Tentativë baltosje të sponsorizuar i ka cilësuar nënkryetari i grupit parlamentar të PD-së Belind Këlliçi, mesazhet e publikuara në media në lidhje me disa mesazhe të publikuara në media mes tij dhe ish-zyrtarit të qeverisë, Ervis Berberi. Në Off the Record me Andrea Dangllin në A2 CNN, ai mohoi të ketë njohje me të, por theksoi se kjo është një fushatë linçimi ndaj tij, të cilën do ta ndjekë në rrugë ligjore.
“Kam pasur reagim zyrtar për këtë çështje, artikuj të sponsorizuar ndaj meje. Po ndjek rrugën ligjore për këtë rast. U bënë disa muaj që lexoni biseda të mia me Ervis Berberin. Nuk e njoh fare, nuk e kam takuar asnjëherë. Zero”, u shpreh deputeti demokrat në Off the Record me Andrea Dangllin në A2 CNN.
Këlliçi u përgjigj edhe për mesazhet e publikuara në media me shokun e tij të fëmijërisë, ëpr të cilën tha se ato datonin 5 vite e gjysmë më parë kur ai nuk kishte asnjë funksion publik.
“Para 5 viteve e gjysmë kur nuk kam pasur asnjë funksion kur kam qenë i arrestuar. Kam qenë duke protestuar dhe jam shoqëruar forcërisht në komisariat dhe më është bërë një batutë që merr një protestues për të luajtur me letra. Kjo është absurde e qesharake. Ishte një komunikim në kohë pandemie dhe mes shokësh kemi kontaktuar për të luajtur”, tha Këlliçi në Off the Record me Andrea Dangllin në A2 CNN.
Këlliçi tha se gjithë aktivitetin e tij politik e ka përqendruar te kauzat dhe protestat, duke sakrifikuar evente shoqërore e familjare.
“Kohën time ia kam dedikuar kauzave dhe protestave dhje kam humbur evente e aktivitete familjare e shoqërore se kam qenë në protestë. Ky është një banalitet i atyre që e kanë inskenuar dhe që janë sponsorizuar në fushatë linçimi e baltosje ndaj meje”, nënvizoi ai në Off the Record me Andrea Dangllin në A2 CNN.
Deputeti bëri të ditur se ka nisur procedurat ligjore, duke paditur për shpifje personin që sipas tij ka shpërndarë mesazhet e manipuluara. Ai kërkoi gjithashtu që “çdo mesazh të bëhet transparent dhe publik”.
Tag: mesazhet
-
Belind Këlliçi sqaron mesazhet e publikuara në media: Tentativë e sponsorizuar për të më baltosur, po ndjek rrugën ligjore
-
Halla e Shpat Kasapit: Kërkonte bashkëpunime, s’ia kthenin mesazhet
E ftuar në televizionin Alsat, halla e këngëtarit të ndjerë, Shpat Kasapi, ka folur për herë të parë pas humbjes së tij. Ajo ndau me publikun kujtimet e saj për karrierën e shkëlqyer muzikore të nipit, për pasionin dhe suksesin që ai arriti në skenën shqiptare. Ajo shprehu me dhimbje të thellë, se Shpati kishte kërkuar bashkëpunim dhe mbështetje nga kolegët e tij kohët e fundit të karrierës, por kjo nuk kishte ndodhur.
“Ne kemi të gjithë dhimbje, nuk po flas për nënën e Shpatit. Ishte një njeri me virtyte, nuk xhelozoi asnjeri. Ajo që më dhemb më shumë është se Shpati kërkoi, kërkoi bashkëpunime e ndoshta as mesazhet nuk ia kanë lexuar! Sot po bën gjurmë, kjo është krenari. Pse nuk i duam kurrë kur kemi njëri-tjetrin? Kjo është e dhimbshme. Nuk e di si do jetë rruga në vazhdim”, shprehet mes tjerash halla e Shpatit.Këngëtari shqiptar nga Maqedonia e Veriut, Shpat Kasapi ka ndërruar jetë në moshën 40-vjeçare. Sipas mediave këngëtari ka pësuar arrest kardiak teksa ndodhej në Itali me ish- bashkëshorten dhe djalin e tij të vogël, për një kontroll mjekësor për këtë të fundit.
Në një intervistë për mediat vëllai i këngëtarit ka deklaruar se Shpati ka pasur disa shqetësime të vogla nga zemra, por jo diçka serioze. Në gjendje të rënduar nga lajmi, ai citohet të ketë thënë se ky lajm që u erdhi nga Italia shpresonte të mos ishte i vërtetë, por për fat të keq vdekja e tij u konfirmua. Më tej vëllai i artistit ka shtuar se ndihma e parë mjekësore i është dhënë në banesë, por megjithatë nuk ka arritur të mbijetojë. -
Xheneta Fetahu “demaskon” Labinot Rexhën: “Kam mesazhet, kërkoi këshilla si të luante
Opinionistja e emisionit “Big Talk”, e njekohesisht ish banorja e “BBVK”, Xheneta Fetahu, ka hedhur kritika të forta ndaj banorit te shtepise Labinot Rexhës lidhur me mënyrën se si ai është futur në lojën e Big Brother VIP Kosova 4. Sipas saj, banori i shtepise Rexha ka kërkuar udhëzime dhe këshilla nga persona të ndryshëm përpara se të hynte në shtëpi, përfshirë edhe vetë ate, Xhenetën.
“Unë mendoj që siç është jashtë, është edhe brenda. Nuk ka lënë njeri pa ngacmuar për t’i pyetur për lojën”, u shpreh opinionistja e “Big Talk” në studio. Xheneta Fetahu madje tregoi se ka ruajtur edhe mesazhet që Rexha i ka dërguar, duke theksuar se është e gatshme t’i publikojë nëse kërkohet.
“Njëra prej tyre jam unë, i kam mesazhet dhe jua kam dërguar edhe juve në grup. Mund t’i bëj publike pa problem”, tha ajo, duke shtuar se për të, një lojtar nuk mund të quhet strateg nëse kërkon ndihmë për të ndërtuar lojën e tij.
“Për mua nuk je lojtar dhe as strateg, nëse i thua dikujt ‘më ndihmo’, ‘më trego si të luaj aty brenda’”, përfundoi opinionistja, duke vënë në pikëpyetje autenticitetin e strategjisë së banorit Labinot Rexha brenda shtëpisë së BBVK4. -
Festat e Flamurit, Kreshnik Spahiu: Pse i shoh me rezerva mesazhet e Ramës dhe Berishës
Juristi Kreshnik Spahiu ka folur për 29 nëntorin, 81-vjetorin e Çlirimit të Shqipërisë.
Teksa u ndal tek mesazhet e liderëve në pushtet për këtë datë të shënuar, Spahiu i sheh me rezerva, duke theksuar se ka një lloj fallciteti.
Ai vuri në dukje se udhëheqësit aktualë, Albin Kurti, Edi Rama, si edhe kreu i PD Sali Berisha nuk kanë festuar kurrë së bashku, por as të ndarë 28 Nëntorin në Kalanë e Gjergj Kastriotit në Krujë.
“Mesazhet e liderëve që janë në pushtet i shoh me rezerva sepse ka një lloj fallciteti. Sepse të gjithë liderët, Kurti, Berisha dhe Rama se kanë kujtuar dhe festuar 28 nëntorin në kalanë e Gjergj Kastriot në Krujë as bashkë as veç e veç.”, tha ai. -
Polici negociata për kokainën, zbulohen të tjera komunikime të oficerit Igli Haxhiaj me trafikantët
Prokuroria e Posaçme ka arritur që të sigurojë prova, që sipas organit të hetimit janë komunikimet që tregojnë se efektivi i Antiterrorit Igli Haxhiaj ishte i përfshirë kokë e këmbë me grupet e strukturuara kriminale dhe në trafikun ndërkombëtar të drogës.
Referuar dosjes hetimore, oficeri i policisë del në komunikimet e Sky ECC ku komunikon me anëtarët e grupit të Elvis Doçit, i njohur si Visi i Pojës. Sipas SPAK, ky i fundit ishte një nga kokat e linjës së trafikut të kokainës dhe të heroinës nga Amerika Latine drejt Europës dhe në Shqipëri.
Janë pikërisht mesazhet që tregojnë se Igli Haxhiaj ka folur me disa persona ende të paidentifikuar në platforma të koduara për çmimet dhe cilësinë e kokainës.Efektivi Haxhiaj flet me anëtarët e tjerë të grupit për çmimet në Holandë, drogën e përzier duke thënë madje që ajo ishte e shtrenjtë. Në mesazhet e tyre ata kanë dërguar dhe foto të kokainës me mbishkrime të ndryshme.
Madje personi tjetër i bën edhe ulje të çmimit për efektivin e policisë duke i thënë se me 28 munda ta lë për ty, duke i ofruar dhe një sasi kokaine për provë. Igli Haxhiaj i përgjigjet se nuk do mall pa lekë në dorë.
Mesazhet e zbërthyera tregojnë edhe biseda të tjera për trafikantë në Barcelonë, ku oficeri i Antiterrorit i kërkon informacion për shpërndarjen dhe nëse e sjellin dot deri në Shqipëri. Pala tjetër i përgjigjet se për transportin duhet ta shikojë vetë efektivi, pasi ata mund tja dërgonin vetëm në Holandë ose Spanjë.
Edhe për drogën në Rotendam, janë mjaft biseda nga Sky ECC ku Igli Haxhiaj diskuton për çmimin e kokainës duke ofruar çmime të ndryshme dhe garanci për drogën.
Sipas dosjes së SPAK tronditëse ishin mesazhet që Haxhiaj i dërgonte Denis Myftiut duke i kërkuar 15 mijë euro në total, ku sipas tij shuma do të ndahej tek ai dhe dy të tjerë për shitjen e informacioneve të policisë. Madje sipas SPAK, Haxhiaj i shkruan Myftiut duke i thënë se nuk po i vendos gjobë, por po i bën nder ku ndër të tjera i thotë se ai dhe familjarët e tij janë nën përgjim. Sipas tij këto informacione kanë kosto.
SPAK në bashkëpunim me autoritetet italiane dhe ato zviceriane kanë arirtur të godasin grupin e strukturuar që dyshohet se drejtohej nga Visi i Pojës. Referuae hetimeve, dyshohet se ky grup ka trafikuar të paktën 1.3 tonë kokainë nga Amerika e Jugut në Itali. -
Paskal Milo: Festa e Flamurit është ditë uniteti për Shqipërinë europiane
Në emisionin “3D” të moderuar nga Alban Dudushi në RTSH 1HD, tema e mbrëmjes ishte Dita e Pavarësisë, ku u diskutua mbi rrugëtimin historik, sakrificat dhe të ardhmen e Shqipërisë në procesin e integrimit europian.
I ftuar në studio ishte ish-ministri i Jashtëm dhe historiani Paskal Milo, i cili theksoi se 28 Nëntori është një festë kombëtare që i përket të gjithë shqiptarëve.
Milo u shpreh se në thelb ka vetëm një gjykim, “Kjo festë kombëtare është kënaqësi dhe ndjenjë që e përjetojmë së bashku, pavarësisht ndryshimeve që kemi në pozicione dhe ide, sepse kjo është festë për të gjithë shqiptarët.”
Ai shtoi se festat janë gjithmonë përbashkuese, edhe pse mesazhet që përcillen mund të ndryshojnë nga një vit në tjetrin.
Duke iu referuar pritjes së përvitshme të organizuar në Pallatin e Brigadave, Milo tha se mesazhi kryesor i Presidentit të Republikës, Bajram Begaj, ishte i qartë dhe i bukur“Ky vit ishte viti europian i Shqipërisë. Dha mesazhet për një sukses, për hapjen e gjithë grupkapitujve dhe anëtarësimin e Shqipërisë në BE.”
Historiani theksoi se është shumë e rëndësishme që shqiptarët të lexojnë mesazhet kryesore të ditës, pasi politika dhe ndarjet politike kanë ekzistuar dhe do të ekzistojnë gjithmonë.
“Por sot jemi në një ditë që na bashkon. Dhe ajo që na bashkon sot është që Shqipëria të integrohet sa më shpejt në Bashkimin Europian, sepse kjo është në të mirën e të gjithë shqiptarëve,” përfundoi Milo. -
Privatësia në prag kolapsi/Çfarë ndryshon me rregulloren e re të BE
Prej më shumë se dy vitesh në Bashkimin Europian po zhvillohet një debat i madh, por shumë pak i kuptuar nga publiku i gjerë. Ai lidhet me një propozim ligjor që njihet si ChatControl, një rregullore që synon të luftojë abuzimin seksual ndaj fëmijëve online. Qëllimi është i drejtë, por mjeti që propozohet rrezikon të çojë Europën në një epokë të re kontrolli, ku privatësia e komunikimeve mund të zbehet deri në zhdukje.
Gjithçka nisi në vitin 2021, kur Komisioni Europian propozoi që platformat digjitale të kenë detyrim të skanojnë mesazhet e përdoruesve për të zbuluar përmbajtje të paligjshme. Ishte hera e parë që u kërkua publikisht ndërtimi i një mekanizmi që, në praktikë, hap derën për survejim të gjerë të komunikimeve private.
Debati shpërtheu menjëherë. Ekspertë të teknologjisë, organizata të të drejtave të njeriut dhe madje edhe figura brenda institucioneve europiane paralajmëruan se një mjet i tillë është jashtëzakonisht i rrezikshëm. Sepse nëse mesazhet tona, të çdokujt, mund të skanohen nga një algoritëm, atëherë bie parimi bazë i komunikimit privat dhe i enkriptimit. Dhe kur bie ky parim, hapet një precedent që vështirë se ndalet.
Ditët e fundit, shtetet anëtare të BE kanë rënë dakord për ndryshimet e fundit të rregullores. Pika më e diskutuar, skanimi i detyrueshëm i mesazheve private, është hequr. Por rreziku nuk është zhdukur. Kompanive u lejohet ende të kryejnë skanim masiv vullnetar dhe përjashtimi që u jep këtë të drejtë do të zgjatet përtej vitit 2026. Në praktikë, kjo do të thotë se teknologjia e mbikëqyrjes mbetet aty, funksionale dhe mund të zgjerohet me vendim politik në çdo moment.
Kritikët paralajmërojnë se kjo është faza më e rrezikshme: kur një mekanizëm vendoset në sistem, ai rrallë kthehet mbrapsht. Fillon si mjet për të luftuar një krim të rëndë, por më pas mund të përdoret për arsye të tjera, duke prekur gazetarë, aktivistë, opozita politike, apo thjesht qytetarë të zakonshëm që kërkojnë privatësi.
Ky debat na shqetëson edhe ne, sepse teknologjitë e komunikimit nuk njohin kufij. Rregullat e BE-së prekin edhe platformat globale që përdorim çdo ditë. Sepse një Europë me standarde të dobësuara të privatësisë përfundon duke krijuar modele kontrolli që mund të përhapen më tej. Dhe sepse liria digjitale është sot një pjesë thelbësore e lirisë individuale.
ChatControl është një pikë kthese për të ardhmen e komunikimit. Është pyetja nëse pranojmë që mesazhet tona, fotot, bisedat, mendimet më intime, të mund të kalojnë në filtrat e një sistemi skanimi, sado i sofistikuar apo qëllim-mirë të jetë.
Në emër të një qëllimi të drejtë nuk duhet të normalizohet një mjet që cenon lirinë themelore të njeriut: privatësinë.
Kjo është arsyeja pse debati po rritet, pse kritikat po shtohen dhe pse shumë qytetarë europianë thonë se BE po largohet nga parimi i të qenit “e popullit, nga populli, për popullin”.
Sepse kur kontrolli mbi komunikimet bëhet i mundur, gjithçka tjetër mund të ndryshojë pa zhurmë. -
Berisha: Lubia i tha Ramës : Mesazhet e tua në dosje janë shumë më të këqija se të miat”!
Berisha: Lubia i tha Ramës : Mesazhet e tua në dosje janë shumë më të këqija se të miat”!Kryetari i PD, Sali Berisha, gjatë fjalës së mbajtur në foltoren qytetare-parlamentare iu drejtua qytetarëve, a e dini ju se këta hajdutë gëzohen kur rriten çmimet?
Berisha tha se, Rama dhe Lubia kanë ndenjur këtu 7 orë, po fjala e popullit është 100 përqind e vërtetë, muret kanë veshë. Ai tha se, Lubia i tha Ramës se “mesazhet e tua në dosje janë shumë më të këqija se të miat”.
Berisha: A e dini ju se këta hajdutë gëzohen kur rriten çmimet?
Po pse?
Sepse vjedhin më shumë taksa.
Ti vërtet paguan orizin dyfish, po ai të merr taksën dyfish në orizin që blen, në mishin që blen, në qumështin që blen.
Është koha të ndalemi, t’i dalim zot vetes.
Ajo çka kemi arritur ne është që çdo zë i yni të dëgjohet në botë, çdo përpjekje e jona të mbështetet në botë.
Por ne duhet të bëjmë punën tonë.
Të rinjtë folën këtu, janë shpresa e vetme dhe më e madhe e këtij kombi.
Duhet të ngrihemi, t’i mbështesim.
Të ngrihemi së bashku me ta.
Askush nuk do na e heqin Edi Ramën dhe Lubi Ballukun ne.
Shikoni miq se çfarë morali kanë.
Hajduti është qenia më amorale mbi tokë.
Kanë ndenjur këtu 7 orë, po fjala e popullit është 100 përqind e vërtetë, muret kanë veshë.
Po, po, ua them unë.
Dhe çfarë ndodhi?
I kërkoi të japë dorëheqjen. Jo, i tha, nuk jap dorhëqjen.
Po u them të vërtetën siç ka ndodhur dhe çdo shqiptar ta dijë këtë.
Jo, nuk jap dorëheqjen se pastaj do shkoj në burg.
Kjo aludon se Rama nuk po i del zot.
Po ç’t’u bëj atyre mesazheve që ke bërë ti, i thotë Rama.
Mesazhet, ia kthen ajo, çfarë flet ti, po mesazhet e tua në dosje janë më shumë të këqija se të miat.
Po, absolutisht po.
Ti, jo mesazhet që më ke dërguar mua, po mesazhet që i ke dërguar Evis Berberit. Ke 60 mesazhe të Evis Berberit në dosje, të cilat tregojnë se ke diktuar çdo gjë.
E mbylli, prisni se është interesante, gjatë debatit i kërkoi: po ja, duhet tani të paktën të shkojë qeveria në Gjykatë Kushtetuese.
Jo, i tha ky, do shkosh vetë.
Si përfundim, sot ka dërguar Edi Rarma në Gjykatë Kushtetuese.
Tani, se po flasim këtu.
Ai që mendon se Edi Rama po e bën për njerëzi ndaj Lubisë, ai mendon një budallallëk, një gjë të paimagjinueshme.
Absolutisht e bën vetëm për veten e tij.
Sepse vetë nuk shkonte dot. -
5 këshilla se si të bëni blerjet të sigurta në internet dhe të ruheni nga sulmet kibernetike
Ndërsa tregu hyn në një periudhë me konsum të shtuar dhe në pritje të Black Friday, transaksionet online shumëfishohen dhe rreziku i mashtrimit online rritet ndjeshëm.
Konsumatorëve u kërkohet të lundrojnë në një mjedis ku ofertat, reklamat dhe mesazhet promocionale mbushin ekranet e tyre, shpesh në mënyra që e bëjnë të vështirë dallimin e së vërtetës nga ajo mashtruese.
Në këtë kontekst, Autoritetet Kombëtare të Sigurisë Kibernetike, me qëllim informimin dhe mbrojtjen e qytetarëve, thekson se njohuria dhe parandalimi mbeten armët më të fuqishme kundër kriminelëve kibernetikë.
Ekspertët thonë se mashtruesit po përdorin teknologjinë, truket dhe presionin psikologjik për të arritur te përdoruesit e pavetëdijshëm, nga profilet e rreme dhe mesazhet mashtruese deri te faqet e internetit që duken krejtësisht legjitime. Në të njëjtën kohë, shpejtësia me të cilën po evoluon tregtia elektronike po krijon mundësi të reja, por edhe kërcënime të reja.
Prandaj, informimi i konsumatorëve tani konsiderohet thelbësor, jo vetëm për mbrojtjen e parave të tyre, por edhe për sigurimin e të dhënave të tyre personale. Me rastin e sezonit festiv dhe rritjes së blerjeve online, të dy organet paraqesin këshilla praktike që mund të ulin ndjeshëm rrezikun e mashtrimit dhe të forcojnë besimin në mjedisin dixhital.
Pesë rregulla për blerje të sigurta online:
Kontrolloni burimin
Mashtruesit investojnë në detaje: ata krijojnë faqe interneti që duken legjitime, përdorin reklama tërheqëse për syrin dhe shfrytëzojnë teknologjitë moderne, madje edhe inteligjencën artificiale, për të simuluar mesazhe ose fytyra të vërteta. Ekspertët rekomandojnë vetëm një hap para se të klikoni: disa sekonda të menduari kritik. Vlerësimi i përmbajtjes dhe besueshmërisë së burimit mund të parandalojë gabime serioze.
Kini kujdes nga “mundësitë” joshëse
Ofertat që skadojnë brenda pak minutash, dhuratat falas ose zbritjet e pabesueshme janë një praktikë e zakonshme e mashtruesve, të cilët mbështeten në presionin e kohës dhe nxitimin e përdoruesit. Konsumatorët inkurajohen të bëjnë një kërkim të shkurtër: a është oferta realiste? A ka ndonjë vlerësim? A ka kompania një faqe zyrtare interneti?
Mos i beso vetëm profilit — kontrollo dërguesin e vërtetë
Mesazhet që duket se vijnë nga miq, persona me ndikim ose biznese të njohura mund të jenë rezultat i llogarive të kompromentuara. Ekspertët rekomandojnë verifikimin përmes një kanali tjetër: një telefonatë, vizita në faqen zyrtare të internetit ose kontrolli me shërbimin ndaj klientit mund të zgjidhë çdo dyshim.
Kontaktoni lëshuesin e kartës
Aktivizimi i vërtetimit me dy faktorë, mbajtja e aplikacioneve të përditësuara dhe cilësimet e sigurta të privatësisë janë masa kryesore mbrojtëse. Përveç kësaj, çdo postim ose reklamë e dyshimtë duhet të raportohet në platformën ku është gjetur. Në rast të një transferimi të dyshimtë parash, komunikimi i menjëhershëm me lëshuesin e kartës është thelbësor.
Metoda të sigurta pagese — ose asnjë fare
Ndarja e të dhënave bankare në platformat e mediave sociale është një nga kurthet më të zakonshme. Pagesat nëpërmjet transferit bankar, kur kërkohen nga tregtarë të panjohur, pothuajse gjithmonë konsiderohen të dyshimta. Konsumatorët inkurajohen të përdorin vetëm sisteme zyrtare pagesash që ofrojnë mbrojtje dhe të shmangin blerjet kur këto nuk ofrohen. -
‘Hajdutja më ordinere e kombit’, Berisha: Rama i kërkoi dorëheqjen por Lubia i tha se mesazhet e tij tregojnë…
Kreu i PD-së Sali Berisha mbajti fjalën e tij në foltoren e radhës me demokratët përpara kryeministrisë. Berisha rrëfeu dhe prapaskenat mes Ramës dhe Ballukut javën që shkoi në kryeministri pasi Ballukut iu vendos masa e pezullimit nga detyra prej GJKKO-së.
Berisha thotë se Rama i ka kërkuar asaj dorëheqjen, por zv.kryeministrja ka refuzuar duke thënë se edhe Rama ka mesazhe në dosjen e tunelit të Llogarasë, drejtuar ish-kreut të ARRSH-së Evis Berberit.
Berisha: Ka ndejtur këtu 7 orë por fjala e popullit 100% e vërtetë. Muret kanë veshë. Çfarë ndodhi? I tha të japë dorëheqje, nuk jap tha. Jo. Sepse pastaj do shkoj në burg. Rama i thotë, dhe kjo aludon se nuk më del zot. Por ç’tu bëj mesazheve tha Rama. Por mesazhet thotë kjo, në dosje janë shumë më të këqija se të mijat. Mesazhet që i ke dërguar Evis Berberit. Tregojnë se ke diktuar çdo gjë. Mbi 60 mesazhe. Gjatë debatit, i tha të shkojë qeveria në GJK. Jo i tha ky, nuk shkoj dot, do shkosh vetë, si përfundim sot ka dërguar Rama në GJK.
Ai që mendon se Edi Rama e bën për njerëzi ndaj Lubisë, mendon budallëk. E bën për veten e tij. Sepse vetë nuk shkonte dot, nuk ka pasur kombi një hajdute më ordinere se Lubia Balluku, por në Ankara nuk shkonte dot për tunelin e Llogarasë. E mori Rama me vete. Në Ankara, pazaret i bëri Rama. Ajo merr pjesën e vet. Por Edi Rama është në Ankara dhe i Llogarasë dhe i aeroportit të Vlorës, edhe i djegësve. Lista e tyre nuk ka fund. Morali i tyre është i shpëlarë. Imagjinoni, kanë vjedhur dhe nuk largohen. Jo thotë. Do i largojmë. Këtë vend nuk e kemi zgjedhur kot.