-3 nga Olimpique Marseille. Për francezët shënuan Paixao dhe dopietë nga Mason Greenwood.
Monaco fitoi në Principatë 1-0 ndaj Galatasaray. Denis Zakaria gaboi fillimisht nga penalltia, Folarin Balogun gjeti rrjetën në minutën e 68-të.
SHIKOGOLAT -
45′ e para: Surpriza vjen nga “Camp Nou”, festa e Liverpool shkon dëm. Chelsea dhe Tottenham “ok”
Kanë përfunduar pjesët e para të takimeve të mbrëmjes në Champions League, të vlefshme për javën e gjashtë. Në Bergamo, Chelsea është duke fituar 0-1 ndaj Atalantës, pas golit të Joao Pedro në minutën e 25-të. Braziliani shënoi pas asistit të marrë nga kapiteni Reece James. Arbitri fillimisht e anulloi duke dyshuar për pozicion jashtë loje, ndërhyn VAR, goli quhet i rregullt.
Surpriza vjen nga “Camp Nou”, aty ku Barcelona po mundet 0-1 nga Eintracht Frankfurt. Pas një kundërsulmi perfekt dhe asistit të marrë nga Nathaniel Broën, sulmuesi 23-vjeçar, Ansgar Knauff, pasi depërtoi bukur në zonë, u tregua më i shpejtë se mbrojtësit katalanas dhe dërgon topin në rrjetë në minutën e 21-të, duke përfituar dhe nga një zënie në befasi e mbrojtjes katalanase.
Në supersfidën e mbrëmjes, Inter-Liverpool, mungoi goli në pjesën e parë në “San Siro”. Të kuqtë gjetën rrjetën me Ibrahima Konate, pas një goditjeje këndi, por goli u anullua pas ndërhyrjes së VAR, për prekje të topit me dorë nga Virgil van Dijk.
Në Eindhoven, pjesa e parë mes PSV dhe Atletico Madridit është mbyllur 1-1. Holandezët gjetën të parët avantazhin me golin e Guus Til në minutën e 10-të, “Colchoneros” barazojnë shifrat me të zakonshmin Julian Alvarez.
Në sfidat e tjera, Tottenham po fiton 1-0 ndaj Slavia Prague, falë një autogoli. Marseille është duke fituar në transfertë 1-2 ndaj Royale Union SG. Mungon goli në sfidën e fundit, Monaco-Galatasaray.
SHIKOGOLAT -
Festa e Sporting zgjat pak, Bayern shënon dy gola të shpejtë (video)
9 Dhjetor 2025
20:19
Telesport
Nëse pjesa e parë në Bayern Munich-Sporting Lisbon u mbyll pa gola, pjesa e dytë po dhuron spektakël. Fillimisht portugezët gjetën avantazhin në minutën e 54-të, ku pas një aksioni të shpejtë, pasimi i Joao Simoes devijohet nga Joshua Kimmich në portën e tij.
Në minutën e 65-të, Bayern barazon shifrat. Michael Olise kroson nga këndi, Serge Gnabry i lënë komplet i lirë nga futbollistët e Sportingut, e ka shumë të lehtë të shtyjë topin në rrjetë.
Në minutën e 69-të ishte radha e “diamantit” të ri të bavarzërve, Lennart Karl, i cili shënoi një gol tejet të bukur, pas pasimit të parrë nga Konrad Laimer. SHIHGOLAT