“Një pjesë e të rinjve, sidomos ata të angazhuar në Partinë Socialiste, nuk e kanë guximin dhe forcën që ta gëzojnë këtë 8 dhjetor”.
Kështu u shpreh Desada Xhetani, zv.kryetare e FRPDSH, në një emision televiziv, deklaratë që shkaktoi debat me njërin prej të rinjve të Partisë Socialiste, Gjergji Ogreni.
Ai u përgjigj: “8 dhjetori është Dita e Rinisë, nuk është dita e një partie të caktuar. Përmende pak më parë që kryeministri nuk na lejon të flasim e gjithë këto gjërat me radhë. Unë jam këtu për shembull…”.
“Ju lejon që të flisni, por jo që të flisni atë që mendoni. Ju flisni atë që ju thonë dhe që ju shkruajnë me mesazhe. Ne e dimë shumë mirë se si funksionon. I kemi parë edhe të rinjtë e Partisë Socialiste se si dalin dhe flasin nëpër fjalime të ndryshme politike dhe kemi parë që gjatë gjithë kohës i bëjnë fresk kryeministrit”, ia ktheu Xhetani.
Ogreni theksoi se të rinjtë e PS-së nuk kanë asnjë lloj censure.
“Ne si të rinj, e para, s’kemi asnjë lloj censure ose një udhëzim të caktuar se si duhet të flasim apo çfarë të flasim. Akademia Politike ka qenë një nga iniciativat patjetër të Kryeministrit dhe të gjithë ne aty që jemi përzgjedhur kemi kaluar disa etapa. Nuk është se thjesht rastësisht vijmë nga strukturat. Një pjesë e jona s’ka pasur fare lidhje me Partinë Socialiste. Një pjesë e jona sot janë në profesionet e tyre përkatëse, ndoshta pjesë e qeverisë”, u shpreh Ogreni.
Tag: flasim
-
“Ti i bën fresk Ramës”/ Zyrtarja e FRPD debat me të riun e PS: U’a çojnë me mesazh ça do flisni nëpër studio
-
Ka një picë që të ndihmon të dobësohesh
Kur flasim për rënie në peshë, edhe me një dietë të thjeshtë e të shëndetshme, zakonisht pica dhe hamburgerët nuk futen në ekuacion. Por ndoshta kemi gabuar gjithë këtë kohë, sepse edhe pica mund të jetë e shëndetshme dhe të ndihmojë në humbjen e peshës. Ke dëgjuar ndonjëherë për picën me brokoli?
Të thuash se pica mund të jetë pjesë e një diete dobësimi tingëllon si të shohësh një “njëbrirësh”, por ndonjëherë ëndrrat bëhen realitet.
Ok, nuk po flasim për picën klasike napolitane apo atë amerikane që kemi në mendje zakonisht, por për një tjetër variant po aq të shijshëm, me pak përbërës dhe që mund ta përgatisësh në shtëpi për shumë pak kohë dhe pa përdorur fare furrën. Për më tepër, është edhe pa gluten.Bëhet fjalë për një picë me bazë brokoli, të zbukuruar me domate qershi dhe djathë. Ideja vjen nga llogaria në Instagram Seeds & Chia, e drejtuar nga Vicky Foodie, influencuese dhe eksperte e ushqimit të shëndetshëm.
Është një zgjidhje perfekte për darkë: shumë e lehtë, e thjeshtë, por që ngop dhe jep një ndjesi kënaqësie të madhe.Si të përgatisësh picën me brokoli
Përbërësit për bazën
1 kokë e vogël brokoli
2 vezë
Kripë dhe erëza sipas dëshirës
Për zbukurim
Vicky përdor:Djathë të stazhionuar (të fortë)
Domate (domate qershi të prera në feta)
Mund të shtosh edhe:Proshutë gjeli / fileto gjeli për më shumë proteinaPërgatitja
Përgatisim brokolin
Nda me dorë fijet e brokolit në copëza të vogla.
Përziejmë bazën
Në një tas, përziej:brokolin e copëtuar
vezët
kripë, piper dhe erëza sipas dëshirës
(p.sh. rigon, hudhër pluhur, spec të kuq, trumzë, një majë luge nga secila mjafton).
Gatimi i bazës
Hidhe përzierjen në një tigan, duke e formuar si disk pice.
Mbuloje me kapak dhe lëre të gatuhet derisa të mpikset dhe të marrë pak ngjyrë poshtë.Shto sipër:
djathin e grirë ose të prerë hollë
domatet e prera në feta
Mbulo përsëri tiganin për pak minuta, derisa djathi të shkrijë dhe shijet të lidhen mirë.
Shërbimi
Hiqe me kujdes nga tigani, vendose në pjatë dhe pica jote “fit” është gati për t’u ngrënë.
Rezultati: një pjatë e lehtë, pa miell, pa furrë dhe miqësore me linjat. -
Balluku e pandehur/ Shehaj: Shqipëria han me 700 porta, ka vajtur në pikën ku nuk mban më
Marrja e pandehur e zv/kryeministres Belinda Balluku nuk është rastësore, thotë analistja, eksperte e ekonomisë Brisida Shehaj e ftuar në studion e “Task Forcë’ në Syri Tv.Ajo thotë se prej vitesh Shqipëria është bërë han me 700 porta dhe se tani ka vajtur në pikën ku nuk mban më.
Pjese nga fjala e ShehajtAsgjë nuk është rastësore. Që të goditet, zëvendëskryeministrja në detyrë, dhe po flasim për një zëvendëskryeministër që ka firmosur rreth 80% të akteve që nxjerr Këshilli i Ministrave. Që do të thotë është goditur njësoj sikur është goditur kryeministri në detyrë. Dhe një veprim i tillë nga një strukturë e cila mezi mezi arrinte në nivele ish-ministrash, pra ata që shkarkoheshin, të arrijë një veprim i tillë, do të thotë që ka një, njw ndërhyrje dhe një problematikë më madhore sesa korrupsioni.
Kemi kaq kohë që flasim dhe themi që, energjetika, është një ndër strukturat më kritike që ka një vend. Janë ato struktura që përbëjnë interes ndërkombëtar. Nuk mund të flasim për interes thjesht kombëtar të brendshëm. Mos harrojmë tek emisioni Juli, në, Juli me kolegët, tek emisioni Plug para disa kohësh,bëri një emision ku tregonte se si kishte patur një blackout në Shqipëri, i cili u bllokua në Kroaci, se po të vazhdonte mos bllokohej në Kroaci, do i kishte bërë blackout Europës kontinentale.
Kështu që, duhet të kuptojmë që kjo lloj infrastrukture është shumë e rëndësishme. Dhe jo vetëm për sigurinë energjitike të rajonit, që shkon në nivel kaskade edhe në Europë, por edhe për interesa më të tjera gjeopolitike. Kështu që, zonja Balluku bashkë me Edi Ramën që e bën këtë energjetikën tonë, parqet fotovoltaike, këto TEC-et me gaz, anijet që vijnë për naftë e duan t’i bëjnë me gaz, këto historira që i bën si qoka tek emra dhe individë përpos qokave të tipit Ceno apo njerëz të tjerë të lidhur politikisht me PS-në, që i çojnë nëpër kompani të cilave nuk u dihet se ku e kanë fundin, sigurisht do vinte një moment që do krijonte këtë lloj problematike që ka krijuar me partnerët ndërkombëtarë.
Dhe kjo është, kjo është e gjitha një problem me partnerët ndërkombëtarë, sepse ata nuk po suportojnë më Shqipërinë, pra nuk do i japin asistencë Shqipërisë për ‘know-how’, që këta zotërinj të bëjnë VST të mira siç bënte Hilli me Bashkimin Europian dhe pastaj fitonin tendera. Por tashmë ata do kalojnë në filtër kush janë ata që i kanë marrë dhe po i marrin.
Sonila Meço: Pra mendoni që ky mekanizëm do të vlejë dhe për projektet që janë aktuale? Pra nuk bëhet fjalë vetëm për filtrimin e projekteve që do të vijnë, pra PPP-ve të ardhshme. Ti e lexon edhe kështu, pra i referohet edhe atyre që janë ongoing, pra në vijim.
Brisida Shehaj: Ky vendi jonë është bërë si han me 700 porta dhe nuk merret vesh. Kur Plugu bëri hulumtimin e tigrave, ça nuk dëgjuam. Gardën e Iranit, njerëz të shpallur non grata, u bë Plugu për, për inceneratorët, mos gaboj, Po dhe tek inceneratori ishte ky Blerim Hoxha, i lidhur me armë, me kompani të shpallura në listën e zezë. …dhe shumë kompani të tjera të lidhura me interesa shumë të errta dhe sigurisht të shpallura në lista të zeza në Shtetet e Bashkuara të Amerikës.
Pra ne nuk po flasim që kjo ka ndodh sot. Kjo ka ndodh në 2017-ën, 2018-ën, 2019-ën dhe më pas është bërë këtu han me 777 porta, që s’merr vesh i pari të dytin se çfarë po ndodh në këtë vend dhe kush po hyn. Dhe që të arrihet të ndërhyhet në këtë lloj forme, të arrihet të krijohen këto mekanizma dhe të arrihet të kërkohet edhe pezullimi i zëvendëskryeministres, do të thotë që këtu ka vajtur atje ku s’mban më dhe unë.
-
“Vuaj nga pakënaqësia”/ Rama në podcastin “Flasim”: Gjithmonë kërkoj të bëj më mirë
“Unë vuaj nga pakënaqësia. Ata që më njohin nga afër e dinë shumë mirë këtë gjë, ata që më shikojnë nga larg nuk e besojnë këtë që them. Me aq sa kam arritur të kuptoj është që në distancë, perceptimi që krijoj është shumë i ndryshëm nga ai që jam në të vërtetë. Nëse në distancë mund të dukem si një njeri që i di të gjitha, në fakt vuaj nga pakënaqësia, jam i pakënaqur me çdo gjë që bëj. Nuk them që po, këtu jam happy, sepse nëse do të ketë një gjë që do të jem i kënaqur pa kushte, besoj do të arrij ta shoh momentin e hyrjes në BE. Është apokale, historike.
Ndërsa të gjitha arritjet e tjera, për të cilat nuk ankohem, por i shpreh me një ndjenjë pakënaqësie ndaj vetes jo nga mundësitë që më janë dhënë. Në çdo gjë e mendoj që mund t’i kisha bërë më mirë, mund ti kisha bërë më mirë. Unë jam shumë i vështirë në debat dhe i mbroj me shumë forcë bindjet e mija, duhet bërë kjo gjë. Por jam shumë i hapur për të bërë më mirë, edhe për të kuptuar edhe se ku tjetri mbase e ka më mirë ose unë e kam gabim. Por nuk e tregoj. Që i vogël e kam pasur, i pathyeshëm në kokëfortësinë për të nxjerrë timen”, u shpreh Rama në podcastin “Flasim”. -
LIVE- Zgjedhjet e 9 Nëntorit/ Rama në Podcastin “Flasim”, të ftuar kandidatët e PS për 5 bashkitë
Kryeministri Edi Rama ka ftuar në podcastin “Flasim” kandidatët socialistë në pesë bashkitë që shkojnë në zgjedhjet e pjesshme lokale të dielën. Brunilda Mersini kandidon në Vlorë, Gramoz Sako në Tepelenë, Ervin Ceca në Berat ndërsa Florenc Doka në Cërrik, dhe Altin Bojni në Mat.
“Pasi nesër është heshtja zgjedhore dhe të dielën janë zgjedhjet. Këtu me mua është Bruna Mersini, ka ardhur e veshur me të zeza për të qenë në harmoni me dekorin, Gramos Sako, Ervin Cece, Altin Bojni dhe Florenc Doka.”, tha Rama. -
Rama: CEO i tenderave ku shqiptarët varfërohen çdo ditë
Nga Felix Bilani
Në krye të shtetit qëndron një administrator i kontratave, një CEO i tenderave dhe PPP-ve — ndërsa populli ha copa të vogla shprese dhe shpërndahet në botë. Nuk po flasim për dështime të rastësishme; po flasim për një sistem që punon si orë e saktë për nxjerrjen e pasurisë publike drejt xhepit privat.
Kjo nuk është qeverisje; është biznes i maskuar si administratë. Tenderat nuk janë më instrument zhvillimi, por tabela e pagesave për klientët politikë. PPP-të, që duhej të kishin sjellë investime dhe mirëqenie, janë bërë rrugëdalja ku paratë publike avullojnë drejt nipteve të interesave të ngushta. Çfarë mbetet? Rruga në plasaritje, spitali pa barna, shkollat me një sistem të shkatërruar arsimor ku plani i përhershëm i qytetarëve është si të gjejnë një të ardhme jashtë kufijve të një shteti të grabitur si shqipëria.
Çdo ditë që kalon, qeveria e Ramës konsolidon skemën e një rrjeti të centralizuar kontrolli, një aparat klientelist që shpërndan favorë dhe mbulon njëri-tjetrin. Në këtë skemë, transparenca është fjalë e harruar; llogaridhënia, një frazë e zbrazët dhe interesi publik, një koncept i përqeshur. Paratë e taksave, të fituara nga puna e njerëzve që nuk mbyllin dot muajin me bukë, transformohen në pagesa për kontraktorë miq, në shpërblime për bashkëpunëtorë besnikë dhe në luks për një minorancë që grumbullon fitimet.
Ndërkohë, efektet janë të tmerrshme dhe të dukshme familje që shohin të ardhmen vetëm përmes migrimit, profesionistë që shkojnë të ndërtojnë të ardhmen jashtë, komunitete që tkurren dhe humbasin shpresën. Kjo zbrazje demografike nuk ndodh pa shkak ajo është pasojë e politkave që artikulohen jo për të rritur mirëqenien, por për të mbajtur një mekanizëm të fitimit privat në funksion.
Dhe kur kritika lind, reagimi është i njëjtë: neutralizim, sulm etik, zhvendosje të vëmendjes. Mediat që përpiqen të shpalosin dosjet e tenderave përballen me valë mbylljesh, sulmesh dhe relativizimesh. Institucione që duhet të mbrojnë interesin publik heshtin apo vonojnë. Kjo heshtje nuk është e pafajshme ajo është pjesë e mekanikës që mban sistemin të përtërirë.
Ky është një regjim ku marrëveshjet e mëdha mbyllen në dhoma të mbyllura, jo në tryeza publike ku kontratat shqyejn buxhetin publik në emër të zhvillimit, por rezultati është pasurim për të njëjtët emra që shfaqen në çdo kontratë të dyshimtë. Ky është një regjim ku skema dhe procesi janë dizajnuar për t’u fshehur pas ligjshmërisë së sipërme, ndërsa realiteti i brendshëm është grabitje sistematike.
Në fund të fundit, kjo nuk është vetëm një betejë për parime ekonomike, është një luftë për shpëtimin e atij që ka mbetur nga e ardhmja e vendit. Çdo tender i manipuluar, çdo PPP e preferuar, është një kafshatë e hequr nga goja e një fëmije, një mundësi e humbur për një familje që të qëndrojë, një arsye më shumë për të emigruar.
Le ta themi qartë, kur shteti menaxhohet si kompani e vogël ku fitimet privatizohen, humbjet janë publike. Dhe në Shqipërinë e sotme, humbjet i paguajnë njerëzit me më pak, derisa pakica grumbullon gjithnjë e më shumë.
-
A do të rinovojë Kane me bavarezët? Eberl: Ndihet shumë mirë këtu, do të flasim muajt e ardhshëm
3 Nëntor 2025
12:56
Alfred Lleshi
Harry Kane pushoi para sfidës së madhe të Champions League kundër PSG. Sulmuesi anglez e nisi nga stoli fitoren 3-0 ndaj Bayer Leverkusen, duke hyrë vetëm në gjysmëorën e fundit të lojës bashkë me Luis Díaz dhe Michael Olise; një treshe me vlerë mbi 300 milionë euro, simbol i fuqisë së klubit bavarez.
Trajneri Vincent Kompany, me ndeshjen nën kontroll, vendosi ta kursejë yllin e tij. Kane mbeti për të dytën herë radhazi pa shënuar në Bundesliga, një rast i rrallë për dikë që ka realizuar 100 gola në 104 ndeshje me Bayernin. “Ndonjëherë mund të pushojë pak, për ta pasur të freskët në momentet vendimtare, si kundër Dortmundit ose në Champions”, – shpjegoi drejtori sportiv Max Eberl.
Pushimi kishte edhe arsye parandaluese, pasi sezonin e kaluar Kane pati disa shqetësime muskulare. Tani, me epërsinë në kampionat, Kompany mund t’i menaxhojë më mirë yjet e tij. Ndërkohë, Bayerni mendon për të ardhmen. Kontrata e Kane skadon më 2027, por Eberl konfirmoi: “Harry e di sa shumë e vlerësojmë, ndjejmë të njëjtën nga ai. Kane ndihet shumë mirë këtu, do të flasim për rinovimin në muajt e ardhshëm”. -
Totti dhe Spalletti, më në fund bashkë: “Tani flasim”. Spoti televiziv i pajtimit është i shkëlqyer (video)
28 Tetor 2025
9:51
Alfred Lleshi
“Amaro Montenegro” ka realizuar një mini-spot televiziv që simbolizon pajtimin e plotë mes Totti dhe Spalletti. Në periferi të kryeqytetit italian, Spalletti shfaqet mbi kalë, me këmishë xhins, hedh xhaketën dhe përballet me Tottin, i cili qëndron i palëvizshëm. Pas disa çastesh tensioni, Totti thotë “tani le të flasim”, duke shënuar fundin e “Far West”-it urban dhe fillimin e një kapitulli të ri mes tyre.
Më pas, të dy hyjnë në një bar. Kamarieri i pyet për pijet, Spalletti zgjedh “liscio”, Totti e do “me akull”. Edhe këtu duket një përplasje karakteresh. Spalletti thotë: “Kështu e thyem atë akull”, ndërsa Totti përgjigjet: “U shkri vërtet”. Biseda, buzëqeshjet dhe shakatë simbolizojnë pajtimin, teksa spoti është bërë viral në rrjetet sociale me shprehjen “ku ka miqësi…” -
Xabi Alonso reagon për gjestin e Vinicius Junior, paralajmëron brazilianin: Do flasim privatisht
26 Tetor 2025
19:42
Telesport
Në konferencën për shtyp pas fitores 2-1 në “El Clasico”, Xabi Alonso ndër të tjera u ndal dhe të reagimi aspak normal i Vinicius Junior në momentin e zëvendësimit në minutën e 72-të. Braziliani nuk e priti aspak mirë vendimin e Xabi Alonso dhe u largua i acaruar direkt drejt dhomës së zhveshjes.
“Më lejoni të përqendrohem te gjërat e bukura, te gjërat e mira. Ne ia dolëm mbanë shumë mirë dhe Vini ishte një pjesë e madhe e kësaj, ai ia doli shumë mirë. Do të flasim për reagimin e tij, me siguri do ta bëjmë… do ta bëjmë privatisht. Tani dua vetëm të përqendrohem te gjërat e mira”, tha Alonso.
Gjithashtu, Alonso nuk mund t’i shpëtonte pyetjeve mbi komentet dhe deklaratat e Lamine Yamal para supersfidës. “A u motivuam nga fjalët e Lamine Yamal? Nuk kishim nevojë, të motivuar ishim dhe e dinim sa e rëndësishme ishte kjo ndeshje. Kjo fitore vlen më shumë se tre pikë”, shtoi Alonso.
