Kryetari i Partisë Demokratike, Sali Berisha teksa u ndal tek hetimet për Belinda Ballukun, tashmë e pezulluar nga detyra tha se në telefon e vartësit të saj, Evis Berberi janë mbi 2700 mesazh. Sipas Sali Berishës, këto mesazhe janë të Belinda Ballukut dhe Edi Ramës.
“Vetëm në njërin telefon të Berberit ka 407 minuta video, pa llogaritur fotografitë”, tha Berisha, duke shtuar se “kleptokracia është në panik të tmerrshëm”.
Berisha: Lubia nuk ka bërë asgjë, vetëm ka zbatuar urdhrat. Mesazhet shumë më tepër të Lubisë tek Evis Berberi që dje filloi ta merrte në mbrojtje janë të Ramës.
Janë mbi 2700 mesazhe. Vetëm në njërin telefon të Berberit ka 407 minuta video, pa llogaritur fotografitë. Janë 4 telefona ata. Kleptokracia është në panik të tmerrshëm. Faktikisht pret shqiptarët të lajnë duart me të.
Tag: mesazhe
-
“Vetëm në një telefon të Berberit janë 2700 mesazhe”/ Balluku e pandehur, Berisha: Janë 407 minuta video dhe…
-
FOTO/ Mesazhe kundër korrupsionit në protestë: Tunel turqve, port arabëve! Shqiptarëve ‘Noc Rrokun’
Gijotina është media e pavarur, e iniciuar nga gazetarë profesionistë dhe të rinj, të karakterizuar nga paanshmëria, që sjellin tek ju gjithçka ndodh në Shqipëri, me lajme të shpejta, cilësore, investigime, fact-checking dhe analiza, duke denoncuar çdo shkelje apo abuzim ndaj qytetarëve shqiptarë.
-
“Palloshi i gjatë” nën lupën e SPAK: Zbardhen bisedat e fshehta
Disa komunikime që shkojnë përtej formatit zyrtar, janë shkëmbyr mes ish-drejtorit të ARRSH Evis Berberi, zv/kryeministres Belinda Balluku dhe zyrtarëve të tjerë që tashmë janë marë të pandehur nga prokuroria e posaçme SPAK.
Gazetari Elton Qyno ka mësuar se mesazhe pakënaqësie shkëmbehen për një zyrtar të lartë, të cilin ata e çuajnë “Palloshi i gjatë” dhe që dyshohet shumë se i referohen kryeministrit aktual të vendit, Edi Rama.
Këto mesazhe janë rikuperuar pikërisht në telefonat e sekuestruar Evis Berberit, i cili thuajse çdo ditë ka komunikuar me Belinda Ballukun, por edhe me zyrtarët e tjerë, ku ndër të tjera janë lëshuar sharje dhe fyerje për kryeministrin e vendit, Edi Rama.
Këto mesazhe pakënaqësie dhe fyese për “Palloshin e gjatë” tashmë janë në dosjen e SPAK dhe administruar si prova materiale.
Mesashet fillimisht janë ekstraktuar për nevojat e hetimit të dosjes penale me Nr. 214/1, ku janë marë 24 të pandehur dhe më pas komunikimet në aplikacionin “Whats app”, i janë bashkuar dy dosjeve të tjera me Nr. 167 dhe Nr.181 të vitit 2024, të cilat aktualisht po hetohen në një procedim të vetëm me Nr.136 të vitit 2025 që për momentin janë zyrtarizuar 6 të pandehur mes të cilave dhe Belinda Ballukut.
Këto komunikime telefonike të Evis Berberit, zbulojnë rolin e zv/kryeministres Belinda Balluku, në ndikimin e saj të drejtpërdrejtë në paracaktimin e kompanive fituese në disa tendera, përfshirë këtu dhe rastin për supervizimin e punimeve që kryheshin në tunelin e Llogarasë nga një kompani turke dhe kompania Shqiptare “Gjoka Konstruksion”.
Deri në këtë fazë, hetimi është orientuar në provimin e një fakti penal, atë të “Shkeljes së pabarazisë në tendera dhe ankande publike”. Ndërsa episode të tjera të dyshuara kriminale dhe që ka vend për dyshime të arsyeshme janë veprat penale të “Korrupsionit”, “Pastrimit të produkteve të veprës penale” dhe “Fshehja apo mosdeklarimi i pasurisë”. -
A e kontaktuan zyrtarët shqiptarë pas atentatit? Ranucci: Mora mesazhe nga…
Gazetari investigativ i Rai-t, Sigfrido Ranucci në lidhje live në një emision televiziv ka zbuluar se kush i ka shkruar pas antentatit. Gazetari theksoi se ka marrë mesazhe dhe telefonata të shumta të cilat nuk ka mundur t’iu përgjigjet të gjithave.
Ai theksoi se kryeministrja italiane, Georgia Meloni e ka telefonuar dhe e falenderoi për solidaritetin. Ai shtoi se edhe kolegë nga Shqipëria i kanë shkruar dhe se ka shumë mesazhe për të parë se kush i ka shkruar.
“Unë kam pasur telefonin e mbushur me telefonata dhe mesazhe. Te gjithëve dua t’iu kërkoj falje që nuk iu jam përgjigjur. Kryeministrja me ka telefonuar në atë moment isha në prokurori dhe nuk i jam përgjigjur.
Nuk e dija se ishte ajo se nuk e kisha numrin e saj. Jam përgjigjur pak me vone dhe e falënderoj për solidarizimin. Tani do të shoh mesazhet që kam marr, kush më ka shkruar, kush ka ndarë solidaritet me mua. Kam marr disa mesazhe nga disa kolegë nga Shqipëria”, tha ai. -
WhatsApp me ndryshime të reja, vendos kuotë mujore për mesazhet..
WhatsApp do të provojë një shtojcë të re për mesazhet. Në eksperimentin e fundit, platforma po teston kufizimin e mesazheve pa përgjigje që një llogari mund të dërgojë drejt një marrësi. Por numri shënjestron vetëm dërguesit që shkruajnë shumë mesazhe dhe mashtruesit.
Mesazhet nga individët dhe bizneset do të vendosen nën këtë limit ku përfshihen mesazhe të shumta të palexuara dërguar një përdoruesi. Por nëse personi përgjigjet, mesazhet hiqen nga kuota mujore. WhatsApp do të shfaqë një paralajmërim për llogaritë që i afrohen limitit.Kompania tha se me gjasë përdoruesit mesatarë nuk do ta arrijnë pragun. Është një formë e mirë që individët të mos u shkruajnë mesazhe njerëzve që nuk përgjigjen. Testimi është i përcaktuar për bizneset dhe mashtruesit. Në javët në vijim do të shtrihet në disa vende.
Meta po përpiqet që përdoruesit të shmangin mesazhet mashtruese. Vitin e shkuar, mundësoi anulimin e abonimit nga mesazhet promocionale. Në gusht të këtij viti, njoftoi se përdoruesit dp të njoftohen kur dikush që nuk është në listën e kontakteve, i shton në një grup.
Deri në gjysmën e parë të vitit 2025, WhatsApp ka ndaluar mbi 6.8 milionë llogari të lidhura me qendrat e mashtrimit. -
“Po bëjmë diçka të madhe”/ Kandidati Florjan Binaj mesazh për qytetarët e Tiranës: Mbështetja juaj, elektrizuese
Florjan Binaj, kandidati i pavarur për Bashkinë e Tiranës, i mbështetur nga opozita, i është drejtuar me një video-mesazh qytetarëve të kryeqytetit.
Binaj ka falenderuar gjithë ata që e kanë mbështetur, duke i dërguar edhe mesazhe përmes rrjeteve sociale. Ai thotë se ka marrë mesazhe frymëzuese dhe prekëse dhe se mbështetja që ka marrë ka qenë elektrizuese. ‘E ndjej se kjo që po bëjmë së bashku është diçka e madhe’-thotë Binaj.
“Me këtë video, dua të bëj një falënderim të sinqertë. Faleminderit të gjithë juve që më kini mbështetur çdo ditë, që nga dita parë, por mbi të gjitha faleminderit juve që më keni nisur një lumë të madh me komente dhe mesazhe nëpër rrjetet sociale.
I kam lexuar të gjitha, për nuk ja kam dalë dot që ti kthej përgjigje të gjithëve.
Kam lexuar mesazhe frymëzuese, kam lexuar mesazhe që më kanë prekur thellë, kam lexuar shumë nga problematikat tuaja që janë dhe të miat, tonat, si cilësia e ajrit, vendet e parkimit, trafiku, uji. I jetoj vetë çdo ditë, ashtu si ju. Mbështetja juaj nëpër rrugët e Tiranës ka qenë elektrizuese. E ndjej se kjo që po bëjmë së bashku është diçka e madhe. Kjo nismë po kthehet në një lëvizje që ne po e ndërtojmë bashkë, për të mirën e përbashkët e jo për të mirën e përveçme.
Një lëvizje për ndryshim, për cilësi, për ndershmëri, për ta shpëtuar Tiranën.
Edhe njëherë faleminderit nga zemra dhe mund të më shkruani tek ky numër i telefonit: 0697111108 ose tek kjo adresë emaili: [email protected]. Faleminderit”-shprehet Binaj.Top Channel
-
Mesazhe në audio e video pro-Hamas dhe kundër Trump e Netanjahut/ 4 aeroporte të SHBA në sulme kibernetike (VIDEO)
Mesazhe në mbështetje të Hamasit dhe kundër Donald Trump e Benjamin Netanyahu u transmetuan në sistemet e adresave publike në katër aeroporte të Amerikës së Veriut të martën, duke shkaktuar ndërprerje për pasagjerët dhe duke mobilizuar forcat e sigurisë.
Sipas videove të postuara nga pasagjerët në mediat sociale, mesazhet u shfaqën të shkruara dhe u dëgjuan po ashtu si audio në aeroportin Harrisburg në Pensilvani, ndërsa incidente të ngjashme u raportuan edhe në aeroportet Kelowna dhe Victoria në British Columbia, si dhe në aeroportin Windsor në Ontario.
Sekretari i Transportit i SHBA-së, Sean Duffy, e quajti incidentin të papranueshëm, duke thënë se “me të drejtë shkaktoi frikë tek udhëtarët” dhe se Administrata Federale e Aviacionit po punon me Aeroportin e Harrisburgut për të hetuar çështjen.
Sipas CNN, incidenti vjen në një kohë të sulmeve kibernetike në rritje kundër linjave ajrore dhe aeroporteve në nivel ndërkombëtar. Në qershor, një grup i njohur kriminal shkeli rrjetet e linjave ajrore në SHBA dhe Kanada, ndërsa në shtator hakerat shkaktuan kaos në aeroportet evropiane duke prishur sistemet e regjistrimit.
Zëdhënësi i aeroportit të Harrisburgut, Scott Miller, tha se “një përdorues i paautorizuar hyri në sistemin e adresave publike dhe nxori një mesazh të regjistruar”, duke theksuar se nuk kishte kërcënim për pasagjerët ose stafin. Sistemi u çaktivizua menjëherë, ndërsa policia po heton.
Një fluturim ishte në proces hipjeje në bord në kohën e incidentit. Si masë paraprake, avioni u kontrollua pa probleme dhe u ngrit normalisht.
Një incident i ngjashëm ndodhi në Aeroportin e Kelownës. Pasagjerët u panë duke brohoritur slogane pro-Palestinë në video, ndërsa mesazhe pro-Hamas u shfaqën në ekrane. Stafi u detyrua të përdorte altoparlantë për të informuar pasagjerët ndërsa sistemi ishte jashtë funksionit.
Aeroporti Victoria tha se një mesazh audio i paautorizuar u transmetua për shkak të një problemi me softuerin, duke kërkuar falje për incidentin. Në Aeroportin Windsor, ku nuk kishte mbërritje ose nisje të planifikuara në atë kohë, menaxhmenti i identifikoi dhe i fshiu menjëherë mesazhet, duke rikthyer funksionimin e sistemit brenda disa minutash. -
“Mesazhe përçarëse”/ Protesta për UÇK, Veliu: Po shfrytëzohet politikisht, më vjen shumë keq…
Njohësi i çështjeve rajonale, Lulzim Veliu në një intervistë televizive u shpreh se protesta për UÇK po shfrytëzohet politikisht.
Lulzim Veliu:
Është një periudhë e gjatë kohore kur në Kosovë nuk kemi vizita të zyrtarëve europianë e amerikanë dhe këtë duhet ta shohim si pozitive.
Ndërsa për kritikat dhe të dhënat e tyre duhet pranuar se jemi vetë fajtorë pasi kemi kaluar një periudhë të gjatë kohore në një qeveri teknike, me një qeveri në detyrë.
Pra nuk kemi arritur të krijojmë institucionet dhe në bazë të institucioneve pastaj të veprohet dhe të punohet.
Ndoshta në një qasje më pozitive për të gjithë rajonin, zonja e kishte me vizitën e saj që kishte bërë në Malin e Zi, ndërsa Kosovës i duhet shumë punë për të shpresuar se një ditë do ti hapen dyert dhe do të jetë si vend kandidat për tu pranuar në BE.
Më vjen shumë keq që protesta të tilla që do duhet të ishin ngjarje që do të na bashkonin të gjithëve kundër një padrejtësie të madhe që është duke u bërë, nga disa eksponentë politikë sidomos në Kosovë, po shfrytëzohet politikisht dhe për fatin e keq po çon mesazhe përçarëse. -
“Jam burri i ëndrrave të tua…”/ Mjeku psikiatër e përndoqi prej kohësh, Albana Bejko publikon mesazhet
Moderatorja shqiptare, Albana Bejko, ka zbuluar të vërtetën rreth përndjekjes që mjeku psikiatër Behar Kamberi i ka bërë për një kohë të gjatë. Ajo ka treguar të gjithë zanafillën e takimit me shqiptarin nga Kosova, e më pas kontaktin që ky i fundit i ka bërë në platforma të ndryshme sociale, përfshirë numrin personal.
“Unë kam qenë në një restorant. Më ka kërkuar të bëjë një foto me mua, e kam bërë me shumë dashamirësi. Që nga ai moment e pash një lloj tendence për t;u afruar, por ia lash faktit që jemi personazh publikë. Kam marrë mesazhe edhe në numrin tim personal. Kam marrë telefonata, duke mos e ditur me kë kam të bëj, i kam kërkuar të më lërë të qetë sepse nuk kam pasur asnjë interes. Kam pasur mesazhe opsesive, deluzionale, që sipas tij pretendohet. Që pas fotos ai e kishte projektuar jetën. Që prej 2020, kisha marrë mesazhe nga ky person. Por takimi për së afërmi mendoj që e kanë bërë të ketë më pas reagime. Nuk kam marrë asnjë dhuratë nga ai, ndryshe nga sa është folur. Duke parë që qëllimi është i sëmurë, nuk do pranoja asnjë dhuratë. Kam qenë e frikësuar, kam ndryshuar stilin e jetesës. Kam pasur debat në prokurori për këtë pjesë. Kam marrë mesazhe, që janë agresive, jo nga përmbajtja, por kur them jo 1,2,3 herë, i kam thënë që nëse më bezdis do të të denoncoj në polici”, tha Albana Bejko ne ‘Goca dhe Gra’.
Për herë të parë ajo ka shfaqur edhe mesazhet që ai i dërgonte, duke i thënë se ‘ishte burri i saj i ëndrrave’ dhe se ‘e donte shumë’ dhe donte të martohej me të.
“Një moment i frikshëm ishte kur në ambientet ku unë punoj, personi u afrua më kërkoi që të uleshim për kafe, në atë moment reagimi ishte instiktiv, i trembur, i thash ‘të lutem mu hiq qafe’. Kaluan 4 djem në atë moment, dhe kjo e trembi pak. Periudha intensive e përndjekjes ka qenë qershor i vitit të shkuar deri para pak ditësh, dhe unë më pas telefonave policinë”, tha ajo. -
Moldavia akuza Rusisë, rekrutuan e paguan priftërinj ortodoksë për të ndikuar në zgjedhje
Moldavia, një vend që fitoi pavarësinë nga BRSS në vitin 1991, thuhet se është përsëri nën presion të fortë nga Rusia fqinje. Qytetarët e Moldavisë do të shkojnë në kutitë e votimit për të zgjedhur një parlament të ri të dielën, më 28 shtator 2025, por në prag të zgjedhjeve një hetim i Reuters ka zbuluar një përpjekje të re të dyshuar për të ndikuar rezultatin, të orkestruar nga Moska.
Këtë herë tentativa e Moskës po realizohet përmes strukturave kishtare ortodokse. Sipas Reuters, kleri ortodoks moldav u rekrutua për të përhapur mesazhe pro-ruse brenda vendit.
Investigimi i referohet aktivitetit të At Mihai Bicu dhe një duzine kolegësh të tij, të cilët në vitin 2024 morën pjesë në një pelegrinazh në Rusi, të paguar tërësisht nga Kremlini. Në fund të udhëtimit, priftërinjtë dyshohet se morën kuponë me vlerë 10,000 rubla, të cilat supozohej t’i përdornin për të eksportuar mesazhe pro-ruse në Moldavi.