Lajmidites.com

Tag: guvernatori

  • Sulm me dronë në një kompleks pallatesh në Ukrainë, raportohet për shtatë të plagosur

    Sulm me dronë në një kompleks pallatesh në Ukrainë, raportohet për shtatë të plagosur

    Të paktën shtatë persona u plagosën pasi dronët rusë goditën një kompleks banimi në qytetin Okhtyrka, në rajonin verior të Sumy, njoftoi sot guvernatori lokal Oleh Khryhorov.

    Rajoni i Sumy, që kufizohet drejtpërdrejt me Rusinë, ka qenë nën bombardime pothuajse të përditshme që prej fillimit të pushtimit më 2022, teksa konflikti po i afrohet vitit të katërt.

    Sipas Khryhorov, i cili e publikoi njoftimin në Telegram, të plagosurit janë dërguar menjëherë në spital. Dy prej tyre janë shtruar për trajtim, ndërsa pjesa tjetër ka marrë ndihmën e parë dhe është larguar pa u ndalur në spital.

    Guvernatori shtoi se godina shumëkatëshe e banimit ka pësuar dëme të konsiderueshme. Disa prej banorëve arritën të strehohen në bodrum menjëherë pas sirenave të sulmit ajror, ndërsa ekipet e emergjencës kanë shpëtuar persona të tjerë nga katet e larta të ndërtesës.

    Reuters raporton se nuk ka mundur të verifikojë në mënyrë të pavarur deklaratat e autoriteteve ukrainase. Nga ana ruse, Moska nuk ka dhënë ende një koment për goditjen.

    Të dyja palët mohojnë se synojnë civilët, por gjatë më shumë se tre viteve luftë, mijëra njerëz kanë humbur jetën, shumica dërrmuese civilë ukrainas.

  • Guvernatori i Teksasit shpall dy grupe myslimane si ‘terroriste’

    Guvernatori i Teksasit shpall dy grupe myslimane si ‘terroriste’

    Autoritetet në shtetin amerikan të Teksasit njoftuan të martën se kishin shpallur dy organizata myslimane , njëra prej të cilave është Vëllazëria Myslimane, si ” terroriste “.

    Përveç Vëllazërisë Myslimane, guvernatori republikan i Teksasit, Greg Abbott , vendosi gjithashtu Këshillin për Marrëdhëniet Amerikano-Islamike (CAIR), një nga organizatat kryesore amerikane për të drejtat e myslimanëve, në listën e zezë të shtetit të organizatave terroriste.

    Ky vendim “i ndalon ata të blejnë ose të përvetësojnë tokë në Teksas” dhe u lejon prokurorëve të “ngrenë akuza për t’i mbyllur ato”, shpjegoi Guvernatori i Teksasit Abbott nëpërmjet X.
    CAIR, e cila ka rreth tridhjetë degë në të gjithë vendin, përfshirë tre në Teksas, denoncoi veprimin “shpifës” përmes X, i cili “nuk ka lidhje me faktet apo ligjin”.

    Organizata, e cila kundërshton politikën amerikane ndaj luftës në Rripin e Gazës, akuzoi Guvernatorin Abbott për mbrojtjen e politikës izraelite dhe për nxitjen e “histerisë anti-muslimane për të diskredituar muslimanët amerikanë që kritikojnë qeverinë izraelite” për muaj të tërë.

    Guvernatori i Teksasit ka shprehur publikisht mbështetjen e tij të palëkundur për Izraelin dhe i ka quajtur protestat studentore pro-palestineze në Teksas që nga fillimi i luftës në Gaza më 7 tetor 2023, antisemite.

    Përcaktimi i subjekteve si terroriste zakonisht i lihet autoriteteve federale, jo shtetërore.

    Megjithatë, Greg Abbott e përcaktoi bandën Tren de Aragua me bazë në Venezuelë si një “organizatë terroriste të huaj” në shtator 2024, muaj para se aleati i tij, Presidenti Donald Trump, të bënte të njëjtën gjë në nivel federal në shkurt 2025, pasi u kthye në Shtëpinë e Bardhë.

    Duke reaguar ndaj një plani për të blerë tokë nga myslimanët, të caktuar posaçërisht për ndërtimin e një xhamie islamike, guvernatori gjithashtu promovoi një ligj në shtator që ndalon krijimin e vendeve në Teksas ku zbatohet sheriati, ligji islamik.

  • Guvernatori Sejko prezanton monedhën e re për 100 vjetorin e Bankës së Shqipërisë

    Guvernatori Sejko prezanton monedhën e re për 100 vjetorin e Bankës së Shqipërisë

    Në konferencën e organizuar për 100 vjetorin e Bankës së Shqipërisë, guvernatori Gent Sejko ka prezantuar dhe një monedhë të re me rastin e këtij viti jubilar për këtë institucion.
    Bëhet fjalë për një monedhë me vlerë 100 lekë, e cila sipas guvernatorit Sejko, nuk do të hidhet në treg por është përgatitur vetëm për këtë event.
    “Është monedhë numizmatike pa kurs ligjor. Ku ka një djalë fshatar dhe Asdrenin. Në krahun tjetër është shenja e 100 vjetorit”, tha Sejko.
    Banka e Shqipërisë ka të drejtën të emetojë kartëmonedha, monedha dhe medaljone për qëllime numizmatike. Ato përkujtojnë ngjarje dhe personalitete të rëndësishme.
    Në vitin 1926 Banka Kombëtare e Shqipërisë shtypi për herë të parë një monedhë qarkullimi, e cila kishte edhe qëllime përkujtimore. Ajo ishte monedha 20 Franga Ar e vitit 1926 dhe përkujtonte “Paktin e Miqësisë dhe Sigurisë” që Italia dhe Shqipëria nënshkruan në vitin 1926.
    Kartëmonedha e parë e qarkullimit, e cila kishte edhe qëllime përkujtimore ishte 20 Skënder i emetuar nga Katundaria e Korçës në 1921. Ajo përkujtonte konfirmimin e kufijve politiko-administrativë të Shqipërisë në Konferencën e Ambasadorëve në Paris (Lidhja e Kombeve), nëntor 1921 .

  • ‘Ekonomia shqiptare në rënie’/ Kedhi: Guvernatori përsërit propagandën e qeverisë, jo realitetin ekonomik

    ‘Ekonomia shqiptare në rënie’/ Kedhi: Guvernatori përsërit propagandën e qeverisë, jo realitetin ekonomik

    Eksperti i marrëdhënieve ndërkombëtare dhe anëtari i BrainGain në Partinë Demokratike, Nikola Kedhi, i ftuar në edicionin e orës 16:00 në Syri TV, deklaroi se Shqipëria po dështon të mbështesë Kosovën në arenën ndërkombëtare dhe po pozicionohet në mënyrë të gabuar në raport me faktorët rajonalë.“Mua më erdhi keq që sërish në arenën ndërkombëtare Shqipëria, jo vetëm që nuk i del në krah Kosovës, por përkundrazi, indirekt mban edhe krah të faktorit serb në Ballkan dhe prokseve të Rusisë,” u shpreh Kedhi.
    Ai kritikoi ashpër edhe mënyrën e sjelljes së kryeministrit Edi Rama me homologun e Malit të Zi, duke e cilësuar të papërshtatshme dhe jo dinjitoze për përfaqësimin e Republikës së Shqipërisë. “Batuta pa hijeshi, pa kripë, nuk janë mënyra që përfaqësojnë denjësisht vendin tonë,” shtoi ai.Në vijim, Kedhi komentoi retorikën e Ramës ndaj Mbretërisë së Bashkuar, duke e quajtur të papranueshme për një vend mik dhe aleat të Shqipërisë. Ai theksoi se deklaratat për politikanët britanikë, përfshirë Nigel Farage, tregojnë mungesë respekti diplomatik.Sa i përket gjendjes ekonomike, Kedhi vlerësoi se raportimi i guvernatorit të Bankës së Shqipërisë në Komisionin e Ekonomisë ishte “krejtësisht i shkëputur nga realiteti”. “M’u duk sikur raportonte për një vend tjetër, jo për Shqipërinë. Nuk kishte asnjë lidhje me ekonominë shqiptare,” deklaroi ai.Sipas tij, propaganda qeveritare për “rritje të qëndrueshme” dhe “forcim të lekut” nuk mbështetet në fakte reale, pasi “të gjithë indikatorët ekonomikë janë në rënie dhe sektorët kryesorë janë në ngadalësim ose recesion”.“Prisja një raportim më serioz, më profesional dhe më objektiv nga guvernatori. Faktet ekonomike janë të ftohta dhe të pamëshirshme,” vijoi Kedhi.Kedhi:Mua më erdhi keq që sërish në arenën ndërkombëtare Shqipëria jo vetëm që nuk i del në krah Kosovës, por përkundrazi, indirekt mban edhe krah të faktorit serb në Ballkan dhe prokseve të Rusisë në Ballkan.Nga ana tjetër, nuk më duk aspak një sjellje dinjitoze mënyra e reagimit me kryeministrin e Malit të Zi, batuta pa ndonjë hijeshi, pa kripë, që bënte me homologun e vet, sërish nuk është një sjellje që do duhej të përfaqësonte Republikën e Shqipërisë.Dhe retorika e tij me Mbretërinë e Bashkuar, me një vend aleat, me një vend mik, dhe ato deklarata për të zgjedhurit me votë të Mbretërisë së Bashkuar, qoftë me përfaqësues të partisë konservatore apo me zotin Farage që është sot lideri de facto i opozitës sepse është lideri i partisë më të madhe në sondazhe.Unë dëgjova raportimin e guvernatorit të Bankës së Shqipërisë në Komisionin e Ekonomisë javën e kaluar dhe të jem shumë i sinqertë me ju, më duk sikur ose ishte një guvernator i një shteti tjetër, ose guvernatori ynë kishte vajtur të raportonte për ekonominë e ndonjë vendi tjetër, sepse nuk kishte asnjë lidhje me ekonominë e Shqipërisë, gjithçka çfarë po thoshte guvernatori.Fliste për rritje të qëndrueshme, fliste për përparim, ndërkohë që edhe më parë forcimin e lekut e shpjegonte me rritjen e ekonomisë, por pavarësisht se propaganda mund të thotë gjithë këta elementë, mua më vjen keq që guvernatori i një institucioni të pavarur përsërit fjalët e qeverisë dhe të propagandës së qeverisë, ndërkohë faktet ekonomike janë të ftohta dhe janë të pamëshirshme.Ne e shikojmë që të gjithë elementët e ekonomisë janë në rënie, janë ose në recesion sektorë të ndryshëm të rëndësishëm të ekonomisë, ose të ngadalësuar, ndaj unë nuk e dalloj ku është entuziazmi i guvernatorit për ekonominë shqiptare.Prisja, me thënë të drejtën, një raportim shumë më serioz, shumë më profesional dhe më objektiv.

  • ‘Ekonomia shqiptare në rënie, faktet janë të pamëshirshme’/ Kedhi: Guvernatori përsërit propagandën e qeverisë, jo realitetin ekonomik

    ‘Ekonomia shqiptare në rënie, faktet janë të pamëshirshme’/ Kedhi: Guvernatori përsërit propagandën e qeverisë, jo realitetin ekonomik

    Eksperti i marrëdhënieve ndërkombëtare dhe anëtari i BrainGain në Partinë Demokratike, Nikola Kedhi, i ftuar në edicionin e orës 16:00 në Syri TV, deklaroi se Shqipëria po dështon të mbështesë Kosovën në arenën ndërkombëtare dhe po pozicionohet në mënyrë të gabuar në raport me faktorët rajonalë.

    “Mua më erdhi keq që sërish në arenën ndërkombëtare Shqipëria, jo vetëm që nuk i del në krah Kosovës, por përkundrazi, indirekt mban edhe krah të faktorit serb në Ballkan dhe prokseve të Rusisë,” u shpreh Kedhi.

    Ai kritikoi ashpër edhe mënyrën e sjelljes së kryeministrit Edi Rama me homologun e Malit të Zi, duke e cilësuar të papërshtatshme dhe jo dinjitoze për përfaqësimin e Republikës së Shqipërisë. “Batuta pa hijeshi, pa kripë, nuk janë mënyra që përfaqësojnë denjësisht vendin tonë,” shtoi ai.

    Në vijim, Kedhi komentoi retorikën e Ramës ndaj Mbretërisë së Bashkuar, duke e quajtur të papranueshme për një vend mik dhe aleat të Shqipërisë. Ai theksoi se deklaratat për politikanët britanikë, përfshirë Nigel Farage, tregojnë mungesë respekti diplomatik.

    Sa i përket gjendjes ekonomike, Kedhi vlerësoi se raportimi i guvernatorit të Bankës së Shqipërisë në Komisionin e Ekonomisë ishte “krejtësisht i shkëputur nga realiteti”. “M’u duk sikur raportonte për një vend tjetër, jo për Shqipërinë. Nuk kishte asnjë lidhje me ekonominë shqiptare,” deklaroi ai.

    Sipas tij, propaganda qeveritare për “rritje të qëndrueshme” dhe “forcim të lekut” nuk mbështetet në fakte reale, pasi “të gjithë indikatorët ekonomikë janë në rënie dhe sektorët kryesorë janë në ngadalësim ose recesion”.

    “Prisja një raportim më serioz, më profesional dhe më objektiv nga guvernatori. Faktet ekonomike janë të ftohta dhe të pamëshirshme,” vijoi Kedhi.

    Kedhi:

    Mua më erdhi keq që sërish në arenën ndërkombëtare Shqipëria jo vetëm që nuk i del në krah Kosovës, por përkundrazi, indirekt mban edhe krah të faktorit serb në Ballkan dhe prokseve të Rusisë në Ballkan.
    Nga ana tjetër, nuk më duk aspak një sjellje dinjitoze mënyra e reagimit me kryeministrin e Malit të Zi, batuta pa ndonjë hijeshi, pa kripë, që bënte me homologun e vet, sërish nuk është një sjellje që do duhej të përfaqësonte Republikën e Shqipërisë.

    Dhe retorika e tij me Mbretërinë e Bashkuar, me një vend aleat, me një vend mik, dhe ato deklarata për të zgjedhurit me votë të Mbretërisë së Bashkuar, qoftë me përfaqësues të partisë konservatore apo me zotin Farage që është sot lideri de facto i opozitës sepse është lideri i partisë më të madhe në sondazhe.

    Unë dëgjova raportimin e guvernatorit të Bankës së Shqipërisë në Komisionin e Ekonomisë javën e kaluar dhe të jem shumë i sinqertë me ju, më duk sikur ose ishte një guvernator i një shteti tjetër, ose guvernatori ynë kishte vajtur të raportonte për ekonominë e ndonjë vendi tjetër, sepse nuk kishte asnjë lidhje me ekonominë e Shqipërisë, gjithçka çfarë po thoshte guvernatori.

    Fliste për rritje të qëndrueshme, fliste për përparim, ndërkohë që edhe më parë forcimin e lekut e shpjegonte me rritjen e ekonomisë, por pavarësisht se propaganda mund të thotë gjithë këta elementë, mua më vjen keq që guvernatori i një institucioni të pavarur përsërit fjalët e qeverisë dhe të propagandës së qeverisë, ndërkohë faktet ekonomike janë të ftohta dhe janë të pamëshirshme.

    Ne e shikojmë që të gjithë elementët e ekonomisë janë në rënie, janë ose në recesion sektorë të ndryshëm të rëndësishëm të ekonomisë, ose të ngadalësuar, ndaj unë nuk e dalloj ku është entuziazmi i guvernatorit për ekonominë shqiptare.

    Prisja, me thënë të drejtën, një raportim shumë më serioz, shumë më profesional dhe më objektiv.

  • Mbledhjet Vjetore të FMN dhe Bankës Botërore, Guvernatori Sejko zhvillon takime me zyrtarë në Uashington

    Mbledhjet Vjetore të FMN dhe Bankës Botërore, Guvernatori Sejko zhvillon takime me zyrtarë në Uashington

    Në datat 16 – 18 tetor 2025, Guvernatori i Bankës së Shqipërisë, z. Gent Sejko, mori pjesë në Mbledhjet Vjetore të Fondit Monetar Ndërkombëtar (FMN) dhe të Grupit të Bankës Botërore (BB), të zhvilluara në Uashington DC, SHBA.
    Këto mbledhje përfaqësojnë një forum të nivelit të lartë, ku vendimmarrësit e FMN-së dhe BB-së, guvernatorët dhe ministrat e financave të vendeve anëtare në këto institucione financiare ndërkombëtare, mblidhen së bashku për të diskutuar rreth zhvillimeve më të fundit të ekonomisë botërore.
    Banka e Shqipërisë u përfaqësua në këto takime me një delegacion të kryesuar nga Guvernatori, z. Gent Sejko, Zëvendësguvernatorja e Parë, zj. Luljeta Minxhozi, si dhe drejtues të tjerë.
    Në kuadër të këtyre aktiviteteve, Guvernatori Sejko zhvilloi një sërë takimesh të rëndësishme me personalitete të njohura të fushës financiare ndërkombëtare, ndër të cilët veçojmë: Drejtorin Ekzekutiv për Shqipërinë në FMN, z. Riccardo Ercoli; Drejtorin e Departamentit Evropian në FMN, z. Alfred Kammer; Këshilltaren Rajonale pranë Departamentit Monetar dhe Tregjeve Kapitale, zj. Mary Goodman; Shefen e Misionit të FMN-së, zj. Anke Weber, Zëvendëspresidenten për Rajonin e Evropës dhe Azisë Qendrore në BB, zj. Antonella Bassani; Drejtorin Ekzekutiv për Shqipërinë në BB, z. Matteo Bugamelli; Drejtoren Rajonale për Ballkanin Perëndimor në BB, zj. Xiaoqing Yu; Drejtuesin e Ekipit të Këshillimit dhe Partneriteteve pranë Departamentit të Menaxhimit të Aseteve dhe Shërbimeve Këshilluese në BB, z. Marco Ruiz.
    Gjatë këtyre takimeve, Guvernatori Sejko i njohu përfaqësuesit e FMN-së dhe BB-së me zhvillimet më të fundit ekonomike dhe financiare në vend, si dhe perspektivën e tyre për të ardhmen; politikën monetare të ndjekur nga Banka e Shqipërisë dhe masat e marra për ruajtjen dhe forcimin e shëndetit të sektorit bankar dhe stabilitetit financiar të vendit.
    Pavarësisht sfidave, ekonomia shqiptare ka treguar qëndrueshmëri dhe rritje në dy vitet e fundit, me një normë mesatare rritjeje të PBB-së prej rreth 3.5% në vit. Inflacioni ka qëndruar i ulët dhe i qëndrueshëm pranë objektivit prej 3%, ndërsa tregu i punës ka shënuar një papunësi në nivele historikisht të ulëta dhe rritje të pagave.
    Guvernatori vuri në dukje se politikat makroekonomike kanë qenë të kujdesshme dhe të koordinuara: politika fiskale ka vijuar të jetë e konsoliduar, duke zvogëluar borxhin publik; ajo monetare ka qenë lehtësuese, me qëllim mbajtjen e pritshmërive të inflacionit të ankoruara; si dhe politika makroprudenciale ka synuar parandalimin e rreziqeve në sektorin bankar dhe tregun e pasurive të patundshme.
    Ai shtoi se investimet dhe konsumi privat mbetën motorët kryesorë të rritjes, në veçanti sektori i shërbimeve dhe turizmi kontribuuan pozitivisht.
    Në lidhje me perspektivën afatmesme, Guvernatori Sejko theksoi se rritja ekonomike pritet të ruajë një ritëm të qëndrueshëm, ndërsa inflacioni të arrijë nivelin objektiv në vitin 2026. Ai shtoi se rreziqet kryesore vijnë nga faktorët e jashtëm, përfshirë ngadalësimin ekonomik në partnerët tregtarë dhe tensionet gjeopolitike, ndërsa anët pozitive janë perspektiva e integrimit në BE dhe plani i ri i rritjes për Ballkanin Perëndimor. Politika monetare do të mbetet e fokusuar në stabilitetin e çmimeve, ndërsa politika fiskale do të vazhdojë konsolidimin. Në fokus kryesor mbetet stabiliteti monetar dhe financiar, të cilët janë baza për rritje të qëndrueshme ekonomike.
    Një tjetër çështje e diskutuar ishte inovacioni në sektorin financiar, për të cilën Guvernatori u shpreh se Banka e Shqipërisë ka qenë e angazhuar intensivisht në përmirësimin e sistemeve të pagesave, ku fryti kryesor ishte integrimi i Shqipërisë në sistemin e pagesave të BE-së. Nën drejtimin e Bankës së Shqipërisë, Shqipëria u anëtarësua në SEPA në vitin 2024 përmes harmonizimit rregullator dhe përditësimit të infrastrukturës, si dhe nga 7 tetori 2025 nisën pagesat e para në tregun unik të pagesave me 40+ vende.
    Së fundmi, Guvernatori theksoi se bashkëpunimi me institucionet evropiane dhe ndërkombëtare ka qenë thelbësor për menaxhimin e rreziqeve dhe mbështetjen e stabilitetit financiar të vendit. Në këtë kontekst, roli i FMN-së dhe BB-së ka qenë i rëndësishëm për të forcuar kapacitetet dhe për të ndihmuar në zbatimin e politikave të duhura.Përfaqësuesit e FMN-së dhe BB-së përgëzuan BSH-në për anëtarësimin në SEPA, një arritje e rëndësishme e Bankës së Shqipërisë për modernizimin e sistemit financiar të vendit dhe një hap konkret drejt integrimit në Bashkimin Evropian.
    Gjithashtu ata u shprehën pozitivisht lidhur me progresin e bërë nga Shqipëria në drejtim të zhvillimit ekonomik, si dhe kontributin e Bankës së Shqipërisë në këtë zhvillim. Sipas tyre, bankat qendrore janë shtylla stabiliteti në kohë pasigurie, duke mbrojtur ekonominë dhe duke ndihmuar në ndërtimin e rezistencës për të ardhmen.
    Një vlerësim i veçantë u shpreh edhe për procesin e integrimit evropian të Shqipërisë, i cili ofron mundësi të shumta për nxitjen e investimeve të huaja direkte në vend, si dhe u theksua nevoja për përparimin e reformave strukturore në këtë drejtim.
    Përfaqësuesit e FMN-së dhe BB-së theksuan rëndësinë e bashkëpunimit të deritanishëm me Bankën e Shqipërisë dhe vazhdimin e tij nëpërmjet asistencës teknike. Në fokus ishin edhe përpjekjet e Bankës së Shqipërisë për përmirësimet dhe risitë e vazhdueshme në sistemet e pagesave, dhe implementimin e projektit për pagesat e menjëhershme nëpërmjet TIPS clone.
    Përfaqësuesit e FMN-së vlerësuan pozitivisht regjimin e lirë të kursit të këmbimit në Shqipëri, duke e cilësuar atë si një mekanizëm që ka ndihmuar në ruajtjen e stabilitetit makroekonomik dhe në përthithjen e goditjeve të jashtme, me një rol të rëndësishëm në përballimin e presioneve inflacioniste dhe në ruajtjen e stabilitetit të çmimeve. Kursi i këmbimit duhet të lejohet të përshtatet më fleksibël ndaj zhvillimeve të tregut, ndërsa ndërhyrjet e bankës qendrore duhet të mbeten një mjet në funksion të përmbushjes së mandatit primar, atij të stabilitetit të çmimeve, dhe për të zbutur luhatjet që burojnë nga faktorë spekulativë.
    Guvernatori Sejko dhe përfaqësuesit e FMN-së dhe BB-së dakortësuan lidhur me vazhdimin e bashkëpunimit midis institucioneve dhe vijimit të ofrimit të asistencës teknike në të ardhmen në fusha si mbikëqyrja bankare, sistemet e pagesave, aspektet ligjore etj.
    Gjatë qëndrimit në Uashington, delegacioni pati rastin të zhvillojë dhe takime me homologë nga vende të ndryshme, ku u diskutua mbi zhvillimin e mëtejshëm të marrëdhënieve dypalëshe, me qëllim thithjen e asistencës teknike për çështje specifike.
    Në kuadër të këtyre mbledhjeve, Guvernatori Sejko dhe përfaqësuesit e BSH-së morën pjesë në seancën plenare të Komitetit Ndërkombëtar Monetar e Financiar të FMN-së, si dhe në seancën plenare të Mbledhjeve Vjetore të FMN-BB.
    Guvernatori Sejko ishte gjithashtu i ftuar në një mëngjes pune me ministrat e financave dhe guvernatorët e bankave qendrore, të organizuar nga Drejtori i Departamentit Evropian pranë FMN-së, z. Alfred Kammer, gjatë të cilit ai prezantoi zhvillimet makroekonomike në Shqipëri, sektorët kryesorë të zhvillimit, si dhe potencialin që vendi paraqet për investitorët e huaj.

  • Mbledhjet vjetore të FMN dhe Bankës Botërore në Uashington, merr pjesë edhe guvernatori Sejko: Rritje mesatare në ekonominë e Shiqipërisë

    Mbledhjet vjetore të FMN dhe Bankës Botërore në Uashington, merr pjesë edhe guvernatori Sejko: Rritje mesatare në ekonominë e Shiqipërisë

    Në datat 16-18 tetor 2025, Guvernatori i Bankës së Shqipërisë, Gent Sejko, udhëhoqi delegacionin shqiptar në Mbledhjet Vjetore të Fondit Monetar Ndërkombëtar (FMN) dhe Grupit të Bankës Botërore (BB), të zhvilluara në Uashington DC, SHBA.

    Këto mbledhje përfaqësojnë një forum të nivelit të lartë, ku guvernatorë bankash qendrore dhe ministra financash nga vende anëtare diskutojnë zhvillimet më të fundit të ekonomisë botërore dhe sfidat globale.
    Gjatë aktivitetit, Guvernatori Sejko zhvilloi takime të rëndësishme me drejtues të FMN-së dhe Bankës Botërore, duke përfshirë Drejtorin Ekzekutiv për Shqipërinë në FMN, Riccardo Ercoli, dhe Zëvendëspresidenten për Evropën dhe Azinë Qendrore në BB, Antonella Bassani.
    Në këto takime u prezantuan zhvillimet ekonomike dhe financiare në Shqipëri, duke theksuar politikën monetare të kujdesshme të Bankës së Shqipërisë, stabilitetin e sektorit bankar dhe performancën pozitive të ekonomisë shqiptare.
    Ekonomia shqiptare ka treguar qëndrueshmëri dhe rritje mesatare prej rreth 3.5% në dy vitet e fundit, me inflacion të qëndrueshëm pranë objektivit prej 3% dhe papunësi në nivele historikisht të ulëta. Investimet dhe konsumi privat mbeten motorët kryesorë të rritjes, ndërsa sektori i shërbimeve dhe turizmi kanë kontribuar pozitivisht.
    Guvernatori Sejko vuri në dukje rëndësinë e politikave fiskale dhe monetare të koordinuara, si dhe masat makroprudenciale për ruajtjen e stabilitetit financiar. Ai theksoi gjithashtu angazhimin e Bankës së Shqipërisë në përmirësimin e sistemeve të pagesave, përfshirë integrimin e vendit në sistemin e pagesave të BE-së (SEPA), me fillimin e pagesave në tregun unik që nga tetori 2025.
    Në fokus të diskutimeve ishte edhe perspektiva afatmesme ekonomike, ku pritet një rritje e qëndrueshme dhe inflacion që do të rikthehet pranë objektivit në vitin 2026. Rreziqet kryesore lidhen me faktorë të jashtëm, përfshirë ngadalësimin ekonomik të partnerëve tregtarë dhe tensionet gjeopolitike, ndërsa integrimi në Bashkimin Europian mbetet një shans i rëndësishëm për zhvillimin ekonomik.
    Përfaqësuesit e FMN-së dhe Bankës Botërore vlerësuan progresin e Shqipërisë dhe bashkëpunimin e frytshëm me Bankën e Shqipërisë, duke e cilësuar bankën qendrore si një shtyllë stabiliteti në kohë pasigurie.
    Gjatë qëndrimit në Uashington, delegacioni zhvilloi edhe takime dypalëshe me homologë ndërkombëtarë për të diskutuar mbi përmirësimin e bashkëpunimit dhe asistencës teknike në fusha si mbikëqyrja bankare dhe sistemet e pagesave.
    Guvernatori Sejko mori pjesë gjithashtu në seancat plenare të Komitetit Ndërkombëtar Monetar e Financiar dhe të Mbledhjeve Vjetore të FMN-BB, ku prezantoi zhvillimet makroekonomike dhe potencialin investues të Shqipërisë.

    Top Channel

  • Guvernatori i BSH, Gent Sejko: Rritja ekonomike 3,5%, investimet dhe konsumi privat motorët kryesorë

    Guvernatori i BSH, Gent Sejko: Rritja ekonomike 3,5%, investimet dhe konsumi privat motorët kryesorë

    Guvernatori i Bankës së Shqipërisë, Gent Sejko dhe ministri i Financave, Petrit Malaj morën pjesë në Mbledhjet Vjetore të Fondit Monetar Ndërkombëtar (FMN) dhe të Grupit të Bankës Botërore (BB), të zhvilluara në Uashington DC, SHBA.
    Këto mbledhje përfaqësojnë një forum të nivelit të lartë, ku vendimmarrësit e FMN-së dhe BB-së, guvernatorët dhe ministrat e financave të vendeve anëtare në këto institucione financiare ndërkombëtare, mblidhen së bashku për të diskutuar rreth zhvillimeve më të fundit të ekonomisë botërore.Në kuadër të këtyre aktiviteteve, Guvernatori Sejko zhvilloi një sërë takimesh të rëndësishme me personalitete të njohura të fushës financiare ndërkombëtare, ndër të cilët veçojmë: Drejtorin Ekzekutiv për Shqipërinë në FMN, Riccardo Ercoli; Drejtorin e Departamentit Evropian në FMN, Alfred Kammer; Këshilltaren Rajonale pranë Departamentit Monetar dhe Tregjeve Kapitale, Mary Goodman; Shefen e Misionit të FMN-së, Anke Weber, zëvendëspresidenten për Rajonin e Evropës dhe Azisë Qendrore në BB, Antonella Bassani; Drejtorin Ekzekutiv për Shqipërinë në BB, Matteo Bugamelli; Drejtoren Rajonale për Ballkanin Perëndimor në BB, Xiaoqing Yu; Drejtuesin e Ekipit të Këshillimit dhe Partneriteteve pranë Departamentit të Menaxhimit të Aseteve dhe Shërbimeve Këshilluese në BB, Marco Ruiz.

    Gjatë këtyre takimeve, Guvernatori Sejko i njohu përfaqësuesit e FMN-së dhe BB-së me zhvillimet më të fundit ekonomike dhe financiare në vend, si dhe perspektivën e tyre për të ardhmen; politikën monetare të ndjekur nga Banka e Shqipërisë dhe masat e marra për ruajtjen dhe forcimin e shëndetit të sektorit bankar dhe stabilitetit financiar të vendit.

    Pavarësisht sfidave, ekonomia shqiptare ka treguar qëndrueshmëri dhe rritje në dy vitet e fundit, me një normë mesatare rritjeje të PBB-së prej rreth 3,5% në vit. Inflacioni ka qëndruar i ulët dhe i qëndrueshëm pranë objektivit prej 3%, ndërsa tregu i punës ka shënuar një papunësi në nivele historikisht të ulëta dhe rritje të pagave.

    Guvernatori vuri në dukje se politikat makroekonomike kanë qenë të kujdesshme dhe të koordinuara: politika fiskale ka vijuar të jetë e konsoliduar, duke zvogëluar borxhin publik; ajo monetare ka qenë lehtësuese, me qëllim mbajtjen e pritshmërive të inflacionit të ankoruara; si dhe politika makroprudenciale ka synuar parandalimin e rreziqeve në sektorin bankar dhe tregun e pasurive të patundshme.
    Ai shtoi se investimet dhe konsumi privat mbetën motorët kryesorë të rritjes, në veçanti sektori i shërbimeve dhe turizmi kontribuuan pozitivisht.
    Në lidhje me perspektivën afatmesme, Guvernatori Sejko theksoi se rritja ekonomike pritet të ruajë një ritëm të qëndrueshëm, ndërsa inflacioni të arrijë nivelin objektiv në vitin 2026. Ai shtoi se rreziqet kryesore vijnë nga faktorët e jashtëm, përfshirë ngadalësimin ekonomik në partnerët tregtarë dhe tensionet gjeopolitike, ndërsa anët pozitive janë perspektiva e integrimit në BE dhe plani i ri i rritjes për Ballkanin Perëndimor. Politika monetare do të mbetet e fokusuar në stabilitetin e çmimeve, ndërsa politika fiskale do të vazhdojë konsolidimin. Në fokus kryesor mbetet stabiliteti monetar dhe financiar, të cilët janë baza për rritje të qëndrueshme ekonomike.
    Një tjetër çështje e diskutuar ishte inovacioni në sektorin financiar, për të cilën Guvernatori u shpreh se Banka e Shqipërisë ka qenë e angazhuar intensivisht në përmirësimin e sistemeve të pagesave, ku fryti kryesor ishte integrimi i Shqipërisë në sistemin e pagesave të BE-së. Nën drejtimin e Bankës së Shqipërisë, Shqipëria u anëtarësua në SEPA në vitin 2024 përmes harmonizimit rregullator dhe përditësimit të infrastrukturës, si dhe nga 7 tetori 2025 nisën pagesat e para në tregun unik të pagesave me 40+ vende.
    Së fundmi, Guvernatori theksoi se bashkëpunimi me institucionet evropiane dhe ndërkombëtare ka qenë thelbësor për menaxhimin e rreziqeve dhe mbështetjen e stabilitetit financiar të vendit. Në këtë kontekst, roli i FMN-së dhe BB-së ka qenë i rëndësishëm për të forcuar kapacitetet dhe për të ndihmuar në zbatimin e politikave të duhura.
    Përfaqësuesit e FMN-së dhe BB-së përgëzuan BSH-në për anëtarësimin në SEPA, një arritje e rëndësishme e Bankës së Shqipërisë për modernizimin e sistemit financiar të vendit dhe një hap konkret drejt integrimit në Bashkimin Evropian.
    Gjithashtu ata u shprehën pozitivisht lidhur me progresin e bërë nga Shqipëria në drejtim të zhvillimit ekonomik, si dhe kontributin e Bankës së Shqipërisë në këtë zhvillim. Sipas tyre, bankat qendrore janë shtylla stabiliteti në kohë pasigurie, duke mbrojtur ekonominë dhe duke ndihmuar në ndërtimin e rezistencës për të ardhmen.
    Një vlerësim i veçantë u shpreh edhe për procesin e integrimit evropian të Shqipërisë, i cili ofron mundësi të shumta për nxitjen e investimeve të huaja direkte në vend, si dhe u theksua nevoja për përparimin e reformave strukturore në këtë drejtim.
    Përfaqësuesit e FMN-së dhe BB-së theksuan rëndësinë e bashkëpunimit të deritanishëm me Bankën e Shqipërisë dhe vazhdimin e tij nëpërmjet asistencës teknike. Në fokus ishin edhe përpjekjet e Bankës së Shqipërisë për përmirësimet dhe risitë e vazhdueshme në sistemet e pagesave, dhe implementimin e projektit për pagesat e menjëhershme nëpërmjet TIPS clone.
    Përfaqësuesit e FMN-së vlerësuan pozitivisht regjimin e lirë të kursit të këmbimit në Shqipëri, duke e cilësuar atë si një mekanizëm që ka ndihmuar në ruajtjen e stabilitetit makroekonomik dhe në përthithjen e goditjeve të jashtme, me një rol të rëndësishëm në përballimin e presioneve inflacioniste dhe në ruajtjen e stabilitetit të çmimeve. Kursi i këmbimit duhet të lejohet të përshtatet më fleksibël ndaj zhvillimeve të tregut, ndërsa ndërhyrjet e bankës qendrore duhet të mbeten një mjet në funksion të përmbushjes së mandatit primar, atij të stabilitetit të çmimeve, dhe për të zbutur luhatjet që burojnë nga faktorë spekulativë.
    Guvernatori Sejko dhe përfaqësuesit e FMN-së dhe BB-së dakortësuan lidhur me vazhdimin e bashkëpunimit midis institucioneve dhe vijimit të ofrimit të asistencës teknike në të ardhmen në fusha si mbikëqyrja bankare, sistemet e pagesave, aspektet ligjore etj.
    Gjatë qëndrimit në Uashington, delegacioni pati rastin të zhvillojë dhe takime me homologë nga vende të ndryshme, ku u diskutua mbi zhvillimin e mëtejshëm të marrëdhënieve dypalëshe, me qëllim thithjen e asistencës teknike për çështje specifike.
    Në kuadër të këtyre mbledhjeve, Guvernatori Sejko dhe përfaqësuesit e BSH-së morën pjesë në seancën plenare të Komitetit Ndërkombëtar Monetar e Financiar të FMN-së, si dhe në seancën plenare të Mbledhjeve Vjetore të FMN-BB.
    Guvernatori Sejko ishte gjithashtu i ftuar në një mëngjes pune me ministrat e financave dhe guvernatorët e bankave qendrore, të organizuar nga Drejtori i Departamentit Evropian pranë FMN-së, Alfred Kammer, gjatë të cilit ai prezantoi zhvillimet makroekonomike në Shqipëri, sektorët kryesorë të zhvillimit, si dhe potencialin që vendi paraqet për investitorët e huaj.

  • Sejko: Demografia dhe tregu i punës, sfida kryesore për ekonominë shqiptare!

    Sejko: Demografia dhe tregu i punës, sfida kryesore për ekonominë shqiptare!

    Në datën 10 tetor 2025, Guvernatori i Bankës së Shqipërisë, Gent Sejko, mori pjesë në Konferencën Shkencore Ndërkombëtare, me temë “Ndryshimet demografike dhe dinamika e tregut të punës – sfidat e zhvillimit të qëndrueshëm ekonomik në Shqipëri, Kosovë dhe rajon”, të organizuar nga Akademia e Shkencave të Shqipërisë dhe Akademia e Shkencave dhe e Arteve të Kosovës.
    Kjo konferencë pati si synim të bashkojë akademikë, studiues dhe përfaqësues institucionesh qendrore nga Shqipëria, Kosova, rajoni dhe më gjerë, për të diskutuar një ndër sfidat më të mëdha të kohës sonë: ndërthurjen mes zhvillimeve demografike dhe strukturës së tregut të punës, në kontekstin e qëndrueshmërisë ekonomike.
    Gjatë dekadës së fundit, vendet e Ballkanit Perëndimor janë përballur me rënien e lindshmërisë, plakjen e popullsisë dhe emigracionin e qëndrueshëm, prirje këto që kanë prekur pjesëmarrjen në tregun e punës dhe dinamikën e pagave. Këto prirje kanë rikonfiguruar përmasat, përbërjen dhe aftësitë e fuqisë punëtore.

    I ftuar si folës në hapjen e konferencës, Guvernatori Sejko diskutoi lidhur me temën “Ndryshimet demografike dhe dinamikat e tregut të punës”. Në krye të fjalës së tij, Guvernatori u shpreh se, në kushtet e rritjes globale nën mesataren historike dhe tensioneve gjeopolitike, për ekonomitë e vogla dhe të hapura si e jona, këto zhvillime janë edhe më përcaktuese, pasi ndikojnë në prurjet e kapitalit, kërkesën e jashtme dhe koston e financimit. Në këtë kontekst, demografia dhe tregu i punës janë shtylla kyçe të qëndrueshmërisë.
    Guvernatori theksoi se ekonomia e Shqipërisë vijon të shënojë ecuri të mirë. Rritja mbetet pozitive, papunësia është e ulët, inflacioni është nën kontroll dhe sistemi financiar vijon të jetë i qëndrueshëm e fitimprurës. Megjithatë, horizonti afatgjatë kërkon adresimin e disa sfidave strukturore si: rritja e produktivitetit, përshtatja me risitë teknologjike – përfshirë këtu dhe zhvillimin e madh të inteligjencës artificiale e digjitalizimit – si dhe kufizimet në burime, veçanërisht ato që lidhen me tregjet e punës.
    Në dritën e objektivit të anëtarësimit në Bashkimin Evropian deri në vitin 2030, integrimi evropian do të krijojë mundësi të reja për tregtinë, investimet dhe konvergjencën institucionale. Megjithatë, përvojat që tashmë kemi nga zgjerimet e mëparshme tregojnë se ky integrim mund të përshpejtojë lëvizshmërinë e fuqisë punëtore, veçanërisht të të rinjve dhe punonjësve të kualifikuar, drejt vendeve anëtare me ekonomi më të zhvilluara.
    Guvernatori theksoi se në Shqipëri, si rezultat i kushteve të favorshme të kursit të këmbimit dhe qëndrimeve të duhura të politikës monetare, inflacioni qëndron pranë objektivit të bankës qendrore. Megjithatë, në harkun kohor afatmesëm apo afatgjatë, ndryshimet strukturore në tregun e punës mund të shkaktojnë presione inflacioniste. Deficiti strukturor i vazhdueshëm i fuqisë punëtore, i shoqëruar me plakjen e popullsisë, emigracionin dhe mospërputhjen e aftësive, mund të shkaktojë rritje të pakthyeshme të pagave, veçanërisht nëse nuk shoqërohet edhe me rritje të produktivitetit. Në afat të gjatë, këto dinamika demografike ushtrojnë presion, duke kufizuar kapacitetin e politikës monetare për të stimuluar aktivitetin ekonomik.
    Në përfundim, Guvernatori u shpreh se banka qendrore do të vijojë të monitorojë rreziqet, të modelojë skenarë dhe të zbatojë politikën monetare, për të ruajtur stabilitetin makroekonomik, ndërsa zgjidhjet përfundimtare kërkojnë bashkërendim me politikat publike dhe bashkëpunim të ngushtë me sektorin privat dhe shoqërinë civile. Për të ruajtur qëndrueshmërinë ekonomike dhe për të përshpejtuar konvergjencën, nevojitet një qasje e integruar që lidh migracionin, arsimin, stimujt fiskalë dhe reformën e tregut të punës.

  • Sejko: Deficiti i fuqisë punëtore dhe produktiviteti i ulët, rreziqe për ekonominë

    Sejko: Deficiti i fuqisë punëtore dhe produktiviteti i ulët, rreziqe për ekonominë

    Guvernatori i Bankës së Shqipërisë, Gent Sejko, mori pjesë sot në Konferencën Shkencore Ndërkombëtare, me temë “Ndryshimet demografike dhe dinamika e tregut të punës – sfidat e zhvillimit të qëndrueshëm ekonomik në Shqipëri, Kosovë dhe rajon”, të organizuar nga Akademia e Shkencave të Shqipërisë dhe Akademia e Shkencave dhe e Arteve të Kosovës.Në fjalën e tij, Guvernatori u shpreh se, në kushtet e rritjes globale nën mesataren historike dhe tensioneve gjeopolitike, për ekonomitë e vogla dhe të hapura si e jona, këto zhvillime janë edhe më përcaktuese, pasi ndikojnë në prurjet e kapitalit, kërkesën e jashtme dhe koston e financimit. Në këtë kontekst, demografia dhe tregu i punës janë shtylla kyçe të qëndrueshmërisë.Guvernatori theksoi se ekonomia e Shqipërisë vijon të shënojë ecuri të mirë. Rritja mbetet pozitive, papunësia është e ulët, inflacioni është nën kontroll dhe sistemi financiar vijon të jetë i qëndrueshëm e fitimprurës. Megjithatë, horizonti afatgjatë kërkon adresimin e disa sfidave strukturore si: rritja e produktivitetit, përshtatja me risitë teknologjike – përfshirë këtu dhe zhvillimin e madh të inteligjencës artificiale e digjitalizimit – si dhe kufizimet në burime, veçanërisht ato që lidhen me tregjet e punës.“Në dritën e objektivit të anëtarësimit në Bashkimin Europian deri në vitin 2030, integrimi europian do të krijojë mundësi të reja për tregtinë, investimet dhe konvergjencën institucionale. Megjithatë, përvojat që tashmë kemi nga zgjerimet e mëparshme tregojnë se ky integrim mund të përshpejtojë lëvizshmërinë e fuqisë punëtore, veçanërisht të të rinjve dhe punonjësve të kualifikuar, drejt vendeve anëtare me ekonomi më të zhvilluara,” tha Sejko.Guvernatori theksoi se në Shqipëri, si rezultat i kushteve të favorshme të kursit të këmbimit dhe qëndrimeve të duhura të politikës monetare, inflacioni qëndron pranë objektivit të bankës qendrore. Megjithatë, në harkun kohor afatmesëm apo afatgjatë, ndryshimet strukturore në tregun e punës mund të shkaktojnë presione inflacioniste.“Deficiti strukturor i vazhdueshëm i fuqisë punëtore, i shoqëruar me plakjen e popullsisë, emigracionin dhe mospërputhjen e aftësive, mund të shkaktojë rritje të pakthyeshme të pagave, veçanërisht nëse nuk shoqërohet edhe me rritje të produktivitetit. Në afat të gjatë, këto dinamika demografike ushtrojnë presion, duke kufizuar kapacitetin e politikës monetare për të stimuluar aktivitetin ekonomik,” u shpreh ai.Në përfundim, Guvernatori tha se banka qendrore do të vijojë të monitorojë rreziqet, të modelojë skenarë dhe të zbatojë politikën monetare, për të ruajtur stabilitetin makroekonomik, ndërsa zgjidhjet përfundimtare kërkojnë bashkërendim me politikat publike dhe bashkëpunim të ngushtë me sektorin privat dhe shoqërinë civile. Për të ruajtur qëndrueshmërinë ekonomike dhe për të përshpejtuar konvergjencën, nevojitet një qasje e integruar që lidh migracionin, arsimin, stimujt fiskalë dhe reformën e tregut të punës. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.