Me ftesë të homologut kinez Xi Jinping, presidenti francez Emmanuel Macron do të zhvillojë një vizitë shtetërore në Kinë në datat 3-5 dhjetor, njoftoi të hënën një zëdhënës i Ministrisë së Jashtme të Kinës.
Lajmin e bëri të ditur zëdhënësi Lin Jian në një konferencë rutinë për shtyp, duke thënë se kjo do të jetë vizita e katërt shtetërore e presidentit Macron në Kinë. Gjithashtu është një vizitë shtetërore reciproke, pas vizitës së vjetshme në Francë të presidentit Xi, në kuadër të 60-vjetorit të vendosjes së marrëdhënieve diplomatike Kinë-Francë, shtoi Lin.
Gjatë vizitës, Xi do të zhvillojë bisedime me kreun e shtetit të Francës, për të udhëhequr së bashku zhvillimin e marrëdhënieve dypalëshe në rrethanat e reja, tha Lin, duke shtuar se të dy presidentët do të kenë gjithashtu një shkëmbim të thelluar mendimesh mbi çështjet e rëndësishme ndërkombëtare dhe rajonale.
Krerët e dy shteteve në një bisedime gjatë vizitës zyrtare të presidentit Xi në Francë, Paris, 6 maj 2024/Foto nga Xinhua
Kryeministri i Kinës Li Qiang dhe Zhao Leji, kryeparlamentari i vendit, do të takohen gjithashtu me presidentin francez, sipas zëdhënësit.
Franca ishte vendi i parë i madh perëndimor, i cili krijoi marrëdhënie zyrtare diplomatike me Kinën e Re. Marrëdhëniet dypalëshe kanë një histori që ia vlen të çmohet, me vlera unike dhe që mbartin misione të rëndësishme, tha Lin.
Në një situatë ndërkombëtare plot luhatje, Kina është e gatshme të punojë me Francën për ta shfrytëzuar vizitën si një mundësi për forcimin e komunikimit strategjik, për thellimin e bashkëpunimin pragmatik, për të çuar përpara një koordinim më të ngushtë shumëpalësh, si dhe për të punuar për përparime të reja në partneritetin strategjik gjithëpërfshirës Kinë-Francë, tha Lin.
Presidenti kinez Xi Jinping dhe bashkëshortja Peng Liyuan në një vizitë në Francë nën shoqërimin e çiftit presidencial francez, 2024/Foto nga Xinhua
Nëpërmjet këtyre, të dy vendet do të kontribuojnë më shumë në promovimin e zhvillimit të shëndetshëm dhe të qëndrueshëm të marrëdhënieve Kinë-BE, duke mbështetur multilateralizmin dhe duke ruajtur paqen, stabilitetin dhe prosperitetin botëror.
Tag: francë
-
Presidenti i Francës Emmanuel Macron do ta vizitojë Kinën nga 3 deri në 5 dhjetor
-
Tragjedi nga zjarri në Francë, 5 të vdekur pasi flakët pushtuan ndërtesën
Një zjarr i fuqishëm ka shkaktuar pesë viktima në qytetin Neuves-Maisons në Francë, pranë kufirit me Luksemburgun. Tragjedia ndodhi në një ndërtesë dykatëshe në Rue du Capitaine Caillon, ku flakët përfshinë me shpejtësi banesën mbi një dyqan në katin përdhes. Viktimat janë një burrë 59 vjeç, një grua 60 vjeçe, një vajzë 20 vjeçe, një 16-vjeçar dhe një person tjetër që ndërroi jetë në spital, pasi u raportua fillimisht si i plagosur rëndë.
Autoritetet franceze bëjnë me dije se zjarri u përhap shumë shpejtë, duke e gjetur ndërtesën të mbuluar nga tymi që në momentin e mbërritjes së ekipeve të para të emergjencës.
Rreth 70 zjarrfikës me 30 automjete u angazhuan në operacionin e vështirë të shuarjes së flakëve, për shkak të intensitetit të zjarrit. Përpjekjet për të kontrolluar situatën zgjatën disa orë, por vetëm pas shuarjes së plotë u arrit të verifikoheshin viktimat brenda banesës. Shkaqet e zjarrit ende nuk janë përcaktuar dhe hetimet vazhdojnë. -
FOTO/ Pesë viktima nga zjarri tragjik në një ndërtesë në Francë
Një zjarr i fuqishëm ka shkaktuar pesë viktima në qytetin Neuves-Maisons në Francë, pranë kufirit me Luksemburgun.
Tragjedia ndodhi në një ndërtesë dykatëshe në Rue du Capitaine Caillon, ku flakët përfshinë me shpejtësi banesën që ndodhej mbi një dyqan në katin përdhes. Viktimat janë një burrë 59-vjeçar, një grua 60-vjeçe, një vajzë 20-vjeçe, një 16-vjeçar, si dhe një person tjetër që humbi jetën në spital, pasi fillimisht ishte raportuar i plagosur rëndë.
Autoritetet franceze bëjnë të ditur se zjarri u përhap me shpejtësi të madhe, duke e mbuluar të gjithë ndërtesën me tym në momentin e mbërritjes së ekipeve të para të emergjencës.
Rreth 70 zjarrfikës me 30 automjete u angazhuan në operacionin e vështirë të shuarjes së flakëve, për shkak të intensitetit të madh të zjarrit. Përpjekjet për të vënë situatën nën kontroll zgjatën disa orë dhe vetëm pas shuarjes së plotë u arrit të verifikohej prania e viktimave brenda banesës.
Shkaqet e zjarrit ende nuk janë përcaktuar dhe hetimet vijojnë.
-
Evakuohet selita e televizionit francez në Paris pas kërcënimit me bombë
Selia e televizionit France Televisions u evakuua sot pas raportimit për një bombë, sipas mediave franceze.
Policia dhe një ekip qensh për zbulimin e eksplozivëve ndodhen aktualisht në vendngjarje për të kontrolluar, raporton Figaro.
Punonjësit e France Television, selia e së cilës ndodhet në arondissementin e 15-të të Parisit, u evakuuan vonë pasditen e sotme pasi autoritetet i informuan se kishin marrë një kërcënim me bombë.
“Policia dhe një ekip qensh për zbulimin e eksplozivëve janë aktualisht në vendngjarje për të kontrolluar”, raporton France Info.
Rreth orës 17:00, u raportua për një pajisje shpërthyese në selinë e televizionit francez.
“Për arsye sigurie, personi përgjegjës në televizion vendosi të evakuojë objektin”, tha një burim policor.
Kontrolli i objektit është ende në vazhdim dhe derisa të përfundojë kontrolli, programi France info dhe faqja e internetit Franceinfo.fr nuk do të funksionojnë.
Dy javë më parë, redaksia e televizionit BFM dhe Radio Monte Carlo (RMC), të vendosura jo shumë larg televizionit francez, u desh gjithashtu të evakuohej për shkak të kërcënimeve me bomba.
Programet u ndërprenë ndërsa forcat e rendit kryen kontrolle, dhe punonjësit u kthyen në redaksi sepse nuk u gjetën objekte të dyshimta.
-
Tre persona grabisin shtëpinë e biznesmenit në Francë, e kërcënojnë me armë, e dhunojnë dhe i marrin ora me vlerë 1 mln euro
Shtëpia e një biznesmeni 56-vjeçar në Francë ka rënë pre e gabitjes të hënën e 24 nëtorit.
Sipas mediave vendase, tre burra hynë me forcë në shtëpinë e 56-vjeçarit, të cilin e kishin ndjekur më parë dhe e kishin kërcënuar me armë.
Sipas mediave franceze, pronari 56-vjeçar i një kompanie shitjeje pajisjesh mjekësore sapo kishte dalë nga zyra e tij rreth orës 7:00 të mbrëmjes kur tre burra të veshur me të zeza dhe me kapuçë e ndoqën, hipën në makinën e tij luksoze dhe e kërcënuan me armë.Un chef d’entreprise séquestré et violemment agressé dans le Gard, le butin estimé à un million d’euros➡️ https://t.co/MguhabYLuC pic.twitter.com/rML46QuDki
— Le Parisien (@le_Parisien) November 25, 2025
Me të mbërritur në shtëpinë e tij, ata e mbajtën kundër vullnetit të tij dhe e dhunuan. Pasi hynë në banesë, ata ndaluan edhe djalin 22-vjeçar të biznesmenit.
Nën kërcënimin e armëve, 56-vjeçari dhe djali i tij u detyruan t’u dorëzonin grabitësve afërsisht dhjetë ora dore , me një vlerë totale të vlerësuar në një milion euro, tre unaza, një byzylyk, si dhe telefonat e tyre celularë.
Biznesmeni dëshmoi se sulmuesit e spërkatën me zbardhues përpara se të iknin me automjetin e tij.
Në të njëjtën kohë, djali i dytë 19-vjeçar i familjes, i cili ishte fshehur brenda shtëpisë, njoftoi autoritetet pasi dëgjoi se babai i tij po sulmohej. Kur policia mbërriti në vendngjarje, e gjeti biznesmenin me lëndime në kokë.
Pak më vonë, automjeti i 56-vjeçarit u gjet i djegur në një rrugë pranë Nimes. Sipas autoriteteve, tre grabitësit e braktisën automjetin dhe ikën me një makinë tjetër. -
Shqiptari vret partnerin e tij në Francë, dënohet me 30 vite burg!
pamje nga gjykata
FRANCË-Një shqiptar u dënua me 30 vite burg në Francë, pasi vrau partnerin e tij. Sipas medieve franceze, vendimi u mor nga Gjykata e Apelit pas disa orësh diskutimesh. Trupa gjykuese përcaktoi se vrasësi i një të riu në vitin 2023 ishte me të vërtetë partneri i tij. Kjo rrethanë rënduese çoi në vendimin, i cili u dha pas pesë orësh shqyrtimi dhe Ismail Garo u dënua me tridhjetë vjet burg.
Krimi ndodhi në vitin 2023, ku shqiptari ishte strehuar nga viktima prej gati tre vitesh në Poitiers. Analizat toksikologjike të kryera disa orë pas ngjarjes nuk zbuluan asnjë gjurmë alkooli, drogash apo medikamentesh, sipas raportit të një eksperteje të paraqitur në gjykatë.
Mjeku ligjor i plotësoi këto të dhëna me vëzhgime të detajuara, përfshirë fotografitë, të cilat mundësuan rindërtimin e skenarit të vrasjes. Sipas raportit të paraqitur në gjykatë janë ngritur dyshime se ngjarja mund të ketë ndodhur për arsye xhelozie./ZËRI -
Video/ Ndodh edhe kështu, macja në Francë dënohet me arrest shtëpie. Ja arsyeja që e çoi gjykatën në marrjen e vendimit të çuditshëm
Një gjykatë në Francë ka marrë një vendim të pazakontë duke vendosur një mace në “arrest shtëpie”, pasi një fqinj u ankua se kafsha hidhej vazhdimisht në kopshtin e tij.
Pronarja e maces, Dominique Valdes, tha se sjellja endacake e Remit i ka kushtuar deri tani 2,050 euro në gjoba dhe dëmshpërblime, si dhe 800 euro në shpenzime gjyqësore. Vendimi e detyron tashmë macen të mos largohet nga prona e saj.
Rasti ka ngjallur diskutime në Francë mbi kufijtë e përgjegjësisë së pronarëve të kafshëve shtëpiake dhe vendimet e pazakonta gjyqësore që lidhen me to.
Top Channel
-
Zhgënjen Brazili, nuk shkon më shumë se barazimi në miqësoren e luajtur në Francë (video)
18 Nëntor 2025
22:23
Telesport
Brazili ka barazuar 1-1 ndaj Tunizisë në miqësoren e luajtur në “Stade Pierre-Mauroy” në Francë. Tunizianët gjetën të parët avantazhin me golin e Hazem Mastouri në minutën e 23-të.
Brazilianët barazuan shifrat me Estevao në fund të pjesës së parë, i cili u tregua i saktë nga pika e bardhë e penalltisë, e dhënë pas një prekje të topit me dorë brenda zonës nga futbollistët tunizianë. SHIKOGOLIN
Në minutën e 78-të, Brazili kishte shansin e artë për të kaluar në avantazh, por Lucas Paqueta, gabon nga pika e bardhë e penalltisë, e fituar pas një faulli ndaj Vitor Roque brenda në zonë. Goditja e Paqueta përfundon sipër traversës. SHIKOPENALLTINEHUMBURNGAPAQUETA
Pavarësisht zëvendësimeve të shumta të kryera nga Carlo Ancelotti në pjesën e dytë, rezultati mbeti i pandryshuar deri në fund, 1-1. -
Mjet shpëthyes në godinë! Televizioni francez fik transmetimin live, evakuohet stafi
BFMTV
FRANCË- Një situatë e pazakontë në Francë ka shkaktuar panik për drejtuesit e kanalit informativ të lajmeve BFMTV. Gjatë ditës së sotme, rreth orës 14:27 një email kërcënues ka mbëtitur në kanalet zyrtare të medias ku është njoftuar se në godinë është vendosur një mjet shpërthyes.
Menjëherë pas njoftimit, kjo media ka ndërprerë transmetimin live. Policia franceze ka mbërritur në vendngjarje ku ka bërë të mundur evakuimin e të gjithë punëtorëve, gjithashtu u kryen kontrolle të detajuara sigurie.
Lajmin e ka konfirmuar edhe vetë BFMTV në rrjetin X, duke bërë të ditur se puna është pezulluar perkohesisht, derisa televizioni nisi transmetimin në orën 17:52 pas verifikimeve dhe largimit të rrezikut nga policia.Nos locaux ont été évacués suite à une alerte de sécurité. Les forces de l’ordre sont sur place pour mener les vérifications. Nos programmes sont temporairement perturbés sur l’ensemble des antennes RMC BFM. Nos équipes se mobilisent pour un retour à l’antenne au plus vite. Merci…
— BFMTV (@BFMTV) November 15, 2025Ende nuk ka detaje se nga erdhi ky kërcënim dhe kush ishte personi që dërgoi email-in që shokoi drejtuesit e kësaj mediaje, ndërkohë që autoritetet po hetojnë pistat kryesore për zbardhjen e ngjarjes./ZËRI
-
Sondazhi: Qytetarët perëndimorë të pakënaqur me demokracinë, shqetësime për të ardhmen
Një sondazhi në nëntë vende perëndimore tregon se kënaqësia me demokracinë është nën 50% në tetë prej tyre, dhe shumica e qytetarëve, përveç Suedisë, janë të shqetësuar për të ardhmen e saj. Lajmet e rreme, mungesa e llogaridhënies politike, ekstremizmi dhe korrupsioni konsiderohen si kërcënimet kryesore për sistemin demokratik.
Sondazhi, i realizuar nga Ipsos me pothuajse 10 mijë të anketuar në Kroaci, Francë, Itali, Holandë, Poloni, Spanjë, Suedi, Britani dhe SHBA, zbuloi se vetëm në Suedi shumica e qytetarëve ndihen të kënaqur me demokracinë. Në gjashtë vende, më pak se një e treta e të anketuarve janë të kënaqur: 18% në Kroaci, 19% në Francë, 20% në SHBA, 26% në Britani, 27% në Spanjë dhe 29% në Itali. Në Holandë dhe Poloni opinionet ishin të ndara, ndërsa Suedia ishte vendi i vetëm ku 65% e qytetarëve ishin të kënaqur.
Gideon Skinner, drejtor i lartë për politikën britanike në Ipsos, tha: “Pavarësisht mbështetjes së fortë për idealet demokratike, publiku është i zhgënjyer me funksionimin praktik të demokracisë dhe i shqetësuar për të ardhmen e saj”.
Shumica e qytetarëve vlerësojnë se demokracia ka përkeqësuar gjatë pesë viteve të fundit. Situata është veçanërisht shqetësuese në Francë dhe Holandë, ku qeveritë u rrëzuan gjatë vitit; në Poloni, 42% e qytetarëve mendojnë se demokracia ka përmirësuar. Në Francë, 81%, dhe në Holandë, 76% besojnë se demokracia është përkeqësuar, ndërsa edhe në SHBA (61%), Spanjë dhe Britani (58%) është perceptimi i ngjashëm.
Duke shikuar përpara, shqetësimet për të ardhmen e demokracisë janë të larta: 86% në Francë, 80% në Spanjë, 75% në Britani dhe Poloni, 74% në Holandë, 73% në Kroaci, 69% në SHBA dhe 64% në Itali. Pak qytetarë mendojnë se qeveritë përfaqësojnë mirë interesat e tyre, megjithëse qeverisja lokale ka performuar më mirë.
Megjithatë, mbështetja për demokracinë mbetet e fortë në shumicën e vendeve. Shumica e qytetarëve thonë se demokracia është e domosdoshme për shoqërinë dhe duhet mbrojtur, përveç në Kroaci, ku qytetarët mendojnë se ajo duhet të sigurojë gjithashtu një cilësi të mirë të jetës.
Në lidhje me kërcënimet kryesore për demokracinë, disinformimi shihet si rreziku më i madh në Francë (56%), Britani (64%), Suedi (67%), Holandë (75%) dhe Poloni (76%), ndërsa korrupsioni konsiderohet më problematik në SHBA (63%) dhe në vendet jugore të Evropës – Spanjë (73%), Kroaci (80%) dhe Itali (47%, së bashku me pabarazinë ekonomike).
Si mënyra për të forcuar demokracinë, qytetarët sugjeruan kryesisht ligje më të forta anti-korrupsion dhe zbatimin e tyre, rregullim më të mirë të rrjeteve sociale, edukim qytetar më të avancuar dhe mbrojtjen e pavarësisë së gjyqësorit.
Megjithëse mbështetja për demokracinë është e fortë, ekziston një dëshirë po aq e madhe për ndryshim radikal. Një pjesë e madhe e qytetarëve mendojnë se sistemi është i manipuluar në favor të të pasurve dhe të fuqishmëve.
Mbështetja për ndryshim radikal arrin: 52% në Spanjë, 55% në Itali, 60% në Poloni dhe Britani, 66% në Francë dhe 69% në Kroaci. Megjithatë, qytetarët preferojnë udhëheqës që ndërtojnë konsensus dhe bashkëpunim politik.