Komiteti Keshillues për Praktikat e Imunizimit në Departamentin Amerikan të Shëndetësisë i dha fund këte të premte rekomandimit për të vaksinuar foshnjat e porsalindura kundër virusit të Hepatitit B menjëherë pas Lindjes.
Paneli i Këshilltarëve voti me 8 vota pro dhe 3 kundër për të mbështetur vendimmarrjen e bazuar tek cdo individ duke thënë se duhet të jenë prindërit ata që do të vendosin nëse duan që të porsalindur të vaksinohen menjëherë.
Në muajin qershor Sekretari Amerikan I Shëndetësisë Robert F Kennedy Junior, shkarkoi të Gjithë Anëtaret e Komiteti Keshillues për Praktikat e Imunizimit duke I zëvendësuar ato me ekspertë që janë kundër vaksinave. Në Shtetet e Bashkuara të porsalindurit janë vaksinuar menjëherë me vaksinën kundër Hepatiti B që nga vitit 1991 dhe që ateherë sipas ekspertëve vaksinat kanë parandaluar rreth 90 mijë vdekje.
Udhezimi I ri sugjeron gjithashtu që foshnjat që duan të marrin një doze të kësaj vaksine nuk duhet ta marrin menjëherë pas lindjes por dy muaj pas saj. Komiteti Keshillues për Praktikat e Imunizimit në Departamentin Amerikan të Shëndetësisë megjithatë theksoi në rekomandimin e kësaj të premteje se foshnjat të cilat kanë lindur nga nëna të prekura nga Hepatiti B, duhet ta marrin vaksinën menjëherë pas lindjes.
Ekspertët e Shëndetit Publik në Shtetet e Bashkuara kanë shprehur shqetësime se Sugjerimet më të fundit do të ngrenë shqetësime të pabaza për sigurinë e vaksinave , duke inkurajuar disa njerëz që të mos e marrin vaksinën. Për pasojë dicka e tillë do të sillte shtim të sëmundjeve dhe viruseve.
Hepatiti B është një infeksion i mëlçisë që përhapet nëpërmjet kontaktit të drejtpërdrejtë me lëngjet trupore dhe mund të çojë në probleme të rrezikshme shëndetësore duke përfshirë Kancer, apo edhe dështim të mëlicisë.
Gratë shtatzëna që kanë hepatit B gjithashtu mund ta transmetojnë virusin tek të porsalindurit gjatë lindjes, gjë që mund të çojë në infeksione kronike që mund të dëmtojnë mëlçinë. Personat e infektuar me Hepatit B nuk kanë gjithmonë simptoma, që do të thotë se mund të mos jenë të vetëdijshëm se e mbajnë virusin dhe mund ta përhapin atë ndërsa kujdesen për fëmijët dhe foshnjat.
Tag: lindjes
-
“Do shtohen sëmundjet”/ Vaksinat për hepatitin B, SHBA heq rekomandimin, ekspertët ngrenë alarmin
-
81-vjetori i lindjes së Rugovës, Osmani: Trashëgimia e tij, testament për paqen, për shtetin sovran e të integruar
Në 81-vjetorin e lindjes së ish-presidentit Ibrahim Rugova, presidentja Vjosa Osmani ka kujtuar veprën e tij, duke thënë se ai ishte udhërrëfyes drejt lirisë dhe pavarësisë.
“I lindur 81 vjet më parë, arkitekti i pavarësisë, Presidenti historik dr. Ibrahim Rugova ishte zëri i arsyes dhe vendosmërisë në kohë të errëta, si dhe udhërrëfyes drejt lirisë dhe pavarësisë. Me urtësinë, kulturën politike dhe vizionin largpamës, Presidenti Rugova e ngriti çështjen e Kosovës në majat e diplomacisë botërore”.
Osmani tha se ai “mbetet frymëzim i përhershëm, simbol i qëndresës dhe i ëndrrës së madhe për një Kosovë të lirë, të pavarur dhe demokratike”.
“Trashëgimia e Presidentit është testament për paqen, për shtetin sovran dhe të integruar në familjen euro-atlantike. Lavdi jetës, veprës dhe idealit të Presidentit historik!”.
Rugova lindi më 2 dhjetor 1944 në Cercë të Istogut dhe vdiq më 21 janar 2006.
-
Tatiana Schlossberg, vajza e Caroline Kennedy, zbulon se vuan nga kanceri terminal
Tatiana Schlossberg, vajza e Caroline Kennedy dhe Edwin Schlossberg, ka zbuluar se vuan nga kanceri terminal. Në një ese të publikuar të shtunën, më 22 nëntor, në The New Yorker, 35-vjeçarja njoftoi se është diagnostikuar me leukemi mieloide akute pas lindjes së vajzës së saj të dytë në maj 2024. Schlossberg tregoi se mjeku i saj vuri re një numër të jashtëzakonshëm qelizash të bardha në gjak, duke regjistruar 131,000 qeliza për mikrolitër, krahasuar me normën 4-11 mijë.
Fillimisht, mjeku e vlerësoi se mund të ishte një pasojë e lindjes ose diçka më serioze — dhe më pas diagnostikoi një mutacion të rrallë të quajtur Inversion 3. Schlossberg u shpreh se nuk mund të besonte lajmin: “Dita para se të lindja, kisha notuar një milje në pishinë, ende shtatzënë në muajt e fundit. Nuk ndihesha e sëmurë. Isha një nga personat më të shëndetshëm që njihja.”
Ajo dhe bashkëshorti, George Moran, kanë një djalë 3-vjeçar dhe një vajzë 1-vjeçare, dhe për Schlossberg, prioritet mbetej kujdesi për fëmijët e saj: “Kisha një djalë që e doja më shumë se gjithçka dhe një të porsalindur që duhej ta kujdesja.”
Pas lindjes, Schlossberg kaloi pesë javë në Columbia-Presbyterian Hospital, dhe më pas u transferua në Memorial Sloan Kettering për transplantin e palcës së kockës. Ajo ndoqi gjithashtu trajtime kimioterapie në shtëpi, ndërsa mjekët i shpjeguan se një trajtim standard nuk do ta kuronte.
Tatiana Schlossberg ka bërë publik këtë lajm për të ndarë përvojën e saj dhe për të treguar betejën e vështirë kundër një sëmundjeje të rrallë dhe serioze, duke i dhënë zë një sfide personale dhe familjare që prek çdo njeri. -
Gjykata i jep të drejtë Blake Lively-t: Producenti i It Ends With Us detyrohet të dorëzojë videon e lindjes së bashkëshortes
Një gjykatës federal në SHBA ka vendosur në favor të aktores Blake Lively, duke urdhëruar producentin e It Ends With Us, Jamey Heath, të dorëzojë të gjithë materialin filmik që tregon bashkëshorten e tij, Natasha, gjatë lindjes. Sipas dokumenteve të depozituara më 17 nëntor, gjykatësi Lewis J. Liman deklaroi se ky material “duhej të ishte dorëzuar” në kuadër të një urdhri të mëparshëm të zbulimit të provave, duke theksuar se çdo pamje që tregon momentin e lindjes “mund të mbështesë pretendimin e Lively-t”. Për shkak të natyrës së ndjeshme, pamjet do të mbeten të vulosura dhe të mbrojtura nga urdhri gjyqësor.
Lively, 38 vjeç, kishte kërkuar më herët sanksione ndaj Heath për mosdorëzimin e plotë të videove dhe për ta ndaluar atë të dëshmojë lidhur me pamjet që pretendon se i ka treguar aktores. Megjithatë, gjykatësi Liman refuzoi vendosjen e sanksioneve, duke argumentuar se keqinterpretimi i urdhrit nga Heath nuk përbën shkelje të qëllimshme. Ai urdhëroi që të gjithë materialet shtesë të dorëzohen deri më 20 nëntor.
Sipas dokumenteve të paraqitura nga ekipi ligjor i aktores, Heath kishte dorëzuar vetëm një pjesë tre-minutëshe të videos, ndërsa Lively ka “kundërshtuar vazhdimisht” se ky fragment përputhet me atë që u shfaq asaj dhe asistentes së saj në set. Ajo pretendon se për javë të tëra pala e Heath këmbëngulte se nuk ekzistonte material tjetër, derisa ai pranoi në një depozitë se ka më shumë video.
Videoja e lindjes është në qendër të padisë së Lively-t, ku ajo akuzon regjisorin Justin Baldoni dhe Heath për sjellje “të shqetësuese” dhe “joprofesionale”. Ndërkohë, pala e Baldoni dhe Wayfarer e mohon rrëfimin e aktores, duke e cilësuar videon një moment “të bukur” familjar të ndarë me pëlqimin e Natasha-s. -
Sara Gjordeni flet për periudhën ‘post-partum’: Kisha lëkundje emocionale, nuk duroja zhurmat
Sara Gjordeni, ka folur për herë të parë pas lindjen së vajzës së saj dhe pas një periudhe të gjatë shkëputje nga ekrani. E ftuar në ‘Goca dhe Gra’ ajo tregoi se shkak i kësaj shkëputje u bë periudha e pas lindjes, ose ndryshe ‘post-partum’, të cilën ajo e ka kaluar me shumë luhatje humori dhe një gjendje emocionale jo shumë të mirë.
“Për shumë gjëra duke nisur që nga shëndeti shpirtëror, ngarkohemi, ardhja në jetë e një fëmije ta ngarkon edhe rutinën. Mu desh një shkëputje dhe besoj që më ka bërë shumë mirë. Njoha disa nga simptomat e post-partum. Unë i kam ndjerë këto simptoma 8 muaj pas lindjes dhe nuk e dija që ishin ato. Kisha lëkundje emocionale dhe isha e mërzitur. Pastaj nga informacionet e kuptova. U konsultova me mjeken dhe më tha të marr kohë për veten. Kisha një mërzi që nuk e dija se nga më erdhën. Më bezdisnin më shumë gjëra seç duhej. Shenja e parë ishte që nuk duroja dot shumë zhurma, kur mbivendoseshin gjërat. Kam një partner shumë suportues që ka luajtur një rol shumë të madh, e kam kuptuar që kam bërë zgjedhjen e duhur. Jam shumë me fat për të. U largova nga gjithçka”, tregoi Sara.
Sara është shprehur se partneri i saj, me të cili ajo krijoj një romancë brenda shtëpisë së Big Brother, ka qenë një mbështetje e madhe për të kaluar të gjithë situatën e krijuar pas lindjes së vajzës, Nea.
“Nea ka ndihmuar shumë, është shumë klishe të flasësh për fëmijën por vetëm ideja që ke një palë sy që të shohin të mbush me shpresë dhe thua që unë duhet të jem shembull për të, të jep goxha forcë. Jam përpjekur ta shohë shumë pozitivisisht dhe si një proces transformues në prind. Edhe për të ka qenë e vështirë. Artistët janë shumë të ndjeshëm i përjetojnë shumë intensivisht. Ka pasur moment që i është dukur pak e vështirë por e ka menaxhuar në një mënyrë të jashtëzakonshme. Jam shumë krenare”, u shpreh Sara. -
Vdekjet gjatë shtatzënisë dhe lindjes ranë ndjeshëm në mbarë botën. Çfarë fshihet pas kësaj rënieje?
Një analizë e re globale ka zbuluar se qasja në kontraceptivë, parandalon mijëra vdekje gjatë shtatzënisë dhe lindjes çdo vit.
Globalisht, vdekjet e nënave – vdekjet që lidhen me shtatzëninë gjatë shtatzënisë, lindjes ose deri në gjashtë javë pas lindjes – janë kryesisht për shkak të hemorragjisë pas lindjes, problemeve shëndetësore që rrjedhin nga presioni i lartë i gjakut, sepsa, bllokimet e enëve të gjakut, komplikimet e abortit ose lindja e penguar, që ndodh kur fetusi është fizikisht i paaftë të kalojë nëpër kanalin e lindjes.
Por vdekshmëria e nënave ra me 41 përqind midis viteve 2000 dhe 2023, nga rreth 443,000 në 260,000.
Studiues nga Organizata Botërore e Shëndetësisë (OBSH) dhe universitete kryesore analizuan të dhëna nga 195 vende dhe territore për të identifikuar se çfarë e shkaktoi saktësisht këtë reduktim.
Ata zbuluan se 61.2 përqind e rënies mund të shpjegohet me përmirësime në kujdesin ndaj maternitetit, siç është lindja e fëmijës me punonjës shëndetësorë të kualifikuar dhe mbështetje më e mirë pas lindjes.
Një tjetër 38.8 përqind ishte për shkak të “reduktimit të fertilitetit”, duke përfshirë përdorimin e kontraceptivëve dhe abortet më të sigurta.
Përdorimi i vetëm i kontraceptivëve parandaloi rreth 77,400 vdekje të nënave në vitin 2023, sipas studimit, i cili u botua në revistën The Lancet Global Health. Kjo do të thotë se rreth një në katër vdekje të nënave u shmangën atë vit.
Studiuesit thanë se gjetjet nënvizojnë rëndësinë e kontracepsionit në rezultatet e shëndetit të grave. Kontraceptivët i ndihmojnë gratë të planifikojnë dhe të hapin kohë midis shtatzënive të tyre, duke parandaluar ndërlikimet dhe duke ndihmuar në uljen e numrit të aborteve të pasigurta.
“Qasja në kontracepsion dhe kujdesi cilësor i maternitetit nuk janë vetëm ndërhyrje shëndetësore – ato janë thelbësore për të shpëtuar jetë dhe për të çuar përpara barazinë gjinore”, tha në një deklaratë Pascale Allotey, drejtoreshë në OBSH e fokusuar në shëndetin seksual dhe riprodhues.
Megjithatë, studiuesit paralajmëruan se përpjekjet për të frenuar aksesin në abort dhe shkurtimet e fundit në fondet globale të shëndetësisë, veçanërisht shpërbërja e Agjencisë Amerikane për Zhvillim Ndërkombëtar (USAID), mund të rrezikojnë përpjekjet për të parandaluar vdekje të tjera të lidhura me shtatzëninë.
Ata bënë thirrje që programet e planifikimit familjar, të integrohen më mirë në kujdesin e maternitetit.
“Ne duhet të sigurohemi që çdo grua, kudo, të ketë mjetet për të planifikuar familjen e saj dhe për të pasur akses në kujdesin që i nevojitet për të parandaluar shtatzënitë e padëshiruara dhe për një shtatzëni dhe lindje të sigurt”, tha Allotey./ Euronews.
-
Diplomatët më të lartë të Lindjes së Mesme do të takohen në Stamboll për bisedime në Gaza
Ministrat e jashtëm nga disa vende të Lindjes së Mesme pritet të takohen në Stamboll të hënën për të diskutuar hapat e mundshëm të mëtejshëm në procesin e paqes në Gaza, sipas ministrit të jashtëm turk, Hakan Fidan.
Takimi do të bashkojë ministrat nga tetë vendet që morën pjesë në bisedimet me Presidentin e SHBA-së, Donald Trump në margjinat e Asamblesë së Përgjithshme të OKB-së, u tha Fidan i Turqisë gazetarëve të premten në Ankara.
Deri më tani nuk ka pasur konfirmim të takimit nga këto vende.
Diskutimet e mëparshme në Nju Jork përfshinin përfaqësues nga Turqia, Katari, Arabia Saudite, Indonezia, Pakistani, Egjipti, Emiratet e Bashkuara Arabe dhe Jordania.
Një armëpushim i ndërmjetësuar nga SHBA-të midis Izraelit dhe organizatës militante palestineze Hamas mbetet i brishtë. Zbatimi i fazave të ardhshme të procesit të paqes – përfshirë çarmatimin e Hamasit – mbetet i pasigurt./DPA News.
-
Pas 11 vitesh, Apeli shpall pretencën për mjekët, gruaja e Alban Hoxhës humbi jetën pas lindjes së djalit
Prokuroria e Apelit ka shpallur pretencën për mjekët Petrit Rexhepi dhe Elona Burba, të akuzuar për rastin e vdekjes së Doriana Hakës, bashkëshortes së portierit të Partizanit, Alban Hoxha, e cila humbi jetën në nëntor të vitit 2014, dy javë pasi solli në jetë fëmijën e saj të parë.
Për gjinekologun Petrit Rexhepi, Prokuroria kërkoi 9 muaj burg, por për shkak të moshës mbi 70 vjeç, kërkoi që dënimi të pezullohet dhe të vendoset në shërbim prove për 18 muaj. Gjatë kësaj periudhe, ai duhet të qëndrojë në kontakt me shërbimin e provës dhe të mos kryejë asnjë vepër penale. Po ashtu, Prokuroria kërkoi që Rexhepit t’i pezullohet licenca për 5 vite.
Ndërkohë, për reanimatoren Elona Burba u kërkua 1 vit burg dhe pezullim i licencës për 5 vite. Në 10 nëntor, kur do të zhvillohet seanca e radhës, pritet që mjekët të paraqesin argumentet e tyre mbrojtëse.
Shkalla e Parë e Gjykatës së Tiranës i kishte shpallur fajtor dy mjekët për veprën penale mjekim të pakujdesshëm dhe i dënoi vetëm me 4 milion lekë të vjetra gjobë.
EKSPERTIZAT MJEKO-LIGJORE
Në Dhjetor të vitit 2014, në maternitetin “Koço Gliozheni”, Doriana Haka lindi një djalë përmes operacionit. Por fatkeqësisht, 24 orë më pas gjendja e saj rëndohet. Doriana ndërroi jetë pas 15 ditësh në pavionin e neurologjisë në QSUT.
Një muaj para lindjes, kardiologia Sonila Bele konstatoi një problem me zemrën e vajzës, pas të cilit, ajo duhet të merrte hollues gjaku. Por para momentit të lindjes kontrollet nuk iu bënë, për të vendosur që edhe kardiologia të merrte pjesë në ndërhyrje për të mbajtur nën kontroll gjendjen e Dorianës.
Pas humbjes së jetës, u regjistrua vepra penale për dy mjekët e maternitetit, anestezisten Elona Burba dhe mjekun Petrit Rexhepi. Dy akt-ekspertimet konstatuan se moskryerja e analizave para operacionit, ishte shkaku i vdekjes së të resë.
Ekspertët mjekoligjorë Arben Lloja dhe Elmaz Shaqiri kanë konstatuar ndër të tjera se konsulta mjekësore e ekipit kirurgjikal dhe anestezist nuk është kryer. Mjekët e konsultës dhe anestezistja nuk janë njohur me problemet e zemrës që kishte Doriana. Nuk janë zbatuar procedurat mjekësore të regjimit spitalor në rastin e shtrimit të planifikuar dhe përgatitjes për operacion të të ndjerës. Shkak i përkeqësimit të gjendjes së pacientes ka qenë tromboza totale e sinuseve kavernoze të trurit në anën e tij të majtë. Rzulton që me shumë gjasa shkaku i vdekjes së pacientes Doriana Haka mund të ketë qenë arresti kardiak.
Edhe në akt ekspertimin e dytë, mjeku ligjor Sabri Hoxha ka konstatuar të njëjtat mangësi si dy kolegët e tij në akt ekspertimin e parë.
gijotina.com/ -
Jennifer Lawrence tregon periudhën e vështirë pas lindjes: Çdo herë që foshnja flinte, mendoja se kishte vdekur
Aktorja e njohur Jennifer Lawrence ka folur hapur për një nga periudhat më të ndjeshme të jetës së saj, muajt pas lindjes së fëmijës së dytë. Në një intervistë për The New Yorker, ajo rrëfeu se ka kaluar një fazë të thellë ankthi dhe pasigurie që e shoqëroi gjatë ditëve të para të mëmësisë.
Lawrence zbuloi se ndonjëherë e përjetonte aq fort stresin, sa çdo moment gjumi i foshnjës e kthente në një ankth të ri.
“Sa herë që flinte, mendoja se kishte vdekur,” – u shpreh ajo, duke shtuar se frika dhe pasiguria nuk e lejonin të ndihej e qetë për asnjë çast.
Aktorja pranoi se shpesh ndjente faj dhe dyshim ndaj vetes, duke menduar se nuk po arrinte të ishte një nënë e mirë.
“Mendova se ai qante sepse nuk i pëlqente jeta, ose unë. Isha e bindur se do t’i shkatërroja fëmijët e mi,”- tha ajo me sinqeritet.
Kjo periudhë, siç tregoi Lawrence, e ndihmoi të kuptojë më mirë përvojën e shumë grave që përballen me depresionin pas lindjes dhe ndjenjat e izolimit që e shoqërojnë. Për aktoren, përjetimi personal ishte edhe një lloj përgatitjeje emocionale për rolin e saj të ri në filmin “Die, My Love”, ku interpreton një grua që përballet me të njëjtat sfida psikologjike pas lindjes.
“Pas lindjes, gjithçka ndryshon. Është një periudhë e pasigurt, e lodhshme, por njëkohësisht të bën më të fortë dhe më të vetëdijshme për veten,” – përfundoi ajo.
Me këtë rrëfim të sinqertë, Jennifer Lawrence jo vetëm ka ndarë një pjesë të brendshme të jetës së saj, por edhe ka sjellë vëmendjen publike mbi një temë që shpesh mbetet tabu: shëndeti mendor i grave pas lindjes. -
Një studim ka zbuluar se stina kur ke lindur formon karakterin tënd dhe s’ka lidhje me horoskopin
Data e lindjes dhe personaliteti? Tingëllon si astrologji, apo jo? Por në të vërtetë, studimet kanë treguar se njerëzit e lindur në dimër, pranverë, verë dhe vjeshtë kanë tipare të ndryshme që lidhen drejtpërdrejt me stinën kur kanë ardhur në jetë
Një studim i Universitetit Semmelweis në Hungari, i udhëhequr nga profesoresha Xenia Gonda, ka zbuluar se ekziston një lidhje e qartë midis muajit të lindjes, humorit dhe personalitetit të njeriut. Ajo anketoi 366 studentë universitarë – 258 meshkuj dhe 108 femra dhe i ndau sipas stinës së lindjes, duke identifikuar katër tipe kryesore personaliteti: temperamental, energjik/pozitiv, i qetë dhe me prirje ndaj depresionit.
Sipas profesoreshës Gonda, “studimet biokimike kanë treguar se stina e lindjes ndikon në nivelet e neurotransmetuesve si dopamina dhe serotonina dhe ky efekt është i dukshëm edhe në moshë të rritur”. Ajo shtoi se periudha e lindjes mund të rrisë ose të ulë rrezikun për zhvillimin e çrregullimeve të humorit.
Nëse stinët ndikojnë në gjendjen tonë shpirtërore, atëherë është logjike që ndikojnë edhe në mënyrën se si formohemi si persona dhe pikërisht këtë e ka zbuluar studimi.
Nëse je lindur në pranverë, shkencëtarët kanë zbuluar se ke një temperament hipertimik, je e gjallë, optimiste dhe energjike. “Bebet e pranverës” zakonisht janë njerëz pozitivë që ndihen më mirë gjatë ditëve me dritë dhe diell.
Megjithatë, dimri për ta mund të jetë sfidues, shumë persona të lindur në pranverë përjetojnë rënie humori në periudhën e ftohtë, një formë e lehtë e depresionit sezonal. Por në përgjithësi, ata janë të mbushur me entuziazëm, shoqërues dhe me ndjenja të forta pozitive ndaj jetës. Ekspozimi i hershëm ndaj dritës natyrore ndikon që të kenë më shumë serotoninë – hormonin e lumturisë.
Nëse je lindur gjatë muajve të verës, ka gjasa të përjetosh ndryshime më të shpeshta të humorit, një tipar që quhet temperament ciklotimik. Ironikisht, je gjithashtu më pozitive se njerëzit e lindur në çdo stinë tjetër. Ndryshimet e humorit nuk nënkuptojnë mungesë lumturie – përkundrazi.
Një studim i publikuar në PLOS ONE tregoi se personat e lindur në gusht kanë më pak gjasa të zhvillojnë çrregullim bipolar. “Bebet e verës”, siç i quajnë studiuesit, kanë më shumë gjasa të kenë humor të mirë dhe energji të lartë në jetën e përditshme.
Nëse je lindur në vjeshtë, ke një natyrë të qetë dhe të lumtur. Studimi i Plos One ka treguar se njerëzit e lindur në këtë periudhë kanë inteligjencë emocionale më të lartë sesa ata të stinëve të tjera.
Por ka edhe më shumë. Personat e lindur në vjeshtë shpesh janë më të suksesshëm akademikisht dhe profesionalisht, pasi kanë aftësi të mira analitike dhe prirje të fortë për mësim.
Sipas revistës Mother & Child, gratë e lindura në muajt e vjeshtës mund të kenë edhe mbrojtje natyrale ndaj kancerit të gjirit dhe mitrës, pasi nënat që kanë qenë shtatzëna gjatë verës kanë nivele më të larta të hormoneve riprodhuese, çka ndikon pozitivisht në zhvillimin e fetusit femëror.
Nëse je lindur në dimër, shkencëtarët e Universitetit Semmelweis do të të përshkruanin si person më të qetë dhe të përmbajtur se ata që kanë lindur në stina të tjera. Megjithatë, mund të kesh pak më shumë prirje ndaj humorit të ulët.
Ky grup njihet për atë që studiuesit e quajnë temperament me reagim të ulët – njerëz të qetë që nuk stresohet lehtë dhe dinë të ruajnë energjinë për situatat që e kërkojnë. Kushtet e dimrit, me mungesë të dritës dhe ditë të shkurtra, ndikojnë në prodhimin e melatoninës, ndaj njerëzit e lindur në këtë stinë flenë më mirë natyrshëm.
Një tjetër avantazh interesant i lindjes në dimër është kreativiteti. Më shumë kohë në ambiente të mbyllura gjatë fëmijërisë mund të nxisë imagjinatën, ndaj shumë “bebe dimri” priren të kenë talent në art, muzikë apo shkrim.
Në përfundim, nuk ka lidhje me yjet, por me diellin dhe dritën. Stina në të cilën ke lindur mund të ndikojë në humorin, ritmet biologjike dhe mënyrën si e percepton botën. Shkenca e ka vërtetuar: koha e lindjes nuk përcakton fatin, por mund të shpjegojë shumë për mënyrën si ndihesh.