Shkëndija dhe Drita kanë luajtur sot ndeshjen e tyre numër 5 në Ligën e Konferencës. Dy klubet shqiptare patën rezultate të kundërta këtë mbrëmje. Kuqezinjtë e Tetovës kanë poshtur me shifrat 2-0 Sllovan Bratisllavën. Të dy golat u shënuan në pjesën e parë të lojës. Fillimisht ishte Bajriçi ai që në minutën e 33-të e dërgoi topin në rrjetë. Më pas, në minutën e parë të shtesës së pjesës së parë Spahiu dyfishoi shifrat. Një fitore mjaft e rëndësishme kjo e Shkëndijës, e cila tashmë i shkon pranë kualifikimit fazën me eleminim direkt.
Ndërkohë, Drita pati një fat të kundërt me kuqezinjtë e Tetovës. Skuadra nga Gjilani ka humbur në shtëpi me shifrat 0-3 nga AZ Alkmari. Kjo ishte edhe humbja e parë e Dritës në këtë sezon të Ligës së Konferencës. Pavarësisht kësaj humbjeje, ekipi nga Kosova mbetet në zonën që e dërgon në fazën tjetër të kompeticionit. Ndeshja e fundit e fazës së ligës do të luhet në 18 dhjetor dhe të dyja skuadrat shqiptare i presin kundërshtarë të vështirë. Shkëndija do të sfidojë AEK Larnakën në Qipro, e cila tashmë udhëheq tabelën e renditjes. Në krahun tjetër, Drita do të udhëtojë në Spanjë për t’u përballur me Rajo Vajekanon./Sport Ekspres/
Tag: drita
-
Shkëndija mposht Sllovan Bratisllavën dhe i shkon pranë kualifikimit, Drita merr humbjen e parë në Ligën e Konferencës
-
(VIDEO) Drita bie në Prishtinë dhe djeg shansin top 8, por asnjë dramë mbi playoff
Drita bie pas 4 ndeshjesh në Conference League, faza e ligës dhe e grumbullimit të pikëve. Skuadra e Kosovës pësoi humbjen e parë në garë, duke u mposhtur 3-0 nga AZ Alkmaar. Drita kishte një fillim të mirë, duke krijuar rastin e parë në minutën e 3-të me një harkim nga Almir Ajzeraj, por portieri i holandezëve reagoi me vështirësi dhe priti topin.
Kontrolli i lojës në minutat e para i përkiste vendasve, por AZ Alkmaar ishte më efikas në shfrytëzimin e mundësive. Në minutën e 17-të, kapiteni Sven Mijnans realizoi për 0-1, duke shfrytëzuar një pasim të saktë nga Isak Jensen dhe duke dërguar topin në këndin e poshtëm të majtë të portës.
Ndonëse Drita kërkoi penallti në minutën e 24-t, pas shqyrtimit të VAR-it, gjyqtari Dalibor Cerny vendosi të mos e japë. Futbollistët vendas u dukën të pakënaqur, por loja vazhdoi.
AZ Alkmaar pati edhe disa raste të tjera për të dyfishuar rezultatin. Në minutën e 38-t, Troy Parrott humbi një shans të qartë përballë portës, duke dërguar topin jashtë. Pak më vonë, një tentativë e Sven Mijnans u priti nga portieri Faton Maloku.
Në pjesën e dytë, AZ Alkmaar tregoi superioritetin e tyre të plotë. Në minutën e 58-të, Isak Jensen shënoi për 0-2, pas një asistimi nga Kees Smit, duke dërguar topin me një gjuajtje të fuqishme në këndin e poshtëm të majtë, pa asnjë mundësi për Malokun.
GOLI I 0-3 (VIDEO)
Më pas, në minutën e 90-të, Ibrahim Sadiq vulosi rezultatin 0-3 me një përfundim të saktë, duke konfirmuar dominimin e plotë të skuadrës holandeze. Drita mbetet 8 pikë teksa ndeshja e fundit: Rayo Vallecano-Drita, Spanjë! -
Drita kërkon të shkruajë historinë, Shkëndija luan shansin e fundit për kualifikim
11 Dhjetor 2025
17:56
Telesport
Drita dhe Shkëndija luajnë sot ndeshjet e raundit të pestë në Conference League. Drita pret në “Fadil Vokrri” Az Alkmaar, ku “Intelektualët” do të synojnë fitoren e radhës për të qëndruar në top . Drita e drejtuar nga Zekirija Ramadani e nis me këtë formacion titullar: Maloku; Krasniqi, Bejtulai, Pellumbi, Ovouka; Ajzeraj, Limaj, Dabiqaj, Sheji, Abazaj; Manaj.
Ndërsa Shkëndija pret Slovan Bratislava në stadiumin “Arena Todor Proeksi”. Kuqezinjtë e drejtuar nga Jeton Beqiri e nisin me këtë formacion titullar.
Shkëndija: Gaye, Trumçi, Fetai, Cake, Webster, Zejnullai, Ramadani, Qaka, Spahiu, Latifi dhe Ibraimi. Ndeshjet fillojnë në orën 18:45. -
Ballkani shkëputet në krye, Drita merr barazim në Klinë, Malisheva fiton në shtëpi
Albi Mall Superliga e Kosovës dhuroi emocione dhe gola këtë të shtunë, me tri ndeshje interesante të xhiros së 16-të. Ballkani e përforcoi pozitën e parë në renditje, me fitore bindëse para tifozëve të vet ndaj Prishtinës së Re, me shifrat 6:1. Almir Kryeziu, Walid Hamidi dhe Valentin Serebe u shndërruan në protagonistët e takimit, duke shënuar nga dy gola secili. Ndërkaq, golin e vetëm për mysafirët e realizoi Astrit Berisha. Pas kësaj fitoreje, Ballkani kryeson tabelën me 29 pikë, ndërsa Prishtina e Re mbetet e fundit me 14 pikë.
Një dramë e vërtet u zhvillua në stadiumin “13 Qershori” në Klinë. Dukagjini ishte pranë fitores, por Drita barazoi në fund falë golit të Besnik Krasniqit në minutën e 94-t. Më herët Dienit Isufi e kaloi Dukagjinin në epërsi në minutën e 53-të me një goditje me kokë. Me këtë barazim, Dukagjini ngjitet përkohësisht në vendin e dytë me 27 pikë, ndërsa Drita bie në pozitën e pestë me 24 pikë, duke pasur ende një ndeshje më pak të zhvilluar.Malisheva ka vazhduar me formë të mirë, duke realizuar fitoren e katërt radhazi. Kësaj radhe duke e mposhtur Drenicën në “Liman Gegaj”, 2:0.
Të dy golat i shënoi mbrojtësi i krahut të majtë, Arlind Veliu (2’, 10’). Drenica e mbylli ndeshjen me dhjetë lojtarë, pasi portieri Kenan Haxhihamza u ndëshkua me karton të kuq në kohën shtesë.
Malisheva mban vendin e katërt me 25 pikë, ndërsa Drenica mbetet në zonën e barazhit, në vendin e tetë me 17 pikë.© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
-
50 mijë drita LED dhe një yll mbi 400 kg/ Ndizet Pema e Krishtlindjeve e Qendrës Rockefeller në Manhatan
Pema e Krishtlindjeve në Qendrën Rockefeller , një simbol i sezonit të festave të Nju Jorkut, u ndriçua të mërkurën në mbrëmje në Manhattan.
Pema mbresëlënëse e këtij viti është zbukuruar me më shumë se 50,000 drita LED shumëngjyrëshe dhe në majë të saj është vendosur një yll Swarovski prej 408 kilogramësh.
Ylli i muzikës country, Reba McEntire, drejtoi transmetimin drejtpërdrejt të ceremonisë së ndezjes së dritave për NBC.
Në këtë aktivitet performuan edhe Radio City Rockettes, të cilët festojnë 100-vjetorin e tyre këtë vit. Ndër të tjerë, performuan edhe Michael Bublé, Marc Anthony dhe Gwen Stefani.
Bredhi 75 metra i lartë u pre nga një kopsht në zonën e Albany-t, rreth 150 milje në veri të Manhattan-it. -
Conference League/Drita ‘fik’ Shkëndijën në derbin e shqiptarëve, koreografi spektakolare për 113 vjetorin e Pavarësisë
Të enjten u zhvilluan 18 ndeshjet e raundit të katërt në fazën e ligës së Conference League.
Në ‘Fadil Vokrri’ të Prishtinës, Drita e Gjilanit fitoi 1-0 kundër Shkëndijës së Tetovës në derbin e shqiptarëve. Goli i Arb Manaj në minutën e 20-të vendosi tri pikët për kampionët e Kosovës, që marrin vendin e tetë në klasifikim. Dueli përkoi me vigjiljen e 113 vjetorit të Pavarësisë së Shqipërisë dhe tifozët dhuruan spektakël me koreografitë. Gjergj Kastrioti, deklarata e Pavarësisë e 28 nëntorit 1912 apo Adem Jashari ishin disa nga figurat e zgjedhura në banerat gjigand në stadium.
Në Islandë, Breidablik ndali 2-2 Samsunspor, por sërish turqit mbajnë kreun me pikë të barabarta me Strasbourg. Rezultat surprizë në Firenze, aty ku Fiorentina humbi 0-1 nga AEK Athinë. Për grekët shkëlqeu Thomas Strakosha dhe dëshira më e re e Sylvinhos, Stavros Pilios, i cili u shpall më i miri i ndeshjes.
Në Sllovaki, Slovan Bratislava fitoi 2-1 kundër Rayo Vallecanos. Ivan Balliu për spanjollët luajti vetëm 32 minuta, pasi u rrëzua keq me kokë në fushë pas një ndërhyrje, duke u detyruar të lërë sfidën.
Me nga 10 pikë, Samsunspor dhe Strasbourg mbajnë kreun, ndërsa mes tetë ekipeve më të mira janë edhe Celje, Shakhtar, Mainz, AEK Larnaca dhe Drita.
Conference League, e enjte 27 nëntor 2025 – raundi 4:
AZ Alkmaar 2-0 Shelbourne
Hamrun 3-1 Lincoln Red Imps
Lech Poznan 2-0 Lausanne
Omonia 2-0 Dynamo Kiev
Rakou 4-1 SK Rapid
Sigma Olomouc 2-1 Celje
Slovan Bratislava 2-1 Rayo Vallecano
Universitatea Craiova 1-0 Mainz
Zrinjski Mostar 2-1 Hacken
Aberdeen 1-1 Noah
Breidablik 2-2 Samsunspor
Drita 1-0 Shkëndija
Fiorentina 0-1 AEK Athinë
Jagiellonia 1-0 KuPS
Legia 0-1 Sparta Prague
Rijeka 0-0 AEK Larnaca
Shamrock Rovers 1-2 Shakhtar Donetsk
Strasbourg 2-1 Crystal Palace -
VIDEO/ Drita feston në Conference League, fiton ndeshjen speciale të shqiptarëve ndaj Shkëndijës
Drita triumfon 1-0 ndaj Shkëndijës, në sfidën e Conference League të luajtur në “Fadil Vokrri”. Ekipi i Ramadanit fiton kështu ndeshjen speciale të shqiptarëce, para Ditës së Pavarësisë.
Vendimtar në këtë takim rezultoi goli i Arb Manaj, i realizuar në pjesën e parë. Në pjesën e dytë, mungoi goli, edhe pse rastet ishin të shumta.Festa ishte e ligjshme te Drita pas fundit të sfidës, ndërkaq në krahun tjetër, ekipi i Beqirit del pa pikë nga ky takim.
Drita është në vendin e tetë. Shkëndija është në vendin e 25-të. -
Drita dhe shanset e kualifikimit, ja situata! Trajneri Ramadani: “Çfarë emocioni sonte, duam historinë por gjithashtu do jem tifoz i Shkëndijës në vazhdim sepse…”
Kampioni i Kosovës, Drita, ka shënuar një fitore të madhe në derbin shqiptar kundër Shkëndijës, në kuadër të xhiros së katërt të Ligës së Konferencës.
“Intelektualët” triumfuan me rezultat minimal 1-0 në ndeshjen e zjarrtë të zhvilluar në stadiumin “Fadil Vokrri”, ku Arb Manaj u shpall hero me golin e vetëm të takimit, pas një harkimi perfekt nga Besnik Krasniqi.
Me këtë fitore, Drita ngjitet në vendin e tetë në renditjen e përgjithshme të Ligës së Konferencës me 8 pikë, ndërsa Shkëndija zbret në pozitën e 25-të me 4 pikë.
Forma e jashtëzakonshme e gjilanasve nën drejtimin e trajnerit Zekirija Ramadani bën që klubi të jetë shumë pranë sigurimit të një vendi në play-off të kësaj gare evropiane. Ajo që bie më së shumti në sy është fakti se pas katër xhirove, Drita ka lënë pas emra të njohur të futbollit evropian si: Sparta Prague, Rayo Vallecano, Fiorentina, Crystal Palace, AZ Alkmaar, Dinamo Kyiv dhe Legia Warsaw.
Drita ka edhe dy ndeshje të mbetura në fazën e ligës: fillimisht pret AZ Alkmaar, ndërsa në fund udhëton në Spanjë për t’u përballur me Rayo Vallecano. Deri më tani, gjilanasit kanë regjistruar fitore ndaj Shelbourne dhe Shkëndijës, ndërsa kanë barazuar me KuPS dhe Omonia – një ecuri shumë pozitive që i mban në garë për një histori të re evropiane.
Trajneri Zekeria Ramadani komentoi suksesin: “Ishte një ndeshje e veçantë me shumë emocion dhe presion, pasi për herë të parë takohen dy ekipe shqiptare në grupe. I uroj futbollistëve fitoren. Ishte luftë sportive nga të dyja ekipet,” tha ai, duke theksuar se megjithëse loja nuk ofroi spektakël brenda fushe, atmosfera në tribuna ishte e jashtëzakonshme falë dy tifozërive që krijuan një festë të vërtetë.Tekniku shkupjan shprehu respekt të veçantë për kundërshtarin, duke vlerësuar punën dhe ndikimin e Shkëndijës në futbollin e Maqedonisë së Veriut.
“Respekt për ekipin e Shkëndijës, ka bërë revolucion në Maqedoninë e Veriut. Ne ku punojmë mundohemi ta bëjmë maksimumin. Kam dëshirë që Shkëndija të fitojë, do të jemi tifozë të tyre dhe do të ishte kënaqësi që të ishim dy skuadrat tutje”, u shpreh ai.
-
Ka Dritë në derbin e shqiptarëve, skuadra gjilanase mposht Shkëndijën dhe është një hap larg kalimit të grupit
Derbi shqiptarësh në prag të festës së flamurit. Drita është përballur me Shkëndijën në Ligën e Konferencës, të cilën e ka mposhtur me rezultatin minimal 1-0. Ka mjaftuar vetëm një gol për të përcaktuar fituesin në këtë ndeshje.
Statistikat folën për Shkëndijën, por goli i Manajt në minutën e 20 i dhanë 3 pikët skuadrës nga Gjilani. Me këtë fitore Drita është ngjitur në vendin e 8 në renditje. Me 6 pikë të mbetura ende në lojë, ekipi nga Kosova është shumë pranë arritjes historike, kalimit në fazën me eleminim të drejtpërdrejtë në Ligën e Konferencës./Sport Ekspres/ -
CONFERENCE: Drita në avantazh, goli i Arb Manaj ngre peshë stadiumin (VIDEO)
27 Nëntor 2025
21:59
Telesport
Drita e ka mbyllur në avantazh pas 45 minutave lojë ndaj Shkëndijës, në përballjen që po zhvillohet në “Fadil Vokrri”. Është goli i Arb Manaj që po e bën dallimin, meqenëse vetëm qendërsulmuesi e ka gjetur rrugën drejtë rrjetës.
Pas një harkimi të Besnik Krasniqit, Manaj me një vollej të lehtë mposhti portierin mysafir për t’i dhënë epërsinë Dritës (21’). Drita ishte më e mirë në periudhën më të madhe të kohës, ku ndërtuan edhe disa aksione por larg infalizimit.
Ndërkohë, Shkëndija tentoi me disa kundërsulme por gjithashtu nuk kishin ndonjë rast ku rrezikuan portën e Faton Malokut. Atmosfera në “Fadil Vokrri” është e shkëlqyer, ku si tifozët e Dritës “Intelektualët” ashtu edhe “Ballistët” e Shkëndijës nuk po ia ndalin këngës.
VIDEO