Lajmidites.com

Tag: enver

  • Fan Noli: “O Bajram, bajrak i gjallë, more nam…”

    Fan Noli: “O Bajram, bajrak i gjallë, more nam…”

    Poezi nga Fan Noli

    Kur tufani e çthuri fenë,Kur tirani e krrusi atdhenë,Mi një brek të DragobisëPriret Flamur’ i lirisë.

    Atje nisi, atje mbaroj,Atje krisi, atje pushoj,Rrufe-shkab’ e Malësisë,Në një shkëmb të Dragobisë.

    Vendi dridhej, ay mbetiSe s’tronditej nga tërrmeti.Dif drangoj i Dragobisë,Trim tribun i Vegjëlisë.

    O Bajram, bajrak i gjallë,More nam me gjak në ballë,Te një shpell’ e Dragobisë,Yll i rrall’ i burrërisë.

    Thon’ u-shtri e thon’ u-vra,Po ti s’vdiqe, or Baba,As te shkëmb’ i Dragobisë,As te zëmr’ e Djalërisë.

    As je vrar’ e as po vriteshLegjendar Ante po rritesh.Dithiramb i Dragobisë,Tmerr, panik i mizorisë.

    Me Zjarr Shenjt u-ndrit kjo shpellë.Gjer në qjell u-ngrit KështjellëPër çlirimn’ e ShqipërisëKatakomb’ e Dragobisë.

    ObserverKult

    Lexo edhe:

    “TRUPI I FAIKUT ËSHTË NË DOLLAP DHE PO PRISHET”, LETRAT E FAN NOLIT DREJTUAR ENVER HOXHËS DHE SEJFULLA MALËSHOVËS

    “Letërkëmbimi i Fan Nolit” na sjellë korrespodencën e Nolit mes Enver Hoxhës dhe Sejfulla Malëshovës për amanetin që i kishte lënë Faik Konica.

    Libri “Letërkëmbimi i Fan Nolit”, është botim i shtëpisë botuese “Erik”, i përgatitur nga studiuesi Nasho Jorgaqi. Mes 544 letrave është edhe korrespondenca mes Nolit dhe Enver Hoxhës. Një pjesë e tyre është botuar në të përditshmen DITA.

    Ndërroj jetë me mejtimin se ti je njeriu që më ke kuptuar më mirë në këtë botë…

    Në dhjetor të vitit 1942, Faik Konica do të mbyllte sytë. Pak kohë para vdekjes i shkruante Nolit:

    “Ndërroj jetë me mejtimin se ti je njeriu që më ke kuptuar më mirë në këtë botë… (shkruar nga dora e Konicës, kjo duket boll e çuditshme, sepse njihet përplasja që Konica e Noli kanë pasur gjatë gjithë jetës së tyre)… Nuk do të më tretë dheu, nëse ti imzot dhe të gjithë ata që e quajnë veten shqiptarë, nuk do ta çojnë kufomën time të tretet në tokën mëmë”…

    TEKSTIN E PLOTË E GJENI KËTU

    ObserverKult

  • Neritan Liçaj: Enver Hoxha ishte i shitur te Serbia. Krijoi ndarje veri-jug që ende i vuajmë sot

    Neritan Liçaj: Enver Hoxha ishte i shitur te Serbia. Krijoi ndarje veri-jug që ende i vuajmë sot

    Aktori i njohur Neritan Liçaj, i ftuar në emisionin “Dita jonë” në A2 CNN, foli gjerësisht për rolin e tij në një projekt artistik që lidhet me figurën e Enver Hoxhës, por edhe për qëndrimin e tij personal ndaj diktatorit komunist. Ai theksoi se ky rol nuk ia ka ndryshuar aspak mendimin për Hoxhën, pasi, siç tha, “nuk kam qenë kurrë i mendimit që Enver Hoxha ka qenë burrë i mirë”.
    Sipas Liçajt, Hoxha nuk mund të vlerësohet për industrializimin apo “sigurinë” e kohës së tij, sepse ato ishin produkte të diktatit dhe të varësisë nga Lindja. “Jo po bëri fabrika… I bëri rusi dhe kinezi. Jo po kishte siguri… Kishte diktat, jo siguri”, u shpreh aktori.
    Ai tregoi se për të ndërtuar rolin ishte marrë thellësisht me figurën e Hoxhës, duke u konsultuar me njerëz që kishin qenë pranë tij, për të kuptuar jo vetëm dimensionin politik, por edhe anën njerëzore të diktatorit. “Ai kishte krijuar një frymë, pëlqeje apo jo, ekziston ende sot hoxhizmi. Ka trushpëlarë që i shkojnë te varri”, shtoi Liçaj në “Dita jonë” në A2 CNN.
    Aktori kritikoi ashpër trashëgiminë e regjimit komunist, duke e quajtur atë një periudhë që shkatërroi shoqërinë shqiptare. “Enver Hoxha i mori gjithçka popullit të vet: pasuritë, pronat, nderin, dinjitetin, fjalën, mendimin. Ai ishte i shitur te serbët, rusët dhe kinezët, tek të gjithë armiqtë historikë të kombit tonë. Pse duhej të shkonim në Lindje, kur ne jemi perëndimorë?”, u shpreh ai.
    Liçaj shtoi se pasojat e ideologjisë komuniste ndihen ende sot, në ndarjet shoqërore e rajonale. “Komunizmi çau familjet, fshatrat, bashkësitë. Krijoi ndarje veri-jug që ende i vuajmë sot”, tha ai, duke e cilësuar këtë “trashëgiminë më të hidhur të ideologjisë së Marksit dhe Engelsit”. “Dy të tretat e Shqipërisë janë kodrinore e malore. Pse ai që vjen nga mali nuk ka të drejta si ai nga fusha? Kjo frymë përçmuese e mbjellë nga komunizmi duhet të marrë fund”.

  • Dhurata e Enver Hoxhës për nënën gjirokastrite, dy ditë më pas ia ekzekutoi djalin…

    Dhurata e Enver Hoxhës për nënën gjirokastrite, dy ditë më pas ia ekzekutoi djalin…

    Enver Hoxha

    Dhurata e diktatorit Enver Hoxha për nënën gjirokastrite… dy ditë më pas, më 30 dhjetor 1947, e pushkatoi shokun e tij të fëmijërisë, Aqif Kashahun, birin e nënë Haxhesë së Palortosë.

    Ishte data 28 dhjetor 1947. Myfit Kashahu ishte nisur nga Vlora drejt Tiranës për një takim shumë të vështirë.

    Pak ditë më herët ishte arrestuar i vëllai, Aqif Kashahu, ishte arrestuar më 22 shtator 1946.

    Pas torturash përgjatë një viti, ishte shpallur armik i popullit me akuzën: “Si njeri i prekur nga reforma, ka agjituar e propaganduar, duke hedhur parulla helmatuesi, ka pasur lidhje me sillogun e Janinës, është lidhur me elementët reaksionarë të Ballit Kombëtar, ka bërë mbledhje të fshehta, ku ka pasur qëllim rrëzimin e pushtetit popullor”.

    Myfit Kashahu kishte qenë shok fëmijërie por edhe bashkënxënës në Gjirokastër e Korçë dhe më pas bashkëstudent me Enver Hoxhën në Francë.

    Në vitin 1947, Myfiti ishte gjyqtar në Vlorë sepse në Francë kishte studiuar për jurispodencë. Kështu u nis nga Vlora drejt Tiranës me qëllim për të takuar diktatorin dhe me shpresën se do ta ndihmonte, si shok fëmijërie e rinie. Do t’i kërkonte t’i falej jeta të vëllait Aqifit, i cili gjithashtu kishte qënë shok fëmijërie me Enver Hoxhën.

    Kur mbërriti në Tiranë, te Komiteti Qëndror, po priste me frikë e antkh pranë derës së diktatorit. Kishte marrë përgjigjen pozitive se Enver Hoxha do të priste, po qëndronte tek dera duke sjellë në vëmëndje gjtihë kujtimet e tij me diktatorin, kur ndanin bukën bashkë e kur gëzonin kohën kur fituan të drejtëne studimit.

    Kur u hap dera dhe u shfaq miku i tij i kohëve të fëmijërisë dhe rinisë, Myfiti kish shpresuar se do të mund ta shpëtonte të vëllanë sepse diktatori e priti me buzëqeshje.

    Takimi me diktatorin!

    Hë Myfit si je? Si shkon me punën?

    E kish pyetur me buzëqeshje diktatori. Myfiti disi i shpenguar nga mikpritja kish hyrë drejt e në temë: mirë jam Enver, nuk e di a e ke marrë vesh se Aqifi është arrestuar dhe e mbajnë në burg te “shtatë penxheret” ti na njeh mirë sepse jemi rritur bashkë, Aqifi s’ka bërë asgjë.Ju njoh si nuk u njoh: ish përgjgjur diktatori, “nëse ke ardhur për këtë punë kot je munduar, duhet të kini besim te partia. Po teta Haxheja si është?

    “Si të jetë” i ishte përgjgijur Myfiti, “e merakosur për djalin”

    “E kujtoj ngahera teto Haxhenë gojëëmbël por i thuaj të mos bëhet merak. Meqë jemi në prag festash po të jap një dhuratë t’ia dërgosh”.

    Ishte larguar në një dhomë tjetër ngjitur për t’u shfaqur pak çaste më pas me një pako në dorë për nënë Haxhenë.

    “Të fala bëj Nënë Haxhesë e thuaj të mos merakoset”.

    Me këto fjalë, Myfiti u nis drejt Gjirokastrës i çliruar dhe i sigurt se jeta e të vëllait nuk ishte më në rrezik.

    Sapo mbërriti në shtëpi e priste nënë Haxheja e shqetësuar për fatin e të birit, Aqifit. Pasi dëgjoi nga Myfiti se Enveri i kishte dhënë garanci, nënë Haxheja ishte çliruar.

    Më pas ajo do të hapte edhe dhuratën që i kishte dërguar diktatori. Ishte një shifon i zi dhe një palë qorape të zeza.

    Nëna e shkretë e kuptoi mesazhin orgurzi të djalit problematik të Palortosë dhe lëshoi një ofshamë dhimbje. Dy ditë më pas, gjykata e Gjirokastrës e dënoi me pushkatim Aqif Kashahun.

    Dita e gjyqit!

    Kur prokurori Vangjel Pecani uluriste si bishë dhe kërkonte dënim me pushkatim për Aqif Kashahun, po pushkatohej pa bërë asnjë faj, teto Haxheja, e ëma e Aqif Kashahut, ishte në mesin e një grupi njerëzish që regjimi i mblidhte në sallat e frikshme, ku vendosej vdekja e bijve më të mirë.

    Kishte ardhë e paftuar në atë sallë. Ndërsa nënë Haxheja qante, një pjesë tjetër e sallës duartrokiste për vendimin që kishte marrë partia, për vdekjen e armikut të popullit.

    Ishte masa injorante, ajo pjesë e vogël e shoqërisë së asaj kohe, që nuk kishte lidhje me humanizmin. Përmes asaj shtrese injorante të shoqërisë shqipëtare, regjimi do të vriste Aqif Kashaun e mijëra djem, burra e gra shqiptarë, pa bërë asnjë faj.

    Ja si e përshkruan profesor Pëllumb A. ÇABEJ, ditën e gjyqit të Aqif Kashahut:

    “I pandehur – i tha kryetari i gjykatës – a e pranon akuzën? Jo,- tha Aqifi,- ajo është e gatuar me lakrat e sigurimit të Shtetit drejtuar nga Subo Bakiri. Shkruaj, – i tha Kryetari sekretares, se nuk e pranon.

    Më poshtë pastaj, foli prokurori: Ç’doje të tregoje mbi Anglinë? Anglia është ndër shtetet më të pasura të botës dhe me një ekonomi dhe një politikë të përparuar, – tha Aqifi. Po të ishte Shqipëria me Anglinë, zoti prokuror, këtu do të ishte kopsht me lule, do ishte parajsa e vërtet. U bëtë me Stalinin, mustaqe madhin që do t’ju shpjerë në komunizëm… kësaj i thonë përrallë me mbret.

    Kush e ka parë me të vërtet komunizmin? Jo, askush. Kjo është një idil, as nuk preket e as nuk shihet. S’është gjë tjetër, veçse një shkencë utopike që nuk përputhet me realitetin.

    Ç’pritet nga muzhiku, zoti Prokuror, kur mender jush, nuk ka brekë në bythë. Nga ata presim të shohë hajër Shqipëria? Stalini ishte diktator kur tha, – Jepuni shqiptarëve farë bliri që t’i mbjellin rrugës për t’ju bërë hije.

    Kurse ne, zoti prokuror, na gërryen zorrët nga uria. Sarkazma e Aqif Kashahut ishte bërë presë me dy thika, sa prokurori u ngrit në këmbë i revoltuar dhe thirri: Pusho i pandehur.

    Mjaft llokoçitët, zoti gjyqtar koka e këtij të pandehuri ka lakra, drejtësia jonë do t’ia shkulë, po Zërin e së vërtetës nuk mund t’ia shkulni dot! – tha Aqifi – dhe prej asaj keni frikë..?”, rrëfen profesor Prof. Pëllumb A. ÇABEJ, i cili i referohet dokumentave e dëshmive autentike rreth pushkatimit të Aqif Kashahut.

    Pushkatimi

    Aqif Kashahu u pushkatua në Gërhotin e Gjirokastrës, më 30 dhjetor të vitit 1946, në moshën 37 vjeç. Eshtrat e tij nuk u gjendën kurrë.

    Menjëherë pasi gjykata vendosi dënimin me pushkatim, skuadrat e pushkatimit e morën Aqifin Kashaun dhe e degdisën në periferi të qytetit, për ta pushkatuar e për t’ia tretur eshtrat në harresë.

    Shënim: Historia mbështetet në një artikulli botuar në radiandradi që i referohet librit “Memorie, mbresa dhe kujtime” me autor Tajar Kokalari si dhe rrëfimit të profesor Pëllumb A. ÇABEJ, i cili i referohet dokumentave e dëshmive autentike rreth pushkatimit të Aqif Kashahut./Kujto.al

    ———————-

    Lexo edhe:

    Historia prekëse e një 13-vjeçare në kohën e Enver Hoxhës: Dil nga rreshti… je armike e popullit!

    ObserverKult

  • “S’do ju lejojmë”/ Ina Zhupa akuza mazhorancës: Ju keni ëndërr parlamentin njëpartiak të Enver Hoxhës, por…

    “S’do ju lejojmë”/ Ina Zhupa akuza mazhorancës: Ju keni ëndërr parlamentin njëpartiak të Enver Hoxhës, por…

    Në hapjen e komisionit të Kulturës, Turizimit dhe Diasporës, kryetarja Ina Zhupa mbajti qëndrimin në lidhje me rrëzimin antikushtetues që ndodhi të enjten, të dy komisioneve hetimore të opozitës, duke akuzuar mazhorancën. Zhupa u shpreh se mes të tjerash se socialistët e kanë kthyer Kuvendin në njëpartiak dhe ku shkelet Kushtetuta me forcën e kartonit:
    “Mazhoranca ditë pas dite po e trajton kuvendin si njëpartiak, ku vendimarrjet nuk vijnë si rezultat i zbatimit të kushtetutës dhe rregullores por si rezultat i forcës së kartonit. Ju rrëzoni me votë të drejtat kushtetuese të opozitës, që nga komisionet hetimore siç ishin ai për zgjedhjet dhe Mcgonigal, të interpelancat me kryeministrit, seancat dëgjimore me ministrat, mocionet me debat. Ndërkohë që predikoni rrugëtimin europian për Shqipërinë, silleni me standarte afrikane”, tha ajo.
    Më tej deputetja demokrate vuri në dukje se socialistët kanë ëndërr parlamentin njëpartiak të Enver Hoxhës, por opozita nuk do i lejonte dhe do përballej me ta, për të mbrojtur kushtetueshmërinë.
    “Ju e keni ëndërr një parlament monopartiak si Enver Hoxha por ne nuk ja u lejojmë. Do qëndrojmë në mbrojtje të kushtetutës, të interesit publik, në komisione, në seanca dhe kudo në çdo hapësirë. Për të shfrytëzuar çdo hapësirë për tu përballur me të keqen. Ju nuk doni të flitet për skandalin e onkologjikut, për mungesën e ilaçeve, për skandalin e fondeve IPARD dhe gjendjen e mjerueshme të fermerit”, tha ligjvënësja demokrate mes të tjerash.

  • Refuzoi dashurinë e Enver Hoxhës, si u varros e gjallë gruaja shqiptare

    Refuzoi dashurinë e Enver Hoxhës, si u varros e gjallë gruaja shqiptare

    Enver Hoxha

    Shkrimtari Ylljet Aliçka ka treguar në librin e tij “Metamorfoza e një kryeqyteti” momentin e tmerrshëm të ekzekutimit të 22 burrave dhe një gruaje nga regjimi komunist i Enver Hoxhës.

    Shkrimtari rrëfen në libër se 22 burrat nuk ndenjën në rresht për një përballë, siç e kërkonte rregullorja, por u bënë rreth, duke e mbrojtur me trupat e tyre atë grua, i vetmi faj i të cilës kishte qenë refuzimi i dashurisë së diktatorit Hoxha.

    “Si në çdo fushë të jetës, edhe në atë të marrjes së jetës së armiqve ndodhnin parregullsi, kur rregulli nuk respektohej korrektësisht, siç ishte rasti i një ish-shefi të shtabit të ushtrisë i cili, pasi u shpall armik, dha shpirt me mjaft vështirësi nga rrahja me purteka të trasha druri në karrocerinë e një kamioni ushtarak.

    Pra në mospërputhje të plotë me rregullat elementare të ekzekutimit.

    Po si pasojë e shkeljes së rregullores, ndodhi që në një pushkatim pa gjyq që iu bë 23 intelektualëve të shquar të kohës, 22 burra dhe një grua, pikërisht gjatë çastit kulmor të krejt procesit, atij të ekzekutimit, në respekt të të vetmes grua, të 22 burrat nuk ndenjën në rresht për një përballë, siç e kërkonte rregullorja, por u bënë rreth, duke e mbrojtur me trupat e tyre atë grua, i vetmi faj i të cilës kishte qenë refuzimi i dashurisë së Udhëheqësit Enver Hoxha në të ritë e saj dhe ca më pas, mospërqafimi i idealit të vetë Udhëheqësit.

    Ndonëse e shpëtuan nga breshëria e plumbave, qëlloi që ashtu të lidhur me një tel të përbashkët me të gjithë të pushkatuarit, këta e tërhoqën pas vetes, për së gjalli, në gropën e përbashkët, hapur paraprakisht nga ata vetë.

    Si rrjedhojë, fshatarët e atyre zonave u lemerisën tek dëgjonin ca rënkime dalë nga thellësia e tokës, për aq kohë sa i duhej një qenieje njerëzore të japë shpirt, mbuluar me dhe e bërë njësh me trupat e vdekur të 22 bashkëvuajtësve të saj”, thuhet në romanin e Aliçkas “Metamorfoza e një kryeqyteti”./standard.al

    ObserverKult

    ———————–

    LEXO EDHE:

    IA VARËN BABAIN NË MES TË SHKODRËS KUR ISHTE VEÇ 6 VJEÇE, KUJTIMET E DHIMBSHME TË ALBINËS

  • Spartak Ngjela: Ja ngjashmëria e Sali Berishës me Enver Hoxhën, urdhrat  që mori kreu i PD nga Beogradi në ’92…

    Spartak Ngjela: Ja ngjashmëria e Sali Berishës me Enver Hoxhën, urdhrat  që mori kreu i PD nga Beogradi në ’92…

    Avokati i njohur, Spartak Ngjela ka rikthyer sërish vëmendjen te figura e ish-kryeministrit Sali Berisha, duke e krahasuar hapur me Enver Hoxhën dhe me mënyrën se si ky i fundit trajtonte kundërshtarët politikë. Në një analizë të gjatë, Ngjela thotë se në Shqipëri po shihet një përpjekje për të rehabilituar Enver Hoxhën, ndërsa thekson se edhe Berisha ka ndjekur të njëjtën logjikë të “armikut të klasës” gjatë viteve të pushtetit të tij. Ai zbulon se në vitet ’92–’97, Berisha ka vepruar me urdhra dhe orientim nga Beogradi, duke i shkaktuar dëme të mëdha vendit, ndërkohë që rolin kryesor për rikthimin e drejtësisë e sheh tek ndërhyrja amerikane dhe veprimi i SPAK.
    Ja çfarë thotë Spartak Ngjela
    “Nga analizat e sotme në shtyp po shihet se kërkohet të rehabilitohet Enver Hoxha për t’ia hequr të gjithë analizën që i është bërë si vrasës i kundërshtarëve të tij politik me anë të proceseve fas, dhe si një diktator gjakatar. Unë e kuptoj se kështu ecën historia për figurat historike, dhe duhet thënë se idetë komuniste e socialiste janë ende në forcë në Shqipëri, në lidhje me mbajtjen e një pushteti politik të paligjshëm.  Kjo ndodh sepse edhe ata që sot janë në grupimet e djathta, metodën e luftës së klasave, e kanë doktrinën e tyre politike: prandaj këta po e shohim gjithmonë kundërshtarin politik si armik. Por kjo në fakt është ekzistenca njohur nga psikologjia e krimit mesjetar në Shqipëri.  Po çfarë është kjo ngjashmëri kaq e ngushtë e Sali Berishës me doktrinën e “armikut të klasës” që krijoi Envet Hoxha në Shqipëri? Kjo po ndodh sepse ngarkesa psikologjike e eliminimit të kundërshtarit politik, me çdo mjet, vijoi në Shqipëri edhe në vitet 90′ të Shekullit që kaloi, me psikologjinë e Partisë së Punës, nëpërmjet Sali Berishës, në vitet 1992 – 1996, madje edhe më tej, dhe, edhe sot.  E keni parë retorikën politike të Sali Berishla që është me një zhargon enverist, pavarësisht se ai vetë hiqet si një antikomunist dhe antienverist i flakët? Por çfarë vë re analitika politike amerikane në lidhje me këtë figurë? Ajo na tregon se krimi politik për eliminimin e kundërshtarit politik në Shqipëri, deri sa në pushtet ka qenë Sali Berisha, ishte në esencë i njëjtë me metodën e Partisë së Punës, në lidhje me kundërshtarin e kryetarit të partisë.
    Urdhrat nga Beogradi
    Por pse po na vjen kjo ngjashmëri historike drejt pushteti, psikologjikisht, po njëlloj si pushteti i Enver Hoxhës? Sepse këta individë që erdhën në pushtet me anë të asaj që ata i thanë demokraci, deri tani kanë sjellë vetëm dëm ekonomik dhe në çdo hap politik ata kanë dashur të pështyjnë interesin dhe personalitetin e Shqipërisë. Dhe faktet e reja të ardhura nga politika e miqësisë së Shqipërisë me Shtetet e Bashkuara të Amerikës, tregojnë që në vitin 1992 – 1997, pushteti politik i bëri të gjitha dëmet ekonomike në Shqipëri, me urdhër dhe orientim të Beogradit  Por Shqipërisë i morën të keqen, sepse këta shqiptarë të shitur ishin mendje shumë të vogla dhe antikombëtare, prandaj edhe sot, kjo histori pa efekt patriotik e politikës së sotme, po sjell gradualisht kërkesën për imitimin e Enver Hoxhës.
    Prandaj demokratët me nivel të lartë intelektual duhet ta vlerësojnë historinë si histori, me të mirat dhe të këqijat e çdo sistemi politik që ka kaluar në Shqipërinë e pavarur, që nga viti 1912. Sigurisht që diktatura e Partisë së Punës dhe e Enver Hoxhës e ka marrë analizën e vet, por ata që ende nuk dinë të bëjnë analizë historiko – politike, nuk arrijnë dot ta kuptojnë se diferenca sot vjen dhe del në pah me figurën antikombëtare të Sali Berishës, së cilës tani analitika historike e Shteteve të Badhkuara ia ka thënë të gjitha dëmet që ai i ka sjellë Shqipërisë, si një orientim i drejtuar nga armiqtë historik të çështjes shqiptare: nga Athina në Beograd dhe nga Beogradi në Moskë.  Dhe… Koha sigurisht që do të ecë në favor të shqiptarisë, sepse tani ajo është me dy shtete – Kosovën dhe Shqipërinë, që janë pranuara me forcë të veçantë në arenën ndërkombëtare, dhe kjo ngjarje i tha historisë së Shqipërisë se Beogradi që mori pushtetin në Shqipëri në vitin 1992, pavarësisht nga dëmi ekonomik, nuk i solli Shqipërisë atë dëm që ai kishte dëshiruar.
    Sepse erdhi një kohë kur në vitin 2008, shqiptaria i shkëputi Serbisë shtetin e Kosovës, ngjarje kjo që pushtetit autokratike serb në Beograd, i solli dëmin më të madh në njëqind vitet e fundit, duke filluar që nga viti 1912, kur Shqipëria shpalli pavarësinë e saj. Prandaj sot Beogradi nuk ka më asnjë forcë që të ndërhyjë në punët e brendshme të Shqipërisë dhe Kosovës, sepse këta dy shtete janë në aleancë të ngushtë me superfuqinë unike të botës: me Shtetet e Bashkuara të Amerikës.  Dhe këtu vjen e mbyllet çdo diskutim për sigurinë e dy shteteve shqiptate në Gadushullin Ilirik.  Kurse çështja mbetet tani tek dy lidershipet politike në Tiranë dhe në Prishtinë, kur po kuptohet se, jo kryeministri i Kosovës, por kryeministri Rama i Shqipërisë nuk është me çështjen kombëtare.  Por, të gjithë antishqiptarët që janë sot në pushtet, të gjithë frikën e kanë te politika amerikane, e cila tani në Shqipëri ka ardhur edhe ushtarakisht në qytetin e Kuçovës, ku ka qenë një bazë ushtarake me mbi 200 avionë luftarakë gjatë periudhës komuniste në Shqipëri, në vitet 1945 – 1990.  Dhe duhet theksuar se të gjithë këta avionë u shkatërruan nga banditizmi shtetëror 1992- 1997. Por koha ka ardhur për eliminimin e kësaj të keqeje të madhe, edhe për kryeministrat, por edhe për presidentët që janë marrë me këtë masakër antikombëtare, dhe sigurisht, edhe me atë tjetrën që prishi në Shqipëri rreth 500 uzina dhe fabrika, të cilët populli shqiptar i pati ndërtuar me mundin e tejmë fizik. E pra, tani kjo kohë ka ardhur. Por të shohim se çfarë do të bëjë për këtë çështje SPAK, që e ardhmja morale të vendoset sa më shpejt në Shqipëri.”
     
     
     

  • “Rama ka shpenzuar 23 mln euro, vetëm për fluturime me chartera”/ Berisha akuza të rënda: Si Enver Hoxha dhe Maduro…

    “Rama ka shpenzuar 23 mln euro, vetëm për fluturime me chartera”/ Berisha akuza të rënda: Si Enver Hoxha dhe Maduro…

    Kreu i Partisë Demokratike Sali Berisha ka akuzuar kryeministrin Edi Rama se në dy vite ka shpenzuar 23 mln euro vetëm për udhëtime me charter.
    Ai ka vendosur një paralele mes Ramës dhe Maduros apo Kim Jong Un, ndërsa u ka bërë një apel shqiptarëve që të ngrihen kundër vjedhjeve.
    Sali Berisha:
    “Rama duro vendos të sekretojë shpenzimet e tij, të shndërrojë në sekret shtetëror shpenzimet që bën me paratë e taksapaguesve shqiptarë. Ky akt ka precedentë në Shqipëri vetëm diktatorin Enver Hoxha, ka paralele në botë vetëm Maduron dhe Kim Jong Un. Ka shpenzuar në 2 vite 23 mln euro vetëm për chartera. Apel për shqiptarët të ngrihen kundër flamurtarit të vjedhjes”.

  • Rama shpall sekret shpenzimet, Berisha: Ka transferuar ngarkesa droge dhe miliona Euro me avion

    Rama shpall sekret shpenzimet, Berisha: Ka transferuar ngarkesa droge dhe miliona Euro me avion

    Kreu i Partisë Demokratike, Sali Berisha, në një deklaratë për mediat të mbajtur ditën e sotme, akuzoi Kryeministrin Edi Rama se ka marrë vendimin për të shpallur sekret shtetëror shpenzimet e tij personale dhe të qeverisë, të kryera me paratë e taksapaguesve shqiptarë.
    Berisha e cilësoi këtë veprim si një akt të paprecedent, duke e krahasuar me praktikat e diktaturës së Enver Hoxhës, si dhe me regjimet autoritare të Kim Jong-unit dhe Maduros në Venezuelë.
    Sipas Berishës, vendimi për të fshehur shpenzimet përbën një përpjekje për të ligjëruar vjedhjen dhe abuzimin me fondet publike, duke goditur transparencën dhe të drejtën e qytetarëve për të ditur se si përdoren taksat e tyre.
    Pjesë nga deklarata:
    Ramaduro vendos të sekretojë shpenzimet e tij.Të shndërrojë në sekret shtetëror shpenzimet, të cilat i bën me paratë e taksapaguesve shqiptarë.Ky akt ka precedent në Shqipëri vetëm diktatorin Enver Hoxha.Ky akt ka paralel në botë Kim Jong-unin dhe Maduron e Venezuelës.Ky akt shpall, zyrtarizon, ligjëron vjedhjen, shpërdorimin nga një hajdut- ose hajduti më i madh i këtij kombi në 113 vite.Ky akt i sekretimit të shpenzimeve bie ndesh me Kushtetutën, me ligjet themelore të vendit.Njeriu që hap shishe Romanee Conti 33 mijë euro në drekat e tij, kërkon tani të sekretojë shpenzimet.Njeriu që ka shpenzuar në dy vite 23 milionë euro udhëtime me çarter, 141 udhëtime me çarter për pushime, për vakanca, për konferenca, tani kalon në një akt tjetër që nuk ekziston në asnjë vend tjetër përveç Koresë së Veriut dhe Venezuelës.Edi Rama u thotë shqiptarëve: do t’u vjedh dhe ju të mos merrni vesh.Por ky shtet, në vitin 2009, në emër të transparencës, të mbrojtjes të parave të taksapaguesve shqiptarë, ka vendosur shpenzimet e thesarit online.Dhe kjo ka qenë në kuadrin e një nisme botërore të luftës kundër korrupsionit.Ky sistem i bën të mundur çdo qytetari të kontrollojë çdo qindarkë që shpenzohet nga taksat e tij të nesërmen e shpenzimit.Edi Rama vendos të sekretojë shpenzimet e tij vetëm e vetëm për të mbuluar vjedhjet e veta dhe familjare të taksave të qytetarëve shqiptarë.Ky është një apel dhe një kushtrim për çdo qytetar shqiptar të ngrihen kundër flamurtarit të vjedhjes në të gjithë historinë e shtetit shqiptar.
    Po, gjatë diktaturës, diktatori Enver Hoxha i kishte sekret shpenzimet dhe i kishte të pakufishme.Por diktatori Hoxha, duhet të pranojmë, se shtëpinë katërkatëshe të re që ndërtoi, nuk e regjistroi as në emër të vetin, as të familjes së tij. Jo. E regjistroi pronë shtetërore dhe ajo sot është pronë shtetërore.Njeriu që ka bërë 140 e sa udhëtime me avion taksi për veten e tij, dhe që akuzohet se me këtë avion ka transferuar me valixhe diplomatike qindra milionë euro të drogës dhe të trafiqeve, të bitcoin-eve dhe  të tjera.Akuzohet se ka transferuar ngarkesa droge.Që refuzoi komisionin hetimor parlamentar për hetimin e këtyre transfertave.Që refuzoi komisionin hetimor parlamentar për të verifikuar të dhënat që thonë se valixhet diplomatike të çarterit të Edi Ramës janë më numerike se të të gjithë kryeministrave evropianë të marrë së bashku në një vit. Apo të presidentëve.Tani kaloi në një akt, thashë edhe njëherë, që ka ekzistuar në Shqipëri vetëm në kohën e diktatorit Enver Hoxha.PD nuk do pajtohet kurrë me një vendim të tillë të turpshëm të Edi Ramës dhe kukullave të tij, që siç duket janë në një verbëri të plotë, nuk kanë asnjë interes publik, asnjë interes qytetar, nuk njohin asnjë ligj, asnjë Kushtetutë, asnjë normë, asnjë standard përveç Edi Ramës dhe interesave të tyre.
     
     

  • Emaili i Kuvendit me emrin e Enver Hoxhës, Berisha- Peleshit: Bëre apologji hipokrite, nuk ishte gabim i stafit

    Emaili i Kuvendit me emrin e Enver Hoxhës, Berisha- Peleshit: Bëre apologji hipokrite, nuk ishte gabim i stafit

    Kryetari i PD-së, Sali Berisha tha sot se përmendja e emrit të Enver Hoxhës në një dokument të Kuvendit që iu shpërnda deputetëve nuk ishte gabim i administratës.

    Sipas tij, emri i ish-diktatorit është futur në atë material me urdhër të Ramës.
    “Ti hape Parlamentin me një apologji hipokrite, Enver Hoxhën e fute ti me urdhër të Ramës. Ka një ligj të vitit 1992 që dënon propagandën e Hoxhës, nuk është pune e bibliotekës kjo. Imagjinoni ju po të futej Hitleri në Bundestag”, tha Berisha.

    Top Channel

  • Gabim futja e Enver Hoxhës në Kuvend?/ Berisha i kthehet Peleshit: Apologji hipokrite, në axhendë me urdhër të Ramës

    Gabim futja e Enver Hoxhës në Kuvend?/ Berisha i kthehet Peleshit: Apologji hipokrite, në axhendë me urdhër të Ramës

    Kryetari i PD-së, Sali Berisha iu kthye Peleshit për sqarimin për diktatorin Enver Hoxha. Sipas Berishës, në vend që kryeparlamentari Niko Peleshi të përshëndeste një marrëveshje të tillë, që ka efekte të mëdha në diplomacinë ndërkombëtare, merret me diktatorin Enver Hoxha, duke e futur në agjendën e Kuvendit me urdhër të Edi Ramës.
    “Kush e pengoi kryetarin e Parlamentit të hapë kuvendin me një përshëndetej të tillë. Kush e pengoi kreun e krimit? Janë 20 pengje që lirohen. Po e përshëndesin të tjerët, kurse ne i bëjmë gjyqin atij që e propozoi. Ti e hape parlamentin me një apologji hipokritë Enver Hoxhën e fute ti në axhendë me urdhër të Ramës.
    Nuk është gabim i librarisë, por ka një ligj. Është një ligj që dënon propagandën për diktaturën e Enver Hoxhës. Si mund të futet ai në Kuvend? Po të futej Hiteli në Budestag? Ca do të ndodhte? Në prill të 1991, samiti i IDU-së e ka quajtur Hitler Enver Hoxhën. Si mund të futet ai?”, tha ai.