Edhe pse ulja e taksave vendore është shpesh premtim elektoral, konsultimet për buxhetin dhe paketën fiskale të vitit 2026 nga ana e pushtetit lokal tregojnë se qytetarët do të përballen me kosto shtesë në tarifat dhe taksat vendore. Një tjetër bashki që rrit taksat për vitin 2026 është ajo e Elbasanit.
Rritja deri në 20% e taksave tashmë është zyrtarizuar, pasi paketa fiskale u miratua me votat e mazhorancës. Qytetarët e Elbasanit do të paguajnë më shumë nga janari 2026 për të paktën tetë tarifa vendore, mes tyre tarifën e pastrimit, gjelbërimit, ndriçimit dhe mirëmbajtjes së infrastrukturës.
Gjatë prezantimit të paketës fiskale, kryebashkiaku Gledian Llatja justifikoi rritjen e taksave vendore nga 11.3 deri në 20% me shtimin e kostove për shërbimet publike.
Llatja tha se, pavarësisht rritjes, disa kategori do të përjashtohen nga taksat, përfshirë aktivitetet që lidhen me turizmin dhe trashëgiminë kulturore brenda mureve të kalasë historike.
Këshilltarët e opozitës votuan kundër rritjes së taksave dhe tarifave vendore. Sipas tyre, qytetarët nuk mund të paguajnë më shtrenjtë për shërbime që siç pretendojnë ata, nuk ofrohen në cilësinë e duhur. Ata kritikuan edhe mënyrën e tarifimit, duke e cilësuar të padrejtë që një familje me pak anëtarë të paguajë të njëjtën taksë me një familje me më shumë anëtarë.
Bashkia e Elbasanit nuk kishte rritur taksat dhe tarifat vendore që prej vitit 2022 për afro 219 mijë banorët e saj, një pjesë e të cilëve tashmë ndodhen në emigracion.
Tag: llatja
-
Rriten taksat në Elbasan, Llatja: Kemi shumë shpenzime! Opozita voton kundër: Tarifim i padrejtë
-
Gledian Llatja takon kampionët elbasanas që po ngjitin qytetin në majat e sportit kombëtar
Kryetari i Bashkisë Elbasan, Gledian Llatja, së bashku me drejtorin e Klubit Shumësportësh ” Elbasani” Artin Kovaci, zhvilluan sot një takim me sportistët kampionë të disiplinave të ndryshme, të cilët po e çojnë emrin e qytetit në nivele të reja suksesi. Pingpongu, karateja, shtanga, xhudoja dhe atletika janë disa prej sporteve ku Elbasani po shkëlqen dhe po ngjitet rregullisht në podiumet kombëtare.
Takimi vjen në një periudhë të artë për sportin elbasanas. Vetëm pak ditë më parë, ekipi i meshkujve të pingpongut të Elbasanit u shpall kampion i Shqipërisë, një triumf që tregon rritjen e vazhdueshme të këtij sporti në qytet dhe punën e palodhur të trajnerëve dhe sportistëve.Sportistët e rinj prezantuan arritjet e tyre dhe objektivat për sezonet e ardhshme, ndërsa kryetari Llatja vlerësoi përkushtimin dhe profesionalizmin e tyre. Ai theksoi se rezultatet e arritura janë një dëshmi e talentit elbasanas dhe një motivim i fortë për të vijuar investimet në sport.
Bashkia e Elbasanit po punon për të krijuar kushte edhe më të mira për zhvillimin e talenteve të reja, duke modernizuar infrastrukturën sportive dhe duke mbështetur klubet që po rrisin kampionë të rinj. Sipas kryetarit Llatja, sporti nuk është vetëm aktivitet fizik, por një vlerë që forcon komunitetin dhe promovon qytetin në arenën kombëtare dhe ndërkombëtare.
-
Llatja: Fëmijët në qendër të vëmendjes në Ditën Ndërkombëtare të të Drejtave të Fëmijëve
Në kuadër të Ditës Ndërkombëtare të të Drejtave të Fëmijëve, Kryetari i Bashkisë Elbasan, Gledian Llatja, së bashku me Drejtoreshën e Zyrës Vendore të Arsimit, Vesa Llanaj Liço, zhvilluan një vizitë në shkollën “Alush Lleshanaku” në Bradashesh.
Gjatë takimit me nxënësit dhe mësuesit, Kryetari Llatja theksoi angazhimin e Bashkisë Elbasan për të mbështetur fëmijët dhe për të krijuar kushte të sigurta, gjithëpërfshirëse dhe të përshtatshme për zhvillimin e tyre. Ai u shpreh se fëmijët janë forca lëvizëse e shoqërisë dhe se investimet në arsim e mjedise të shëndetshme mbeten prioritet i bashkisë.Nga ana e saj, Vesa Llanaj Liço vlerësoi bashkëpunimin me Bashkinë Elbasan dhe përpjekjet e përbashkëta për të siguruar një arsim cilësor për çdo fëmijë, duke nënvizuar se mbrojtja dhe respektimi i të drejtave të fëmijëve është një detyrim i përbashkët.
Vizita u shoqërua me aktivitete sensibilizuese, duke e kthyer këtë ditë në një moment reflektimi për garantimin e të drejtave, mirëqenies dhe mbështetjes së vazhdueshme për fëmijët e komunitetit.
-
Rrugë të reja në lagjen “Skënderbej”, kryebashkiaku Llatja dhe Bylykbashi ndjekin nga afër investimin në zone
Kronikë E Martë, 18 Nëntor 2025 15:23
Kryetari i Bashkisë Elbasan, Gledian Llatja, i shoqëruar nga deputetja Aulona Bylykbashi, ka inspektuar nga afër punimet në rrugën “Vasil Llapushi”, një nga investimet më të rëndësishme infrastrukturore në rajonin nr. 2 dhe 3 të qytetit.Gjatë inspektimit, Llatja u ndal në pjesën fundore të lagjes “Skënderbej”, ku prej disa vitesh po realizohet një sërë projektesh transformuese për zonën.
“Një sërë investimesh kemi bërë për rajonin nr. 3 në këtë zone, investimi i fundit ka qenë në rrugën ‘Ahmet Gashi’. Sot jemi te ish-Fubi dhe ‘Kombinati i Drurit’, ku kemi bërë një investim bashkë me Fondin Shqiptar të Zhvillimit për rrugën ‘Vasil Llapushi’, e cila ishte shumë e kërkuar nga banorët, por është edhe një unazë lidhëse për rajonin 2 dhe 3,” u shpreh Llatja.Ai shtoi se punimet janë në fazën përfundimtare, ndërsa paralelisht po planifikohen investime të tjera në infrastrukturën rrugore të zones.
“Jemi në fazën përfundimtare të këtij investimi, për të vijuar edhe me një tjetër investim, rruga ‘Bajram Curri’, e cila është bërë pjesë e lotit të parë dhe do të vazhdojmë sërish me lotin e dytë të kësaj rruge, për t’u lidhur kështu me rrugën ‘Iljaz Kosova’. Ndërkohë që rruga ‘Vasil Llapushi’ do të ketë një përfundim të saj në lotin e dytë për t’u lidhur me rrugën ‘Ahmet Gashi’ si edhe me pjesën tjetër të ‘Fushë Mbretit’.”
Sipas tij, kjo unazë e re brenda rajonit 2 dhe 3 ka një efekt të drejtpërdrejtë në qarkullim dhe në cilësinë e jetesës së banorëve.“Me këtë unazë që po bëjmë në rajonin nr. 2 dhe nr. 3 lehtësojmë jo vetëm trafikun e kryqëzimit të Cerrikut, por i japim një lëvizshmëri shumë më të madhe banorëve të kësaj zone dhe një formalizim të mirëfilltë të një prej zonave informale që kishim më afër qytetit tonë. Nga një zonë informale para disa vitesh, tashmë kjo po kthehet në një zonë totalisht të urbanizuar nga investimet që ne kemi bërë gjatë gjithë këtyre viteve, nga kanalizimet e ujërave të zeza, rrugët e brendshme të lagjeve, rregullimi i kopshtit dhe tashmë së fundmi edhe infrastruktura lidhëse e këtyre dy rajoneve. I shërben edhe një zone akoma më të madhe sepse është një zonë e lirë ekonomike,” tha më tej ai. LK
-
Kryebashkiaku Llatja: Turizmi kurativ, një motor i fuqishëm për ekonominë lokale të Treganit
Në Tregan, ku sezoni i turizmit kurativ po i afrohet fundit, ritmi mbetet i pandryshuar: kapacitete të tejmbushura, kërkesë e lartë dhe një fluks i qëndrueshëm vizitorësh. Ky është treguesi më i qartë i potencialit të kësaj zone dhe i rëndësisë që ajo ka fituar për zhvillimin rajonal.Gjatë vizitës së sotme në Hotel “Miza”, kryetari i Bashkisë Elbasan, Gledian Llatja, diskutoi me përfaqësues të bizneseve lokale mbi ecurinë e sezonit, sugjerimet dhe sfidat që ata hasin.
Vizitorë nga e gjithë Shqipëria, por edhe nga Kosova dhe Maqedonia e Veriut, zgjedhin Treganin për cilësinë e ujërave termale, mikpritjen tradicionale, çmimet e favorshme dhe natyrën e paprekur që e rrethon.“Tregani është pjesë e ‘Paketës së Maleve’, një paketë strategjike që synon të forcojë investimet në turizmin malor, atë kurativ dhe në format e tjera të turizmit gjithëvjetor. Kjo zonë është një shembull i qartë se si ndërthuren natyrshëm produktet vendase, agroturizmi dhe turizmi shëndetësor, duke sjellë zhvillim ekonomik të qëndrueshëm,” u shpreh Llatja.Ai theksoi se investimet në infrastrukturë, në bizneset familjare dhe në promovimin e potencialit natyror e shëndetësor të Treganit do të mbeten ndër prioritetet kryesore të bashkisë. “Çdo investim në këtë zonë përkthehet në më shumë vizitorë dhe më shumë mundësi për komunitetin,” shtoi ai.Gjatë qëndrimit në llixhat e Treganit, kryetari Llatja bisedoi edhe me pacientët që po marrin trajtime në fund të sezonit kurativ. Ata ndiheshin të kënaqur me kushtet e përmirësuara dhe me shërbimet që ofron kjo zonë, duke theksuar se klima e Treganit është unike dhe se efektet e ujërave termale ndihen që pas ditëve të para të trajtimit.
“Këtu gjejmë qetësi, shërbim shumë të mirë dhe trajtime që vërtet ndihmojnë shëndetin tonë”, u shpreh një vizitor nga Kosova, ndërsa një tjetër nga Divjaka shtoi se “kthimi në Tregan është bërë traditë çdo vit.”
Në vijim, kryetari Llatja solli në vëmendje edhe politikat mbështetëse të qeverisë për shtresat në nevojë, veçanërisht për pensionistët dhe bujqit, duke nënvizuar se rritja e pensioneve do të vijojë çdo vit, sipas prioritetit të përcaktuar nga Kryeministri Edi Rama.Në fund të sezonit kurativ, Tregani konfirmon edhe një herë se turizmi shëndetësor nuk është vetëm një pasuri natyrore, por një motor i fuqishëm ekonomik për të gjithë zonën, që po tërheq gjithnjë e më shumë investime dhe vizitorë nga i gjithë rajoni.
-
Buxhetimi me pjesëmarrje, kryebashkiaku Llatja: Investime të reja për sportin dhe të rinjtë e Elbasanit
Buxhetimi me pjesëmarrje ka sjellë edhe këtë vit një fokus të veçantë mbi sportin, ku kryebashkiaku Gledian Llatja zhvilloi një takim të gjatë me trajnerë, sportistë dhe përfaqësues të 15 klubeve të qytetit. Në prani të sportistëve dhe trajnerëve, Llatja foli për arritjet e këtij viti dhe për nevojën për përmirësim të vazhdueshëm në çdo aspekt të aktivitetit sportiv.
Ai theksoi se kërkesat e trajnerëve dhe sportistëve janë mirëpritur, por puna vazhdon dhe sfidat nuk kanë përfunduar. Strategjia e klubeve, sipas tij, është e qartë, status i OJF-ve, masiviteti sportiv dhe krijimi i ekipeve zinxhir që garantojnë pjesëmarrje dhe zhvillim të të rinjve.“Janë realizuar shumë aktivitete brenda 15 klubeve, ku janë arritur rezultate pozitive dhe janë shpallur kampione në disa disiplina”, tha ai. Ai shtoi se kushtet për sportistët janë përmirësuar ndjeshëm, duke përfshirë buxhetin për trajtime ushqimore, bazë materiale dhe nevoja të tjera, ndërkohë që përparime janë bërë edhe në anën shëndetësore.
Objektivat për këtë vit, sipas kryebashkiakut, përfshijnë realizimin e aktiviteteve lokale, përgatitjen për aktivitetet ndërkombëtare në volejboll, ping-pong, boks dhe karate, si dhe organizimin e edicionit të katërt të “Dekorimit të Figurave”, një aktivitet që promovon talentet e rinj.Llatja theksoi se “ bashkia ka bërë punë të mira për sportet, por nevojat janë gjithmonë të mëdha”.
Ai falenderoi trajnerët për kontributin dhe angazhimin e tyre dhe theksoi se mbështetja për sportin nuk do të mungojë kurrë.
Ndërsa u ndal tek investimet ai e vuri thkesin tek investimet e fundit tw cilat kanë përfshirë shtimin e palestrave dhe terreneve sportive në shkollat “Kostandin Kristoforidhi”, “Onufri”, “Jorgji Dilo”, rikonstruksione të palestrave ekzistuese dhe terreneve në shkollat “Luigj Gurakuqi”, ndërsa do të ndërtohet një terren i ri sportiv në lagjen Partizani. Po ashtu, investime po kryhen në terrenet e “Dhaskal Todri”, “Naim Frashëri” dhe do të krijohet një ambient i mbyllur sportiv për shkollën “Qamil Guranjaku”.
Kryebashkiaku foli edhe për kërkesat konkrete të klubeve.“Në basketboll, pjesa më e madhe e kërkesave lidhet me financimin e dëmtimeve të lojtarëve dhe sigurinë e sportistëve të huaj, përfshirë nevojat për fjetje dhe ushqim. Në atletikë, ekipi po stërvitet në stadium pas një periudhe njëvjeçare dhe gjysmë, por ka vështirësi për sportistët që merren me shtizë dhe për stërvitjen në palestër një herë në javë.
Në ping-pong, sfida kryesore mbetet punësimi i trajnerëve dhe mbulimi i ekipeve për transport, pasi janë shumë ekipe dhe nuk mbulohen lehtësisht. Për sportistët elitë dhe të kombëtares, do të ketë një vlerësim të veçantë financiar për të siguruar kushtet optimale” nënvizoi Llatja.Në fund, kryebashkiaku theksoi se sportet do të mbështeten gjithmonë, por ato duhet të japin rezultat.“Nuk do të mbajmë më sporte nëse nuk ka rezultate dhe nëse nuk plotësohen pritshmëritë. Modeli që kemi krijuar me organizatat OJF do të mundësojë edhe financim nga bizneset, përmes ligjit të sponsorizimeve që pritet të miratohet. Mbështetja nuk do të mungojë, por sportet duhet të sjellin rezultat,” u shpreh ai.Ai gjithashtu bëri të ditur se për shumë disiplina po ndërtohen terrene sportive të reja në një investim prej 1.7 milionë eurosh, në një sipërfaqe prej 22 mijë metrash katrorë, në kuadër të projektit “Parku Dua të Luaj”.
Takimi tregoi qartë se puna e klubeve dhe e bashkisë ka sjellë rezultate të prekshme, por sfidat dhe kërkesat për përmirësime do të mbeten pjesë e strategjisë për vitet e ardhshme, duke u siguruar që sportistët e rinj të kenë hapësira, infrastrukturë dhe mbështetje për të zhvilluar talentin e tyre. -
Buxhetimi me pjesëmarrje, krybashkiaku Llatja: Të rinjtë janë motori i transformimit të qytetit
Buxhetimi me pjesëmarrje vijoi me zërin e të rinjve të Elbasanit, në një takim ku Këshilli Rinor, aktivistë dhe nxënës të gjimnazeve sollën idetë dhe prioritetet e tyre, të cilat u dëgjuan me vëmendje nga kryetari i Bashkisë, Gledian Llatja. Ai ishte i shoqëruar nga nënkryetarja Klaudja Krasnika, drejtoresha e Zyrës Vendore të Arsimit, Vesa Llanaj Lico, si dhe përfaqësues të tjerë institucionalë.
Në një fjalë të gjatë dhe të detajuar, Llatja foli për projektet që lidhen drejtpërdrejt me rininë, duke nisur me terrenet sportive të ndërtuara pranë shkollës pedagogjike dhe gjimnazit “Kostandin Kristoforidhi”. Ai bëri të ditur se shumë shpejt do të nisë rikonstruksioni total i shkollës “Dhaskal Todri”, ndërhyrje e munguar për dekada dhe një nga kërkesat kryesore të komunitetit arsimor. Të rinjtë e pranishëm përgëzuan këtë investim, duke e cilësuar si një hap të domosdoshëm për përmirësimin e kushteve të të mësuarit.“Para disa vitesh ne Këshillin Rinor kishte vetëm dhjetë të rinj, ndërsa sot jemi përpara këtij këshilli rinor me klube rinore”, tha LlatjaDuke u ndalur tek terrenet sportive, ai theksoi gjithashtu gjimnazin “Vasil Kamami”, ku tashmë funksionojnë terrene sportive ku stërviten të rinjtë. Ai bëri të ditur se brenda dy viteve të ardhshme do të kryhet rikonstruksioni i plotë i gjimnazit, me synimin për ta kthyer atë në një hapësirë moderne, e përshtatur për nxënësit dhe komunitetin, duke ruajtur dhe zhvilluar aktivitetet sportive. Po ashtu, edhe gjimnazi “Ahmet Dakli” përfshihet në planin afatshkurtër të investimeve, të cilat synojnë të përmirësojnë kushtet e mësimit dhe aktivitetit jashtëshkollor.
Ai foli për të gjitha investimet në infrastrukturën shkollore, duke njoftuar se brenda këtij viti nis rikonstruksioni i shkollave “Naim Frashëri”, “Dhaskal Todri” dhe shkolla e Shushicës, ndërsa vitin e ardhshëm fillon zbatimi i projektit për ndarjen e diferencuar të mbetjeve në 50 shkolla të qytetit, me shtrirje më pas edhe në zonat rurale. Llatja nënvizoi mbështetjen e rinisë për këtë iniciativë, me qëllim që qyteti të bëhet më i gjelbër dhe të reduktohen kostot e pastrimit.Ai foli gjithashtu për transportin publik, duke njoftuar se shumë shpejt të gjithë autobusët e linjave urbane do të pajisen me GPS, ndërkohë që stacionet janë pajisur me stola inteligjentë fotovoltaikë, të cilët ofrojnë internet falas 5G dhe karikues për pajisjet celulare. Në këtë mënyrë, shërbimi për qytetarët modernizohet dhe bëhet më i përshtatshëm për të rinjtë.
Gjatë takimit, Llatja ndaloi edhe te aktivitetet sociale të ndërmarra nga Këshilli Rinor, nga siguria e fëmijëve në shkolla te ndihma për të moshuarit, duke vlerësuar angazhimin e tyre dhe duke i cilësuar ata si motor i transformimit qytetar. Ai theksoi se aktiviteti i buxhetimit me pjesëmarrje ka qenë shumë produktiv, duke shtuar se shumë nga kërkesat e të rinjve tashmë janë kthyer në investime reale, përtej asaj që ata vetë kishin kërkuar si prioritet.
Në përfundim, të rinjtë votuan prioritetet e tyre për vitin 2026, ndërsa kryetari mbajti shënim çdo propozim të paraqitur. Ai garantoi se zëri i tyre do të pasqyrohet në buxhetin e vitit të ardhshëm, duke u siguruar që çdo ide të kthehet në investim konkret dhe të ketë ndikim të prekshëm në jetën e qytetit. -
Arsimi në fokus, kryebashkiaku Llatja: Gjimnazi “Dhaskal Todri” përgatitet për rikonstruksion tërësor
What can I do?
If you are a visitor of this website:
Please try again in a few minutes.If you are the owner of this website:
Contact your hosting provider letting them know your web server is not responding. Additional troubleshooting information. -
Buxhetimi me pjesëmarrje në Rajonin Nr. 3, qytetarët propozojnë, bashkia investon
Kronikë E Mërkurë, 22 Tetor 2025 10:20
Vijon procesi i Buxhetimit me Pjesëmarrje, një nismë e rëndësishme e Bashkisë Elbasan, ku qytetarët janë pjesë aktive e vendimmarrjes për investimet në komunitetet e tyre. Takimi i radhës u zhvillua në Rajonin Nr. 3, me një pjesëmarrje të gjerë të banorëve të zonës, të cilët shprehën interesin dhe angazhimin e tyre për projektet dhe investimet që pritet të realizohen në të ardhmen.
Në fjalën e tij, Kryetari i Bashkisë Elbasan, Gledian Llatja, vlerësoi angazhimin e komunitetit, duke theksuar se prania e qytetarëve tregon besimin dhe bashkëpunimin e ndërtuar ndër vite përmes këtij procesi.“Prania juaj sot tregon se procesi i buxhetimit me pjesëmarrje ka fituar besimin e komunitetit dhe është një mekanizëm i rëndësishëm për zhvillimin e qëndrueshëm të qytetit. Sot flasim për buxhetin dhe paketën fiskale, sepse të dyja janë të lidhura, nuk mund të kemi investime pa të ardhura”, u shpreh Llatja.Ai solli në vëmendje një sërë investimesh të realizuara në Rajonin Nr. 3, si rikonstruksioni i shkollës ku u zhvillua takimi, përmirësimi i shesheve të pallateve, ndërhyrjet në rrugët “Mefail Biçaku”, “Iljaz Kosova” dhe “Ahmet Gashi”, si edhe punimet në zonën e Fushë Mbretit dhe në NSHU. Po ashtu janë realizuar investime në kanalizimet e ujërave të zeza pranë fabrikës së sfungjerit dhe pallatet me system kapot, si rezultat i kërkesave të banorëve të kësaj zone.
Llatja theksoi gjithashtu përparimin në infrastrukturën arsimore, ku janë rikonstruktuar disa shkolla të rëndësishme, përfshirë “Kostandin Kristoforidhi”, “Jorgji Dilo” dhe shkollat industrial, kërkesa që kanë dalë nga buxhetimi me pjesëmarrje, ndërsa gjimnazi “Dhaskal Todri” pritet të nisë rikonstruksionin së shpejti.
Kryetari Llatja foli gjithashtu për zhvillimin e qytetit dhe turizmit, duke theksuar rëndësinë e rivitalizimit të Kalasë së Elbasanit si një qendër historike dhe kulturore që po merr vëmendje të veçantë në projektet e reja të Bashkisë. Ai shtoi se paralelisht me këto ndërhyrje, po punohet për zhvillimin ekonomik të qytetit përmes projekteve të mëdha si masterplani për Kombinatin Metalurgjik, si edhe transformimi i ish Kombinatit të Drurit në një zonë të lirë teknologjike dhe industriale, një projekt që po ecën me sukses në bashkëpunim me qeverinë shqiptare.
“Kemi bërë shumë punë të mira dhe do të vazhdojmë të investojmë njësoj si në Rajonin Nr. 3, ashtu edhe në të gjithë qytetin e Elbasanit,” u shpreh më tej Kryetari Llatja, duke theksuar angazhimin për të çuar përpara projektet që përmirësojnë jetesën e qytetarëve.
Në përfundim të takimit, qytetarët e Rajonit Nr. 3 votuan prioritetet kryesore, të cilat do të përfshihen në buxhetin e vitit 2026, duke garantuar që zëri i komunitetit të jetë në qendër të planifikimit dhe investimeve të ardhshme të Bashkisë Elbasan. -
Banorët e Shushicës përcaktojnë investimet për vitin 2026
Në Njësinë Administrative Shushicë u zhvillua takimi i radhës i Kryetarit të Bashkisë Elbasan, Gledian Llatja, me banorët e zonës, në kuadër të procesit të Buxhetimit me Pjesëmarrje. Në takim morën pjesë gjithashtu Kryetari i Këshillit Bashkiak, Lutfi Lala, Kryetari i Njësisë Administrative Sokol Sinani, përfaqësues të këshillit dhe banorë të fshatrave të njësisë.
Kreu i bashkisë Llatja theksoi se Bashkia Elbasan ka hyrë në një fazë të re investimesh, me mbështetje nga qeveria dhe fonde të siguruara përmes lobimit vendor.“Prioritet për vitin e ardhshëm është lidhja e Shushicës me urën e Byshekut dhe ndërtimi i bypass-it, që do ta kthejë Shushicën në një lagje të Elbasanit.
Kemi projekte të rëndësishme në infrastrukturë, në arsim dhe në sistemet e ujitjes e energjisë,” deklaroi Llatja.
Ai shtoi se brenda nëntorit do të nisin punimet për ndërtimin e shkollës së re 9-vjeçare në Shushicë, ndërsa po punohet edhe për një shkollë shtesë në Hajdaran.
Kryebashkiaku Llatja vuri në dukje se Bashkia Elbasan po punon për zgjidhjen përfundimtare të problematikave të mbetjeve në zonat rurale.
“Kemi nisur fazën e parë me vendosjen e koshave dhe pritet të mbërrijnë edhe 200 të tjerë, bashkë me mjetet e reja të pastrimit.”, theksoi Llatja.
Kryetari I Këshillit Bashkiak, Lytfi Lala, vlerësoi punën e bërë gjatë vitit 2025 dhe bashkëpunimin me qytetarët. Ai theksoi se si bashki dhe këshill janë të angazhuar të japin llogari për çdo veprim dhe investim të bërë.
Në përmbyllje të takimit, banorët votuan për prioritetet kryesore të investimeve që do të përfshihen në buxhetin e vitit 2026, në përputhje me kërkesat dhe nevojat e tyre më emergjente për zonën. LK