Lajmidites.com

Tag: dritarja

  • DETAJET/ Tragjedia në Maliq, flasin fqinjët: Vajza u hodh nga dritarja

    DETAJET/ Tragjedia në Maliq, flasin fqinjët: Vajza u hodh nga dritarja

    foto nga vendngjarja

    MALIQ- Detaje të reja janë zbardhur nga ngjarja e rëndë e ndodhur sot në Maliq, ku një banesë u përfshi nga flakët, brenda së cilës ndodheshin një nënë me dy fëmijët e saj.
    Fqinjët janë shprehur për mediat se nëna, Mejreme Azisllari, dhe djali 14-vjeçar, Luka Azisllari, kanë mbetur të bllokuar brenda banesës, ndërsa vajza 6-vjeçare ka arritur të shpëtojë duke u hedhur nga dritarja. Mësohet se një fqinje i ka ardhur në ndihmë vajzës, pasi dëgjoi të bërtiturat dhe zhurmën e derës që goditej me shkelma. Benereta Pashollari, në një prononcim për mediat, rrëfen momentet tragjike dhe jep detaje tronditëse mbi ngjarjen.
    “Unë për momentin nuk isha por aty ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerit dhe dihet që bëri shumë tym, pa flakë. Vajza është hedhur nga dritarja, kurse ata të dy nuk mundën të dilnin. Vajzën e shpëtoi një zonjë kurse djali mbaroi me të ëmën. Doli kjo zonja rastësisht se e mora në telefon për të marrë diçka. Në atë kohë dëgjoi të thirrurat dhe vajza i binte derës. I binte me shkelma. Dëgjoi fqinja, doli dhe fqinja tjetër dhe pastaj arritën atje ku kanë arritur,” tha Pashollari.

    Për fat të keq, nëna dhe djali nuk kanë mundur të mbijetojnë për shkak të plagëve të marra, ndërsa vajza e vogël ndodhet në gjendje të rëndë në spital. Dyshohet se shkak i zjarrit ka qenë soba me dru. Fqinjët po ashtu tregojnë se familja përballej me kushte të vështira ekonomike dhe se të dy fëmijët vuanin nga autizmi./ZËRI

  • ‘Po mbyllet dritarja e fundit’ për të shmangur urinë në Gaza, thirrja urgjente e OKB-së drejtuar Izraelit

    ‘Po mbyllet dritarja e fundit’ për të shmangur urinë në Gaza, thirrja urgjente e OKB-së drejtuar Izraelit

    “Nuk kemi shumë kohë për të parandaluar përhapjen e mëtejshme të urisë në Gaza”, tha një zyrtar i lartë i OKB-së, duke i bërë thirrje Izraelit të lejojë shpërndarjen e papenguar të ndihmës humanitare në enklavën e shkatërruar nga lufta.

    Sipas agjencisë globale të monitorimit të urisë, qindra mijëra palestinezë janë tashmë në rrezik të urisë në zona që përfshijnë Qytetin e Gazës, qendrën më të madhe urbane të enklavës, ku Izraeli thotë se ka nisur një ofensivë kundër Hamasit

    Izraeli, i cili ndaloi rrjedhën e ndihmës humanitare për 11 javë, nga marsi deri në mesin e majit, ka thënë se po bën më shumë për të lejuar hyrjen dhe shpërndarjen e ndihmës në enklavë për të parandaluar mungesat e ushqimit, megjithëse agjencitë ndërkombëtare thonë se nevojitet më shumë.

    “Ekziston një dritare e ngushtë, deri në fund të shtatorit, për të parandaluar përhapjen e urisë në Deir al-Balah në Gazën qendrore dhe Khan Yunis në Gazën jugore. Dritarja tani po mbyllet me shpejtësi”, tha shefi humanitar i Kombeve të Bashkuara, Tom Fletcher.

  • Pjesë e rrjetit të kokainës, arrestohen 2 shqiptarë, arratiset i treti, u hodh nga dritarja e banesës

    Pjesë e rrjetit të kokainës, arrestohen 2 shqiptarë, arratiset i treti, u hodh nga dritarja e banesës

     Karabinierët në Peruxhia arrestuan dy shqiptarë, të moshës 19 dhe 36 vjeç, kurse një i tretë u shpall në kërkim, pasi mundi t’i shpëtonte prangave.

    Operacioni u krye në zonën e Castel del Piano dhe San Sisto, në Itali. Bastisja e parë përfshiu 36-vjeçarin, i cili u ndalua në makinën e tij së bashku me 21-vjeçarin, i cili arriti që të ikte me vrap. 36-vjeçarit iu gjetën disa doza kokaine në trup, me peshë 5 gramë dhe kontrolli u shtri në banesën e tij.

    Por sapo mbërritën aty, karabinierët panë një të ri 19-vjeçar që fluturoi nga dritarja e shtëpisë, në përpjekje për t’u arratisur.

    Efektivët e kapën pas ndjekjes, kurse brenda banesës gjetën 22 pako të vogla që përmbanin 67 gramë të tjera kokainë, me vlerë tetë mijë euro, informon media e vendit fqinj.

    Të dy të arrestuarit u izoluan në burgun e Capannes për të pritur një seancë dëgjimore dhe masën e sigurisë, kurse i treti ndodhet ende në kërkim.

  • E rëndë në Itali/ Shqiptarja shtatzënë bie nga dritarja, humbet foshnjën, Policia nis hetimet

    E rëndë në Itali/ Shqiptarja shtatzënë bie nga dritarja, humbet foshnjën, Policia nis hetimet

    Foto ilustruese

    TERNI– Një ngjarje e rëndë ka ndodhur në Terni, mëngjesin e sotëm të 13 korrikut. Një grua shqiptare, 31-vjeçare, 9 muajshe shtatzënë, ra nga një dritare në zonën e Borgo Bovio, duke pësuar lëndime të rënda.
    Sipas mediave italiane, e reja shqiptare, e cila jetonte në Itali prej vitesh u dërgua me urgjencë në spital. Për shkak të gjendjes së saj të rëndë shëndetësore, ajo iu nënshtrua një ndërhyrjeje kirurgjikale delikate. Aktualisht, sipas mjekëve, gjendja e saj është kritike dhe ende nuk e ka kaluar rrezikun për jetën. 
    Fatkeqësisht, pavarësisht përpjekjeve të mjekëve, nuk ishte e mundur të shpëtohej foshnja që ajo mbante në bark: vogëlushi pritej të lindte brenda pak ditësh.
    Tashmë, efektivët e Policisë kanë nisur hetimet për të zbuluar sesi ka ndodhur incidenti. Kjo pasi nuk përjashtohet mundësia që e reja të jetë shtyrë nga dritarja, por po ashtu nuk përjashtohet as fakti që e gjitha mund të ketë qenë një aksident tragjik./ZËRI

  • “Dritarja europiane nuk qëndron gjithmonë hapur”/ Mesazh i fortë i Toni Gogut nga Strasburgu

    “Dritarja europiane nuk qëndron gjithmonë hapur”/ Mesazh i fortë i Toni Gogut nga Strasburgu

    Në përfundim të punimeve dyditore të Komitetit Parlamentar të Stabilizim-Asociimit BE–Shqipëri, bashkëkryetari i delegacionit shqiptar, Toni Gogu, dha një mesazh të qartë: Shqipëria e ka marrë seriozisht objektivin e anëtarësimit në Bashkimin Europian deri në vitin 2030 sepse dritarja e mundësisë nuk do të qëndrojë përgjithmonë hapur.
    Takimi i mbajtur në Strasburg mblodhi deputetë nga të dyja parlamentet dhe nga të gjitha forcat politike, në një atmosferë bashkëpunimi dhe reflektimi të thellë mbi progresin e Shqipërisë në procesin e negociatave. Gogu theksoi se vendi po ecën me ritëm të mirë në negociatat për katër grup-kapituj dhe po përgatitet për hapjen e dy të tjerëve.
    “Shqipëria ka bërë përparim të ndjeshëm. E dimë që përpara kemi ende shumë punë, por jemi në rrugën e duhur,” – u shpreh ai, duke vlerësuar edhe mbështetjen e pandërprerë të Parlamentit Europian.
    Gjatë punimeve u diskutuan edhe çështje kyçe si të drejtat themelore, sundimi i ligjit, liria e medias, zhvillimi i qëndrueshëm dhe roli i Shqipërisë në stabilitetin rajonal  si pjesë e një qasjeje që i jep procesit të integrimit përmbajtje reale, përtej deklaratave politike.
    Përfundimi i punimeve në Strasburg nuk shënon një pikë ndalimi, por një shtysë të re për përshpejtimin e reformave. Në fjalën e tij, Gogu paralajmëroi se 2030-a nuk është vetëm një horizont politik por një provë serioziteti për gjithë klasën politike shqiptare.

  • Kjo është dritarja më me shije në Beratin e një mbi një dritareve (VIDEO)

    Kjo është dritarja më me shije në Beratin e një mbi një dritareve (VIDEO)

    Kryeministri Edi Rama ka ndarë në rrjetet sociale disa pamje nga një ndër rrugicat karakteristike të Beratit, ku duket se një restorant aty ka gjetur një ide mjaft interesante për të tërhequr turistët.
    “Mjafton një zile dhe gota e verës është gati.Dritarja më me shije në Beratin e një mbi një dritareve”, shkruan Rama krahas videos pë poston në Facebook.

  • Ndodh mrekullia! Foshnja shpëton pasi e hedhin nga dritarja e ndërtesës

    Ndodh mrekullia! Foshnja shpëton pasi e hedhin nga dritarja e ndërtesës

    Në rajonin e Leningradit në Rusi ka ndodhur një ngjarje tronditëse.

    Një foshnje e sapolindur u gjet e braktisur brenda një qeseje plastike pas hedhjes nga dritarja e një ndërtese.
    Vajza e vogël u shpëtua falë britmave të saj të forta, të cilat tërhoqën vëmendjen e kalimtarëve në zonë. Fillimisht, ata menduan se zëri që dëgjonin ishte i koteleve, por kur iu afruan vendit, zbuluan foshnjën e braktisur dhe të pambrojtur, e cila ishte në një gjendje të rëndë, por ende e gjallë.
    Mjekët pediatër që morën foshnjën në kujdes të menjëhershëm konfirmuan se ajo kishte lindur vetëm disa orë më parë, duke i dhënë një vlerë edhe më të madhe shpëtimit të saj.
    Sipas tyre, ajo kishte pësuar trauma nga rënia, por falë ndërhyrjes së shpejtë dhe kujdesit të specializuar, po përparon në mënyrë të qëndrueshme.
    Autoritetet lokale kanë nisur hetimet për të zbuluar kush është personi apo personat që braktisën foshnjën në këtë mënyrë të papërgjegjshme dhe të rrezikshme. Policia po punon intensivisht për të mbledhur dëshmi dhe informacione që mund të çojnë në identifikimin e autorëve të këtij akti kriminal.

    ⚠️ Sensitive content
    In Russia’s Leningrad region, a newborn baby girl was found inside a plastic bag — she had been thrown out of a window.
    The infant was discovered by her cries — at first, passersby thought it was kittens meowing.
    Miraculously, the girl survived.… pic.twitter.com/JxpeBikT3U
    — NEXTA (@nexta_tv) June 6, 2025

    Top Channel

  • Librazhd/ U kap duke fotografuar votën, qytetari tenton “të arratiset” nga dritarja

    Librazhd/ U kap duke fotografuar votën, qytetari tenton “të arratiset” nga dritarja

    Këtë të diel qytetarët Shqiptarë po u drejtohen kutive të votimit për të shprehur vullnetin e tyre, por nuk kanë munguar incidentet.
    Disa raste të fotografimit të votës janë raportuar deri më tani.
    Një rast i tillë ka ndodhur edhe në Librazhd.

    Një qytetar i cili ka fotografuar votën, është pikasur nga komisionerët.
    Megjithatë qytetari nuk e ka pranuar një gjë të tillë dhe ka tentuar të të dalë nga dritarja e qendrës së votimit.
    Për këtë arsye për më tepër se 30 minuta në këtë qendër është ndërprerë votimi.

  • Video – U kap duke fotografuar votën, qytetari tenton “të arratiset” nga dritarja

    Video – U kap duke fotografuar votën, qytetari tenton “të arratiset” nga dritarja

    Këtë të diel qytetarët Shqiptarë po u drejtohen kutive të votimit për të shprehur vullnetin e tyre, por nuk kanë munguar incidentet. Disa raste të fotografimit të votës janë raportuar deri më tani.
    Një rast i tillë ka ndodhur edhe në Librazhd. Një qytetar i cili ka fotografuar votën, është spikatur nga komisionerët. Megjithatë qytetari nuk e ka pranuar një gjë të tillë dhe ka tentuar të të dalë nga dritarja e qendrës së votimit.
    Për këtë arsye për më tepër se 30 minuta në këtë qendër është ndërprerë votimi.

  • Gjirokastër/ Nxënësi 17-vjeçar hidhet nga dritarja, shkak një bast 10 mijë lekë

    Gjirokastër/ Nxënësi 17-vjeçar hidhet nga dritarja, shkak një bast 10 mijë lekë

    Një nxënës i vitit të dytë në gjimnazin “Siri Shapllo” në Gjirokastër, A. M., 17 vjeç, është hedhur nga dritarja e katit të dytë të shkollës, duke pësuar dëmtime fizike dhe duke përfunduar në spital.

    Ngjarja ka ndodhur gjatë orarit mësimor, në prani të shokëve të klasës dhe stafit pedagogjik. Sipas burimeve nga Drejtoria Arsimore dhe dëshmive të mbledhura nga policia, mësohet se ngjarja lidhet me një bast të vendosur mes nxënësve. Tre shokë të tij kanë deklaruar në polici se adoleshenti u hodh për një bast prej 10 mijë lekësh të vjetra.

    Nxënësi u dërgua me urgjencë në Spitalin Rajonal të Gjirokastrës dhe ndodhet jashtë rrezikut për jetën, megjithëse ka pësuar dëmtime në gjymtyrë.

    Kjo është ngjarja e tretë e rëndë në të njëjtin institucion brenda tre muajve. Më herët, dy nxënës të tjerë 16-vjeçarë kanë ndërruar jetë në rrethana ende të paqarta, duke ngritur shqetësime për gjendjen psikologjike të të rinjve dhe nevojën për ndërhyrje urgjente institucionale.

    Policia po vijon hetimet për të sqaruar plotësisht rrethanat e kësaj ngjarjeje.