Partia Demokratike ka nisur turin e foltoreve me një takim në Njësinë nr. 9, ku drejtues dhe mbështetës të forcës politike zhvilluan bashkëbisedim me demokratët e zonës.
Gjatë këtij takimi, kreu i Forumit Rinor të PD-së, Besart Xhaferi, mbajti një fjalim të fortë politik, duke akuzuar qeverinë dhe kryeministrin Edi Rama për korrupsion dhe keqqeverisje. Xhaferi deklaroi se në këtë betejë opozitare, Sali Berisha mbetet figura kryesore që sipas tij “do të inspirojë shqiptarët për ta çuar vendin drejt ndryshimit politik”.
Duke iu referuar zhvillimeve ndërkombëtare, Xhaferi përmendi edhe çështjen e raportuar të ish-përfaqësueses së lartë të BE-së, Federica Mogherini, duke e përdorur rastin, siç u shpreh ai, për të theksuar se “drejtësia duhet të veprojë njësoj në çdo vend”.
Ai përsëriti akuzat ndaj anëtarëve të kabinetit qeveritar, duke përmendur çështje të tilla si pretendimet për korrupsion dhe abuzim me fondet publike. Sipas tij, “rastet e abuzimit me taksat e qytetarëve duhen ndëshkuar”, duke e krahasuar situatën me vendet e tjera të Evropës.
Xhaferi u ndal edhe te zgjedhjet e 11 majit, të cilat i cilësoi “farsë elektorale”, duke akuzuar mazhorancën për përdorim të administratës, fondeve publike dhe presioneve politike. Takimi është pjesë e një serie aktivitetesh që PD ka paralajmëruar se do t’i zhvillojë në të gjithë vendin në vijim të aksionit opozitar.
Xhaferri:
Edi Rama meriton të shkojë te shokët e tij dhe patjetër t’i bashkangjitet sot edhe shoqes së tij më të ngushtë, Federica Mogherinit, e cila u arrestua edhe sot. Po e përmend Federica Mogherinin, megjithëse është një rast në Bruksel. Po e përmend edhe për Gjykatën Kushtetuese që të kuptojë që drejtësia në çdo vend të botës bën detyrën e saj dhe duhet të ndalojë ata që kapen në flagrancë.
Njerëzit që kapen duke vjedhur në zyrë janë ata që duhen ndaluar menjëherë. Dhe rasti i Belinda Ballukut është një rast që nuk është i vetmi në Evropë, as i vetmi në botë. I kemi deklaruar raste të ngjashme në Rumani, në Itali, në Gjermani, në Angli dhe kudo tjetër. Kush vjedh taksat e qytetarëve, meriton të shkojë në burg dhe i gjithë kabineti i qeverisë Rama 1, Rama 2, Rama 3 dhe së fundmi i anonimëve të Rama 4, janë një bandë hajdutësh që kanë vjedhur paratë, ju kanë larguar fëmijët nga shtëpitë tuaja dhe mbi të gjitha kanë vrarë shpresën në një ekonomie që mund të sjelli zhvillim për shqiptarët dhe ka lindur ekonominë që ka sjellur zhvillim vetëm për narkotrafikantët dhe klientët e qeverisë.
Ajo që patjetër ne na thërret misioni sot, është të bëhemi të gjithë bashkë në një kauzë. Edi Rama mos ta shijojë asnjë ditë më tepër farsën elektorale që vodhi në 11 maj. Atë farsë që e dimë që të gjithë si e kemi hequr mbi kurriz, dhe të gjitha sulmet që erdhën nga buxheti shtetëror, nga administrata shtetërore, nga patronazhistët, nga bandat kriminale, nga mediat, po në të njëjtën kohë, të cilat vetëm i bënin veri dhe fresk një kryehajduti që 12 vjet ka vjedhur dhe ka shantazhuar këdo, dhe sot pretendojnë që problemi jemi ne.
Tag: kapën
-
“Njerëzit që kapen duke vjedhur në zyrë”/ ‘Foltore’, deputeti Xhaferri: Në burg, i gjithë kabineti i qeverisë Rama
-
Berisha: Lubi Balluku dhe Edi Rama nuk kapen me të drejtat që u janë cenuar! Pezullimi nuk hyn kërkund në asnjë të drejtë
Kreu i PD, Sali Berisha, në një deklaratë për mediat, ka reaguar ndaj vendimeve të gjykatës dhe qëndrimeve të qeverisë, duke theksuar se ministrat nuk mund të mbrohen pas të drejtave që, sipas tij, nuk u takojnë.
Berisha u shpreh se pezullimi i tyre nga detyra nuk cenon asnjë të drejtë kushtetuese dhe nuk lidhet me imunitetin, por me “përpjekjen e hajdutëve për t’u mbrojtur me çdo kusht”.
Lideri i opozitës theksoi se gjykata, në rastin e tij, ka vendosur në kundërshtim me Konventën Europiane të të Drejtave të Njeriut dhe jurisprudencën e Gjykatës së Strasburgut, ndërsa akuzoi ministren Balluku dhe kryeministrin Rama se po manipulojnë opinionin publik për të shmangur përgjegjësinë.
Deklarata për media:
Për këtë arsye, neni 103/3, i jep ministrit mbrojtjen kushtetuese të nenit 73 të Kushtetutës dhe jo garanci që rrjedhin nga kodi i procedurës penale dhe që lidhen me zgjedhshmërinë e tyre si përfaqësues të popullit.
Neni 245 i kodit të procedurës penale, dhe në radhë të parë i zbatueshëm për ekzekutivin, funksionarët publikë, edhe ky nuk mund të jetë i mirë për zyrtarë të dorës së dytë apo zyrtarët e lartë, por jo për ministrat se ndryshe do të quheshim ferma e derrave e George Oruellit ku derrat janë të barabartë, por disa janë më të barabartë.
Sa për kujtesë, unë vetë kam argumentuar se detyrimi për paraqitje dhe heqja e të drejtës për të dalë jashtë shtetit janë kufizime të lirisë.
Pra, si marrja e pasaportës, edhe detyrimi për paraqitje, këto janë kufizime të lirisë.
Dhe kur unë protestova, kur unë i kundërshtova, Gjykata Kushtetuese, qeveria, parlamenti mbrojti se ajo është masë e drejtë që buron nga kodi i procedurës penale dhe se deputeti nuk është i mbrojtur.
Në atë kohë ua thashë, do kapni kokën me dorë, po le ta kapin, të shkulin kokë, hundë dhe vesh se e meritojnë.
Sa për mua, unë rikujtoj këtu se në vitin 2012 kam dërguar në parlament ligjin që hiqte çdo lloj mbrojtje deputetit.
Ndaj dhe unë në qoftë se bëra rekursin, e bëra në respekt të Kushtetutës dhe absolutisht të asnjë problemi personal të Sali Berishës.
Por këta nuk kapen me të drejtat që janë cenuar, Lubi Balluku nuk lëviz dot, Lubi Balluku detyrohet të paraqitet, nuk ka rëndësi kjo.
Pezullimi nuk hyn kërkund në asnjë të drejtë.
Nuk ka asnjë lidhje me imunitetin, ka lidhje me hajdutët që përpiqen të mbrohen me çdo kusht si të mbyturit që përpiqen të kapen pas fijes së barit.
Në fakt, në rastin tim gjykata vendosi ndryshe, por vendosi në kundërshtim me Konventën Europiane të të Drejtave të Njeriut dhe gjykimet e Gjykatës së Strasburgut. -
U kapën me arsenal armësh në Orosh/ Dalin para gjykatës Cumraku dhe Uka
Juljan Cumraku dhe Erzen Uka kanë mbërritur paraditen e sotme në Gjykatën e Shkallës së Parë Shkodër, ku pritet të njihen me masën e sigurisë, pas paraqitjes para trupës gjykuese.
Të dy të arrestuarit u ndaluan mbrëmjen e së hënës gjatë një operacioni të forcave RENEA në Fushë-Arrëz, ndërsa ndaj tyre rëndojnë disa akuza të rënda penale. Sipas prokurorisë, Cumraku dhe Uka akuzohen për:
-Nxitje, thirrje publike dhe propagandë për kryerjen e veprave me qëllime terroriste
-Prodhim të armëve luftarake
-Kundërshtim të punonjësit të policisë së rendit publik
-Mbajtje pa leje dhe prodhim të armëve shpërthyese dhe municionit
Hetimet për rastin vijojnë, ndërsa autoritetet po punojnë për zbardhjen e plotë të veprimtarisë së tyre dhe lidhjeve të mundshme me persona të tjerë të përfshirë
-
Qëlloi me grusht policin e burgut të Fierit, arrestohet në Tiranë i riu dhe dhe 4 shokët e tij
Policia e Tiranës ka arrestuar 5 persona, të cilët ishin përfshirë në një sherr. Konkretisht, një 32-vjeçar akuzohet se dhunoi një punonjës të burgut të Fierit, ndërsa u kapën dhe 4 persona që e shoqëronin atë gjatë sherrit. Konkretisht, pas hekurave ranë Elvis Roshi, Ermir Peqini, Dorian Cera, Arbit Nure dhe Fabjan Muçaj.
NJOFTIMI I POLICISE
Finalizohet operacioni policor i koduar “Operacionalja 71”. Kapet nga Drejtoria e Forcës së Posaçme Operacionale, 1 shtetas i shpallur në kërkim për veprën penale “Goditja për shkak të detyrës”, si dhe arrestohen 4 shtetas të cilët e ndihmuan shtetasin në kërkim që t’i fshihej Policisë.Si rezultat i shkëmbimit të informacionit, shërbimet e Drejtorisë së Forcës së Posaçme Operacionale të Drejtorisë së Përgjithshme të Policisë së Shtetit, lokalizuan dhe kapën në Tiranë, në kuadër të operacionit “Operacionalja 71”, shtetasin E. R., 32 vjeç, banues në Fier. Ai ishte shpallur në kërkim, pasi Gjykata e Shkallës së Parë e Juridiksionit të Përgjithshëm Fier i ka caktuar masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim. 32-vjeçari akuzohet se në bashkëpunim me 3 shtetas të tjerë, ka goditur me grushte, për shkak të detyrës, 1 punonjës të IEVP Fier.
Gjatë operacionit, u kapën edhe shtetasit që shoqëronin 32-vjeçarin, E. P., 33 vjeç, D. C., 34 vjeç, të dy banues në Tiranë, A. N., 29 vjeç dhe F. M., 26 vjeç, të dy banues në Fier, të cilët u arrestuan në flagrancë nga specialistët për Hetimin e Krimeve të Komisariatit të Policisë Fier, për veprën penale “Përkrahja e autorit të krimit”. Materialet procedurale i kaluan Prokurorisë së Fierit, për veprime të mëtejshme.gijotina.com/
-
Shpërndanin drogë, arrestohen dy shqiptarët në Itali
Dy të rinj shqiptarë, 21 dhe 25 vjeç, u arrestuan në flagrancë në Itali, pasi u kapën duke shpërndarë lëndë narkotike.
21-vjeçari, pa precedent të mëparshme, u ndalua ndërsa po ngiste biçikletë dhe gjatë kontrollit iu gjetën pesë pako kokainë, me një total prej rreth 4.5 gramë.
Karabinierët kapën më vonë bashkëpunëtorin 25-vjeçar, me precedent penal, në shtëpinë e tij, ku u gjetën 908 pako me narkotikë. Në vendngjarje u sekuestruan gjithashtu 555 euro, katër peshore dhe disa telefona celularë.
Pas formaliteteve, dy të rinjtë u dërguan në burgun e Spoletos, në pritje të seancës së vlerësimit.
-
VIDEO – Arrestohen dy të rinj nga Bardhajt, u kapën me makinë duke shpërndarë kanabis sativa…
Si rezultat i kontrolleve të kryera, bazuar në të dhënat e siguruara nëpërmjet rrugëve operative, shërbimet e Forcës së Posaçme “Shqiponja” kapën në flagrancë dy shtetas, të cilët po qarkullonin me automjet me qëllim shitjen e lëndës narkotike kanabis. Në momentin e ndalimit, gjatë kontrollit fizik ndaj shtetasve Aurel Shkrepaj dhe Ardian Ballza, si dhe gjatë kontrollit të automjetit, shërbimet e Policisë gjetën dhe sekuestruan një sasi lënde të dyshuar narkotike kanabis.
Në përfundim të veprimeve procedurale, specialistët e Sektorit për Hetimin e Narkotikëve arrestuan në flagrancë shtetasit:Aurel Shkrepaj, 21 vjeç, dhe Ardian Ballza, 21 vjeç, të dy banues në fshatin Bardhaj, për veprën penale “Prodhimi dhe shitja e narkotikëve.”
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim! -
‘Collaboration’/ Tre të rinjtë kapen me drogë, e shpërndanin në zona të ndryshme të kryeqytetit
Tre të rinj nga Kamza kanë rënë në pranga e policisë nën akuzën e shpërndarjes së lëndëve narkotike.
Në kuadër të operacionit “Collaboration” janë arrestuar shtetasit S. C., 22 vjeç, R. Gj., 22 vjeç dhe një shtetas i mitur, 17 vjeç.
Tre të rinjve iu sekuestruan 700 gr kanabis sativa të cilën dyshohet se do ta shisnin në zonën e Kamzës.
Nga hetimet ka rezultuar se lënda narkotike është siguruar nga shtetasi S. C. Gjatë kontrollit të ushtruar në banesën e 17-vjeçarit, u gjet dhe u sekuestrua një tjetër sasi lënde e dyshuar narkotike kanabis.