Lajmidites.com

Tag: këngët

  • I kishte vetëm 37 vjet kur u nda nga jeta, sekretet dhe të pathënat e Tefta Tashkos!

    I kishte vetëm 37 vjet kur u nda nga jeta, sekretet dhe të pathënat e Tefta Tashkos!

    Poeti Lasgush Poradeci (1899-1987) ka qenë mjaft i kursyer në vlerësimin e artistëve bashkëkohës që i ka njohur nga afër.

    Kur dëgjonte këngët e sopranos Tefta Tashko Koço (1910-1947) ai përsëriste shpesh refrenin karakterizues për personalitetin e saj artistik e të gjithanshëm: “Tefta nuk këndon, por fluturon”.

    Ky karakterizim shpreh thelbin e përpjekjeve të saj për ta ngritur artin e të kënduarit shqip në nivelet më të epërme dhe për ta përdorur gjithë fuqinë e tij në emancipimin e shumëanshëm të shoqërisë shqiptare përgjatë viteve të trazuar 1927-1947.

    Tefta përballoi sfida të shumëllojshme. Thënë në gjuhë më sociologjike, ajo fluturoi mbi vështirësitë e shumëllojshme, me energjitë relative të vullnetit, të disiplinës së hekurt në tërë procesin artistik krijues.

    Më konkretisht:

    1. Tefta Tashko ishte talent i lindur, ose siç shprehej shtypi i kohës, kishte lindur me “zërin e saj ëngjëllor”. Në kohën kur debutoi për herë të parë në skenë Tefta Tashko 12-vjeçare shoqëria shqiptare ndodhej nën trysninë e paragjykimeve përçmuese për muzikën “si profesion që ushtrohet nga këngëtarët jevgj dhe vallëtarët romë.

    Duke sfiduar paragjykime të tilla Tefta Tashko ka qenë në brezin e parë të vajzave shqiptare, e cila nisi rrugën e mundimshme për të kultivuar talentin e saj për kanto për afro dhjetë vite 1927-1937. Në konservatorët më prestigjozë të Francës dhe Italisë. Shpesh u detyrua të bënte punë të rëndomta për të siguruar kushtet minimale të jetesës.

    2. Tefta Tashko braktisi perspektivën e sigurt të një karriere të shkëlqyer të sopranos në Francë dhe u kthye në atdhe. Dhe atë kur nuk kishte asnjë teatër opera dhe ishin fare të paktë bashkëkombaasit e saj që mund të kishin dëgjuar ndonjëherë muzikë operistike.

    Përçimi i muzikës operistike përbënte vetëm një aspekt të misionit të saj të gjerë emancipues e fisnikërues të popullit i cili në vitet 1930 ishte i varfër deri në mjerim dhe i pashkolluar deri në masën 90%.

    Në mungesë të infrastrukturës për të zhvilluar muzikë operistike, Tefta Tashko nisi të japë koncerte recitale me disa nga operat më të njohura dhe duke interpretuar në versione origjinale këngë popullore dhe qytetare shqiptare.

    Nëpërmjet punës këmbëngulëse ajo përpunoi deri në perfeksion pothuajse të gjithë elementët e saj të saj dhe të interpretimit. Ajo hyri natyrshëm në rezonancë me shpirtrat e shqiptarëve të të gjithë grupimeve sociale veçanërisht me shpirtrat e drobitur të të vobektëve të shumtë.

    Ndonëse vetë ishte në vështirësi ekonomike, ajo shpesh jepte koncerte falas për nxënësit e të varfërit, duke përballuar shpeshherë shpenzimet e koncerteve.

    Në një letër që i dërgonte një kolegu dhe që gjendet në fondet e Arkivit Qendror të Shtetit Shqiptar, Tefta Tashko shkruante për koncertin në Fier: “Jam shumë e kënaqur nga pritja e popullit, por, për sa u përket të ardhurave, m’u desh të paguaj nga xhepi dy napolona e gjysëm”.

    Shpesh të ardhurat që grumbullonte nga koncertet ajo i dhuronte për bamirësi për të varfërit dhe familjet e dëmtuara nga Lufta e Dytë Botërore dhe të varfërit, në pamundësi për të blerë biletë, e ndiqnin koncertin nga jashtë sallës.

    3. Ndonëse ishte shëndetligë, Tefta Tashko udhëtonte në të ftohtë, në rrugët me baltë dhe jepte koncerte në salla ku mungonin kushtet minimale për të kënduar. Madje jepte koncerte edhe në kushtet më të vështira të fshatrave.

    Me këngët e saj Tefta jo vetëm gëzonte bashkëkombësit halleshumë, por edhe ndriçonte e zbulonte talentet për art në radhët e të rinjve dhe të rejave. I nxiste ata të hynin në rrugën e vështirë të artit që ka fuqi të madhe emancipuese dhe fisnikëruese.

    4. Nderimin e veçantë për popullin shqiptar Tefta Tashko e ka shprehur edhe nëpërmjet përpjekjeve sistematike për të përpunuar këngët popullore, këngët qytetare shqiptare më të arrira të gjithë krahinave dhe qyteteve, dhe për t’i interpretuar ato me origjinalitet të papërsëritshëm.

    Me këngë të tilla ajo hyri më shpejt në zemrat e shqiptarëve të cilët përpiqeshin të gjenin format më dinjitoze për të shprehur nderimin për të.

    5. Me gjithë punën dhe personalitetin e saj, Tefta Tashko “funksiononte” si simbol dhe model i vajzës shqiptare të emancipuar dhe emancipuese, e aftë për t’u mirarsimuar në shkollat më cilësore të botës dhe për të ushtruar profesione të vështira e mjaft delikate, e vendosur në luftë kundër paragjykimeve të çfarëdollojshme dhe e përkushtuar për të zhvilluar vendin e ftë për të konkuruar me dinjitet me profesionistët e të njëjtit profil.

    Kudo ku shkonte Tefta Tashko provokonte lot në sytë e vajzave dhe të grave. Lot hidhërimi sepse ishin të mbyllura brenda ekonomive familjare dhe mjaft prej tyre e shihnin botën përmes errësirës së perçes. Lot gëzimi sepse me gjithë personaltetin e saj Tefta Tashko ndriçonte si model i arrirë emancipimi, që i frymëzonte gratë dhe vajzat shqiptare të luftonin për emancipimin e tyre./konica.al

    ———————————

    Lexo edhe:

    TEFTA TASHKO: KUR MË VJEN BURRI NGA STANI (TEKSTI DHE KËNGA)

    ObserverKult

  • Pritjes i erdhi fundi, publikohen këngët e 28 konkurrentëve të Fest 64

    Pritjes i erdhi fundi, publikohen këngët e 28 konkurrentëve të Fest 64

    Pritjes i erdhi fundi! Radio Televizioni Shqiptar ka publikuar sonte në mbrëmje, në kanalin zyrtar në YouTube, këngët e 28 artistëve pjesëmarrës në edicionin e 64-të të Festivalit të Këngës.
    Organizatorët e Festivalit kanë njoftuar në rrjetet sociale se gjithçka është gati, ndërsa këngët do të jenë tashmë një refren i përditshëm i fansave te cilët mezi prisnin të dëgjonin këngët e artistëve të tyre të preferuar.
    Emrat e rikthyer, surprizat, debutimet dhe prurjet e reja zbulohen njëherësh, duke ndezur atmosferën dhe emocionin drejt 4 netëve të Festivalit të fundvitit, i cili do të mbahet nga data 17 deri në datën 20 dhjetor.
    Nata e parë dhe nata e dytë do të jenë dy netët konkurruese, në natën e tretë do vijojë të ruhet tradita e nostalgjisë, ndërsa nata e katërt është edhe nata finale, kur njëri prej artistëve konkurrues do të shpallet fitues si edhe do të ketë mundësinë që të përfaqësojë këtë vit Shqipërinë në Eurovizion 2026, i cili do të mbahet në Vjenë të Austrisë.
    Publikimi i këngëve shënon kështu nisjen zyrtare të garës muzikore më të rëndësishme të vitit, e cila këtë dhjetor pritet të sjellë emocione, energji dhe performanca të jashtëzakonshme nga artistët pjesëmarrës.
    Të gjitha këngët mund t’i dëgjoni duke klikuar këtu

  • Kush do të shkojë në Eurovision? Publikohen këngët e 28 konkurrentëve të Fest 64

    Kush do të shkojë në Eurovision? Publikohen këngët e 28 konkurrentëve të Fest 64

    Showbiz E Hënë, 1 Dhjetor 2025 20:32
    Pritjes i erdhi fundi! Radio Televizioni Shqiptar ka publikuar sonte në mbrëmje, në kanalin zyrtar në YouTube, këngët e 28 artistëve pjesëmarrës në edicionin e 64-të të Festivalit të Këngës.
    Organizatorët e Festivalit kanë njoftuar në rrjetet sociale se gjithçka është gati, ndërsa këngët do të jenë tashmë një refren i përditshëm i fansave te cilët mezi prisnin të dëgjonin këngët e artistëve të tyre të preferuar. Emrat e rikthyer, surprizat, debutimet dhe prurjet e reja zbulohen njëherësh, duke ndezur atmosferën dhe emocionin drejt 4 netëve të Festivalit të fundvitit, i cili do të mbahet nga data 17 deri në datën 20 dhjetor.

    Nata e parë dhe nata e dytë do të jenë dy netët konkurruese, në natën e tretë do vijojë të ruhet tradita e nostalgjisë, ndërsa nata e katërt është edhe nata finale, kur njëri prej artistëve konkurrues do të shpallet fitues si edhe do të ketë mundësinë që të përfaqësojë këtë vit Shqipërinë në Eurovizion 2026, i cili do të mbahet në Vjenë të Austrisë.

    Publikimi i këngëve shënon kështu nisjen zyrtare të garës muzikore më të rëndësishme të vitit, e cila këtë dhjetor pritet të sjellë emocione, energji dhe performanca të jashtëzakonshme nga artistët pjesëmarrës. Të gjithë sytë janë nga RTSH, ku publiku mund të njihet tashmë me krijimet që do të garojnë për trofeun e madh.

  • Shpat Kasapi, një zë që shoqëroi brezat. Rikthimi televiziv që mbeti i parealizuar

    Shpat Kasapi, një zë që shoqëroi brezat. Rikthimi televiziv që mbeti i parealizuar

    Showbiz E Mërkurë, 26 Nëntor 2025 17:12
    Lajmi për ndarjen e parakohshme nga jeta, shkaktoi dhimbje të thellë në botën e artit, dhe në mesin e shqiptarëve. Shpat Kasapi u rrit duke u bërë një nga zërat më të dashur të muzikës shqiptare. Talenti i tij u shfaq që në fëmijëri, kur vetëm 13 vjeç fitoi çmimin e parë në festivalin “Bletëzat ’98”, duke shënuar fillimin e një rruge artistike që do të zgjaste më shumë se dy dekada.
    Në vitet që pasuan, ai shkëlqeu në festivalet më të rëndësishme të skenës shqiptare, duke fituar çmimin e parë në “Këngët e Stinës 2002” në Tiranë, çmimin e publikut në “Nota Fest 2003” dhe “Albafest 2003”, dhe duke u bërë një emër i njohur për publikun shqiptar. Karriera e tij u ngjit me ritme të shpejta, ndërsa Kasapi u nderua me çmime të shumta, përfshirë Pop Idol 2004, vlerësimet për Interpretuesin më të mirë në Top Fest dhe Netët e Klipit, si dhe çmime të rëndësishme në Kënga Magjike dhe Zhurma Show Awards.

    Këngë si “Pa ty s’jetoj”, “Mëkatare”, “Kush të ndau prej meje”, “S’e pranon”, “Sillu p’shtillu”, “Sa e du dashnin”, “Aroma e saj” dhe shumë të tjera e shndërruan në një ikonë muzikore, ndërsa albumet e tij mbeten të dëgjuara edhe sot. Në YouTube, këngët e tij vazhdojnë të mbledhin miliona shikime. “Aroma e saj” ka mbi 5.6 milionë, ndërsa prodhimet e fundit si “Amaneti i babës”, “Valle kosovare” dhe “N’dahem sot” tregojnë se Shpati mbeti aktiv deri në momentet e fundit.

    Shpat Kasapi kishte nënshkruar për të qenë banor i ”Big Brother Albania Vip 5”. Ai u priste të futej në shtëpinë më të famshme të vendit, në një rikthim që publiku e priste me kureshtje. Angazhimi ishte konfirmuar dhe finalizuar, por fati ndërhyri tragjikisht, duke e ndërprerë një kapitull që nuk mundi të realizohej.

    Këngëtarë, moderatorë, kolegë dhe figura publike mbushën rrjetet sociale me mesazhe tronditëse dhe fjalë nderimi. Jeta dhe karriera e Shpat Kasapit janë një testament i një talenti që nisi herët, u kultivua me punë e pasion dhe la gjurmë të thella në muzikën shqiptare. Ai mbetet një artist që preku zemrat e publikut, një njeri i dashur nga kolegët dhe një emër që do të kujtohet gjatë për këngët, mënyrën si jetoi dhe ndikimin që la pas.

  • “Këngët e Shekullit” rikthejnë muzikën e filmave shqiptarë

    “Këngët e Shekullit” rikthejnë muzikën e filmave shqiptarë

    Kjo mbrëmje nuk ka sesi të jetë ndryshe, kryefjalë do të jetë sërish muzika, por do të jetë nata kushtuar muzikës së filmave shqiptarë.

    Skena e Këngëve të Shekullit do të jetë tribuna ku do të kujtohen jo vetëm kolonat zanore me këngët më të dashura, por bashkë me to edhe pasuria filmike e kinemasë shqiptare.

    Artistë të njohur do të vijnë me gjithë bagazhin e tyre artistik, jo vetëm në aktrim, por edhe në këngë, për të risjellë edhe një herë ato prodhime të arta që kanë shënjuar kulturën tonë.

    Emocionet janë të mëdha për të gjithë artistët.

    Në këtë skenë të madhe ka vend edhe për fëmijë që kanë talentet e jashtëzakonshme. Korni Pula, vajza që do ta përfaqësojë Shqipërinë në skenën e Festivalit Europian për fëmijë, do të na sjellë pikërisht ato këngë që kinemaja shqiptare realizoi në morinë e prodhimeve filmike për fëmijë.

    Nata kushtuar muzikës së filmave shqiptarë do të emetohet sonte në orën 21:00 në ekranin e Televizionit Klan.

    Për më shumë klikoni në videon më poshtë:

    ObserverKult

    Lexo edhe:

    DOKUMENTI I PARË I GJUHËS SHQIPE I SHKRUAR 563 VITE MË PARË NË MAT

  • Elita 5: Faleminderit që më le… (teksti dhe kënga)

    Elita 5: Faleminderit që më le… (teksti dhe kënga)

    Në fund të viteve të ’80-ta, në Tetovë, u formua një nga rok grupet më njohura shqiptare- Elita 5.

    Një grup artistësh, i përbërë prej 5 anëtarësh, kanë arritur të publikojnë disa albume dhe të krijojnë disa nga hitet më të mëdha në skenën muzikore shqiptare.

    Ndër gjenerata janë të njohura këngët, si: Vjeshtë në zemër; Alkapone; Harroje vetminë; Këngët m’i vrave me dashuri; Shiu vetëm ty të lagë; Dua të vdes…

    Në vazhdim ObserverKult ua sjellë tekstin e këngës “Faleminderit…”:

    Pikoj loti në mesnatë,se ti ike për të mos u kthyer,për të mos u kthyer…Pamjen tënde të vërtet’,E tregon veç pasqyra e thyer,po, pasqyrë e thyer…Nuk të thash’ largohu,as kthehu, as harromë.Se për çdo fjalë në jetën tonë,Ishte von’.Akrepat bashkohen,S’na takojnë askund,Më mirë një fund me dhimbje,Se një dhimbje pa fund…Faleminderit që më le,Sot mos qaj se ike dje dhe jo…Nesër kur natanë udhëkryq të zëMos u kthe, mos u ktheArsye s’ke.

    Nata hënën prapë e ndez,Ti je në terrin e kësaj bote,po, e kësaj bote…Në rrugën tënde të pa kthim,Ty të ndjek veç hija jote,po, hija jote…

    Këngën mund ta dëgjoni duke klikuar KËTU

    ObserverKult

    —————————

    Lexo edhe:

    PUBLIKOHET LISTA, JA KUSH JANË 32 KONKURRUESIT PËR ÇMIMIN KADARE

  • Ahengu shkodran, artistë të rinj interpretuan në edicionin e 13-të me këngët popullore të qytetit

    Ahengu shkodran, artistë të rinj interpretuan në edicionin e 13-të me këngët popullore të qytetit

    Tradita e bukur e muzikës qytetare shkodrane, e ruajtur ndër shekuj, i rezervoi Shkodrës një mbrëmje të veçantë për qytetarët dhe turistët që mbushën pedonalen kryesore të qytetit.

    Në edicionin e tij të 13-të te “Ahengut Shkodran” artistë të rinj dhe të afirmuar e risjellje këngët popullore shkodrane, të cilat janë një prej 7 kryeveprave të trashëgimisë shpirtërore shqiptare.
    Risi e këtij viti ishte pjesëmarrja e fëmijëve si këngëtarë, duke i dhënë ngjyra dhe energji të re mbrëmjes.
    Albana Fani erdhi nga Amerika për të kënduar në “Ahengun Shkodran”
     

    Top Channel

  • VIDEO / Rama ka një ftesë: Ejani në Nepravishtë, ku këngët e traditat marrin jetë

    VIDEO / Rama ka një ftesë: Ejani në Nepravishtë, ku këngët e traditat marrin jetë

    Në një postim në rrjetet sociale, kryeministri Edi Rama ka përshëndetur ndjekësit me një video dhe një ftesë të veçantë: “Mirëmëngjes dhe me festën që ju pret në zemër të Nepravishtës, më 26–27 Shtator, aty ku fshati, rrugët, këngët e traditat marrin jetë, ju uroj një fundjavë të mbarë.”

    Festa vjen në kuadër të projektit “Tregime Fshati”, një nismë kulturore që rikthen vëmendjen tek jeta rurale, identiteti lokal dhe trashëgimia shqiptare.
    Aktivitetet zhvillohen në fshatin Nepravishtë të Gjirokastrës, në datat 26 dhe 27 Shtator, dhe sjellin një kombinim të artit, traditës dhe kinemasë në ambient të hapur.
    Programi i aktivitetit përfshin:
    -Performancë artistike nga Agona Shporta dhe Grupi Polifonik i Nepravishtës – më 26 Shtator, ora 18:30, te “Life on the Farm”
    -Kinema nën Yje, mundësuar nga Heinrich Böll Stiftung Tirana, me shfaqjen e filmit “Dita Zë Fill” nga regjisori Gent Koçi – ora 19:30, po në “Life on the Farm”

  • 10 këngët që e bënë “të pavdekshme” Tina Turnerin, ju ftojmë t’i dëgjoni (Video)

    10 këngët që e bënë “të pavdekshme” Tina Turnerin, ju ftojmë t’i dëgjoni (Video)

    Tina Turner u nda nga jeta, muaj më parë, në moshën 83-vjeçare. Megjithatë ajo la pas shumë këngë që kanë mbetur në histori për mesazhin dhe interpretimin me fuqinë e saj të veçantë vokale, çka e ka bërë atë një divë të muzikës ndërkombëtare.

    E ndërsa, sot ajo nuk jeton më, ne do ju sjellim 10 këngët e saj më të mira ose e thënë ndryshe “10 këngët the best” të Tina Turner./ ObserverKult

    1.River Deep, Mountain High (1966)

    2.Proud Mary (1971)

    3.Nutbush City Limits (1973)

    4.Let’s Stay Together (1983)

    5.What’s Love Got to Do With It (1984)

    6.Private Dancer (1984)

    7.We Don’t Need Another Hero (1985)

    8. Simply the Best (1989)

    9. Steamy Windows (1989)

    10.GoldenEye (1995)

    ObserverKult

    Lexo edhe:

    VDES LEGJENDA E MUZIKËS, TINA TURNER

    Këngëtarja Tina Turner, hitet klasike të së cilës, sikurse The Best dhe What’s Love Got to Do With It, e bënë atë një superyll, ka vdekur në moshën 83-vjeçare.

    Turner ka pasur një sërë problemesh shëndetësore viteve të fundit, përfshirë edhe kancer, një sulm dhe probleme me veshka.

    Në një intervistë të dhënë më 2018, ajo ka thënë:

    “Njerëzit mendojnë se jeta ime ka qenë e vështirë, mirëpo unë mendoj që kam pasur rrugëtim të mrekullueshëm. Me kalimin e viteve e kupton se nuk është e rëndësishme çfarë të ka ndodhur, por si e ke menaxhuar situatën”.

    Ajo u bë e famshme së bashku me bashkëshortin e saj, Ike, në vitet ’60, me këngët sikurse Proud Mary dhe River Deep, Mountain High.

    U nda nga Ike në vitin 1979 dhe korri edhe më shumë suksese si solo këngëtare në vitet ’80.

    E cilësuar si Mbretëresha e Rock ‘n’ Roll-it, Tina Turner ishte e famshme për performancat e saj të zjarrta dhe energjike, si dhe për vokalin e fuqishëm.

    Tekstin e plotë mund ta lexoni KËTU:

    ObserverKult

  • Presion në industrinë muzikore? Fifi: Publiku është lodhur nga muzika bastarde

    Presion në industrinë muzikore? Fifi: Publiku është lodhur nga muzika bastarde

    Mbrëmjen e kaluar, Fifi ishte e ftuar në emisionin “Pardon My French”. Ajo zbuloi detaje nga jeta e saj, karriera dhe suksesi që ka arritur përgjatë viteve dhe gjithashtu ka treguar disa sekrete në lidhje me albumin e ri që do të sjellë.
    Pyetja- Për të publikuar një këngë, është më shumë qejf për Fifin apo është dhe njëfarë presioni duke qenë se në këtë periudhë tani çdo gjë po varet nga klikimet dhe viraliteti?

    E kam pas ndjerë këtë presionin derisa erdhi një moment dhe thashë që ‘duhet vetëm të krijoj muzikë’. Që prej këngës “Zemrën” kam thënë që do të nis tani që të publikoj dhe të bëj vetëm muzikë që mua më pëlqen dhe të mos them vetëm ‘të bëj një hit’. Më fal por çfarë dreqin, ku e dinë ata se kush është hit dhe kush jo. Kur unë i kam bërë këngët më të bukura të jetës sime kam thënë që dua të bëj një këngë të mirë që njerëzit të më dëgjojnë mua dhe këtë gjë e kam përdorur deri tek kënga “HANA”. Pastaj nisa të influencohesha prej tregut dhe aromës bastarde që lëshon muzika këto vitet e fundit.

    Artistja shtoi ndër të tjera se ka vendosur sërish të rikthehet në pikën që dëshiron të bëjë muzikën siç ajo e ndjen dhe jo të influencohet nga artistë të tjera apo rrymat muzikore.

    Këngët e mia unë nuk i hap t’i dëgjoj të them të drejtën, këngët që unë i dëgjoj janë vetëm këngët e reja që nuk kanë dalë ende dhe më duhet që t’i hap që të shikoj nëse duhet të ndryshoj ndoshta diçka. I dëgjoj në momente të ndryshme që të shikoj nëse ma japin sërish emocionin e njëjtë. A ja vlejnë ose jo.