Një gjykatës federal në New York ka miratuar publikimin e dokumenteve të jurisë së madhe të çështjes së trafikut seksual ndaj Jeffrey Epstein-it, në kuadër të një ligji të ri që kërkon transparencë të plotë mbi hetimet.
Gjykatësi i Distriktit, Richard Berman, ka ndryshuar vendimin e tij të mëparshëm për të mbajtur të mbyllura materialet, duke argumentuar se Kongresi ka miratuar së fundi Ligjin për Transparencën e Dosjeve Epstein, i cili detyron Departamentin e Drejtësisë të publikojë dokumentet përkatëse.
“Viktimat kanë të drejtë që identiteti dhe privatësia e tyre të mbrohen. Siguria dhe privatësia e tyre janë parësore”, thuhet në vendimin e gjykatësit Berman.
Epstein ishte akuzuar për trafik seksual në korrik të vitit 2019, ndërsa u gjet i vdekur një muaj më vonë në qelinë e tij në një burg të Nju Jorkut, teksa priste gjyqin.
Në gusht, gjykatësi Berman kishte refuzuar kërkesën e Departamentit të Drejtësisë për publikimin e materialeve, për shkak të shqetësimeve të ngritura për sigurinë dhe privatësinë e viktimave. Megjithatë, vendimi i ri hap rrugën për publikimin e dokumenteve, pasi ligji i nënshkruar muajin e kaluar nga presidenti Donald Trump kërkon që materialet të bëhen publike deri më 19 dhjetor.
Ligji parashikon publikimin e dokumenteve të deklasifikuara, komunikimeve dhe provave të tjera hetimore, por lejon që të mbahen të fshehta materialet që lidhen me hetime aktive ose që prekin privatësinë e individëve të përfshirë.
Berman është gjykatësi i tretë federal që mbështet kërkesat e Departamentit të Drejtësisë për publikimin e dosjeve që nga miratimi i ligjit të ri. Të martën, një gjykatës tjetër dha një vendim të ngjashëm në çështjen e Ghislaine Maxwell-it, e cila u dënua në vitin 2021 me 20 vite burg për rolin e saj në rekrutimin dhe përgatitjen e vajzave të mitura që më pas abuzoheshin nga Epstein.
Ndërkohë, të premten e kaluar, një gjykatës në Florida miratoi hapjen e transkripteve të jurisë së madhe nga një hetim tjetër mbi Epstein-in, që daton nga vitet 2005–2007.
Tag: epstein
-
Gjykatësi në New York urdhëron publikimin e dokumenteve nga çështja e Epstein
-
Analiza/ Jeffrey Epstein: Monedha e tij më fitimprurëse ishin njerëzit, edhe pas vdekjes ai vazhdon t’i përndjekë ata që e njihnin
Monedha më e vlefshme e Jeffrey Epstein ishin njerëzit dhe gjashtë vjet pas vdekjes, ai vazhdon të përndjekë ata që e njihnin.
Sipas analizës së ‘Sky News’, Princi Andrew e përshkroi dikur Epsteinin si dikë që “bashkonte njerëz të jashtëzakonshëm”, duke organizuar darka me akademikë, politikanë dhe figura ndërkombëtare. Rrjeti i tij shtrihej në SHBA dhe në elitat globale nga bankierë e pronarë fondesh spekulative deri te politikanë dhe biznesmenë. Rezidenca e tij në Palm Beach ishte vetëm disa minuta larg Mar-a-Lago-s së Donald Trump, i cili në vitin 2002 e quajti atë një “djalë të mrekullueshëm”.
Publikimi i mijëra emaileve personale ka zbuluar se ish-udhëheqës botërorë i kërkonin këshilla për çështje politike dhe financiare. Emailet e tij ishin të shkurtra, shpesh të çrregullta, duke krijuar imazhin e një njeriu të zënë e të vështirë për t’u lexuar. Ai i kushtonte rëndësi pamjes së jashtme, si të tijës edhe të grave që abuzonte, dhe shoqërohej me modele dhe figura të njohura.
Libri i tij për ditëlindjen e 50-të, i mbushur me foto të sinqerta, tregon stilin e tij të jetesës luksoze dhe fiksimin ndaj grave të reja. Rrjeti i tij përmes të ashtuquajturave “masazhe” u bë rruga drejt abuzimit. Libri i zi i kontakteve kishte mbi 150 gra të listuara në SHBA dhe Evropë. Masazhet ishin pjesë e rutinës së tij të përditshme, në çdo vend ku ndodhej në avionin privat, në shtëpitë e tij apo në ishullin privat.
Megjithëse shumë gra raportuan abuzimin, dënimi i tij i vetëm para vitit 2019 ishte në vitin 2008, kur ai mori një marrëveshje të kontestuar dhe kreu vetëm 13 muaj burg, me leje për të dalë pothuajse çdo ditë. Ai kurrë nuk shfaqi pendim, madje tallej me lëvizjen “Me Too” dhe justifikonte marrëdhëniet me të mitura duke i quajtur “biologjikisht të afta”.
Dokumentet e publikuara nga Komiteti Mbikëqyrës i Dhomës së Përfaqësuesve tregojnë se Epstein pagoi shuma të mëdha për të manipuluar rezultatet e kërkimit në Google pas dënimit të tij.
Në korrik 2019, ai u arrestua për akuza federale për trafik seksual. Në shtëpinë e tij në Nju Jork u gjetën një “vëllim i jashtëzakonshëm” fotografish nudo të vajzave të reja, një kasafortë me para, diamante dhe pasaporta të rreme. Më 10 gusht 2019, Epstein u gjet i vdekur në qelinë e tij, pak pasi kishte nënshkruar një testament që e fshihte pasurinë e tij në një fond besimi.
Virginia Giuffre, viktima e tij më e njohur e cila këtë vit i dha fund jetës shkroi se “Epstein është i vdekur, por qëndrimi që e lejoi të bëjë atë që bëri, është ende gjallë”.
Edhe pas vdekjes, figura e Epstein vazhdon të përndjekë miqtë, aleatët dhe bashkëpunëtorët e tij, shumë prej të cilëve mund të tremben nga ajo që ende mund të zbulohet.Top Channel
-
Publikohen për herë të parë video nga ishulli privat i Epsteinit
Demokratët e Dhomës së Përfaqësuesve në Komitetin Mbikëqyrës publikuan të mërkurën foto dhe video nga një ishull privat në Karaibe që dikur e zotëronte Jeffrey Epstein, duke hedhur dritë mbi atë që dikur ishte epiqendra e dekadave të abuzimit të vajzave dhe grave të reja nga i dënuari i ndjerë për abuzime seksuale.
Imazhet dhe videot tregojnë disa dhoma gjumi, banjo dhe atë që duket se i ngjan një karrigeje dentisti në një dhomë me maska në mur, si dhe një telefon fiks me emra të shkruar në butonat e thirrjes së shpejtë, duke përfshirë Darren, Rich, Mike, Patrick dhe Larry.
Video të shumta kapin oborrin luksoz të një shtëpie që i ngjan një resorti luksoz, me një pishinë, palma dhe një shteg dredha-dredha me pamje nga oqeani. Një foto duket se kap një studio me një dërrasë të zezë: të shkruara në të janë fjalë si “pushtet”, “mashtrim”, “komplote” dhe “politike”.
Një ndihmës i komitetit demokrat i tha CNN se fotot dhe videot e publikuara nga komiteti të mërkurën nuk janë bërë kurrë publike më parë dhe janë marrë të gjitha nga Ishulli Little St. James në Ishujt Virgjër të SHBA-së. Ka disa redaktime në imazhet e telefonit dhe të tabelës së zezë. Ndihmësi tha se emrat e çdo gruaje janë redaktuar.
Pasi publikuan fillimisht 14 imazhe dhe video, demokratët në panel më vonë publikuan një tjetër pjesë që tregonte më shumë nga pronat e ishullit.
Zbulimi vjen menjëherë pasi Presidenti Donald Trump nënshkroi një projektligj që e detyron Departamentin e Drejtësisë të publikojë dokumentet që lidhen me Epsteinin dhe që i ka në zotërim. Publikimi i të ashtuquajturave dosje Epstein pritet me shumë interes dhe mund të ndodhë brenda pak ditësh.
“Këto imazhe të reja janë një vështrim shqetësues në botën e Jeffrey Epstein dhe ishullit të tij. Ne po i publikojmë këto foto dhe video për të siguruar transparencë publike në hetimin tonë dhe për të ndihmuar në krijimin e një pamjeje të plotë të krimeve të tmerrshme të Epstein”, tha në një deklaratë përfaqësuesi Robert Garcia, demokrati më i lartë në komitetin mbikëqyrës.
Ishujt e Virgjër të SHBA-së kanë qenë prej kohësh me interes të madh për hetuesit që po hetojnë dekadat e abuzimit të Epstein. Epstein zotëronte privatisht Ishullin Little St. James, ndonjëherë i quajtur me nofkën “Little St. Jeff’s” dhe Great St. James.
Epstein frekuentonte shtëpitë e tij atje dhe ftesat shpesh u bëheshin shumë prej miqve dhe të njohurve të tij të fuqishëm dhe të pasur. Këta ishuj privatë i lejuan Epstein të kryente rrjetin e tij të trafikimit seksual për vite me radhë larg syrit të publikut. -
VIDEO/ Demokratët e Dhomës së Përfaqësuesve nxjerrin “zbuluar” Epstein-in, publikojnë pamjet nga ishulli privat në Karaibe: Resort luksoz…
Demokratët e Dhomës së Përfaqësuesve, në Komitetin Mbikëqyrës, kanë publikuar foto dhe video të reja nga ishulli privat në Karaibe që dikur i përkiste Jeffrey Epstein, duke hedhur dritë të re mbi aktivitetet e tij kriminale.
Materialet u bënë publike të mërkurën, duke zbuluar pamje të papara më parë të vendit që ka qenë epiqendra e abuzimeve seksuale ndaj vajzave dhe grave të reja.
Foto dhe video të shumta dokumentojnë ambiente të ndryshme në ishull, përfshirë disa dhoma gjumi, banjo dhe një karrige dentisti me maska në mur. Në një tjetër imazh, një telefon fiks duket të ketë emra të shkruar në butonat e thirrjes së shpejtë, përfshirë emrat Darren, Rich, Mike, Patrick, dhe Larry.
Videoja gjithashtu kap një oborr të një shtëpie që ngjan me një resort luksoz, me pishinë dhe një shteg të ngushtë që shkon deri në plazh.
Një ndihmës i komitetit demokrat i tha CNN-së se këto pamje, të cilat nuk ishin publikuar më parë, janë marrë nga Ishulli Little St. James dhe janë redaktuar për të fshehur identitetin e disa individëve, duke përfshirë emrat e grave që shfaqen në imazhe.
Ky publikim vjen pas miratimit nga Presidenti Donald Trump i një projektligji që detyron Departamentin e Drejtësisë të publikojë dokumentet që i ka lidhur me Epstein-in.
Pritet që dosjet e njohura si “dosjet Epstein” të bëhen publike në ditët në vijim, duke shkaktuar interes të madh për informacionet që mund të zbulojnë lidhjet dhe aktivitetet e Epstein-it.Top Channel
-
Dosja Epstein/ Trump: Firmosa projektligjin, do zbulohen lidhjet me demokratët
Presidenti amerikan Donald Trump njoftoi se e kishte nënshkruar projektligjin që urdhëron publikimin e dosjes së ish-financierit abuzues, Jeffrey Epstein, nga ana e departamentit të drejtësisë. Projektligji I kërkon autoriteteve të publikojnë të gjitha informacionet lidhur me hetimet 30 ditore për Epstein, edhe pse disa prej tyre mund të mos zbulohen nëse lidhen me ndonjë hetim aktiv apo nëse vlerësohet se shkelin privatësinë personale.
Kongresi i dha dritën jeshile projektligjit, pasi Trump ndryshoi qëndrim dhe u kërkoi ligjvënësve ta mbështesin mes trysnisë në rritje nga bashkëpunëtorë të tij. presidenti e cilëson çështjen si një mashtrim demokrat që synon të devijojë vëmendjen nga puna e kësaj partie.
“Ndoshta e vërteta rreth këtyre demokratëve dhe lidhjeve të tyre me Jeffrey Epstein do të zbulohet së shpejti, sepse unë sapo kam nënshkruar projektligjin për të publikuar Dosjet Epstein”, tha Donald Trump.
Dosjet e Epstein që do të publikohen sipas legjislacionit përfshijnë dokumente nga hetimet penale ndaj financiarit, mes të cilave transkripte intervistash me viktima dhe dëshmitarë, si dhe materiale të sekuestruara gjatë bastisjeve në pronat e tij.
Këto dosje janë të ndryshme nga mbi 20,000 faqet e dokumenteve nga prona e Epstein-it që Kongresi publikoi javën e kaluar, duke përfshirë disa që përmendin drejtpërdrejt Trump-in. Ndër to janë mesazhe të vitit 2018 nga Epstein, në të cilat ai thoshte për Trump-in:
“Unë jam ai që mund ta rrëzojë” dhe “ë di sa i ndyrë është Donald-i”.Trump ishte mik i Epstein-it për vite me radhë, por presidenti ka thënë se u larguan nga njëri-tjetri në fillim të viteve 2000, dy vjet para se Epstein të arrestohej për herë të parë.
Trump ka mohuar në mënyrë të vazhdueshme çdo shkelje në lidhje me Epstein duke thënë se ky ishte një problem i demokratëve. -
Trump firmos hapjen e dosjes “Epstein”, presidenti amerikan nuk humb kohë pas votimit të projektligjit në Kongres
Presidenti amerikan Donald Trump nënshkroi projektligjin që udhëzon departamentin e drejtësisë të publikojë dosjet nga hetimi për pedofilin Jeffery Epstein duke iu përgjigjur kështu presionit të përbashkët nga demokratët dhe baza e tij konservatore. Firmosja nga Trump erdhi pas mbështetjes së gjerë që projektligji mori në të dyja dhomat e kongresit.
Tani që projektligji është nënshkruar nga presidenti, Departamenti i Drejtësisë ka një numërim mbrapsht prej 30 ditësh për ti paraqitur publikut të dhënat e dosjes Epstein. Këto materiale përfshijnë të dhëna, komunikime apo emra të njohur nga fusha të ndryshme nga e gjithë bota.
Megjithatë vendimi I trump ka nxitur reagime të shumëta dhe skepticizëm nëse administrata do ti publikojë të gjitha të dhënat pasi projektligji lejon redaktime në raste të vecanta për emra apo detaje të caktuara.Demokratët janë mburrur me polemikat mbi dosjet dhe mundësinë që ato të përmbajnë informacione kompromentuese rreth presidentit Trump, i cili kishte një miqësi personale me Epstein përpara se ai të dënohej për prostitucion me të mitur në vitin 2008.
Jeffery Epstein u gjet i vdekur në qelinë e burgut në Neë York në vitin 2019, në atë që një mjek ligjor e cilësoi si vetëvrasje. Ai po mbahej nën akuza të tjera për trafikim seksual./vizionplus.tv -
Zbulohen email-et e reja në lidhje me skandalin në Britani, Princi Andrew kishte marrëdhënie të fshehtë me punonjësen e Jeffrey Epstein
Një seri e re dokumentesh të çështjes Epstein ka hedhur dritë mbi një komunikim privat ku ish-gazetari amerikan Landon Thomas Jr i shkruante financierit Jeffrey Epstein se “Princi Andrew kishte pasur marrëdhënie konsensuale” me një punonjëse të tij.
Emaili, i dërguar në janar 2015, sugjeron se lidhja publike e Andrew me Epstein po “mbante gjallë historinë”. Në mesazh, Thomas Jr i kërkon financierit të distancohet nga ish-anëtari i familjes mbretërore britanike, duke theksuar se pikërisht Andrew ishte arsyeja pse akuzat po vazhdonin të riktheheshin.
Princi Andrew ka mohuar gjithmonë se ka pasur dijeni apo përfshirje në krimet seksuale të Epstein, pavarësisht miqësisë së tyre të ngushtë.
Thomas Jr, i cili konsiderohej i afërt me Epstein, u kontaktua nga The Telegraph pas publikimit të dokumenteve. Ai deklaroi se nuk kishte informacion të drejtpërdrejtë nga Epstein dhe se komentet e tij në email thjesht pasqyronin raportimet e medias së kohës.
Publikimi vjen vetëm pak ditë pasi një email tjetër i Ghislaine Maxwell – e dënuar për trafikim seksual – tregonte se Andrew kishte marrë një “masazh” në shtëpinë e saj në Belgravia. Emri i Andrew është i lidhur prej vitesh me rastin, sidomos pas akuzave të Virginia Giuffre, e cila pretendon se ka pasur marrëdhënie me të në moshën 17-vjeçare.
Mes presionit të vazhdueshëm publik, Mbreti Charles i hoqi Andrew të gjitha titujt mbretërorë muajin e kaluar, shkruan The Sun.
Ndërkohë, anëtarë të Kongresit amerikan i kanë dërguar ish-Dukut të York një thirrje zyrtare për të dëshmuar rreth “miqësisë së tij afatgjatë” me Epstein, edhe pse ai nuk ka detyrim ligjor të paraqitet.
Kjo valë e re zbulimesh vjen në prag të publikimit të një pakoje të madhe dokumentesh të tjera mbi çështjen Epstein, të cilat pritet të deklasifikohen brenda 30 ditëve. Senati dhe Dhoma e Përfaqësuesve i kanë dhënë tashmë miratimin, dhe dosjet presin firmën e Presidentit Donald Trump për t’u bërë publike.Top Channel
-
Trump nënshkruan ligjin për publikimin e dosjeve të Epstein, akuzon demokratët për fshehje të së vërtetës
Presidenti Donald Trump njoftoi se ka nënshkruar projektligj që urdhëron publikimin e të gjitha dosjeve që lidhen me autorin e ndjerë të krimit seksual, Jeffrey Epstein, pas muajsh kundërshtimesh.
Trump më parë kundërshtoi publikimin e dosjeve, por ndryshoi qëndrim javën e kaluar pasi u përball me kundërshtimin e viktimave të Epstein dhe anëtarëve të Partisë së tij Republikane.
Në një postim të gjatë në platformën e tij të mediave sociale, Truth, presidenti amerikan akuzon demokratët se po fshehin të vërtetën rreth financierit të pasur, i cili vdiq në burg në vitin 2019 para gjyqit të tij për krime seksuale, shkruan A2 CNN.
“Jeffrey Epstein, i paditur nga Departamenti i Drejtësisë i Trump në vitin 2019 (jo nga Demokratët!), ishte një demokrat i përjetshëm, dhuroi mijëra dollarë për politikanë demokratë dhe ishte i lidhur thellë me shumë figura të shquara demokrate, si Bill Clinton (i cili fluturoi me të 26 herë), Larry Summers (i cili sapo dha dorëheqjen nga disa borde drejtorësh, përfshirë Harvardin), aktivisti politik i korruptuar Reid Hoffman, udhëheqësi i pakicës në Dhomën e Përfaqësuesve Hakeem Jeffries (i cili i kërkoi Epstein të dhuronte për fushatën e tij pasi Epstein u padit), kongresmenja demokrate Stacey Plaskett dhe shumë të tjerë.”
Ndoshta,” vazhdoi ai, “e vërteta rreth këtyre demokratëve dhe lidhjeve të tyre me Jeffrey Epstein do të zbulohet së shpejti, sepse unë sapo nënshkrova ligjin për të publikuar dosjet e Epstein.
Projektligji kërkon që departamenti i drejtësisë të publikojë të gjitha informacionet nga hetimi i tij ndaj Epstein “në një format të kërkueshëm dhe të shkarkueshëm” brenda 30 ditëve, raporton A2 CNN.
Me mbështetjen e tij, legjislacioni u miratua me shumicë dërrmuese të të dy dhomave të Kongresit, Dhomës së Përfaqësuesve dhe Senatit, të martën.
Dosjet e Epstein që mund të publikohen sipas legjislacionit janë dokumente nga hetimet penale ndaj financierit, duke përfshirë transkripte të intervistave me viktimat dhe dëshmitarët, dhe sende të sekuestruara në bastisjet e pronave të tij. Këto materiale përfshijnë komunikime të brendshme të departamentit të drejtësisë, regjistra fluturimesh dhe njerëz e subjekte të lidhura me Epstein. -
Trump nënshkruan ligjin për hapjen e dosjes së Jeffrey Epstein: Ai ishte mik i ish-Presidentit Bill Clinton
Presidenti Donald Trump njoftoi se ka nënshkruar një projektligj që urdhëron Departamentin e Drejtësisë të publikojë të gjitha dokumentet e tij lidhur me Jeffrey Epstein.
Trump e bëri njoftimin përmes një postimi të gjatë në rrjetet sociale, duke e paraqitur publikimin e dokumenteve si një përpjekje për transparencë që ai ka shtyrë përmes Kongresit dhe duke përdorur momentin për të kritikuar demokratët për lidhjet e tyre të mëparshme me Epstein.
Ai tha se Jeffrey Epstein, i cili u akuzua nga Departamenti i Drejtësisë i Trump-it në vitin 2019 (jo nga demokratët), ishte demokrat gjatë gjithë jetës, dhuroi mijëra dollarë për politikanë demokratë dhe kishte lidhje të thella me figura të njohura të Partisë Demokratike, duke përmendur ish-presidentin Bill Clinton, ish-sekretarin e Thesarit Larry Summers, bashkëthemeluesin e LinkedIn, Reid Hoffman, dhe të tjerë.
Projektligji, i titulluar zyrtarisht “Epstein Files Transparency Act”, u miratua nga Dhoma e Përfaqësuesve të martën me votat 427 pro ndaj 1 kundër. Senati pastaj ra dakord me konsensus të plotë që ligji të konsiderohet i miratuar sapo të merret nga Dhoma, gjë që ndodhi të mërkurën në mëngjes.
Nuk është menjëherë e qartë se si Departamenti i Drejtësisë do t’i publikojë dokumentet e lidhura ose nëse informacioni do të mbetet i bllokuar në hetime të vazhdueshme.
Presidenti përdori pjesën tjetër të postimit për të kritikuar atë që e quajti vite hetimesh me motive politike, duke lavdëruar gjithashtu arritjet që ai i përshkroi si të administratës së tij.
Ai përfundoi duke thënë se ky “lajm i rremë i fundit do të kthehet kundër demokratëve ashtu si të gjithë të tjerët! Faleminderit për vëmendjen ndaj kësaj çështjeje”Top Channel
-
“Departamenti amerikan i Drejtësisë do të publikojë dosjet e Epstein brenda 30 ditësh”
Departamenti amerikan i Drejtësisë do të publikojë dosjet nga hetimi i tij ndaj Jeffrey Epstein brenda 30 ditësh. Këtë ka deklaruar këtë të mërkurë Prokurorja e Përgjithshme, Pam Bondi pasi Kongresi votoi pro publikimit të dosjes.
Në një konferencë për shtyp, Bondi konfirmoi se Departamenti i Drejtësisë do të publikojë materialet e saj në lidhje me Epstein brenda 30 ditëve, siç kërkohet nga legjislacioni që miratoi dje Dhomën e Përfaqësuesve dhe Senatin e kontrolluar nga republikanët.
“Ne do të vazhdojmë të ndjekim ligjin dhe të inkurajojmë transparencën maksimale”, tha ajo.
Por ky publikim mund të mos jetë gjithëpërfshirës, pasi agjencia mund të duhet të mbajë të fshehtë materiale që mund të ndikojnë në hetimet e urdhëruara nga Trump ndaj figurave demokrate që lidhen me Epstein. Departamenti do të mbrojë gjithashtu identitetin e çdo viktime të trafikimit seksual, emrat e të cilëve shfaqen në dokumente.
Dhoma e Përfaqësuesve e SHBA-së votoi me shumicë dërrmuese të martën në favor të një projektligji që i kërkon Departamentit të Drejtësisë të publikojë të dhënat lidhur me Jeffrey Epstein. Projektligji u miratua me shumicë dërrmuese prej 427 votash pro dhe vetëm një kundër.
I vetmi person që votoi kundër ishte përfaqësuesi Clay Higgins, një republikan nga Luiziana, i cili është një mbështetës i flaktë i Trump.