Lajmidites.com

Tag: institucionet

  • Zgjedhja e kreut të ri të SPAK/ Ambasadori i Gjermanisë në Tiranë uron Klodian Brahon

    Zgjedhja e kreut të ri të SPAK/ Ambasadori i Gjermanisë në Tiranë uron Klodian Brahon

    Pas reagimit të Ambasadës së SHBA-së dhe kryeministrit Rama, edhe Ambasada Gjermane në Tiranë ka postuar një deklaratë në lidhje me zgjedhjen e kreut të ri të SPAK, ku ambasadori gjerman i shpreh urime Klodian Brahos. 
    Ambasadori Bergner thotë se mirënjohja i shkon edhe Këshillit të Lartë të Prokurorisë për procesin transparent të zgjedhjes dhe për të gjitha institucionet e drejtësisë në Shqipëri, të cilat çdo ditë kontribuojnë për shtetin e së drejtës. 
    “Lufta e vendosur kundër korrupsionit dhe krimit të organizuar ka një rëndësi të jashtëzakonshme nga këndvështrimi i Gjermanisë për procesin e anëtarësimit të Shqipërisë në BE, të cilin ne e mbështesim. Për punën e rëndësishme të SPAK-ut mbeten thelbësore integriteti, pavarësia dhe respektimi i standardeve më të larta të shtetit të së drejtës.” 
    “I uroj shumë sukses Klodian Brahos dhe të gjithë punonjëseve e punonjësve të SPAK-ut në detyrën e tyre ambicioze, si dhe një bashkëpunim të frytshëm me institucionet shqiptare dhe ato ndërkombëtare. Mirënjohja ime sot shkon edhe për Këshillin e Lartë të Prokurorisë për procesin transparent të zgjedhjes dhe për të gjitha institucionet e drejtësisë në Shqipëri, të cilat çdo ditë kontribuojnë për shtetin e së drejtës”, thuhet në reagimin e Ambasadorit të Gjermanisë në Shqipëri, Karl Bergner.
     

  • Kreu i SPAK/ Ambasada gjermane uron Brahon: Suksese në punën ambicioze

    Kreu i SPAK/ Ambasada gjermane uron Brahon: Suksese në punën ambicioze

    Ambasada e Gjermanisë në Tiranë ka reaguar për zgjedhjen e drejtuesit të ri të SPAK, Klodjan Braho.
    Në reagimin e bërë, ambasada i uron suksese Brahos dhe një bashkëpunim të frytshëm me institucionet shqiptare dhe ndërkombëtare.
    Gjithashtu ambasada ka shprehur dhe mirënjohjen për KLP për procesin transparent.
    Reagimi i ambasadës
    Urime drejtuesit të ri të zgjedhur sot të Prokurorisë së Posaçme SPAK, Klodian Braho. Lufta e vendosur kundër korrupsionit dhe krimit të organizuar ka një rëndësi të jashtëzakonshme nga këndvështrimi i Gjermanisë për procesin e anëtarësimit të Shqipërisë në BE, të cilin ne e mbështesim. Për punën e rëndësishme të SPAK-ut mbeten thelbësore integriteti, pavarësia dhe respektimi i standardeve më të larta të shtetit të së drejtës.
    I uroj shumë sukses Klodian Brahos dhe të gjithë punonjëseve e punonjësve të SPAK-ut në detyrën e tyre ambicioze, si dhe një bashkëpunim të frytshëm me institucionet shqiptare dhe ato ndërkombëtare. Mirënjohja ime sot shkon edhe për Këshillin e Lartë të Prokurorisë për procesin transparent të zgjedhjes dhe për të gjitha institucionet e drejtësisë në Shqipëri, të cilat çdo ditë kontribuojnë për shtetin e së drejtës.
     

  • “Salianji duhet të luftojë për vendin e Berishës jo të Nokës”/ Dash Sula: PD s’mund të drejtohet nga persona në ndjekje penale!

    “Salianji duhet të luftojë për vendin e Berishës jo të Nokës”/ Dash Sula: PD s’mund të drejtohet nga persona në ndjekje penale!

    Ish-deputeti i Partisë Demokratike Dashnor Sula ka evidentuar dhe njëherë Sali Berishën si problemin kryesor të mosfunksionimit dhe të përçarjes së PD-së. Në një lidhje direkte në studion e “Sot, Live në Shqipëri”, Sula komentoi dhe takimet e pavarura të Salianjit me qytetarët e Durrësit.
    Dash Sula u shpreh se për të mundur mazhorancën, opozita duhet të jetë një shembull i kundërt duke nisur që nga personat në krye që nuk mund të jenë individë që kanë çështje të hapura me ligjin.
    “E kemi thënë disa herë dhe u bë me muaj që problemi i opozitës qëndron dhe kushto qytetar do të thonte përse merreni me opozitën dhe jo me mazhorancën. Unë e kam bindje që edhe sot që PD është në opozitë, në sistemin demokratik funksionojnë dy forcat që duhet të jenë të kundërtat e tyre. Në këtë rast jemi në pole të njëjta. Në kuptim që me problematikat, me problemet e korrupsionit ë ka mazhoranca, duhet të përballë të ketë një model ndryshe, një model që duhet ta ketë opozita dhe nuk e ka. Nuk duhet të ketë opozita persona në ndjekje penale si mazhoranca”, tha Sula.
    Ish-deputeti tha se nuk i është bashkuar Ervin Salianjit në takimet e tij të pavarura me qytetarët jashtë programit të PD-së, duke thënë se e ka të qartë fundin. Sula u shpreh se do të ishte e udhës dhe e drejtë nëse Salianji do të lufte për vendin e Berishës, por jo për atë të Flamur Nokës.
    “Nuk mund të luftohet diktatura e narkoshteti me një njëjtat mjete. Nga 11 maji, 2 foltore të Berishës dhe 1 foltore të Salianjit. Unë nuk i jam bashkuar Salianjit sepse e kam të qartë fundit. Nëse Salianji do të luftonte për lidership do të ishte në të drejtën e tij. Po lufton për vendin e 2, ja iku Flamur Noka, se po shikosh po e luftojnë dhe vetë nga brenda, sepse lideri për të shpëtuar veten, flak gjithçka, dhe ato që i kanë mbetur besnikë.
    Nëse Salianji do të luftojë për vendin e lidership, ka terren, do të mbështetje. Nëse do të luftojë për numrin 2 nuk ndryshon asnjë gjë. Berisha vetëm një herë në jetën e vet doli nga qasja e vet politike në vitin 2005 që bashkoi të gjithë opozitën. Vetë PD ka pjellë shumë parti të vogla të djathta që kanë copëzuar opozitën. Ndodh se qasja e liderit është ekstrem për të përzënë këdo nga shtëpia tij. I vetmi pushtet që i ka mbetur në dorë Berishës që kush mendon ndryshe e ka zë ndryshe, duhet të përjashtohet ose të rrudhet”, tha Sula.
    Dashnor Sula komentoi gjithashtu dhe propozimet e marra nga Partia Socialiste. Ai sqaroi se bëhet fjalë për propozime pune në administratën shtetërore nga eksponentë të partisë. Sula tha se do të punojë dhe do të japë kontribut në institucionet e shtetit.
    “Duhet të kemi njerëz më të mirë, më të devotshëm, me reputacion. Unë jam i larguar nga PD sepse ma mbyllën derën, më prenë kokën dhe këmbët kur nuk më vunë në zgjedhjet e 11 majit. Unë punova 15 vite në sistemin e drejtësisë dhe tani 20 vite politikë, unë përsëri do punon, në institucionet e shtetit. Le të dali një ministër i PS që unë i kam kontaktuar, kam punuar apo i kam kërkuar një nder. Unë sot jam në pozita të tjera, dua të kontribuoj në institucionet e shtetit shqiptar. Sigurisht nga eksponentë të PS të ndryshëm, ka pasur biseda të cilët më kanë ofruar për të punuar në institucionet e shtetit. Ndonjë rast dhe e kam refuzuar se nuk më është përshtatur”, tha Sula.

  • “Na e keni tundur për vite me radhë, si shembull suksesi”/ Arrestimi i Mogherinit, Boçi:E ka nxjerrë nga sqetulla e vet

    “Na e keni tundur për vite me radhë, si shembull suksesi”/ Arrestimi i Mogherinit, Boçi:E ka nxjerrë nga sqetulla e vet

    Deputeti i Partisë Demokratike, Luçiano Boçi, gjatë fjalës së tij në seancën plenare të Parlamentit, u ndal te korrupsioni, të cilin e cilësoi si një nga problemet më të mëdha që prekin drejtpërdrejt qytetarët shqiptarë.
    Ai mbështeti shqetësimin e ngritur më herët nga deputetja Ina Zhupa, duke theksuar se çështja e arrestimit të një zyrtare të njohur në institucionet europiane si Federica Mogherini përbën një problem për qytetarët.
    “Nuk është arrestuar thjesht një zyrtare evropiane, por drejtoresha e Kolegjit Europian, që na e keni tundur për vite me radhë si shembull suksesi, edhe pse ka rrëmbyer tokën e universitetit publik të Tiranës,” deklaroi Boçi.
    Deputeti demokrat kërkoi sqarime edhe për ndërprerjen e fjalës së kreut të Partisë Mundësia, Agron Shehaj, nga drejtuesit e seancës parlamentare. “Pse ia mbyllët mikrofonin Shehajt?”, u shpreh ai.
    Boçi akuzoi kryeministrin se është i vetmi në Europë që sulmon haptazi sistemin e drejtësisë “të cilin vetë e ka nxjerrë nga sqetulla e vet”, duke iu referuar hetimeve të SPAK ndaj figurave të larta të mazhorancës. “Ky është shqetësimi bazik i qytetarëve shqiptarë,” theksoi ai.
    Në vijim, Boçi u ndal edhe te paketat ekonomike të qeverisë, duke kritikuar ashpër të ashtuquajturën “paqja fiskale”, e cila sipas tij është kundërshtuar edhe nga institucionet europiane për shkak se dëmton drejtpërdrejt financat e familjeve shqiptare. “Paqja fiskale prek xhepat e çdo qytetari dhe institucionet europiane e kanë thënë qartë këtë,” u shpreh ai.

  • Si humbëm zërin: Reportazh nga Shqipëria që nuk flet më

    Si humbëm zërin: Reportazh nga Shqipëria që nuk flet më

    Si u shua zëri qytetar – Nga Luli Progni

     

    Këtë tetor nisa një bashkëpunim me BIRN për të realizuar disa reportazhe me tema të ndryshme, kryesisht sociale dhe mjedisore. E mora përsipër me dëshirë këtë projekt, sepse ishte punë në terren ku kërkohej komunikim intensiv me komunitete të ndryshme. Temat lidheshin pikërisht me përballjen e komuniteteve me institucionet, për të drejtat e cënuara.

    Nisa nga Durrësi, me banorët e prekur prej projektit TID, të cilët ishin në protestë ato ditë dhe reportazhi dukej i lehtë për t’u realizuar. Intervistova disa banorë të Durrësit, të cilët rrëfyen se si po grabitej prona e tyre, shtëpi ku kanë jetuar me breza… ishin të lënduar se askush nuk po i mbështeste. I pyeta nëse kishin marrë pjesë në ndonjë protestë ku komunitete të tjera kërcënoheshin ngjashëm… me kokën ulur përgjigjeshin: në fakt jo dhe gabim…se ja si vjen puna kur halli na vjen te dera…”

    Për reportazhin tjetër u nisa drejt grevës së urisë të naftëtarëve të Marinzës dhe në skajin tjetër në Spaç, ku minatorët ishin në grevë gjithashtu. Komunikimi ishte i thjeshtë edhe atje, sepse të gjithë ishin të angazhuar për të folur për të drejtat e tyre. Më rrëfyen kushtet e vështira të punës, pagesat e ulëta, diskriminimin në raport me punonjësit e huaj, më rrëfyen se si analizat e tyre tregojnë helme në gjak dhe secili prej tyre vuan nga sëmundje që vijnë si shkak i profesionit.

    Naftëtarë e minatorë, rrëfyen se si kompanitë nuk i trajtojnë nga ana shëndetësore ose në rastin më të keq i falsifikojnë analizat e tyre. “Trajtohemi  si skllevër në pronat tona dhe institucionet shtetërore jo vetëm nuk na mbrojnë por janë bërë palë me kompanitë shfrytëzuese”  – thanë të revoltuar. Grevat u mbyllën pa ndonjë sukses, ndërsa institucionet shqiptare nuk u shfaqën për  asnjë moment. Me shumë gjasë ata nuk do të dalin përsëri në protestë, sepse pas një muaji në grevë nuk patën asnjë rezultat, protesta e humbi kuptimin.

    Puna nisi të bëhej më e vështirë për të tjera tema. Në fshatin Marqinet, pak kilometra larg kryeqytetit, 70 familje mbetën të pastreha nga tërmeti i 26 nëntorit. Prej gjashtë vitesh, dy familje jetojnë në kontenierë në një lagje të këtij fshati. Rrinë aty në të ftohtë e vapë, duke pritur strehën që iu premtua pas tërmetit. Premtime që përsëritën në çdo fushatë, por banorët nuk ankohen më. Dhe heshtja e tyre ka një shpjegim, sepse kur kryeministri shkoi atje në një prej fushatave të fundit për të kërkuar vota, njëri prej banorëve pati guximin të pyesë pse shtëpitë e tyre nuk u ndërtuan kurrë dhe kur do të merrte zgjidhje halli i tyre. Kastriot quhet.

    Përgjigjja e shpejtë e kryeministrit ishte nxjerrja e tij jashtë sallës së aktivitetit me batutat stigmatizuese, ndërsa pjesa tjetër e banorëve që më herët ishin dakortësuar të flisnin për të njëjtin hall, ulën sytë. Tani, as Kastrioti nuk flet më.

    Kur shkova këtë nëntor t’i takoj familjet që jetojnë në kontenier, dolën në derë të acaruar. “Pse na shqetëson? Nuk flasim më.” “Po çfarë keni për të humbur?” i pyeta. “S’kam asgjë… mirë jam këtu.”  “Mirë – do të thotë të mbulosh me teneqe çatinë që pikon?” – vazhdova ta pyesja. “Po ja e mbulojmë me teneqe.. jemi shumë mirë.. nuk kam asnjë ankesë…” – u përgjigjën.

    Në Shqipëri, njerëzit nuk presin më që institucionet shtetërore të kryejnë rolin e tyre, përkundrazi frikësohen prej tyre se mos ua heqin edhe ato pak që u kanë lënë: një kuti të hekurt, ku mund të flenë natën. Ndoshta mijëra të tjerë në lagjen e Kombinatit, Durrës, Krujë, Thumanë, Laç, etj. jetojnë me qera që nuk u paguhet më siç iu patën premtuar, edhe pse 1.15 miliardë € u mblodhën në emrin e tyre.

    Një tjetër temë lidhet me “shkollat pa fëmijë dhe fëmijë pa shkolla”. Shkuam në dhjetra shkolla fshatrash, ku gjetëm godina të kapluara nga heshtja, si muzeume pa asnjë vizitor, me bankat e kthyera përmbys në klasat a braktisura, sikur ora e fundit sapo kishte mbaruar.

    Diku dëgjon vetëm kërcitjen e derës së shkollës që hapet dhe mbyllet nga era, diku tjetër një shkollë ku mësojnë 6 fëmijë dhe kur dalin në pushimin e madh luajnë në oborr bashkë me pulat. Diku tjetër shkolla është kthyer në njësi tregtare hoteleri-shërbimi ku gratë do bëjnë zairetë e dimrit. Në shumë fshatra të tjera nuk ka më as zë, as shpresë, as arsye për të mbajtur shkollën hapur. Janë këto vende ku e kupton se braktisja vjen ngadalë, në heshtje, derisa s’mbetet asnjë për t’u ankuar.

    Një tjetër temë: Lumenjtë në Shqipëri janë një pasuri natyrore, me rrjedha të egra dhe ekosisteme të rralla, por sot ndodhen nën presion nga aktivitetet minerare, hidrokarbure, ndërhyrjet hidroteknike dhe menaxhimi i dobët i mbetjeve, duke e bërë mbrojtjen e tyre një sfidë të madhe mjedisore.

    Në Fushë-Arrëz, lumi Fan vjen i kthjellët nga malet dhe skuqet sapo kalon nën fabrikën e pasurimit të bakrit në shpatin anës qytetit. Ndotja e mbetjeve të minierës shkon deri në arat e fshtrave afër dhe përshkon gjithë luginën deri sa bashkohet me Matin. Uji i ndotur rrjedh drejt rrënjëve të bimëve dhe pemëve me të cilat ushqehen njerëzit e kafshët.

    Banorët nuk guxojnë të flasin, sepse djemtë dhe burrat e tyre punojnë në minierë. Një koleg, gazetar lokal, më tha se disa muaj më heret ishin ankuar në media që mbetjet e minierës kishin hyrë nëpër oborre; e të nesërmen i kërcënuan se do t’i hiqnin nga puna të gjithë. Disa i hoqën. Më pas i kthyen, vetëm pasi banorët premtuan se nuk do të flasin kurrë më. Kur shkojmë t’i takojmë, refuzojnë të hapin portat dhe luten të largohemi: “Ik. Të lutem ik. Mos e afro kamerën.” Aty, drama s’ka nevojë për dialog, frika dhe heshtja flet më fort se çdo intervistë.

    Ndërkohë, institucionet thonë se uji është i pastër. Statistikat thonë se nuk ka të dënuar për krime mjedisore. Disa çështje të krimit mjedisor në shifra minimale ndiqen nga policia, shumë më pak përfundojnë në prokurori dhe asnjë vendim gjykate për dënim të krimit mjedisor. Arsyetimi është tallës sa statistikat e tyre: nuk ka prova, ndërsa uji i kuq i lumit vazhdon të rrjedhë. Nuk ka autorë thotë prokuroria dhe gjykata…

    Pas udhëtimesh në dhjetra fshatra në të katër cepat e Shqipërisë, shoh të njëjtin ritual: frikë, mjerim, heshtje. Një vend ku institucionet janë plotësësisht indiferente, ku kompanitë e huaja marrin gjithçka dhe e lënë tokën të sakatuar. Një vend ku qytetarët nuk flasin më, jo sepse s’kanë çfarë të thonë, por sepse çdo fjalë ka një kosto për ta: humbje e vëndit të punën, strehës, bukës, jetës.

    Kjo përvojë udhëtimesh nëpër Shqipëri më ka trishtuar, por më ka qartësuar se pse dhe si u shua zëri i protestës në këtë vend, ku qytetarin s’ka kush ta mbrojë.

    /Marrë nga Facebook i autores

  • (VIDEO) Ujërat e zeza përmbytin Paskuqanin prej ditësh: institucionet heshtin

    (VIDEO) Ujërat e zeza përmbytin Paskuqanin prej ditësh: institucionet heshtin

    Prej një jave në Paskuqan po vijon një situatë e rënduar për banorët, pasi ujërat e zeza kanë dalë në sipërfaqe duke shkaktuar ndotje, erë të rëndë dhe vështirësi në lëvizje.
    Problemi, sipas banorëve, është bërë i përsëritur dhe deri tani nuk ka pasur asnjë ndërhyrje të dukshme nga institucionet përgjegjëse.
    Banorët thonë se situata është përkeqësuar për shkak të ritmit të shpejtë të ndërtimeve në zonë. Ata shprehen se kanalizimet ekzistuese nuk po përballojnë ngarkesën e rritur dhe se mungesa e planifikimit urban po u prek drejtpërdrejt përditshmërinë.
    “Vetëm ndërtime, ndërtime. Kanalizimet janë bërë copa-copa,” shkruan një qytetar, për JOQ duke kërkuar që institucionet të marrin masa urgjente për të shmangur përhapjen e ndotjes dhe rrezikun për shëndetin publik.

     

  • Lejet e ndërtimit, INSTAT: Institucionet shtetërore i ‘fshehin’,  bashkitë miratuan 289 në verë, rekord Tirana

    Lejet e ndërtimit, INSTAT: Institucionet shtetërore i ‘fshehin’,  bashkitë miratuan 289 në verë, rekord Tirana

    Prej 6 muajsh Instituti i Statistikave ngre shqetësimin për mungesën e të dhënave nga institucionet qendrore për lejet e ndërtimit që ato japin. Njëjtë si në tremujorin e dytë të vitit, edhe në raportin e fundit për tremujorin e tretë për ‘Lejet e ndërtimit’, INSTAT thotë se shifrat e lejeve nuk mund të krahasohen me 2024-ën pasi nuk janë shifrat totale. Kjo për shkak se institucionet shtetërore që miratojnë leje ndërtimi, siç është Këshilli Kombëtar i Territorit, që aprovon lejet për kullat apo resortet e mëdha nuk kanë raportuar të dhëna mbi lejet e aprovuara. Pra edhe pse shifrat për periudhën e verës tregojnë për një ulje të numrin krahasuar me verën e 2024-ës, kjo nuk është plotësisht e vërtetë pasi institucionet qendrore po ‘fshehin’ të dhënat.
    “Duke qenë se ende nuk ka një raportim të standardizuar dhe të plotë nga të gjitha këto ente pranë INSTAT, të dhënat e publikuara për tremujorin e tretë bazohen vetëm në burimet bashkiake. Të dhënat e publikuara në tremujorin e tretë 2025, nuk mund të krahasohen me të dhënat e tremujorit të tretë 2024”, thuhet në raportin e INSTAT. Në total bashkitë kanë dhënë në këtë tremujor të tretë të vitit 289 leje me sipërfaqe 350.603 metra katror, me vlerë totale 15,9 miliardë lekë ose rreth 160 milionë euro. “Qarku i Tiranës mban peshën kryesore me 93 leje ndërtimi të reja dhe sipërfaqe ndërtimi 252.026 metër katror”, thuhet në raportin e INSTAT. Ndërsa si periudhë 9 mujore bashkitë kanë miratuar në total 899 leje ndërtimi, ku vijon trendi i shtimit të kullave, për shkak edhe të pakësimit të trojeve për të ndërtuar.

  • Profil/ Kush është Joni Keta, hetuesi që u propozua për kreun e BKH-së

    Profil/ Kush është Joni Keta, hetuesi që u propozua për kreun e BKH-së

    Komisioni i posaçëm i ngritur nga SPAK ka propozuar zyrtarisht Joni Ketën për postin e drejtuesit të Byrosë Kombëtare të Hetimit (BKH), një nga institucionet kyçe të sistemit të drejtësisë dhe luftës kundër korrupsionit në vend.
    Kush është hetuesi që SPAK i beson për drejtimin e BKH-së?!Komisioni i përbërë nga prokurorët e SPAK ka vlerësuar performancën profesionale, eksperiencën dhe integritetin e Ketës, duke i dhënë atij vlerësimin më të lartë mes kandidatëve të paraqitur në garë.
    Aktualisht, Joni Keta mban detyrën e zëvendësdrejtorit të BKH-së, si edhe ka shërbyer për disa muaj si drejtues i komanduar i institucionit. Përvoja e tij në hetime të specializuara dhe kontributi në strukturën e BKH-së janë ndër elementet që kanë ndikuar në propozimin e tij të sotëm.
    Dosja e tij tashmë i është dërguar Këshillit të Lartë të Prokurorisë (KLP), i cili pritet të marrë vendimin përfundimtar mbi emërimin më datë 2 dhjetor. Nëse miratohet, Joni Keta do të marrë drejtimin e BKH-së për një mandat 5-vjeçar, në përputhje me ligjin për SPAK dhe BKH.
    Emërimi i ri vjen në një moment kur institucionet e drejtësisë po kërkojnë të forcojnë kapacitetet hetimore, sidomos në fushat që lidhen me korrupsionin e niveleve të larta, krimin ekonomik dhe investigimet komplekse.

  • “Deklaratat e Kos për zgjedhjet minojnë besimin e shqiptarëve te institucionet evropiane”/ PD notë-verbale delegacionit të BE

    “Deklaratat e Kos për zgjedhjet minojnë besimin e shqiptarëve te institucionet evropiane”/ PD notë-verbale delegacionit të BE

    Kryetari i Grupit Parlamentar të Partisë Demokratike Gazment Bardhi, në emër të opozitës, i ka paraqitur një Notë-Verbale Delegacionit të Bashkimit Europian në Tiranë, lidhur me deklaratat e Komisioneres Marta Kos për zgjedhjet e 11 Majit.
    Bëhet fjalë për konferencën për shtyp të datës 21 nëntor 2025 në Tiranë, e mbajtur bashkë me Kryeministrin z. Edi Rama. E pyetur nga media, Komisionerja deklaroi: “Zgjedhjet ishin të lira dhe të ndershme. Është gjithmonë mirë kur marrim sugjerime për përmirësime, dhe kjo është një gjë e mirë për Shqipërinë dhe Bashkimin Evropian.”.

    “Ne shprehim me respekt shqetësimin tonë se ky vlerësim nuk pasqyron realitetin e vërejtur gjatë procesit zgjedhor. Një deklaratë e tillë duket e papërputhshme me gjetjet e OSBE-ODIHR, nuk merr parasysh qëndrimet e shprehura nga Anëtarët e Parlamentit Evropian që shërbyen si vëzhgues të zgjedhjeve në Shqipëri dhe rrezikon të ndikojë besimin e qytetarëve shqiptarë tek institucionet e Bashkimit Evropian.”- shkruan Bardhi.

  • “Disa prokurime bëhen me 99% të fondit limit, e të tjera kursejnë deri në 20%”, Xhafaj në Kuvend: Disa institucione fshihen pas alibisë që…

    “Disa prokurime bëhen me 99% të fondit limit, e të tjera kursejnë deri në 20%”, Xhafaj në Kuvend: Disa institucione fshihen pas alibisë që…

    Deputeti i PS Fatmir Xhafaj, nga foltorja e Kuvendit ku po diskutohet buxheti 2026, u shpreh se nuk mjafton vetëm të rriten fondet buxhetore, por ato duhet të shpenzohen me eficencë, për të garantuar zhvillim, kujdes social dhe vende pune.

    Sipas tij Xhafajt një pjesë e fondeve nuk realizohet, duke nxjerrë në pah problematikat e administrimit të tyre nga institucionet dhe agjencitë përkatëse.
    “Po përtej asaj çfarë ka racionale në këtë histori, personalisht besoj se në jo pak raste kjo është një alibi mbas së cilës fshihet një problematikë tjetër me vetë institucionet e agjencitë që merren me administrimin e fondeve buxhetore”, tha ai
    “Në qendër të çdo buxheti nuk është shifra, por rezultati. Prandaj, nuk mjafton të rrisim fondet; duhet t’i shpenzojmë drejt, me eficencë. Keqardhje kur sheh që një pjesë e mirë e fondeve buxhetore nuk realizohen. Kjo do të thotë më pak zhvillim, më pak kujdes social me pak vende pune.
    Pse ndodh kjo? Disa thonë që lidhet me drejtësinë e re dhe kryesisht me institucionet e drejtesise penale. Mund të jetë kështu, por askush nuk thotë çfarë konkretisht.
    Mund të ketë dhe unë besoj se ka diçka, ndaj në seancat e mëparshme kam ngritur shqetësimin dhe kam kërkuar që të tregohet kujdes me penalizimin e administratës dhe biznesit në këtë vend, për një kulturë e qasje tjetër nga strukturat e drejtësisë penale në këtë aspekt. Kjo kërkon të ulen palët në tavolinë për dialog dhe të shohin se cilat janë reflektimet që duhen bërë.
    Po përtej asaj çfarë ka racionale në këtë histori, personalisht besoj se në jo pak raste kjo është një alibi mbas së cilës fshihet një problematikë tjetër me vetë institucionet e agjencitë që merren me administrimin e fondeve buxhetore. Nisur dhe nga raportimet e bëra në komision rezulton se një pjesë e kanë realizuar mbi 90% buxhetin e përcaktuar për investime, por edhe për mallra e shërbime. Atëherë si shpjegohet që disa e realizojnë e disa jo buxhetin e akorduar në vitin përkatës buxhetor?
    Si shpjegohet që disa i realizojnë prokurimet në fondin limit 99% dhe disa arrijnë të kursejnë deri në 20% të fondit të prokuruar? Besoj se ka disa faktorë që ndikojnë në këtë realitet.
    Ndër të tjera kjo lidhet me drejtimin e institucioneve, me aftësitë menaxhuese të drejtuesve dhe sidomos me aftësinë për të zgjedhur njerëzit e përshtatshëm në këto procese, me motivimin dhe mbështetjen e tyre për të punuar të qetë dhe në liri të zbatojnë drejt ligjin dhe përgjegjësitë përkatëse,” tha Xhafaj.

    Top Channel