Lajmidites.com

Tag: mësuesit

  • Ina Zhupa paraqet amendament të buxhetit për përfshirjen e pagës së 13-të për mësuesit

    Ina Zhupa paraqet amendament të buxhetit për përfshirjen e pagës së 13-të për mësuesit

    Deputetja e Partisë Demokratike, Ina Zhupa ka depozituar në Kuvend një amendament për projektbuxhetin e vitit 2026, i cili parashikon vendosjen e pagës së 13-të për të gjithë mësuesit e arsimit parauniversitar.

    Amendamenti kërkon krijimin e një fondi prej 2.54 miliard lekësh për këtë qëllim, si dhe miratimin e një vendimi të Këshillit të Ministrave brenda qershorit 2026 për mënyrën e kompensimit financiar.

    Sipas relacionit shoqërues, nisma synon rritjen e motivimit profesional të mësuesve, përmirësimin e kushteve ekonomike dhe afrimin e Shqipërisë me praktikat evropiane që aplikojnë shpërblime vjetore për stafin arsimor.

    Zhupa thekson se paga e 13-të do të reduktojë largimet nga profesioni dhe do të ndikojë pozitivisht në cilësinë e arsimit.

    Postimi i plotë:

    Amendament i buxhetit me qëllim përfshirjen e pagës së 13-të si shpërblim vjetor i detyrueshëm për të gjithë mësuesit e sistemit arsimor parauniversitar publik.

    Ky amendament synon: • Rritjen e motivimit profesional të mësuesve përmes një skeme të qartë shpërblimi.

    • Vlerësimin e rolit të mësuesve në formimin e brezit të ri, në përputhje me standardet e vendeve europiane.

    • Përmirësimin e kushteve ekonomike të mësuesve, duke ulur presionin financiar dhe nxitur qëndrueshmërinë në profesion.

    • Reduktimin e largimeve nga profesioni dhe të deficitit të mësuesve në disa profile.

    Në skemën aktuale të pagave për mësuesit, pavarësisht shtesave për kualifikimin dhe vjetërsinë, nuk parashikohet një shpërblim vjetor i standardizuar në formën e pagës së 13-të.

    Mësuesit përballen me: • rritje të kostove të jetesës, • barrë të madhe pune jo të paguar (korrigjime, përgatitje mësimore, punë administrative), • veçanërisht mungesë motivimi financiar krahasuar me profesione të tjera të sektorit publik.

    Shumë vende europiane parashikojnë forma të shpërblimeve vjetore, bonuse apo paga të 13-ta për punonjësit e sektorit publik, veçanërisht në arsim, si mjet për të ruajtur cilësinë dhe për të motivuar stafin. Ky amendament e afron Shqipërinë me praktikat e vendeve të BE-së.

    Paga e 13-të llogaritet mbi pagën bazë vjetore të mësuesit.

    Ky amendament përbën një hap të domosdoshëm drejt rritjes së vlerësimit profesional të mësuesve dhe forcimit të cilësisë së sistemit arsimor.

    “>http://
     

  • Ina Zhupa paraqet amendament mbi përfshirjen në buxhet të pagës së 13-të për mësuesit

    Ina Zhupa paraqet amendament mbi përfshirjen në buxhet të pagës së 13-të për mësuesit

    Deputetja e Partisë Demokratike, Ina Zhupa ka depozituar në Kuvend një amendament për projektbuxhetin e vitit 2026, i cili parashikon vendosjen e pagës së 13-të për të gjithë mësuesit e arsimit parauniversitar.
    Amendamenti kërkon krijimin e një fondi prej 2.54 miliard lekësh për këtë qëllim, si dhe miratimin e një vendimi të Këshillit të Ministrave brenda qershorit 2026 për mënyrën e kompensimit financiar.
    Sipas relacionit shoqërues, nisma synon rritjen e motivimit profesional të mësuesve, përmirësimin e kushteve ekonomike dhe afrimin e Shqipërisë me praktikat evropiane që aplikojnë shpërblime vjetore për stafin arsimor.
    Zhupa thekson se paga e 13-të do të reduktojë largimet nga profesioni dhe do të ndikojë pozitivisht në cilësinë e arsimit.
    Postimi i plotë:
    Amendament i buxhetit me qëllim përfshirjen e pagës së 13-të si shpërblim vjetor i detyrueshëm për të gjithë mësuesit e sistemit arsimor parauniversitar publik.
    Ky amendament synon: • Rritjen e motivimit profesional të mësuesve përmes një skeme të qartë shpërblimi.
    • Vlerësimin e rolit të mësuesve në formimin e brezit të ri, në përputhje me standardet e vendeve europiane.
    • Përmirësimin e kushteve ekonomike të mësuesve, duke ulur presionin financiar dhe nxitur qëndrueshmërinë në profesion.
    • Reduktimin e largimeve nga profesioni dhe të deficitit të mësuesve në disa profile.
    Në skemën aktuale të pagave për mësuesit, pavarësisht shtesave për kualifikimin dhe vjetërsinë, nuk parashikohet një shpërblim vjetor i standardizuar në formën e pagës së 13-të.
    Mësuesit përballen me: • rritje të kostove të jetesës, • barrë të madhe pune jo të paguar (korrigjime, përgatitje mësimore, punë administrative), • veçanërisht mungesë motivimi financiar krahasuar me profesione të tjera të sektorit publik.
    Shumë vende europiane parashikojnë forma të shpërblimeve vjetore, bonuse apo paga të 13-ta për punonjësit e sektorit publik, veçanërisht në arsim, si mjet për të ruajtur cilësinë dhe për të motivuar stafin. Ky amendament e afron Shqipërinë me praktikat e vendeve të BE-së.
    Paga e 13-të llogaritet mbi pagën bazë vjetore të mësuesit.
    Ky amendament përbën një hap të domosdoshëm drejt rritjes së vlerësimit profesional të mësuesve dhe forcimit të cilësisë së sistemit arsimor.

  • ‘Rekord korrupsioni, krimi…’, Zhupa: Ndërkombëtarët nuk i besojnë më qeverisë Rama, vetëm klientët e pushtetit përfitojnë

    ‘Rekord korrupsioni, krimi…’, Zhupa: Ndërkombëtarët nuk i besojnë më qeverisë Rama, vetëm klientët e pushtetit përfitojnë

    Gjatë fjalës së saj në foltoren e Kuvendit, deputetja Ina Zhupa denoncoi mungesën e besueshmërisë së qeverisë shqiptare te partnerët ndërkombëtarë dhe fondacionet, të cilët nuk zgjedhin më të bashkëpunojnë me vendin për shkak të rekordeve të qeverisjes së dobët, korrupsionit dhe lidhjeve me krimin e organizuar. Sipas saj, të vetmit që vazhdojnë bashkëpunimin me qeverinë janë ata që kanë interesa klienteliste dhe përfitojnë direkt nga marrëdhëniet me pushtetin.Zhupa solli rastin e universitetit të Federica Mogherinit, ku emërimi dhe përfitimet milionëshe janë kryer për të mbajtur lidhje me aktorët ndërkombëtarë që mbështesin qeverinë, ndërkohë që qytetarët dhe sektori i arsimit mbeten të braktisur.Ajo paralajmëroi se këto praktika tregojnë qartë se qeveria nuk punon për interesin publik, por vetëm për klientët e saj, duke dëmtuar rëndë mësuesit, studentët dhe besueshmërinë e Shqipërisë.
     Të nderuar kolegë, të nderuar qytetarë, ky është një rast ku partnerët nuk i besojnë më Shqipërisë, ku ndërkombëtarët nuk zgjedhin më të bashkëpunojnë me Shqipërinë. Nuk është rast i izoluar, nuk është një rast që ndodh për shkak të një axhende të një fondacioni. Është sepse të gjithë partnerët e besueshëm të Shqipërisë tashmë lexojnë raportet për Shqipërinë, shikojnë rekordet e lidhura me korrupsionin, me drogën, me krimin, për të kuptuar që nuk ia vlen bashkëpunimi me qeverinë shqiptare. Të vetmit që bashkëpunojnë me qeverinë shqiptare janë ata të cilët janë të ngjashmit e tyre.

    Rasti i fundit i Federica Mogherinit e tregoi qartësisht se si një individ pa asnjë titull shkencor, pa asnjë kontribut në shkencë as doktoreshë shkencash, as profesoreshë e asociuar, as profesor doktor, asgjë në shkelje të ligjit shqiptar bëhet rektore e një universiteti. Vetëm sepse është ndërkombëtare, nga ato që mbështesin qeverinë e korruptuar. Dhe rektorja e këtij universiteti merr edhe miliona euro nga buxheti i këtij shteti të varfër, i këtij shteti që nuk investon në arsim: merr 17 milionë euro nga Fondi Shqiptar i Zhvillimit për ato godina, i dhurohen godina nga Këshilli Bashkiak i Tiranës, vetëm e vetëm për të mbajtur mirë marrëdhëniet me këta ndërkombëtarët e korruptuar.

    Që ajo të fliste sa afër integrimit ishte qeveria shqiptare, sa me standarde ishte qeveria shqiptare, sa i arritshëm ishte 2030 për qeverinë shqiptare, të gjitha broçkulla, sepse ishin broçkulla të paguara shtrenjtë nga paratë e taksave të shqiptarëve. Ndërkohë, për atë vend kishte një vendim nga viti 2013 për t’u bërë kampus universitar për studentët dhe pedagogët, që mësojnë në kushte që nuk kanë lidhje fare me standardet europiane: zero. Konviktet janë në gjendje të mjerueshme, dhe mënyra se si ndahen fondet është edhe më e frikshme.

    Të shikosh buxhetin e arsimit: është skandaloz. Shqipëria alokon më pak fonde për arsimin. Nga viti 2022, fondet e arsimit ishin 2.9% e prodhimit të brendshëm bruto, këtë vit priten 2.4%, dhe në 2028 sipas parashikimeve të buxhetit afatmesëm priten 2.1% të prodhimit të brendshëm bruto. Pra, teksa themi që ekonomia rritet, realisht ulen fondet për arsimin. Ulen paratë që duhet të shkojnë për studentët, për nxënësit, për mësuesit, për pedagogët.

    Përdorni çdo marifet për t’i marrë paratë mësuesve: keni 11 mijë mësues në sistem që iu hoqën 50 mijë lekë të vjetra, vetëm me një të rënë të lapsit, me një vendimmarrje të Ogerta Manastirliut, duke zhvlerësuar gjithë kontributin e tyre me vite në arsim. Mësues të cilët paguheshin njësoj si kolegët e tyre dhe jepnin në të njëjtat klasa. Disa prej tyre janë në prag të pensionit, dhe kjo vendimmarrje i dëmton edhe për pensionin e tyre. Por ju, me një të rënë të lapsit dhe me justifikimin se nuk keni para, ndërkohë që paratë i çoni lumë tek këta ndërkombëtarët e korruptuar, ua hoqët.

    Nëse doni të bëni për mësuesit, e keni mundësinë. Mund ta zgjidhni këtë padrejtësi që keni bërë. Edhe disa kolegë të Partisë Socialiste e pranojnë se keni të drejtë, veçmas për shkak të familjarëve të tyre mësues ose qytetarëve që ua kërkojnë. Unë kam bërë një propozim ligjor, i konsultuar me sindikatën e mësuesve dhe zonjën Alma Lama, i cili kërkon që t’i kthehet mësuesve ajo që kanë pasur para se të vendoseshin standardet e sistemit të Bolonjës.

    Ju nuk mund të zhvlerësoni diplomat e mësuesve që japin në të njëjtat klasa, po aq kualitet sa kolegët e tyre, vetëm sepse doni t’i vidhni paratë. Asgjë nuk i kushton buxhetit të shtetit 11 mijë mësues nga 5 mijë lekë të reja në muaj. Nuk është as sa gjysëm kilometri me tarifat e rrugëve të Floririt.

    Ju ftoj, kolegë, të reflektoni: ky rast tregon qartësisht që po braktiseni edhe nga ndërkombëtarët. Minimalisht, në kohën që diskutojmë për buxhetin dhe bëni propagandë me arsimin dhe mësuesit, të pranoni propozimin ligjor dhe ta votojmë së bashku, ta fusim në axhendën parlamentare. Projektligjet e deputetëve të opozitës zakonisht rrinë në sirtarët e Kuvendit, ndërsa të juat futen shpejt në seancë plenare. Nuk keni guximin t’i votoni kundër, sepse e dini që ato janë kundër interesit publik. Vota juaj kundër është kundër çdo mësuesi.

    Mësuesit që takova në prag të pensionit nuk mund të bëjnë master tani, sepse dalin në pension. Ju i thoni të bëjnë master, por kjo nuk është në të mirën e arsimit. Është diskriminim, shkelje e të drejtave të fituara dhe tregon se qeveria shqiptare nuk punon për interesin publik, por vetëm për interesin e atyre që kanë marrëveshje me pushtetin.

    Për qytetarët nuk funksiononi: harroni, nuk funksiononi, dhe bëni dëm. Edhe propagandën për rritjen e pagave të mësuesve e keni bërë për të mashtruar, sepse ua rrisnit 35 mijë lekë dhe ua hiqnit 50 mijë. Mësuesit e ndershëm mbetën me minus.

    Prandaj, ftoj të mbani qëndrim për mbështetjen ndaj mësuesve dhe të votojmë projektligjin tim pa kaluar dhjetori, që propozon kthimin e asaj që kanë pasur mësuesit para VKM-së së Ogerta Manastirliut, për pagesën e njëjtë me kolegët e tyre dhe për njohjen e arsimit që kanë bërë para futjes së sistemit të Bolonjës. Ligji duhet të garantojë këto të drejta të fituara dhe të mos i cënojë në punën e tyre.

  • 100 mln euro për rritjen e pagave/ Ja sa do marrin mësuesit, mjekët dhe administrata

    100 mln euro për rritjen e pagave/ Ja sa do marrin mësuesit, mjekët dhe administrata

    Gati 100 milionë euro janë parashikuar në projektbuxhetin e vitit të ardhshëm për rritjen e pagave në administratën qendrore dhe vendore.  Ministri i Financave, Petrit Malaj tha në Komisionin e Ekonomisë se do të jenë 144 mijë punonjës që do të përfitojnë.
    “Kostoja e përgjithshme e këtyre ndërhyrjeve në paga, përfshirë edhe rritjen e pagës minimale dhe indeksimin periodik, është vlerësuar në rreth 10 miliardë lekë dhe prek mbi 144.000 punonjës në administratën qendrore dhe vendore. Në tërësi ky buxhet përfaqëson një balancë të qëndrueshme midis politikave sociale dhe disiplinës fiskale, duke krijuar hapësirë reale për zhvillim, drejtësi sociale dhe përmirësim të standardeve të jetesës”, tha Malaj.
    Malaj dha edhe disa shembuj se si do të rriten pagat për kategori të caktuara nga mësuesit tek bluzat e bardha.
    “Pagat e mësuesit të shkollës nëntëvjeçare do të rriten me 3000 lekë në muaj duke e çuar pagën mesatare bruto të këtyre mësuesve nga 96300 lekë në muaj në rreth 100000 lekë në muaj. Paga mesatare bruto, e mjekut të përgjithshëm, me rritjen e parashikuar, do të arrijë në rreth 143,446 lekë në muaj, ndërsa ajo e infermierëve do të arrijë në 92,526 lekë në muaj. Paga bruto mesatare në administratën publike, për punonjësit buxhetorë në vitin 2026 do të shkojë rreth 112,000 lekë në muaj”, tha Malaj.
    Për herë të parë në vitin e ardhshëm pagat e administratës publike do të indeksohen me 2.5%, për të kompensuar rritjen e inflacionit. Qeveria pret që indeksimi i pagave me normën e inflacionit të ndiqet edhe nga privati.

  • Ja mashtrimi i madh i Edi Ramës me “arsimin digjital”, shkollat shqiptare janë pa internet, pa laboratorë…

    Ja mashtrimi i madh i Edi Ramës me “arsimin digjital”, shkollat shqiptare janë pa internet, pa laboratorë…

    Kryeministri Edi Rama ndau lajmin së fundmi se Shqipëria është renditur me rezultate pozitive në testimin ndërkombëtar TALIS – Anketa Ndërkombëtare e Mësimdhënies dhe të Nxënit, ku marrin pjesë 55 vende të Organizatës për Bashkëpunim dhe Zhvillim Ekonomik (OECD).  “Erdha këtu me një kënaqësi të veçantë sepse është një lajm shumë i mirë për prindërit, që në një anketim ndërkombëtar për mësimdhënie dhe të nxënit mes 55 sistemeve arsimore në Europë dhe më gjerë, mësuesit tanë kanë dalë mirë. Kjo është merita e tyre, por edhe një pasqyrë e përpjekjes që kemi bërë së bashku për t’i mbështetur në vazhdimësi. Ndihem krenar për ju, për gjithë mësuesit e Shqipërisë, që në një anketim kaq sfidues kemi dalë me rezultate domethënëse e pozitive,” deklaroi Rama. Por si qëndron e vërteta e kësaj propagande të kryeministrit?
    Realiteti dramatik i arsimit
    Nuk ka asnjë bazë të besueshme që mësuesit shqiptarë të kenë përdorur inteligjencën artificiale në përqindje më të lartë se mësuesit në vendet më të zhvilluara të botës, si Austria, Norvegjia, Belgjika apo SHBA. TALIS nuk mat aftësitë reale, por vetëm perceptimet. Pyetësori bazohet në vetëraportimin e mësuesve dhe jo në testime konkrete, çka e bën procesin subjektiv dhe të ndikuar nga mënyra si udhëzohen mësuesit për ta plotësuar Realiteti në terren është i kundërt me propagandën. Arsimi digjital në Shqipëri ekziston vetëm në dokumente dhe deklarata, jo në praktikë. Një pjesë e madhe e institucioneve arsimore nuk kanë internet, laboratorë funksionalë apo pajisje kompjuterike të përdorshme. Lënda e Teknologjisë së Informacionit nuk zhvillohet realisht. Në shumë shkolla, sidomos në arsimin 9-vjeçar dhe të mesëm, kjo lëndë nuk mësohet; librat e TIK-ut shpesh dorëzohen të papërdorur në fund të vitit. Mësuesit e TIK-ut shpesh nuk janë të kualifikuar në fushën e teknologjisë. Lëndën e japin persona që kanë mbaruar degë të tjera, ose mësues që plotësojnë ngarkesën orare pa pasur formim profesional në këtë fushë. Përdorimi i teknologjisë shpesh kufizohet në celularë dhe WhatsApp. Në disa raste, ajo që quhet “përdorim i inteligjencës artificiale” në anketa mund të përfshijë mjete komunikimi të zakonshme dhe jo programe mësimore digjitale. Një pjesë e madhe e mësuesve kanë mungesë njohurish bazë teknologjike. Rreth 60% e mësuesve të ciklit të ulët nuk dinë të përdorin kompjuterin, madje edhe në shkollat e Tiranës. Ekziston një kontrast i madh mes vetëvlerësimit të mësuesve dhe rezultateve të nxënësve. Ndërsa mësuesit raportojnë nivele të larta kënaqësie dhe profesionalizmi, testet ndërkombëtare si PISA tregojnë rezultate shumë të ulëta për nxënësit shqiptarë në matematikë, shkencë dhe gjuhë. Sistemi arsimor shqiptar ndodhet në kolaps. Të dhënat tregojnë mungesë motivimi, mungesë drejtimi dhe përkeqësim në fusha si diskriminimi, bullizmi dhe dhuna në shkolla. Statistikat pozitive përdoren për propagandë. Raportimet e bukura në letër shërbejnë për të fshehur dështimet reale të sistemit dhe mungesën e investimeve në cilësinë e mësimdhënies.
    Skandali në universitetet
    Kriza nuk ndalet në arsimin parauniversitar – ajo ka përfshirë edhe arsimin e lartë.Në Universitetin e Elbasanit është zbuluar një rast që ngre dyshime serioze për abuzime sistemike. Raportimet tregojnë se persona të regjistruar si “studentë të vitit të parë” rezultojnë të jenë gra në moshë 50–60 vjeç, të cilat nuk dinin as emrin e degës ku figuronin të regjistruara dhe nuk kishin asnjë ide pse ishin përfshirë në listat e studentëve. Këto raste ngjallin dyshime për një skemë të qëllimshme me studentë fiktivë, të përdorur për të mbajtur programet studimore të hapura dhe për të justifikuar orët e punës së pedagogëve.
    Arsimi dhe shkenca shqiptare në prag të katastrofës
    Kujtojmë gjithashtu se gazeta “SOT” raportoi dhe nw njw artikull tw fundit se shkenca shqiptare po përjeton momentin më të errët të saj që nga themelimi i universiteteve moderne në vend. Një raport i detajuar i Institutit Konservator Shqiptar, me autore Lindita Komanin, zbardhi një realitet alarmant. Në raport thuhet se viti i ri akademik 2025-2026 ka nisur dhe drejtuesit dhe pedagogët e fakulteteve janë sërish në ankth mbi regjistrimet në degët që ofrojnë. Numri i studentëve përcakton fondet për universitetet dhe dobëson ose forcon autonominë e tyre. Veçanërisht të rrezikuara janë degët e shkencave të natyrës. Ky raport përmbledh gjendjen e fushave të shkencave natyrore, matematikës dhe statistikës në Shqipëri (ISCED F-05) dhe e krahason atë me vendet e rajonit dhe Bashkimin Europian. Ai kombinon dy tregues kyçë: 1) rënien e regjistrimeve të studentëve në këto fusha, 2) nivelin e investimeve publike dhe private në Kërkim & Zhvillim (R&D). Rënia e shkencës është treguesi i një realiteti tragjik. Kur mbyllen katedrat e fizikës, shoqëria ndalon së pyeturi për ligjet e natyrës. Kur zhduket matematika, venitet logjika. Kur braktiset kimia e biologjia, ndalon vetë procesi i transformimit në shoqëri po aq sa në laborator. Kjo që po ndodh në Shqipëri nuk është vetëm një krizë universitare, por një krizë e kuptimit. Heshtja e laboratorëve është heshtja e një shoqërie që ka harruar vlerën e shkencës dhe gjuhën e kërkimit shkencor.
    Krahasimi rajonal dhe pasojat
    Në krahasim me vendet e tjera të rajonit, Shqipëria renditet në fund për regjistrimet në shkenca dhe financimin e kërkimit. Serbia që përbën konkurrentin më të fortë për Shqipërinë në rajon, investon shumëfish më shumë në R&D dhe ruan programe të qëndrueshme në shkencat bazë. Mesatarja e BE-së është po ashtu shumëfish më e lartë. Ky hendek krijon një rreth vicioz: institucionet e dobësuara prodhojnë pak studentë, dhe mungesa e studentëve përdoret për të justifikuar më pak fonde. Rezultati është një peizazh shkencor që zbrazet çdo vit, një paaftësi për konkurrueshmëri në nivel ndërkombëtar dhe për inovacion në fusha që bazohen në zotërimin e njohurive kritike të shkencave të natyrës dhe matematikës.

  • Sula: Raporti TALIS është anketë me mësuesit jo testim i aftësive digjitale. Nxënësit të fundit në PISA, ndërkohë mësuesit na qenkërkan të lumtur

    Sula: Raporti TALIS është anketë me mësuesit jo testim i aftësive digjitale. Nxënësit të fundit në PISA, ndërkohë mësuesit na qenkërkan të lumtur

    Drejtuesja e Departamentit të Arsimit në Partinë Demokratike, Lili Sula, ka reaguar pas publikimit të rezultateve të pyetësorit ndërkombëtar TALIS, ku 52% e mësuesve shqiptarë pretendohet të kenë përdorur inteligjencën artificiale gjatë vitit 2024, përballë një mesatareje prej 36% në vendet e OECD-së.

    Sipas Sulas, këto shifra janë të pabesueshme dhe përfaqësojnë një tjetër fasadë propagandistike të qeverisë për të fshehur realitetin dramatik të arsimit në vend. “Askush nuk mund të besojë se mësuesit tanë kanë lënë pas kolegët në Austri, Norvegji, Belgjikë apo SHBA, vende që e kanë bërë përdorimin e inteligjencës artificiale pjesë të zakonshme të procesit mësimor,” tha ajo.

    Ajo theksoi se pyetësori TALIS bazohet vetëm në vetëraportimin e mësuesve dhe jo në testime konkrete të aftësive të tyre, duke e cilësuar procesin si subjektiv dhe të orientuar nga eprorët. “Arsimi digjital është vetëm në letër,” theksoi Sula, duke shtuar se mburrja e kryeministrit me “mesatare të lartë të përdorimit të IA-së” është një tjetër mashtrim qeveritar.

    Sipas saj, realiteti në terren është krejt tjetër: shumica e shkollave nuk kanë as internet, as laboratorë funksionalë, ndërsa lënda e Teknologjisë së Informacionit dhe Komunikimit nuk zhvillohet as në ciklin 9-vjeçar, as në atë të mesëm. “Nxënësit e dorëzojnë librin e TIK-ut të papërdorur, ndërsa shumë mësues që e japin lëndën nuk janë të diplomuar në teknologji apo informatikë,” shtoi Sula.

    Ajo ironizoi se, ndoshta, mësuesve u është kërkuar të përfshijnë në anketë edhe përdorimin e celularit apo grupeve të WhatsApp-it, pasi në realitet “më shumë se 60% e mësuesve të ciklit të ulët nuk dinë të përdorin kompjuterin, edhe në Tiranë”.

    Në vijim, Sula nënvizoi kontrastin e fortë mes vetëvlerësimit të lartë të mësuesve dhe rezultateve dramatike të nxënësve shqiptarë në testet ndërkombëtare si PISA, ku Shqipëria renditet në fund të listës për matematikë, shkencë e gjuhë.

    “Kur nxënësit bien në fund të tabelave, nuk mjaftojnë statistikat e bukura në letër. Duhet përgjegjësi, reforma të vërteta dhe investim real në cilësinë e mësimdhënies,” përfundoi Sula, duke e cilësuar sistemin arsimor shqiptar si “një model propagande pa cilësi e pa përmbajtje.”

    Deklarata e plotë:

    Në pyetësorin TALIS (Anketa Ndërkombëtare e Mësimdhënies dhe të Nxënit), 52% e mësuesve shqiptarë janë shprehur se kanë përdorur inteligjencën artificiale gjatë vitit 2024, ndërkohë që mesatarja për vendet e OECD, është 36%.

    Në fakt, askush nuk mund të besojë se mësuesit tanë kanë lënë shumë vende mbrapa mësuesit në Austri, Holandë, Norvegji, Belgjikë, Finlandë, Shtetet e Bashkuara vende të zhvilluara që përdorimin e inteligjencës artificiale e të programeve për progresin digjital e kanë bërë pjesë normale të procesit mësimor.

    Duhet të mbajmë parasysh se TALIS bazohet në plotësimin e anketës nga ana e mësuesve, jo në testime të aftësive të tyre, nga ana tjetër vetëraportimi është subjektiv, sa edhe i orientuar e nën mbikëqyrje për të plotësuar anketën ashtu siç duan eprorët.

    Arsimi digjital është vetëm në letër, ndërsa mburrja e kryeministrit me tamtame për mësues të kënaqur me profesionin, për mesataren e lartë të mësuesve që përdorin IA është tjetër fasadë qeveritare për të fshehur kolapsin në terren.

    Është e ditur se:

    -shumica dërrmuese e shkollave s’kanë as internet, as kompjuterë, as laboratorë funksionalë.

    – Lënda e Teknologjisë së Informacionit dhe Komunikimit nuk zhvillohet fare as në ciklin 9-vjeçar, as në atë të mesëm. Nxënësit e dorëzojnë librin në fund të vitit shkollor të papërdorur ashtu siç e kanë marrë në fillim të tij.

    -Lëndën e TIK-ut e zhvillojnë mësues që nuk janë diplomuar në fushë të teknologjisë dhe të informacionit por në degë të tjera, si dhe mësues që nuk plotësojnë ngarkesën mësimore.

    Mësuesve tanë me ç’duket u është kërkuar të përfshijnë edhe përdorimin e celularit dhe të grupeve të ËhatsApp-it, sepse ata vetë e dinë po aq mirë sa nxënësit e prindërit dhe shoqëria se më shumë se 60 % e mësuesve të ciklit të ulët nuk dinë të përdorin kompjuterin, edhe në mes të Tiranës, ndaj këto shifra nuk janë realitet, por propagandë e paketuar si statistikë.

    85% e mësuesve pohojnë se e kanë zgjedhur si profesion të parë mësuesinë, por për pyetjen nëse dashuria për profesionin mund të ndikojë më shumë sesa paga, Shqipëria nuk figuron në listën e përgjigjeve, ndërkohë që renditet Maqedonia e Veriut, Kosova.

    Realiteti në terren dhe rezultatet dramatike të nxënësve tregojnë një histori krejt tjetër krahasuar me përgjigjet e pyetësorit – një sistem arsimor në kolaps, ku testet ndërkombëtare si PISA-s zbulojnë mungesën e njohurive, të motivimit dhe drejtimit dhe i rendisin aftësitë e nxënësve në matematikë, gjuhë, shkencë, të menduarin krijues  në fund të botës. Janë përkeqësuar të dhënat për diskriminimin, asocializimin, bullizmin, dhunën e konfliktet, ndërkohë mësuesit na qenkërkan  të lumtur.

    Kur nxënësit bien në fund të tabelave, nuk mjaftojnë statistikat e bukura në letër, por duhet përgjegjësi, reforma të vërteta dhe investim real në cilësinë e mësimdhënies.

    Kontrasti i fortë mes vetëvlerësimit të lartë të mësuesve dhe nivelit të ulët të arritjeve të nxënësve mbetet dëshmia më e qartë e politikave arsimore të qeverisë: shumë propagandë, aspak cilësi.

  • Raporti i OECD për arsimin, Rama: Nga pasiguri te plotë, sot mësuesit kanë vend pune të garantuar

    Raporti i OECD për arsimin, Rama: Nga pasiguri te plotë, sot mësuesit kanë vend pune të garantuar

    Gjatë prezantimit të raportit të OECD mbi rezultatet e Anketës Ndërkombëtare të Mësimdhënies dhe Nxënies (TALIS), Kryeministri Edi Rama vuri në dukje domosdoshmërinë e mbështetjes së mësuesve të rinj, uljen e ngarkesës së punës dhe rritjen e rolit të teknologjisë në procesin mësimor.
    Duke komentuar të dhënat e raportit, Rama tha se shqetësimi për mundësinë që mësuesit e rinj të braktisin profesionin për shkak të mungesës së mbështetjes është një sinjal serioz që qeveria e trajton me prioritet.
    “Një pjesë e mësuesve të rinj raportojnë që mund ta lënë profesionin nëse nuk ndihen të mbështetur. Ky është një sinjal që ne e marrim shumë seriozisht,” u shpreh ai.

    Kryeministri vlerësoi gjithashtu progresin e bërë në rivendosjen e autoritetit të figurës së mësuesit dhe përmirësimin e kushteve të sigurisë në vendin e punës. Ai theksoi rëndësinë e zhvillimit të programeve në fushat e artit dhe zejtarisë si pjesë e vizionit për një sistem arsimor gjithëpërfshirës.
    “Mbështetja e mësuesve të rinj, ulja e ngarkesës së punës dhe integrimi gjithnjë dhe më i madh i teknologjisë janë objektiva që duhet t’i ndjekim bashkërisht. Ka një shqetësim që ne nuk na gjen të papërgatitur, është që një pjesë e mësuesve të rinj, raportojnë që mund ta lënë profesionin nëse nuk ndjehen të mbështetur të mjaftueshëm. Është një sinjal që ne e marrim shumë seriozisht. Angazhimi i vazhdueshëm i mësuesve është objektiv që konfirmohet edhe nga anketimi. Sot është një ditë e bukur për të celebruar diçka pozitive, që raporti i këtij anketimi e nënvizon.
    Është një ditë për të falënderuar të gjithë mësuesit-et e kësaj Shqipërie, që na keni nderuar në këtë proces. Rivënia në vend e autoritetit të mësuesit është një sfidë shumë e madhe dhe e gjejmë shumë të lënduar. Sepse mësuesit nuk kishin asnjë garanci për vendin e punës, gjithçka e kishin të lidhur me teslën e partisë. Kurse sot jeni të paprekshëm në vendin tuaj të punës, pavarësisht bindjeve politike që keni. Nuk as lëvizje të mësuesve nga një vend në tjetrin. Duhet t’i jepet një shtysë më e madhe programit të arteve dhe të zejeve. Duhet të mendojmë edhe për shpërblimin ekstra që do të merren me këtë program.
    E kuptoj gjithë vështirësinë për t’u përballur me ata çerrat, që janë ndryshe nga ç’kemi qenë ne. Kanë informacion shumë më shumë se ne, por më të pakontrolluar. Vijnë me shokun në xhep (telefona), sa dalin nga shkolla bëjnë një jetë tjetër. Megjithatë kjo është sfida, fakti që ne e dimë është gjysma e punës. Duhet të punojmë sa më shumë me njëri-tjetrin. Sa më shumë përkushtim, motivim dhe padiskutim që ne jemi në mbështetjen tuaj”, tha kryeministri Rama.
    /vizionplus.tv

  • Të integrojmë AI në procesin mësimor, Rama: Do të jetë mbështetje për mësuesit e rinj

    Të integrojmë AI në procesin mësimor, Rama: Do të jetë mbështetje për mësuesit e rinj

    Kryeministri Edi Rama mori pjesë sot në prezantimin e raportit të OECD për rezultatet e TALIS, Anketës Ndërkombëtare të Mësimdhënies dhe të Nxënit, ku Shqipëria renditet ndër vendet e para.
    Gjatë fjalës së tij, Rama u shpreh se rezultatet e këtij raporti janë shumë domethënëse dhe tregojnë përkushtimin e mësuesve shqiptarë ndaj profesionit.
    “Kemi dalë me një rezultat domethënës dhe pozitiv në këtë anketë, duke u rreshtuar përkrah vendeve që nuk janë aspak të dorës së dytë,” tha ai.
    Rama vlerësoi faktin se, sipas anketës, 85% e mësuesve shqiptarë e kanë zgjedhur mësimdhënien si një thirrje personale dhe si profesion të mirëfilltë, duke e konsideruar këtë si një tregues të qartë të pasionit dhe përkushtimit të tyre.
    “Ndihemi krenarë për të gjithë mësuesit e Shqipërisë,” theksoi Kryeministri.
    Duke folur për sfidat që ka arsimi sot, ai u ndal te rëndësia e mbështetjes së mësuesve të rinj, uljes së ngarkesës së tyre të punës dhe integrimit të teknologjive të reja si inteligjenca artificiale në procesin mësimor.
    Megjithatë, raporti ka evidentuar edhe një shqetësim që, sipas Ramës, autoritetet e njohin dhe janë të përgatitura për ta adresuar:
    “Një pjesë e mësuesve të rinj, veçanërisht ata nën 30 vjeç, kanë raportuar se mund ta braktisin profesionin nëse nuk ndihen të mbështetur dhe të motivuar mjaftueshëm.”
    Kryeministri bëri thirrje për veprim të përbashkët për të përmirësuar kushtet e punës për mësuesit dhe për të ruajtur e forcuar cilësinë e mësimdhënies në Shqipëri.

  • Anketa ndërkombëtare për mësuesit, Rama: Lajm i mirë për prindërit, arsimtarët tanë kanë dalë mirë

    Anketa ndërkombëtare për mësuesit, Rama: Lajm i mirë për prindërit, arsimtarët tanë kanë dalë mirë

    Edi Rama: Lajm i mirë për prindërit, në një anketim për mësimdhënien mes 55 sistemeve arsimore në Bashkimin Europian, mësuesit tanë kanë dalë mirë. Kjo është në radhë të parë merita juaj, por nga ana tjetër është një pasqyrë e përpjekjes që kemi bërë së bashku. Është anketë sfiduese. Ndihemi krenarë për ju dhe gjithë mësuesit e Shqipërisë, Në një anketim kaq sfidues, kemi falë me rezultat domethënës pozitiv. Në një grup vendesh që nuk janë vende të dorëz së dytë siç edhe e dini. Nga ana tjetër ka disa të dhëna pozitive shumë inkurajuese, edhe sa i përket objektivave që kemi. Na vjen mirë të shohim që përpjekja që kemi bërë ka dhënë rezultat. Rivënia e autoritetit të mësuesit, është sfidë shumë e madhe.

    Top Channel

  • OECD e rendit Shqipërinë ndër vendet e para në arsim, Rama: Një lajm i bukur për prindërit (VIDEO)

    OECD e rendit Shqipërinë ndër vendet e para në arsim, Rama: Një lajm i bukur për prindërit (VIDEO)

    Kryeministri Edi Rama dhe ministrja e Arsimit sot, 10 tetor, të pranishëm në prezantimin e raportit të OECD për rezultatet e TALIS, Anketës Ndërkombëtare të Mësimdhënies dhe të Nxënit, ku Shqipëria renditet ndër vendet e para.
    “NJE LAJM I BUKUR për prindërit e Shqipërisë, që s’do e dëgjoni nga mediat dhe s’do e shikoni në portale” – shkruan Rama.
    Kumbaro: Dëshmi e forcës sonë në negociatat me BE-në
    “83% e mësuesve besojnë se nxënësit i vlerësojnë dhe i respektojnë, traditë që e kemi kultivuar dhe nuk e kemi humbur prej brezash”, theksoi Kumbaro në nisje të fjalës së tij.
    “98% e mësuesve deklarojnë se kanë marrëdhënie të mira profesionale me eprorët”, shtoi ajo, duke thënë se është një sinjal pozitiv për klimën në shkolla.
    Kumbaro tha se është një arritje e madhe që Shqipëria renditet ndër vendet e para në listën e 55 sistemeve të mira arsimore.
    “95% e mësuesve thonë se u ofrohet mundësi për të marrë pjesë aktive në vendimmarrjet e stafit”, deklaroi Ministrja e Arsimit.
    Sipas Kumbaros, në bankat e shkollës në sistemin parauniversitar janë plot 345 mijë nxënës. Foli me shifra edhe për të dhëna të tjera që lidhen me shkollat.
    “Janë dhënë 3500 bursa studimi. Transport falas për 38 mijë nxënës dhe 12 mijë mësues.  Janë edhe 930 psikologë nëpër shkolla. Jo më larg se dje, me ministren e Brendshme, Albana Koçiu, certifikuam 112 oficerë të rinj, të trajnuar në Akademinë e Sigruisë”, deklaroi ajo.
    Tha se Shqipëria ka dy kapituj të rëndësishëm në procesin e negociatave për këtë fushë.
    “Kemi dy kapituj të rëndësishëm 25, 26 që do jenë të parët që do mbyllen, dëshmi e fortë kjo që të gjithë bashkë jemi në rrugën e duhur”, përfundoi Kumbaro.
    Rama: Mësuesit tanë kanë dalë mirë!
    “Mësuesit tanë kanë dalë mirë dhe patjetër që kjo është në radhë të parë meritë e tyre, por nga ana tjetër është një pasqyrë e përpjekjes që kemi bërë sëbashku”, u shpreh kreu i qeverisë shqiptare, referuar të raportit.
    “Mesatarja e mësuesve tanë që kanë lidhje me përdorimin e teknologjisë është më e lartë se sa mesatarja e  të gjithë sistemeve të marra sëbashku në këtë anketim”, tha Rama.
    85% e mësuesve në vend e kanë zgjedhur mësimdhënien, sipas anketimit.
    “Mësuesit tanë rezultojnë të kënaqur me profesionin e tyre”, shtoi kryeministri.