Hansi Flick më në fund festoi pas fitores së madhe ndaj Atlético Madridit, ku u pa versioni më i mirë i Barcelonës këtë sezon. Pas fitores minimale ndaj Alavés, ku u duk i zhgënjyer, këtë herë loja e ekipit i la shije shumë pozitive: “Bëmë një paraqitje të shkëlqyer kundër një ekipi të madh. Luftuam së bashku, ishte fantastike. Do të shohim nëse kjo ndeshje është pikë kthese. Ka qenë një nga ndeshjet më të mira të sezonit, e merituam fitoren”.
Lajm shumë i rëndësishëm për të ishte rikthimi i Raphinha, që shkëlqeu në “Spotify Camp Nou”: “Është shumë i rëndësishëm për ne. Kur ai është në fushë, rritet intensiteti dhe kjo ndikon te të gjithë. Lëvizjet e ekipit janë mbresëlënëse”.
Kjo ishte fitorja e parë e këtij sezoni ndaj një rivali të madh, pas humbjeve ndaj Real Madridit, Chelsea dhe PSG-së: “Ishte ndeshja që donim, e dominuam kundërshtarin. Niveli sot ishte shumë i mirë, kemi përmirësim. Humbjet janë e shkuara; sot pamë një paraqitje të madhe, duhet të vazhdojmë kështu”.
Flick u gëzua edhe për rikthimin e Pedrit: “Pedri është spektakolar. Jam i lumtur që u rikuperua dhe u kthye në këtë nivel. Është shumë i rëndësishëm”. Megjithëse Pedri doli i lodhur e me dhimbje, trajneri konfirmoi se është mirë, ndryshe nga Dani Olmo: “Pedri është mirë, vetëm i lodhur. Dani ka probleme në shpatull dhe do ta shohim”.
Tag: ekipi
-
Flick: Fituam kundër një ekipi të madh, ishte paraqitja më e mirë e sezonit
-
Kërnaja surprizon te Partizani, merr me vete Skukën dhe Sembenen! Në pritje edhe braziliani
Oltijon Kërnaja po drejton Partizanin B sot ndaj Orikut, ndryshe nga se kishte paralajmëruar. Trajneri i “demave” ishte shprehur më parë, se Realf Zhivanaj qëndron në krye të ekipit B.
“Tashmë Realfi bën punën që do bëja unë. Është trajner i parë i ekipit B dhe ndihmësi im. Jemi një. Bashkë me Realfin është dhe Kushtrimi dhe Ori, jemi një grup djemsh të rinj që besojmë shumë te njëri-tjetri”, tha Kërnaja pas ndeshjes me Vllazninë.Ekipi B po përballet me Orikun, që kryeson renditjen. Sot nga ekipi i parë janë shfaqur edhe Xhuliano Skuka me Saliu Sembenen si titullarë.
Në anën tjetër, Viktor Da Silva pret mundësinë e tij në stol. Kështu bëhet fjalë për tri lojtarë, të rikuperuar nga dëmtimet dhe që mund të përdoren tek ekipi i parë në javën e ardhshme. -
Roma “thyen” Midtjylland, por Gasperini kapet vetëm pas pikëve: Prisja më shumë
Me Gasperinin në stol, Roma po përjeton një sezon fantastik, jo vetëm në Serie A ku udhëheqin në krye, por kryeqytetasit festojnë dhe në Evropë, suksesi 2-1 ndaj Midtjylland i fut në garë për të kaluar fazën e parë, 9 pikë në 5 ndeshje, vendi i 15-të në Europa League.
Roma bëhet ekipi i parë që arrin të “thyejë” danezët ku në stadiumin “Olimpik” ishin të parët që kaluan në avantazh fal një goli fantastik nga El Aynaoui, me mesfushorin maroken që brenda në zonë finalizoi plot klas. Roma hasi jo pak vështirësi për të mbyllur llogaritë me danezët, kjo pasi goli i dytë erdhi vonë në minutën e 83-të, ku El Shaarawy konvertoi në gol një asist të pastër nga Bailey. Pavarësisht këtij goli, danezët rihapët sërish takimin ku 3 minuta më vonë, Paulinho ngushtoi shifrat në 2-1, por vetëm kaq, pa mundur t’i prishin festën Romës.Gasperini, trajneri i Romës, kapet vetëm pas 3 pikëve, pasi në sytë e tij ekipi duhet të bënte më mirë në aspektin taktik: “Është një fitore që përmirëson pozicionin tonë në klasifikim, e arritur kundër një ekipi të mirë, por nuk zhvilluam një ndeshje të madhe, prisja diçka më shumë në aspektin taktik, pa diskutim ndaj Napolit tani duhet të bëjmë diçka më shumë”, u shpreh Gasperini.
Një fitore të rëndësishme siguroi edhe Bologna, me ekipin italian që triumfoi 4-1 përballë Salzburg. Fal këtij suksesi, Bologna ngjitet në vendin e 18-të në kuotën e 8 pikëve pas 5 ndeshjeve. -
Pas vdekjes së papritur të këngëtarit Shpat Kasapi, reagon ekipi menaxherial
Lajmi tronditës për ndarjen e menjëhershme nga jeta të këngëtarit shumë të dashur për publikun, Shpat Kasapi, ka shkaktuar dhimbje të madhe në komunitetin artistik dhe te fansat e tij. Menjëherë pas konfirmimit të ngjarjes tragjike, reagimi i parë zyrtar ka ardhur nga ekipi menaxherial i artistit, i cili ka ndarë një postim prekës në llogarinë zyrtare të këngëtarit në Instagram.
Në njoftim, menaxhmenti shpreh dhimbjen e thellë për humbjen e Shpatit, duke e cilësuar atë një goditje të rëndë për miqtë, familjen dhe publikun e gjerë. Në deklaratë thuhet se së shpejti do të bëhen publike detajet e ceremonisë së varrimit dhe procedurave që po ndjek familja në këtë moment të vështirë.
“Humbja e Shpatit është një dhimbje e madhe për të gjithë ne. Së shpejti do t’ju informojmë me të gjitha detajet lidhur me ceremoninë e varrimit. Me respekt, Menaxhmenti i Shpatit”, shkruhet ndër të tjera në reagimin zyrtar.Ndërkohë, për këtë ngjarje të rëndë ka folur edhe vëllai i këngëtarit, Albini, i cili është shprehur thellësisht i tronditur. Ai ka treguar se ndihma e parë mjekësore i është dhënë Shpatit në banesë në Itali, por pavarësisht përpjekjeve të mjekëve, ai nuk ka mundur të mbijetojë.
Sipas Albinit, paraprakisht dyshohet se këngëtari ka ndërruar jetë si pasojë e një arrestit kardiak, ndërsa ndonëse Shpati kishte pasur disa shqetësime të vogla në zemër, asgjë nuk kishte paralajmëruar një rrezik kaq serioz.
“Shpresonim deri në momentin e fundit që lajmi të mos ishte i vërtetë”, tha ai, duke shtuar se vdekja u konfirmua nga autoritetet italiane.
Trupi i këngëtarit ndodhet aktualisht në Itali dhe pritet që në ditët në vijim të kryhen të gjitha procedurat për transportimin e tij drejt Maqedonisë së Veriut, ku familjarët dhe të afërmit do të mund t’i japin lamtumirën e fundit. -
FOTO – Ekipi “Shkodra Not” shkëlqen, Joel Golemi vendos rekordin e ri kombëtar…
Shkruan në Facebook kryetari i Bashkisë Shkodër, Benet Beci: Joel Golemi vendos rekordin e ri kombëtar në disiplinën e notit. Ekipi “Shkodra Not” mori disa çmime të rëndësishme me pjesëmarrjen e: Viki Tafruku, Skerdi Kroni, Vittoria Hyso, Alessandro Hyso, Klea Dedi, Adriell Marku, Frederika Rotani, Hera Mimaj, Melodi Mimaj, Kol Rupa, Angelo Rotani.
Vlerësim i veçantë për trajnerin Kole Shiroka, i cili me punën e tij të përditshme, me disiplinë, kujdes profesional dhe durim, ka ndërtuar një ekip të qëndrueshëm dhe konkurrues.Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim! -
Një zbulim prekës në Sumatra: Shkencëtari gjen një nga bimët më të rralla në botë
Një bimë që tigrat e shohin më shpesh se njerëzit është rafflesia hasseltii, sipas Universitetit të Oksfordit. Një ekip shkencëtarësh vendosi të udhëtonte nëpër pyjet e Sumatrës, Indonezi për ta gjetur atë, dhe kur e gjetën, emocioni ishte i prekshëm.
Rafflesia hasseltii është një nga bimët më të rralla në botë. Sipas llogarisë TikTok të Universitetit të Oksfordit, Dr. Chris Thorogood nga Kopshti Botanik i Oksfordit eksploroi pyllin tropikal që është shtëpia e shumë tigrave të Sumatrës, të cilët janë gjithashtu të rrallë. Ekipi kaloi ditë e netë në pyllin e dendur tropikal duke kërkuar për rafflesia hasseltii.
Pak njerëz e kanë parë ndonjëherë këtë lule, dhe ekipi e vuri re duke u hapur natën, sipas CNBC. Videoja e postuar në TikTok tregon lulen që vihet re nga ekipi ndërsa Septian Andrikithat nga Indonezia qan me të madhe. Eksperti, i cili nuk mundi t’i mbante lotët, pranoi se kishte kaluar 13 vjet duke kërkuar për këtë lule jashtëzakonisht të rrallë, thuhet në raport.
Dr. Chris Thorogood e përshkroi përvojën e tij me rafflesia hasseltii si një takim që i ndryshoi jetën. “Një takim që i ndryshoi jetën në Sumatra: rafflesia hasseltii rritet në disa pyje të largëta tropikale që ruhen rreptësisht nga tigrat, të arritshme vetëm me leje dhe shumë pak njerëz i kanë parë ndonjëherë. Ne ecëm ditë e natë për ta gjetur dhe shikoni çfarë ndodhi kur e gjetëm.”
Rafflesia hasseltii është një specie bime parazitare në gjininë Rafflesia dhe familjen Rafflesiaceae. Emri i saj njihet edhe si cendangan muca rimau, që do të thotë kërpudha me fytyrë tigri.
-
Një shkencëtar zbulon një nga bimët më të rralla në botë në Sumatra që… e bëri të qante
Një bimë që tigrat e shohin më shpesh se njerëzit është rafflesia hasseltii, sipas Universitetit të Oksfordit.
Një ekip shkencëtarësh vendosi të udhëtonte nëpër pyjet e Sumatrës, Indonezi, për ta gjetur atë, dhe kur e gjetën, emocioni ishte i prekshëm. Rafflesia hasseltii është një nga bimët më të rralla në botë. Sipas llogarisë TikTok të Universitetit të Oksfordit, Dr. Chris Thorogood nga Kopshti Botanik i Oksfordit eksploroi pyllin tropikal që është shtëpia e shumë tigrave të Sumatrës, të cilët janë gjithashtu të rrallë. Ekipi kaloi ditë e netë në pyllin e dendur tropikal duke kërkuar për rafflesia hasseltii.
Pak njerëz e kanë parë ndonjëherë këtë lule, dhe ekipi e vuri re duke u hapur natën, sipas CNBC. Videoja e postuar në TikTok tregon lulen që vihet re nga ekipi ndërsa Septian Andrikithat nga Indonezia qan me të madhe. Eksperti, i cili nuk mundi t’i mbante lotët, pranoi se kishte kaluar 13 vjet duke kërkuar për këtë lule jashtëzakonisht të rrallë, thuhet në raport. “Pak njerëz e kanë parë ndonjëherë këtë lule dhe ekipi, çuditërisht, e pa të hapur natën”, sipas Universitetit të Oksfordit.@uni.of.oxford Rafflesia hasseltii: A plant seen more by tigers than people 🇮🇩 Yesterday, Dr Chris Thorogood from Oxford Botanic Garden was part of a team – including Septian Andrikithat, who’s also in the video – that trekked day and night through tiger-patrolled Sumatran rainforests (an island in Indonesia) to find Rafflesia hasseltii. Few people have ever seen this flower and the team, incredibly, witnessed it open by night. #rareflowers #flower #indonesia #rainforest #nature ♬ original sound – University of Oxford
Dr. Chris Thorogood e përshkroi përvojën e tij me rafflesia hasseltii si një takim që i ndryshoi jetën. Rafflesia hasseltii rritet në disa pyje të largëta tropikale që ruhen rreptësisht nga tigrat, të arritshme vetëm me leje dhe shumë pak njerëz i kanë parë ndonjëherë. Ne ecëm ditë e natë për ta gjetur dhe shikoni çfarë ndodhi kur e gjetëm.”
Rafflesia hasseltii është një specie bime parazitare në gjininë Rafflesia dhe familjen Rafflesiaceae. Emri i saj njihet edhe si cendangan muca rimau, që do të thotë kërpudha me fytyrë tigri.Top Channel
-
Drejt shortit të Play Off, në Poloni vlerësojnë Kosovën
Kosova arriti të shkojë në Play Off të botërorit, pas një fushate kualifikuese mjaft të mirë. Ekipi i Fodës pret të mësojë rivalin në këtë fazë dhe një kundërshtar i mundshëm është edhe Polonia. Për dardanët ka bërë së fundmi një artikull mjaft interesant, televizioni publik i Polonisë.
“Ekipi më i ri kombëtar i anëtarësuar në UEFA dhe i vetmi ekip evropian që Polonia nuk ka luajtur ende. Kjo do të jetë paraqitja e tyre e parë në fazën eliminuese, por e merituan plotësisht.E udhëhequr nga gjermani Franco Foda, Kosova mundi dy herë Suedinë, siguroi një fitore vendimtare 2-0 ndaj Sllovenisë dhe, për fat të mirë, barazoi 1-1 me Zvicrën. Edhe pse janë pjesëmarrësit me renditjen më të ulët në renditjen e FIFA-s, ata në asnjë mënyrë nuk janë të destinuar të dështojnë”- shkruan TVP.
Capture 47
-
LIVE Shqipëri-Angli/ Ekipi i Sylvinhos “kërcënon” mysafirët, provon Hoxha (VIDEO)
Shqipëria 0-0 Anglia
Shqipëria do të përballet me Anglinë në orën 18.00, në kuadër të kualifikueseve të botërorit. Kuqezinjtë kanë prerë biletën për në Play Off, ndërsa “3 luanët” kanë siguruar botërorin prej kohësh. Për këtë takim, pak më parë janë publikuar edhe formacionet. Si trajneri Sylvinho, ashtu edhe Tuchel, kanë vendosur për titullarët. Ashtu siç pritej, në këtë takim ka shumë ndryshime nga të dyja palët. Ndeshja gjykohet nga italiani Guida.Shqipëria: Strakosha, Hysaj, Gjimshiti, Ismajli, Aliji; Asllani, Ramadani, Laçi; Hoxha, Bajrami, Uzuni.
Anglia: Henderson, Burn, Quansah, Stones, O’Reilly, Wharton, Bellingham, Rice, Bowen, Eze, Kane.
Minutë pas minute:
51- Arbër Hoxha nuk realizon dot përballë portierit. Rast i shpërdoruar.
46- Nis e dyta.
45- Mbyllet fraksioni.
36- Bowen vendos në provë Strakoshën. Pret “gardiani” kuqezi.
25- Hysaj largohet i dëmtuar. Futet Balliu.
18- Rast i mirë për Hysaj, nuk e shfrytëzojmë si duhet.
10- Qarkullon topin ekipi i Tuchel. Nuk gjen dot hapësira.
6- Shqipëria në sulm. Asllani kroson, por spastrohet shumë shpejt zona.
5- Ritëm i lartë, ndeshje e hapur në kryeqytet. Skuadra provojnë të krijojnë
1- Nis ndeshja.© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
-
Skena emocionale: 50 mijë spanjollë, brohoritje për Palestinën për 90 minuta
Në një moment historik për futbollin palestinez, ekipi kombëtar i vendit luajti një ndeshje miqësore kundër ekipit bask në stadiumin ikonik San Mamés në Bilbao, Spanjë, mbrëmë, më 15 nëntor, para 50,000 spektatorëve.
Kjo ishte hera e parë që një ekip palestinez lunate ë tokën evropiane, duke reflektuar mbështetjen ndërkombëtare në rritje për kauzën palestineze. Ndeshja, e cila u zhvillua në mes të krimeve izraelite kundër palestinezëve, u bë një shprehje e fuqishme e solidaritetit.
Organizatorët raportuan se mbi 50,000 tifozë morën pjesë në ndeshjen miqësore, raporton Roya News, duke thënë se ata kënduan me zë të lartë mesazhe pro-palestineze, valëvitën flamuj palestinezë dhe ngritën banderola. Turma gjithashtu i bëri homazh Suleiman Al-Obeid, ish-kapitenit të ekipit kombëtar palestinez, i cili u vra nga Izraeli në Gaza ndërsa priste ndihmë humanitare, duke shfaqur fotografi të tij.
Gjatë të gjitha 90 minutave, tifozët qëndruan në unitet me kauzën palestineze, duke ngritur zërin e tyre në mbështetje të së drejtës për të jetuar në paqe, dinjitet dhe liri. Para ndeshjes, lojtarët palestinezë pozuan me një banderolë që shkruante “Ndaloni Gjenocidin”.
Pavarësisht humbjes, të cilën ekipi bask e fitoi 3-0, ndeshja shërbeu si një simbol i fuqishëm i rezistencës.
Sportistët palestinezë, të cilët kanë duruar mizori brutale, masakra dhe shkatërrimin e shumicës së objekteve të tyre sportive, kanë dëshmuar edhe një herë se populli palestinez meriton të jetojë në dinjitet dhe paqe.
Spanja dhe politika e saj janë veçuar për solidaritet me palestinezët përgjatë dy viteve të gjenocidit në Gaza.
Dhe kujtojmë se Spanja e sotme, qytetet e saj, janë themeluar shekuj më parë nga muslimanët, të cilët ngritën aty një ndër qytetërimet më rrezatuese të botës, i cili zgjati tetë shekuj, frymëzuese për Rilindjen e mëpasme Europiane. /tesheshi.com/