Lajmidites.com

Tag: dokumente

  • Pas grabitjes spektakolare, një tjetër goditje për Luvrin, përmbytja shkatërron qindra dokumente historike

    Pas grabitjes spektakolare, një tjetër goditje për Luvrin, përmbytja shkatërron qindra dokumente historike

    Më 26 nëntor, një përmbytje në bibliotekën e antikiteteve egjiptiane të Muzeut të Luvrit shkaktoi dëmtime të konsiderueshme në qindra libra dhe dokumente, disa prej të cilave datojnë që nga fundi i shekullit XIX.
    Shkaku i incidentit ishte një rrjedhje uji në sistemin e ngrohjes dhe ventilimit të muzeut, duke nxjerrë në pah gjendjen e përkeqësuar të infrastrukturës së institucionit më të vizituar në botë. Ngjarja vjen vetëm disa javë pas grabitjes së bujshme të bizhuterive, që gjithashtu evidentoi probleme në sigurinë e muzeut.
    Në një intervistë për BFMTV, zëvendësdrejtori i përgjithshëm i Luvrit, Francis Steinbock, deklaroi se dëmtimet prekin “mes 300 dhe 400 materiale”, ndërsa veprat më të vjetra datojnë nga fundi i shekullit XIX. Sipas tij, bëhet fjalë kryesisht për revista, libra referencash dhe publikime arkeologjike. Ai siguroi se nuk ka humbje të veprave me vlerë të jashtëzakonshme. Materialet e prekura janë nxjerrë nga raftet dhe po i nënshtrohen një procesi të kujdesshëm tharjeje, faqe më faqe.

    Steinbock pranoi se vjetërsia e rrjetit hidraulik ishte e njohur prej vitesh, ndërsa zona e dëmtuar është pjesë e një projekti të madh rinovimi të sistemit të ventilimit dhe ngrohjes, i cili pritet të nisë në shtator të vitit 2026.
    /vizionplus.tv

  • Veprimtari e gjerë kriminale/ Arrestohet shtetasi suedez në Kosovë, në kërkim ndërkombëtar, iu gjet 52 mijë euro dhe…

    Veprimtari e gjerë kriminale/ Arrestohet shtetasi suedez në Kosovë, në kërkim ndërkombëtar, iu gjet 52 mijë euro dhe…

    Policia e Kosovës, në bashkëpunim me Prokurorinë Speciale, ka arrestuar një shtetas suedez i cili ishte në kërkim ndërkombëtar dhe dyshohet për veprimtari të gjerë kriminale, përfshirë pjesëmarrje në grup të organizuar, trafikim të armëve, falsifikim dokumentesh dhe vjedhje identiteti.
    Sipas Policisë, i dyshuari me inicialet A.B ka vepruar si drejtues i një grupi kriminal që merrej me blerjen dhe shitjen e armëve dhe municionit, ndërsa dyshohet se ka falsifikuar dokumente zyrtare me qëllim mashtrimi.
    Gjatë bastisjes në vendin ku qëndronte i dyshuari, policia ka sekuestruar mbi 52 mijë euro, dokumente të dyshuara të falsifikuara, disa telefona, pajisje elektronike, një orë Rolex dhe një veturë. Ndërkohë, nga një operacion i mëhershëm në vitin 2023, i lidhur me të njëjtin rast, ishin sekuestruar 20 armë të tipit AK-47, 20 karikatorë, automjete dhe dokumente të tjera të rëndësishme.

  • Balluku e pandehur nga SPAK dhe e pezulluar nga detyra, paralajmëron Berisha: Po përgatis dokumente dhe fakte

    Balluku e pandehur nga SPAK dhe e pezulluar nga detyra, paralajmëron Berisha: Po përgatis dokumente dhe fakte

    Kryetari i Partisë Demokratike Sali Berisha tha se sot do të publikojë fakte dhe dokumente, për atë që ai e quajti skandal ndërkombëtar që lidhet me Belinda Ballukun dhe Edi Ramën.
     
    Lideri i opozites u shpreh se “kryeministri Rama dje ka bërë një mashtrim të madh me qytetarët”.
    “Por cilviu viu viu, kush ja bën ja bën vetiu. Por i ranë kokës. Unë kisha dërguar në 2012 nenin për heqjen e çdo mbrojtje të deputetit, por këta e forcuan. Tani po përballen me atë që bënë”, tha Berisha.
    Berisha: Në të gjitha hetimet e mia, në të gjitha gjykimet për mua gjykata ka dhënë vendimet politike kundër meje siç ka marrë urdhër. Por cilviu viu viu, kush ja bën ja bën vetiu. Por i ranë kokës. Unë kisha dërguar në 2012 nenin për heqjen e çdo mbrojtje të deputetit, por këta e forcuan. Tani po përballen me atë që bënë
    Kemi të bëjmë me skandal të madh ndërkombëtar, që unë do ta denoncoj, po përgatis  dhe do paraqes dokumente dhe fakte në orën 12:30 për aktin e paprecedent, të pashembullt të Edi Ramës dhe Belinda Ballukut.
    Dje ka kryer skandal të madh ndërkombëtar. Rama dje bëri mashtrim shqiptarëve dhe Evropës, për të cilën unë do ta dënoj sot me forcën më të madhe.
    I pyetur si ishte takimi dhe biseda me ministren “Diella”, Berisha u përgjigj: “Diella” e shpartalloi Ramën. Ja nxori Ramës të gjitha mashtrimet”.

  • Kërkoi të pyetet si person në dijeni për ’21 Janarin’, avokati i ish-presidentit: Meta ka dokumente sekrete shtetërore

    Kërkoi të pyetet si person në dijeni për ’21 Janarin’, avokati i ish-presidentit: Meta ka dokumente sekrete shtetërore

    Ish-presidenti Ilir Meta ka kërkuar të pyetet si person në dijeni për çështjen e ’21 Janarit’, ku humbën jetën katër protestues.
    Avokati i tij, Kujtim Cakrani, pas përfundimit të seancës paraprake pak momente më parë, foli pikërisht për këtë çështje, ku tha se kreu i Partisë së Lirisë ka prova dhe sekrete shtetërore madje.
    “Shpjegimet e zotit Meta janë shpjegime jo vetëm më fjalë, por edhe me prova, akte. Ka disa dokumente që janë edhe sekret shtetëror po deshët ju. Emrat do ti nxjerrë zoti Meta kur ti dëshmojë”, tha ndër të tjera Cakrani.
    Seanca paraprake në ngarkim të Ilir Metës është shtyrë për në datën 5 dhjetor, mbrojtja e tij ka kërkuar kohë për t’u njohur me aktet.

  • Kërkoi të pyetet për ’21 Janarin’, avokati i ish-presidentit: Meta ka dokumente sekrete shtetërore

    Kërkoi të pyetet për ’21 Janarin’, avokati i ish-presidentit: Meta ka dokumente sekrete shtetërore

    Ish-presidenti Ilir Meta ka kërkuar të pyetet si person në dijeni për çështjen e ’21 Janarit’, ku humbën jetën katër protestues.
    Avokati i tij, Kujtim Cakrani, pas përfundimit të seancës paraprake pak momente më parë, foli pikërisht për këtë çështje, ku tha se kreu i Partisë së Lirisë ka prova dhe sekrete shtetërore madje.
    “Shpjegimet e zotit Meta janë shpjegime jo vetëm më fjalë, por edhe me prova, akte. Ka disa dokumente që janë edhe sekret shtetëror po deshët ju. Emrat do t`i nxjerrë zoti Meta kur t`i dëshmojë”, tha ndër të tjera Cakrani.
    Seanca paraprake në ngarkim të Ilir Metës është shtyrë për në datën 5 dhjetor, mbrojtja e tij ka kërkuar kohë për t’u njohur me aktet.
     

  • ‘Tepër sekrete’, Lala: SPAK ka kërkuar dokumente që mbahen në arkivin e Kuvendit

    ‘Tepër sekrete’, Lala: SPAK ka kërkuar dokumente që mbahen në arkivin e Kuvendit

    Gazetarja Klodiana Lala ka deklaruar se SPAK ka kërkuar dokumente që mbahen në arkivin e Kuvendit dhe janë sekrete për çështjen e 21 Janarit.
    E ftuar në një studio televizive, gazetarja Klodiana Lala tha se kanë të bëjnë me vëzhgime apo përgjime, që lidhen me zhvillimet para, gjatë dhe pas protestës së 21 janarit.
    Ajo ka bërë me dije se shkresa është tepër sekrete pasi preket siguria kombëtare.
    Sipas gazetares, hetuesit kanë vlerësuar se janë shumë të rëndësishme për procesin, për të kuptuar si u organizua protesta, a kishin orientime për akte dhune, dhe çfarë ndodhi brenda Kryeministrisë që u qëllua në drejtim të protestuesve.
    “SPAK ka kërkuar dokumente që mbahen në arkivin e Kuvendit dhe janë sekret. Ka të bëjë me vëzhgime apo përgjime, që lidhen me zhvillimet para, gjatë dhe pas protestës së 21 janarit. Shkresa është “tepër sekret”. Kuvendi do ta kthejë po kështu, me logon “tepër sekret”, pasi preket siguria kombëtare. Hetuesit kanë vlerësuar se janë shumë të rëndësishme për procesin, për të kuptuar si u organizua protesta, a kishin orientime për akte dhune, dhe çfarë ndodhi brenda Kryeministrisë që u qëllua në drejtim të protestuesve.
    Për shkak të hetimit penal, prevalon hetimi dhe sipas përcaktimit të GJEDNJ, është thënë vrasje shtetërore, pra prek nivele të larta, ndoshta nuk e detyron dot SPAK Kuvendin, por e ka kërkuar, duhet parë se si do të vijojë.
    Mund të ndodhë që Kuvendi nuk i deklasifikon, i takon Kuvendit nëse ia vë në dispozicion prokurorisë”, tha ndër të tjera Lala.

  • “Sistemi i terrorit”, parandalohet skandali i ankandit me sende të Holokaustit

    “Sistemi i terrorit”, parandalohet skandali i ankandit me sende të Holokaustit

    Ministri i Jashtëm i Polonisë deklaroi të dielën se një ankand “fyes” i artifakteve të Holokaustit në Gjermani është anuluar, pas ankesave të të mbijetuarve.
    Radosław Sikorski e dha lajmin në X duke u shprehur se ai dhe homologu gjerman, Johann Wadephul, “ranë dakord se një skandal i tillë duhet parandaluar.”
    Kreu i diplomacisë polake falënderoi Wadepuhl për informacionin që ankandi është anuluar.
    Një grup të mbijetuarish të Holokaustit i kishin bërë thirrje më herët shtëpisë Felzmann të ankandeve për të anuluar shitjen e së hënës të qindra artifakteve, ku përfshiheshin letra të të burgosurve dhe shumë dokumente të tjera ku njerëzit idenfitikohen me emër.
    Informacioni rreth ankandit në faqen zyrtare të Auktionshaus Felzmann nuk gjendej më aty rreth mesditës të së dielës.
    Koleksioni me më shumë se 600 sende në Neuss perëndimor pranë Dyseldorfit përfshinte letra që të burgosurit në kampet gjermane të përqendrimit u kishin shkruar të afërmve, letra të Gestapo-s e dokumente të tjera. Ankandi ishte titulluar “Sistemi i terrorit.”
    “Për viktimat e persekutimit nazist dhe të mbijetuarit e Holokaustit, ky ankand është një vepër cinike dhe e paturp që i zemëron dhe shtang ata”, tha zëvendëspresidenti i Komitetit Ndërkombëtar të Aushvicit, Christoph Heubner.
    “Historia e tyre dhe vuajtja e të gjithë atyre që janë persekutuar dhe vrarë nga nazistët po shfrytëzohen për përfitime tregtare”, shtoi ai. Komiteti tha se emrat e njerëzve ishin të identifikueshëm në shumë prej dokumenteve.
    Heubner tha se këto dokumente “u përkasin familjeve të viktimave. Ato duhet të ekspozohen në muze ose memoriale dhe mos të degradohen si mallra të çfarëdoshme.”

  • Goditen në aeroportin e Rinasit 6 raste paligjshmërie/ Sekuestrohen mbi 22 mijë euro dhe dokumente false

    Goditen në aeroportin e Rinasit 6 raste paligjshmërie/ Sekuestrohen mbi 22 mijë euro dhe dokumente false

    Policia kufitare në aeroportin e Rinasit ka goditur 6 raste të paligjshmërie gjatë kontrolleve në dalje të Shqipërisë. 
    Konkretisht, janë goditur 2 raste të mosdeklarimit të parave në kufi dhe 4 raste tentative për të kaluar me dokumente të falsifikuara. 
    Kështu, në total janë sekuestruar 22,805 euro, 2600 dinarë maqedonas dhe 6 dokumente false. 
    Kontrollet e imtësishme në dalje të Republikës së Shqipërisë, rezultojnë me goditjen e 6 rasteve të paligjshmërive. 
    Procedohen penalisht autorët e tyre. 
    Sekuestrohen 22 805 euro, 2600 dinarë maqedonas dhe 6 dokumente false. 
    Si rezultat i kontrolleve dhe verifikimeve, shërbimet e Policisë Kufitare të Rinasit goditën 2 raste të mosdeklarimit të të hollave në kufi dhe 4 raste të tentativës për të lëvizur me dokumente false. Në përfundim të veprimeve procedurale për 6 rastet e paligjshmërive, u referuan materialet në Prokurori, ku nisi procedimi në gjendje të lirë për: 
    -shtetasin nga RMV-ja, A. J., 33 vjeç, i cili do të udhëtonte drejt Norvegjisë, pasi iu gjetën 11 800 euro dhe 2600 dinarë maqedonas, që nuk i kishte deklaruar; 
    -shtetasin nga RMV-ja, B. I., 43 vjeç, i cili do të udhëtonte drejt Norvegjisë, pasi iu gjetën 11 005 euro që nuk i kishte deklaruar; 
    -shtetasin A. R., 30 vjeç, banues në Kamzë, i cili do të udhëtonte drejt Holandës, pasi iu gjetën 1 kartë identiteti dhe 1 leje drejtimi polake, të dyshuara false; 
    -shtetasin K. S., 20 vjeç, banues në Shkodër, i cili do të udhëtonte drejt Italisë, pasi iu gjetën 1 kartë identiteti dhe 1 pasaportë polake, të dyshuara false; 
    -shtetasin A. K., 36 vjeç, banues në Fier, i cili do të udhëtonte drejt Gjermanisë, pasi iu gjet 1 leje drejtimi braziliane e dyshuar false; 
    -shtetasen braziliane L. M., 33 vjeçe, e cila do të udhëtonte drejt Gjermanisë, pasi iu gjet 1 leje drejtimi italiane e dyshuar false. 
    Kontrollet dhe verifikimet do të vijojnë. 
    Materialet procedurale iu referuan Prokurorisë së Tiranës, për veprime të mëtejshme. 
     
     
     
     

  • Sekuestrohen mbi 22 mijë euro dhe dokumente false në Rinas

    Sekuestrohen mbi 22 mijë euro dhe dokumente false në Rinas

    Kontrollet e imtësishme të Policisë Kufitare në aeroportin e Rinasit kanë çuar në zbulimin e 6 rasteve të paligjshmërive në dalje të territorit të Republikës së Shqipërisë.

    Sipas njoftimit zyrtar, gjatë verifikimeve u zbuluan 2 raste të mosdeklarimit të të hollave në kufi dhe 4 raste të tentativës për të udhëtuar me dokumente false. Në total, u sekuestruan 22 805 euro, 2600 dinarë maqedonas dhe 6 dokumente të falsifikuara.

    Në përfundim të hetimeve paraprake, materialet u referuan në Prokurori, ndërsa autorët po procedohen penalisht në gjendje të lirë.

    Të proceduarit janë: A. J., 33 vjeç, shtetas nga Maqedonia e Veriut, i cili do të udhëtonte drejt Norvegjisë me 11 800 euro dhe 2600 dinarë maqedonas të padeklaruara dhe B. I., 43 vjeç, gjithashtu nga Maqedonia e Veriut, që tentoi të udhëtonte drejt Norvegjisë me 11 005 euro të padeklaruara.

  • Berisha-Dumanit: Po fsheh dokumentet e krimit të dy kandidatëve që preferon ai për drejtimin e SPAK-ut

    Berisha-Dumanit: Po fsheh dokumentet e krimit të dy kandidatëve që preferon ai për drejtimin e SPAK-ut

    Ish-kryeministri Sali Berisha, pasi doli nga Prokuroria e Posaçme (SPAK), ku ishte në zbatim të masës “detyrim paraqitje” për aferën Partizani, sulmoi sërish ditën e djeshme kreun e SPAK, Altin Dumani. Kësaj here, me një akuzë të re, se po fsheh dokumente krimi të dy kandidatëve për kryetar të Prokurorisë së Posaçme. “Por do të paralajmëroj shqiptarët se ky mercenar po fsheh dokumente krimi të kandidaturave që kërkon t’i nxjerrë. Dhe këtu do jemi. Po fsheh dokumente që inkriminojnë dy kandidaturat që ai mbështet……Unë rezervoj të drejtën t’u them ju këtu se ç’dokumente ka fshehur në momentin kur të dalë në skenë. Por kam informacione të plota se ky fsheh dokumente të personave që kërkon t’i kandidojë për kryetar.
    Ky ka hall, pasi e gënjeu Edi Rama se i tha se do të ndryshoj Kushtetutën dhe vazhdo ti këto, dhe mbeti pastaj ashtu siç është…Kush tha? Në fakt e kundërta. Më vjen keq. Në fakt ai në mënyrë të përsëritur, të paktën mund t’i numëroj në komisionin parlamentar, në konferencën për shtyp, në konferencën tjetër për drejtësi, ai e ka kërkuar…Unë atë nuk e kursej, se ai ishte xhelat i policisë sekrete hoxhiste, por ai nuk e shndërroi në tabu zgjatjen e mandatit dhe ndryshimin e Kushtetutës për krimet që kanë kryer këta. Jo, sepse ky pse e do atë? Ky ka fshehur krime. Ky fle mbi krime. Ky fle mbi dosje krime. Edhe njëherë, ku është Aruba? Pse duhet ta marrësh ti Arubën nga një gazetar italian në një kohë kur dosja është këtu prej vitesh? Unë nuk merrem kurrë me kandidatura, unë respektoj Kushtetutën dhe përcaktimin që ka Kushtetuta për këtë. Nuk ka asnjë tagër, asnjë drejtues politik të implikohet në një procedurë që është strikt e trupit të prokurorëve.”, tha ndër të tjera ish-kryeministri Sali Berisha.