Lajmidites.com

Tag: konkrete

  • “Nuk e di se ku do të jem”, Lewandowski refuzon ofertën e parë konkrete

    “Nuk e di se ku do të jem”, Lewandowski refuzon ofertën e parë konkrete

    26 Nëntor 2025

    18:37

    Telesport

    Robert Lewandowski ka refuzuar të largohet nga Barcelona që në merkaton e janarit. “Sky Sport Germany” zbulon se polaku ka marrë një ofertë konkrete nga Fenerbahce, për t’u transferuar në Stamboll gjatë merkatos dimërore, por sulmuesi ka refuzuar.
    Për momentin, ai ka vetëm një gjë në mendje: të përfundojë sezonin te Barcelona. Kontrata e tij skadon në qershor të vitit 2026 dhe sipas të gjitha gjasave nuk do të ketë rinovim nga katalanasit. Vetë lojtari ka shprehur publikisht dëshirën për të qëndruar edhe një sezon tjetër te Barcelona, por për momentin mendon të respektojë kontratën deri në qershor dhe më pas do të vendosë për të ardhmen.
    “Së shpejti do të jem gati të vendos se cilën rrugë dua të ndjek dhe të shoh se cilat janë mundësitë e mia. Jam i qetë. Nuk e di se ku do të jem ose çfarë do të dua të bëj pas disa muajsh. Nuk kam pse të bëj asgjë dhe nuk kam asnjë nxitim”, deklaroi polaku disa javë më parë.

  • Akuzat ndaj zv.kryeministres Balluku, Marta Kos: S’mund të komentoj çështje konkrete

    Akuzat ndaj zv.kryeministres Balluku, Marta Kos: S’mund të komentoj çështje konkrete

    Komsionerja për zgjerimin në BE, Marta Kos u pyet në lidhje me çështjen e zv.kryeministres Belinda Balluku dhe akuzat që rëndojnë ndaj saj.

    Kos u përgjigj duke thënë që nuk mund të komentojë një çështje konkrete.
    “S’mund të komentoj çështje konkrete.
    Shqipëria ka pasur rritje të rëndësishme në luftën ndaj korrupsionit, kemi e kemi bërë pjesë të zgjerimit. Ajo që ka ndodhur në dy vitet e fundit,  do të thuash që është e paprecedente.
    Në rast se dikujt i dhunohen të drejta ka gjykata që kujdesen për këtë çështje, raste të tilla ndodhin gjithandej por ne të ndjekim vendimet e gjykatës dhe këtë  kam dëgjuar nga kryeministri”, shprehet Rama.

    Top Channel

  • Një rinovim dhe një afrim, Barcelona me objektiva konkretë në merkato që kushtojnë 50 milionë euro

    Një rinovim dhe një afrim, Barcelona me objektiva konkretë në merkato që kushtojnë 50 milionë euro

    19 Nëntor 2025

    13:23

    Telesport

    Te Barcelona po punojnë që tani për të ndërtuar një ekip sa më kompetitiv, si për pjesën e dytë të sezonit ashtu dhe për të ardhmen (verën 2026). Mediat spanjolle konfirmojnë se klubi katalanas ka disa objektiva konkretë në sulm.
    Objektivi i parë është blerja e kartonit të Marcus Rashford, që ka realizuar 6 gola dhe 9 asist në 16 ndeshje zyrtare. Një lojtar që kishte përjetuar disa vështirësi serioze te Manchester United, nga ku ka ardhur i huazuar këtë verë.
    Anglezi duket se është rikuperuar, duke u bërë pjesë e dinamikës së Barcelonës së Flick. Blaugranët janë të vetëdijshëm për këtë dhe tani synojnë ta blejnë sulmuesin: klauzola e lirimit të lojtarit është rreth 35 milionë euro.
    Një shifër që klubi spanjoll synon ta ulë për të lehtësuar suksesin e marrëveshjes, ndoshta duke shfrytëzuar edhe dëshirën e lojtarit për të qëndruar te Barça.
    Ndërkohë, Barcelona i ka vënë syrin sulmuesit Alejandro Grimaldo, një lojtar që luan në krahun e majtë. Nëse mbërrin një ofertë nga La Liga, skuadra e Bayer Leverkusen mund ta lirojë 30-vjeçarin për 15 milionë euro.
    Në nëntë ndeshje të Bundesligës të luajtura deri më tani, Grimaldo ka grumbulluar katër gola dhe tre asiste.

  • SYRI TV/ Qytetarët e Tiranës kryqëzojnë Ramën: Takim i sikletshëm në Njësinë 2

    SYRI TV/ Qytetarët e Tiranës kryqëzojnë Ramën: Takim i sikletshëm në Njësinë 2

    SYRI TV

    Banorët e njësisë numër 2 në Tiranë kanë kryqëzuar shefin e qeverisë Edi Rama duke e përballur atë me realitetin dhe problemet e shumta të kryeqytetit. Gjatë një dëgjese për projektbuxhetin, qytetarët kanë evidentuar një sërë problemesh konkrete që lidhen me mungesën e ujit, infrastrukturën e shkatërruar, mungesën e kopshteve dhe shkollave dhe një mori çështjesh të tjera. Kryeministri Rama u kap i papërgatitur dhe u përpoq  të hiqte përgjegjësinë nga vetja duke ua lënë atë drejtuesve të bashkisë.

    Këto ishin vetëm disa nga pyetjet dhe shqetësimet e qytetarëve të Njësisë numër 2 në Tiranë, të cilët kryqëzuan Kryeministrin Rama gjatë një takimi që shefi i qeverisë zhvilloi për çështjet që lidhen me projekt-buxhetin e bashkisë dhe të shtetit për vitin e ardhshëm.

    Problemet konkrete të qytetarëve që lidheshin me mungesën e ujit, infrastrukturën e shkatërruar, mungesën e kopshteve dhe shkollave dhe një mori hallesh të tjera me të cilat po përballen banorët e kryeqytetit kanë gjetur të papërgatitur Kryeministrin Rama, i cili u përpoq të hiqte përgjegjësinë nga vetja duke ua lënë atë drejtuesve të bashkisë.

    Kryeministri nuk u dha përgjigje pyetjeve konkrete të qytetarëve që lidheshin me strehimin, nisur nga çmimet e papërballueshme të apartamenteve. Ai u justifikua se çmimet e shtëpive po rriten edhe në vende të tjera dhe u shpreh me fraza të përgjithshme për ekzistencën e një politike strehimi, por pa thënë asgjë konkrete se si do të realizohej një gjë e tillë.

    Takimi i sotëm nxori sërish në pah spostimin e zëvendëskryeministres Belinda Ballukut nga drejtimi politik i Partisë Socialiste për Tiranën. Ashtu si në takimin me banorët e Njësisë 5, Rama u shfaq sërish nën shoqërinë e Ogerta Manastirliut të cilët e prezantoi si drejtuesen e re politike për kryeqytetin e vendit.

  • Hapat konkretë për një zemër të shëndetshme! Ja çfarë duhet të dini

    Hapat konkretë për një zemër të shëndetshme! Ja çfarë duhet të dini

    Mbrojtja e zemrës fillon në shtëpi, me zakone të shëndetshme të përditshme. Mjekët listojnë disa hapa konkretë dhe të modifikueshëm që çdo individ mund të ndërmarrë për të ulur rrezikun e hipertensionit dhe sëmundjeve kardiovaskulare. Hapi i parë është kufizimi drastik i kripës, një nga kontribuesit kryesorë të tensionit të lartë.
    Më pas vjen aktiviteti i rregullt fizik dhe menaxhimi efektiv i stresit.
    Një gjumë i shëndetshëm është gjithashtu kritik, pasi çrregullimet e tij ndikojnë drejtpërdrejt në rritjen e tensionit. Heqja dorë nga duhani dhe alkooli, si dhe mbajtja nën kontroll e yndyrnave në gjak, janë masa të domosdoshme. Qëllimi është të minimizohet ekspozimi ndaj faktorëve të rrezikut.
    Mjekët i klasifikojnë pacientët në kategori të ndryshme rreziku (të ulët, të mesëm, të lartë). Qëllimi i këtyre masave parandaluese është që çdo individ të lëvizë drejt një kategorie më të ulët rreziku, duke vonuar ose shmangur plotësisht shfaqjen e problemeve serioze kardiake në të ardhmen.
    Ky proces kërkon një bashkëpunim të ngushtë mes mjekut dhe pacientit, ku ky i fundit merr përgjegjësi aktive për shëndetin e tij

  • ‘2 orë e 40 minuta shkuan kot’, Braçe: Prokurori mund të pyetet për çështje konkrete në gjykatë dhe jo këtu

    ‘2 orë e 40 minuta shkuan kot’, Braçe: Prokurori mund të pyetet për çështje konkrete në gjykatë dhe jo këtu

    Deputeti i PS-së, Erion Braçe ka ironizuar opozitën për zvarritjen që i bënë raportimit të krerëve të institucioneve të drejtësisë me argumentin se duhet të parashtrojnë pyetje edhe me zë.
    Teksa ka ndarë disa pamje nga brenda Kuvendit ndërsa seanca është ndërprerë, deputeti thotë se rreth 3 orë kohë iku duke pritur që të vendosin për një kërkesë të tillë. Më tej ai thumbon teksa thotë se prokurori mund të pyetet për çështje konkrete, përfshirë edhe të atyre që janë në Kuvend, në gjykatë.
    “2 orë e 40 minuta kot, pa punë duke pritur të vendosin do e pyesin me zë prokurorin apo jo!! Në fakt, prokurorin për çështje konkrete edhe tënden, e pyet në gjykatë jo këtu!”, ka shkruar Braçe.

  • 67% e të pasurve e fillojnë ditën kështu, zbuloni sekretin e tyre të suksesit

    67% e të pasurve e fillojnë ditën kështu, zbuloni sekretin e tyre të suksesit

    Suksesi nuk është çështje fati, por një zakon i ndërtuar përmes përpjekjes së përditshme dhe të qëllimshme.Një studim pesëvjeçar mbi 233 individë të pasur dhe 128 individë të varfër tregoi se 67% e të pasurve vendosin objektiva specifikë çdo ditë, kundrejt vetëm 17% të më pak të pasurve.Ky dallim nuk është thjesht statistikë, por një udhërrëfyes për ndërtimin e pasurisë dhe arritjen e qëllimeve, veçanërisht për sipërmarrësit që lëvizin në një botë ku çdo vendim mund të përcaktojë të ardhmen e tyre.Të pasurit nuk mjaftohen me dëshira të paqarta. Ata përqendrohen tek detyra konkrete si “kontakto tre investitorë” apo “shkruaj 500 fjalë për fushatën e marketingut”. Kjo qartësi kthehet në rrugë konkrete drejt rezultateve, ndërkohë që 83% e të varfërve nuk vendosin fare objektiva, duke mbetur peng të rrethanave.Për themeluesit e startupeve, ku sfidat si mungesa e fondeve, konkurrenca e ashpër dhe presioni i kohës janë të përditshme, objektivat ditorë funksionojnë si busull, duke e orientuar fokusin drejt atyre veprimeve që sjellin rritje të vërtetë.Studimi tregon se 70% e të pasurve shkruajnë objektivat çdo ditë dhe 76% matin progresin. Shkrimi i detyrave forcon angazhimin, ndërsa reflektimi mbi rezultatet ndihmon të kuptosh gabimet apo mangësitë.Mbi të gjitha, 88% e tyre e lidhin suksesin me zakonet, jo me talentin. Kjo disiplinë e mban vëmendjen tek detyrat me impakt, larg shpërqendrimeve të pafrytshme.Shembulli i Sarah-it, një sipërmarrëse në fushën e veshjeve ekologjike, e tregon qartë fuqinë e kësaj metode. Ajo nisi çdo mëngjes duke shkruar tre detyra konkrete, si kontaktimi i një dyqani apo postimi i një materiali promovues. Brenda gjashtë muajve arriti partneritete të reja dhe gjysmën e objektivit vjetor të të ardhurave.Sipërmarrësit shpesh bien në kurthin e “punës së ngarkuar”, duke ndjekur mundësi të rastësishme ose duke u mbytur në detyra dytësore. Objektivat ditorë janë filtri që i mbron nga ky rrezik, duke ndarë thelbësoren nga e panevojshmja.Mjafton të marrësh një bllok shënimesh ose një aplikacion, të vendosësh një qëllim vjetor dhe ta zbërthesh në tre hapa të përditshëm.Kjo qasje e thjeshtë, por e fuqishme, është një zakon që kthen idetë e brishta në biznese të qëndrueshme dhe në rrugë të sigurt drejt suksesit. / Entrepreneur, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Ndalimi i TikTok shpërfillet gjerësisht, madje edhe nga njerëzit e Ramës

    Ndalimi i TikTok shpërfillet gjerësisht, madje edhe nga njerëzit e Ramës

    Gjashtë muaj pas ndalimit të TikTok-ut, edhe një nga aleatët më të afërt të kryeministrit Edi Rama vazhdon ta përdorë atë.

    Ndërsa pret gjyqin për akuzat për korrupsion, pastrim parash dhe fshehje të pasurisë, kryebashkiaku i Tiranës, Erion Veliaj, i cili ndodhet në burg, poston rregullisht video në aplikacion nga qelia.

    Dhe ai nuk është i vetmi që përdor një VPN për të anashkaluar ndalimin 12-mujor të vendosur nga qeveria e Ramës në mars, pas vrasjes me thikë të një djali 14-vjeçar në dhjetor 2024, pas një sërë konfliktesh në rrjetet sociale.

    E njëjta gjë vlen edhe për gazetarin tiranas Ilir Karabrahimi, i cili poston rregullisht për turizmin për më shumë se 23,000 ndjekësit e tij.

    Edhe pse ka vënë re një rënie të shikimeve, i pyetur nëse ndalimi ka qenë efektiv, Karabrahimi u shpreh prerë: “Absolutisht jo.”

    “Mendoj se ishte për qëllime elektorale; për momentin, qarkullojnë video në TikTok të (ish) kryetarit të bashkisë së Tiranës në paraburgim,” tha ai.

    “TikTok-u ndihmon në krijimin dhe promovimin e bizneseve dhe turizmit. Mund të vendosen disa kufizime dhe politika të tjera për përdorimin e tij, por jo mbyllje.”

    Asnjë fjalë për filtrat e premtuar

    Ndalimi 12-mujor i TikTok-ut nga Rama hyri në fuqi vetëm dy muaj para zgjedhjeve, në të cilat Partia Socialiste fitoi një mandat të katërt radhazi dhe të paprecedentë në qeverisje.

    Ai tha se vendimi nuk ishte marrë “me nxitim”, por ishte bazuar në një sondazh me rreth 65,000 prindër, 90 për qind e të cilëve – sipas Ramës – kishin kërkuar mbylljen e TikTok-ut.

    Megjithatë, brenda pak orësh, një nga kompanitë që ofron shërbime VPN në Shqipëri njoftoi se përdorimi i tyre ishte rritur ndjeshëm.

    “Më 13 mars, Shqipëria i ka urdhëruar ofruesit e internetit të bllokojnë #TikTok”, shkroi Proton VPN në X, ish-Twitter. “Përdorimi i #ProtonVPN është rritur me 1,200% mbi mesataren dhe ky numër po vazhdon të rritet pasi shqiptarët kërkojnë qasje në një internet të hapur dhe të lirë.”

    Ndërkohë, qeveria ende nuk ka shpallur masa konkrete për të rregulluar përdorimin e TikTok-ut nga adoleshentët në Shqipëri, megjithëse më parë kishte deklaruar se do ta përdorte këtë periudhë 12-mujore për të bashkëpunuar me TikTok-un në identifikimin e filtrave që do të “ndalonin promovimin e sjelljeve të padëshiruara”.

    “Personalisht, mendoj se ndalimet drastike nuk janë efektive”, tha Ermelinda Hoxha, gazetare dhe prind, e cila u angazhua për më shumë siguri në shkolla pas vrasjes me thikë të adoleshentit në dhjetor.

    “Masa më të strukturuara duhen marrë, duhet të garantohet mbrojtja e të dhënave, por edhe mbrojtja e fëmijëve dhe adoleshentëve nga përmbajtja e dhunshme në TikTok, por jo vetëm kjo, sepse nevojitet edhe edukim digjital për përmbajtje të sigurt.”

    Hoxha gjithashtu iu referua sfondit politik të ndalimit të Ramës, duke theksuar se kjo ndodhi “pak para zgjedhjeve të përgjithshme”.

    Sfida në gjykatë

    E pyetur për rezultatet e punës me TikTok-un mbi masat e reja për të filtruar përmbajtjen “e padëshiruar”, Ministria e Arsimit në Shqipëri nuk dha përgjigje.

    “Ne, aktualisht, nuk kemi asnjë analizë konkrete nga institucionet shqiptare në lidhje me sa efektive ka qenë mbyllja e TikTok-ut deri në këtë pikë”, tha Isa Myzyraj, kreu i Shoqatës së Gazetarëve të Shqipërisë (AGSH).

    Shoqata ka apeluar kundër ndalimit të TikTok-ut në Gjykatën Kushtetuese, e cila ka bërë të ditur se do ta shqyrtojë vendimin e qeverisë në seancë publike.

    “Nëse qeveria do të kishte një plan serioz, ajo do të kryente një analizë konkrete për të mbështetur vendimin e saj dhe do të paraqiste rezultate konkrete”, tha Myzyraj për BIRN.

    “Sipas mendimit tim, mbyllja e TikTok-ut nuk ka pasur asnjë efekt; mjafton të shohësh rrjetet sociale për të kuptuar se të gjithë përdoruesit e TikTok-ut ose janë zhvendosur në aplikacione të tjera si Instagram dhe YouTube, ose kanë hyrë në TikTok përmes një VPN-je.”

    Myzyraj tha se AGSH-ja pret që gjykata të vendosë në favor të saj “dhe kështu të mbrojë demokracinë dhe lirinë e shprehjes”.

    “Ai vendim do të jetë një precedent i rëndësishëm jo vetëm për vendin tonë, por edhe për vende të tjera dhe për të gjitha qeveritë që guxojnë të kufizojnë të drejtën e shprehjes dhe lirinë e aksesit në internet.”/BIRN

  • BIRN: Ndalimi i TikTok-ut në Shqipëri shpërfillet gjerësisht, madje edhe nga aleatët e Ramës

    BIRN: Ndalimi i TikTok-ut në Shqipëri shpërfillet gjerësisht, madje edhe nga aleatët e Ramës

    Gjashtë muaj pas ndalimit të TikTok-ut, edhe një nga aleatët më të afërt të kryeministrit Edi Rama vazhdon ta përdorë atë. Ndërsa pret gjyqin për akuzat për korrupsion, pastrim parash dhe fshehje të pasurisë, kryebashkiaku i Tiranës, Erion Veliaj, i cili ndodhet në burg, poston rregullisht video në aplikacion nga qelia.
    Dhe ai nuk është i vetmi që përdor një VPN për të anashkaluar ndalimin 12-mujor të vendosur nga qeveria e Ramës në mars, pas vrasjes me thikë të një djali 14-vjeçar në dhjetor 2024, pas një sërë konfliktesh në rrjetet sociale.
    E njëjta gjë vlen edhe për gazetarin tiranas Ilir Karabrahimi, i cili poston rregullisht për turizmin për më shumë se 23,000 ndjekësit e tij. Edhe pse ka vënë re një rënie të shikimeve, i pyetur nëse ndalimi ka qenë efektiv, Karabrahimi u shpreh prerë: “Absolutisht jo.”
    “Mendoj se ishte për qëllime elektorale; për momentin, qarkullojnë video në TikTok të (ish) kryetarit të bashkisë së Tiranës në paraburgim,” tha ai.
    “TikTok-u ndihmon në krijimin dhe promovimin e bizneseve dhe turizmit. Mund të vendosen disa kufizime dhe politika të tjera për përdorimin e tij, por jo mbyllje.”
    Asnjë fjalë për filtrat e premtuar
    Ndalimi 12-mujor i TikTok-ut nga Rama hyri në fuqi vetëm dy muaj para zgjedhjeve, në të cilat Partia Socialiste fitoi një mandat të katërt radhazi dhe të paprecedentë në qeverisje.
    Ai tha se vendimi nuk ishte marrë “me nxitim”, por ishte bazuar në një sondazh me rreth 65,000 prindër, 90 për qind e të cilëve – sipas Ramës – kishin kërkuar mbylljen e TikTok-ut. Megjithatë, brenda pak orësh, një nga kompanitë që ofron shërbime VPN në Shqipëri njoftoi se përdorimi i tyre ishte rritur ndjeshëm.
    “Më 13 mars, Shqipëria i ka urdhëruar ofruesit e internetit të bllokojnë #TikTok”, shkroi Proton VPN në X, ish-Twitter. “Përdorimi i #ProtonVPN është rritur me 1,200% mbi mesataren dhe ky numër po vazhdon të rritet pasi shqiptarët kërkojnë qasje në një internet të hapur dhe të lirë.”
    Ndërkohë, qeveria ende nuk ka shpallur masa konkrete për të rregulluar përdorimin e TikTok-ut nga adoleshentët në Shqipëri, megjithëse më parë kishte deklaruar se do ta përdorte këtë periudhë 12-mujore për të bashkëpunuar me TikTok-un në identifikimin e filtrave që do të “ndalonin promovimin e sjelljeve të padëshiruara”.
    “Personalisht, mendoj se ndalimet drastike nuk janë efektive”, tha Ermelinda Hoxha, gazetare dhe prind, e cila u angazhua për më shumë siguri në shkolla pas vrasjes me thikë të adoleshentit në dhjetor.
    “Masa më të strukturuara duhen marrë, duhet të garantohet mbrojtja e të dhënave, por edhe mbrojtja e fëmijëve dhe adoleshentëve nga përmbajtja e dhunshme në TikTok, por jo vetëm kjo, sepse nevojitet edhe edukim digjital për përmbajtje të sigurt.”
    Hoxha gjithashtu iu referua sfondit politik të ndalimit të Ramës, duke theksuar se kjo ndodhi “pak para zgjedhjeve të përgjithshme”.
    Sfida në gjykatë
    E pyetur për rezultatet e punës me TikTok-un mbi masat e reja për të filtruar përmbajtjen “e padëshiruar”, Ministria e Arsimit në Shqipëri nuk dha përgjigje.
    “Ne, aktualisht, nuk kemi asnjë analizë konkrete nga institucionet shqiptare në lidhje me sa efektive ka qenë mbyllja e TikTok-ut deri në këtë pikë”, tha Isa Myzyraj, kreu i Shoqatës së Gazetarëve të Shqipërisë (AGSH).
    Shoqata ka apeluar kundër ndalimit të TikTok-ut në Gjykatën Kushtetuese, e cila ka bërë të ditur se do ta shqyrtojë vendimin e qeverisë në seancë publike.
    “Nëse qeveria do të kishte një plan serioz, ajo do të kryente një analizë konkrete për të mbështetur vendimin e saj dhe do të paraqiste rezultate konkrete”, tha Myzyraj për BIRN.
    “Sipas mendimit tim, mbyllja e TikTok-ut nuk ka pasur asnjë efekt; mjafton të shohësh rrjetet sociale për të kuptuar se të gjithë përdoruesit e TikTok-ut ose janë zhvendosur në aplikacione të tjera si Instagram dhe YouTube, ose kanë hyrë në TikTok përmes një VPN-je.”
    Myzyraj tha se AGSH-ja pret që gjykata të vendosë në favor të saj “dhe kështu të mbrojë demokracinë dhe lirinë e shprehjes”.
    “Ai vendim do të jetë një precedent i rëndësishëm jo vetëm për vendin tonë, por edhe për vende të tjera dhe për të gjitha qeveritë që guxojnë të kufizojnë të drejtën e shprehjes dhe lirinë e aksesit në internet.”/ BIRN

  • BIRN: Strategjia për Inteligjencën Artificiale, e mirë në letër, sfiduese në zbatim

    BIRN: Strategjia për Inteligjencën Artificiale, e mirë në letër, sfiduese në zbatim

    Strategjia e re kombëtare për futjen e Inteligjencës Artificiale në çdo sektor të ekonomisë në 5 vitet e ardhshme konsiderohet nga ekspertët si një dokument i dosmosdoshëm, por me sfida në zbatim.
    Në fund të vitit 2023, kryeministri Edi Rama shprehu për herë të parë ambicien për të përshpejtuar procesin teknik të integrimit në Bashkimin Europian nëpërmjet ChatGPT, që të zëvendësojë ‘armatën e përkthyesve’ në përafrimin e legjislacionit me përkthimin automatik nga sistemet e Intelegjencës Artificiale.
    Pavarësisht pikëpyetjeve për bazën rregullatore ligjore për të përfshirë sistemet e IA në këtë proces, duket se qeveria ka ecur përpara me planin dhe në gusht të këtij viti, publikoi një strategji kombëtare ku parashikohen politikat e përfshirjes së Inteligjencës Artificiale në të gjithë sektorët e shërbimeve publike në 5 vitet e ardhshme.
    Në strategji, qeveria pretendon gjithashtu se do të përfshijë modulet e IA-së në analizën fiskale për të parandaluar evazionin fiskal në Tatime dhe Dogana dhe automatizimin e proceseve në prokurorimet publike.
    Dokumenti synon të adresojë problematika si mungesa e një kuadri rregullator, kapacitetet e kufizuara teknike dhe burimore, kulturën e ulët digjitale të njohurive të popullsisë dhe hendekun mes zonave urbane dhe rurale në qasjen dhe përdorimin e teknologjive të avancuara.
    Për ekspertë të fushës, hartimi i këtyre politikave shihet si domosdoshmëri, por që kërkon shumë fonde për të investuar në ngritjen e infrastrukturës dhe rritjen e kapaciteteve njerëzore që do të përdorin këto sisteme.
    “Në letër është e domosdoshme, po sa do të arrihet të zbatohet në praktikë?!” tha për BIRN, Erjon Demiri, ekspert i sigurisë kibernetike dhe inxhinier rrjetesh, duke shtuar se “këto objektiva nga ana teknike janë të realizueshme dhe kanë logjikë, puna është se me çfarë kostosh dhe si do të zbatohen”.
    Zbatimi i strategjisë, sipas tij, lidhet me sfida të ndryshme që nga infrastruktura teknologjike e kapacitetet njerëzore, deri tek çështjet etike të aksesit të popullatës në këto sisteme.
    “Ne nuk kemi infrastrukturë, kemi një bot-net që është shumë i izoluar, duhet të zgjerohet,” thotë ai, duke shtuar se po ashtu duhet të investohet në shpërndarjen e kësaj insfrastrukture. që të lidhen pjesë të popullatës që jeton jashtë Tiranës.
    Përmbajtja e dokumentit strategjik vlerësohet edhe nga Igli Gjelishti, drejtues i një kompanie në fushën e IA-s dhe zhvillues i sistemeve të informacionit, i cili i tha BIRN se ishte “një hap i domosdoshëm dhe në linjë me praktikat europiane”.
    Por, sipas tij, “në vijim nevojitet të plotësohet me angazhime dhe objektiva me konkrete, si ne aspektin e investimeve ashtu edhe në atë të rezultateve konkrete dhe te matshme”.
    Sipas Gjelishtit, dokumenti ka adresuar në objektiva konkrete një nga elementet më të rëndësishëm atë të trajnimit të burimeve njerëzore, që sipas tij është ‘hallka më delikate e procesit’.
    Ai i beson se objektivat e strategjisë për ngritjen e infrastrukturës teknologjike janë realiste dhe nëse ka vullnet nga institucionet, vështirësitë nuk janë të pakapërcyeshme.
    “Përsa i përket teknologjisë, sigurisht që kërkohen investime konkrete, por në stadin aktual, me pothuajse të gjitha shërbimet publike të digjitalizuara dhe me një sasi shumë të madhe informacioni në dispozicion, kemi nje bazë të mirë për të filluar,” tha Gjelishti.
    Të dy ekspertët e shohin pozitive përdorimin e teknologjisë në luftën kundër korrupsionit në sektorin e prokurorimeve publike apo të evazionit fiskal, por këmbëngulin se elementi njerëzor mbetet i pashmangshëm.
    “Ka sisteme që janë bazuar në IA dhe analizat e tyre janë shumë më të shpejta dhe të sakta që të shmangesh evazionin,” thotë Demiri, duke shtuar se ndërkohë “tek pjesa e doganave nuk na ka munguar sistemi, po janë njerëzit që komandojnë sistemin”.
    Gjelishti beson se “Inteligjenca artificiale shkon edhe një hap më tej, duke e zëvendësuar në disa raste gjykimin njerëzor që mund të jete subjektiv apo i ndikuar nga faktorë të tjerë”.
    Por edhe ai thekson se këto janë të gjitha mjete dhe që të japin rezultat “nevojitet vullneti i duhur”. “Objektivat konkrete për të përdorur AI në prokurimet publike apo në analizën fiskale jane një fillim i mbarë, por tani duhet të pritet implementimi dhe rezultatet konkrete,” shton ai.
    Ekspertët po ashtu evidentojnë në zbatimin e kësaj strategjike të njëjtat dilema globale që lidhen me çështje etike dhe të sigurisë kibernetike.
    Sipas Demirit, strategjia e vendos njeriun në qendër duke qenë në rregull nga ana etike por gjithsesi pikëpyetjet mbeten dhe është për t’u parë se çfarë do të ndodhë me tregun e punës dhe si do të shpërndahet nga ana gjeografike infrastruktura që do të ngrihet për zbatimin e këtyre objektivave.
    “Edhe këtu tek ne ekziston rreziku që përdorimi i IA do të bëjë të pasurit më të pasur dhe të diferencojë akoma më shumë zonat rurale në aksesin në teknologji,” paralajmëron ai, duke parashikuar që infrastruktura e re do të ngrihet dhe funksionojë përgjithësisht në Tiranë./BIRN