Këngëtarja e njohur shqiptare, Fifi, u shfaq mbrëmjen e sotme në një transmetim live në Instagram, ku fillimisht kishte hyrë për të folur rreth pjesëmarrjes së saj në edicionin e 64-të të Festivalit të Këngës në RTSH. Ajo këtë vit konkurron së bashku me Tiri Gjocin me këngën “Rri”, një duet që prej publikimit të parë ka marrë vëmendje të madhe dhe komente pozitive nga publiku.
Megjithatë, biseda e saj me ndjekësit mori një kthesë të papritur. Fifi u shfaq dukshëm e ngarkuar emocionalisht, ndërsa në një moment nuk arriti më të mbante lotët. Këngëtarja la të kuptohej se po përballet me presione të forta dhe situata të paarsyeshme që, sipas saj, po krijohen në kuadër të festivalit. Ajo foli për një “orkestrim” që po i vështirëson rrugën dhe po i shton stres të panevojshëm.
Situata u rëndua më tej kur në komentet e transmetimit u përmend djali i saj. Kjo e preku thellë artisten, e cila me zërin që i dridhej u shpreh se nuk e kupton pse fëmija i saj po përfshihet në debate apo kritika që lidhen vetëm me punën e saj. “Çka ju ka ba djali jem? Kujt po ia prish balancën në festival?”, u shpreh ajo mes lotësh, duke bërë apel të mos përfshihet djali i mitur në këto biseda.
Ndjekësit reaguan menjëherë me mesazhe mbështetëse, duke i kërkuar të fokusohet te muzika dhe performanca në skenë. Fifi dhe Tiri pritet të jenë një nga duetet më të komentuara të këtij edicioni.
Tag: festivalit
-
Fifi shpërthen në lot gjatë një transmetimi live: “Mos ma përmendni djalin, çka ju ka ba?”
-
Kjo artiste konfirmohet si prezantuese e ‘FiK 64’
Pas javësh spekulimesh dhe emrash të njohur që qarkullonin për drejtimin e Festivalit të 64-t të Këngës, duket se enigma më në fund ka marrë fund. Në mesin e prezantueseve me karrierë të gjatë televizive që u përfolën për këtë rol, fituese doli një emër që nuk bën zhurmë me deklarata, por me muzikën e saj: Arilena Ara.
Burime për ‘popart.al’ bëjnë me dije se këngëtarja do të rikthehet në skenën që e kurorëzoi fituese në vitin 2019, por këtë herë jo si konkurrente, por si prezantuese e spektaklit më të rëndësishëm muzikor në vend. Ky rikthim për Arilenën vjen si një hap i natyrshëm, duke pasur parasysh eksperiencën e saj të mëparshme në moderim, si në programin “Piranjat”.
Skena e festivalit, e mbushur me emocione, performanca dhe estetikë spektakolare, duket se përputhet në mënyrë të përkryer me stilin dhe karizmën e Arilenës.
Një nga emrat e përfolur ishte edhe Salsano Rrapi, i cili prej kohësh është konsideruar kandidat potencial për prezantimin e festivalit. Megjithatë, ende nuk ka një konfirmim zyrtar. Nëse ky kombinim realizohet, Arilena Ara dhe Salsano Rrapi pritet të formojnë një dyshe intriguese dhe energjike, që mund të sjellë një dimension të ri në skenën e Festivalit të Këngës. -
Pritjes i erdhi fundi, publikohen këngët e 28 konkurrentëve të Fest 64
Pritjes i erdhi fundi! Radio Televizioni Shqiptar ka publikuar sonte në mbrëmje, në kanalin zyrtar në YouTube, këngët e 28 artistëve pjesëmarrës në edicionin e 64-të të Festivalit të Këngës.
Organizatorët e Festivalit kanë njoftuar në rrjetet sociale se gjithçka është gati, ndërsa këngët do të jenë tashmë një refren i përditshëm i fansave te cilët mezi prisnin të dëgjonin këngët e artistëve të tyre të preferuar.
Emrat e rikthyer, surprizat, debutimet dhe prurjet e reja zbulohen njëherësh, duke ndezur atmosferën dhe emocionin drejt 4 netëve të Festivalit të fundvitit, i cili do të mbahet nga data 17 deri në datën 20 dhjetor.
Nata e parë dhe nata e dytë do të jenë dy netët konkurruese, në natën e tretë do vijojë të ruhet tradita e nostalgjisë, ndërsa nata e katërt është edhe nata finale, kur njëri prej artistëve konkurrues do të shpallet fitues si edhe do të ketë mundësinë që të përfaqësojë këtë vit Shqipërinë në Eurovizion 2026, i cili do të mbahet në Vjenë të Austrisë.
Publikimi i këngëve shënon kështu nisjen zyrtare të garës muzikore më të rëndësishme të vitit, e cila këtë dhjetor pritet të sjellë emocione, energji dhe performanca të jashtëzakonshme nga artistët pjesëmarrës.
Të gjitha këngët mund t’i dëgjoni duke klikuar këtu -
Kush do të shkojë në Eurovision? Publikohen këngët e 28 konkurrentëve të Fest 64
Showbiz E Hënë, 1 Dhjetor 2025 20:32
Pritjes i erdhi fundi! Radio Televizioni Shqiptar ka publikuar sonte në mbrëmje, në kanalin zyrtar në YouTube, këngët e 28 artistëve pjesëmarrës në edicionin e 64-të të Festivalit të Këngës.
Organizatorët e Festivalit kanë njoftuar në rrjetet sociale se gjithçka është gati, ndërsa këngët do të jenë tashmë një refren i përditshëm i fansave te cilët mezi prisnin të dëgjonin këngët e artistëve të tyre të preferuar. Emrat e rikthyer, surprizat, debutimet dhe prurjet e reja zbulohen njëherësh, duke ndezur atmosferën dhe emocionin drejt 4 netëve të Festivalit të fundvitit, i cili do të mbahet nga data 17 deri në datën 20 dhjetor.Nata e parë dhe nata e dytë do të jenë dy netët konkurruese, në natën e tretë do vijojë të ruhet tradita e nostalgjisë, ndërsa nata e katërt është edhe nata finale, kur njëri prej artistëve konkurrues do të shpallet fitues si edhe do të ketë mundësinë që të përfaqësojë këtë vit Shqipërinë në Eurovizion 2026, i cili do të mbahet në Vjenë të Austrisë.
Publikimi i këngëve shënon kështu nisjen zyrtare të garës muzikore më të rëndësishme të vitit, e cila këtë dhjetor pritet të sjellë emocione, energji dhe performanca të jashtëzakonshme nga artistët pjesëmarrës. Të gjithë sytë janë nga RTSH, ku publiku mund të njihet tashmë me krijimet që do të garojnë për trofeun e madh.
-
Kush do ta prezantojë Festivalin e RTSH? Prapaskenat, preferencat dhe dilemat që po nxehin skenën
Festivali i RTSH, i cili pritet të hapë siparin shumë shpejt, duket se këtë vit po e nis me një tjetër skenë para skenës. Jo me muzikë, por me debatet për zgjedhjen e moderatorëve. Ndërsa publiku pret emrat, në korridoret e televizionit publik diskutimet janë ndezur.
Sipas burimeve të “Pamfleti”, Këshilli Drejtues i RTSH ka preferencë të qartë për Flori Gjinin dhe Fjodora Fjorën. Të dy janë pjesë e stafit të RTSH, një zgjedhje që do të ulte kostot në një periudhë ku televizioni publik po kalon vështirësi financiare. Por ky propozim nuk është pritur njësoj mirë nga bordi i Festivalit.
Drejtoresha artistike, Elhaida Dani, flitetse ka një dëshirë të fortë për ta sjellë Salsano Rrapin në skenë, duke i dhënë festivalit energjinë e tij të humorit dhe spontanitetit. Salsano, nga sa mësohet, e ka siguruar edhe miratimin e drejtuesve të TCH për të marrë pjesë.
Debati zgjerohet edhe më tej me emrin që do të prezantojë krah tij. Fillimisht u mendua Jondia Shehu, por duke qenë se Festivali synon një frymë më të re këtë vit, është hedhur në tavolinë edhe emri i Arilena Arës. Megjithatë, pjesëmarrja e saj është ende e paqartë, pasi kërkesat financiare mund të jenë të papërballueshme për RTSH, i cili prej pak kohësh është shpallur në faliment.
Mes dëshirave artistike dhe realiteteve financiare, Festivali i RTSH mbetet në udhëkryq. Vendimi përfundimtar pritet të merret shumë shpejt, ndërsa publiku vijon të hamendësojë se cilët do të jenë fytyrat që do të hapin netët magjike të festivalit. -
Edicioni i tretë i Festivalit të Teatrit Shqiptar “Moisiu” mbahet në Prishtinë
Edicioni i tretë i Festivalit të Teatrit Shqiptar “Moisiu” që këtë vit nis nga 22 deri më 27 nëntor, mbahet në Prishtinë dhe bënë bashkë teatrot më të rëndësishme shqiptare.
Shfaqjet që vijnë në kuadër të festivalit këtë vit janë nga: Teatri Kombëtar i Kosovës, Teatri Kombëtar- Tiranë, Teatri i Qytetit Preshevë, Teatri “Hadi Shehu” Gjakovë, Teatri “A.Z Çajupi” Korçë, Teatri Kombëtar Eksperimental “Kujtim Spahivogli”, Teatri i Qytetit Gostivar, Teatri i Qytetit Tetovë dhe Teatri “Bekim Fehmiu” Prizren.
Mbrëmjet e festivalit mbahen në dy skena, Amfiteatri dhe Salla e Kuqe, çdo ditë prej orës 19:00 dhe 20:30.
Programi zyrtar është publik në faqet zyrtare të festivalit.
ObserverKult
Lexo edhe:
53 VJET NGA KONGRESI I DREJTSHKRIMIT TË GJUHËS SHQIPE
-
DiCaprio merr vlerësimin prestigjioz në Festivalin e Filmit në Palm Springs
Leonardo DiCaprio do të marrë një nga vlerësimet më prestigjioze të Festivalit Ndërkombëtar të Filmit në Palm Springs. Aktori i famshëm do të nderohet me Çmimin Desert Palm Achievement Award, një trofe që i jepet artistëve që kanë shënuar arritje të jashtëzakonshme në botën e kinemasë.
Lajmin e konfirmoi vetë kryetari i festivalit, Natchatar Singh Chandi, i cili vlerësoi interpretimin e DiCaprios në filmin e tij më të fundit, “One Battle After Another”.
“Në ‘Një betejë pas tjetrës’, Leonardo DiCaprio ofron një performancë bindëse dhe të ngarkuar emocionalisht, duke mishëruar një njeri të shtyrë deri në kufijtë e tij përballë vështirësive të pamëshirshme”, deklaroi Chandi.Ai shtoi se “Gjatë gjithë karrierës së tij, DiCaprio ka ripërcaktuar vazhdimisht kufijtë e asaj që është e mundur në aktrim, duke sjellë gamë emocionale, integritet artistik dhe përkushtim të palëkundur në çdo rol.”
Filmi “One Battle After Another”, i shkruar, drejtuar dhe prodhuar nga regjisori i njohur Paul Thomas Anderson, ndjek historinë e Bob Ferguson, një ish-rebel që endet mes harresës dhe mosveprimit. Kur armiku i tij i betuar, i interpretuar nga Sean Penn, rishfaqet pas 16 vitesh dhe vajza e tij zhduket, Ferguson nis një udhëtim të dëshpëruar për ta gjetur atë. Ngjarjet i detyrojnë babanë dhe vajzën të përballen me trauma të vjetra që nuk i kanë kapërcyer kurrë.
Në kast bëjnë pjesë edhe Regina Hall, Teyana Taylor, Alana Haim dhe Benicio del Toro. Filmi është xhiruar në 35 mm me kamera VistaVision, duke i dhënë veprës një estetikë klasike dhe vizuale të fuqishme. Xhirimet janë zhvilluar kryesisht në Kaliforni dhe El Paso, Teksas.
Performanca e DiCaprios ka marrë vlerësime entuziaste nga kritika, ndërsa filmi ka qenë një sukses i jashtëzakonshëm në arkëtime. “One Battle After Another” ka grumbulluar mbi 200 milionë dollarë në mbarë botën, duke u bërë prodhimi më i suksesshëm komercial i Anderson deri më sot dhe duke shënuar fundjavën e hapjes më të lartë si në SHBA ashtu edhe globalisht.
Festivali Ndërkombëtar i Filmit në Palm Springs, i themeluar në vitin 1990 në qytetin e shkretëtirës pranë Los Angeles, është shndërruar në një prej eventeve më të rëndësishme kinematografike në SHBA. Edicioni i ardhshëm do të zhvillohet nga 2 deri më 11 janar 2026, ndërsa ndarja e çmimeve do të mbahet më 3 janar në Qendrën e Konventave të Palm Springs, sipas raportimit të Deadline.
Nderimi i Leonardo DiCaprios pritet të jetë një nga momentet më të spikatura të festivalit, duke përforcuar edhe një herë statusin e tij si një nga aktorët më të rëndësishëm dhe më të vlerësuar të gjeneratës së tij. -
Sonte nis Okarina Fest 2025, edicioni i dytë i festivalit ndërkombëtar
Sonte nga ora 18:00 nis edicioni i dytë i festivalit ndërkombëtar “Okarina Fest 2025” ngjarje kulturore që synon promovimin e instrumenteve autoktone shqiptare, me theks të veçantë tek okarina e Runikut, një instrument që daton rreth 8 mijë vite sipas zbulimeve arkeologjike.
Drejtoresha e festivalit, Monika Duzhmani, në një intervistë për “Mirëmëngjesi Kosovë” në RTK tha se ky edicion është më i veçantë, pasi këtë vit festivali mirëpret artistë edhe nga Italia, mes tyre një grup i njohur që do të performojë në skenën e festivalit.
“Ideja dhe synimi ynë janë që Kosova të prezantohet në botë përmes instrumenteve tona tradicionale. Okarina e Runikut është një simbol kulturor i rëndësishëm, dhe përmes këtij festivali duam të ruajmë e promovojmë vlerat tona”, tha Duzhmani.
Ajo shtoi se festivali synon edhe krijimin e shkëmbimeve kulturore mes vendeve, pasi “muzika është ura më e fortë që lidh popujt”.
Nga ana tjetër, profesori italian Giovanni Battista Martini theksoi rëndësinë e këtij bashkëpunimi kulturor. “Është një përvojë shumë e bukur, sepse edhe për ne është me rëndësi të gjejmë një vend tjetër që përdor të njëjtat instrumente, edhe pse me disa dallime të vogla,” tha ai.
Ndërsa studenti italian Alberto Ciarroca u shpreh se okarina në Itali është shumë e njohur, prandaj edhe koncertet e tyre janë të shpeshta./rtk
ObserverKult
Lexo edhe:
NIS EDICIONI I TRETË I JAVËS SË FILMIT ETNOGRAFIK NË PRISHTINË
-
Kur muzika bashkon brezat/ Mbrëmë nisi Festivali i Këngës në RTK
Në Pallatin e Rinisë, nata e parë e edicionit të tretë të Festivalit të Këngës solli emocion, nostalgji dhe performanca të jashtëzakonshme nga artistë të rinj dhe të afirmuar, duke dëshmuar ringjalljen e muzikës shqiptare në Kosovë.
Mbrëmë, Pallati i Rinisë u mbush me dritë, ritëm dhe emocion. Edicioni i tretë i Festivalit të Këngës në Radiotelevizionin e Kosovës u hap në mënyrën më madhështore, duke e kthyer këtë event në një manifestim të artit muzikor që përbashkon breza dhe stile.
Në një atmosferë solemne e festive, Kori Siparantum, nën dirigjimin e Memli Kelmendit, interpretoi veprën e kompozitorit Musa Piperku, “Këngë Moj”, duke e shndërruar hapjen e festivalit në një përjetim që preku çdo zemër në sallë. Tingujt e fuqishëm të korit ishin si një ftesë për t’u kthyer tek rrënjët e muzikës sonë, për ta dëgjuar të shkuarën me veshët e së tashmes.
Energjia e skenës dhe larmia e emocioneve
Moderuar me elegancë nga Dukagjin Podrimaj dhe Rina Krasniqi, nata e parë u shndërrua në një mozaik emocionesh, ku çdo performancë tregoi një rrëfim të ndryshëm artistik.Teutë Halili hapi garën me këngën “Amin”, një këngë që përcolli mesazhin e vetëdashurisë dhe forcës së gruas. Pas saj, Almir Kraba solli energjinë urbane të “Nuk ka si ti”, ndërsa Elmedinë Ramushi me “A po m’sheh” krijoi një atmosferë të ngrohtë e melodike.
Semi Tafaj u përqafua nga publiku me “Vazhdoj”, një pop-baladë e brishtë dhe e ndjerë, ndërsa Art Lokaj, Kiara Juba, Egzon Pireci, Arsi Bako dhe Laorjan Ejlli sollën radhazi performanca të fuqishme, duke i dhënë skenës dinamizëm dhe shumëllojshmëri zhanresh.
Një homazh për “Akordet e Kosovës”
Një moment që ngjalli emocione të thella ishte përmbledhja retrospektive kushtuar “Akordeve të Kosovës”, festivalit legjendar të dekadave ’60–’80. Në ekranin gjigant u shfaqën pamje arkivore me Nexhmije Pagarushën, Muharrem Qenën, Jusuf Gervallën e shumë artistë të tjerë, duke kujtuar periudhën kur muzika kosovare ndërtonte identitetin e saj.
Moderatorja Rina Krasniqi kujtoi me emocion:
“Kur kthejmë kokën pas, shohim figura që na kanë bërë këtë që jemi sot. Është detyrim ta ruajmë këtë kujtesë kolektive.”
Në këtë frymë, u shpall edhe rikthimi i çmimit “Okarina e Artë”, që sivjet do të jepet si vlerësim për arritje jetësore, një urë mes brezave dhe një nderim për krijimtarinë që ka ndërtuar themelet e muzikës sonë.
Një jurí me peshë dhe një homazh që ndali frymën
Juria e këtij edicioni, përbërë nga Dren Abazi, Eneda Tarifa, Jeta Dida Bujari, Rreze Kryeziu dhe kryetari Xhevdet Gashi, u prezantua si një ekip që përfaqëson të gjitha dimensionet e muzikës, nga arti skenik, te arsimi, nga krijimtaria te interpretimi. Prania e tyre i dha festivalit peshën e vlerësimit profesional që publiku e kërkon.
Në mes të mbrëmjes, ndodhi momenti më i ndjerë i natës: një homazh për artisten e paharruar Violeta Rexhepagiqi. Rina Krasniqi, e shoqëruar nga orkestra, interpretoi një improvizim kushtuar saj.
“E ndjeva se sa e vështirë është të dalësh në këtë skenë. Kjo ishte për Violetën, që kujtimi i saj të mos shuhet kurrë,” tha ajo me zë të dridhur, ndërsa salla shpërtheu në duartrokitje.
Kulmi i mbrëmjes , një bashkim simbolik
Në fund, të gjithë konkurruesit e natës u ngjitën në skenë për të interpretuar bashkë “Baresha”, këngën ikonike të Rexho Mulliqit, duke e mbyllur mbrëmjen me një simbolikë të fuqishme: një urë mes traditës dhe modernitetit, mes trashëgimisë dhe krijimtarisë së re.
Nga “Këngë Moj” deri te “Baresha”, mbrëmja e parë e Festivalit të Këngës në RTK dëshmoi se muzika kosovare po hyn në një fazë të re, më e vetëdijshme për historinë e vet dhe më e hapur ndaj formave bashkëkohore të shprehjes artistike.
Publiku u largua me emocionet ende të freskëta dhe me pritje për atë që do të sjellë nata e dytë, e cila do të mbahet të premten, në orën 21:00, sërish në Pallatin e Rinisë.Organizatorët kanë paralajmëruar surpriza, performanca të ftuarish specialë dhe ritme të reja që do ta mbajnë të gjallë frymën e këtij festivali që po bëhet traditë.
ObserverKult
-
Sonte fillon edicioni i tretë i Festivalit të Këngës në RTK
Sonte në orën 21:00 nis edicioni i tretë i Festivalit të Këngës në RTK, i cili do të zgjasë për tri net, ku do të ngjiten në skenë artistë të njohur dhe talente të reja. Në garë janë 20 këngë nga artistë brenda dhe jashtë Kosovës, duke dëshmuar interesimin e madh për këtë ngjarje të rëndësishme kulturore.
Gjatë provave të fundit, drejtori i festivalit, Rilind Gërvalla, ka theksuar se gjithçka është e përgatitur nga punëtorët e RTK-së, duke përfshirë dizajnin, grafikën, skenën dhe skenografinë, e cila kombinon elemente tradicionale me ato moderne.
Ai po ashtu ka theksuar se sivjet është zbatuar një qasje e re organizuese, ku gjithçka që do të shfaqet në skenë është prodhim i drejtpërdrejtë i RTK-së.
“Në tri netët festive në kryeqytet do të dëgjojmë zërat e të rinjve, që lindin nga tradita por shkojnë drejt së ardhmes”, ka deklarar Gërvalla.
Ai gjithashtu ka theksuar se Organizata Evropiane e Transmetuesve (EBU) i ndjek me vëmendje, duke vlerësuar organizimin e festivalit dhe përgatitjet për pjesëmarrjen e Kosovës në garën evropiane të këngës, Eurovision.
“E kemi dëshmuar se Kosova është gati për ‘Euro Song’. Pavarësisht sfidave rajonale, në takimet me EBU-në ata na përcjellin me shumë vëmendje dhe janë të kënaqur që një vend i ri me një televizion publik në kushte të vështira financiare ka arritur kaq shpejt”, ka shpjeguar ai.
Drejtori artistik, Florent Boshnjaku, ka theksuar se festivali ka krijuar një platformë të fortë artistike dhe teknike për artistët:
“Festivali i Këngës është krijuar si institucion dhe është diçka e jashtëzakonshme për vendin tonë. Jam shumë i lumtur që jam pjesë e ndërtimit të këtij institucioni”, ka thënë ai.
Skenaristi i edicionit të tretë, Genc Salihu, bëri të ditur se sivjet festivali do të fokusohet më shumë te muzika, duke zvogëluar elementet dramaturgjike, dhe do të përfshijë një retrospektivë për historinë e këngës në Kosovë.
“Nga ky vit do të ndahet edhe çmimi për vepër jetësore, ‘Okarina e Artë’, për dikë që ka rrugëtuar muzikalisht shumë vite”, ka deklaruar Salihu.
Festivali sivjet do të moderohet nga Rina Krasniqi dhe Dukagjin Podrimaj.
Festivali do të zhvillohet më 6, 7 dhe 8 nëntor në Prishtinë, ku 20 artistë do të konkurrojnë për 5 çmimet kryesore, ndërkohë që një artist do të nderohet me Çmimin për Vepër Jetësore, “Okarina e Artë”.
Programi televiziv do të jetë maratonik, duke siguruar tre net spektakolare për shikuesit e RTK-së, ndërsa rezervimet për biletat për publikun e pranishëm kanë nisur tashmë.
20 këngët garuese të “Fest 3” me emrin e artistit dhe të këngës:
Almir Kraba – “Nuk ka si ti”
Arjeta Palushaj – “Andrra”
Arsi Bako – “Rreze Zjarr”
Art Lokaj – “Ty”
Bledi Kaso – “S’do të doja dy jetë”
Dea Berisha – “Afër”
Egzon Pireci – “Kënga Jonë”
Elmedinë Ramushi – “A po m’sheh”
Florent Abrashi – “Unë dhe ti”
Kiara Juba – “Nirvana”
Klea Dina – “At”
Laorjan Ejlli – “Një natë shkruajta për ty”
Nita Latifi & Algert Sala – “Pija”
Santino de Bartolo – “Naze Naze”
Semi Tafaj – “Vazhdoj”
Teutë Halili – “Amin”
Vlera Kastrati – “Nanë”
Vjosa Shehu – “Alo”
Xuxi – “Identitet”
Zergjina Hasanaj – “Pres”.
ObserverKult
Lexo edhe:
LUMTURIA, TREGIM NGA MAKSIM GORKI