Lajmidites.com

Tag: eurove

  • Vllaznia arrin vlerën 5 milionë euro, ja kush është lideri i skuadrës

    Vllaznia arrin vlerën 5 milionë euro, ja kush është lideri i skuadrës

    Pas përfundimit të merkatos dhe formatimit total të skuadrës për edicionin 2025-26, vlera e skuadrës së Vllaznisë kap një shifër prej 5 milionë eurove në tregun e shit-blerjeve të futbollistëve. Kështu afrimi më i fundit në radhët e shkodranëve, Jasmin Çelikoviç ka rritur vlerën e ekipit të Martinit me 300 mijë euro.
    Pasi ky është çmimi me të cilin vlerësohet boshnjaku në merkato sipas faqes së specializuar të “Transfermarkt”. Po sipas kësaj faqeje, futbollisti më i shtrenjtë në radhët e 9 herë kampionëve të vendit është Sherif Kallaku. Me fushëkrujasin, i cili kap vlerën e 700 mijë eurove në merkato, duke qenë kështu futbollisti i dytë më i shtrenjtë në Superioren e këtij sezoni.

    Ku para tij qëndron vetëm Rouan Human, i afruar së fundmi tek Partizani dhe që vlerësohet me 850 mijë euro në treg. Pas Kallakut gati me gjysmën e vlerës së ishfantazistit të Teutës për nga vlera e kartonit te Vllaznia vjen Esat Mala. Prizrenasi kap një vlerë prej 400 mijë eurosh në merkato, duke qenë kështu futbollisti i dytë më i shtrenjtë tek kuqeblutë.
    Aron Jukaj dhe Aleksandër Kuros mbyllin podiumin e futbollistëve më të shtrenjtë tek Vllaznia, me dyshen që vlerësohen me 300 mijë euro në treg. Të cilëve tashmë iu është bashkuar edhe Çelikoviç me çmimin prej 300 mijë eurosh. Përshtypje bën vlera vetëm prej 200 mijë eurosh që vlerësohet Kastrati, me një futbollist që më parë në treg kishte shifrën e 2 milionë eurove.
    Dhe që te kuqeblutë kërkon pikërisht të rikthehet në nivelet e larta që ka pasur dikur. Në total Vllaznia është ekipi i pestë më i shtrenjtë i Superiores këtë sezon, ku para shkodranëve në vlerën e 6.63 milionë eurove qëndron Partizani, Flamurtari me një vlerë prej 6.28 milionë eurosh, Dinamo me 5.85 milionë euro dhe Egnatia me vlerën e futbollistëve të saj që kap 5.23 milionë eurove.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Qeveria e Kosovës ndan nga 100 eurove për studentët

    Qeveria e Kosovës ndan nga 100 eurove për studentët

    Qeveria në mbledhjen e mbajtur sot ka ndarë 26 milionë euro për studentët. Ajo ka miratuar ndarjen e  nga 100 eurove për të gjithë studentët, gjithashtu edhe bursën e mobilitetit për studentët e nivelit bachelor, për t’i mbështetur ata që studiojnë larg qytetit ku jetojnë.Qeveria në detyrë e Kosovës ka miratuar kërkesën e Ministrisë së Financave për ekzekutimin e 100 eurove për të gjithë studentët që plotësojnë kriteret me fillimin e vitit të ri akademik.Këto mjete pritet të kenë kosto rreth 6 milionë euro.Ministri në detyrë i Financave, Hekuran Murati tha se këto mjete do të sigurohen nga Programi i Ringjalljes Ekonomike.“Siç e theksuat kemi të bëjmë me ndarjen e 100 eurove për studentët që plotësojnë kriteret, ngjashëm siç kanë qenë masat gjatë viteve të mëparshme, dhe ky veprim parashihet të ketë koston rreth 6 milionë euro që pritet të sigurohen nga Pako e Ringjalljes Ekonomike”, tha Murati.Ministri theksoi se për formën e aplikimit dhe datat e ekzekutimit do të njoftohen në vijim.Kryeministri në detyrë, Albin Kurti ka thënë se përveç ndarjes së 100 eurove, studentët që janë në nivelin bachelor do të përfitojnë edhe bursën për mobilitet.“Tashmë e kemi dëshmuar se rritjen ekonomike e ndajmë me qytetaret. Sepse kur rritja ndahet ajo shumohet. Kur zvogëlohet pabarazia në shoqëri, rritet kërkesa agregate në ekonomi. Në kuadër të kësaj ndarje të rritjes ekonomike sot e miratojmë vendimin për ndarjen nga 100 euro për të gjithë studentet që i plotësojnë kriteret. Mbështetja për studentë nuk mbaron me kaq. Sot do të miratojmë edhe bursën e mobilitetit për studentet bachelor. Shuma e mbështetjes do të varet nga distanca nëpërmjet vendbanimit dhe vendit ku studioni”, ka thënë ai.Qeveria ka ndarë një milion euro për  zbatimin e masës 3.4 të pakos së ringjalljes ekonomike – kuponë ushqimi për familjet në nevojë.Ministri në detyrë i Financave, Hekuran Murati ka thënë se synimi është që të arrijnë edhe te këto familje “ngjashëm siç kemi bërë në ditët e kaluara.. e sidomos tash që është stina e dimrit e mund të ketë nevojë”.“Është programi që subvencionon faturën të gjitha ato familje që të ardhurat mesatare për anëtar të familjes i ka 150 euro në muaj. Gjatë vitit të kaluar kemi pasur mbi 80 mijë familje përfituese. Të njëjtat nuk kanë nevojë të aplikojnë”.Qeveria ka aprovuar kërkesën e Ministrisë së Arsimit, Shkencës, Teknologjisë dhe Inovacionit, për ndarjen e buxhetit shtesë për subvencionimin e teksteve dhe materialeve ushqimore.“Është tejet e nevojshme që të përmbyllet ky proces për këtë vit akademik. Si qeveri jemi munduar që në vazhdimësi të arrijmë te secila familje. Megjithatë mekanizmat shtetëror janë të kufizuar se sa familje mund t’i prekim. Kësisoj kemi bërë edhe ndarjen e shumës prej 1 milionë eurove. Edhe këtë vit do të vazhdoj programi i njëjtën programi zbatohet për muajt e stinës së dimrit. Kësisoj nga tetori deri në mars. Edhe kjo masë është tejet e nevojshme dhe mbështet një numër të madh të familjeve në mënyrë që sadopak të lehtësohet barra”.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • “Para dhe pas 5 milionë eurove”/ Berisha publikon videon: Si ka ndryshuar ministrja Spiropali

    “Para dhe pas 5 milionë eurove”/ Berisha publikon videon: Si ka ndryshuar ministrja Spiropali

    Kryetari i PD-së, Sali Berisha ka publikuar në rrjetet sociale një video, ku tregon ndryshimin ndër vite të ministres Elisa Spiropali.
    Krahas pamjeve të Spiropalit, kryedemokrati shkruan: “Para dhe pas 5 milionë eurove. Ndiqeni sipas dëshirës”.
    Në videon e publikuar në FB nga Berisha, shihen foto të Spiropalit kur ishte aktiviste e “Mjaft” dhe në ditët e sotme, që mban poste në qeveri.

  • Ish-ministrja kroate dënohet me burg për keqpërdorim të 1.3 mln eurove të BE-së dhe darka luksoze

    Ish-ministrja kroate dënohet me burg për keqpërdorim të 1.3 mln eurove të BE-së dhe darka luksoze

    Një ish-ministre kroate, e cila ishte dënuar për korrupsion, iu shqiptua dhe një dënim tjetër më 2 shtator për shpenzim të mijëra eurove nga fondet e Bashkimit Evropian për darka luksoze.

    Gabrijela Zalac, e cila u shkarkua nga posti i saj si ministre e fondeve të BE-së në Kroaci në mes të vitit 2019, u dënua me shtatë muaj burg për keqpërdorim të detyrës dhe autoritetit zyrtar, njoftoi Zyra Evropiane e Prokurorit Publik (EPPO) përmes një njoftimi.

    Disa ministra nga partia konservatore HDZ e kryeministrit Andrej Pllenkoviç, janë dorëhequr për shkak të akuzave për korrupsion, që kur ai mori pushtetin më 2016.

    Sipas njoftimit të EPPO-së, që ka kompetencë hetimin e keqpërdorimeve të fondeve të BE-së, Zalac shpenzoi pothuajse 10.000 euro në restorante gjatë të paktën nëntë rasteve.

    Mediat lokale raportuan se ajo përdori fonde të BE-së për të mbuluar shpenzimet e festimit të ditëlindjes së saj të 40-të.

    Zalac, e cila u arrestua për herë të parë në vitin 2021, pranoi fajësinë për akuzat dhe rimbursoi shumën e plotë.

    Në qershor, ajo gjithashtu pranoi fajin për keqpërdorim të detyrës dhe ndikim të paligjshëm lidhur me blerjen e një sistemi të ri IT-së për ministrinë që udhëhiqte.

    Ajo u dënua me dy vjet burg për rolin e saj në keqpërdorimin e më shumë se 1.3 milion eurove dhe u pajtua të paguajë 200.000 euro si kompensim të pjesshëm.

  • Liverpool “pa frena”, kalon shifrën e 300 milionë eurove me 4 transferime

    Liverpool “pa frena”, kalon shifrën e 300 milionë eurove me 4 transferime

    Ekziston një merkato dhe pastaj ekziston merkatoja e Liverpool-it. Ajo që po ndodh këtë verë me kampionin aktual të Premier League është drejt një rekordi. “Reds” nuk janë hedhur pa kriter duke blerë lojtarë masivisht. Aspak. Investimet e tyre kanë qenë të menduara mirë, të matura dhe të shtrenjta, mbi të gjitha të shtrenjta.
    Ekipi anglez ka kaluar shifrën e 300 milionë eurove vetëm me 4 transferime. Pa dyshim, një “bast” milionësh që nuk e ka thënë ende fjalën e fundit. Arne Slot mund të jetë i kënaqur. Pronësia i ka plotësuar dëshirë pas dëshire, pa u shqetësuar shumë për milionat e paundëve që kushtonin lojtarët në listë.
    Shuma më e madhe është shpenzuar për Florian Wirtz. Mesfushori gjerman i Leverkusenit u bë një obsesion për anglezët, të cilët përfundimisht shpenzuan rreth 125 milionë euro të garantuara, plus bonuse të përshtatshme. Bayern Munich, që kishte nisur garën për mesfushorin gjerman, nuk e arriti atë shumë dhe të kuqtë bënë transferimin më të shtrenjtë në historinë e Premier League.
    Dy mbrojtës anësorëNë shumën milionëshe për Wirtz duhen shtuar përforcimet në mbrojtje, konkretisht në krahë. Frimpong ishte i pari që erdhi përkundrejt 40 milionë eurove që Liverpool-i derdhi në arkën e ekipit gjerman. Holandezi, i rritur në akademinë e City, do të jetë “pronar” i krahut të djathtë pas largimit të Trent Alexander-Arnold drejt Real Madridit.
    Pasi “blindoi” krahun e djathtë të mbrojtjes, Liverpool-i u fokusua te krahu i majtë, me Milos Kerkez. Mbrojtësi i majtë hungarez, që shkëlqeu te Bournemouth, u transferua për pak mbi 45 milionë euro. Një tjetër shpenzim i madh.
    SulmuesiNë fund, dhe pasi tentuan transferimin e Isak (për të cilin Newcastle kërkonte rreth 150 milionë euro), skuadra e Slot mori shërbimet (ende jo zyrtare) të Ekitiké nga Eintracht Frankfurt për 90 milionë euro të garantuara, plus 5 milionë bonuse.
    Me ardhjen e sulmuesit, Liverpool-i ka kaluar shifrën e mbi 300 milionë eurove shpenzime, një shifër e jashtëzakonshme, duke pasur parasysh se ende kanë mbetur 6 javë nga limiti i transferimeve verore.
    Në thelb, Liverpool-i po bën një merkato rekord me 4 blerje kryesore, duke shpenzuar mbi 300 milionë euro për të forcuar skuadrën.

  • “Po firmosim si dele për xhuxhin”/ Hetimet e SPAK për Jonaid Myzyrin zbulojnë grabitjen e 200 mijë eurove

    “Po firmosim si dele për xhuxhin”/ Hetimet e SPAK për Jonaid Myzyrin zbulojnë grabitjen e 200 mijë eurove

    Jonaid Myzyri

    TIRANË- Zbulohen detaje të reja nga dosja hetimore për Jonaid Myzyrin, drejtorin e pezulluar nga detyra të Prokurimeve Publike, i cili është nën akuzë për shkelje të barazisë në tendera. Nga e gjithë dosja është zbuluar një tjetër skandal, që përfshin edhe zyrtaren e KPP-së, Jonida Skeja. Edhe kjo e fundit është nën akuzë bashkë me Myzyrin.
    Burime pranë Prokurorisë së Posaçme konfirmuan për “ReportTV” se ndaj saj paralelisht po kryhen veprime mbi një ngjarje të vitit 2020. Në kuadër të procedimit penal nr 175/1, janë zbardhur biseda që hedhin dritë mbi grabitjen e 200 mijë eurove në banesën e Skejës, por edhe pengmarrjen e vëllait të saj. Në përgjime rezulton se zyrtarja e KPP-së bisedon me nënën e saj për vjedhjen e parave në banesën e tyre dhe shfaqet e shqetësuar edhe për pengmarrjen e vëllait nga grabitësit e maskuar.
    “Po firmosim si delet për atë xhuxhin,”- mësohet të jetë shprehur në një nga bisedat zyrtarja e KPP-së. Për të zbuluar më shumë rreth kësaj grabitjeje, prokurori i SPAK që po merret me këtë çështje, Elvin Gokaj i është drejtuar Policisë së Elbasanit dhe Librazhdit, për t’i vënë në dispozicion informacione, nëse janë bërë denoncime për këtë rast, dhe nëse po si është vepruar. Burimet konfirmuan se prej Elbasanit kanë mbërritur materiale voluminoze lidhur me ngjarjen, duke konfirmuar kështu dyshimet e grabitjes, por nga ana tjetër nuk përjashtohet mundësia që shuma e grabitur të jetë disa herë më e madhe.
    Hetimet për grabitjen e 200 mijë eurove janë veçuar, për dosjen e parë janë marrë të pandehur 11 persona që dyshohen se shkelën barazinë në tendera, midis tyre është edhe Jonaid Myzyri./ZËRI

  • Skenar si në filma, si u zbulua grabitja e 200 mijë eurove në shtëpinë e zyrtares së Komisionit të Prokurimit Publik

    Skenar si në filma, si u zbulua grabitja e 200 mijë eurove në shtëpinë e zyrtares së Komisionit të Prokurimit Publik

    Foto nga grabitja

    SPAK i ka kërkuar dy policive lokale të Elbasanit dhe të Librazhdit nëse është denoncuar apo jo një grabitje e ndodhur në 2020 dhe një pengmarrje që ka rezultuar se kanë ndodhur gjatë bisedave midis disa personave nën hetim.
    Sipas bisedave të kryera midis një zyrtareje që është nën hetim për një çështje tjetër rezulton se ajo bisedon me të afërmit për vjedhjen e 200 mijë euro në banesën e tyre.
    Po ashtu e dyshuara L. Skeja shfaqet e shqetësuar për marrjen peng të të vëllait nga grabitësit e maskuar, të cilët u larguan së bashku me paratë dhe me familjarin në mënyrë që ai të mos njoftonte policinë. Gjatë këtyre hetimeve që mbajnë numrin 175/ 1 SPAK ka pyetur shtetasen në fjalë mbi burimin e parave, e cila ka arsyetuar se paratë ishin të dërguara nga  të afërmit që jetojnë në Greqi.
    Ky hetim mori shkas nga investigimi penal i prokurorit Elvin Gokaj, që teksa po hetonte disa zyrtarë të institucioni të Komisionit të Prokurimeve publike ndeshi dhe me rrethanat e grabitjes.
    Teksa burimet i thanë Top Channel se hetimet për grabitjen e 200 mijë eurove janë veçuar, për dosjen e parë janë marrë të pandehur 11 persona që dyshohen se shkelën barazinë në tendera, midis tyre është edhe Jonaid Myzyri./ Top Channel 

  • Kosovë/ Qeveria në detyrë ndan 580 mijë euro për shkollën dhe muzeun në Preshevë

    Kosovë/ Qeveria në detyrë ndan 580 mijë euro për shkollën dhe muzeun në Preshevë

    Qeveria në detyrë ka miratuar ndarjen e 580 mijë eurove për ndërtimin e një shkolle të muzikës dhe muzeut në Preshevë, duke vazhduar kështu mbështetjen për komunitetin në këtë rajon.Kryeministri në detyrë, Albin Kurti, tha se mbështetja për arsim dhe lobim institucional në Preshevë nuk ndalet, duke përmendur se në mbledhjen e kaluar janë ndarë mbi 626 mijë euro për qëllime të ngjashme.“Mbledhjen e kaluar ndamë mbi 626 mijë euro për mbështetjen në arsim dhe lobim institucional atje. Këtë mbështetje po e vazhdojmë edhe sot me ndarjen e 580 mijë eurove. Mbështetja do të vijojë,” deklaroi Kurti.Gjithashtu, Qeveria miratoi lidhjen e marrëveshjes së grantit mes Kosovës dhe Asociacionit Ndërkombëtar për Zhvillim për projektin “Programi – Nxitja dhe lejimi i mundësive për sigurinë e ujit, faza 2”.Në këtë mbledhje, kabineti qeveritar votoi gjithashtu për ndarjen e mbi 700 mijë eurove për Ministrinë e Kulturës, në mbështetje të obligimeve sipas “Memorandumit të Mirëkuptimit mes MKRS-së, Federatës së Volejbollit dhe Komitetit Olimpik”.Në fund, kryeministri në detyrë shprehu ngushëllime për familjarët dhe kolegët e komandantit të Togut të Zjarrfikësve në Gjakovë, Kaçun Lima, duke e vlerësuar atë për vetmohimin dhe përkushtimin e tij në detyrë.“Do të kujtohet gjithmonë për vetmohimin në çdo ditë të punës, përkushtimin e lartë ndaj detyrave dhe përgjegjësive, si dhe shembullin për të tjerët si udhëheqës i togut,” u shpreh Kurti.

  • Rinumërimi i votave në Fier, reagon Bardhi: Vjedhjet në çdo drejtim duhet të ndëshkohen

    Rinumërimi i votave në Fier, reagon Bardhi: Vjedhjet në çdo drejtim duhet të ndëshkohen

    Kreu i Grupit Parlamentar të Partisë Demokratike, Gazment Bardhi, ka reaguar pas procesit të rinumërimit të rreth 2000 kutive në 3 qarqet kryesore të vendit, duke theksuar se “SPAK nuk ka arsye pse të vonojë hetimet për Ceno Klosin”, i cili rezultoi me rreth 800 vota më shumë më 11 maj.
    Postimi i Bardhit:
    “Rinumërimi i rreth 2000 kutive në 3 qarqet kyesore të vendit, nxorri në sipërfaqe vetëm atë që të gjithë e dinim: sa e pangopur në vjedhje është Belinda Balluku alias Zeqine Balluku.
    Vota të trafikuara që arrinin deri aty sa kishin trafikuar edhe mandate në tavolinë, në mënyrë të panevojshme, hapur dhe në sy të kamerave e opinionit publik, provon qartë se çfarë ka qenë në gjendje të bëjë larg kamerave dhe vëmendjes së opinionit publik.
    Vjedhja e votave masivisht deri në trafikimin e mandateve është “gabim njerëzor” aq sa është “gabim njerëzor” vjedhja e:
    ❌ 80 milion eurove me dy TEC-et lundruese në Vlorë;
    ❌ 180 milion eurove në aferën e shitblerjes së energjisë elektrike;
    ❌ 50 milion eurove në aferën e Tunelit të Llogarasë.
    Vjedhjet në çdo drejtim duhet të ndëshkohen dhe SPAK nuk ka asnjë arsye të vonojë hetimet për Belinda Ballukun dhe Ceno Klosin. Nëse vjedhjet në ushtrimin e detyrës mbeten të pandëshkuara, atëherë kalohet lehtësisht tek vjedhja dhe deformimi i vullnetit të qytetarëve, me shpresën që janë të paprekshëm.

  • EMRAT/ Zbardhet vjedhja e mbi 2700 eurove në Lezhë, në pranga 3 persona

    EMRAT/ Zbardhet vjedhja e mbi 2700 eurove në Lezhë, në pranga 3 persona

    Policia ka vënë në pranga 3 autorët e grabitjes me dhunë të ndodhur dy ditë më parë (28 prill)  në banesën e një të moshuari në Lezhë.
    Të arrestuarit janë Keviljano Ndoj, Andi Sanco dhe Lorenc Lleshi.
    3 hajdutët vodhën me dhunë 1500 dollarëve, 880 eurove, 50 000 lekëve dhe 1 arme gjahu, në banesën e 66-vjeçarit.
    “Si rezultat i hetimeve të thelluara të kryera menjëherë pas telefonatës për vjedhje me dhunë, në banesën e një 66-vjeçari, në fshatin Gajush, shërbimet e Komisariatit të Policisë Lezhë dhe ato të Drejtorisë Vendore të Policisë Lezhë, në bashkëpunim me Prokurorinë e Lezhës, zbardhën dinamikën e rastit dhe arrestuan autorët e dyshuar.
    Konkretisht, në kuadër të operacionit “Telefonata”, u identifikuan, u kapën dhe u vunë në pranga shtetasit K. N., 22 vjeç, banues në Mirditë (me precedent penal), A. S., 21 vjeç, banues në Korçë dhe L. Ll., 22 vjeç, banues në Tiranë (u kap nga shërbimet e PKK Muriqan, në dalje).
    Nga hetimet dyshohet se 3 shtetasit janë implikuar në vjedhjen me dhunë të 1500 dollarëve, 880 eurove, 50 000 lekëve dhe 1 arme gjahu, në banesën e një 66-vjeçari, në fshatin Gajush, kryer në orët e para të mëngjesit të datës 28.04.2025.
    Në vijim të operacionit, nisi procedimi në gjendje të lirë, për babanë e shtetasit K. N., shtetasin Gj. N., 50 vjeç, për veprën penale “Përkrahja e autorit të krimit”.
    Materialet procedurale iu referuan Prokurorisë së Lezhës, për veprime të mëtejshme”, thuhet në njoftimin e policisë.