Takimi i paralajmëruar i Ervin Salianjit dhe Ilir Alimehmetit në Durrës, duket se ka alarmuar edhe krerët e PD-së lokale.
Pas deklaratës së Berishës se takimi ishte për interesa personale, dy kryetarët e degëve në Durrës, Ard Muka dhe Osman Stafa kanë nxituar të dërgojnë një sms automatike për rreth 5 mijë anëtarë të kësaj force politike.
Ata thonë se Salianji dhe Alimehmeti janë persona të paautorizuar dhe se analiza do të bëhet brenda forumeve të partisë.
Por i menjëhershëm ka qenë edhe reagimi i një prej anëtarëve, i cili i kërkon dy krerëve lokale të mos i bien më numrit të tij.
SMS automatik i krerëve të PD:
I nderuar anëtar i PD, dega Durrës!
Persona të paautorizuar kanë shpërndarë një njoftim për takim me strukturat tona. Ky njoftim nuk ka të bëjë as me Partinë Demokratike dhe as me agjendën e saj. Ai njoftim është fund e krye dezinformim.
Partia Demokratike sot ka në fokus të betejës së saj korrupsionin Rama–Balluku në Tunelin e Llogarasë dhe aferat e tjera korruptive të tyre. Ndërkohë jemi duke hyrë në procesin e brendshëm të analizës, gjithnjë vetëm brenda forumeve të Partisë.
Ndaj ne, si anëtarë të PD-së, distancohemi nga këto të ashtuquajtura takime të njoftuara për nesër, datë 3 Dhjetor.
Me respekt,
Kryetarët e degëve Durrës 1 dhe 2,
Ard Muka dhe Osman Stafa
Përgjigjja e qytetarit:
Zotri mose mi bjerni me kti numri jam larguar me kohe nga kjo parti qe i thone Berishizem ok
Tag: krerëve
-
Takimi i Salianjit dhe Alimehmetit në Durrës, zbulohet sms e krerëve të PD për bazën: Janë të paautorizuar, distancohuni
-
“UÇK, UÇK!” – nis protesta e shqiptarëve në Strasburg në mbrojtje të ish-krerëve të UÇK-së
Kosova E Diel, 16 Nëntor 2025 13:53
Sot në Strasburg, qytetarë shqiptarë nga vende të ndryshme të Evropës janë mblidhur para Këshillit të Evropës, për të shprehur pakënaqësinë e tyre lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK).
Protesta ka nisë nga ora 13:00, me pjesëmarrës që kanë dalë në shesh me pankarta dhe mesazhe që shprehin mbështetjen për ish-udhëheqësit e UÇK-së dhe kërkesën për drejtësi.
Protesta pasqyron pakënaqësinë e komunitetit shqiptar ndaj mënyrës se si po zhvillohet gjykimi në Hagë dhe synon të dërgojë një mesazh të fuqishëm për drejtësi dhe barazi para ligjit për ish-krerët e UÇK-së. /Telegrafi/ -
Atentati ndaj Danit/ Lala: Është kryer me bekimin e krerëve të Niklës
Gazetarja Klodiana Lala në një dalje televizive ka zbuluar detaje nga atentati ku mbeti i vrarë Gilmando Dani.
Lala tha se sipas të dhënave dyshohet se makina e autorëve ka dalë nga fshati Zallë.
Më tej gazetarja u shpreh se atentati ndaj Danit është kryer me bekimin e krerëve të krimit në Nikël, pasi askush nuk mund të hyjë në atë zonë pa bekimin e tyre.
Duke u ndalur te djegia e automjetit, Lala tha se fakti që u dogj në fshatin nga ku ka origjiniën Emiljano Shullazi shihet si një mesazh.
Lala bëri me dije se janë shoqëruar disa persona, ndërsa disa të tjerë nuk janë gjetur ende për t’u shoqëruar, mes tyre dhe Valter Bani. Atentatin ndaj Danit, Lala e cilsoi të ngjashëm me atë ndaj Gentjan Bejtjas.
“Ka dyshime nga të dhënat se nga fshati Zallë ka dalë dhe makina e autorëve. Ky atentat është kryer me bekimin e bosëve dhe krerëve të krimit në Nikël. Asnjë person nëse nuk do të kishte bekimin e tyre nuk do të hynte dhe dilte dot. Makina ëhstë djegur në fshatin ku ka origjinën Emiljano Shullazi. Është cilësuar si ngjarje me mesazh. Ka pasur të shoqëruar, kryesisht në zonën e Niklës. Disa persona nuk janë gjetur për t’u shoqëruara. Si psh Valter Bami.
Mendoj se ka pasur një rrjet informatorësh. I njëjti skenar me atentatin ndaj Gentjan Bejtjas”, deklaroi Lala. -
Christopher Hill vijon dëshminë në Hagë për çështjen e ish-krerëve të UÇK-së
Kosova E Mërkurë, 12 Nëntor 2025 11:03
Sot, në orën 09:00, diplomati amerikan Christopher Hill, i dërguari i posaçëm i SHBA gjatë luftës në Kosovë, vijon dëshminë e tij në seancën gjyqësore ndaj ish-krerëve të UÇK-së, para Dhomave të Specializuara në Hagë.
Hill ka nisur dëshminë dy ditë më parë, duke rrëfyer se përfshirja e tij në çështjen e Kosovës erdhi si kërkesë e ish-sekretares amerikane Madeline Albright, në maj të vitit 1998.“E kuptova rolin tim si përpjekje për të ofruar mbështetje politike dhe për të ndihmuar në ndalimin e dhunës në rritje. Qëllimi ishte rikthimi i autonomisë së Kosovës dhe krijimi i një forme qeverisjeje vendore,” tha Hill.
Hill sqaroi edhe takimin mes Ibrahim Rugovës dhe Sllobodan Millosheviçit, duke theksuar se ishte ide e ambasadorit Richard Holbrooke.
“Takimi ndodhi në Beograd në fund të majit apo fillim të qershorit. Mendoj se e dëmtoi Rugovën, pasi nuk kishte mbështetje të fortë në Kosovë për një takim të tillë,” tha Hill, duke shtuar se Rugova po përjetonte vështirësi në legjitimimin e udhëheqjes së tij”.
Hill kujtoi edhe takimin e tij të parë me Hashim Thaçin, duke e përshkruar si një figurë më të përshtatshme për ambient akademik sesa për atë ushtarak.
“Ai fliste butë, në mënyrë të mendueshme. Nuk më la përshtypjen se e udhëhiqte apo kontrollonte UÇK-në,” tha Hill, duke shtuar se gjatë takimit, pjesëtarët e UÇK-së kishin armë në duar, gjë që ai e kundërshtoi”. -
5 vite nga paraburgimi i ish krerëve të UÇK, Kurti: Kam punuar në heshtje që të mos mbahen atje
Kryeministri në detyrë, Albin Kurti, ka reaguar dje lidhur me mbajtjen prej 5 vitesh tanimë në paraburgim të ish-krerëve të Ushtrisë Çlirimtare të Kosovës (UÇK), të cilët po gjykohen në Hagë.
Në një postim në rrjetet sociale, Kurti kujton se “Rexhep Selimi, menjëherë pasi kishte vënë lule të freskëta te varri i Astrit Deharit më 5 nëntor 2020, ishte dërguar në burgun e Hagës, ku vazhdon të mbahet edhe sot”. Së bashku me të, në paraburgim që prej vitit 2020 ndodhen edhe Hashim Thaçi, Kadri Veseli dhe Krasniqi. Të katërt, sipas Kurtit, po përballen me 5 vite pritje vite pas hekurave, ndërkohë që arsyeja e njëjtë përsëritet në çdo vendim për refuzimin e lirimit, “rreziku i ndikimit mbi dëshmitarët”. “Menjëherë pasi që kishte vënë lule të freskëta te varri i Astrit Deharit, më 5 nëntor 2020, Rexhep Selimin e dërguan në burgun e Hagës ku ende po e mbajnë. Përveç tij, edhe Hashim Thaçi, Kadri Veseli dhe Jakup Krasniqi po ndodhen në paraburgim tash e pesë vjet. Pesë vite pritje, pesë vite pas hekurave ndërkohë që arsyeja e njëjtë përsëritet në çdo vendim për refuzimin e lirimit: “rreziku i ndikimit mbi dëshmitarët”. Por Prokuroria e ka përfunduar rastin e saj.
Dëshmitarë më nuk ka. Nuk ka as arsye ligjore, as morale që të mbahen edhe më tej në paraburgim. Kështu kam menduar që nga dita e parë. Kemi punuar gjatë dhe me përkushtim për këtë çështje, në heshtje, sepse shpesh puna e mirë bëhet pa zhurmë. Por ndonjëherë puna që nuk shihet, nuk dihet. Si Kryetar i Lëvizjes VETËVENDOSJE! e si deputet prej vitit 2014 bashkë me Rexhën i patëm paraqitur të gjitha argumentet e qëndrimet për këtë Gjykatë që është sot duke gjykuar.”, shkruan Kurti. -
Luftuan për liri, tash e pesë vite në qeli
Sot bëhen pesë vjet nga arrestimi i ish-presidentit Hashim Thaçi dhe ish krerëve të tjerë të UÇK-së, Kadri Veseli dhe Rexhep Selimi.
OVL-UÇK e cilësoi këtë si padrejtësi pesëvjeçare për luftëtarët e lirisë.
“Sot bëhen 5 vite nga arrestimi i krerëve të Ushtrisë Çlirimtare të Kosovës. Pesë vite padrejtësi, pesë vite që heronjtë e lirisë mbahen larg familjeve dhe vendit për të cilin luftuan. Ne nuk harrojmë dhe nuk dorëzohemi përballë kësaj padrejtësie historike”, thuhet në postimin e OVL-UÇK.
OVL-UÇK ka mbajtur protesta në disa qytete shqiptare dhe evropiane në përkrahje të ish-krerëve të Ushtrisë Çlirimtare të Kosovës që po mbahen në Hagë. /KosovaPress/ -
“Do të ishte tragjedi” – Rama mbështet deklaratën e Rubin për luftëtarët e UÇK-së
Kryeministri Edi Rama ka postuar në rrjetet sociale deklaratën e ish-zëvendëssekretarit amerikan të Shtetit, James Rubin në lidhje me gjyqin ndaj ish-krerëve të UÇK-së.
Në deklaratën e Rubin, të shpërndarë nga Rama, thuhet se shpallja fajtorë e ish-krerëve të UÇK-së do të ishte tragjedi.
Krahas deklaratës së Rubin, Rama shkruan “Liria ka emër”. -
“Liria ka emër”! “UÇK” marshim në Tiranë, protesta “pushton” mediat ndërkombëtare
foto ilustruese
TIRANË- Tirana u vesh sot kuqezi dhe me simbolet e UÇK-së, teksa mirpriti protestën në mbështetje të ish-krerëve që po gjykohen në Hagë. Mijëra qytetarë, mes tyre veteranë të UÇK-së, mbështetës të tyre nga e gjithë Shqipëria e Kosova dhe politikanë u mblodhën në sheshin “Skënderbej” për të protestuar kundër Gjykatës Speciale në Hagë dhe lirinë e ish-krerëve të Ushtrisë Çlirimtare të Kosovës.
Një protestë, që në tërësi ishte paqësore, as incidente të shënuara dhe me pjesëmarrje të gjerë. Që prej mëngjesit të së premtes dhe deri në përfundim, protesta u mbizotërua nga këngë e simbole patriotike që çuan në këmbë Tiranën.
Protesta në zemër të Tiranës ka tërhequr vëmendjen e mediave ndërkombëtare. AP, The ëashington Post, Yahho dhe San Francisco Cronicle, i bënë jehonë protestës me titullin e përbashkët: “Mijëra njerëz protestojnë në kryeqytetin e Shqipërisë kundër gjykatës së mbështetur nga BE që ndjek penalisht veteranët e luftës së Kosovës”.ap
the ëashinton post
yahoo
San Francisco Cronicle
Ish-Presidenti i Kosovës Hashim Thaçi, ish-kryetarët e Parlamentit Kadri Veseli dhe Jakup Krasniqi, dhe ish-ligjvënësi Rexhep Selimi janë në gjyq dhe kanë qenë në paraburgim që nga viti 2020 në gjykatën e Dhomave të Specializuara të Kosovës të mbështetur nga BE-ja, me seli në Hagë, Holandë. Ata përballen me akuza që përfshijnë vrasje, torturë dhe persekutim të civilëve gjatë dhe pas luftës./ZËRI
mytkipng
jytipng
nroepng
rtpng
-
“Liria ka emër!”, Rama tjetër reagim pas protestës pro UÇK në Tiranë
Kryeministri Edi Rama ka bërë një tjetër postim në Facebook, pas mbylljes së protestës në mbështetje të ish-krerëve të UÇK-së në sheshin “Skënderbej”.
Në postimin e tij Rama ka publikaur foto nga protesta, ku siç shihet mijëra qytetarë ishin të pranishëm në shesh, ndërsa dominojnë simbolet kombëtare dhe ato të UÇK.
Ndërsa e shoqëron postimin me shkrimin “Liria ka emër!”.Kujtojmë që kjo ishte protesta e tretë me radhë pas atyre të mbajtura në Prishtinë dhe Hagë, ku më 14 shtator u mblodhën rreth 10 mijë shqiptarë në afërsi të Gjykatës Speciale.
Në Hagë, që prej 3 prillit 2023, po zhvillohet procesi ndaj ish-krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi, të cilët i kanë mohuar të gjitha akuzat për krime lufte dhe krime kundër njerëzimit. -
Protesta në mbështetje të ish-krerëve të UÇK në Tiranë, reagon Rama: Liria ka emër!
Kryeministri Edi Rama ka reaguar pas protestës mbarëkombëtare të zhvilluar sot në sheshin “Skënderbej”, në Tiranë në mbështetje të ish-krerëve të Ushtrisë Çlirimtare të Kosovës, të cilët ndodhen në paraburgim në Hagë.
Përmes një postimi në rrjetet sociale, Rama ka ndarë dy foto: një pamje nga protesta në Tiranë dhe një tjetër me katër ish-udhëheqësit e UÇK-së në Hagë, Hashim Thaçi, Kadri Veseli, Jakup Krasniqi dhe Rexhep Selimi.
Mbi të dyja fotot, ai ka shkruar vetëm një fjali: “Liria ka emër”, duke përcjellë kështu një mesazh të qartë solidariteti dhe mbështetjeje.
Ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi ndodhen në paraburgim në Hagë dhe ndaj tyre po zhvillohet procesi gjyqësor.
Ata akuzohen për krime lufte dhe krime kundër njerëzimit, akuza që të katërt i kanë mohuar.