Avokati i Sali Berishës, Genc Gjokutaj, ka sulmuar ashpër takimin e pak ditëve më parë, ku ish-deputeti Ervin Salianji mblodhi disa prej kandidatëve më të votuar në primaret e zgjedhjeve të 11 Majit.
Gjokutaj i ka quajtur “zhigolo” dhe shpreh habinë në mos “po lind ndonjë trend i ri politiko-erotik që të mblidhen në kafe dhe të bisedojnë për ‘plakën’ partnere”.
“Siç po dëgjojmë këtë PD-në “plakë” po e gjuajnë e zilepsin shumë dhe madje të gjithë jaranët kandidatë janë të rinj!
Çfarë të ketë ndodhur vallë?
Mos po lind ndonjë trend i ri politiko – erotik që ca zhigolo janë mbledhur në kafeteri dhe flasin e bisedojnë për “plakën” partnere?
Pastaj nëse PD-ja në moshë të thyer ka marrë fund, apo nuk kthehet më siç thonë bandillët ateherë përse ju hyn në punë axhaminjve politikanë që janë mësuar ndryshe?
Pastaj kjo PD-ja sado moshatare prindërit i ka gjallë dhe mirë do ishte të drejtoheshin në familje që kjo krushqi të ngjiste!
Gjithsesi hoxha që i ka yshtur dhe u ka shkruar nuskat më thotë që kafetë kanë bërë mirë që i kanë pirë por i kisha porositur që ta pinin turke me qëllim që të shikonin edhe filxhanin! Këtë porosi nuk ma kanë dëgjuar po thotë hoxha i dëshpëruar ndaj kjo krushqi vështirë të bëhet!” – shkruan Gjokutaj.
Tag: mbledhur
-
“Ca zhigolo janë mbledhur në kafe, flasin për “plakën” partnere”/ Avokati i Berishës sulmon ashpër Salianjin
-
“Na gjeti Bela(ja)”/ Pankartat pikante nga protesta te Kryeministria – FOTO
Demokratët janë mbledhur në protestë pasditen e kësaj të hëne për të dytën herë radhazi për të kërkuar dorëheqjen e Edi Ramës dhe Belinda Ballukut nga pushteti.
Ata janë mbledhur para kryeministrisë teksa nuk kanë munguar as pankartat pikante.
“Na gjeti Bela(ja)“,– shkruan një pankartë.
“Zgjedhje pa Ramën”,- shkruan një tjetër.
“Bela hap krahun”, “Nëse vjedh një bukë të fusin në qeli, nëse vjedh në popull, të japin ministri”,- thuhet në disa të tjera.
Opozita kërkon largimin e kryeministrit Edi Rama dhe Belinda Balluku, pas marrjes së kësaj të fundit si e pandehur nga ana e SPAK dhe vendosjes së masës pezullim nga detyra nga GJKKO. -
“Janë mbledhur gjithë pleqtë e PS”, Rama i përgjigjet komentueses: E di unë me Lumen e ka, por Lumja si yll bote
Me batuta i është përgjigjur kryeministri Edi Rama disa komenteve në rrjetet sociale, në lidhje me dëgjesën që po bën me qytetarët e njësisë 2 në Tiranë.
Një komentueseje që shkruante se ishin mbledhur “të gjithë pleqtë e PS”, Rama iu përgjigj: Është dhe dikush tjetër që thotë që janë ‘mbledhur gjithë pleqtë e PS’, na marrin të keqen se shihe sesa vajza dhe djem ka këtu.
Kjo që shkruan e ka me Lumen, por Lumja si yll bote, s’ka moshë, që kur e kam njoh deri sot Lumja është po njësoj”, tha Rama.
Top Channel
-
Ndaj Ballukut do kërkohet masë shtrënguese’/ Çollaku: Është mbledhur bordi i m@fies, ndaj vonohet kërkesa!
Ndaj Ballukut do kërkohet masë shtrënguese’/ Çollaku: Është mbledhur bordi i m@fies, ndaj vonohet kërkesa!
Gazetari Basir Çollaku shpreh sigurinë e tij, se ndaj numrit dy të qeverisë shqiptare, Belinda Balluku do të kërkohet një masë sigurie shtrënguese në Kuvend.
I ftuar në edicionin e mesditës në Syri Tv, Çollaku thotë se një kërkesë e tillë duhet të kishte mbërritur tanimë në Parlament, në atë që e cilëson si emergjencë mos-vajtjen në zyrën e Ministrisë së Infrastrukturës dhe Energjisë të Belinda Ballukut, e cila është marrë zyrtarisht e pandehur nga SPAK për Tunelin e Llogarasë.
Sipas Çollakut, vonesa për masën shtrënguese të sigurisë ndaj zonjës Balluku, ka si prapaskenë përplasjen mes bandave, apo dhe ‘luftën’ që kryeministri Rama u ka shpallur prokurorëve të SPAK për të mos e hetuar.
Lidhur me telefonatën që aludohet se kryeministri Edi Rama ka bërë përmes ish ministrit Ulsi Manja, për të kërcënuar prokurorin Dritan Prençi për hetimet ndaj zëvendëses së saj, Çollaku e konsideron një vepër penale për të cilën thotë se duhet të ngrihet akuzë për ndikim të paligjshëm, si ndaj Ramës ashtu dhe ndaj Manjës.
SPAK duhet të vepronte me emergjencë, siç ishte rasti i Veliajt. Besoj se do shkojmë te masa e sigurisë për masë shtrënguese te Balluku, mendoj se do t’i drejtohet Kuvendit. Duhet të kishte mbërritur në Parlament, dhe emergjenca duhet të ishte mos-vajtja e saj në zyrë. S’po them për një deputet nën hetim e s’drejton institucione, drejton ministrinë që po hetohet dhe mld euro që dyshohet të jenë abuzuar. Oficerët e BKH duhet të shkojnë në ministrinë që drejton për të marrë leje. Është një përplasje bandash. Është mbledhur bordi i trafikut e mafies që mbështesin mazhorancën për të vonuar masën shtrënguese, që ka sjellë edhe presionin te prokurori. Telefonatën Rama e bëri për të mos e hetuar atë, kryeministrin.
Verifikohet lehtësisht dhe shpejt, BKH, duhet të ketë një njësi, e ka që përgjon prokurorët e gjyqtarët, edhe për sigurinë e tyre apo dhe rastet kur bien pre e joshjes në konflikt me detyrën, kjo shkon si lëndë te drejtuesi. Zyrtarisht ne duhet ta kemi këtë telefonatë të përgjuar. Ata që s’e kanë kryer përgjimin e telefonatës kanë konsumuar vepër penale, nëse s’e kanë përgjuar. Me pasjen e këtij materiali, akuza është ndaj Ramës ‘për ushtrimin e ndikimit të paligjshëm’. E kanë atë material procedural dhe mund të ngrenë ndjekje penale për Ramën dhe Manjën, është kryer shqeto ndikimi i paligjshëm.
SPAK e ka pasur akuzën të qartë për Belinda Ballukun që shkon nën akuzë për tunelin Llogarasë. Procedimet që u bashkuan, tregon që procedimet e nisura s’i përkasin vetëm tunelit. Tunel që ka errësirë në fund për të pandehurën e jo dritë. Tenderi është shpallur i fituar në Turqi e jo në Tiranë. Ata janë takuar bashkarisht në Turqi, tenderi i parë u anulua, u bë tjetri me 190 mln euro. Tenderin e ka shpallur fitues Rama, -
FOTO-LAJM / Pakti i Këlliçit me Ballën, deputetët e PD të mbledhur rreth Berishës në sallën e Kuvendit
Seanca maratonë e Kuvendit këtë të hënë, nisi me tensione pas kërkesës së deputetëve të opozitës për t’i bërë pyetjet drejt drejtuesve të institucione të drejtësisë që po raportojnë, më gojë dhe jo me shkrim.
Taulant Balla, kreu i Grupit Parlamentar i PS, kërkoi 15 minuta pushim, për të bërë një mbledhje me grupin e PD, dhe për të dakordësuar këtë çështje.
Mbledhja që në fakt rezultoi rreth një orë, rezultoi me dakordësimin e deputetëve të PD për t’i bërë pyetjet me shkrim, por me kusht që ata të kishin 2 minuta kohë për koment pas përgjigjes së drejtuesit të SPAK, dhe Prokurorit të Përgjithshëm.
Deputeti i PS Erion Braçe ka postuar një foto nga momenti i pushimit, ku shihen deputetët e PD mbledhur rreth kryetarit të tyre Sali Berisha.
“2 ore e 40 minuta kot, pa pune; duke pritur te vendosin do e pyesin me ze prokurorin apo jo!! Ne fakt; prokurorin, per ceshtje konkrete-edhe tenden, e pyet ne gjykate, jo këtu”, shkruan Braçe. -
Doli me nënën për të mbledhur gështenja, zhduket pa gjurmë 26-vjeçari në Tropojë (Emri)
Një 26-vjeçar nga Tropoja është zhdukur në rrethana misterioze, ndërsa kishte dalë ditën e hënë me nënën e tij për të mbledhur gështenja në mal.
Ata kanë qenë në zonën e Kamenicës, në Bajram Curri, kur i riu është larguar dhe ka humbur kontaktet me nënën e tij.
Kallëzimi për zhdukjen është bërë këtë të martë në Komisariatin e Policisë së Tropojës nga familjarët e 26-vjeçarit F. T., banues në Bajram Curri.
Shërbimet e Policisë, në bashkëpunim me autoritetet e Kosovës, ekipin e kërkim-shpëtimit dhe banorët e zonës, po vijojnë kontrollet intensive në terren, nga toka dhe me dronë për gjetjen e tij. -
Protesta për UÇK/ Ish-Presidenti Moisiu: Jemi mbledhur të mbrojmë dinjitetin tonë kombëtar!
Ish presidenti i Shqipërisë, Alfred Moisiu
TIRANË- Ish presidenti i Shqipërisë, Alfred Moisiu, ishte i pranishëm në protestën që po mbahet në Tiranë, në mbështetje të ish krerëvë të Ushtrisë Çlirimtare të Kosovës, të cilët po gjykohen në Hagë. Nga sheshi “Skënderbej”, Moisiu, deklaroi se ky tubim zhvillohet për të mbrojtur dinjitetin kombëtar. Ish-presidenti i cilësoi luftëtarët e UÇK-së si të drejtë dhe guximtarë. Gjatë fjalës së tij, Moisiu tha Hashim Thaçi, Jakup Krasniqi, Rexhep Selimi dhe Kadri Veseli kanë bërë detyrën më të lartë që njeh historia bashkëkohore.
“Të dashur qytetarë të Tiranës, Shqipërisë dhe Kosovës, Maqedonisë së Veriut, Preshevës dhe Malit të Zi, të dashur bashkëkombës, sot jemi mbledhur këtu në zemër të Tiranës. Jemi mbledhur për të mbrojtur dinjitetin kombëtar, për të ngritur zërin kundër padrejtësisë që po u bëhet bijve më të mirë të Kosovës dhe të kombit shqiptar, luftëtarëve të UÇK-së, që luftuan për lirinë e atdheut. Në vitin 2022, bashkë me presidentin Rexhep Meidani, Bamir Topi, Pandeli Majko, në dhomat e paraburgimit për të takuar personalisht presidentin Thaçi, me Jakup Krasniqin, Kadri Veselin dhe Rexhep Selimin, në bisedë me këta burra kuptova dhe pashë se ata trima nuk ishin të frikësuar, por burra të vërtetë, qëndronin të qetë, të gatshëm për t’u sakrifikuar për të pasur luftën e UÇK-së pa njollat që padrejtësisht duan t’i japin ata që nuk i njohin mirë shqiptarët. Ata kanë bërë detyrën më të lartë që njeh historia bashkëkohore: çlirimin e Kosovës dhe mbrojtjen e popullit të vet. Unë besoj se drejtësia do të bëjë detyrën e saj dhe do të jetë në krahun e katër vëllezërve të UÇK-së. Janë burgosur pa prova, me akuza të fabrikuara në qelat e errëta serbo-ruse. Dua të theksoj se lufta e UÇK-së u mbështet fuqishëm nga NATO dhe SHBA, dhe nga partnerët e rëndësishëm perëndimorë. Komandantët udhëheqës të UÇK-së, dëshiroj të them se shqiptarët historikisht njihen si luftëtarë, por në tre raste janë shqiptarët që kanë luftuar për veten: në kohën e Skënderbeut, gjatë Luftës së Dytë Botërore dhe UÇK. Të dashur miq, është koha të mos heshtim, por të ngremë zërin sa më lart për të ngritur vendin tonë. Nuk mund të pranojmë të nëpërkëmbet gjaku i shqiptarëve. Liria e Kosovës nuk është dhuratë, është fituar me gjak, me sakrifica dhe vendosmëri. I bëj thirrje drejtësisë të tregojë veten për t’u bërë mësim të gjithëve. Lavdi dëshmorëve të UÇK-së, liri luftëtarëve të UÇK-së”,- tha Moisiu. -
Gara për kreun e ri të SPAK, kandidatët 3 javë afat për dorëzimin e dokumentacioneve
Është mbledhur mëngjesin e sotëm Këshilli i Lartë i Prokurorisë, duke hapu kështu zyrtarisht garën për kreun e ri të Prokurorisë së Posaçme, në afrim të datës së mbarimit të mandatit të Atin Dumanit, në dhjetor 2025.
Në mbledhjen e sotme u caktua tre javë afat për të gjithë kandidatët që duan të jenë në krye të SPAK, në mënyrë që të dorëzojnë dokumentacionet përkatëse.
Të pranishëm në sallë kanë qenë edhe përfaqësues të ambasadës amerikane në vendin tonë. -
Rreth 10 mijë shqiptarë janë mbledhur në Hagë në mbrojtje të ish-krerëve të UÇK-së
Rreth 10 mijë shqiptarë nga e gjitha bota janë mbledhur në afërsi të ndërtesës së Gjykatës Speciale për të protestuar në mbrojtje të ish-krerëve të Ushtrisë Çlirimtare të Kosovës (UÇK).
Drejtësi dhe liri për çlirimtarët, ka thënë se po kërkojnë sot, përfaqësuesi Këshillit të Protestës për Evropë, Fatmir Koci.“Protesta ka shkuar shumë mirë, po shihet që është një numër shumë i madh diku 10 mijë persona janë pjesëmarrës dhe ne si këshill organizativ i falënderojmë të gjithë për ndihmën, për përkrahjen dhe për mbështetjen që na kanë bërë, mesazhi ynë dihet, kërkojmë liri edhe drejtësi për krerët e UÇK-së”, deklaron ai.Nga Kosova, Lugina e Preshevës, Shqipëria, Maqedonia e Veriut, vende të ndryshme të botës dhe Amerika janë mbledhur sot shqiptarët për të protestuar në mbrojtje të UÇK-së.
“Po besoj shumë që do të dëgjohet mesazhi dhe kjo protestojë do të ndikojë pozitivisht në këtë gjykatë ku fatmirësisht qysh nga nesër zyrtarët amerikanë do të dëshmojnë, i pari do të jetë James Rubin dhe presim që do të ketë ndryshime të mëdha”, ka shtuar Koci për KosovaPress.Ekipi i KosovaPress po raporton nga qyteti holandez ku po mbahet kjo protestë, ku me mijëra shqiptarë janë bërë bashkë me parulla edhe në gjuhën angleze. Kjo protestë vjen një ditë para fillimit të dëgjimit të dëshmitarit të parë të mbrojtjes. /Sh.Pajaziti
/Kosovapress/ -
Rama: “Liria ka emër”, tubim në Hagë, shqiptarët nga diaspora protestojnë në mbështetje të ish-krerëve të UÇK-së
Hagë, 14 Shtator 2025 — Kryeministri Edi Rama ka ndarë me ndjekësit e tij në rrjetet sociale një video ku përcillet atmosfera e ngrohtë dhe e vendosur e shqiptarëve të mbledhur sot në Hagë, në një protestë të organizuar në mbështetje të ish-krerëve të Ushtrisë Çlirimtare të Kosovës (UÇK), të cilët po gjykohen në Dhomat e Specializuara.
Tubimi, që pritet të nisë në orën 14:00, ka mbledhur shqiptarë nga Amerika, vende të ndryshme të Evropës dhe Kosovë, të cilët kanë udhëtuar drejt Holandës për të shprehur solidaritetin e tyre. Për arsye sigurie, protesta nuk do të zhvillohet para ndërtesës së Gjykatës Speciale, por në afërsi të saj.Protestuesit, mes tyre ish-luftëtarë dhe qytetarë të diasporës, kanë përgatitur pankarta me mesazhe në gjuhën angleze, të drejtuara ndaj Gjykatës Speciale dhe Bashkimit Evropian — si financues të këtij institucioni. Disa autobusë janë nisur nga Kosova, duke dëshmuar mobilizimin e gjerë për këtë kauzë.
Protesta vjen një ditë para se të nisë dëgjimi i dëshmitarëve të mbrojtjes në sallën e gjyqit. Më 15 shtator, pritet të paraqitet James Rubin, ish-ndihmës sekretar amerikan i Shtetit gjatë luftës në Kosovë, në mbrojtje të ish-presidentit Hashim Thaçi. Pas tij, do të dëgjohen figura të tjera nga SHBA dhe Britania, fillimisht për Thaçin dhe më pas për Jakup Krasniqin.
Ky moment shënon një fazë të rëndësishme në procesin gjyqësor që ka nisur në prill 2023, pas konfirmimit të aktakuzës në vitin 2020. Mbrojtja e të akuzuarve mohon akuzat për krime lufte dhe kundër njerëzimit, duke argumentuar se UÇK-ja nuk ka pasur strukturë të organizuar komanduese.
Tubimi në Hagë është një dëshmi e gjallë e lidhjes së diasporës me historinë dhe drejtësinë, dhe një thirrje për transparencë në një proces që ka zgjuar interes të gjerë ndërkombëtar.
AV/KJ