Gentiana Nano u dërgua në urgjencën e spitalit të Korçës tre ditë më parë pasi kishte shfaqur probleme në frymëmarrje. Pas trajtimit në shërbimin e urgjencës ajo u dërgua në shtëpi, megjithatë sipas familjarëve ajo sërish nuk ishte mirë. Një ditë më parë i biri dhe bashkëshorti e gjetën 49-vjeçaren të pajetë në dhomë.
“Shërbimet e Komisariatit të Policisë Korçë, referuan materialet në Prokurori, për vlerësim, pasi familjarët e shtetases G. N., 49 vjeçe, që humbi jetën në Spitalin Rajonal Korçë, më datë 16.11.2025, kanë kallëzuar për neglizhencë gjatë trajtimit mjekësor.
Materialet proedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.”- njofton policia.
Djali i saj Erdiol Nano ka hedhur akuza kundrejt mjekëve të spitalit të Korçës duke thënë se këta të fundit nuk kanë treguar kujdesin e nevojshëm për nënën e tij.
“Mami thoshte që nuk jam mirë, e ndjej veten të lodhur dhe kam rrahje të larta të zemrës. Nuk ishte mirë dhe tha do të shkojmë në spital. E çuam, ju bënë kontrollet, i thanë që kishte anemi, i dhanë disa mjekime dhe u larguam. Ajo vazhdonte të thoshte që nuk ndihet mirë por doktorët s’na thanë asgjë dhe e nxorën. Si mundet të lesh një njeri të largohet kur ai të thotë nuk ndihem mirë?
Dua të di përse mjekët nuk na thanë çfarë duhet të bënim? Pse nuk e lanë në spital por e nxorën? Si e lanë të ikte nga spitali në atë gjendje? Sot më ndodhi mua, nesër mund ti ndodhë dikujt tjetër”, tha ai dje për mediat.
Tag: dhanë
-
“I dhanë mjekime dhe e larguan”, vdekja e 49-vjeçares në Korçë, policia nis hetimet për neglizhencë mjekësore
-
U dhanë para me fajde dhe më pas dhunuan babë e bir, arrestohen dy të rinjtë në Elbasan
Dy të rinj janë arrestuar në Elbasan për dhunë.
Sipas uniformave blu, në pranga ranë shtetasit me iniciale P. G., 21 vjeç, dhe D. S., 23 vjeç, pasi u dhanë para me fajde dy personave, babë e bir, të cilët i kanë dhunuar që t’iu kthenin shumën e parave
Të 2 të arrestuarit, me precedent penal në fushën e narkotikëve, armëmbajtjes pa leje dhe krimeve kundër personit.
Sekuestrohen 1 automjet dhe 3 celularë.
Punohet për dokumentimin e rasteve të tjera të dhënies së parave me fajde, nga 2 shtetasit e arrestuar.
Seksioni për Hetimin e Krimeve ndaj Pasurisë, në bashkëpunim me Komisariatin e Policisë Elbasan, organizoi dhe finalizoi në drejtimin e Prokurorisë, operacionin policor të koduar “Threat”, si rezultat i të cilit u arrestuan në flagrancë shtetasit:
P. G., 21 vjeç, dhe D. S., 23 vjeç, të dy banues në Elbasan.
Nga hetimet dyshohet se këta, gjatë dy muajve, kanë dhunuar fizikisht dhe kanë kanosur 2 shtetas (babë e bir), që ata t’iu kthenin shumë e parave që shtetasit P. G. dhe D. S. ia kishin dhënë me fajde.
Materialet procedurale i kaluan Prokurorisë, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim dhe “Ushtrimi pa licencë i veprimtarisë bankare”.Top Channel
-
Mentja përmirëson vigjilencën kur jeni të sëmurë me ftohje
Sipas një studimi, konsumimi i mentes mund të rrisë vigjilencën tek njerëzit që vuajnë nga ftohja e zakonshme.
Shkencëtarët në Universitetin e Cardiffit shqyrtuan nëse të ftohtit ndikonte në humorin dhe performancën, dhe nëse këto efekte mund të hiqeshin duke thithur aromë menteje.
Ata monitoruan 81 studentë gjatë 10 javëve dhe gjatë asaj kohe 17 pjesëmarrës zhvilluan një sëmundje të lehtë të traktit të sipërm respirator.
Gjashtë prej pjesëmarrësve të sëmurë iu dhanë mente, gjashtë prej tyre iu dha karamele dhe pesë prej tyre nuk iu dhanë ëmbëlsira.
Nga 64 grupet e shëndetshme të kontrollit, 21 thithën mente, 22-ve iu dhanë karamele placebo dhe 21 nuk hëngrën asnjë ëmbëlsirë.
Pjesëmarrësve të shëndetshëm dhe atyre të sëmurë iu dhanë teste për humorin, performancën dhe detyrat e reagimit në kohë.
Studimi konfirmoi se të kesh një ftohje shoqërohej me kohë reagimi më të ngadaltë, lëvizje më të ngadalta të syve dhe vigjilencë të reduktuar.
Ata zbuluan se thithja e një menteje rriti vigjilencën si tek ata me ftohje ashtu edhe tek ata që ishin të shëndetshëm.
Por nuk kishte efekte të rëndësishme nga thithja e një menteje në performancë.
Ata zbuluan se ngrënia e mentes ndikonte në gjendjen e keqe, sepse qetësonte sinjalet nga trupi në tru.
“Kur njerëzit janë të sëmurë me një sëmundje të lehtë të traktit të sipërm respirator, ata ka të ngjarë të përjetojnë keqardhje – një shqetësim të përgjithshëm dhe mungesë mirëqenieje. Kjo mund të ndikojë në performancë dhe të zvogëlojë vigjilencën tonë”, tha Dr. Andy Smith, i cili udhëhoqi hulumtimin.
“Avujt dihet se kanë përfitime terapeutike – dhe aromatikët, siç është menta, janë treguar në hulumtimet e mëparshme se kanë një ndikim në mirëqenien tonë kur jemi të sëmurë dhe në shëndet të përsosur. Ne menduam se ishte e besueshme që mentet mund të ndihmonin në uljen e gjendjes së keqe të lidhur me ftohjen e zakonshme dhe simptomat e saj”, tha ai.
Rezultatet konfirmuan se sëmundjet e zakonshme të ftohjes shoqërohen me shpejtësi më të ngadaltë psikomotore dhe vigjilencë të reduktuar, tha Smith.
“Por thithja e një menteje, krahasuar me një karamele me gjalpë ose asgjë tjetër, gjatë një ftohjeje mund të rrisë vigjilencën tuaj. Këto rezultate tregojnë se, me kuptimin e duhur, mund të bëhen gjëra të thjeshta për të përmirësuar mirëqenien tonë kur nuk jemi mirë – dhe kjo përfshin ngrënien e një menteje për të ndihmuar me një ftohje.”
Studimi “Efektet e sëmundjeve të lehta të traktit të sipërm respirator dhe thithja e mentes në humor dhe performancë”, është botuar në World Journal Of Pharmacy And Pharmaceutical Sciences./ DPA News.
-
Dhanë dorëheqjen pas urdhrit të Ramës po nuk u larguan, ja kush janë drejtorët e bashkisë Durrës që vijojnë punën
Tre muaj pasi drejtorët e Bashkisë së Durrësit dhe ndërmarrjeve në varësi të saj dhanë dorëheqjen pranë kryetares së bashkisë Emiriana Sako, vetëm një pjesë e tyre janë larguar nga drejtimi.
Të tjerë, me pozita më të forta, nuk kanë lëvizur nga detyra dhe sipas burimeve nga kjo bashki, do të vijojnë të jenë drejtues të drejtorive përkatëse, mes të cilëve dhe Roni Shqopa, Ardian Iljazaj, Valbona Qirjako etj. Në detyrë mësohet se do të qëndrojnë dhe dy nënkryetarët e bashkisë Elio Jani dhe Gentian Kallmi, raporton korrespondentja e Top Channel Vali Qyrfyçi.
Ndërkaq dorëheqja e administratorëve të njësive administrative në zonat rurale dhe qytet qe pranuar në shtator nga Sako dhe ata janë zëvendësuar në fund të muajit shtator dhe fillim të tetorit.
Dorëheqjet u dhanë menjëherë pas kërkesës së kryeministrit Rama për një rifreskim të stafeve drejtuese në bashki dhe jo vetëm.
Për 5 nga drejtorët e larguar, deri tani, Bashkia e Durrësit ka shpallur pozicion për vend të lirë pune.
Më poshtë, lista e drejtorëve të bashkisë dhe ndërmarrjeve të saj të cilëve u është zyrtarizuar largimi dhe e të tjerëve që e mbajnë detyrën.
-Roni ShqopaDrejtoria e Taksave dhe Tarifave vendore – Qëndron në detyrë
-Ardian IljazajDrejtoria e Shërbimeve – Qëndron në detyrë
-Valbona QiriakoDrejtoria e Buxhetit – Qëndron në detyrë
-Lorenc SmajliDrejtoria e Turizmit – Qëndron në detyrë
-Alneida RroshiDrejtoria Ligjore – Qëndron në detyrë
-Oneda DeliallisiDrejtoria e Auditit të Brendshëm – Qëndron në detyrë
-Meme XhaferajDrejtoria e Shërbimit Social – E larguar
-Lorenc FacjaDrejtoria e Projekteve dhe Infrastrukturës Publike – I larguar
-Ermal LufoDrejtoria Ekonomike – I larguar
-Robert DervishiDrejtoria e Planifikimit dhe Kontrollit të Zhvillimit të Territorit – I larguar
-Ardian GurraDrejtoria e Arsim -Kulturë- Sport-Komunitete Fetare – I larguar
-Dhurata GjokaDrejtoria e Burimeve Njerëzore – Del në pension
-Vasip Çopa, Policia Bashkiake – I larguar
-Dorian Mema, Inspektoriati i Mbrojtjes së Territorit – I larguar
-Leonard Haka Drejtoria e Pastrim Gjelbërimit, kalon drejtor te APU (Agjencia e Parqeve Urbane)
Alton Kasembi, APU, kalon drejtor te Ndërmarrja e Pastrim Gjelbërimit
-Aljon HyskoDrejtoria e Rrugëve – Qëndron në detyrë
-Ermal KapllaniDrejtor i Ndërmarrjes Komunale Plazh – Qëndron në detyrë -
Tre muaj pasi dhanë dorëheqje si drejtorë në bashkinë Durrës, një pjesë e madhe e zyrtarëve vijojnë ende në krye të detyrës
Tre muaj pasi drejtorët e Bashkisë së Durrësit dhe ndërmarrjeve në varësi të saj dhanë dorëheqjen pranë kryetares së bashkisë Emiriana Sako, vetëm një pjesë e tyre janë larguar nga drejtimi.
Të tjerë, me pozita më të forta, nuk kanë lëvizur nga detyra dhe sipas burimeve nga kjo bashki, do të vijojnë të jenë drejtues të drejtorive përkatëse, mes të cilëve dhe Roni Shqopa, Ardian Iljazaj, Valbona Qirjako etj. Në detyrë mësohet se do të qëndrojnë dhe dy nënkryetarët e bashkisë Elio Jani dhe Gentian Kallmi, raporton korrespondentja e Top Channel Vali Qyrfyçi.
Ndërkaq dorëheqja e administratorëve të njësive administrative në zonat rurale dhe qytet qe pranuar në shtator nga Sako dhe ata janë zëvendësuar në fund të muajit shtator dhe fillim të tetorit.
Dorëheqjet u dhanë menjëherë pas kërkesës së kryeministrit Rama për një rifreskim të stafeve drejtuese në bashki dhe jo vetëm.
Për 5 nga drejtorët e larguar, deri tani, Bashkia e Durrësit ka shpallur pozicion për vend të lirë pune.
Më poshtë, lista e drejtorëve të bashkisë dhe ndërmarrjeve të saj të cilëve u është zyrtarizuar largimi dhe e të tjerëve që e mbajnë detyrën.
-Roni ShqopaDrejtoria e Taksave dhe Tarifave vendore – Qëndron në detyrë
-Ardian IljazajDrejtoria e Shërbimeve – Qëndron në detyrë
-Valbona QiriakoDrejtoria e Buxhetit – Qëndron në detyrë
-Lorenc SmajliDrejtoria e Turizmit – Qëndron në detyrë
-Alneida RroshiDrejtoria Ligjore – Qëndron në detyrë
-Oneda DeliallisiDrejtoria e Auditit të Brendshëm – Qëndron në detyrë
-Meme XhaferajDrejtoria e Shërbimit Social – E larguar
-Lorenc FacjaDrejtoria e Projekteve dhe Infrastrukturës Publike – I larguar
-Ermal LufoDrejtoria Ekonomike – I larguar
-Robert DervishiDrejtoria e Planifikimit dhe Kontrollit të Zhvillimit të Territorit – I larguar
-Ardian GurraDrejtoria e Arsim -Kulturë- Sport-Komunitete Fetare – I larguar
-Dhurata GjokaDrejtoria e Burimeve Njerëzore – Del në pension
-Vasip Çopa, Policia Bashkiake – I larguar
-Dorian Mema, Inspektoriati i Mbrojtjes së Territorit – I larguar
-Leonard Haka Drejtoria e Pastrim Gjelbërimit, kalon drejtor te APU (Agjencia e Parqeve Urbane)
Alton Kasembi, APU, kalon drejtor te Ndërmarrja e Pastrim Gjelbërimit
-Aljon HyskoDrejtoria e Rrugëve – Qëndron në detyrë
-Ermal KapllaniDrejtor i Ndërmarrjes Komunale Plazh – Qëndron në detyrëTop Channel
-
A e priste FBI në aeroport apo nuk i dhanë vizë?/ Berisha: Di që Rama i anuloi të gjitha përgatitjet për takime në SHBA
Kreyetari i Partisë Demokratike, Sali Berisha ka hedhur dritë mbi zhvillimet e fundit në lidhje me vizitën e anuluar të kryeministrit Edi Rama në takimin e OKB-së që u zhvillua në New York.
Nëse e priste FBI në aeroport apo nuk i dhanë vizë, Berisha u shpreh para gazetarëve në selinë blu, se ajo që dihet me saktësi është se Rama i anuloi të gjitha përgatitjet që kishte bërë për takime në SHBA.
Berisha: Tani unë e kam deklaruar këtu, që prej disa muajsh Ramaduro i ngërthyer nga kartelet e drogës, ka vetëm një temë, kulla, ndërtime, arkitektë. Kjo që bën ky, tregon korrupsionin e tmerrshëm të këtij sistemi që vendosi.
Të gjithë ata që kanë shkelur ligjin, në mënyrë absolute e kanë bërë kundrejt pagesës, e kanë bërë kundrejt pagesave të majme të zyrtarëve të kësaj administrate.
Ata vazhduan. Arben Maloku, e të tjerë siç janë, 4-5 vite më parë u kapën me pallate krejtësisht pa leje dhe Edi Rama mori vendimin që të ua legalizojë. Të ua shesë po atyre.
Kështu që këto nuk janë asgjë tjetër vetëm përpjekjet e një njeriu të dështuar dhe të korruptuar, për të mbuluar me zhurmë skandalet e tij të tmerrshme ndërkombëtare.
Mos harroni edhe njëherë. Në OKB ishte presidenti i Iranit, nuk shkoi do Edi Rama, nuk shkoi dot.
E priste FBI te dera e aeroportit apo nuk e priste, unë nuk e di.
I dhanë vizën apo nuk i dhanë vizën, këto nuk i di.
I anuluan ftesën për në pritjen e presidentit Trump apo nuk ia anuluan këto nuk i di. Por di që ky nuk shkoi dot dhe të gjitha përgatitjet që kishte bërë i anuloi.
Tani kërkon të tërheqë vëmendjen e qytetarëve me gjëra krejtësisht të tjera.
Pra një përpjekje thjeshtë për të tërhequr, për të deklaruar se Maliqin që ndërtova do ta kthej në ligj tani.
-
Bashkitë dhanë 352 leje ndërtimi në tre muaj! Gati gjysma e lejeve u dhanë vetëm në Durrës
Numri i lejeve të ndërtimit të miratuara nga bashkitë gjatë tremujorit të dytë të 2025 ishte pothuajse i njëjtë me atë të së njëjtës periudhë të një viti më parë.
Sipas INSTAT, nga marsi në qershor të këtij viti, bashkitë dhanë 352 leje për ndërtime në territoret e tyre, ndërkohë që për të njëjtën periudhë të një viti më parë ishin dhënë 354 leje.
Por, pavarësisht se numri i lejeve është thuajse i njëjtë, sipërfaqja e ndërtimit këtë tremujor është shumë më e vogël.
Sipërfaqja gjithsej e parashikuar për ndërtimet në këtë tremujor është 278 mijë m², duke shënuar një ulje prej 67%, në krahasim me tremujorin e dytë të vitit 2024, kur u miratuan ndërtime me sipërfaqe 844 mijë m².
Rënia e sipërfaqes së ndërtimit është reflektuar edhe tek vlera e përafërt e ndërtimeve të parashikuara.
Më konkretisht, INSTAT raporton se vlera e projekteve të miratuara (që përfshin si ndërtesat ashtu edhe punimet inxhinierike) arriti në 18,4 miliardë lekë, duke shënuar një ulje prej 45,5%, krahasuar me një vit më parë, kur ajo kapi shifrën e 33,7 miliardë lekëve.
Ndërtimet për banim përbëjnë pjesën më të madhe të lejeve të reja, me 271 të tilla dhe sipërfaqe ndërtimi 119 mijë m².
Ndërkohë, ndërtesat jo-rezidente (si hotele, ndërtesa tregtare dhe industriale) zënë pjesën tjetër me 81 leje ndërtimi dhe 159.338 m² sipërfaqe.
Sa u përket zonave, qarku i Durrësit mban peshën kryesore me 156 leje ndërtimi të reja dhe sipërfaqe ndërtimi 129 mijë m².
-
Biankës i dhanë serum për ta paralizuar, ia hoqën dhëmbët..
Në duart e hetuesve dhe policëve, që provuan çdo formë torture ndaj 20-vjeçares, ajo nuk u dorëzua. Bianka nuk i nxori kurrë fjalët që ata kërkonin… edhe kur i dhanë serum për ta paralizuar
Edhe pse më pak në numër sesa burrat, gratë nuk kanë munguar në hetuesitë, sheshet e pushkatimit, burgjet dhe kampet e punës së detyruar të diktaturës komuniste. Edhe pse me një trup më të brishtë. Ato nuk u kanë shpëtuar torturave mesjetare të krijuara nga mendjet e sëmura, që merrnin në dorë jetën e njerëzve të pafajshëm që nga çasti i arrestimit të tyre.
Si në rastin e viktimave burra, mes tyre ka pasur intelektuale, mendje të kultivuara e personalitete të spiktatura që e kundërshtuan haptazi të keqen.
Por nuk kanë munguar as gratë e thjeshta, me pak ose aspak arsim e mundësi në jetë, e gjithsesi, me një bërthamë të fortë virtytesh për shpirt, i cili nuk u mposht deri në frymën e fundit.
Disa gra tashmë njihen për heroizmin e tyre, të tjera ende jo. Disa histori janë zbuluar, të tjera i gjen në dokumente e botime më pak të njohura.
Marie Shllaku, Elena Shllaku dhe Bianka Krosaj
Libri “Premtimi i përmbushur” i Gjon Sinishtës, i botuar në ShBA, në vitin 1976 dhe i publikuar në shqip, 40 vjet më vonë, përmend disa prej tyre.
Që nga Marie Shllaku, shkodranja e njohur që dashurinë për Kosovën, komunistët ia llogaritën për krim. Te një listë motrash katolike që i shtohen martirëve që dhanë jetën për besimin e tyre deri te besimtaret e thjeshta që u torturuan.
E megjithatë, nuk i treguan patriotët antikomunistë të fshehur maleve. Si Elena Shllaku, që u dënua me 20 vjet punë të detyruar. Dhe Bianka Krosaj, që humbi jetën pas 14 muajsh në qelinë e ftohtë ku u sëmur nga tuberkulozi.
Bianka, nga fshati Kaçinar i Mirditës, ishte vetëm njëzet vjeçe kur u arrestua në gusht të 1947-ës, shkruan Sinishta në kapitullin me profile martirësh. Të marrë nga numrat e revistës “Zani i Katolikëve shqiptarë në mërgim”, të viteve 1957-1958.
U akuzua se kishte ndihmuar luftëtarët antikomunistë në male, duke u çuar ushqime e barna. Që ditën e parë të burgimit, filluan ta torturonin brutalisht.
E torturuan me shkopinj e me litar të lagur. I futën vezë të ziera në sqetull, derisa lëkura e njomë iu mbush me flluska djegieje. Çdo ditë, e torturonin me korrent, në të gjitha pjesët e trupit. Duke qenë se ajo nuk u dorëzua para gjithë kësaj egërsie mizore. Policia e detyroi të gëlltiste një kilogram kripë dhe nuk i dhanë asnjë pikë ujë, për dy ditë.
I dhanë serum për ta paralizuar
Njëherë ia mbushën kokën e trupin me pleshta (torturë makabre e shpikur nga fantazia e sëmurë e komunistëve ruso-shqiptarë). I bënë edhe një serum për t’i paralizuar arsyen e për t’ia dobësuar vullnetin. Por kjo djallëzi nuk pati efekt te kjo heroinë shqiptare.
Nga goja e saj, nuk doli asnjë fjalë që mund të tregonte se ku fshiheshin patriotët antikomunistë, që luftonin kundër shtypjes. Me një forcë mbinjerëzore, Bianka Krosaj i duroi të gjitha torturat e nuk foli kurrë.
Policët i xhindosi aq shumë qëndresa e saj, saqë ia hoqën dhëmbët me darë e ia shkulën flokët. Kjo torturë zgjati për 14 muaj në një qeli të ftohtë betoni. Derisa ajo mori tuberkulozin. Në pranverë e 1949, Bianka Krosaj vdiq duke dhënë një shembull se si të besojmë në Zotin, e se si të fitojmë kundër armiqve të Zotit e të Atdheut.
Autori i këtij libri, Gjon Sinishta, ish-student i Seminarit Papnor në Shkodër, është një i mbijetuar i regjimit komunist.
U arratis nga Shqipëria për në ish-Jugosllavi, e më pas, në ShBA, ku edhe e shkroi dhe botoi këtë libër si një premtim ndaj Zotit dhe bashkëvuajtësve. Për të rrëfyer historinë e persekutimit të klerit katolik nga komunistët.
Ai ka shfrytëzuar jo vetëm botimet e katolikëve në ShBA, por edhe dëshmitë e të njohurve, të arratisur nga Shqipëria, që kishin parë nga afër vuajtjet e të persekutuarve, dhe njihnin historitë e tyre të toturave dhe qëndresës./kujto.al
-
KËNGA E NJË EMRI TË LAVDISHËM TË HISTORISË – “ALI PASHË GUCIA Heroi i Plavë e Gusisë, i Pejës, Rekës e Malsisë. Fitimtar mbi malazez, serbë e rusë në Betejën për Nokshiqin qindpërqind shqiptar”
Sali Kabashi: “ALI PASHË GUCIA Heroi i Plavë e Gusisë, i Pejës, Rekës e Malsisë. Fitimtar mbi malazez, serbë e rusë në Betejën për Nokshiqin qindpërqind shqiptar”.
Edhe pas betejës së përgjakshme, Nokshiqi mbeti qindpërqind shqiptar. Sllavët e Jugut e ndihmëtarët e tyre nga Rusia u mposhtën nga trima e trimëresha të Rugovës, të Pejës e të Gjakovës.
Trimin e bedenave të Pejës e vrau tradhtia. Më vonë Cërnagorja e Serbia e dogjën dhe e poqën Nokshiqin e Historisë. Aty as sot e kësaj dite nuk ka mbetë asnjë shqiptar, as shtëpi shqiptare.
Varri i Ali Pashë Gucisë gjendet brenda rrethit të Qarshi-Xhamisë në Pejë. Kryeheroi i qytetit të lavsishëm ka mbi njëqind vjet që injorohet jo veç nga pushtetet okupatore të shekullit XX, por edhe nga ky i shekullit tonë të Lirisë e të Pavarësisë.
Ky emër i madh i Historisë është personazh këngësh të shumta historike, të kënduara nga rapsodë zulmëmëdhenj si Dervish Shaqa, Salih e Feriz Krasniqi, Riza Bllaca, Bajrush Doda e shumë të tjerë. Këto këngë paraqesin një kompensim për injorimin e pushtetarëve injorantë në histori.
Rapsodi popullor, përmes tekstit e këndimit, e ka nxjerrë dhe e ka ruajtur lavdinë e të Madhit hero, Ali Pashë Gusisë!
PS. Këtu po e sjell të kënduar nga i madhi rapsod i Kosovës, Bajrush Doda, njërën nga shumë këngët kushtuar të lavdishmi Ali Pasha. Së bashku me transkriptin që i bëra kësaj kënge rapsodike, mbrëmë e sot, në Gjurakovcin e Podgurit që dikur ishte pjesë e Pashallëkut të Ali Pashë Gucisë me seli në Pejë.
Ali Pasha koka çu në kambë,
po i mbledh hoxhtë e ylemanë:
Hajdni sod ta këndojmë nji ferman,
du me shku te Mbreti n’Stamboll,
du me e pvete Babën për Vatan,
a ta mbajmë Babë a ta Ishojmë…Ali Pasha na u çu ne kambë,
në Stamboll te Mbreti po shkon,
në nji xhami po ma fale xhumanë.
O prej xhamie pasha kur o dalë,
po e gjon Pasha nje telall.
Ndal telallit i paska thanë!Sa po lypé ty pare me tē dhanë?
krejt Stambollit haber me mi dhanë:
Ali Pashën kush t’don me e pa…
Ai telalli koka çu në kambë,
krejt Stambollit haber i ka dhanë.
I madh e i vogël n’ulicë janē dalë.Ali Pashës po i rrijne n’selam.
E kjo raja po bojke seri,
qysh n’Shipni me pasë kêsi njeri…
Bon konak te Sadriazemi.
Ali Pashës çka i tha Mbreti:
A m’ki pru ti Pashë far’ haberi?
Me t’kallxu Babē ty po t’vjen seri.Mos nxafsh besë ty t’kallxon tefteri:
Tridhet krena i ka nxjerrë nji njeri!
N’lypsh me e emen-Jakup Feri.
Jakup Feri kur ka liftue,
katër krena i ka nxjerrë një grue!
S’ish kanë gru po ish kanë çikë…Motra e Zhujës sokolicë,
katër vetë i ka pre sakicë.
Ali Pasha u çu n’kamë:
Izë, Bablok i ka thanë me m’dhanë!
Pe dvetë Babën për Vatan.
A ta mbajmë Babë a ta Ishojmë?Çka i ka thanē Pashës Dovleti?
Mbanje besen ju ndërmet veti-
s’ka çka u bon kurrfarë mileti.
More Pashë Dovleti i ka thanë,
sa t’mi rrini Knjazit përballë,
t’çoj barut e buk’ të bardhē.I tha Pasha more Dovlet,
çom barut sa t’du vet,
për Shtatë krajla hiç mos e ki dert.
Udha mbarë Pashës i ka thanë,
shumë bakshishin ai ja ka dhanë,
treqind lira e bukē të bardhë
do nishana për bajraktarē.
Ali Pasha rrugën e ka marrë.N’Selanik kur koka ardhë
Vesel Pasha para i ka dalë:
A muj erdhe Pashës i ka thanë,
a t’tha Mbreti për mu’ ndoj fjalë?
Qysh s’em tha mor’ faqezi,
a s’po e sheh te mjeren Shipni?Katër krala asaj ia kan’ msy,
po dojne t’gjalle t’shkreten me e perbi,
e s’osht mbet more sa nji kuti
Sa ‘i kuti e sa nji bashqe!
Po kjan Pasha me lot për faqe.